Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984

GAS NEWS Agency : KIM JOEBooking :5th. April., 2017 to 5th.May., 2017delivery :22-08-2017 (tUe) Time :9AM-tillstockSTOCK: 306 enquire for 5kg LPG

GAS NEWS Agency : SASBooking :19th. March., 2017 to 19th. April., 2017delivery :22-08-2017 (tUe) Time :9AM-tillstockstOCK : 306/-rate:Rs. 626/-

HmasawnnaTharVol-32/302 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

THLAZING(AUGUST) 22, 2017 THAWLENI (TUESDAY)

Contact Numbers pawimaw : dC/CCpur : 03874-234234 sp/CCpur : 03874-236747 police station : 03874-202248 sp Control room: 03874- 233239 dist. Hospital Casualty : 03874-233370 Fire Brigade : 8974 147 799/ 8258 057 887 / 8974 103 600

SP Hotline Number 7085-256-377

NEWS TOMkiMCHANCHIN LAKTAWITrade tum tum

training theiCCPUr: SBI-RSETI, Bijang (near Partnership Mission Society) a chun sin neilo \halai kum 18-45 inkar, ziek le tiem thei hai ta dingin Videography and photography, Pig-gery, Mushroom le Beauty Parlour Management hai training thei a ni a, BPL category-a mi hai ditsak bik ning an ta, training nuom hai ta dingin an hma tienga ngaiven ding a nih. Videography and pho-tography hi Sept. 4, 2017 a inthawk training \an ding a ni a, Piggery hi Sept. 12, 2017; Mushroom hi Sept. 25, 2017 le Beauty Parlour Manage-ment hi Sept. 30, 2017 a in-thawk \an ding an nih.

Real Madrid le Deportivo inkhel

huna Sergio Ramos in Red

Card- P4

Zu le Drugs zawr an khapCCPur: Rengkai Village Authority le Vengbuk tina Welfare \huoituhai chun August 17, 2017 khan meeting an nei a. Hi huna hin August 21, 2017 a inthawk Rengkai khawsungah inruithei (Zu le Drugs) zawr khap tlat dingin an rel. Hi le inzawm hin vengbuk tin Welfare Commit-tee hai nasa lema hma la zawm pei dinga inhriettir an ni a, khapna thusuok inzalo mana um hai chungthu a nat thei anga taka rel ning a tih tiin Village Authority thusuok chun a hril. A zawr hlak hai chu zilna pek ning an ta, chu hnunga an la zawr nawk a ni chun khawtlangin ensan annawleh khawsunga inthawk hnawtsuok ning an ta. Khaw puotiengmi/vengdangmi khawsunga hung zawr man an ni chun an chungthu na taka rel ni bawk a tih tiin Rengkai VA thusuok chun a hril.

Medical Directorate-a Pherzawl District hming ‘Ferjol’ tiin an ziekCCPUr: Manipur state sunga District 9 um hai bakah Manipur sawrkar hmasa in District thar 7 (Jiribam District, Kakching District, Kangpokpi dis-trict, Noney District, Pher-zawl District, Kamjong District le Tengnoupal Dis-trict) a siemna December 9, 2016 a Manipur Gazette Notification an suo a khan hieng district thar hai hi a hming indik taka ziek a ni laiin ‘Pherzawl’ hming hi zieksuol a ni rawp el. Pu M. Biren Singh in-rawinaa Manipur-a BJP sawrkarin Imphal-Pherzawl chen service dinga Bus a hung tir hmasa \um khawm khan ‘Pherzawl’ hi zieksuol a ni a. Hieng laizing hin Medical Directorate Office, Imphal-a Manipur-a District lo um tasa 9 bakah District

thar hai hming A4 size paper-a print suok banga

an tar a chun Pherzawl chu ‘Ferjol’ tia inziek tulai hnai el khan hmu nawk a nih tiin mi ringum taka inthawk thu dawngna chun a hril. Mimal hming ziek in-diklo hman ei ngai theinaw hle laizing, Official Gazette Notification-a indik taka ziek nisi hienga District hming meu indiklo taka ziek a ni rawp hi Manipur sawrkar hin ngaimaw deu sien nuom a um. Sawrkar-a thil thawna ding haia hming thumal pakhat inanglo ringawt hmanin pawi nasa tak a tawk thei zie hretu Government servant han hienganga District hming nawmna taka an ziek rawp hi a um nawk ta nawna dingin thuneitu han official hai zilhauna pe ngei hai sien nuom a um.

Saikot SDO staff hai \awng- \aipekna hunser hmang

SAIkAWT: Saikot Sub-Division Demand Commit-tee hmalaknain August 21, 2017, 11AM khan Saikot Sub-Divisional Office (SDO) a Revenue staff ding sawrkarin a hung pek ta le inzawma SDO staff hai ta dinga \awng\aipekna hun SDO, Saikawt hmuna nei a ni a, Rev. J.F. Lalro-puia chun SDO staff hai ta dinga \awng\aipekna a nei. Hi huna hin Saikot Sub-Division huopsun-ga Lal, Village Author-ity, Hnam \huoitu, HWA, HSA, HYA, YMA bakah Kohran \huoitu iemaniza-tin an uop a, Hmar Inpui president hlui Rev. Joseph D. Hmar le midang dang hai bakah Saikawt SDO Pi Lal\hazam, MCS le Pu Solomon L. Fimate, SDC hai khawmin thuhrilna hun an hmang. Hi huna thuhrilna hun hmangtu hai chun mipui hai inthuruolna leia hieng chen tlung thei a ni thu uor takin an hril a, hlawtling tung pei dinga ditsakna an inhlan.

Saikot SDO Office complex hi April 24, 2015 daia khah kha huna Mani-pur Chief Minister O. Ibobi Singh in a lo hawng ta a ni a. Office complex hawng a ni zo hun sawt tak a liem hnunga khawm Revenue staff le thawktu indainaw leia a ni ding ang taka function theilo a ni a. August 11, 2017 nia Revenue department thawktu ding Pu Solo-mon Infimate, SDC, Inao, Mandol; David Vanlalrem Joute, LDC le Ms Niang-khannem, LDC dinga sawrkarin a hung hung pek ta leiin Tribe, Income, Do-micile le document dang dang Saikot SDO a hin lak thei a ni ta ding a nih. Saikot Sub-Division in\hang mek le inzawm hin lawmna programme buot-sai tum a ni a, biel mipui, pawl, institution, Lal le VA hai lo inringlawk seng dingin SSDC chun ngenna siemin, SSDC hmalakna thlawptu mipui hai chun-gah lawmthu a hril.

ZPYF in Volley tournament

CCPUr: Zou Presbyterian Church Synod (ZPCS) hnu-oia Zou Presbyterian Youth Fellowship (ZPYF) chun zanikhan ZPCS Campus-ah Khanglaini Volleyball Tournament opening cer-emony an hmang a, chief Guest in Upa Langkhanpau Guite, MDC le functional president in Pumtulthang, MDC hai an \hang.

NASA in Mars a UFO hmuin

Internet a chawk lumlet

-P3

HPC(D) in ditsakna an inhlanCCPUr : Mizorama Hmar issue rel fel dinga HPC(D) le Mizoram Sawrkar inbiekna fe mek, a hmawr bawkna fel tak le \ha tak a um vat theina dinga inbiekna nei nawk hmaa Mizoram Sawrkarin Pu Lalhmingthang a pawlhai inhmupui a tum hi HPC(D) chun lawmum a ti a, Mizora-ma Hmar issue mitin pawm tlang thei inremna a um ngei theina dinga boruok \ha tak hnuoia inbiek tlangna nei din-gin ditsakna kan inhlan tiin August 20, 2017 khan John F. Hmar, Secretary, Info. & Publicity, HPC(D) General Headquarters, Sinlung chun Press Release a siem.

Security Audit thaw dingin CCPUr : Tulaia Chura-chandpur town sunga rukru an huongintau leiin Rakesh Balwan, SP, Churachand-pur chun Educational In-stitutions le Bank-hai chu Security Audit thaw dingin an hriettir. Tulai hnai el khan V.K. Tawna Collede, Ebenezer Academy le UCO Bank hai chu rukru han an

rawk a, hieng thil tlung hai leia Security Audit hai thaw dinga rawtna hi a hung um ni dinga ring a nih. Town sung venghimna dingin Po-lice Officer \huoinain town sunga hmun pawimaw deu haiah zan huna Police in duty tir (Quick Response Team) an nih tiin SP, Ccpur chun a hril bawk.

Media and Parliamentary Reporting thua Seminar

ImPHAL : Hungtlung ding September 6, 21017 khin Manipur Legislative Assembly chun “Media and Parliamentary Re-porting” ti thupuia hman-gin ni khat sung Seminar huoihawt a tim. Print le

electronic media House a Editor-hai chu an thawk-tuhai 2/3 seng bek hi Sem-inar-a \hang dinga tir tawl dingin Joint Director & PRO, Manipur Legislative Assembly chun ngenna a siem.

Sungkuo 47 hai kuomah LPG pekJIrIbAm : Pradhan Man-tri Ujjwala Yojana Scheme (UJJWALA) hnuoiah zan-ikhan Sivadas, ADC, Jiri-bam District le K. Gobad-hon, Manager, M/S Emoinu Gas Adency hai chun Jiri-bam a BPL sungkuo 47 hai kuomah a thlawnin LPG semin an pek tawl. Nuhmei-hai ngirhmun dawngsangna dinga LPG Cylinder le

Stove hai hi a thlawna BPL sungkuohai kuoma sem a ni a. Meikhu leia harsataka th-lai an suong hlak chu LPG an hmang hnung chun an harsatna a hung inkieng ka beisei tiin Sivadas in thu a hril huna a hril. K. Gobad-hor chun LPG Cylinder le Stove dawngtu hai chu LPG Cylinder le a thuk (stove) hmang dan an chuktir tawl.

India le China buoina chingfel ni vat tang a tih: Ruol ei thleng thei a, tuolbâwm ei thleng thei nawh, inremtaka um a \ha: HMNEW DELHI: Union Home Minister Mr Rajnath Singh chun, thla hni nêka sâwt India le China Doklam (Sikkim) ramri leia buoina chu tharum hmang lova ch-ingfel vat ta a beisei thu a hril a. China khawmin a \ha zâwnga hma a hung lak a beisei thu a hril. Hi thu hi India ramri Km 4, 000 neka sei vêng-tu Indo-Tibetan Border Security Police (ITBP) inkhâwmna New Delhi-a a hril a nih. “A sukfelna ding solution a hung um vat ta ka beisei a. China khawmin hma a hung lak ve ngei ka beisei bawk” tiin a hril. Home Minister chun, “India \henum rambung han lo hrie hai sien ka nuom chu, India chun indona nih lovin inremna le muongna a dit ti hi a nih. Buoina a suok ruok chun, ei sipaihai chun ramri hai an venghim hne taluo” tiin a hril. Pu Rajnath Singh chun, “Hringnuna hin miin nuom chun ruolhai a thleng thei a. Amiruokchu, mani \he-num/tuolbawmhai a thleng

thei naw leiin tuolbawmhai le inrem taka um hi a \ha a nih” tiin a hril a. Prime Minister Narendra Modi-in laklut a ni laia \henum rambung \huoituhai a fiel khawm kha, chibai inbuk ding ringawt ni lovin, in-rem taka um tlâng a nuom lei a nih thu a hril bawk. “India chu mi thaw hmasa chi (aggressive) a ni naw a, mi a la thaw ngai bawk nawh. A ram himna ding thuah inthlazal bawk naw nih. Khawvelah India do ngam ding an um nawh” tiin ITBP hai chu an sinthaw \hat lei le an inpekzona leiin an chun-gah lâwmthu a hril nghâl a. ITBP nasataka chawisang le an chêngna ding In \hahai bawl dan sawrkârin a ngaituo niin a hril bawk. ITBP hin J & K a in-thawka Arunachal Pradesh chen ramri 4, 057 hi an veng a nih. Chulaia Sik-kim (Doklam) laia Km. 245 vel chu ram pathum, India-Bhutan-China in\awm a um a. Hi Doklam tlângzâwl (plateau) lai hin a nih India

le China sipaihai June 16 a inthawka an innghirngho ta chuh. A ram hi Bhutan ta India-in a vengpek a nih a. China-in “Ka ta” tiin lam-lien hung siem a tum a. In-dia-in a lo dang leia buoi an ni a. China chun India chu a sipaihai hnukkir nawk din-gin a ngen a. India khaw-min a hmaa an umna ve vea kir dingin a rawta chu tuta an umna ah hin an um ve ve leiin ‘a pangngai’ angin thil a la um thei naw a nih. A tu tu khawm inh-nukkir an nuom naw laiin China chun kawng dang dang hmangin India chu thiemnaw inchangin an

\hi sen bawk a. Kar liemtah sung lem khan chun tactic hran hran a hmang nasa em em a, a \ul chun inkapna suok sien a ti amani ti ding khawpin thil a thawa India chu inhnukdawk vat dingin a ngen a nih. Doklam-a innghirng-hona a um zing laiin inde-pendence Day ni August 15 khawm khan J & K, Lada-kh biela Pangong Dil kaw-lah buoina siem tumin sipai iemani zat chu India ramri sung tieng an hung invak lut a. India sipai hai chu ‘human chain’ siemin an lo dang a. Lunga indengna chen tlungin sipai iemani zat an liem pha nghe nghe

a nih. Chinese Foreign Min-istry thupesawngtu Hua Chunying chun India chu ‘tharum insuo’ tiin an tum a. China sipai han Line of Actual Control (LAC) anni ram sung tieng ‘normal patrolling’ an fe lai India sipai han an lo dang leia buoina suok angin a hril a. “Thawluina hmanga India sipai han Chinese sipai an lo dang leia China sipai \henkhat hliem an nih” tiin a hril. India chun, hi thua hin local Army Commander hai ve ve inbiekna an nei tah a, buoina taluo a um ta nawh, tiin a hril. “China ruok chu a lungawi naw hle a, India kuomah a lungawi nâwkna thu na takin a hril a nih” tiin Hua chun a hril bawk. Hilai biel hi China chun an ram Aksai Chin tiin an ko a. Dil Km. 90 chu China ram tienga umin Km.45 chu India ram tienga um a nih a. Chinese sipai chu simtieng le hmartienga in-thawkin an hung lut zing

zing hlak a. India ram sung Km 5 chen, Finger Four an tina chen lamlien an hung siem tah a nih. India sipai hai chun US siem motor boat, infra-red, radar le GPS hai hmangin Dil hi an veng zing tah. Kum 1990s bawr laia in-bieknaa khan India chun “Kan ram sung” a tia chu China in lamlien (black top) a hung bawl ta tho a. May 2013 khawm khan hi lai hmuna hin kart hum vel an lo buoi tah. Doklam buoina leh inzawmna inneitira ‘in-dona’ chawk suok a tuma hriet a ni leiin India chun Doklam le inzawmna a nei nawh a, a hran ve vea suk-fel ding an nih tiin a hril a. “Ladakh-a thil tlung chîte mei meiin rambung pahni-hai inlaichinna a suksiet ding a ni nawh, a teneu ta-luo” tiin a hril a. Doklam buoina thu khawm hi a tira um angin tukhawm lungawi lo um lova inremna le muong a hung um thei ngei a beisei thu a hril bawk.

Mi mobile phone la pe-

ktu manCCPUr : Zani 3:30 PM vel khan Soilalsawm Gangte,s/o Kamthang of Khanpi, tuta Tangmuala um nia inhril chun I.B. Road-a nuhmei pahni lam-liena an lawn laiin, nuhmei pakhat lem mobile phone chawi lai chu a pawtthlak pek a, Tipaimukh Road tieng a tlan hmangpui a. Tlawmngai pasal \henkha-tin an hnawtzui nghal a, an man a, phone hi an lak-kir pek bakah an sawisak met zovin zilna \ha takin an pek a, hi zo hnung hin an insuo nawk. Tulai Churachandpur town sun-gah rukru an huongintau bakah misuol an pung lei-in mitin fimkhur hle ding a nih.

Khawpui sung fai le thienghlim lem dan ding an hriltlangCCPUr: Zani zantieng 3:30PM khan YPA GHQ Hall, Hiangtam Lamka hmunah CCPur khawpui sung fai le thienghlim lema siem dan ding chungthuah inrawntlangna nei a ni a, T. Paukhanlian, EM, (Medical & Industry), ADCC chun, khawpui sung fai le thieng-hlimna dinga ADC, CCPur in hmatienga hma a lak dan ding hai puonglangna a nei. Khawpui sunga hmunhnawk hai lakhawm-na tiengpang outsource a ni ding thu, suol dona kawn-gah NGO tum tum hai le Police \hangruola hmalak a ni ding thu le Dawr le

khawsung a hmunhnawk hai lakkhawmna sin thaw nuom an um chun Ten-der ko a ni ding thu hrilin hmunhnawk lakkhawma um hai Council Sanitary Truck hmangin Dumping Site-a thakhmang a ni ding thu a hril.

Hi le inzawm hin Dawr le In tina inthawk hmun-hawk dehawn man lak ning a ta, a sum percent tlawmte Council a peklut ning a ta, a dang po chu hmunhnawk lakkhawm le dehawnna dinga hmang a ni ding thu a hril. A \ul chun

Sanitary Truck khawm pahni-pathum hire system a hmang belsa thei a ni ding thu a hril. Tulai rukru nasa taka an huongintau na thua chun, inruithei dona nasa lema fepui a \ul thu a hril. Traffic thua chun, Traf-fic Control Police leh \hangruolin Pick-up/Drop-ping Point le No Stopping Zone hai siem dan ding ngaituo mek a ni thu hrilin, ni tlawmte hnunga Ten-der insuo a ni ding a ni a, inhnikna nei Philanthrop-ic Organisation, NGOs, Team/Club le pawl tum tum hai chu ngaiven dingin a ngen.

Khuga Battalion han thisen an pek

CCPur: Khuga Dam a um Khuga Battalion Sikh Light Infantry pawl chun District Hospital-a um damnaw thisen mamaw kuomah a thlawnin thisen an pek bakah thisen ma-maw hai ta dingin Thisen Unit 2 an pek bawk. Thisen an pek hi Lalminlien (35), h/o Hat-neu of Mata a ni a, a ril in-veng leia Sielmat Hospital & Research Centre a opera-

tion thaw a ni a, bleeding a um leia thisen pek \ula um a ni a, a sung han Khuga Battalion kuoma \hangpui-na an ngen dungzuia thisen hi an pek a nih. Thisen petu hai chu- Gurnam Singh, Kashina Th, Laxman Singh le Man-preet Singh hai an ni a, Lalminlien hi Unit 2 an pek a, Unit 2 dang chu thisen mamaw hai ta dinga Blood Bank-a an pek a nih.

Sangai sukpungna dingin sawrkarin theitawp a Suo: ShyamkumarImPhal: Forest and En-vironment Minister Mr Th Shyamkumar chun, sawrkâr-in Sangai popula-tion a pung theina dingin thei tâwp a suo zing a nih tiin a hril. Hi le inzawm hin Sangai hai umna tak Keibul Lamjao National Park siem\hatna ding khawm a ngaituo mek thu a hril. Hi thu hi One day Consultation-cum-Sensiti-zation Workshop on “Con-

servation of Sangai in Ma-nipur for State Legislature, Administrator and the Me-dia” ti Classic Grenade Ho-tel, Chingmeirong, August 2-a an neina huna a hril a nih. Program hi State For-est Department le Wildlife Institute of India, Dehradun hai huoihawt a nih. “Sangai hi ei State ran-sa (State animal) khawvel pumpui ah ama ang um lo, danglam bik a nih leiin

humhim le sukpung theina dinga ngaidân \ha, rawtna \hahai chu mi tukhawm mithiem, upa, local mi, Keibul Lamjao laia um, a chinchâng hre hai a inthaw-ka thurâwn mamaw a nih thu a hril. Thing phun le envi-ronment humhal ei hung chîng tah leia lâwmum a ti thu hrilin, ei kawl le kieng (environment) siem\hatna ding lem chu tuhin

sin thaw nghâl pei a \ul a nih a tih. Minister chun mimal, NGO/associations hai lai khawm danglamna hung umin environment pawimaw zie hrildar le hmalak a \ul ti hriea hma \huoitu an hung tah dam lâwmum a ti thu a hril a. Forest department thawktuhai khawm nasa nawk zuola \hang laa, mani sin seng ring taka thaw din-gin an fui tâwl. (DPIR).

Consultation on Climate

Change nei-P4

AIADMK faction hai

pakhatin an um nawk

tah-P3

Hmasawnna Thar2 THLAZING (AUGUST) 22, 2017THAWLENI TUESDAY) ArTICLE/HEALTH & EmPLOYmENT NEWS

Editorial Boardlalmalsawm sellate: Editor& Publisherroding l. sellate: Jt. Editor Joseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIChun an kuomah, “Khawvel popovah fe unla, thil siemhai po po kuomah chun Chanchin |ha hi hril ro. Tukhawm a awia, baptisma chang chu sanda-min um a tih; tukhawm a awi naw ruok chu thiem-naw changin um a tih. -marka 16:15-16

EditorialRukru an huongintau

ALL INDIA RADIO: CHURACHANDPUR PROGRAMMEDate: August 22 2017 (Thawleni)

TrANSmISSION- FM-101.4 Megahertz

Hours Studio/ Programme

4.53pm CR/P Signature

4.55pm Vande Mataram, Time Reading, Opening Announcement

5.00pm P Hyms to God (Hmar): Jessy Thanzam Sungte

5.05pm P Local Announcement/Prog. Summary

5.10pm P Minor Dialect (Kom): Darneimawi Kom & party

5.25pm PScience Hints(Hmar): “World first Hybrid Aeroboat

-by H. Alan Robul

5.30pm P

PAITE Prog. Sig. Tune & Announcement Announcer:G. Chiinngaihnem

1. Zamzadam & party (trad)2. Talk:”Structure of Language- Morphology and Etymol-

ogy” by Tualchin Neihsial

6.00pm PHMAR Prog., sig. Tune & Announcement

Announcer:Kamminlun1. Da Deserters (mod)

6:30PM PTHADOU Prog., sig. Tune & Announcement

Announcer: Nehkholet1. Demsei Haokip & party (dev)

7:00PMFarm & Home: Hmar1. Saikawt EFCI Thalaipawl (dev)2. Talk: Cultivation of Chillies- by Lalsiemlien

August 21, 2017-AIR, CCPur station Zingkar programme5:55AM-HymstoGod(Hmar):6:05AM- News In English6:10AM-LocalAnnouncement6:15AM-Paiteprog.:-Modernsongs6:40AM - Hmar Prog:- modern songs 7:05AM-Thadouprog:-PaoaPapaoNeihsial(Mod)7:30AM-RegionalnewsinManipuri7:45AM-MorningInformationService(Paite)8.15 le 8:30AM haiah morning news le NE news8:35AM-MinorDialect:Kom(dev)8:50AM-MinorDialect:Gangte(dev)9:05AM-MinorDialect:Kabui(mod)

I PAm HmAI- Part 3by Lalramhlun

Zote veng, rengkai

I Pâm hmai Part 2 kha Pu L. Remlien Zote Rengkai in Best Article a ti a, Part 3 hung ziek nawk rawh ami ti a, Ama kan za lei le ka lungrilah Part 3 chu Pathien thu ni ta sien tina lungril ka nei hrim hrim sa ani leiin, Part 3 ka hung ziek anih. Thiemnaw lang khawm Pathien thu ani leiin mi lo tiem pek seng dingin ka ngen cheu. Genesis 37:11, Chun a uhai chun ama chu an îtthik a, chang 18 ah, Anni chun hlataka inthawkin an lo hmuh a, an kâwl hnai a tlung hmain ama thatna ding thu an lo rawt tah a. Chang 23 a Chun Josef Zakuofuol rawng tamtaka \îel chu an lo hlîp pêk a. Chang 24 a Chun Josef chu khurah an thlâka, Chang28, a Chun Josef chu a un-auhaiin Midian Sumdawngtu hai kuoma tangka Sawm-hni in an zawr tah a. Josef chu a unauhai in anthika, a unauhai \awngbau \ha khawm a hlaw nawh. Chubaka, that an tum bawk, a silfen an hlip pek, khura anthlak, Midian hai kuomah tangka sawmhni in an zawr nawk nghal. Hieng ang lawm hin Josef chu a unau hai in sawisak hai sienkhawm, Pa-thien in a hmangaia, a en san nawh. Aigupta rama Hotu lien tak el Pharao dawttu in a \hang tah. Kanan rama \am nasatak el a thla ta leh. Josef unauhai Buphurin Aigupta rama an fe tah. Josef chun ama theidatu le sukrimsitu hai alo hmu tah. Phubalak nuom sien chu Phubalakna remchang tak anih. Anachu Phuba a lak nuom nawh. Anni chun Josef chu an hriet ta nawh. Josef ruok chun alo hriet vawng anih. Josef hi hmangaina a sip ani leiin a unauhai Pawisa hung chawi kha an hriet naw kar an ip sunga an thuntira, an Buphur po kha a khilai nawk nghal. Josef chun a sangpa Benjamin a ngai em em kha hmu dan a ngaituo tah. Insangpa Benjamin in hung \huoi naw chun ka hmel hmuthei naw ti niu ati tah. Phing\ama thi hlak an ngam si nawh. An sangpa Benjamin an \huoi tah. Josef kuom an tlung tah. Josef chun a unauhai po po a hmu kim vawnga, anni hlak chun an hriet nawh. Josef hlak chun a hriet vawnga, an sawisak dan hai khawm a hriet vawng. Anachu Phuba a lak nuom nawh. An fak ding thlai an suong tira, ienganga inhnik in am an suong ding, sipisial hleng a tih, ring aum anih. Josef chun a un-auhai |âm tuor hmel le asangpa |âm tuor hmel a hang hmu zet chun lunginsietna in a sip a, hmun danga a va \ap hrep anikha tie. A unauhai in hrenaw hai sienkhawm, Josef chun a hriet vawnga, in unaupa intheida em em, a zakuo inhlip pek le khura inthlakpa Josef kha ka nih khawm a ti nuom nawh. Hmangaina rawl innem deu in “In unaupa Josef kha ka nih” a ti bâk ah, Josef bawkin lunginsiet takin mi hung hnai ta û ata, an va hnaia, Josef chun hmangaina kutin anni chu alo kuo tawla. Genesis 1:27, Chuongchun Pathienin ama angpuiin Mihriem a siem a, Pathien angpui ngeiin a nih a siem chu, pasal le nuhmeiah a siem a nih. Rome 5:12, Chu-ongchun, mi pakhat leiin suol khawvêla hin a lût a, suol leiin thina a lût bawk a; Chuong ang bawkin mi po poin thil an lo suksuol ta leiin thinain mi po po a fang suok tah a. Adam le Evi thilsuksuolna leiin, anthlahai po po chu thilsuksuoltu le Pathien laka thiemnaw chang le Pa-thien le in\he tah ei ni vawng ta a, Suol leia Hremhmuna fe ding, Setan mi le sa, Hremhmun khuo le tui nina nei vawng ei ni tah. Nisienlakhawm, hmangaina a sip Pathien chun ami hmangai zie Zawlnei Isai kuoma a hung puong suoka, Isai 49:15, Nuhmeiin a naupa, a rîla ra chu, lunginsiet nawna dingin a nau nêne ne lai chu a theinghil thei am a ni? Chuonghai chun an theinghil thei a ni thei a, nisien-lakhawm, kei chun theinghil naw ning che, ati anih. Pathien mi hmangai zie Josefah a hung inlangtira, Lal Solomonah a hung suklang nawka, a tawpah anau hai ei ni thei na dingin a naupa neisun ei tuor ai tuora, ei thi aia thi dingin a hung ta anih. Isu chun ei tuor ai in ataluo bo in a tuora, a thisen po po a far kang rawta, a thisen in ei suolhai a sawpfai tah. Lalpa inpakin um rawseh. Anachu, Sandam ni ding chun Piengthar a ngai tlat. Johan 3:3, Isun a dawna, a kuomah, “Titakzetin, Titakze-tin ka hril che hi mi tukhawm an piengthar naw chun Pa-thien ram hmuthei naw ni hai” ata. Pathien lunginsietna zarin 1910 Febuary 5 in Johan 3:16, Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang nawh a, chatuona hringna an nei lemna din-gin, ti thu Watkin Robertin Senvawna a hung tiem a, Pa-

thien thu lo awi ve ta ro, ti in fielna a siem a. Chu hnungah May 7 in Pathien thu khawm hril ding le Zirtirtu sinthaw dingin mi pathum an hung a, Chuphingchun ei pi le pu hai khan an lo ring sup sup a. Sawtnawte ah Hmar biel chu ringtu ram a lo ni tah. Lalpa inpakin um rawseh. Tuhin chu mihriem za ah za Kristien ei in ti tah. Kohran khawm tamtak ei um tah. Anachu Isu \awng-bau “Tukhawm an piengthar naw chun Pathien ram hmu naw ni hai, a ti a, anachu Piengthar le Ringna lei a San-dam thu uk sak lo kohran ei um tlat el, Hieng hai hi kohran in ti ve si, Kristien in ti ve si a Pathien ram hmu lo ding chun in Pâm hmai ngei ie.Ringna leia lunginsietna a Sandam ei nih ti ring pawl le pawm pawl kohrana ei \hanga, anachu nang in i uk sak naw a i zawng bawk naw lei a, Hremhmun a liem el ding chun i Pâm hmai ngei ie. Thupuongsuo 20:15, Tûkhawm Hringna Buah a hming ziek an hmu naw chun mei dîlah an pei bawk a, a ti a, Isu hlak chun a piengthar le piengthar naw a hriet hle si a, Johan 10:14 Kei chu berâm vêngtu \ha ka nih; ka ta chu ka hriet a, ka ta khawmin an mi hriet a nih, a ti a, Piengthar tak tak si lo a, Piengthar um a um ding chun i Pâm hmai ngei ie. Isun, ka ta hai khawmin an mi hriet a ta, Nang Pi-engthar Isun i thi ai in a thi ti hre zinga, a kuoma lawmthu hril pei lo, ama inpakna hla sak pei lo le chawimawi pei lo ding chun i Pâm hmai ngei ie. Zawlnei Habakukin Pathien chu a Biekna inah a um ti in vawihni lai a ziek a, Ringtu Pathien ngai lo va, a Biekin a fe pei lo ding chun i Pâm hmai ngei ie. Isun Sun a ni lai in ami tirtu sin ei thaw ding a nih, a ti a, Ringtu Pathien sinthaw neka, khawvel thil ngai pawimaw ding chun i Pâm hmai ngei ie. Johan 15:16, Va ra ding le in ra chu um zing dingin ka ruot bawk cheu a nih, a ta, Ringtu Pathien ta dinga ra nei mumal lo ding chun i Pâm hmai ngei ie. Kan nau-pang lai a kan lekha inchukna ah chun Ran hai in an lal ding an thlanga, Ui an thlanga, an zawna, Ui chu a ngha vela, Ek thing a hmu a, an zawn na a inthawkin an chawm thla a, Ek thing tieng chun a tlana a ti a, Chuong ang deu chun ringtu hai chu Pathien nau, Van lal nau ei na, Van lal nau ni si khawvel thila khawm a tha naw le Pathien dit naw zawng tieng a inchawm thla a tlân ding chun i pâm hmai ngei ie. Ringtu hai chu Pathien in a rawngbawl dingin ami ruot senga, ei thei dan chu an ang nawh. A \hen Upa dingin, a \hen Pastor dingin, nang Pastor dingin a ko che a, ei talent an ang nawh. Mi pakhat in kan Pastor pa chu a hlaw, anikhat hlaw a tam a nih, thlatin hlaw a laka, kumhni sung vawikhat ami hung kana, anikhat hlaw a tam a nih a ti a. Pathien kohran hai chunga thaw lo hlaw le hlaw lak na ding chau a Pastor sinthawtu ni ding chun i pâm hmai ngei ie. Mosie le Josua in Israel hai an \huoi lai khan, Pathien ti dan in an \huoi hlak a. Nang kohran hai hotu in a sie che a, i ngaidan le i dit dan el a kohran \huoitu ni ding chun i pâm hmai ngei ie, i lungril tak takin Pathien dit dan en nachang hre rawh. In um dan chu Krista chanchin\ha leh in mawi phawt rawseh a ti a, Kristien hai ei um dan chanchin\ha le in mawi lo thil tamtak a um el ta a. Kristien ni si chanchin\ha le in mawi lo a khawsa ding chun i pâm hmai ngei ie. Isun ami hmangaia, ei suol leia a tuorna, dit naw a aum na, in mantira a um na, vuok le chil sak khum ani na, dang char ngawi ngawia a um na hai po po kha kei le nang a suolna lei a na, a tuor na hai po po kha ei ni leia a tuor ana, Josef in a unau hai chunga Phuba a lak nuom naw angin, Isu khawma ei chunga phuba la nuom lo in, ei suolna hai ami ngaidama, a kuom tienga kira, a kuoma um dinga ami fiel lai zinga Pan nuom lo ding chun i pâm hmai ngei ei. Josefin, insangpa in hung \huoi naw chun ka hmel hmuthei naw ti niu, a ti ang khan, ei lungriltak le titakzeta Pathien kuoma ei fe naw chun, Pathien hmel le a ngaidamna ei hmuthei naw ding a nih, ti inhrieng ei tiu; Isu chu lungsietna a sipin ei ta dingin a tuor ani ti hi hrezing ei tiu.

Manipur State sûnga hin rukru an tam hle a, ei in-vêng hne naw a ni deu tak. Rukruhai hin, man, hrem le muolpho hi pawitina an nei ta naw mani ding aw ti theiin a um. Hi lei hin rukruhai hremna dan hi tuta nek hin Sawrkarin hung sukkhau deu sienla nuom a um. A hremna hi a na tawknaw leiin rukruhai hin thil inruk hi pawitina nei lovin an zawngsak niin an lang. Rukru ram le rukru hnam ni hlak chu ei nuom awm si nawh. Rukru hlak chu ei tam deu deu, beidawng um tak el a nih. Rukruhai hin an thil inruk an bânsan le sim theina dingin khawtlangin ensan pei inla a \ha el dim? Ngaituo chêt chêt inla nuom a um. Rukruhai hin an thil inruk sahai hi a man pangn-gai nêka tlâwm lem daiin an zâwr hlak a. Hi lei hin rukruhai thil inruk sa hi a lo inchaw nuom pawl ei lo um nawk el hlak a nih. Rukruhai thil inruk sa hai hi a lo inchawsawng nuom um nawhai sienla chu ruk-ruhai hi tuta ang em em hin chu an huongintau ring a um nawh. Hi lei hin Sawrkar le khawtlangin rukru le an thil inruk sa lo inchawsawngtuhai hi angkhatin hremna pe inla a \ha el naw ding maw? Ngaitha le tosan el chi chu niin an lang nawh. Tulai tak hin Churachandpur Town le a se vel haiah chun rukru an huongintau zuol bik niin an lang. Nitin deuthawin In rawk, dawr rawk, School le College rawk, LPG Cylinder inruk, Motor inruk, pawisa inruk, ran inhmang le thil dang dang inhmang thu hai hi inzinguta hriet dingin a um a nih. Kristien ram inti inlakhawm, Bible min chuktirna “I venghai thil inhnar naw rawh” ti le “Rukru naw” tihai hi chu ei zâwm thei naw a ni hi ! Eikhuo le venghai thil inhnarin ei inruk pei el a la nih. Thil iengkim hin san a nei hlak. Rukru han thil an inrukna san tam tak um a ta, chuhai laia \henkhat chu, retheina lei, thabona lei, Zu le inruithei addict lei, inrim der lo le hadam taka sum hmusuok nuom-na lei, mihai thil inhnarna lei le duamna lei dam a ni ring a um. Ei rama hin retheina leia rukru um hai sienkhawm, rukru tam lem hai hi chu a san dang ei hril hai leia ruk inru hlak an nih ti inla ei hril suol ring a um nawh. Rukruhai lai hin rukru changkang le changkang lo an um. Zu le inruithei (drugs) leia rukru hi ei ramah hin an tam tak ring a um a, a dawttu chu thabona lei a ni ring a um. |hangthar huna \halaihai lai hin thabo si, sin thaw pei si lo, an hnik hnik dua fa nuom si, mihai nei angang dita nei ve nuom bawk si an tam ta a. Sin an thaw inrim pei sinaw leiin an thil dithai an nei a, an thil du hai an fak ve theina ding umsun chu ruk inruk a hung ni el a nih. Mihai thil an van ruk naw chun an ta dingin thaw dan ding lampui dang a um der naw a, ruk inruk chu sina an hung nei el a hung \ul hlak a nih. Thabo hi chu a pawi a, mihriem hring-nun suksetuhai laia pakhat a nih. Rukru changkanghai hin chu thil thiem le hriet an hau niin an lang. Training \ha tak an nei bakah \hangpuitu le inzawmpui \ha tak an nei ngei ring a um. Rukru changkang ei tihai chu motor le thil man tam chin inru hlak hai hi an nih. Churachandpur Town sunga ngei khawm Bolero motor 30 chuong \hangin motor chi hran hran, kum 2/3 liemta sung khan inruk hmang a nitah. Motor inru hlak hai hi chu motor mechanic thiem an ni ngei ring a um. Motor mechanic thiem an ni naw chun awlsam takin motor chi hran hran hai hi inru thei naw nihai. Motor inru hi Police han mi \hahnemtawk tak an man tah. Amiruokchu, drug-a sumdawnglien, a bulpui tak hai man an ni ngai naw ang tho hin, motor inruknaa a lukhaitu takhai man an la ni naw leiin motor inrukna thilah hin thuneina insang chel \henkhat le motor inru pawl (Gang) lientham tak an um ngei ring a um. Mana um hai hi chu sum tlawma zawng hlaw pawl niin an lang. Chun, Churachandpur town sunga rukru \henkhat hi chu, rukru smart tak el, College le High School kai lai dam niin an inlang. Tulaia hmasawnna le changkangnain a chawk buoi, mobile phone \ha, changkang le manto dit, nu le pa hai neinain a dai lo, thaw dan ding lampui hre lo, beidawnga ruk inrukna thil thaw ta el khawm niin an inlang. Chun, nuhmei tleirawl le nunghak \henkhat khawm hiengang thova harsatna nei leia an thil hlu nei tangka suma zawr el khawm an bo bik ta naw niin an lang bawk. Hma-sawnna le changkangna hi \ha hle sienkhawm a \ha nawzawnga kakhawk a la hung nei pei ding hi chu a pawi a, ei la tuorhla hle ding a nih.

National Anthem played huna an ngir naw leiin man

HYDErAbAD: Kashmir student pathum hai chu zani hmasaa local theatre/cinema hall-a film insuo hmaa National Anthem played huna an lo ngir naw leiin Cyberbad Police han an man. Hall sunga um se-nior Police officer pakhatin Police kuoma report a pek dungzuia hieng mi pathum

hai hi man an nih. Supreme Court thu-suok dungzuiin Cinema Hall haia film insuo hmain National Anthem play zie dinga ti le, play hun sung mipui hai ngir vawng ding ti a ni a, hi dungzuia na-tional Anthem played a ni huna an lo ngirnaw leia man an nih. (TNN)

Police le Security forces han Dar-jeeling hmun tum tum an dap

DArJEELING: August 19, 2017 zana Darjeeling-a Kalimpong Police station beinaa bomb pathum zet sukpuok a ni le inzawma bomb sukpuoktu hai man tumin zanikhan Police le Security forces \hangruol han Darjeeling hill sung hmun tum tum an dap. Security forces hai hin Gorkhaland state hran ngenna le inzawma thla 2 chuong zet Darjeeling-a Shutdown thawna

hma\huoitu Gorkha Jan-mukti Morcha (GJM) hratna deu hmun nia hriet hai an dap a, sienkhawm mi man an nei thu hriet a ni nawh. GJM inrawinaa Darjeeling hill-a shutdown thawa um hi zani kha ni 68 a tlingna a nitah. Bomb puok lei khan GJM chief Bimal Gu-rung chu Unlawful Ac-tivities (Prevention) Act (UAPA) hnuoia zani hmasa khan case siem-khum a nih. (PTI)

Bangladesh mi jail-a intang a thiTHANE: Bangladesh mi, valid passport le visa nei loa India rama a um leia nikum July thlaa Bhiwani police han an man le jail-a khum Mohammad Noor-bani Sirajulkhan chu zan-ikhan Mumbai-a hospital-a enkawl a nina hmuna a thi. Mr Sirajulkhan hi The Foreigners Act-1946 and

The Passports Act-1967 hnuoia Thane Court in kum 1 sung jail intang ding le fine Rs. 1000 chawi dinga thiemnaw an changtir, July 27, 2017-a kha a jail intang hun ding hmang zo ta a nih. Jail an tang sung hin Zeng natna ang an vawi leiin July 21, 2017 a kha JJ Hos-pital-a admit a nih. (PTI)

Kum 2018 a inthawk IIT le JEE exam online vawng ta ding

NEW DELHI: Indian In-stitute of Technology (IIT) haia admission thaw theina dinga Joint Entrance Ex-amination (JEE) nei hlak chu kum 2018 a inthawk online vawnga thaw ta din-gin Joint Admission Board (JAB) chun a rel. Hi thu hi zani hmasaa Chennai hmuna JAB meet-ing huna rel a nih. IIT-Madras Director le JAB Chairman Prof. Bhaskar Ramamurthi chun, JEE Advanced exam hi kum

2018 a inthawk Online mode a thaw ta dinga thut-lukna siem a nih tiin a hril. Union Human Resource Development Ministry chun tuta hma khan can-didate hai chu JEE-Mains exam ah online le online loa exam dinga ditthlang theina option a lo siem tah. JEE-Mains hi Engineering in-chuk theina dinga entrance exam le JEE-Advanced hi IITs le NITs haia admission thaw theina dinga entrance exam a nih. (AIR)

LETTEr TO THE EDITOrDate 20 Hmasawnna Thar Issue a khan Dated 19 August 2017 ami Pu Lalthanzau IFS Inchuklainun a a lekhaziek Burma ramah Hmar nuoihni vel an uma. Burma Sipai hotulien tak khawm Hmar ani tia a ziek ziek sawnga um Pu L. Keivom IFS in thu belchienglo ati kha thil rem chang ani thei am? Mi \henkhat ngaidan chun Pu Lalthanzau a thil hriet po po hi Pu L. Keivom hin a hriet vawng am anih? Ti le Burma Chief Army record book po po a kawl vawng am ani? Ti le, Pu Lalthanzau a thil hriet po po a hriet vawngnawa, Burma Chief Army record book po po a kawl vawngnaw chun thu bel chieng dawllo a ti thei ding am? Pu Editor iengtin am nang I ngai dan? Chun, ziektupa kha tlangrama a um ana, khuolinzina Rengkaia a umlaia a tiem ana, ahma chun Pu Lalthanzau hi ahming le a nina khawm ala hrietlo ana, kha thuziek a tiema inthawkin kha thu le a ziektu pa hming kha lungril serah umin abothei ta naw chu a nih. Pu Lalthanzau kha hung tho nawkin kha thu kha hung tiem sien iengtin am ngai a ta? Chun, a ziektu pa khan a hming a zieka chu a hrietnaw ni mei ding ana, ziektu tiin a hung zieka thu khel hrila Leichawi lova um neka thu dik hrila leichawia \hangpa le kum 30 vel treasurer sin lo thaw pa Upa Zochunghnung Zote naupa Lalramhlun ka nih. Assama Hmar le Dimasa an buoilaia, Hotu haiin Rengkai EFCI Biekinah \awng\aiin khawm an rawta, chutaka Hmar hai an him thei na dinga \ap pum le mitthli thla neng nunga Pathien kuoma \awng\aipa le, Rengkaia Government worker hai po po ko khawm an na. Pu Lalhmingthang in Assama Hmar hai \hangpui an \ul zie a hrila. Sawrkar thawktu hai ei unau hai sanna ding chuzat khazat tuok ding antia, kei mi mawl pa khawm ka thaw zat ding an mi hung hrila. Pawisa ka nei nawleiin kan nu vawk vailai ka zawrtawpa, a pe hmasatak ni tumin Pu K. Lienzathang kuoma ka hang pek nghala, ana chu ka hma in mi pakhatin a lo pekhmana pa hnina a hang pe pa Lalramhlun ka nih.

Railway official 5 suspendedLUCkNOW: Tulai hna-ia Uttar Pradesh-a Utkal Express Rel eksiden le inzawm khan Railway min-istry chun officer 5 an sin haia inthawk a suspended bakah officer dang pakhat a sawnhmang. Union Railway minister Suresh Prabhu chun Rail-

way Board Chairman chu hi rel eksiden tlungnaa hin mawphurna la ngam din-gin an hriettir a, Railway Safety Commissioner S.K. Pathak chun hi Rel eksiden tlung nasan hrietchieng a ni theina dinga mipui hai chu an thu hriet hai inhriet-tir dingin a ngen.

Mizoram party 3 han Chakma candidate nei an tum nawhAIZAWL: Kum 2018-a Mizoram Assembly elec-tion hung um dinga chun Mizoram-a Political party pathum- MNF, ZNP le MPC hai chun Chakma hnam Candidate nei an tum nawh. NGO-Co-Ordination Committee in Chakma Candidate neilo dinga an ngenna chu Party PAC in a ngaituo hnungin khaw-

lai biela khawm Chakma candidate neilo dinga thut-lukna an siem thu ZNP chun zanikhan NGO-Co-Ordination Committee Chairman kuomah lekha an thawnin an inhriettir a nih. MPC khawmin NGO-Co-ordination committee ngenna thua hin zanikhan Sr. Vice President Vanlalh-lana inrawinain an ngaituo

tlang a, ngenna um dungzui-in MPC party OB meeting chun Chakma Candidate nei lo dingin an rel a nih. MPC chun, party indin \ana inthawk le rorelna an chel sungin Chakma MLA chu hril lo, Chakma hai chengna bila hin Unit le Block takngiel khawm an indin ngainaw thu, hi hi Chakma hai theidana

lei hrim ni loin, Chakma Foreigners hail aka ram le hnam humhim tumna lei a ni thu MPC chun an hril. MNF President Zoramthanga khawmin kum thara Assembly Elec-tion hung um dinga hin Chakma candidate an nein aw ding thu zanita party Hqrts. office-a inkhawm hunah a puong.

Manipur mi Dilah an chawmthla leiin a thiNEW DELHI : Zani zingkar khan Manipur mi Horthan (21) chu Delhi-a Hauz Khas dilah an chawmthla leiin a thi. Hi thil tlung report hi zing dar 6 velin Safdarjung Enclave Police Station in an dawng a, hi lai hmun hi an pan nghal a, Horthan hi dila inthawk zing dar 9 velin an laksuok a, Hospital an panpui nghal a, sienkhawm a thisaa in hung phur a nih tiin Doctor-hai chun an lo hril. Horthan hi July 27, 2017 a kha sin zawnga Delhi pan a ni a. A ruol mi 2 hai chun zingkar walking-ah kan fe a, Horthan hi kan hmatieng a lo fe hmasa a, a sil le bil hai a hlip sawk sawk a, dilah hin an chawmthla el a nih tiin an hril tiin Chinmoy Biswal, Additional Deputy Commissioner of Delhi Police chun a hril. Haptakar hni sunga Delhi a Manipur mi thi dan pangai lova an thi a nawihnina a nih. August 12, 2017 khawm khan Manipur Minister hlui M. Okendro naupa Siddarth chu Hotel sawnga inthawk tla thlain a thi a nih.

Hmasawnna Thar3 THLAZING (AUGUST) 22, 2017THAWLENI TUESDAY) NATIONAL/INTErNATIONAL & ADvErTISEmENT

LAkTAWI KIM’S AQUAMuolvaiphei, CCPur, Manipur- 795128

Tui thienghlim / Mineral Water Connection thaw nuom hai chun connection thaw thei zing a nih. Dispenser/bur lo nei tahai chu tui bottle chau khawm kan pek thei zing. Chun, tui \ha hmang ding khawm pick-up (motor) in kan pek thei zing. Rate : 2000 Litres – Rs. 500, 1000 Litres– Rs. 250, 500 Litres– Rs. 150

Contact No : 961523897 / 8131815864

LAWmTHU HrILNA

August 19, 2017 khan Pu S. Khamminthang, General Secretary, ZYA Mata Unit chun Mata khawsungah Pu Kamthang Inah All India Kisan Sabha (AIKS) Manipur Lou Milup Office a hawng. Hi Office mi hawng pektu Pu S. Khamminthang, Office dinga phal taka a In min hmangtirtu Pa Khamthang, Office hawngna dinga Seat arrangement mi thaw pektu ZYA, Mata Unit, Hill Dis-trict hran hrana \huoituhai le AIKS Manipur Lou Milup ta dinga \hahnemngaihai po po chungah lawmthu kan hung hril.

Sd/- L. Haokip Sd/- Thangneilal Suantak Secretary Chief/Chairman Hill District All Manipur – 795188, CCP

Lt. Col. Purohit bail phal pek

NEW DELHI: Kum 2008 a Malegaon hmuna a za-wna bomb puokna le inza-wma man Lt. Col. Shri-kant Prasad Purohit chu Supreme Court in zanikhan bail-a suok a phal pek. September 29, 2008-a north Maharashtra-a Na-sik district sung Malegoan hmuna a zawna bomb puo-kah khan mi 7 in thina an tuok a. Bomb sukpuoknaa thu phierrutuhai lai Purohit khawm hi a \hangsa nia in-tumna leia man le kum 9 zet jail-a intang ta a nih. (PTI)

Chhattisgarh -ah oxygen tlaksam leiin naupang 3 thi

rAIPUr: Uttar Pradesh-a BRD medical College Hospital-a Oxygen um-naw lei nia intuma tulai hnaia mi tam takin thina an tuok hnungin Chhattis-garh-a government hospi-tal lien tak Raipur khaw-puia Bhimrao Ambedkar Memorial Hospital-a chun

zani zingkar khan naupang 3 hai chu oxygen supply \hatawknaw/tlaksam leiin an thi nia hril a nih. Hieng laizing hin offi-cial tiengpang chun oxygen supply a buoinaw thu an hril a, sienkhawm zan huna oxygen pressure sukmuong a ni leia hieng naupang hai

hi thi an nih ti ruok chu a pawm a, hi thil hi staff op-erator ngaisam lei le zu an rui lei a nih tiin an hril. Chief Minister Raman Singh chun hi thil tlung hi a ngaimaw hle a, thil umdan enfel dingin health director thu a pek ta thu hri-lin, hi thila mawphurtu hai chu ngaidam an ninaw ding thu Delhi a pan tawmin a hril. Raipur-a Bhimrao Ambedkar Memorial Hos-pital hi Chhattisgarh state a government health facility lien tak a ni a. Zurui puma zan duty nia intum staff op-erator hi Police han an kawl mek. (ENS)

Congress MP convoy in mi 3 a rawt hlum

SuPaul: Bihar-a Supaul MP le Congress spokesper-son Ranjeet Ranjan convoy motor chun zanikhan Nir-mali-Sikarhata main Road lai eksiden tuokin mi 3 zet a rawt hlum. Hi huna hin Nirmali block chief Ramprasesh Yadav khawm a um ve a, hliem hai hospital a panpui a, hliem 2 hai chu an inrik hle a hril a nih. (ANI)

Hockey player hlui a nuhmeiin a

sunhlummUmbAI: Kum 52-a upa hockey player hlui Apa-iyya Chenanda le a nuhmei Amita hai chu zani hmasa zantieng 1:00PM khan an inselbuoi a, hi huna hin a nuhmei lungsen chun Chemin a sun a, damzo lovin a thi. Amita khawm hi a hliem leiin hospital-ah en-kawl mek a la ni leiin man a la ni nawh. (PTI)

A damnaw enkawl suolluia intum

leiin manTHANE: Naupada hmuna infertility centre hawng Doctor chu a damnaw en-kawl nuhmei kum 21 mi a clinic-a test thaw ding tia \huoia a suollui leiin Police han an man. A suolluinu hi kum 21 mi, Mumbai-a Dharavi a cheng a ni a, a clinic-a test a thaw huna a suollui a ni thu, khek a tum leh a bau a hup pek a, midang kuoma a hril chun that dingin a vau pawk niin complaint petu hin a hril. Doctor le complaint petu hai hming hi ei thu laknain a zieklang nawh. (PTI)

CHENNAI: Tamil Na-du-a sawrkarna siemtu AIADMK sunga inhri-etthiemnawna um leia fac-tion pahnia lo um tah K. Palaniswami inrawi le CM hlui O. Panneerselvam han pawl pakhata umkhawm nawkna ding lampui dapa vawi tam tak an inbiek hnungin zanikhan pawl pakhat-a umkhawm nawk ta dingin inremna an lo nei nawk tah. AIADMK chief le Chief Minister Ms J. Jaya-lalitha thi hnunga AIAD-MK sunga buoina hi hung um a ni a, thla 6 sung zet a ziding lem ni inchua an inbeituo hnungin an hung inrem thei nawk ta a nih. Panneerselvam hi Amma camp-a senior function-ary Walajabad B. Ganesan chun lo lawmlutin puonbat an siltir. An inremna dungzui hin K. Palaniswami chu

Chief Minister ni zing a ta, O. Panneerselvam chu Deputy Chief Minister ning a ta, Panneerselvam hi AIADMK Coordinator ni sa bawk a ta, Palaniswami chu Co-ordinator ning a tih. Chun, Mr Panneer-selvam tiengpanga mi 3 minister a laklut an ni bawk ding a nih. Hi le inzawm hin Tamil Nadu Chief Minister hlui O. Panneerselvam chun zanikhan Raj Bhavan-ah Governor Ch Vidyasagar Rao hmaah Deputy Chief

Minister dinga intiemkam-na a nei nghal. Mr Panneerselvam hin kum 2011-a Jayalalitha sawrkar huna a lo chel Fi-nance portfolio chel a tih. Faction pahni han in-remna an nei thei ta lei hin Tamil Nadu Cabinet chu sawtnawte hnunga sa-widanglam ning a tih. AIADMK faction hai pawlkhata an um khawm nawk thu puong a nizo minutes tlawmte hnungin Chief minister Palaniswa-mi le O. Panneerselvam hai

chu AIADMK suprememo hlui (L) J. Jayalalitha me-morial-ah fein inzana par an inhlan bakah AIADMK founder le CM hlui (L) MG Ramachandran ‘MGR’ tia hrietlar memorial a khawm fein inzanain par an inhlan a, hi huna hin an supporters han an uop tawl. J. Jayalalitha thi hnunga CM hung chel Panneer-selvam a thu le hla lova Ms Sasikala in February thlaa CM a ninaa inthawk an bantir leia AIADMK sunga buoina kha hung in\an a nih. Party-a inthawk Sasika-la peihmangna dinga hma lak ning a tih: VaithilingamChennai: Senior AIAD-MK leader le Rajya Sabha MP R. Vaithilingam chun, AIADMK general Sec-retary Ms. V.K. Sasikala party a inthawk peihmang a ni theina dingin general council meeting koin lam-

pui dap ning a tih tiin a hril. Vaithilingam hi K. Palaniswami camp tienga mi a ni a, hi thu hi zanita party headquarters-a merg-er meeting nei huna thu a hrilnaa a hril a nih. AIADMK faction hai pawl khata umkhawm nawkna ding hin Panneer-selvam tiengpang chun party general secretary, corruption case leia tuta jail-a intang mek Ms. Sasi-kala party-a inthawk ban le party le inzawmna suk-chat hmak dingin an ngen a ni a. Sasikala peihman-gna dinga lampui dap a ni ding thu merger meeting huna puong a ni dungzuia inremna hi siem theia hung um a nih. O Panneerselvam tieng-pang phutna angin tuta hma khan AIADMK No. 2 TTV Dhinakaran chu party a inthawk ban a lo ni ta a nih.

AIADMK faction pahni hai pakhatin an um nawk tah O. Panneerselvam in Dy. CM dingin zanikhan intiemkamna a nei nghal

Heroin leh mi 2 man

AIZAWL: August 20, 2017 khan Mizoram le Myanmar ramri Champhai district a chun Myanmar mi pahni Lalengliana (19) of Tahan le Vansuihhmung (30) of Falam hai chu Heroin grams 700, Rs. 25 lakh manhu leh man a ni a, ND&PS Act, 1985 hnu-oia case siemkhum an ni a, zanikhan Court hmaah in-langtir an nih.

Odish-a Swine flu leiin mi 17 thi tah

bHUbANESWAr: Odi-sha a chun zanikhan SCB Medical College Hospital-a enkawl mek nuhmei pak-hat H1N1 leia a thi belsa nawk leiin tuchena Odisha state sunga Swine Flu leia thina tuok 17 an tling tah. Zanita thi nu le hin SCB Medical college hospital-a enkawl Swine flu leia thi chu mi 4 an nitah tiin Nodal officer Manoranjan Patnaik chun a hril.

Mars ah UFO A Hmuin Internet A Chawk Lumlet

C A P E C A N A v E r A L : Sikeisen (Mars) leilung e n t h l a t u d i n g a N A S A (National Aeronautic and Space Administration) in thlalakna phur motor a kap suok Rover-in lunghlu ang ela fie, a lim chieng taka hmu thei le inlang fie, ei khawvêla mi nih lo vuongna (spacecraft) mak danglam deu, UFO (Un-identify Flying Object) thlalâk NASA website-a suklang chun internet a suklum hle a, chanchin an dar chuoi chuoi nghâl el a nih. Rover thlalakna high definition camera-in a lak thlalâk fie fel kâwk hin chieng takin, Mars (Sikeisen) leilung phaiphin incham duoi lai hin dar thleng ang vuongna (spacecraft) hmu thei ding a um a. Ral hla taka inthawka lak, vuongna chi khat a nih ti chu hriet thei a nih a. Sukhnaia suklien chun tulai Star War film haia spacecraft vuongna an hmang, inphek duoi, a thla le mei nei chuong lo hrât tak taka vuonghai ang hi a nih. Ch ieng t aka he i en khawmin thilsiem, ama le ama

khata insiem/inrem khawm, lung le tlâng, thing le ruo hai ang an nawh ti a chieng a. Remhrietna le thiemna changkangtak hmanga siem a nih ti hmu thei a nih a. Tulai khawvêla vuongna changkangtak ‘stereotypical spaceship’ ang a nih. H e i b i c h i e n g d e u chun, a puotieng chu thir changkangtak, metallic nam zat a hawi a. A sûngah var a um thei hriet theina dingin kawtkhar/tukver ang deu puotieng hmu theina ding ‘glass light’ ang hi rala inthawkin an hmu thei bawk. Tulai khawvela ‘stereo type spaceship’, mihriem lem chun duthusama a lim chauh ei la ziek thei, computer stimulation-a film haia ei la hmang phâk chauh vuongna changkang ang a nih. Hei en ngawt khawmin ‘natural forces’ leia um/siem a ni naw a, kut hnuhma nei, thiemna hmanga siem a nih ti a chieng em em a. Khawvel mihriem a siem thei an lo um pal khawma, Mars-a hang fepui/khal ding an um si nawh. NASA in

motor khâwl le satellite a tirlut thei \âwk a nih a. Mihriem lem chu a lut thei an la um nawh. Hienglai zing hin kum tamtak UFO thu khekpuituhai chun remchânga hmangin, ei khawvel ni lo khawvel d a n g a h t h i e m n a n e i hringna dang (intelligent extraterrestrial life) an um ngei ti fiena a nih tiin internet ah an thedar chum chum a, internet chu so but but el a nih. NASA chun thlalâk hi an suoa chu comment iengkhawm a la pek nawh a. Kum 2015 khan Mars ah tui hmu a ni thu a puong tah a. Tulai hnai khan ‘tui inkhal’ (frozen water) a hmu nawk thu hrilin hringna chu a um ngei a ring thu a hril a. Ieng ang hringna am ti ruok chu a hrilfie bawk nawh. Hi thlalâk an insuo hi, mi website hai hacking thawa an thurukhai lo phawrlang pek chîng (hacker) group khat “Anonymous” pawl chun, NASA-in ‘aliens’ an hmu thu puong an puong suok ding tia an thurûk hre ru anga an insal zo sawtnawte hnunga NASA-in a hung pholang a nih. US a khun mi tamtakin ‘alien’ (khawvel dang mi) an um an ringa, \henkhat chun hmu ta le inbiekpui or insuolpui tah dâmin an hril a. Mi 40, 000 neka tam chun ‘alien’ in an \huoi hmang chun tiin ‘life insurance’ thaw khawm an um tah a. NASA chun ‘aliens’ an um ngei a nih ti fiena 13a nei niin a hril bawk.

South Korea le US Han Joint Military Exercise an \anS E O U L : M a n i m i t a thlungpum hmu si loa mi mita hmawlte hmu hlak le mani thiemthu hril ding hrie vieua mi thiemnawna hmu thei vieu US le South Korea hai chun mi tamtakin thaw tah lo dinga an ngen hnung khawmin, ‘kum tina an thaw hlak’ Joint Military Exercise chu North Korea le China han nasataka an kal hnung khawmin Thawtanni August 21 khan an tan nawk tah a, boruok a suklum hle. South Korea President Mr Moon Jae-in chun, North Korea kuomah, hi kum tina an nei hlak war games hi a nuclear program inthiemna ding le mi dang chophawkna ding hmangruoa hmang lo dingin a ngen a. Boruok suksângna ding le thu \ha lo dang suksuokna dinga hmang lo dingin a hril.Hi indona inchûkna (indo l e m ) U l c h i F r e e d o m Guardian-ah hin US le South Korea sipai sing tel an \hang a. Chawlkar hni sung computer hmanga missile kap suok lo kap thlak dan, hmun target bitukna lai guided-missile hmanga tuia inthawk khawmuol le tui chung le tui chunga inkap dânhai, boruok a inthawka khawmuol le tui chung hei bei dânhai khawm inchûk

an tih. Hieng ang indona lem/inchûkna an nei zat hin North Korea chun ama an bei dan ding inchukah a lo ngai hlak a. Lo sukti le sukzam tumin a missile hai a nei \hat zie show-in a lo kap suok ve hlak a nih. A suklang tum tak chu, an bei khawma North Korea chun kap let vena ding nuclear râlthuom le missile tamtak a nei ti hi a nih a. |awngbauin a zui ngei ngei bawk hlak. Kar liemtah chau khawm khan, Guam (US) chen a kap phâk thu a puong a ni kha. South Korea President Moon chun, hi thil hi mani invêngna thil lieu lieu a nih a. Midang tukhawm chophawkna dinga thaw an nawh, tiin chanchinbumihai kuomah a hril. “North Korea-in nuclear râlthuom a siemna le a thil thawdan

hai le a mi in\hi\haina leiin US le South Korea chu hienga an sipaihai tuoi thara inralringa inumtir lo thei lovin a siem lem a nih” tiin a Cabinet meeting ah a hril. Kum 1976 a inthawka tan tah UFG Drill ah hin US sipai 17, 500 vel an \hang a. North Korea ngênna angin sipai training \hanghai suktlâwm an ni chuong naw niin a hril. Hi hi kum dang nêkin a tlâwm lem hi an thiltum ‘objectives’ chieng taka an fuk thei lemna ding beiseia sukchin a nih a. North Korea ngen leia sukchin an nawh tiin White House thusuok chun a hril. US Defence Secretary James Mattis chun, “Hi military exercise hi kan ruolpa South Korea le ruol danghai chu hne takin kan \hangpuiin kan veng thei

ti kan suklang a nih” tiin Jordan khawpui Amman pana a vuong tawmin chanchinbu mihai a hril.US Pacific Command Chief Admiral harry Harris chu Pathienni khan South Korea a tlung a, military exercise a \hang dinghai a lo kan suok vawng tah. Hi War Game \an hma hin North Korea chun, “Military exercise in thaw chun, meichawka khawnvartui buok khum’ ang a nih ding a nih tiin a lo in\hi ta a. US khawm a kap phâk zing thu a vel velin a hril bawk a. “US le South Korea han an thawlui chun ‘indona lem a inthawkin indona tak suok a ta. Korea khawmuolpui chu “thunun thei ta lo nuclear râlthuom hmanga indona’ in a tuomsip ding a nih, tiin a hril bawk. H i e n g l a i z i n g h i n intelligent thusuok pakhatin a hril dan chun, North Korea chu UNSC rekna leiin harsatna a tuok mek laiin US le South Korea exercise dawn letna dingin a missile ensinna hmunah iemani chen a um tah a. Test vawi rûkna dingin an buotsai mek niin a hril. Kim Jong Un kar thum zet an lang ta naw leiin ‘test’ thaw dinga buoi ni ring a um thu a hril bawk.

Bihar-ah tuilien leia thi mi 253 an tling tahPATNA: Bihar-a chun tuilien ngirhmun in zieum tieng pan nekin tuilien hin hmun dang dang khawm a hung chim pei leiin mi vaibelsie khat chuong han harsatna nasa tak an tuok mek a, tuilien leia mihriem thina tuok khawm 253 zet an tling tah. Araria district a ringawt khawm tuilien leia thina tuok hi mi 57 an tling ta a, Sitamarhi ah 31, West Champaran-ah 19, Madhu-bani, Supaul le Madhepura haiah mi 13 seng an thi ta

niin Disaster Management Department thusuok chun a hril. Tuilien lei hin hmun tum tumah relief camps 1,358 hawng an ni a, hieng hmun haia hin chengna ding nei loa um mi nuoi 4 chuong enkawl an nih. Sansuokna le sawm-dawlna sin thawnaa hin per-sonnel 1,152 umna National Disaster Response Force (NDRF) le Lawng 118 bakah Army hai khawmin sansuokna sin thawna hi an \hangpui. (PTI)

MNF in an party malin an ngir ding

AIZAWL: Kum 2018-a Mizoram Assembly Election hung um dinga hin Mizo National Front (MNF) chun party dang \hangruolpui loin an party malin an ngir ding thu MNF President Zoramthanga chun zanita Mizo Hnam Run-a MNF Hqrts Office-a party inkhawmnaa thu a hrilnaah a hril. BJP le \hangruol ding anga hrilrika um chu thu-diklo a ni thu a hril a. Kum 30 sung deuthaw party dang \hangruol puiin a lo buoi ta a, sawrkar siem le siemnaw khawmin thawfuk hun a la nei nawh tiin a hril. AMC-ah party malin a ngir a, an hrat a, hi lei hin party High Comand in a lo

rel ta angin tutua election hung um dinga hin tu party khawm an \hangruolpui naw ding thu a puong. Sawrkar inchuknain le office haiah thawluina hmanga Yoga inthawtir \ha a tinaw thu, MNF an hung sawrkar chun thawluina hmangin tukhawm inthaw-tir naw ni a, Bawng that khap, thawluina hmanga sakhuo dang inchuktirna, Mizorama thawluinaa Hindutva laklut luina le Kristien hai sakhuo ni pawimaw bik Pathienni le ni pawimaw dang hai suk-buoi zawnga Centre-a in-thawk remruotna hung um hlak hai chu phal naw nia, a tawp chenin dodal a tih tiin a hril bawk.

BD Chakma in in-banna a pek

AIZAWL: Mizoram min-ister of State Dr BD Chak-ma chun zanikhan Chief Minister Lal Thanhawla kuomah minister a inthawk an banna lekha a pek. BD Chakma hi tu-lai hnaia MBBS inchuk ding lakna dinga NEET a hlawtling Chakma hnama mi 4 \hang hai counselling \hang dinga ko an ni huna dodalna nasa tak um lei le, Chakma hnama mi NEET tling hai hnawl an nina leia inbanna hi a pek a nih.

Surat BJP MLA in ‘Disturbed Areas Act’ a phutAHmEDAbAD: Surat bieltu BJP MLA Ms San-gita Patil chun Hindus hai ram Muslim han an lak ding dangna dingin a biel sungah ‘Disturbed Areas Act’ zam dingin a ngen. Hi thua hin Ms Patil chun District collector kuomah ziekin hnina a peklut tah. Surat khawpuia Limbayat area-a cheng Hindu hnam han vawi tam tak represen-tation an pek ta le inzawma

hi dan hi zam dinga ngenna a siem a nih. ‘Disturbed Areas Act’ tia hrietlar ‘The Gujarat Prohibi-tion of Transfer of Immov-able Property and Provision for Protection of Tenants from Eviction from Prem-ises in Disturbed Areas Act, 1991’ dungzui chun dis-trict collector remtipuina \hangloin community pakhat in community dang kuomah ram zawr khap a nih. (PTI)

Doklam Buoina Karah China’n Military Drills a neibEIJING: North Korea ang thoa \awngbau huoi le mi in\hi thiem China chun India leh Doklam ramri thua buoina fel thei lo an nei zing laiin China le ramdang inrina vêngtu bik People’s Liberation Army (PLA) Western Theatre Command chun hnuoi sipai armoured forces le vuongna sipaihai military exercise a lo nei dup dup. China Western Theatre Command hin a huom chu Tibet, Zinjiang, Ningjia, Qinghai, Sichuan le Chongqing hai an nih. Military

Exercise hi ieng le inzawma nei am ti ruok chu Iengkhawm puong a um nawh. TheGlobal Times-in a hril dan chun, “Minit nga vel video footage CCTV suklang danin, China sipai PLA hai chun tlangzawla target hai an kap dup dup a, vuongna han bomb nasatakin an thlak khum zing bawk a. Missile kapna le helicopter hai hmangin râlthuom kap sin an nih” tiin a hril. Military exercise neina hmun hi hril a nih nawa chu, indona lem an chang chu “tlângzâwl (Doklam plateau) bei dan ding” a nih tiin a hril.

Gujarat HC in EC notice a pekAHmEDAbAD: Tulai hnaia Gujarat Ra-jya Sabha seats 3 haia inthlangna le inzawm khan BJP candidate Balwantsinh Rajput in Court-a petition a pek le inzawmin zanikhan Gujarat High Court chun Election Commis-sion le Congress leader Ahmed Patel hai no-tice a pek. Rajya Sabha election huna khan Congress a inthawka hel MLA pahni hai chun Congress candidate Ahmed Patel vote loin BJP candi-

date Balwantsinh Rajput hi vote an pek a, BJP candidate an vote na ballot hi intithei takin an pholang leia Election Commission in hieng MLA 2 hai vote hi iengkhawm lo (invalid) a lo puong pek a ni a, MLA 2 hai vote invalid-a puong lei khan Congress Candidate Ahmed Patel chun hratna a chang a nih. Hi chungthua Election Commission thutlukna choletnaa Mr Balwantsinh Rajput hin Court-a petition a pek a nih.

Hmasawnna Thar4 EntErtainmEnt / SportSTHLAZING (AUGUST) 22, 2017THAWLENI TUESDAY)

Tuolsung eTc .. ..

(L) Lianboi Simte Memorial Dist. Super Divn. League 2017 Venue: Peace Ground, Tuibong, Churachandpur.August 21, 2017 result AFC4-1RUSS;GFC2-2NLYCAugust 22, 2017 Fixtures :12:00noon -UKB v/s LSC2:00PM -AFC v/s HSC

Transgender Model Laurent Harris (39) le Connor (21)L O S A N G E L E S : Thawthawng-in nuhmei insawnin puon biin khawlai a lenga tukhawmin an dit nawa an nuisawa chu, pasal nuhmeia insiem ve tho Lauren Harris (38) ruok chu inzapui a um naw hle. Inzapui a um naw hlea nuhmei tak tak angin a um thei nîng a tih ama nêka naupang daih Connor Yemm (21) leh an inngaizâwng thei tlat. The Celebr i ty Big Brother star Transgender m o d e l L a u r e n c h u a ngaizawngpa Connor leh Spain ah châwl hmangin an inzin a. Swimming pool a an infiem dan le an inhnel dana inthawk chun an inngaina hmêl hle. Connor hi Lauren nêka naupang dai a nia chu ruol khat angin an inpâwl thei a. Nuhmei ang charin a enkawl thei bawk a nih. Lauren Harris chu a zen zaka, a sam eng thalin, tui insilna zakuo (bikini) hring le eng intiel hâkin Connor, ama nêka insâng met, kekawr bul dum chau bun chu a banah a chel a. Tui an insil zovin ni luma inthawka insukdei dinga compound vel an hei lêng chu tukhawma transgender a nih ti hre hrang naw ni hai. Lauren hril dan chun Twitter a inthawka inhmu niin a hril. Lauren chun, “Nunghak a hmu nuom dim ti kan dawn a. A hmu nuom

thu a hril chun inhmuna dingin hun kan siema, kan inhmu \anna a nih” tiin a hril. “Keiin a bul ka tan pei a. A tir chun ruol\ha angin kan inpâwl a, a sâwt deu deuva kan inngai deu deu a. Connor khawmin dang taluoin a mi en nawh a. Nuhmei angin a mi hmua a mi pawm bawk a. Ka nina ka hril chun kan innui nasa em em a. Anachu, a ‘click’ a um a. Kan hlim tah em em a nih” tiin a hril. Lauren Harris hi 2002 khan transgender operation a thaw a, pasal nuhmeia insiem a ni leiin pasalin an hnâwl a tithawng hle a. Hmangaitu indiktak tawng fuk naw an lau bawk a.

Hlim le lungril na awl em emin an hriet thuhai a hril bawk. Nuhmei dak el a nih a. Connor le an inhmu hi a hlim hle a nih. Connor khawm tlangvâl that lai tak a nia chu, nuhmei pasal thilah chuong taluoa ‘ti bik’ nei a nih nawh a, pawisak nei bek bek lo, a ieng ieng khawm thei vawng (pansexual) a ni thu a hril a. Lauren chungchâng bika chu hmangaina le lunginsietna lei niin a hril. “Lauren le kan inpâwl sâwt tah a. Thil tamtak kan hril tah bawk a. A nuna harsatna a lo pal tlâng tamtak, abîkin a nina inthleng dinga hun sâwt tak harsatna tamtak a pal tlâng hi a thlawn el ding chun ka phal pek naw a nih – nuhmei anga en naw chu a chungah thil indik naw tak thawah kan ngai” tiin a hril. Tulai khawvel mihriemin ‘carbon copy’ le ‘cloning’ hai chen thawa Pathien siem dan naw ang deuva mihriem le thir mihriem sawr ding chauva siemhai nek chun mani nina inthleng nuomhai hi a zie an la um lem el naw dim a nih ti hi tulai Transgender issue hung um thara inthawk hin ngaidân a tam tah hle a. Society khawmin a hung pawm pei tah ding niin an lang. Khawvel hin iem a chang ding a na ti chu ngaituo um tak khawm a ni tah.

La Liga :

Barcelona haiin Real Betis 2-0 in an hne a, Real Madrid-in De-portivo 3-0 in an hne bawk; Sergio Ramos Red CardPathienni zan khan La Liga inkhel pathum a um a. A hmasa takah Athletico Bil-bao le Getafe an inkhel a, goal thun bik um lovin an inhnetawk. Chu hnungah Barcelona chun Real Be-tis an lo mikhuol a, 2-0 in hnena an lo chang. Inkhel \ana inthawka minute 36 naah Real Betis player Ali Tosca chun anni goal tieng a thun pal leiin Barca chun hma an \huoi a. Chu zo char minute 3 hnungah Sergi Roberto chun Barca ta ding bawkin goal a hung thun nawk a. Half chenah Barca chun 2-0 in hma an \huoi nghal ta a nih. Half hnungin goal dang thunsap

a ni ta naw leiin Barcelona chun season \annaah point pathum an hlawsuok ta a nih. Zansawt hnung inkhel-ah Real Madrid chun De-portivo an va hlukhum a, khuolralah goal 3 taw-pin hratna an va chang.

Hi inkhela hin minute 20 na chauah Gareth Bale chun Real ta dingin goal a thun nghal a. Chu hnung minute 27 naah Casemiro chun goal dang a hung thunsa nawk a, second half minute 62 naah Toni Kroos chun goal thumna a

thun bawk. Hun tawp che-nah goal dang a lut sap ta nawh. Real Madrid an hrat lai zingin an defender Ser-gio Ramos chun minute 90 naah red card a hmu leiin an lawm kim zan dingin ring a um nawh. Minute 89 naah Deportivo chun Pen-alty an hmu a, Florin And one a hung pensuok a, ana-chu a thun nawh. Ramos-in red card a hmu le inzawm hin La Liga chanchinah red card hmu rawn takhai a hung phak vet a a nih. Ama ti lo mi dang hieng Pablo Alfaro le Xavi Aquado hai-in vawi 18 ve ve an lo hmu ta a, chu chu Ramos chun a hung inruolpui ta a nih

France – Ligue 1:

Paris St. Germain chun Toulouse hai goal 6 tawp an pekPathienni zan khan France League 1 inkhel pathum a um a. A hmasa takah Lille chun Caen an lo mikhuol a. Caen hai goal hni tawpin an hrat lem. Caen hai hratna goal thuntuhai chu Damien Da Silva (5`) le Ivan Santini (69`) hai an nih. Chu hnungah Mar-selle chun Angers hai an mikhuol ve a. Goal khat ve ve inpein an inhne tawk. Minute 17 naah Marseille ta dingin Clinton Njie chun goal a thun a, hun tawp

hnai minute 71 naah Karl Toko Ebamki chun Angers ta dingin goal khat a hung thun ve a, goal dang a lut sap ta naw leiin point pak-

hat ve ve an hmu ta a nih. A tawpna takah khawve-la football player man to tak kawl mektu Paris St. Germain chun Toulouse

an mikhuol ve a, 6-2 taw-pin hratna an chang. PSG ta dinga goal thuntuhai chu Neymar(31` & 90`), Adrian Rabiot(35`), Edinson Ca-vani(75` Penalty), Javier Pastore(82`) le Layvin Kur-zuwa(84`) hai an nih. Minute 69 naah PSG tieng Marco Verratti chun red card a hmu a, an tlawm lema chu a hrat lemah an la \hang tho a nih. Toulouse ta dingin Max Alian Gradel(18`) le Christo-pher Jullien(78`) haiin goal khat ve ve an thun bawk.

English Premier League:

Hudderfield Town chun New Castle United an hne hram a, Chelsea’n Tottenham an hne bawkPathienni zan Premier League inkhel pahni a um a. A hmasa lemah Hudder-sfield Town chun Newcastle United an lo mikhuol a. Goal khat ngawiin an lo hne. Huddersfield hratna goal le goal umsun thuntu chu Aaron Mooy a nih a, minute 50 naa a thun a nih. Hi inkhela hin yellow card parasi tawp phaw-rdawk a ni a. Huddersfield tiengin pathum an hmu a, New Castle tiengin pali an hmu bawk. Inkhel dangah Tottenham chun Chelsea an lo mikhuol ve thung a.

Minute 24 chauah Marco Alonso chun Chelsea ta dingin goal hmasa a thun a, hun tawp hnai tieng minute 82 naah Michy Batshuayi chun anni goal tieng a thun pal leiin 1-1 in an inang tawk a.

Goal dang a lut sap tan aw ding anga ngai a ni hnung minute 88 naah Alonso bawkin Chelsea ta dingin goal a hung thun a, hun a bo zui nghal leiin Chelsea chu a hrat lemah an \hang ta a nih.

Football thu-leng-vel• Manchester City chun world record kh<ma Lionel Messi inchawk an inpei zing. Messi agent khawm an inhmupui ta bawk. Ieng chen am an inbiek dan ruok chu hriet a ni nawh.• Arsenal chun an winger Alex Oxlade Chamberlain chu kar khat sunga £125,000 hlaw dingin kum 4 dai ding con-tract ziek tharpui a tum. Ama hi Chelsea’n an dawr zing leia an hrentang theina ding an zawng a nih. • Barcelona captain, kum 33 mi Andres Iniesta chun a contract sukseina dingin inbiekna le lekha ziekfelna a la hmabak thu a hril. Ama hi kum thar nipui khin a contract a tawp ding a nih.• Borussia Dortmund striker Pierre-Emerick Aubamay-eng chun club a suoksan nuom thu a hril a, chu le inzawm chun Chelsea le AC Milan chun chang tumin an lo inring nghal.• West Ham chun Sporting Lisbon-a inthawk midfielder William Carvalho chu an lak fel vang vang tah.• Crystal Palace manager Frank de Boers chun Liver-pool player Mamadou Sakho lak a nuom a chu a ta ding chun a man a tam taluo thu a hril.• Manchester United chun kum 35 mi striker Zlatan Ibra-himovic contract chu tuta kar hin ziek fel ngei an nuom.

• Arsenal manager Ar-sene Wenger chun player thar lak ding chun an player kawl mekhai hi zawrsuok

hmasak phawt a ngai ding thu a hril. Ama ngaidana chu player an hau taluo deu a nih.

Malaria Department in Fogging an kap CCPur: Malaria De-partment chun zanikhan Dengue case hmu tharna Khousabung hmunah Fog-ging an kap. Japanese Encephalitis

(JE) le Dengue natna hai hi Thokang-a inthawk in\an a ni leiin mitin tho-kang se ding lakah theit-awpa inveng a him. Department khawmin

natna hmusuok hnunga Fogging kap nekin mi an damnaw hmain ringhlana hmun le a \ulna hmuna hri-et haia Fogging hi kap sien nuom a um.

Khawvêla Nuhmei Sexy Tak Dinga Nominate

LOS ANGELES: Kum 24 chauva upa Jacqueline Jossa chu ni kum 2016 Inside Soap Award ah khan khawvêla nuhmei sexy tak, Sexiest Female-a puong a nih a. Tu kum 2017 khan Dan Osborne leh an innei a, nau nuhmeite pakhat Ella an nei hnung khawmin, 2017 Sexiest Female dingah nominated a la ni nawk a nih. Tu kum khawm a lak nawk chun a zawna kum hni a lâkna a ni ding a nih. EastEnder star Jacqueline Jossa hin nunghâk hmêl\ha tak tak, Coronation Street star Catherine Tyldesley le Helen Flanagan hai an khingpui ding a nih. Pathienni-a DailyStar a hril dan chun, “Tulai hin film emotional deu deu shooting kan thaw lai a nih a. Hi nina lak nawk dinga nominated ka ni hi mak ka tih” tiin a hril. “Nuhmei hmêl \ha tak tak an tam veileh kei kher, nau nei ta hnung nawk nghal an mi la hung nominate nawk hi chu ka lâwm a, phu naw hlein kan hriet” tiin an phalam thu a hril a. An pa Dan khawmin, “Hmêl\ha tak tak Jennifer Metcalfe, Gemma Atkinson etc hai an um laia Jossa a \hang nawk hi a ta dinga moral booster \ha tak a nih”, tin a hril ve. A hril peinaa chun, “Ni kuma a lak khan chu nunghâk a la nih a. Tukum

chu nau a nei ta bawk leh, nal an ti naw deu a, nominate nawka a um hin a piengzie thuah a la nal tawka miin an ngai leiin a hlimpui hle a nih” tiin a hril a. Jossa khawmin, tlang takin, “Mi tamtakin inzak tehlem dam an thaw chu...diktak chun confidence a mi peka inhawi ka tih a, ka hlim a nih!” tiin a hril. Nau a nei hnunga a umdân thu a indawnna ah, “Nau ka nei ta chun insungah inkhuma buoi em em el ta dingah kan ngai a, anachu, a lo nih nawh. Ka ngatiuona an hnuoi pha met a, nau nei ta hnung chu nunghâk lai leh an ang ta naw ding a na, tiin ka ngaituoa chu iengkim a lo la \ha vawng a nih” tiin nau nei hnung khawma sin a thaw thei zie a hril bawk. J a c q u e l i n e h i n EastEnders a co-s tar Shona McGarty le, Corrie changtu Helen le Catherine hai bâkah, Emmerdale changtu Fiona Wade le Natalie J Robb hai khawm an khingpui ding a nih, nominate an nih ve leiin. Jacqueline hi BBC program pakhat sawttak, 2010 a inthawka \an Soap opera a \hang an tah a. EastEnders ah a \hang bawk a. Kum 2014 le 2016 haiah Soap Sexiest Female nina a lo lak tah a, tu kum 2017 a lak nawk chun, a vawi thumna ding a ni tah.

Demi Rose-in Wolf & Whistle Brand Thar A SuklarL O S A N G E L E S : Birmingham nunghâk damte tea khawvel hrieta hung inpholang pei a, tulai model thar laia chu ‘pin up’ fe tak le ‘sexy model’ tia hriet hlâw tak tah, Kadarshian hai sûngkuo inelpui dinga a hmel tha tna le p ieng mawina hmang mektu Demi Rose Mawby bawkin mi a suklungawi nawka, company hai hluor a hlâw nawk tah. Brand pakhat a inthawkin Brand dang dang hai an dawr sup sup chu a ni tak tah. A ti ang ngeiin ‘ khawvel hmun hran hran’ chu a fang pei chu a nih, a hmêl\hat lei le pieng nal dan danglam leiin. Mi a hnêna tak ‘killer curves’ a kâwng inher dan le a awmbawr mar \hatna le mawngbawr nei thatna chu, fans hai bakah company le agent hai a hnêna tak a nih. T u t a t u m k h a w m Ibiza ah Wolf & Whistle hai tui insilna zakuohnuoi (swimming suit) Brand thar a pholang tan a, a nal thei hle. Zakuohnuoi zan zal zakuo ‘lingerie’ hai le tui insilna ding rênga siem ‘swiming suit’ (bikini) chi hran hran a nih a. A Bikini hai a nal zing laiin a figure nal le awmbawr \hatna chu a nih mihai lo buoipui chu.

Zakuohnuoi dum tiel hieu hieu, Rul vun ang deuva tiel, puon nam chi bodice a hrui pali nei, nene sirtieng a hmur chen thupa, a lailung bal thatna lai po inlang chau bâkah a sukpawng/mar theina dingin a laiah hrui pakhatin a keimar theinia a hak a. A puon inang char kekawrte a bun bawk a. Swimming Pool ah a kâwng chen inchie tuia huin an phum a. Inawn riein, a malpui chungah kut siein cement ah inngatin a sir zâwngin hla deu titak deuva a en lai le, a sam sukhu vawnga hlim tungin, a kâwng iner

tawna a ngir lai, ngaituo nei niawm taka a ngir zat lai dam an nih a, nal ti naw ding vâng hleng an tih. A vun a senin a tler tha bawka, a vun nêka sen met Chauvin a hner tler zatin a nal a. A mithmul hai chu dum kalin an tho sar bawk a. A sam sukhuin nam zatin a khui bawk, a hmêl \hatna a suklang zuol a, en a hâdam em em. Demi Rose hi a t ir chun mania Instagram-a in pholang vel mei mei hlak, hlâw khawm nei lo a nih a. Amiruokchu, an chei dan le a pieng zie nal dan danglam bâkah a hmêl that leiin hriet a hung nih pei a. Kum 2015 chena khan hlâw mumal le thawkna mumal khawm nei loin inline model agency ang deu Taz Angels list ah a \hang a. K y l i e J e n n e r ngaizawngpa Tyga a lâkpêk leiin an lar pha bawk a. Model a nina angin July thlaa siem thar DJ Tom Zanetti musi video album ah sexy tak takin an pholang leiin an lar zuol pha a. Tuhin chu company/agency iemani zatin an dawr tah a. Instagram ah khawm zuitu 3.2 million zet a nei tah a nih, a tira mi 60, 000 vel chau neitu khan.

Nepal PM ni 4 cham dingin a hung inzin dingNEW DELHI: Nepal Prime Minister Sher Bahadur Deuba chu August 23, 2017 khin India rama ni 4 sung cham dingin hung inzin a ta, a cham sungin PM Nar-endra Modi inhmupuiin an ram pahni kar inlaichinna le thu pawimaw dang dang hai hriltlang an tih. Mr Deuba hi high-level delegation

team in hung zui an ta, President le Vice President hai khawm inhmupui an tih tiin external affairs ministry thusuok chun a hril. Deuba hin June, 2017 a kha Nepal PM a chel \an a ni a, India ram a cham sungin Hyderabad, Tirupati le Bodh Gaya hmun hai khawm sir a tih. (PTI)

Consultation on Climate Change nei

CCPur: Rural Women Upliftment Soci-ety RWUS, GSES/SRC Saging le CSD Imphal hai \hangruola huoihawtnain zani 10AM khan RWUS Training Hall, Siel-mat, CCPur-ah One Day Consultation on Climate Change and Manipur State Action Plan on Climate Change nei a nih.

Programme hmangna hi Melody, Co-ordinator, RWUS in a keihruoi a, Samuel L. Shakum, Program Manager, RWUS in well come address a hril a, UN Singh, Cen-tre for Social Development, (CDS), Imphal in introduction le keynote address a hril. Hi huna hin Niangthianhoih, Assistant Conservation of Forest; Thangminlien, SO PHED ; Nengneihling, Assistant Soil Con-servation Officer hai resource person in an \hang a; chawhnungtieng consultation hunah U Nabakishore, Secretary CSD Imphal in an rawi. Boruok sik le sa inthlak danglamna (cli-mate change) nasa tak um mek ngaimaw leia consultation hi buotsai a nih.

China-in Bullet Train Hrat Chi A Nei TharbEIJING: Khawvela bullet train hrattak chihai, kha hma meta Beijing le Shanghai inkara tlân, darkar khata Km.350 zeta hrata tlân a changsuol (accident) leia a tawpsan hnungin, tuhin khawvêla Bullet Train hrattak chi chu intlantir dingin an ring nawk tah. Tuta Bullet Train thar hi darkar khata Km. 350 (mel 217) bawka hrata tlân thei, Beijing le Shanghai inkara tlân ding a ni nawk a. A lam tluong Km 1, 250 (mel 777) zeta hla chu darkar 4, minit 30 sungin a tlung hman ding a nih. Vuongna ang thova hrât tina ang a nih a. Bus a fe ding nisien chu darkar khata Km 40 peia hratin, darkar 31 (ni 2 vel) a \ul tina a nih. Khuolzinna nasatakin a hun a suktawi a nih. Bullet Train hi thla thar September khin tlân \an a ta.

Lampui dang dang khawm, Beijing a inthawka suok dawkna ding belsa pei nîng a tih. China hin Bullet Train hrât chi hai hi 2008 a inthawk khan ram hla fena dingin a lo hmang tah a. Darkar khata Km 350 zeta hrata tlân hlak a nih. Amiruokchu, 2011 khan, Wenchou khawpui ah accident-in mi 40 thiin 191 an hliem leiin a speed Km. 300-250 in a sukhnuoi nawk a nih.

China hin tu tak hin high speed rail (lampui) Km. 20, 000 (mel 12, 400) a nei tah a. Kum 2020 chena khin chu Km. 10, 000 (mel 6, 2140 lampui thar belsa an beisei a nih. High-speed rail (lampui) siemna ding hin $360 billion a sêng phâk tah. Khawvela high speed Bullet Train nei thatak chu Japan a nih a. Japan chun darkar khatah Km.400 zeta hratin a service thei a nih.

RPF Director General dingin Dharmendra KumarNEW DELHI: CISF a ADG Dharmendra Kumar chun za-nikhan Railway Protection Force (RPF) a Director Gen-eral sin a chel \an. Kumar hi 1984 batch IPS Officer, Arunachal Pradesh-Goa-Mizoram-

Union Territories (AGMUT) cadre a nih. Tukum June thlaa DG, RPF S. K. Bhagat a pen-sion hnungin NSG a DG Sudhir Pratap Singh in DG, RPF sin hi a lo chelsa a nih. (PTI)

PM in BJP CM hai meeting a neipui

NEW DELHI: Prime Min-ister Narendra Modi le BJP Chief Amit Shah hai chun zanikhan New Delhi hmunah BJP Chief Ministers le Dep-

uty Chief Ministers hai meet-ing a neipui. Hi huna hin Manipur CM N. Biren Singh \hangin states 13 haia Chief Ministers le BJP

inlalna states haia Deputy CMs 6 an \hang bakah se-nior Union Ministers Rajnath Singh le Ms Sushma Swaraj han an uop bawk. Meeting huna hin kum 2019 Lok Sabha Election ding le inzawma party hmalak dan ding hai hriltlang a ni a, kum 2014 electiona BJP hrat zo nawna seat haia BJP in hratna an chang ngei theina dinga hma la dingin party leader hai a hril tawl.