Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984

GAS NEWS Agency : SASBooking :18th. FeB., 2017 to 18th. March., 2017delivery :20-06-2017 (tUe) Time :9AM-tillstockstOCK : 306/ rate:Rs. 699/-

HmasawnnaTharVol-32/241 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

THLAdo (june) 20, 2017 THAwLeni (TuesdAy)

Contact Numbers pawimaw : dC/CCpur : 03874-234234 sp/CCpur : 03874-236747 police station : 03874-202248 sp Control room: 03874- 233239 dist. Hospital Casualty : 03874-233370 Fire Brigade : 8974 147 799/ 8258 057 887 / 8974 103 600

sP Hotline number 7085-256-377

NEWS TOMkiMCHANCHIN LAKTAWI

dAIly dIreCt serVICe

1. CCPur- Jiribam-Hmarkhawlien

2.Churachandpur-Shillong

Contact no. 9862129273

Office of the

CHURACHANDPUR DISTRICT BADMINTON ASSOCIATION

The 17th District Level Badminton Championship-2017The Churachandpur District Badminton Associa-tion (CDBA) will organise District level Badminton Championship for all interested players of the Dis-trict as per details below:1. Categories: Mini (Boys & Girls) to Veteran 60+2. Tournament starting on : 27th June, 20173. Last date of Submission of Entry: 24th June, 20174. Entry Forms will be available @ CDBA Office & Kammin Badminton Store.For details Contact:1. +91 98621970302. +91 81320771153. +91 9862190911

Sd/- Information & PublicityTournament Board/CDBA

BJP Parliamentary body meet nei;

NDA President candidate dingin Bihar Governor Ram Nath Kovind ruot a nihnew deLHi: July 17, 2017-a India President election hung um ding le inzawmin BJP-a high-est decision-making body Bharatiya Janata Party (BJP) Parliamentary Board chun NDA President nom-inee ding thuah zanikhan New Delhi hmunah meet-ing an nei a, Bihar Gover-nor ni lai mek Ram Nath Kovind chu NDA Presiden-tial Candidate dinga ruot a nih. Mr Ram Nath Kovind NDA Presidential candidate dinga ruot a ni thu hi meet-ing zoa BJP National Presi-dent Amith Shah in Media hai hmaa a puong a nih. Congress President So-nia Gandhi le Prime Minis-ter hlui Manmohan Singh le Opposition leaders hai inrawnpui an ni hnunga Kovind hi Presidential candidate ni dinga thutluk-na siem a nih tiin Mr Amit Shah chun a hril. Vice President nomi-

nee ding ruok chu a hnunga la sukfel a ni ding thu Amit Shah chun a hril a, political parties tum tum han NDA candidate hi an thlawp seng a beisei thu a hril. Ramnath Kovind hi October 1, 1945 khan Dera-pur village, Kanpur Dehat hmunah a pieng a, Com-merce graduate le LLB degree zo a ni a, a profes-sion tienga chu lawyer niin

Dalit hnama, Kanpur, Uttar Pradesh mi, kum 1998-2002 inkar sung khan BJP Scheduled Caste Morcha Chief le All India Koli Samaj President sin lo chel ta a nih. BJP National spokes-person lo nita a ni bawk. August 8, 2015 khan Presi-dent chun Bihar Governor dingin a ruot a, kum 1994-2000 le 2000-2006 inkar

sung khan Uttar Pradesh a inthawk Rajya Sabha member dinga thlangtlinga lo ni ta a nih. Lucknow hmuna BR Ambedkar University a Management board member, board of governors, Indian Institute of Management Kolkata lo ni ta a ni bawk. Kum 1971 khan Bar Council of Delhi-ah ad-vocate in an zieklut a, kum 1978 khan Supreme Court-ah Advocate –on-Record sin chelin kum 1993 chen khan kum 16 sung zet Del-hi High Court le Supreme Court haiah law a lo prac-tised a nih. October, 2002 khan New York hmuna UN Gen-eral Asembly-ah India ram aiawa \hangin thu a lo hril ta bawk a nih. Mr Kovind hin June 23, 2017 khin President can-didate ni dinga nomination paper a file ring a nih. C Kovind hin kum 3 sung Bihar Governor sin a

lo chel ta a, Thlangtling a hung ni chun KR Naray-anan zoa Dalit hnam India President pahnina ding a nih. Bihar CM Nitish Ku-mar chun NDA Presiden-tial candidate dinga Kov-ind ruot a nina chu lawmum a ti thu a hril a, sienkhawm JD(U) an thlawp ding le dingnaw chungthua ruok chun comment a la pek hri nawh. Congress leader Gh-ulam Nabi Azad chun Mr Govind President ding ruot ding chungthu hi Congress party le hriltlang a umnaw thu a hril a, Congress ang zawng chun comment a pek naw a, Opposition leader hai chu President candi-date ding thua June 22, 2017 a inrawn tlang dinga \hang seng dingin a fiel. Mr Govind hi zani zan-tieng khan New Delhi a tlung a, Plitical party tum tum hai inhmupuia thlawp dinga a ngen ding thu a hril.

Nemcha Kipgen khuollien ding

CCPur: Centre for Com-munity Initiative (CCI) chun June 24, 2017, 11:00 AM khin Malsawm Ability Resource Centre (MARC), Pearsonmun-ah 6th Unau Meet-cum-Inauguration of Malsawm Skill Develop-ment and Vocational Reha-bilitation Unit (MSDVRU) hmang an tih. Hi huna hin Pi Nemcha Kipgen, Minister (Social Welfare & Cooperation), Govt. of Manipur chu khuollienin \hang a ta, V. Hangkhanlian, Minister (Agriculture, Veterinary & Animal Husbandry), Govt. of Manipur functional President in \hang a tih.

Education Expo 2017 nei

CCPur: Zanikhan ni 2 sung aw ding Education Expo, 2017 chu Synod Hall, IB Road, CCPur hmu-na \an a nih. Expo-a hin Quest Group of Institution, Gulzar Group of Institute, GNA University, SGT Uni-versity haia inthawk palai an hung \hang tawl a, Uni-versity chungthua NE stu-dent hai ta dinga ham\hatna dang dang um hai, student marks 85 percent le chun-gtieng hmu hai Merit schol-arship pek thei a ni thu, Professional course sum tum MBBS, BDS, Engi-neering, Nursing, Pharma-cy, Physiotherapy, MBA, MCA, Fashion Designing, Air Hostess, BBA le a dang dang hai inchk thei a ni thu hai hril ni a, vawisun hin sunzawm ning a tih.

One day AwarenessCCPur: National Agro Tech Research and Process-ing Society (NARPS)/Live-lihood Business Incubator (LBI) huoihawtnain zan-ikhan DIC, Tuibong, CCPur hmunah a vawi 8-nain One Day Awareness Program on Apiculture & Mushroom Cultivation nei a nih. Hi huna hin Hussein Choud-hary, Instructor, LBI ; PC Thangchhuana, Supervisor, DIC hai resource person in an \hang a, Pa siem dan le Khuoi khawi dan inchuk-tirna an nei a, training-a hin mi 20 vel an \hang.

Yoga Day le Marathon a um dingCCPur: District Admin-istration le District Police hai \hangruola huoihawt-nain June 21, 2017 khin In-ternational Yoga Day CC-Pur a khawm hmang ning a tih. Hi le inzawm hin zani zantieng khan DC/CCPur Office chamber-ah Press briefing nei a nih. Pu Rakesh Balwal, IPS, SP, CCPur chun, United Nations Organisa-tion (UNO) in June 21 In-ternational Yoga Day-a a puong le inzawmin June 21, 2017, 6AM a inthawk Peace Ground Auditorium-ah International Yoga Day puithu taka hmang a ni ding thu a hril a, hi huna hin mi-tin \hang dingin a fiel. Yoga Day hmangnaa hi NYK, CCPur le Pitanjali Yoga bakah District Social Welfare hai khawma an thlawp ding thu, Inruithei dona le district sukthieng-hlimna dingin June 26, 2017 khin Churachandpur Marathon, 2017 category pahni Junior (U-18 boys

& Girls) le senior (Open boys and girls) nei a ni ding thu, Pasasal hai S. Kotlian-Lamka College chen, km. 10 le nuhmei hai K. Salbung – Lamka Col-lege chen, Km. 5 tlan ding, Registration hmasa mi 300 chen kuomah T-Shirt a thlawna pek a ni ding thu, lawmman mi 12 kuoma pek ninga ta, a tlung hma-sa tak mi 4 kuomah Rs. 2000 seng, a dawttu mi 4 kuomah Rs. 1000 seng le anni dawttu mi 4 kuomah Rs. 500 seng pek an ni ding thu, a tlung hmasa mi 100 hai Certificate le medal pek an ni ding thu hai a hril. Marathon a tlan hai po

Health Department in Free Health Check-up thaw pek a ta, Live music um bawk a tih tiin a hril. Pu Shyamlal Poonia, IAS, DC, CCPur chun, “Choose Life; Say No to Drugs” ti thupui hmanga Marathon hi nei a ni ding thu a hril a, a thiltum thu-pui tak chu district sunga inruithei, hawp le hmuom tiengpanga sukthienghlim a nih tiin a hril. Inhnikna nei han SP-CCP office ah office-ah Rs. 100/- participation fee pein form lak thei le June 24, 2017, 5:00PM chenin counter-ah form hi peklut thei ning a tih.

DLC Meeting nei

CCPur: Zanikhan Pu Shyam Lal Poonia, IAS, DC, CCPur inrawinain DC Office-a BRGF Re-source Centre, Tuibong-ah District Level Committee meeting nei a nih. Hi huna hin District sung a Border Area Development Pro-gram (BADP) chungthu Annual Action Plan (AAP) 2017-2018 hriltlang le rel a

nih. Meeting huna hin Dis-trict Level Officers (DLOs) hai an \hang tawl. Meeting chun BADP 2016-17 hnuoiah Singngat Block-a sin 32 thawna ding a sanction bakah Thanlon-ah 22, Sangaikot-ah 9 sanc-tion a nih. Hieng sin hai thawna dinga sum sanction zat chu Rs. 439.47 lakh a tling.

News Reporting training zo

CCPur: State Institute of Journalism (SIJ), DIPR, Government of Manipur huoihawtna hnuoia June 12, 2017 a inthawk MHJU Press Club, Hqrts Veng, CCPur hmuna ni 7 sung aw Basic Course on News Re-porting \ana um chu zani khan zo le closing function hmang a nih. Training sung hin Dr. Hangpi Manlun, Soth-ing Shimray, Awonshang Ningsen, Rupachandra Yumnam, Sapam Dilip le Sobhabati Samon han

thupui hran hran hmangin training an pek bakah field visit neiin training-a \hang hai chu an thil hmu dan report inpetirin training hi khar a nih. Training hi Pi Lal-rawngbawl Hmar, District Information Officer, CC-Pur in a khar a, training-a \hang hai kuomah Partici-pation Certificate inhlanna a nei nghal bawk. Training hi CCPur district mi hai ta ding bika buotsai a ni a, training-a hin mi 26 an \hang a nih. Helpawl 1 ralthuom leh CM kuomah an pe

imPHAL: Zanilkhan Chief Minister’s Secretariat, Imphal-ah KCP Lamphel fac-tion a Self Style Commander Soraisam Madhuchandra alias S.M.Meitei (45), s/o S.Dinamani Singh of Thang-meiband Yumnam Leikai chu CM N.Biren Singh kutah 9mm Pistols 2, magazines 2 le Pistol mu 9 leh an pe. Hi hunserah hin L.M.Khaute, DGP, Mani-pur le Dr J.Suresh Babu, Additional Chief Secre-tary (Home) hai khawm an thang. Hi hunsera CM N.Biren Sinh in thu a hril-naa chun, helpawl inpe tasa han an khata fak zawngna lampui an hmu theina din-gin a thlawnin Vocational training pek ning an ta, hi

training hi June 30, 2017 a inthawk tan nghal nng a tih. Kum liemtaa helpawl inpe tahai chu an in sen-gah an um thei ta a nih tiin a hril. CM N.Biren Singh chun helpawlhai chu tharum insuona tawpsana nun dan pangaia hungkir nawk dingin a ngen. Tulai

hnaia Ukhrul-a inthatna tlung le inzawm khan FIR registered a nita a, dan kala che hai chu hrem ning an tih. Chun, hi thil tlungna hmuna hin Combined State Police le Assam Rifles tam lem tirlut an nita, inthatna tlungna hmun hi an va thu-nun ta tiin CM chun a hril.

Imphal-Pherzawl MST Bus Service June 25 ah

imPHAL: Public Rela-tions, Pherzawl Dist De-mand Committee, Mr Timothy Z. Zote thusuokin a hril dan chun, Imphal-Pherzawl MST Bus tlanna ding thupek (order) chu June 19 khan suksuok a nih tah ti thu DC/Pherzawl, Mr A. Tombikanta-in PDDC a hung hril niin a hril. Imphal-Pherzawl MST Bus Service bul \anna ding chu June 25 khin Imphal ah Chief Minister Mr N. Biren Singh-in hawng a ta, June 26 a inthawkin a tlân \an nghâl ding niin a hril bawk. Riruong dana chun Bus chuongman hi sawrkâr rate angin Imphal-Churachand-pur chu Km.1 pei ah Re.1

nîng a ta, Churachandpur-Pherzawl chu Km. 1 pei ah Rs. 1.20p nîng a tih. Bus service hmasataka passen-ger hai chu ‘discount’ a um ding niin thusuok chun a hril bawk. Churachandpur station chu Rêngkai nîng a ta, thu chieng hre nuomhai chun Mr Lalramsang, Member PDDC kuomah hriet thei nîng a tih. Hmun kilkhawr tak tlung theina ding MST ser-vice a um nâwk theina din-ga hmalatu, bieltu MLA Dr Chaltonlien Amo, Thanlon MLA Mr Vungzagin Valte, DC/Pherzawl le Manipur state sawrkâr hai kuomah PDCC chun lâwmthu a hril.

Doctor chun hmangai takin damnaw an enkawl ding a nih: CMimPHAL (diPr): Miretheihai ta dinga natna inenkawl harsa taluo tah sukkiengna dinga hmalak-na pakhat ah, Chief Minis-try Mr N. Biren Singh chun kal natna (renal/kidney disease) enkawlna dinga siem, Directorate of Health Services, Manipur le SHS, National Health Mission, Manipur-in a buotsai Prad-han Mantri National Dialy-sis Program chu Mini Au-ditorium, JNIMS ah June 19 khan a hawng tah. Khuol lien anga thu hri-lin, daktor chun damnaw hrim hrim chu hmangai tak le duot takin an enkawl ding a nih, pawisa hmuna ding ringawt nih lovin. Medical profession-a mihai chun an

patient hai kuomah, “Ka thei nawh” “sorry” an ti ding an nawh” tiin a hril a. Mipuiin daktor le nurse hai an ringzona le an inzana hi an inhmang ding an nawh, tiin, mipuiin sawrkâr hospi-tal hai an ringzo nâwna san hi thawktu han hmu suok tum dingin a hril bawk. Hi Pradhan Mantri Di-alysis Program (PMDP) hi JNIMS le RIMS hai bâkah district tinah khawm hlen a la nih ding niin a hril.CM chun, “|hangruola, inrawn tlanga thil ei thaw phawt chun natna laia kh-irkhan tak le inriktakhai khawm ei state sung nge-iah ei sukdam thei vawng ka ring tlat a nih” tiin, Prime Minister Mr Naren-

dra Modi inrawina hnuoia welfare schemes hai hi mirethei takhai tlung phâk dinga siem vawng an ni thu a hril bawk. Sawrkar thar chu hma-sawnna thar intluntu dinga indin a nih ang bawkin hmasawnna thar le dan-glamna hmu thei ngei int-lungtir tum tlat a nih thu a hril a. Anti corruption cell le website tharhai le What-sApp numbers hai a siemna san chu sawrkâr thil thaw-suolhai hriet theina ding le thil thawsuoltu chu dan ang taka hremna pek an nih theina dinga siem an nih

thu a hril bawk. CM chun, State Trans-port Service sukthar nawkin City Bus service khawm sawtnawtea hmang thei dinga siem vat a ni tah ding thu a hril a. Traffic in-tar le pollution suktlawmna dingin mipuihai chu a tam thei ang tak public trans-port hai hmang dinga infui dingin a hril bawk. Traf-fic Police Superintendent khawm siem a ni vat tah ding niin a hril a. Manipur State Trans-port Service suthar nâw-kna ding thuah tlangram kilkhawr tak chenhai,

abîkin district headquarter tinhai thlung zawm vawng-na dinga pakhat, Pherzawl district MST Bus Service chu June 25 khin hawng a nih ding niin a hril bawk. Mipui le sawrkâr in-laichinna siem\hat a, hma-sawnna hrât lema a tlung theina dingin, mithiem le mivar, kawng dang danga râwn tlâk le chinchâng hrehai chun sawrkâr trans-parent tak le indik taka sin a thaw thei dân dinghai thurawn pe hlak dingin a ngên bawk. Hunsera hin Chief Min-ister chun RIMS le JNIMS Director hai ve ve kuomah Rs. 25 lakh ve ve a \ulna naa hmang ding a pêk a. Health & Family Welfare min-ister Mr L. Jayantakumar Singh, PS (H & FW) Mr S. Subhaschandra Singh, Commissioner Health Mr Sumanth Singh, Director RIMS Mr RK Dinesh le Di-rector JNIMS Mr L. Deben bâkah medical practitioner tamtak an \hang bawk.

Agri Minister in hnuoithatna a semimPHAL: Zanikhan Ag-riculture Godown, Lam-phelpat, Imphal a inthawk Agriculture Minister V.Hangkhanlian in loneitu-hai kuomah hnuoithatna a sem. Hnuoithatna ei mamaw tawk sekkhawlsa Godown-ah a um a, loneituhai ta din-gin hnuoi\hatna chungthuah lungkhamna ding a um nawh tiin Rajendro Singh, Director (Agriculture), Govt. of Manipur chun hi huna thu a hril huna a hril.

Hnuoi\hatna hi an mamaw hun huna an ditz at zat ieng huna khawm Department

of Agriculture a inthawk la thei an tih tiin Rajendro Singh hin a hril bawk.

Solar Project hawng

CCPur: MANIREDA hn-uoia Singngat A/C sunga Behiang PHC a hmang ding Solar project chu inbun zo a ni le inzawmin zanikhan bieltu MLA le Chairman, MANIREDA, Govt. of Ma-nipur Ginsuanhau @ GS Haupu in a hawng a, MO incharge Dr Steve Tung-nung inrawinain MLA le

a team han Solar project hi enfelna an nei a, hi zo hin PHC waiting hall-ah hun tawite hmang a nih. Ginsuanhau chun, Behi-ang PHC chu CHC a upgrade ding a ni leiin Operation The-atre (OT) room siem belsa a ni ding thu le PHC keklien dan ding ngaituo a ni thu a hril. >>sunzawmna page 2 ah

Hmasawnna Thar2THLAdo (june) 20, 2017THAwLeni (TuesdAy) ARTICLE/HEALTH & EMPLOYMENT NEWS

Editorial

Editorial Boardlalmalsawm sellate: Editor& Publisherroding l. sellate: Jt. Editor Joseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

VAWISUN THUPUIBeiseinain a nih, sandamna ei um; nisienlakhawm hmu thei zing beiseina hi beiseina an naw a, min a hmu thei zing chu iengtin am a la beisei hlak a? Ei hmu naw chu ei beiei chun ei nghak fanfan hlak a nih. - Rom 8:24-5

TUOLSUNG/ IMPHAL

ALL INDIA RADIO: CHURACHANDPUR PROGRAMMEdate: june 20, 2017 (Thawleni)

TrAnsmission- FM-101.4 Megahertz

Hours Studio/ Programme

4.53pm CR/P Signature

4.55pm Vande Mataram, Time Reading, Opening Announcement

5.00pm P Hyms to God (Hmar): Jenneth Varte (dev)

5.05pm P Local Announcement/Prog. Summary

5.10pm P Minor Dialect (Kom): T. David & party (mod)

5.25pm PScience Hints: (Hmar): “Nano Material harder than Diamond”

-by Lalthalur Infimate

5.30pm P

PAITE Prog. Sig. Tune & Announcement Announcer: Nianbiaklun1) L. Thangkhanlal & Party (trad)2) Women’s Programme: “Nu te poimohna & mohpuak”-by Chinkhoman

6.00pm PHMAR Prog., sig. Tune & Announcement Announcer:Niangngaihlun

1) Zaituokung & party (trad)

7:00PM PTHADOU Prog., sig. Tune & Announcement

Announcer: Vahkholam1) 1) Boijang Haokip

Farm & Home: Hmar1. Joseph Pakhuongte (dev)

2. Discussion: Women’s role in maintaining householdsparticipants: Esther Remruotkim, 2. Lalrosiem

Solar Street Light

Meghalaya NCP an khatin an ngir dingsHiLLong: Kum 2018-a Meghalaya Assembly Election hung um dinga hin Nationalist Congress Party (NCP) chun party dang \hangruolpui nei lovin an khatin an ngir ding thu NCP National Secre-tary le spokesperson Na-

rendra Verma chun zani hmasa khan a hril. As-sembly seats 60 umah NCP chu seats 40 bekah ngir an tih tiin a hril a, NCP chun seat um po poa ngir chu an tum niin Mr Verma chun chanchinbumihai kuoma a hril. (ST)

|ÙLnA Leiin AiZAwLAH! Part i

Ruoivel Pangamte

‘Pa Taptáwm’ tâwp el ka ni leiin, \ùlna leia inzin suok a ngai chàng hin, harsa ka ti thei èm êm hlak. Pathien zâr chauvin ka’n zinsuok chàng hin, ka chèngna in nêka changkâng le inhawi lemah ka tlung hlak a. Mi tamtak chun chuong ang hmun chángkânga tlung le khawsak chu inhawi an ti lem thu chu an hril hlak. Kei ruok chun, ka in le lo nêka inhawi ka ti lem hi, ka la tawng fùk ve ngai naw leiin, ka’n zinsuok chàng hin, kan in hi ka ngai ngàwi ngâwi hlak a nih. Chu chu ka ti lai zing chun, February 17–26, 2017 inkàr sunga Aizawl-a kan va’n zin ruok kha chu, kan in ka ngai ka hriet dèr nawh. A san ding àwm ka ngaituo chun, ‘ka nuhmei le inzin’ kan ni lei ni dingin ka ring. ‘Kan in ka ngai’ ka ti hlak khawm hi, ‘a sûnga chênghai ka ngai’ a lo ni lem hmán hman hlak àwm! June 02, 2017 chu Zirtàwpni a nih a. Fùrpui in\an lai hun a ni leiin, khawmuol chu hrillâwk hlei thei lovin, a chângin nî a hung sa a, a chângin vàn a hung innìm nâwk khup hlak. Imphal Tulihal Airport-a inthawka Aizawl Lêngpui Airport baw ding ka nih a. Chawhnung dâr 01:10-a vuong suok ding kan nih. Anachu, dâr 01:30 vêlin kan vuong suok thei chau a. Dârkâr chenve kan vuong hnungin chawhnung dâr 2-in Lengpui Airport chu kan \um a. Boruok a’n thieng a, harsatna dang a um naw chun, Imphal le Lengpui kàr chu dârkâr chenve chauva tlung thei a ni tah. February-a kan vuong \um lem khan chu dârkâr chenve nêka tawi kan vuong a nih. Pandit Jawaharlal Nehru’n, “Khawvel hi a chîn deu deu tah (The world becomes smaller and smaller)” a ti chu a hung indik ta pei a nih. Tû \uma Aizawl-a ka va’n zin hi, ka naunu mamawhai thak dinga inzin ka nih a. Kolkata khawpuia German \awng inchùk, chû zova Research Methodology Orientation Course June 02, 2017 chen \hang, June 07, 2017-a Aizawl Theological College lùt ding, hunin a dai ta naw leia Kolkataa inthawk a, June 04, 2017-a Aizawl hung baw ngei ngei \ûl a ni leiin, a thuomhnaw le a’n chùkna ding sum le pai thak dinga Aizawl pan ka nih. Rawsùr nasat leiin Lengpui Airport-a inthawka Aizawl khawpui panna lampui khawm chu, mîmkeiin a lo sukbuoi nuol a. Hmun 3 vêlah JCB-in lampui inthiel sin chu an lo thâw zing a. Khobaka inthawka pil chim a um zing a, inthielfai a ni zing bawk a. Aizawl khawpui sùng lùt tàwma Hunthar Veng kan hang tlung lem chu, JCB 2-in inthielfai sin an lo thaw char char a nih. Ka mithmu lai ngei khawmin, lungtum leikhâwr ruol ruol an hung inhlumthla hlak a. Prepaid Taxi-a fe ka ni leiin, ka Driver kuomah, “La nghak met la, ei hmaah motor dang a um nâw charin hrât takin khal rawh” ka ti hiel a nih. Chuong laia ka lungrila thil pakhat hung lùt chu, ‘Tui\haphai kuol sùng hi chu, a lo va hei inhawi de aw….! Ruo a sûr rak khawmin, mihriem khawsakna sukbuoi khawpin tui a lêt ve ngai nawh a. Mîmkei hlak um ngai bawk lo. Hieng anga ram le hmun inhawi, sik-le-sa le khawmuol boruok inhawi èm êm bawk si hi, khawvêl hmun danga hin a um ve di’m…?” ti hi a nih. Aizawl khawpui kan hang inkhal lùt a. ‘Senior Driver’ inti ngam ve khawpa kum 10 lai hiel motor lo khal ve tah ka ni leiin, motor khal na nâ na hi chu, ka tlângnêl vena tak a ni hlak a. Anachu, Aizawl khawpuia motor khal ding hin chu, ka’n suong thlàwt nawh. ‘Tungmitlìk’ ti thei ding iemanizàt a um a. Chuong lai hmuna khawm chun, chàwl a la hei \ùl hlak a. Lam intungna laia motor sukchàwl a, hnungtieng intawlh dêr lova hmâtienga hei tlàn nâwk dàm chu, thil awlsám lo deu el a nih. Aizawl Driver-hai ruok chun an thawthei tlat. “Hnungtieng ei intawlh met chun, ei hnunga motor dang kha ei zuk suk ding kha a ni si a. Hnungtienga intawlh dêr lova khaltlàn a \ûl mieu si annawm!” an ti hlak. Aizawl khawpui sùnga motor khal chu hrillo, taxi chuong ringawt khawm hi, pang a khám ùr el hlak a nih. June 04, 2017 khuo chu a hung var a. Zànkhawvâra ruo a sùr lei khan, mîmkeiin Airport lampui a dangping ding chu inlauum ka hung ti nàwk ta hle a. Ka beisei naw ángtakin zing dâr 6 vèl chun nisa a hung sa uor a, ka lâwm hle. Amiruokchu, zing dâr 8 vèla inthawk chun sûm dum, dum ngel ngul el hi a hung inthawk a. Vàn chu inrûm dur durin, a’nkhàttàwkin \êk a hung tla thùm nàwk dut dut el tah a. Hun sâwtnâwte sùnga Aizawl chungzàwna vàn boruok, sûm dum

intûr ngûkin a hung inkhum nâwk vawng el chu, ka bei a dawng ngei el! Dâr 7:30 laia ka naunu’n, boruok \hat le \hatnaw a hung indawn lai khan chu, nî a sa uor kha a nih a. Ama chu zing dâr 10:35-a Kolkataa inthawka hung vuong suok ding kha a nih. Chuonga sûm dum ngûkin Aizawl tlâng le a sevela tlâng dung po po a’n khúm vawng ka hmu chun, ka naunu hung vuongna vuongna chun Lengpui Airport a hung \um thei kha a ringin ka ring ngam ta hrim hrim nawh. Ka lungril a sâwl èm êm a. Pathien kuomah hieng hin ka \awng\ai tah a. “Lalpa Pathien, hnuoi chung le vànboruok chunga thuneina po po neitu Lalpa, I ta ding chun thawtheilo iengkhawm a um nawh a. Sûm tuipai le tuipailo khawm I siem an nih a. Thlipui, thlitê le thlifîm khawm I siem a nih; thli dei le thli lum khawm. Aw Lalpa Pathien, Kolkata le Aizawl Lengpui inkàra infepawna boruok chunga khawm thu I nei ti hi ka hriet a. Dârkâr khat sûng chauh bèk Lengpui Airport chungzàwn boruok hi I thli siemhai hung inmûtkiengtir ta la…Lalpa, ka ngèn che a nih.” tiin. Aizawl le Lengpui Airport hi tlàn dàn pângngaia tlànin, dârkâr khat vela tlung thei a nih a. Ka naunu chuongna vuongna Jet Airways chu zing dâr 11:40-a hung \um ding a nih. Ka tunu Muanpui Sailo le a pasal Chhuanawma hai chu ka naunu mi tuokpui dinga hung inthawksuokin, ka’n nghatna ka U Rozading In, Zotlangah dâr 10 vèlin an hung tlung a. Ruo hlak chu a sûr chur chur zing bawk. “Bei am sei Rûn dung” tiin, Lengpui Airport pan chun kan inkhal suok ta tho a. Rawsùr hnuoia tlân kan ni leiin, Airport kan tlung chun dâr 11:30 a lo inri tah. Ka beiseina khèlah Lengpui Airport chungzàwn boruok chu a lo êng huou a. Ka naunu chu kan tuok hlawtling ngei ding angin a’n lang tah. Vàntieng nghain làwmthu ka thawn inzíng ùt el! ‘Ka \awng\ai lei a nih’ chu ka ti ngam dèr nawh. Ka duthusàma thil a um leiin, Pathien kuomah ‘làwmthu’ ka hril el lem a nih. A hunbi indik takah ka naunu chu a hung tlung a. Lengpui Airport-a hin dârkâr chenve khawm um hman lovin Aizawl kan pan nâwk nghal a. Airport kan pan laia inthim khup el kha, Aizawl kan pan lai chun boruok a lo inâng huou tah a. Ka lungril chun, ‘Pathienin thil A va thawthei de aw..!’ ti lovin, ‘Pathien hin harsatna hnuoia Ama ka ko dàn ding hi chu A lo va zawng de aw…!’ a ti lem tlat! Psalm 34: 19-a chun, Pathien \itu khawma harsatna a pumpel ngai chuong nawzie le chuong harsatna haia inthawka Pathienin A sansuok hlakzie thu ziekin a um a. Khawvêla um ei ni leiin, Pathien nau mitlènghai ni inla khawm, khawvêla harsatnahai hi ei pumpel thei vawng chuong naw ding a nih. Chuonglai zing chun, harsatna le beidawngna’n a mi tlàkbuok chàng khawm a, chuong haia inthawka mi sansuok theitu Lalpa Pathien ei nei hi, Ringtuhai ei ham\hat bìkna chu a nih. June 07, 2017 chu a hung inher suok tah a. Nilaini a nih a. Motor innangching (motor jam) a tam hlak leiin, inhma deu meta suok ka rawt a. Zotlanga inthawka Durtlang inkâr hi, hla bêk naw sien khawm, tlângram khawpui a ni leiin, suk le tung a tam a. Hrât taka tlàn thei a ni nawna a tam hle. Dâr 11 vèla tlung hman dingin dâr 10-in kan inthawk suok a. Aizawl Theological College compound kan hang lùt chun, Pathien Thu inchùk dinghai lùt nî a ni leiin, Hostel lùt dinghai dawngsawngtu ding an lo inruot a. Hming indawnin kan naunu umna ding chu an zuk enfel vat vat a. Ka naunu thuomhnaw rik èm êm el chu putin ka naunu umna ding room-a chun an lo sielût diem a. Keini ruok chu thingpui le bei inhnik deu, fàk ding le dàwn ding an mi la pek tê te a. Chu zo chun kan bag chawihai mi’n khaipêkin, anni’n an khai a. Ka naunu Room dinga chun an mi \huoi lùt a. An va fel danglam ngei. Ka naunu hi UBS Pune a, BD le M Th chen zu zo a nih a. Vairama BD le MTh an inchùk lai a, an thuomhnaw rik tak tak, an ni’n an put a, Hostel zawng fâwm hlak kha an nih a. “Mizorama Theological College chu a va danglam bìk de aw…!” a ti vawng vawng el a nih! Mizo ngei ngei hi chu an lo Mizo a nih. (Part 1 chu hi chen hi ni phawt sien. Part 2 a hung suok nâwk vat hei beisei phawt ei tih.)

Khawpui danghai ang bawkin Churachandpur khawpui khawm damte tein hma a hung sawnin a hung chang-kang pei a. Dawrhai khawm a hung changkang pei a, dawr mawi le nal tak tak khawm hmu ding a um ta nuk el. Khawpui danghai la el ve phak naw inlakhawm kum 10 liemta hnung thlirkir chun dawr siem le enkawlna kawngah ei changkang hrat hle. Amiruokchu, zan huna dawr hawng ei um ta naw leiin sun huna office kai, fena dang nei le zan huna thil mamaw nei hai ta dingin Bazar kaina hun a um thei naw hi a pawi a nih. Ei ra-mah security ngirhmun khawm a hung \ha thawkhat ta leiin ni dang lai ang bawkin zan dar 8/9 chen bek dawr hawng thei nawk ta inla nuom a um. Law & Order le electric var a hung \ha ta bawk a, zan huna dawr hawng hi an thaw chi nawk ta ngei ring a um. Ei \henum State dang haiah chun zan hun hi an Bazar kaina hun \ha a nih. Hun iemani chen liemtaa inthawk khan Manipur Renewable Energy Development Programme (MANI-REDA) chun Churachandpur khawpui sungah Solar Street Light a hung sukvar a. Hi thil hin khawpui hmel a sukmawi el chau ni lovin \ulna neia khawlaia fes-uokhai ta dingin a suk ralmuong a, misuol le rukruhai khawm an intim pha deu niin an lang. Street light var \hat lei hin nuhmei le naupang fena nei \ulhai khawm an khatin ralmuong takin an fe thei pha bawk ta leiin lawm a um. Churachandpur Police Station tuola Street Light lien tak siea um hi a var \ha hle a. street light siena hi an sang a, a var \ha bawk leiin khawpui sung a suk in-hawi a, a suk mawi bawk. Hienganga solar street light lien le var hi hmun tam lemah sit var thei ni sienla nuom a um. Thei nisienla chu hiengang solar street light lien hi Tuibong Bazar, Light House Lane, Reng-kai Road, New Bazar, New Lamka, Hill Town le Dis-trict Hospital, Ccpur haiah khawm inbuk thei nisienla nuom a um. MANIREDA tienga thuneitu haiin hi thil hi hung ngaipawimaw thei ngei hai sienla nuom a um bawk. Tuta MANIREDA in Churachandpur Town area sunga solar street light an bukna hai chu, Peace Ground, Tuibong a inthawk Headquarters Veng, Churachand-pur Police Station – Hebron Veng, New Lamka chen le Rengkai Road hai an nih. Lawm a um zing laiin hien-gang solar street light sit vara um hai hi enkaitu an um naw lei am a ni ding, solar street light var thei ta lo le solar street light ban motor in a baw awn dam a um nuol ta a, hienghai siem \hatna hi MANIREDA tienga thuneitu han hung thaw vat ta hai sienla mipui lawm hleng an tih. Ieng thil khawm thaw inla a enkai le baw-zui nawk pei a \ul a nih. Kum hlun thil a ni naw leiin an khat tawka enkai a, a sietna hai siem \hat a hung \ul hlak a nih. Ei hriet seng angin khawpui sung le khawpui puo-tienga Sawrkar thil siem hrim hrim hai hi mimala ding ni lovin vantlang ta an ni leiin a enkawlna thuah a hra-nin Sawrkarin sun le zanin duty a sie thei naw leiin, a bul hnaia cheng han ei lo enkai le ei lo veng hi ei mawphurna seng a nih ti hriet ding a nih. An thim le ei khawsung le kawtthler hai inthim a ta, a var leh ei khawsung a var ding a nih. Rights chi tum tum ei nei seng ang bawk hin duty khawm chi tum tum ei nei a nih. Ei duty chu Sawrkarin thil a siem, vantlang thil hai venghim a nih. Street light chau vangtlang ta a ni naw a, Sawrkarin vantlang ta dinga a siem ekin, zunin, motor waiting shed le a dang danghai hi mipui ta an nih. Hieng a ni lei hin chawngpu nina chang a, vawng fai le enkawl hi mipui mawphurna ve a nih. Vantlang thil hai ei duot phawt chun a hmangtu le a sawr \angkai ding chu mipui hai ei nih. Neitu or chawngpu chan ei chang ngai naw leiin vantlang ekin le zunin hai lem hi chu a \awp zung zung el a nih. Tuta ei nei le hmang lai mek hai khawm hi hmangtlak lo hiela \awp le rimsie an nih. Hi thil hin ei mawlzie a suklang a, inzakum takel a nih.

Assam tuilienin khuo 170 a sukbuoiguwAHATi: Tulai hnaia fur ruotui hung tlak leiin Assam a chun district 5 haia khuo 170 han harsatna an tuok pha mek. Brahma-putra vadung le a kaupeng vadung hai khawm \ium inchikna pel zar zarin a lu-ong mek niin official thu-suok chun a hril. Tuilien

hin thlai chingna lo tam tak a chim mek. Darrang district-a chun tuilien hi a zuolkai a, Udal-guri le Sonitpur district haia chun Relief camps 10 hawng niin mi 4000 vel re-lief camp hran hran haia an um a, district administration han fak le dawn an pek.

Admission hun suksei a nihimPHAL : Government / Government Aided College haia BA / BSc / B.Com 2017-18 (1st Semester) ad-mission hun chu June 21, 2017 chena dinga suksei a nih tiin Director, Univer-sity & Higher Education, Government of Manipur

chun inhriettirna a siem. Manipur a tuilien le mim-kei nasa taka a tlung leia admission hun hi suksei a ni a, June 21, 2017 zantieng dar 5 : 30 chenin admission thawna dinga application form hi peklut thei a ni ding a nih.

Prez. Polls ah Digital payment phal lonew deLHi: Sawrkar thlungpui chun digital payment nasa takin hril-mawi sienkhawm India President election hung um dinga in candidate nuoma nomination pa-

per file hai chun digital payment an thaw phal ninaw ni a, dan umsa an-gin sumfaiin Rs. 15,000 an pek (deposit) ding a nih tiin Returning officer chun a hril.

President election hi July 17 a nei ding le vote July 20, 2017 a tiem ding a nih. Tuchena hin mi 15 in nomination paper an file ta a, sienkhawm hi laia nomination paper 7 hai

chu document pawimaw an peklut naw leiin hnawl an nih. A dang hai khawm hi proposers le seconders bo vawnga peklut an ni leiin scrutiny huna hnawl la ni vawng a tih. (ENS)

Naute pieng hlim a thia puong ta hnung a la dam new deLHi: Safdar-jung Hospital, New Delhi hmuna naute pieng hlim a thi nia hospital thawktu han an puong ta hnung chu a ru-ong vui a ni hma charin a la hung dam nawk ti hrietsuok a nih. Naute hi Badarpur a cheng Rohit nau a ni a, nurses hai hin a so an hmu-zonaw leiin a thi a nih tia a sunghai kuta an inhlan

niin a hril. A nu ngirhmun a \hanaw leiin Rohit le a sung hai chun naute hi vui dingin In tieng an fepui a, sienkhawm vui an tum hu-nah naute hin thuok hung neiin a hung chang nawk nia hril a nih. Naute hi a la dam ti hri-et a ni le inruolin inrang ta-kin Appolo Hospital panpui nghal a ni a, hi taka inthawk

Safdarjung hospital panpui nawk a nih. Hi thil tlung le inzawm hin naute pa chun Police-ah complaint a peklut a, Safdarjung Hospital thu-neitu hai chun hi thil tlung thua hin inquiry an thaw ding thu an hril. Naute hi thla kim lo, chawlkar 22 nia piengsuok a nih. WHO guidelines dung-zui chun naute chawlkar 22

tling hmaa pieng le 500gms neka zâng lem hai chu an dam suok ngainaw niin a hril. Hi naute hi a hung pi-engsuokin a \ap naw bakah a changnaw hrim hrim nia hril a nih. Hienganga naute pieng hai hi a tlangpuiin a thia puong an ni hmain darkar khat vel enthlak (observa-tion) an ni hlak thu doctor pakhat chun a hril (PTI)

Social Awareness prog. June 27-ah/ Free recruitment rallyCCPur: Churachan-dpur Battalion, Assam Rifles huoihawtnain June 27, 2017, 9:00AM khin District Training Centre (DTC), Tuibong, CCPur hmunah CCPur district mipui hai ta dingin Social Awareness Programme huoihawt an tih. Hi huna hin Government depart-ment tum tum Agricul-ture, Sericulture, Fisher-ies, Animal Husbandary, Veterinary, Horticulture, Krishi Vigyan Kendra han stalls an hawng ding bakah Aadhar Card siemna ding

le inzawm khawmin stall hawng ning a tih. Chun, October 3-10, 2017 inkar sunga Leimak-hong hmuna Indian Army lakna Recruitment Rally um ding le inzawmin pre recruitment training stall khawm hawng ni bawk a ta, Free pre-recruitment train-ing hi July 1, 2017 in Tui-bong Assam Rifles hmuna nei ning a tih. Awareness programme hi Manipur Cabinet minis-ter, district govt. officials le security officials han uop bawk an tih.

Manipur-ah simkhawlei an hningimPHAL: June 19, 2017 zingkar 5:05AM vel khan Manipur-ah simkhawlei magniture 4.4 a hratin an hning a, sienkhawm thil suksiet a nei thu hriet a ninaw bakah thi le hliemna tuok an um thu hriet a ninaw bawk. Tuta mi hi thlakhat sunga India hmarsakbiela simkhawlei inhning tlung a vawi 3 na a nit ah. Tuta

hma met khan Churachan-dpur District ah magnitude 3.0 a hratin simkhawlei a lo inhning ta bakah June 1, 2017, 5:48PM khan Se-napati district-ah magniture 3.2 a hratin simkhawlei a lo inhning ta bawk a nih. Simkhawlei inhning \anna (epicentre) hi Thoubal district niin ei thu dawngna chun a hril. (ANI)

Solar Project hawng-sunzawmnaManipur-a PHC 85 chuong um hai lai hriselna tiengpanga Behiang PHC in pakhatna a lakna thuah Doctor le staff hai chungah lawmthu a hril. PHC siem\hatna dingin Rs. 5 lakh pek a ni ding thu khawm a hril bawk. Behiang PHC a hin OPD Ticket Counter, nau neina, thisen test na, Minor OT, IPD, Ayush OPD, pasal le nuh-mei ward, Ultrasound lakna le Malaria Clinic room hai khawm a um. Tuhin MO incharge doctor , Ayush doctor \hangin Doctor 3, staff nurse 5, Grade IV hai an um. Solar system hawng thar hi Plate 4, battery 4, light bulb 8 le street light 10 a power a pek thei ding a nih.

CM in car Rally a vai liem

imPHAL: India rama in-thawka Spain ram tlung dng car rally chu zanikhan Classic Grande, Imphal-a inthawk CM N.Biren Singh in a vai liem. Car rally a hin

mi 8 an \hang a, hienghai laia Pune mi nuhmei pahni hai chu an \huoitu an nih. Car rally a thang hai hin ni 53 sungin rambung tum tum 53 an sir suok ding ti a nih.

Nuhmei IAS Officer in that dinga vauna a dawng niin a hrilBHoPAL: Madhya Pradesh-a Umaria district-a Additional district mag-istrate sinthaw nuhmei IAS Officer Sonia Meena chun misuol (sand mining mafia) haia inthawk that dinga vauna a dawng niin a hril. Ms. Sonia Meena hi 2013 batch IAS Officer a ni a, vauna a dawng thu hi Chief Secretary BP Singh kuoma lekha a thawn a, chu taka chun Chhatarpur jail-a intang mek Arjun Singh Bundela rawi han bei an

tum thu a zieklang a nih. Ms Meena hi district panchayat Chief Executive Officer sin chelsa bawk a ni a, vauna a dawng le inza-wm hin venghimtu pek bela a nih. Chief Minister Shivraj Singh Chouhan thupek angin Ms Meena hin Chhatarpur district-a Ra-jnagar area-ah dan loa leingawi latuhai chunga action lain Arjun Singh Bundela hi man le jail-a khum a nih. (PTI)

Hmasawnna Thar3 THLAdo (june) 20, 2017THAwLeni (TuesdAy) nATionAL/inTernATionAL & AdverTisemenT

LAKTAwi

LAwMTHU HRILNAHun iemanichena inthawk ta khan Pile natna ka nei a. Sawt tak tak inhnawmnain hun ka hmang a, a chang changin thisen a suok a, ka tawl a hung lienin a hung puom a, ka kawng a hung na a, Gastric a hung um a, ka ph-ing a hung inri rak rak a, ka tak-sa a hugn chauin ka hung cher deu deu a. Ka beidawngin MV Azad Phusam ka pan a, hun iemanichen a mi enkawl a, tuhin chu ka dam fel tah. Hi lei hin ka lawm hle a, hi chanchinbu hmang hin ka lawmthu MV Azad Phusam chunga ka hung hril a nih. MV Azad Phusam hi nitin 8AM-4:30PM inkar sun-gin Centre Road (Oop. ICI Church, ICI Road) Hiang-tam Lamka, CCPur-ah pan thei le Mobile Phone Nos. 8014025567/ 7628890261 haiah biekrawn thei a nih.

Lawmthu hriltu, sd/-Chinsuan

sim veng

vAwK in|HAngnA dAmdAwiI vawk zawr hun tlingna dingin kum khat nek tam nghak ngai tanaw nih.

A |HATnA:

* PIGROW mum hi Company-hai ti dan ang taka i pek chun thla 5 sungin kg. 70 chuongkai hman a tih.

* PIGROW mum hin, i vawk chu i pek \ana inthawk chawl der loin an \hang tir thei.

A PeK dAn ding:* Vawk pakhatah nikhatah mum 20 (zingtieng mum 10 le zantieng mum 10) pek ding.* Box khat ah mum 600 a um a, chu chu thlakhat sunga a fakzo ding a nih.* Rawt phita pek in fak awlsam an ti lem.InCHAwK tHeInAHAI:1. Hmingi 2. L.K. Screen PrintingBethel, CCPur Lighthouse Lane, CCPur# 84148523913. Pet Care Centre, Tiddim Rd. CCPur.Order tam dan dungzuiin HOMe delIVery khawm kan thaw thei.

Notes hlui Rs. 5.5 lakh hmu

sHiLLong: Meghala-ya-a Laitumkhrah a chun zani hmasa zantiengkhan Bomfyle Road-a Manipuri Mandir bul lai plastic bag a inthun Rs. 500 notes hlui (demonetised) Rs. 5.5 lakh vel ding hmu a nih. Pawisa notes hlui hai hi zani hma-sa zantieng 7:30PM vela kha hmu a ni a, a hnungin Laitumkhra Police kutah pek a nih. (ST)

Arawn 10 zet an thiBHiLwArA: Rajasthan-a Mandalgarh-a Ganesh-pura forest a chun Arawn (Peacocks) 10 a thisaa hmu an nih. Hi thil hi khaw-sung mi ramvaka fe han an va hmusuok a ni a, a hnun-gin Police inhriettir an ni a, an ruong post-mortem thaw a ni hnungin Arawn hai hi rekhlum an nih ti sukchieng a ni a, misuol \henkhatin an that ni dinga ring a nih. Hi le inzawm hin Police chun case an registered bakah an suizui mek. (ANI)

Army colonel le mi 3 man

Pune: Indian Army a Col-onel pakhat le midang 3 hai chu thamna Rs. 50,000 laa intumna le inzawmin Cen-tral Bureau of Investigation (CBI) in an man a, Court hmaah inlangtir an nih. Colonel hin private company pakhata manag-ing director le director hai kuoma inthawk power pack rock splitters supply-na din-gin thamna Rs. 1.80 lakh a ngen a, February thla khan Rs. 50,000 chu a lo lak ta bakah second instalment a lak ding lai taka man a nih. Colonel le midang 3 man hai hi an hming chu puong-lang a ni nawh. (ANI)

Mamata Banerjee in Netherlands a pan

KoLKATA: Gorkha Jan-mukti Morcha (GJM) han Gorkhaland hran ngenna leia tulaia Darjeeling hills-a nuorna le indefinite strike an thaw leiin buoina suok zing sienkhawm West Ben-gal Chief Minister Ms Ma-mata Banerjee chu United Nations meeting-a thu hril dingin Netherlands a pan. Ms Banerjee chun tharum thawtu hai enliem mei mei an ninaw ding thu a hril a, ama umnaw kar dan le thupek ngirhmun chu a minister han an enkai dingin an cha niin Kolkata Airport-a reporter hai an hmupui huna a hril. Darjeeling thil tlung thua hin Union Home Min-siter chun zani hmasa khan Ms Banerjee hi telephone-a inbiepuiin law & Order ngirhmun a lo hrilpui ta a nih.(ANI)

Bawngsa kg. 35 leh mi 2 man

muZAffArnAgAr: Uttar Pradesh-a Basera village a chun unau pasal pahni Ameen le Aseef hai chu Bawngsa kg. 35 leh an man. Police han zani hma-saa Basera village an dap huna hieng unau pahni hai hi an man a nih. (PTI)

Delhi CB office-ah kangmei

new deLHi: Zani zingkar 12:34AM vel khan Delhi-a Chanakya-puri hmuna Teen Murti police Compound-a Inter State Cell Crime Branch office-ah kangmei a suok a, sienkhawm kangmei \heltu hai an hung nghal leiin min-ute tlawmte sungin kang-mei suok hi \helmit nawk nghal a ni leiin thil kangsiet a nei hman nawh. (PTI)

yOUnG leArners’ sCHOOlZenhang Lamka:

Churachandpur-795128

AdvertisementApplicationswith Bio-Data in candidate’s own hand-writingare invitedfor thefollowingposts. InterestedcandidatesmayapplywithPhotostatcopiesofdocu-mentsandsubmittotheschoolofficeonorbefore22nd June, 2017. Post Min. Qualification1.Mathematics Graduate2.SocialScience Graduate3.ComputerAssistant XIIPassedEssential qualifications for Computer Assistant:*CandidateshouldbeabletohandleMS-Office,Corel-Draw,AdobePhotoshop&AdobePageMaker.

*Typingspeedshouldnotbelessthan30w/m.*CandidateshouldbewellversedinEnglish.

Sd/-r. tusingPrincipal(20,21)

A GIFt FrOM n. BIren sInGH, Chief Minister of Manipur

V. Hangkhanlian, Hon’ble Minister to be the first in the Government Colleges in

HIll AreAs OF MAnIpUr

COMMerCe streAMNewly introduced at

lAMKA COlleGeGeography&Sociologyalsonewlyintroduced.

Othersubjectsalreadyavailableare:English,History,Mizo,Pol.Science,Economics,Education

MILSubjects:Mizo,Paite,Hmar,ThadoKuki,Gen.English

AdMIssIOn COMMenCesInBA1stSem,3rdSem&5thSemester

sd/- dr. M. lokendraPrincipal

LamkaCollege:Churachandpur:Manipur (20,21)

Office of the principal

lAMKA COlleGe Churachandpur,Manipur–795128

Dr. M. Lokendra Singh ph. no. (03874) - 234266 Principal

tHAnK yOU nOte 19th June, 2017

The 41st FoundingDay of the Lamka Collegewas ob-servedonthe6thJune,2017withtheDistrict-In-ChargeMinister Pu V. Hangkhanlian, Hon’ble Minister, Agri,Vety&AnimalHusbandry,Govt.ofManipurastheChiefGuest&PuDr.M.LokendraSingh,Principal,LamkaCol-legeastheFunctionalPresidentinasuccessfulandbe-fittingmanners.TheCelebrationCommitteeissograte-fultotheChiefGuestPuV.Hangkhanlian,inwhomtheyfoundsomeoneinpowerwhoknowsthevalueofedu-cationandreadytoextendallpossiblehelptopromotequalityeducation.Whilewearebanking/countingonhis favour,wefeelsomewhatnervoustoreceiveagiftofRs.50,000/-only fromMrs.Dr.KimboiTonsingw/oHon’bleChiefGuestPuV.Hangkhanlian.TheTeacher’sAssociation of the College has decided to utilize theamounttohelptheneedyandless-priviledgedstudentsof the College. As a matter of fact, the big news wehavefromtheChiefGuestwasthattheGovt. isreadytoopenthreenewdepartmentsintheCollegesuchasGeography, Sociology and Commerce beginning fromthisnewsession.ItwasalongstandingdemandoftheCollegeStudent’sUnionand theTeachersAssociation.Withhisinvaluableandunstintedsupport,theCollegeisnowgrantedpermissiontoopentheabovethreenewdepartmentsviz,Geography,SociologyandCommerceinadditiontowhatitalreadyhas.Inshort,itisa‘land-mark’ development not only for the College and Stu-dentsbutalsofortheentiredistrictofChurachandpur.Itisadevelopmentwehaven’tseeninthelast40yearsoftheCollege. Heartfelt thanks toallour special invitees, inviteesand guestswho had spared their valuable timeswithus andmake our humble programme successful. Theshiningco-operationandactiveparticipationoftheStu-dent’sUnionandtheMinisterialStaffhavebeenthank-fullyacknowledged.LongLiveLamkaCollege!!.

sd/-t. Awnzagen) sd/-dr. l. C. ngaihte) Secretary ChairmanCelebrationCommittee CelebrationCommittee

LamkaCollege:Churachandpur:Manipur.

India in China le inlaich-inna siem\hat a nuom

Beijing: India le China chun kawng hran hranah ditdan inangnawna nei haisienkhawm India chun China chu inlaichinna \ha le inthuklem neipui a nuom a nih tiin Minister of State for External Affairs V.K. Singh chun zani hmasaa Beijing hmuna Chinese for-eign minister Wang Yi an hmupui huna a hril.

Inhrietthiemnawna um hai inbiekna neia chingfel le inlaichinna \halem nei chu India sawrkar nuom a ni thu a hril bawk. Zanita BRICS summit nei dinga External Affairs Ministr Ms Sushma Swaraj dam nawna leia a \hang theinaw ding leia V.K. Singh hi summit-a hang \hang a nih. (TNN)

Jet Airways in Vuongna sunga pieng Free lifetime travelnew deLHi: Jet Air-ways chun June 18, 2017 zingkara boruok 35,000 a insanga vuong lai Dam-mam-Kochi flight sunga naupe pieng chu a dam-sung Jet Airways vuon-gnaa a thlawna vuong thei dingin Free lifetime travel pek dingin an puong. Jet Airways vuongna flight 9W 569 hi Dam-man a inthawk Cochin

pana vuong a ni a, hienga van boruok insang taka a vuong lai passenger nau-pai lai pakhat chu a nau-nei a hung hun leiin crew members hai chun vuongna passenger hai lai doctor an um am tiin an zawng a, sienkhawm doctor an lo umnaw a, amiruokchu an khuo Kerala pan ding Nurse pakhat a hung suok a, vuongna sunga thawktu

hai le \hangruolin naute hi hlawtling takin an dawm (inneitir ) a nih. Naute hi pasalte a ni a, nu le naute hi an ngirhmun a \ha. Hienganga naupasalte hlawtling taka vuongna sunga a piengna thua hin Jet Airways chu a lawm hle leiin Jet Airways spokes-person chun free lifetime travel a puong pek a nih. (TNN)

US Vuongna’n Syrian Army Vuongna A Kâp ThlâkrAqqA, Syria: Syria ram buoina le inzawma indona chu a la tâwp nawh a, helpawlhai le kâr chau bâkah regular army hai kârah khawm buoina a la zuol pei ding niin an lang. Pathienni khan US fighter chun Syrian Army hai vuon-gna pakhat, US sipaihai umna laia bomb thlaktu pakhat chu Raqqa ramhnuoiah an kap thlak niin White House thu-suok chun a hril. Damascus a Syr ian Army thusuok ruok chun, ISIS helpawlhai bei dinga a vuong laiin Syrian vuongna pakhat a tla pala, pilot an hmang tiin a hril ve thung. Syrian state TV-in Army thusuok a puong dan chun, vuongna hi a tla a pilot khawm an hmanga tuchenin a umna hriet a la nih nawh, 2011 a indona \an a nia inthawka Syrian army in hieng ang

thil US kuta inthawka a tuok vawikhatna a la nih, tiin a hril. “Hi thil tlung hi Rasafah ah a nih. Syrian Army han helpawlhai an dona kawngah, helpâwl do hne theitu ding chu anni (Syrian army) chau an nih a, bei tham khawm anni chau an nih ti suklangtu le Syrian army hratna sukchau tumna a nih” tiin a hril bawk. US Central Command chun, “Coalition partner forces hai collective self-dense” a nih tiin a puong a.

Vuongna hi Syrian Demo-cratic Forces (SDF) hai ta niin a hril. Hi hma met hin Syrian Army han SDF hai hluo Tabqa khuo an hung run a. US coalition force hai chun an hung pei ding an lo dang a. Syrian army fighter SU-22 pakhatin US armyhai umna lai bomb a hung thlak leiin US vuongna F/A-18E Super Hornet-in a kap thlak niin a hril a. Kap thlak a ni hma hin Russia kuomah buoina a punlun hmain inkap

châwl dingin a hril nghe nghe niin a hril bawk. US coalition forces hai hin an bomb thlak an suk zuol a, Raqqa province hmartieng po chu helhai laka inthawkin an lak tah a. Syrian army han eastern Aleppo lai Islamic helpawlhai hnein an ram an lâkpêk tah bawk a. Raqqa tieng hung intawl lut peiin oil field \henkhat, helpâwl hai kuta kum 3 lai um tah chu an lâkpêk tah a nih. Helpawlhai beina kawn-

ga hin, helpawlhai tukdawla an ram lak tum ve vein US coalition forces le Russia \hangpui Syrian Army hai chun Aleppo saktieng chenin an tlung tah a. US forces hai chu Raqqa ramri an tlung tah niin SDF chun a hril. US coalition force Free Syrian Army (FSA) le Iran \hangpui Syria Army hai chun Islamic State han ram an hluo lakkir an tum ve ve a. Abikin southern Syria a inthawka Iraq le Jordan lut thei ding Syria Army hai chu US force han an dang (kap) nasa em em niin a hril. Washington ruok chun an thil thaw hi ‘mani invengna’ tiin a hril ve thung. Helpawl do inti ve vein anni le anni an inkap zing tah a. Rambung le rambung kârah indona hi pun-lun naw nih ti thei khawm an ta nawh tiin Reuters chun a ziek.

France President Macron-in hnêna a changPAris: Tulai hnaia hnêna chang thar le French Presi-dent hai laia la naupangtak President Emmanuel Ma-cron chun parliamentary election (voting) ah hnêna a chang. A party indin thar “La Republique en Marche” le a ruol MoDem hai chun seat 577 umna National As-sembly ah seat 300 neka tam an hmu tah. An party hi ni kuma indin chau a nia, an member tam lem chu vawi khat khawm political experi-ence la nei lo an nih. A n k h i n g p u i Conservative Republican le an ruolhai chun seat 125-131 hmuin Opposition hrât tak chu an siem thei ding a nih. Second Round

Parliamentary election turnout hi a tlâwm em em a, 42% chau a nih. A result chu, tuta hmaa mainstream party po po an umnaw, hrât zo tah nawh a, kum 39-a upa President naupang le thar tak chu, EU \an policy le business-friendly reforms hai a nuom ang tawka fepui thei dingin a siem ta a nih. Kum 5 lai power lo

chel tah Socialist khawm an tlâwm dêr a, seat 41-49 vêl an hmu thei chau a, parliamentary election lai po poa an hnuoitak a la nih. An hotu Jean-Claude khawm an ban a, an dân le dun, form le substance, idea le a organization po po khawm thleng thar vawng dingin an cha bawk. M a c r o n k h i n g p u i hnaitak National Front leader Marine Le Pen (48), chu a vawi khatna dingin Parliament ah seat a chang ve, lungmeihawl chodawkna hmun hlui Henin-Beaumont biel a inthawk thlangtling a nih. A rawi upa pahnihai ruok chu an tling zo tah nawh.

CBI in Delhi Health minister Satyendar Jain In an dap

new deLHi: CBI chun pawisa sum chawkchaw-rawina case an suizui mek le inzawmin zanikhan Delhi Health Minister Sa-tyendar Jain chengna in an dap. Aam Admi party (AAP) chun hi thil hi cen-tral sawrkarin politics-a a beina a nih tiin an intum a. Centre-a BJP sawrkar chun politics-a inbeinain CBI hi a hmangsuol a nih tiin an tum. Jain hi kum 2015-16 laia Prayas Info Solutions Private Limited, Akin-chan Developers Private Limited le Managalyatan Projects Private Limited-a

a thawk lai Rs. 4.63 crore zet chawkchawrawinaah inrawlna neia intum a nih tiin CBI chun an hril. Amiruokchu, Jain chun intuma a umna hi a hn-iel a nih. Jain le a nuhmei Poonam Jain hai chu sum chawkchawrawina case-a hin CBI han thu indawnna an nei bawk. (PTI)

CPI in Opposition han candidate nei \ha a tihHyderABAd: Centre-a sawrkarna siemtu BJP in zanita NDA Presiden-tial candidate dinga Bihar Governor Ram Nath Kov-inth an ruot le inzawmin CPI chun Mr Kovind chu RSS mi le sa a ni leiin Op-position han Candidate hran an nei ngei \ha an ti thu an hril. Mr Kovind hi Dalit hnama mi nisienkhawm RSS mi le sa a ni a, RSS a inthawk candidate hrim

hrim chu an do tlat ding thu CPI General Secretary Suravaram Sudhakar Red-dy chun PTI palai a hril. Hieng a ni lei hin Oppo-sition chun Candidate hran a nei ngei a \ul a nih tiin a hril a, hi le inzawm hin

party dang dang hai khawm inrawnpui a ni ding thu a hril bawk. RSS mi le sa chun India ram a la keidar sap pei ding a nih. BJP in sawrkarna kum 3 an siem sungin In-dia ram an \hedar a, tuta President dinga RSS mi ruot nawk a ni hin India a la keidar sap pei ding a nih, President dingin hard-core RSS ni lo democratic candidate kan dit a nih tiin Reddy chun a hril.

Kerokoban prison-a inthawk in-tang 4 an tlansuok

jAKArTA: Indonesia rama Bali-a Kerokoban prison a inthawk ramdang-mi intang 4 hai chun hnuoi verin jail-a inthawk an tlan-suok. Jail-a inthawka tlan-suok hai chu- Australia mi Shaun Edward Davidson, Bulgaria mi Dimitar Niko-lov, India mi Syed Muham-mad le Malaysia mi Teek Kok King hai an nih. Hieng jail-a inthawka tlansuok hai hi man kir

ngei tumin Indonesia Po-lice chun hmuntin an dap mek. Hieng mi 4 hai hi drugs sumdawngna le thil indiklo thaw leia jail intang an nih. Jail sunga inthawk me-tres 15 a sei hnuoi vera jail-a inthawk tlansuok an nih. Jail-a inthawka an tlansuok thu hi zani zingkara dan pangngai anga intang hai enfel huna hritsuok chau a nih.

London Mosque ah Motor Van-in Mi Baw Hlum

London: England- in helpawlhai laka inthawka beina a tuok chu a la chatlak nawh a, a zuolkai deu deu ti dingin a um. March thla a inthawka a vawi lina din-gin Pathienni zanril pel met Thaw\anni, June 19 khan mi pakhat chun Finsbury Park Mosque (Muslim hai Biekin) ah motor Van a khal lut a, mi pakhat a rawt hlum a, panga vel an hliem bawk.Hi thil tlung hi helpawlhai thil thaw, kut hnung le helna le inzawma thaw a nih tiin Prime Minister Ms Theresa May chun a hril a. “Ka lun-grila ngaituona po po chu mithi le hliemhai chungah le, sansuokna sin thawtuhai chungah a um a. Thil dang ka la ngaituo thei nawh” tiin, security meeting a nei nghâl ding thu hrilin Thaw\anni suna khan meeting a neipui nghâl a, security chun-gchânga hril le enfel a nih. Mita hmutu Usain Ali (28) hril dan chun, “Mosque kawl lai ka ngir a, thil inri bur ka hriet leiin ka \ia ka tlansie nghâl a. Ka hei nghakir chun mipui khêk ri ka hriet tah a. An \awng\ai lai tak motor

Van-in a va baw a nih” tiin a hril. Abdulrahman Saleh chun, “Driver chu a khêk a...Muslim po po ka that vawng ding a nih’ tiin motor-in a rawt tâwl a nih” tiin a hril. Kum 48 vela upa Van driver hi mipuiin thuhnein an man a, a hnungah police-in an hung lak a, a lungril a kim le kim naw, mental health assessment thaw a la ni ding niin an hril. Driver hin Muslim hai \awng\aina thla Ramadan lai tak a nih ti a hrieta a thaw a nih. London Mayor Sadiq Khan chun, “Ei rênga ei dawtheina, sakhuo zalenna le inzakaina in\awm ei nei mi suksiet pek tuma beina a nih” niin vênghimna sin nasa nawk zuola sukkhau a ni thu a hril a. A biel neitu le Opposition Labour party hotu Jeremy Corbyn chun, “Mak a ti hle” tiin a hril a, a “hrilhai” hle niin a hril. Hi thil tlung hi London Bridge ah mi pathumin Truck hmanga mi pariet an rawt hluma, midang 58 lai an sun hliem a inthawka châwlkâr hnina charah a tlung a nih. Britain hin helpawlhai beina

a tuok ngun em em a, Mus-lim raltlan lut le lo um sa ISIS helpâwl han an ‘brain-washed’ tamtak an um bawk leiin a him naw em em a nih. The Muslim Council of Britain chun, “Hi attack hi Islam sakhuo beina nasatak ‘Islamophobia’ a la nih a. Tulaia Muslim hai target an ni pei dana hin vênghimna \ha lem pek an hun tah a nih” tiin thusuok siemin a hril. Finsbury Park Mosque hi radical Muslim cleric Abu Hamza al-Masri, Janu-ary 2015 a US sawrkarin damsung Jail intâng dinga a rel pa-in kum 10 vel liemtaa sermon a hrilna kha a nih a. Abu Hamza hi helpawlhai sukphûrtu, Muslim sakhat a nih tiin man a nih. Abu man hnung kum 2 vel hnun-gah Trustee le Management Board thar Feb 2015 khan indinin chu chun an en-kawl a nih. Hi taka Muslim inkhâwm hlak hai chu North le West Africa Muslim (mi dumhai) deu vawng an nih. Britain a inthawk hin sakhuona leia indona a hung in\an ding khawm nisien a hawi khawp el tiin, police officer pakhat a hming hril nuom lo chun a hril a. Muslim hotu pakhat chun, a tlâwm lem Muslim hai kan him naw tiel tiel an tah. Mingo hai hin Mus-lim hai hi an hmu pei tan aw niin an lang” tiin a hril bawk. Sakhuona leiin Indopui 3-na tlung naw nih ti thei an bawk nawh, khawvêl fedan enin.

July 1 a inthawk Australia Visa Online sydney: July a inthawk chun Indian Australia inzin nuomhai chun online-in VISA apply thei ni tang a tih, tiin Australia Asst Minister for Immigration and Border Protection, Alex Hawke chun a hril.

India mi Australia inzin nuom, abîkin, tourist anga fe nuom, business sin nei, sung le kuohai kan nuom, ruolhai le inpawl hlima inzin invak kuol mei mei nuomhai ta dingin a remchâng bik ding a nih tiin Mr Hawke chun a hril.

Hmasawnna Thar4 EntErtainmEnt / SportSTHLAdo (june) 20, 2017THAwLeni (TuesdAy)

Angelina Jolie, Fathers’ Day Hmang Lovin

Los AngeLes: Khawvel a chenve d e u t h a w i n Pathienni June 18 khan Fathers’ Day an hmang a. Pahai chawimawina nia hmangin hlim taka hun an hmang tâwl laiin \henkhat pa nei tah lo, hlim lo deuva hmang an um ve a. Thina lei ni chuong lova ‘pa’ nei ve tah lova um Hollywood star Angelina Jolie khawm Fathers’ Day hmang lovin a nauhai bazaar a kaipui. Kum dang chu Fathers’ Day hi an sungkuoin hlim takin an hmang hlak a. Tu kum ruok chu ‘pa’ an nei tanaw leiin a nauhai chu Hmun danga fepui tumin Los Angeles Airport an lut lai hmu a nih a. Khawlam an fe ding ti ruok chu hriet chieng an nawh. Kum 42-a upa, Academy Award winner Angelina “Lara Croft” Jolie chun over coat (olive trench coat) uk hakin pheikhawk booth insâng bunin Bag var lien deu a pai a. Brad Pitt le an naunu Vivienne (8) banah a kei\huoi a, a sam infuol hnapin sunglass dum leh, nunghâk vanglai tak a la hawi hle. Vivienne chu kutin a keihruoi a, a hnungah a unaupa a phirpui Knox (8) in a hung zui a. A unau danghai Maddox (16) Zahara (12 le Brad Pitt le an nau hmasatak Shiloh (11) han an hung zui bawk a. An vengah Fathers’

Day a hmang naw phawt chu a nih. Hienglai zing hin an pa Brad Pitt chu ni danga a nauhai leh inri lung lunga hun an hmangna hlak, Los Feliz-a an in lien deuva a lo zu fe a. Hi In hi naupanghai inhnelna ding bikin an cheimawitir vawng a nih. Amiruokchu, naupang ri hriet ding a um tah nawh a, chik-chi-rieu an hram el a nih. Hi In a inthawka hla naw te ah Angelina Jolie chun In ropui deu pakhat, $ 25 million-in an châwk a, a nauhai po leh an insawn lut a, an pa ruok chu anni lai a um ve tah nawh. Los Feliz hi an sûnga an lo umna hlak a nih a. A nau han an suoksan hnung chun a khata um a nuom nawh a, Santa Monica ah a khata a umna ding tâwk chau in hluoin a um a. Hi taka inthawk hin a ruolhai leh inpawl harin film hai khawm a hung siem nawk thei tah a nih.

Pakistan in runs 180 a India hnein Champions Trophy an lak; Dhoni in venghimna sukkhau

London: Jammu and Kashmir chungthua ineptuo kumhlun defending champi-on India le Pakistan hai chun zani hmasa khan London hmuna Champions Trophy an inkhel a, Pakistan chun India team runs 180 a hnein a vawikhatna dingin Cham-pions Trophy title an lak. Fakhar Zaman chu man of the match a ni a, Hasan Ali chu man of the series-a thlang a nih. Kashmir chungthua hin India le Pakistan chu a ram le ram anga indona tlung chie naw sienkhawm ram-ri duty hai an khat tawka inkaptuo zing an ni a. Hi lei hin Cricket hi India le Paki-stan indona chikhata ngai a ni bawk leiin Pakistan laka India a hang tlawm el hi Indian Cricket fans tam tak chun an tuorna hle a nih. Hi le inzawm pei hin Ranchi hmuna Indian team wicketkeepers Mahendra Singh Dhoni chengna in chu venghimna sin sukkhau a nih.

India in hratna an chang-zonaw leia Indian cricket fans han lungsena an suk-buoi inlauna leia venghim-na hi sukkhau a nih. Dhoni In hi local police han kum tluona an veng zing a ni a, sienkhawm Pakistan a

hnezonaw lei khan security hi sukkhau zuol a nih. Kum 2014 khan Jharkhand sawrkar chun Mahendra Singh Dhoni security hi Z a inchawk Y Category-a \humhnuoi a nih. (ENS)

UFC fighter hlui knockout-a hneban a ni hnung a thi

UFC fighter hlui Tim Hague le Adam Brainwood hai chu June 16, 2017 khan Canada ramah an inhnek a, an hnekpui Adam Braid-wood in round hni an inhnek sung vawi 5 zet a hnek hnungah Braidwood hin knockout in a hne a.

Knockout a ni hnung hin Tim Hague hi ring a in-thawk a ke in a la lawn suok a, sienkhawm a hliemna leiin hospital panpui a ni a, khaw hre lova iemanichen a um hnungin Pathienni (June 18, 2017) khan har-suok zo ta lovin a thi.

UFC fighter hlui Tim Hague hi UFC a inthawk boxing tieng lutchil a ni a, kum 2009-2011 inkar sung UFC a lo inkhel a ni a, Adam Braidwood le an inhnek hma hin boxing vawi 4 lai lo khel ta a nih.

Man. United in C. Ronaldo Pound 175 million a inrempui an inpei

London: Tax pe loa intumna leia lungawi lova Real Madrid suok-san tuma insingsa mek Cristiano Ronaldo chu Manchester United in pound 175 million a lak an inpei nia hril a nih. Hieng laizing hin

Madrid Coach Zinedine Zidane chun Ronaldo hi club in a la mamaw thu hrilin Madrid suoksan lo dingin a thlo zing a nih. Ronaldo hi tuhin Confederation cup-ah in-ternational duty nei mek a nih. Ronaldo hin sea-

son nuhnung taka khan club le a ram ta dingin goals 55 a thun a nih. Chun, Manchester United chun Real Ma-drid striker Alvaro Mo-rata khawm lak tumin an biekpaw zing bawk a nih.

HmAr musiC video THAr - Boia PuruolteSinlengNews | 19th of June 2017:

Hmar rimawi khawvel a ding chun hril tam ngai lo a zuk hriet nghal el thei Tv. Ruoltinkung Puruolte @Boia Puruolte chun tulai hnai el khan Gospel Mu-sic Video thar “Ka Thla Inpak Rawh” ti chu You-tube ah a lo suk suok tah! Tv. Boia hlasak “Ka Thla Inpak Rawh” ti hi Cloud Joute-in a phuok a ni a, Pu James Rochullo-in rimawi hai hi siemin a studio Doh Doh Records, Rengkai a khum a nih. Videography tieng chu Jacksy Khawbung, Kristin Handoyo le Princen Chai hai buoipui niin a video shooting na hmun ruok hi chu Seoul, South Korea le CCPur District hai a nih. Tv. Boia Puruolte hi tlangval fel em em le biek inhawi a ni a, Torch Trin-

ity Graduate University, Seoul, S. Korea hmuna M.Div pass thar hlawk a ni bawk. Chun, Boia hin kha hma met khan “Ka Khuol-zinna” ti Music Video Al-bum khawm hlawtling ta-kin a lo suk suok ta bawk. Hi el hi ni loin Kum 2012 khan Mizoram sunga Rimawi tieng awna lawm-man hlu pawltak a ngai Le-lte (Chibil) Award khawm a lo dawng ta bawk. Chanchin ei hriet pei dan chun Boia Puruolte hin Mini Album (Al-bum puitling nilo) tuhin a buoipui nawk mek. Hmatieng pei a khawm Kohran le Khawtlang a inhmang em em hlak Tv. Boia hi a hlasakna hai baka album a siem peina ding hai a ditsakna insangtak ei inhlân.

Ariana Grande Concert Zo Lawmthu HrilLondon: American singer Ariana Grande, Manchester ah concert a nei lai bomb puok leia a Tour program zo lova US tieng kir nghâl, kar hni hnungah Manchester ah bawk One Love Manchester concert thaw nawka $4 million zet mithi le hliemhai ta dinga donate-tu chun a European Tour a zo tah a. Fans hai kuomah lâwmthu a hril. Kum 23 chauva upa nunghâk Ari-ana hi Manchester Council chun a thil thaw \hat leiin ngainat suklangnain Manchester mi le sa nina (citizenship) pek an remtih a, chu dungzui chun July 12 khin official taka lawmlutna hunser nei an tih. Council leader Sir Richard Leese chun, “Ei rengin Man-chester ei hmangai seng ti an lang a, hmangaina suklangna ding san khawm ei nei seng ring a um. May 22 zana thil tlung ei response dânah, \itna le thlaphangna nêka hmangaina le huoisenna suklangtuhai po po kuomah lâwmthu ei hril a nih” tiin a hril. Ama chun, “Ariana Grande hin mi tin entawn thlakin huoisenna le hmangaina a suklanga. Mi tamtakin Manchester mi ‘Mancunian’ angin an ngai tah el thei a, chu chu official

takin confirmed kan nuom a nih” tiin a hril bawk. Europe Dangerous Tour zofel chau Ariana chun Instagram ah post-in lâwmthu a hril ve nghâl. “Ka chunga in \hatnahai po po leiin lâwmthu ka hril, mi ngaisângtu ka fans, mi \hangpuitu ka team le mi dang dang hun khir taka mi umpui-tuhai. Tuta thla sung nangni le hun

hmang chu inhawi ka tih a. One Love Manchester concert \hangpuituhai po po, mithi le hliem sûnghai \hang-puituhai in rênga chungah lâwmthu ka hril. In hung \hang leiin ka lâwm takzet cheu, ka lungrila inthuk taka inthawkin!” tiin a post. Mithi sûnghai le hliemhai kuomah, “Ka mitthli in mi hruk hulpek leiin lâwmthu ka hril cheu. Kei nêka tuor lem chu nangni in nih a, hmangaina, ditsakna, duotna dawng tlak in nih. Ka lâwm takzet. Khawlai khawm um unla ka hmangaina cheu hi in hriet thei ka beisei, asan chu inthuk tak le inril tak hmangaina ka hung thawn cheu leiin! Ka hmangai cheu!” tiin a post bawk. Ariana hin concert a nei bâkah, a track pakhat 2014-a siem “One Last Time” ti chu Manchester victims hai hrietzingna dingin a release nawn nawk a. Ngainat a hlâw nghâla Music Chart ah No.2 a kai nghâl a nih. Con-cert-a a sum hmu po po a pek suok vawng a nih. A ruol tamtak Miley Cyrus, Katy Perry, Pharrell Williams, Black Eyed Peas, Little Mix le Rob-bie Williams hai khawmin a thlawn vwngin hla an sak tâwl a. Sengso po Live Nation-in a tum bawk.

“Khawvêla Pa |hatak” Nina David Beckham Nau Hân An PêkLos AngeLes: Man-chester United, Real Ma-drid, LA Galaxy, Club dang dang haia hnêna iemani zat lo changpui tah England Captain hlui, Order of the British Empire (OBE) Da-vid Robert Joseph Beckham @David Beckham (42) chu a nauhai le ruol pawla in-pawl hlak a ni ang bawkin a nauhai leh Fathers’ Day hun hmangin an inpawl a, inhawi an ti hle. Sung khat pa tak chan chang thiem em em, nauhai hmangai le nuhmei duot thiem bawk David Beck-ham chu an nu Victoria Beckham khawmin mi dang po po nêkin a ngaina taka a hmangaitak a nih ti suklang hmasatakin Pathienni Fa-

ther’s Day ah khan a wish hmasatak a nih. A nauhai le an sûnga thlalâk hlui, David-in Harper le Rome a kuoa an rêng an \hung tlar lai Instagram ah a shared a, likes a hmu tam hle. Chu zo charin a naunu Harper (5) chun, “Khawvê-la pa \ha tak” tiin a pa chu hung inpak malamin “Happy Father’s Day” a hung wish nghâl bawk a. Mi dang ta dingin lo ni naw sienkhawm, a nauhai ta ding chun khawvêla pa \ha tak chu a tling hrim hrim a nih. An nu Victoria Beckham khawmin, “The best daddy in the world!!! We all love u so, so much X kisses from us all x” tiin an pa chu a hung ti nghe nghe

a nih. David Beckham chu tu \um Father’s Day lâwm inhawi ti pawltak nîng a tih. Inrinni zan khan a naupa Cruz leh “Stone Rose” hla remin hun an hmang lai

video recording an thaw vawng a. A naunu Harper bawkin kut ziekin “Wish-ing Card” a hung present sa bawk a. A hlim hle. David naupa naupangtak Cruz hi ni kum Christmas khan a

music video hmasatak a record ve tah a, a tlângzar ve tah bawk. Cruz le hin “I Am The Resurrection” ti hla khawm sakin video le selfie an inlak pei a, inhawi an tih hle. Pa-thienni zingkar khan Insta-gram a follower nuoi telhai kuomah an thlalâk hran hran le a nau haiin Card an pekhai a shared a, fans hai khawm an lâwm hle. A nauhai khawm a fans an nih, Brooklyn (18) chun “Dad, you are a legend” tiin a pa a ngaisang zie a suklang a. Ama khawm inhawi a tizie suklangin, fans hai kuomah “A lot of love in the house today” tiin a post. David Beckham ta ding chun Pa ni man a um kher el.

Prince william Hmingin Father’s Day Chibai BukLondon: Kensington Pal-ace Twitter official account chun, Britain Prince William le a sang Harry hai naupang lai le, an pa Charles, Prince of Wales hai thlalâk post-in “Happy Fathers’ Day” tiin a wish a. Hi hnuoi ah hin Prince William naupa Prince George le an thlalâk a hranin a post bawk a. Social Media ah a hei indar char chu comment le ‘like’ an tam em em a, tam-takin Princess Charlotte an ngaina ti an lang thei bawk. Twitter hmangtuhaiin William an ngaisang hle laiin a naunu Princess Char-lotte khawm an ngaisang hle ti hmu thei a nih. Prince George le an thlalâk chauh post a nih leiin, tamtak chun a ‘naunu Princess Charlotte khawlam a um a? Thlalak ah an lang ve nawh a’ tiin an lo indawn sup sup hman a nih. Kensington Palace ruok chun a dawn ta nawh.Thlalak hlui dang a post-a

chun Prince Charles le Wil-liam le Harry an tleirâwl lai Beram hmawl chawia an pathuma an thlalâk a nih a. Thlalak hlui bawk, William kum 7 velin a sang kum 4 vel a liengkoah an chuongtir a, a pa Charles in Harry a chela, “Bawng Bawnga” thaw ang deuva hun an hmang lai a nih a. Hi thlalâk hi Lady Diana-in a lak a nih nghe nghe; an innei kum 10 a la tling hma. Prince William an wish-na tak thlalaka chun Prince

George a pawma, ngaina taka a bieng le bieng a chuk-tuo lai, George-in a pa a hei kuo-awn lai a nih a. Hi bâka hin Kate le Princess Char-lotte hai \hangna an sung thlalâk, kut inchela lawn puma mipui tieng kut vaia chibai an buk lai a nih a. Princess Charlotte, kum 2 vel chau a nu’n a pawm chungah mipui tieng hmêl hlim sieua a kut a vai lat lat lai a nih. Charlotte chu naute el a la nia chu lalnau nîna, lal-sungkuo mizie chu amaah

a pieng chieng hle. A chang dân le hawiher rêng rêng chu a pi Queen Elizabeth naute lai ang char niin mipui a ngam em em a, lal ngirh-munah ngirin inzakaina a phur hlie hlie el a nih. Hi lei hin mi tamtakin “Khawlam Charlotte?” tia an indawn khawm hi awm tak a nih. Father’s Day umzie a la hriet phâk nawa chu lal sûngkuo an nih a, mipui suktlâwm ding an nih ti chu a hriet hle. Mipui a ngamin a tlangnel em em a, mipui hmaa inlang vel le hei sukhlim hi inhawi a ti zawngtak a nih, a kum le inhme lovin mipui tieng a ngaiven thei a nih. George kum 3 mi hlak chun mipui rêng rêng a la uksak nawh, ama ngaituona chen charah buoiin, kut vaina chang khawm a la hriet nawh. A sangnu hin lal nîna a nei lem a nih. A puitling pha khawm inzpui um naw hleng a tih.

Congress VP kum 47 tlingnew deLHi: Congress Vice President Rahul Gandhi chu zani June 19, 2017 khan kum 47 a tling tah. Prime Minister Narendra Modi chun a Twit-ter fethlengin Rahul hi a birthday a lawmpui thu a thawn a, hrisel tak le kum tam tak dam dinga dit-sakna an hlan. Rahul hi a pi (A nu piengna nu) kan dinga Italy rama inzin mek a nih. Uttar Pradesh a Congress chun Rahul Gandhi birthday hi “Sankalp Diwas” in an hmang a, party leaders hai chun Lucknow-a hospital-a um damnaw le Motinagar-a naufahra en-kawlna In haiah fak ding le thilthlawnpek an sem. (EWD)

Govt Aided & Pvt College hai Grant pêk

imPHAL: Education Min-ister Mr Th Radheshyam chun, RUSA (Rashtriya Uchchatar Shiksha Abhi-yan) hnuoia Higher Educa-tion-a vocational education thawna dingin Govt Aided le Private College hai kuomah lump sum Grant a pêk tâwl. Hunser hi Dept of University & Higher Education, Manipur huoi-hawtna hnuoiah SSA Hall, Babupara ah nei a nih. RUSA hnuoia Voca-tionalisation of Higher Education thiltum chu, Set of Standard (SoS) dungzuia sinthawtu ding thiemna nei ‘skilled workforce’ siem a nih. Student hai interna-tional standard mil phakna kut themthiemna nei phâk an um theina dinga voca-tional education/skill train-ing pekna ding a nih. Hi scheme hnuoia hin Uni-versity degree level chenah vocational course inchuk theina a hung um tah ding a nih, tiin a hril. Minister chun, voca-tional le technical educa-tion course a tam tah leiin chuonghai le hi course dan-glamna hi chieng taka hriet ding a nih tiin a hril a Vo-cationalization of Higher Education hi ei state socio-economic le political situ-ation dungzuia ei mamaw-nahai en ranin chu phuhruk

theina dinga hmang tum ding a nih tiin, college hai khawm kawng tinreng up-date pei an pawimaw tah tiin a hril. Student hai khawm tulai khawvêl thiemna le varnain a mamaw dungzui peia inchuk danhai thiem a \ul tah thu hrilin, ieng-kim hi a market demand le supply-a innghat a nih tiin a hril bawk. Chuleiin, mi \angkaitak le sâwr thlak tak an hung ni theina din-gin a pawimawna chara an inchuk le an thiem theina dinga sawrbing thiem ding a nih a ti bawk. Minister chun, school, college le university haia student drop out an tam tah êm êm le annihai ta dinga thaw ding a vangna hi a lungkham bek bek niin a hril. Hi scheme khawm hin chu kawng chu a phuhruk thei dan a um chun \ha hleng a tih, tiin a hril bawk.Student hai a inthawka a \hatak cho suok theina ding chun hotuin vision tha tak le plan \ha tak a nei a ngai a. Student hai chun an thiem theina ki zawn takah thiem taka an fe theina dinga thlur bing thiema, competition hran hrana an \hang theina dinga inchûktir thiem khawm a pawimaw ta a ni tiin a hril.

|halai Sports an nei

Assemblies of God (Lo-calised), Tui\haphai Sec-tion |halai Pawl Annual Sports 2017 chu ni thum sung hmang a ni hnungin zani khan a lo tumtiek tah. Kar liem tah Zirtawpni le Inrinni khan Saidan khel-muolah hi sports hi hmang

a nih a. Inkhelna hran hran zo hman a ni naw leiin zani khan AG Compound-ah sunzawm nawk niin, hunt-awp hmang a nih. Hi Sports sung hin Football, Volley-ball, Basketball, Handball le Individual item dang dang inelna nei a nih.

Sawrkarin Inquiry Committee An DinimPHAL: Manipur sawrkâr Home Department chun Manipur Police Department-in 2013-2014 kuma Digital radio Set le Repeaters an chaw-kna thil chu thil indiklo a um nia a hriet leiin thil umdân suizuitu ding Inquiry Committee an din. Member pathum umna Committee member-hai chu Mr JC Ramthanga, IAS, Principal Secretary (Chairman), Mr Anand Prakash, IPS, ADGP (AP) (Member) le Mr S. Ibohal Singh, IPS, IGP (Admin) (Member) an nih. Home Department thusuokin a hril dan chun, Manipur Police suk-changkangna dinga hmangruo inchâwk ding a tihai hi M/s Applied Communication & Controls, New Delhi a inthawka inchâwk an nih a. Inchawk dinga ti quality nêka \ha lo hmangruo inchâwk nia hriet a nih leiin an dik le an dik naw an sui ding a nih. Sawrka thupek ang takin quality le aman hai indik taka pek an nih am tihai suiin an dik naw chun, tu thaw suol am a na, tihai an sui ding a nih.