Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

GAS NEWS Agency : KIM JOEBooking :19th. FeB. , 2018 to 19th.March.,2018delivery : 20-03-2018 (tUe) Time :9AM-tillstockStock :306@rate:Rs. 798(19 & 5kg. available)

HmasawnnaTharVol-33/153 | Churachandpur | email:hmasawnnatharnews@yahoo.com | Phone:+91-3874-236846 | Rs6/-percopy

thla|au (MaRCh) 20, 2018 thawleni (tuesday)

GAS NEWS Agency : SASBooking :18th. Jan. , 2018 to 9th FeB . 2018delivery :20-03-2018 (tUe) Time : 9AM till stock laststOCK : 252 @rate:Rs. 798/- first come first serve

NEWS TOMkiMcHANcHIN LAKTAWI

Legal Awareness an neiCCPuR: March 18, 2018 (Pathienni), 1:00PM khan CCPur District Legal Ser-vices Authority (CDLSA) inrawina le L. Zoujang Vil-lage Authority huoihawt-nain Chingmang khuoah One Day Legal Aware-ness nei a ni a, hi huna hin mipui han dan tiengpang inhrilhrietna nei a nih tiin ei thu dawngna chun a hril.

IIM Kashipur a inthawk MBA zo thar

CCPuR: Tv. George Lal-neikung, s/o (L) Dr M.K. Mathew le Mrs Grace Lalsiempui of Sielmat, CCPur chun IIM, Kashi-pur a inthawk Master in

Business Administration (MBA) a lo zo tah. A zo le inzawm hin TATA Com-pany-ah Campus Place-ment a hmu nghal bawk. Tv. George Lalnei-kung hin Common Ap-titude Test (CAT) exam fethlenga IIM, Kashipur a MBA inchuk dinga seat hmu a nih. A hlawtlingna hi ei chanchinbu chun a lawmpui hle. (SinlengNews)

March 20 in GST Survey thaw dingCCPuR: Department of Taxes, Govt. of Manipur chun March 20, 2018 khin Churachandpur khawpui sunga Dawr le Establish-ment hai survey a hung thaw ding a ni a. Hi le inzawm hin District sunga dawr le establishments hai chu survey team \ha taka lo thlawp dingin Shyam Lal Poonia, IAS, DC, CCPur chun March 20, 2018 khan inhriettirna a siem.

IAS/McS Officers Transfer and Posting 1. shri w. Malemnganba Chenglei, IAS, Joint Sec-retary, CM’s Office as Managing Director, MSPDCL 2. shri laishram Radhakanta singh, MCS, SDO/Keirao Bitra as ADC/Thoubal, PD/DRDA/Thoubal, CEO/Thoubal ZP & CEO/Kakching ZP (on promotion) 3. smt. sonia elangbam, MCS, Under Secy (YAS) & DD/IF as SDO Keirao Bitra.

Pasal pahni chema sunhliemCCPuR: Zani hmasa zan dar 8 vel khan Henglep Sub-Division sunga Aina Village-a chun pasal pak-hatin pasal pahni chemin a sunhliem a, sunhliema um hai hi zani zingkar 4:00AM khan District Hospital hung phurtlung niin hospital-a admit an nih. Chema mi sunhliem-tu hi Kaiminlal (25), s/o Ginkhanthang of Aina Village a ni a, a sunhliem hai chu Chinlian (35), s/o Haukhothang of Aina Vil-lage le Sianmuanlal (30), s/o Pauzakai of Aina Vil-lage hai an ni a, an ril khawm a sun pawp nia hril

a nih. Ei thu dawngnain a hril danin Chinlian le Kaimin-lal hai hin zantieng zu an dawn tlang a, zu an inrui hnungin Kaiminlal hi an inah an hrawt a, chu khap-dei dinga fe Chinlian chu Kaiminlal hin a lo sunhliem bakah Sianmuanlal khawm hi a sunhliem nia hril a nih. Chu huna Kaiminlal khawm hi pasal pahni hai hin thingherin a luah an hlap leiin khaw hre lovin a um a. A luah a hliem ve lei hin Kaiminlal khawm hi Hospital-ah admit ve a nih. Insukhliem hai hi putu vawng nia hril an nih.

Rengkai new Cemetry lai pasal pahni in an suollui niin a hril

CCPuR: Police a inthawk ei thu dangnain a hril danin March 17, 2018 zan khan Rengkai Thlanmuol thar (new cemetry) lai tu ti hri-etlo pasal pahni han tharum hmangin nuhmei kum 19 mi pakhat an suollui a, an suollui hnungin an inrelh-mang san niin a hril. Hi thil tlung le inzawm hin suolluia umnu unaupa Kaitonlou Suantak (23), s/o Vialhauthang Suantak of Ngulzen Veng, Tuibong chun March 18, 2018, 1:00PM khan Police-ah report a pek. Police a report a pek dan chun, March 17, 2018, 7:45PM vel khan piengp-hunga ruolbanlo a sangnu hi ina inthawka suok a ni thu, zan sawthnung chena khawm in a tlung-naw leia zan khawvara hmun tum tuma an zawng, sienkhawm an hmu zonaw

niin a hril. March 18, 2018 zingkar khan Rengkai Joute Veng ah hmu a ni thu an hriet a, chu le inzawmin an zu ngaiven nghal a, an zu \huoi niin a hril. A sangnu thil umdan an indawn huna suollui a ni thu a puong niin a hril. Suolluia um nu inpuong danin March 17, 2017 zan dar 7:45 vela an Ina inthawk a suok hnungin pasal pahni in a thu le hla loin motor in an phur niin a hril a, Rengkai Joute venga Rengkai thlanmuol thar lai vawi iemanizat zet an suollui niin an puong niin a hril. Suolluia um hi mi anglo a ni a, hi thil le inzawm hin Police chun FIR No. 1(3)2018 Women Police Station-CCP U/S 363/342/376 (2)(J)(L)/376-D/34 IPC an registered.

Scrutiny an fethleng

CCPuR: March 31, 2018 a Zomi Council (ZC) Chairman election um ding le inzawma nomination pa-per file-a um hai 4 hai chu scrutiny nei a ni a, an ren-gin an fethleng vawng. Inh-nukdawk nuom han March 21, 2018, 4PM chen inh-nukdawk thei an tih. Nom-ination paper file mi 4 hai chu- B. Dongzalian Simte; K. William Vaiphei; John K. Ngaihte le G. Vungsu-anthang hai an nih.

MR lakna dinga Viva Voce huniMPhal: Manipur Police Department hnuoia Manipur Rifles (MR), 2016 lakna dinga Written test result 09-12-2017 a puonglanga hlawtlingna chang hai ta dinga Viva Voce nei hun ding ruot a nita a, Viva Voce hi March 26, 2018 zing dar 7 a inthawk 1st Bn. Manipur Rifles Pavil-ion-ah nei \an ning a tih tiin Senior SP, Imphal West Dis-trict & Chairman, DPC for Direct Recruitment of Rifle-man (Manipur Rifles), 2016, Manipur Police Department Themthing Ngashangva, IPS chun March 18, 2018 khan inhriettirna a siem. Candidate-hai chu passport size thlalak copies 2, Ad-mit Card le Original document chawi seng dinga ti an nih. Viva Voce an nei hun ding chu a hnuoia ang hi a nih.1. imphal east: 26th, 27th & 28th March, 20182. Jiribam & imphal west: 29th, 31th, March, 2018 & 1st April, 20183. Bishnupur: 2nd April, 20184. thoubal & tamenglong: 3rd, 4th & 5th April, 20185. Churachandpur & Chandel: 6th April, 20186. ukhrul & senapati : 7th April, 2018 Hieng a chunga ni haia \hang hman naw hai ta dingin April 8, 2018 in nei ning a tih.

Police constble (Male) TrainingiMPhal: Manipur Police Depart. hnuoia Police Constables (Male) dinga lak thar hai chu training dingin March 25, 2018 a inthawk MPTC, Pangei hmuna in report dinga inhri-ettir an nih. Training-a \hang dinhai chu Ration money, Khakhi Half Pants 2, Khakhi full sleeved shirts 2, White Baniyan 4, cot-ton khakhi socks par 2, jungle/hunting boot pair 1, Black Ammunition leather (DM) boot pair 1, Jungle Hot Khakhi 1, Thosilen 1, Steel plat 1, Steel glass 1, Bedding with proper mattress, Bucket 1 le mug 1 seng chawi dinga ti an nih. Chun, Mobile phone mantam, Rs. 2000 neka mantam chawilo ding, rangkachak \hi or kutsebi bun lo ding le thil mantam chawilo ding ti a ni bawk.

Zan dar 9 chen ATM an hawng hlakCCPuR: Tuibong-a um Canara Bank, CCPur Branch chun mipui hmak-huo ngainain ATM Booth zan dar 9 chen an hawng hlak bakah Pathienni khawm hawng hlak a nih. Mipui hmakhuo ngaia hien-gang Bank in thil a thawna le inzawmin KSO, CCPur chun lawmum a ti thu a hril. Canara Bank hai hmal-akna hi nationalised le private bank tum tum hai khawmin entawnin thaw ve hai sien mipui ta din-gin a zangkhai hle ding

thu KSO chun an hril a, sukbuoitu ni loa mipui hai chu Canara Bank hmal-akna thlawp seng dingin an ngen.

Dr Rochunga Pudaite Memo. Rolling Trophy

CCPuR: HYA Tui\haphai JHQ huoihawt 1st Rev Dr Rochunga Pudaite Memo-rial Rolling Trophy Open-ing ceremony chu March 19, 2018, 2:00PM khan Saidan khelmuolah nei a ni a, hi huna hin Pu Zos-anglur Joute, MCS, SDO

Sangaikot khuollienin a \hang a, Pi Thang\hatling, Social Worker guest of honour in an \hang. Open-ing programme hmang zo hin inkhel \an nghal a nih. Chief Host Rev. John Pu-daite, President, Bibles For The World le Chief Host

Pu Vanlalhlun Hrangchal, President, HYA Tui\haphai JHQ hai chu remchangnaw-na leiin Opening prog. hi an uop thei nawh. Opening programme a hin Pastor Joseph Khaw-bung in \awng\ainain hun a hawng a, Tui\haphai Jt. Hqrts in Hmar Ambulance Project an nei mek le inza-wma SBI Bank Account Number 37586106788 Pathien kuoma inhlanna a nei nghal a, hi huna hin Nk. Christina Shakum in HYA Anthem thiem takin a sak a, Pu Vanlalmuon, Fi-nance Secretary, Organiz-ing Board in mikhuollien hai lawmlutna a nei zoin presentation hung hmang a >>sunzawmna phek 4-ah

ATSUM Lungawi Lo; Ho-tuhai Inban dingin a phut

iMPhal: Manipur-a school le college hai \ha taka siema hma an sawn ve theina dingin ATSUM chun \hahnem a ngai em em a. Zani khawm Kang-pokpi le Churachandpur district-a sawrkar school le college iemani zat a sir a. Thil umdan a hmuhai a lun-gawi naw hle. Zani khan Presidency College Motbung chu ATSUM team, Education Secretary Mr Kakai Sing-sit rawiin an sir a. College fencing thaw \ul tak bakah Professor, Asst Profs le staff tamtak kai lo an hmu. “Hienga Professor le Asst. Professor, thla khata Rs. 50, 000 a inthawka Rs. 1 lakh hlaw la zinga Col-lege khawm kai pei lohai chu an rang thei angin an sina inthawkin inban raw hai se” tiin sawrkar khaw-min hma la dingin Educa-tion Secretary chun a phut. Hi College hi mirethei nau tamtak hmun \ha fe ve thei lohai kaina a nih leiin zirtirtuhai chu \hahnem ngai taka zirtir dingin an ngen. Girls Hostel tienga dai (fencing) hai khawm siem\hat \ul vawng an nih tah ti an hmu a. Girls Hos-tel kar fencing siem\hat vat dingin sawrkar a phut a. Motbung mipuihai khawm College ram la hek ta lo dingin a hril bawk. ATSUM team hai hin Motbung High School khawm an sir nghal a.

Zirtirtu le staff tamtak kai lo an hmu a. An rengin March 20 hin ATSUM of-fice a in report dingin an hriettir. Hienglai zing hin Student tamtak chu College kai an hmu leiin ATSUM chun thafan um a ti hle a. Sung le kuohai kuomah lawmthu a hril. Motbung High School-ah hin Sapermaina, Km. 7 vela hlaa inthawkin student pakhat ni tin kein scool kai hlak a hmu a. Education Secretay chu a lawm em leiin a Bus kalman ding pawisa iemani zat a pek. Student \henkhat uniform bova school kai a hmua, thu an dawn chun, an uniform sem an intara, a dang inchaw-kna ding an nei naw lei a nih ti thu an hrila, Education Sec-retary chun an uniform man ding a pek bawk. Motbung H/S Hostel \ha naw taka student \uong lai an riek el an hmu chun an lungril a na em em a. Sawrkarin a ngaisak naw leiin an lung a sen hle a. Ed-ucation minister kuomah an rang thei anga hma la din-gin an ngen ding thu a hril. Kakai Singsit chu a lung a sen em em a. Hi hi a vawi hnina, Hostel hieng anga um zing an hmuna nih tain a hril. A hril dan chun, Motbung H/S student hai chu ram hla tak taka inthawka mirethei tak tak hung kai an nih a. |uong-a an riek el chu na a ti bek bek niin a hril. (UNA)

Lairik Yengminnasi-a dingin Rs. 74 Lakh riruong:

Tumna tak tak a um chun thaw thei naw iengkhawm a um nawh: cMiMPhal: Chief Min-ister Mr N. Biren Singh chun, miin thil a tum tak taka a thaw tak tak chun thil thei lo iengkhawm um nawh, tiin Chief Minister’s ‘Lairik Yengminasi’ Pro-gram 2017-18 hnuoia thla 6 Remedial Coaching Class hawngna, Chief Minister’s Secretariat, Durbar Hall-a neina hunah a hril. Hi Coaching Class hi Manipur Minorities and OBC Economic Develop-ment Society (MOBEDS)-in Department for Welfare of Minorities, OBCs and Scheduled Castes (MOBC & SC) hnuoia a buotsai a nih. Tulai hnaia Chief Min-ister-in mirethei le hnuoi-hnung, lekha inchuk nuom zing, harsatna neihai \hangpuina dinga Educa-tion Scheme a hawng thar le zulzuia thaw a nih. Chief Minister chun, hienga Remedial Coaching ei thawna san chu, student rethei tak tak, Minorities,

OBC le SC hai ta ding a nih a. Lekha inchukna kawnga ruol an ban ve theina ding a nih tiin a hril. “Sawrkar chun hnam hnuoihnung le rethei bik student hai dawmkawngna dingin hieng ang lekha inchukna \hangpuina ding Scheme hran hran khawm a thaw pei a ding a nih” tiin a hril. Kha hma khan Manipur puotienga inchukhai tahng-puna ding Scheme khawm hawng a lo nih tah a. Maniur puotienga lekha inchukhai

chun mani hming le Details inzieklutin website ah mani umna sawkar inhriettir pei ding le, harsatna (thina/natna) neihai chu Rs. 2 lakh pei \hangpui theina ding Scheme khawm a lo siem tah. Pu Biren chun, “|halai-hai hi ram le hnam society ban an nih a. Zirtirtu/ho-tuhai chu ban tungdingtu/siemtu an nih” tiin a hril a. Hi Coaching Program, thla ruk sunga ding hin Rs.74 lakh riruong a ni thu hri-

lin, sawrkar school hotu 83 le private school hotu 71 hmang an ni ding thu a hril. Sawrkar hotu Class VI-X inchuktirtuhai chun thla tin Rs. 5, 000 hlawng an ta, Class XI-XII inchuk-tirtu han Rs. 6, 000 hlawng an tih. Private teacher Class VI-X inchuktirtu han thla tin Rs. 8, 000 hlawng an ta, private hotu Class XI-XII inchuktir han Rs. 10, 000 hlawng an tih. Coaching Class hi zing dar 6am - 8:30pm chen ning a ta. Subject pathum, Science, Maths le English hai inchuktir ning an tih. Hi program hnuoia Class cov-er dinghai chu: Category A (Class VI-X) le Category B (Class XI-XII) an nih. Program thiltum tak chu inchuklai po po, mirethei le mihausa thlierbik um lovin, thiemna inril tak (quality ed-ucation) an nei theina ding thaw a nih tiin Principal Secretary (MOBC and SC) Mr PK Singh chun a hril.

March 2018 chenah Khuo 2, 486 meivar pek an nih: MD, MSPDcLiMPhal: Manipur State Power Distribution Com-pany Ltd. Managing Di-rector, Mr. L. Priyokumar chun, Manipur 2011 Cen-sus dungzuia khuo 2, 482 um po po laka khuo 2, 486 hai chu, March 2018 che-nah meivar (electric) pek an ni tah tiin March, 19, 2019 zantienga DIPR press conference buotsaiah a hril.

Hi hma met, zingtieng ses-sion ah Manipur State Pow-er Company Limited, MD, Mr N.Sarat chun, Manipur mipui han meivar huntawk tak an hmu zing theina dingin MSPDCL chun thei tawp a suo zing thu a lo hril bawk. Mr Priyokumar hril dan chun, khuo la sukvar lo 96 hai chu MANIREIDA le

\hangruolin sukvar ning an ta. MANIREIDA in Off-grid village 75 le MSPD-CL-in Deendayal Upad-hyaya Gram Jyoti Yojana (DDUGJY) Schemes hnu-oiah khuo 21 sukvar ding niin a hril. DDUHJY hnuoia hin census village la sukvar lo khuo 213 an \hang sa bawk ding niin a hril. Hi

Scheme hnuoia hin March 2018 chena khan khuo 192 sukvar an nih a, April 2018 chenah chu a bak 21 po sukvar an ni ding niin a hril. Mr Sarat chun, Novem-ber 28, 2017 a inthawk khan Pradhan Mantri Sa-haj Bijli Har Ghar Yojana (SAUBHAGYA) hlen a ni thu a hril a. In tin kuoma >>sunzawmna phek 4-ah

5th State Level Aquarium Exhibition cum Flower show \aniMPhal: March 24, 2018 a zo dinga Manipur Sci-ence Aquarium, DM Col-lege Campus, Imphal a ni 5 sung aw dinga huoihawt ‘5th State Level Aquarium Exhibition Cum Flower Show’ chu zani khan Depu-ty Chief Minister Pu Yum-nam Joykumar Singh in a hawng. Hi programme thil-tum tak chu Manipur state sunga Nga chi tum tum hai khawsak dan inchuk a hum-hal, local Nga hai ngirhmun le an umdan vangtlanghai hril hriet le Ngahai an in-thlapung dan kawng siem pek a na, ni 5 sung hin

vantlang han Nga chi tum tum hai an en theina dingin Aquarium hi zingkar dar 11:00 AM le zan dar 7:00 PM inkar sung hawng hlak

ning a tih. Manipur Science Aquarium a hin local Nga le hmun danga mi Nga chi tum tum 25 vel sie an nih. Zanita Exhibition

hawngna a hin Manipur Science & Technology Council (MASTEC) offi-cials le mi pawimaw tum tum an \hang a, Science & Technology incharge le khuollien ni bawk Pu Joy-kumar Singh chun, local Nga le Nga dang chi tum tum vai a, sukpung dinga sinthawna hi hmalakna \ha tak a nih tiin a hril. A hril peina-ah, Manipur state a Nga chi hran hran danglam tak tak hai hi har-satna tum tum leiin hum-hal thei lova sukhmang an ni tah tiin a hril. Chuleiin, pukri, vadung le tui umna

hran hrana Nga vai hi hum-hal an ni theina dingin a pawimaw hle a, Manipur mipui han a tam thei ang tak Nga hi vai ding a nih. P^r ch$ngna, ‘floriculture’ hi vawi le khatin awlsam taka thaw thei a ni naw el thei, amiruokchu, In le a se velah p^r tam lem ch$nga sukhmasawn thei a nih. P^r ch$ng hi insukhmu a, sin ang khawma nei thei a nih tiin Pu Joykumar Singh chun a hril a, Manipur sum-dawngtu \henkhat ‘floricul-ture’ sukhmasawnna dinga hma an lak leiin lawmthu a hril bawk.

Dy CM-in 11th Science Com-municators Meet hawng

YAS Minister in Natl. Sports University hmun a kan

iMPhal: Youth Affairs & Sports Min-ister Pu Letpao Haokip in zani khan Koutruk-Haraothelarea hmuna National Sports University (NSU) bawlna ding hmun a kan a, NSU bawlna hmun hi Koutruk, Chirang Senjam, Imphal West le L. Tangnuam, Kangpokpi district han an pek a nih. NSU hi 325.90 acres a

lien hmun-ah bawl tum a na, Haraothel, Koutruk le Senjam Chirang khuohai hmun a del vawng ding a nih. YAS Minister hi YAS Director Pu N Praveen, Kangpokpi DC Pu Pradeep Chandren, Kangpokpi SP Pu Hemant Pan-dey, Kuki Students’ Organisation (KSO) \huoitu le a khawmi han an zui a, NSU bawlna ding hmun neituhai harsatna thu ngaithla in, an ph<tna sawrkarin a ngaitha nawh a, \ha taka ngaituoin a sukfel pek ding thu Pu Letpao Haokip chun a hril. Kangpokpi district thueneituhai a hmun thua buoina ngaiven a, an hmatienga suk-fel a ni theina dinga report pelut dingin Pu Letpao Haokip chun thu a pek bawk.

iMPhal: Dy Chief Min-ister Mr Y. Joykumar Singh chun zani khan, Court Hall, Manipur University ah 11th Rastriya Vigyan Sancharak Sammelan (11th Science Communicators’ Meet) a hawng. Ni hni aw ding Meet hi tuta nei mek 105th Indian Science Congress le inzawma nei a nih. Dy CM chun thu hrilin, “Mihriem hringnun sukvar-zangna ding le changkang dingin Science & Technol-

ogy in nasatakin sin a thaw tah a. Mihriemhai hmang tangkai le hmasawnna din-gin technology thar le thaw dan tharhai tamtak hmu suok a ni ta bawk a. Thil hmu tharhai chu mihriem abikin la tlung phak naw-nahai kuom awlsam taka a tlung phak theina dingin a awlsam le inrang thei dan ang taka phur suok ding an nih” tiin a hril. Science & Technology >>sunzawmna phek 4-ah

Hmasawnna Thar2 thla|au (MaRCh) 20, 2018 thawleni (tuesday) aRtiCle/health & eMPlOyMent news

Editorial Boardlalmalsawm sellate:Editor&Publisherroding l. sellate: Jt. Editor ramditum ralsun: Asst. EditorJoseph Joute:Freelancelalsansuok pulamte &samuel Zothanglien@sZ Zote:Sports lalruotlien dulien:ComputerAssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

Editorial

Tuolsuong SUNZAWMNAVAWISUN THUPUII pa le i nu chu lawmin inumtir la, nanga neitunu che khawm chu inlawmtir rawh. Ka naupa, i lungril mi pe ta, chun ka lampuihaia chun i mithai khawm chu fu bawk raw se. ~ Thuvarhai 23:25

Lungril hriselHriselna hi a \hain a hlu a, mi hrisel le mi dam thei ni ei nuom seng. Mihriemhai chau ni lovin bu le thlai, thing le ruo, chungleng Vate le ramsa hai, in a vai chi ran le Nga hai, thilhring le khawvela um thil tinreng hai khawmin hriselna an mamaw seng a nih. Ieng thil khawm nisienla a hrisel naw hrim hrim chu ei dit nawh. Hriselna chu damsawtna el chau ni loin hlimna le lawmna hai mi petu an nih. Mi hrisel nawhai hi an hlim hmel le an lawm hmel hmu ding a um ngai meu nawh. Mi bawrsawm hlim le lawma innui vur vur hmu ding an um ngai nawh. Hriselna hi a hlu a, a pawimaw bek bek el a nih. Hi lei hin mi hriselhai chu mi inhnar um le mi vangnei an nih. Hlim ei nuom chun hriselna hi ngaipawimaw ding a nih. Mihriemhai hin taksa hriselna ei mamaw ang bawkin lungril hrisel ei mamaw hle. Lungril hrisel hai chun mi theida ding, mihai lungril natna ding, mihai theida ding le mihai muolphona ding an ngaituo ngai naw a, an hril nuom ngai bawk nawh. Inremna ding le inthuruolna ding khawmin lungril hrisel a \ul. Ei lungril a hrisel naw a, a tuiek pha pha leh indemna \awngbau ei saksuok hlak. Lungril hrisel chun suol a theida a, suol thaw a nuom ngai nawh. Ei lungril a hrisel naw pha pha leh thil \ha nekin thil suol ei ngaituo hlak. Hi lei hin mihriemhai hin taksa hriselna chau ni lovin lungril hriselna khawm nei dinga \hang ei lak ve hi a \ul a nih. Lungril a hrisel naw pha pha leh mani hmasielna a hung um hlak a nih. Lungril hrisel han an \anghma ding chau an siel ngai nawh. Mani nuhmei le nauhai ta ding ngaituo der lova mani sum hmusuok hai Zu dawnna, inruithei thil thawna le nunnuom chennaa hmangzo ngam hlak mi-hai chu lungril hrisel anni ngai nawh. An nuhmeile an nauhai nekin Zu le sa, drugs le inhawitirna an hman-gai lem tina a nih. Ei Society sungah ngei khawm Zu ngawl le Drugs ngawl invawi leia nupa in\he, nau-fahra lo ding naufahra, hmeithai lo ding hmeithai le la thi lo ding hai thi tah tam tak ei um ta a, ei la um belsa pei ding niin an lang. Lungril hrisel ni inla chu hieng thil hai hi ei pumpel thei ngei ring a um. Lungril hrisel naw hi a pawi a, \halaihai suottu pakhat a nih. Lungril hrisel ei put theina ding hin \hang nasa taka ei lak a \ul. Ei taksa hriselna ding ei ngaipawimaw ang bawkin lungril hriselna hi ngaipawimaw seng ei tiu. Damnawhai khawm hin lungril sie put lova an lungril a hrisel a, dam thei ka la nih ti lungril an put tlat chun an dam inhma pha hlak. An lungril a hrisel chun tuorselna le hmatieng beiseina lungril an puttir a, chau le ngui nekin an tha a hung tho nawk hlak. Lungril hrisel put neka an ngaituona a se tienga an fepui chun har nekin an taksa a hung chau deu deu a, an hmabak chu thina a hung ni el hlak. Lungril hrisel chun hratna thahrui le lampui \ha lem a hung kawkhmu hlak. Lungril hi a hrisel naw chun thil \ha tieng nekin thil \hanaw tiengpang a min puttir hlak ti hi hriet tlat ding a nih. Lungril hriselhai chunkhel hril an nuom naw a, mi hlem an nuom ngai bawk nawh. Khel hril hrat le mi hlem hmanghai hi mi \ha le fel anni ngai naw a, mi hnawksak anni hlak. Khawtlang, Kohran, ram le hnam ta dinga mi hnawksakhai hi lungril sie put mi anni hlak. Tulai hin nei inang inngaizawng, nuhmei le pasala innei hiel khawm an um ta a. Hiengang mihai khawm hi lungril hrisel lo, ngaituona indiklo nei an nih. Hiengang mihai hin an nina indik tak an hung hrietsuok pha leh, nei inang innei a hozie an hung hri-etsuok a, an hung in\he nawk el hlak. Lungril hrisel loin raruok \ha naw deu deu el tam tak a nei a, hril seng le ziek seng lo ding a um a nih. Lungril hrisel naw leiin tulai hin mani nina le neina baka inlang nuomna, chapona le uongnain sin a thaw nasa hle. Hi thil hi ei thawhla a, a chang lem chun ei muolphopui hlak. Tlangval pakhat hin a ruolhai Car hawin nuhmei an ruk a. In a hei tlungpui ta ngei a, Car kha a ruolhai ta a haw a ni thu, a pasal kha a lo inhril anga sawrkar thawkna nei ni lo le an insung ngirhmun a hrilhai kha thukhel vawng a nih ti a nuhmei inruk chun a hung hrietsuok a, sawt um pei lovin an rang thei ang takin an In tieng a kirsan nawk nghal. Mani nina le nei baka inhril sathau hi inzakna, hmingsietna le muolphona intluntu a nih. |hangtharhai laia a tam lem hai hi mani nina le neina baka khawsa nuom ei ni leiin ei sawl a, harsatna chi tum tum ei tuok pha rawp el a nih.

TALAN HI~Upa H.C. Jaikung, Sielmat

Talan khuo hi amah un laia ding chun khuo namenlo a nih. Manipur simthlang tieng, Tipaimukh area a um, Pherzawl khuo per, In 40 an ni a, Hmar hlanghlak an-nih. Pherzawla inthawk anni hril dan chun mel 5 a nih. Kohran khawm pakhat chau Independent Kohran an ni a, fak le dawnah an intodela, khuo inthuruol le taima khuoa hril an nih. Talan chanchin ei hril dinghai hi phuokfawm ni lo, kei neiin ka hriet le ka hmu a ni a, ei hril nuom nasan khawm Talan hi ei hmusit lei ni loin, anni huna ding chun thil dik le awm hrim a ni leiin hmusitnaa hmang chi chu ni naw nih ti hi ka hril hmasa nuom a nih. Thil tlunghai hrim hrim hi anni huna ding chun awmtak vawng anni hlak hrim a nih. Ka pa Pastor Dawnthawm kha chuonglai chun Independent Kohran ah Tirko sin thawin Pherzawl khuoah kan um a. In-dependent Kohranin Talanah pawl hni chen School an hawng a, chutaka Evan. Teacher dingin Talanah sawnin a um a. Chulaichun kum sawm vel mi ka ni ta a, kein Talan chu ka lawn tlung ve thei tah a, ui ka kei nghe nghe a, sawttak papui haiin ‘Ui kei pa’ an mi ti nghe nghe a nih. Ka har-a, ka nghal bawk leiin kan um sung sawt raklo nisienkhawm Talan ram chu ka hriet chipchier hne hle a nih. An ram hi chuonglai chun a la \ha a, sin thaw an taima awk leiin bu hi an hau thei a, khuo danghai khawmin bu inchawkna takin an hmang hlak a nih. Chun, mihrat Thana hai, inbuon hrat Tusing hai le mi dang dang khawm an um a. Hlasakthiem le hmel\ha khawm hrikl ding an um bawk a, hmundang hmu rawn naw ta ding chun inti theina khawp a ni hrim a nih. Hi lei hin inti theina tak an nei a. Pherzawl khuo In 150 khawm an \i bik naw a nih. A san chu thil an hmuhla naw a, an hriet rawn bawk naw leiin mihai chu anni neka thei lem dinga ringna khawm an neinaw ni awm a nih. Khuo danghai hlak chun an hriet chieng leiin kh-ing tlakah an ngai naw a, an \awng suok hi a dang hril sap si loin “Talan hih” an ti hlak a, an lung a sen thei em em a, thaw ngaina hlak chu um bawk lo. Vawikhat chu Kristmas chu Siel ngeia hmang an rawt a, tlangvalhai chu thafan em em in Siel kei ding chun Paite ramah an fe a. Vangnei thlak takin Siel cha-let \ha takel hi an hmu fuk a, an hung kei ta ngei a. Pherzawlhai lo zau hraw a ngai a, Lo riek iemanizat rabawkah Pherzawl hai chu an lo um a. Tlan tlangval-hai chun inthei takin Pherzawl zau chu an zuk fe thleng ta ngei a. Pherzawl tlangval Loriek hai chun, “Talan hi: in kelchal kei chu a va \ha de” an lo ti chu an lung sen taluo chu hril ngaina um lo khawpin an hung tlung a. An lungsen beidawng chu ka pa kawlah an hung tlung chawta. Thil umdan chu ka pa kawlah chun an report a. An lungsen zie chu hril ngaina um lo khawp a nih. Ka pa khawm chu an hmel lungsen a hang hmu chun a bei a dawng ve khawpel a. Sawtfet an ngaituo hnung chun ‘Hih’ ti tak hi chu \hang naw sien chu \ha ding a na, Pherzawlhai kawlah ‘Hi’ tak hi chu ti ta lo dingin hril ka tih a ti a. Chu taka inthawk chu chitein an lung a dam deu hlek a nih. Khanglai huna khan chu Upa/Pastor/Evan. hai thu hril chu iengkimah mihaiin anla ring em em a nih. Mak ve tak pakhat chu Pu Thana mihrat khan nikhat chu kherseu rilmu ngawt paikawng sip a hung phura, an tuollai a teta, ZAntieng chun a hei chek tak tak chu a khuophek ti dingin kan hei en ana, an hawi kher el. Awlsam deu deuin a chek zung zung el chu a mak kan ti nasa. Chu taka mipuihai hril tam tak chu, ‘Thana anga hrat hi khawvelah um naw ni hai’ ti a nih. Hmun dang le midang hrathai an hmu naw leiin an hril hi a awm hrim a nih. Hi lei hin an chapova midang le khadang popo iengmalovah an ngai a nih. Anni huna ding chun awm tak hrim a nih, a san chu an hmu le an ngaituo na kha Talan bak a khel naw lei a nih. Hienglai huna thil tlung a tak takhai hang hril pei ei tih. Talan khuo hi thokang an tam leiin Malaria nat-na hi a tam em em a, an thipui rawntak khawm ni hiel dingin ring a um. Malaria damdawi hang hmu el ding hlak um bawklo, tulai angin sawrkar hlakin la thaw bawklo, damdawi um hrim sienkhawm an chawkna ding pawisa a vang bawk. Beidawng a um thei khaw-pel. Ka pa hin Missinary saphaia mi Quinine phit a hung laka, a tuiin a siema, dawnzat ding a rek lekhain a bela kan nei deu zing hlak a nih. Maktaka ka hriet chu, khawsik chau ni lo, natna popo khawsik bakah phingna, kena, kawngna le natna dang haiin an dam pha pei a nih. Pathien thilthaw dan hi a mak khawpel. Chun, thilmak tak pakhat nawk chu Indopui 2-na a hung tlunga. Chanchin hmundanga tlung hai hre lo kan ni leiin zankhat chu thimbut hin vuongna a hung a, a vuongna hmu si lovin a ri chu hriet a ni, khawhri thilthaw ngei ni dingin an ringa, a khuo phekin an buoi ta a, \apri leh, a soin an so zakel. Hienglai huna hin chu khawhri hi an la \i em em bawk a nih. Iemanichen hnungah chunk an in tieng thlaphangin an hung tlana, a bikin upa tieng iemanizat ringlo an la um a, hieng-hai hi an thla a phang zuola, khawvel tawp dingin an ring bawk leiin ka pa kawlah chun an hming Kristiena zieklut dingin an hung hnawbuoi el ta a. Ka pa chun an hming a lo ziek pei a, mak takin hienghai hi

ringtu \hatak an hung ni nghal a nih. Sawtnawte hnun-gah chun vuongna chu a meisit an hei hmua, an ngaiho nawk angreng khawpel, iengrakah an ngai nawh. Pa pakhat chun, ‘Hung nawk raw seh, bâkvaina-in lo vai thlang ka tih” a ti awl et el. Bâkvaina chu ruo a lertieng a hna \hel fai, inrieubama siem, zantieng phuhlum suok huna bakin an hung fak hlak a, chu lo vai thlaknaa hmang hlak a nih. Chuongchun chitein mi ningkhawng an hung hriet pei a. Pherzawlhai football inkhel hai dam an va hmu ve hnungah chun football inkhel pathlawi team le tlangval team inel dingin rawt-na an hugn siem a. Tulai anga football hi hmuphak la ni nghal lo, puon muk deuin an zelhluma, \hatakin an \huia naupang lu ruol vel dingin. Mutrik dingin ruo tanbawng \ha takin an siem a. Chuonglai chun football dan le dun khawm an la hriet naw a, an tum tak chu goal thun a ni ringawt el a nih. Football field hlak chu umlo, khawlaidungah a remchang ang angin goal ban an phuna an thaw taw-pel a nih. Chuongchun tlangsamin tlang an dama. ‘Kar nawk Inrinni zantieng busuong huna football inkhel pathlawi team le tlangval team a um ding a na, inhmataka busuong ding, renga en seng ding’ tiin. A hun a hung tlung chun kan tam kherel. An hang in-bei taa, hmunuom a um kherel. Hmunuom a um dan chu dan kha a um naw leiin an mawngtam pet khawm pawilo, goala a lut theina ding a ni phawt chun. A taw-pa chun pathlawi team in goal 2 in an hrata, tlangval team in an complaint-a chu lalin a remti naw a, an thu lak an ta nawh. Hun a hung fe peia, mi chanchinhai an hang hriet tam deu deuva, hienglai huna hin kekawr bun khawm um meu lo an ni a. Kekawr khawm an hung dit ve ta leiin, mania \hui dingin Pi Pautinhnieng, hmeithaiin ama lungril puoksuokin kekawr \hui a lo inchuka. A tupa le um an la ni a, a tupa ta dingin a \hui \an ta a. A hang \hui zo chu a khuo deu thawin an en hut hut el a nih. |hui zo dinga \hang a hang lak hnungah a \hui zo ta thu chu hriet a ni ta a. Bun dingin a tupa chu a hang kova. A hei bun chu a tlu \huoi el a, a kekawr \hui a hang en chun \huipum ringawt hi a nia. A \angkai tho chu a nih. Hi taka inthawk hin thuvar “Pautinhnieng kekawr \hui ang el a nih” ti hi a suok nghe nghe a nih. Thil hrechieng lova thaw hi a pawizie a min chuktir a nih. Dam tetein khawvel umdan an hung hriet deu deu-va, khawvel dang le midang khawm an lo um ngei a nih tihai an hung hriet pei a, iengkim hi inchuk tumna le hriet tumna an hung nei pei a nih. Thilmak danglam deu pakhat hang hril nawk ei tih. Tlanaa kan inpem hlim chun Talan khuoa hin Bawng vai la um lo an ni a. An huonhai khawm Vawk dang dingin inhnuoi deuin dai an siem hi na. Kan hang um khan ka pa hin bawng a hugn vai \ana, Bawng tlatna dinghlo a \hat leiin kan bawnghai chu an pung khaw-pela. Kum iemanichen hnungah Bawng sawm khat vel zet kan hung nei el ta a. An huondaihai kha an hnuoi leiin kan bawnghai chu mi huonah lut an hung \an ta a. Putar pakhat hin Lalnghakpa Bawng ka huonah a lut chun ka sat ding a nih tiin a hril hlak. Kar khat hnung velah chun kan bawng chal mal chu na takin satin a um ta a. Ka pa chun iengkhawm a hril nawh. Putar pa chun village Court-ah, “Lalnghakpa’n Bawng satin a min tum” tiin case a siema. Zingkar hin ka pa khawm Lal inah an hung kova, ana chu iengkhawm an inhriltir nawh. Village Authority chun case chu an hang rela. Kan pahniin Salam chawi ve ve dingin an rel a ni chuh. Tlangsam chun kan Vawk chu a hung man nghal a, ka pa chun mak a ti khawpela, thaw ngaina um nghal bawklo. Talan chanchin tam tak ei hril hai hi anni ei hmusit-na le ei hrilsietna an naw a, chun phuokfawm khawm a um naw a, kei ngeiin ka hmu le ka hriet ngei, a tak a nih ei hril hai hih. Ei hril nasan Tlan khuo chanchina inthawkin inchuk ding (moral) a um lei a nih. Chuong-hai chu hang hril ei tih.: 1. Talan khuo inthuruol le taimak ang hin taima inla, mani intodel ngei inla nuom a um. A khuo mihai an inhmangai ang hin eini khawtlang, kohran le ram in hmangaina hi suklang inla nuom a um. 2. Thil hmu tlawm le hriet tlawm hin chapona a sukdawka, chapona chun mi iengmalova ngaina a suk-suok hlak a nih. Chulei chun, ramdang chanchin hriet rawn le hmu rawn hi a \ha a nih. Mivar, thiem le hrat chanchin hai hriet rawn chun mani hi ieng khawm ei ninaw zie a min hriettir. Pathien thuah khawm hre rawn silo, Thlarau mi tak ta kanga in ngai hi mi chapo, thil \ium a nih. Mi haiin, Talan hih an ti angin ‘ama hih’ tia a dang hril sap lova mi ko nuom khawm an um hlak. 3. Talan khuo haiin thil iengkim hriet an tuma an thaw angin eini khawmin thil hriet rawn hi tum ei tiu. Chu ding chun lekha tiem rawn, Chanchinbu tiem rawn, a dik tak hriet tuma tiem tum nawk zuol hi ei thaw ding a nih. Mimawl le hrietna tlawm hai chu an chapoin an in ngaisang hlak a nih ti hi hrezing ei tiu.

Hair oil Rs. 14 lakh manhu inruk; mi 2 man tahGuwahati: February 21, 2018 khan truck a inthawk Bajaj Almond Hair Oil cartons 907, Rs. 14 lakh manhu ding inruk a na, hi chungthu hi Jalukbari Police Station-ah thubuoi zieklutin police han an suizui a, zani khan hair oil inrukna a inrawlna nei mi 2, Rejaul Karim le Rustam hai man an nih. Hair oil hai chu truck driver Saddam Hussain in a neitu um naw kar an ruk a, Abdul Ukil le Bechimari hai kuomah Rs. 8 lakh in a zawr nia hril a nih. Abdul Ukil chun Rustam le Rejaul hai kuomah hair oil chu dawra zawrna neka rate inhnuoi lemin a peksawng nawk a nih. Hair oil inrutu tak Saddam Hussain hi a umna chin hriet lovin a tlanhmang a, Jalukbari Police le Dalgaon Police \hangruolin man tumin an zawng zing.

APSC scam thuah ACS officer banGuwahati: Assam Public Service Commis-sion (APSC) in sin a lak-na-ah inthamna a um thu sui mek le inzawmin zani khan Assam Civil Service (ACS) officer, Avisika Ba-ruah chu APSC Chairman hlui Rakesh Kumar Paul kuomah pawisa pein ACS a tlingna dingin a \hang-pui ti hrietsuok a ni leiin a sina inthawk b^n a nih. Hi chungthu hi zanita As-

sam Assembly session-ah hriltlang a na, APSC scam a inrawlna nei hai chu b^n pei dingin thutlukna an nei. Avisika Baruah hi 2013-14 a APSC fethlenga ACS hmu le Nazira, Siva-sagar district a Circle Of-ficer sinthaw mek a nih. A thilthaw hrietsuok a ni hnu-gin, hi chungthu an suina-ah theitawpa police hai \hangpui dingin an tiem niin ei thu lakna chun a hril.

BJP-IPFT sawrkarin financial tieng phurrik tak a nei: Deputy CM

aGaRtala: Tripura sawrkar hmasakin planning mumal tak siem lova ror-elna a thawsuol leiin BJP-IFT sawrkar hin sum le pai thuah phurrik tak a nei a nih tiin Tripura Deputy Chief Minister Jishnu Devbarman chun a hril. March 16, 2018 a inthawk khan state finan-cial ngirhmun enchiengna nei a na, sawrkar thar hin fiscal deficit Rs. 11,355.53 crore umin hma a lak \an ding a nih tiin Mr. Jishnu Devbarman chun a hril bawk. Mr. Jishnu Devbarman hi state Finance Minister

phurtu a na, a hril peina-ah, deficit hi sawrkar hluiin planning mumal tak a nei naw lei a nih tiin a hril. Kum hluia sawrkarin fund a hmang chu kum 3 liemtah a state budget neka tam lem a na, chuleiin, Tripura state in harsatna tuoka phurrik a nei mek sukfelna dingin central sawrkar an rawl a ngai a nih. 7th Central Pay Com-mission in recommendation a siem dungzuia thawktuhai hlaw pek ding an ni chun, state sawrkarin kum tin Rs. 1,459.51 core a pawimaw ding a nih tiin Mr. Jishnu Devbarman chun a hril.

Rs. 4,000 cr anghu bank fraud le inzawmin Directors 3 manMuMBai: Parekh Al-luminex Ltd (PAL) in Rs. 4,000 crore anghu Axis Bank a hlemna thu CBI han an sui mek le inzawmin zani khan Company Direc-tors 3, Bhawarlal Bhandari, Premal Goragandhi le Ka-mlesh Kanungo hai man an nih. Hieng mi 3 hai hin invoices lem siemin com-pany tehlem hming hman-gin Bank-ah loan an lak

hlaka intum an nih. Hi thua Axis Bank in complaint a thelutna a chun 2013 a thi tah Parekh Alluminex Ltd (PAL) Director Amitabh Parekh le midang 4, Rajen-dra Gothi, Devanshu Desai, Kiran Parikh le Vikram Mordani hai hming khawm an zieklang. Parekh Alluminex hi SBI \hangin public sec-tors bank tum tumin sa-

wiselna an thelut leia CBI han an sui mek zing a nih. Hi Company hi National Company Law Tribunal a khawm h>k le a chungthu ngaituo mek a nih. PAL hin a bul \anna in Axis Bank-ah Rs. 125 crore a lak a, indik takin loan chu a rul phawt a, 2011 kum khan Rs. 127.5 crore an Director Parekh in a lak nawk a, chu huna chun company thurel

angin lekha a siem fawm a, sanction credit sukpungna dingin a hmang a nih. Chu hnungin Axis bank LoC chu hmang \angkaiin an di-rectors 3 hai hin company dang dang hming hmangin documents tehlemin loan an lak pei a, Rs. 4,000 crore anghu hi a hung tling tah a nih. An pathum hin Special CBI Court-ah inlangtir ning an tih.

Disaster Management Trining \anCCPuR: Department of Relief and Disaster man-agement, Govt. of Manipur le Centre for Community Initiative (CCI0 \hangruola huoihawtnain March 19, 2018 khan ni 2 sung aw ding Rayburn Colelge, New Lamka-ah Disaster

Management Training \an a nih. Training hi zani zing-kar 10:30AM khan Khen P. Bombing, Principal, Ray-burn College in khuolliena \hangin a hawng a, Pau-zagin Gonsing, ED, CCI guest of honour in a \hang.

Outreach worker hai ta dinga training neiCCPuR: District AIDS Control & Prevention Unit huoihawtnain zanikhan CMO Conference Hall, CCPur-ah ni 2 sung aw ding Training for Outreach Workers & Peer Educators of Targeted Intervention-NGOs nei a nih. Training hi Dr Ro-meo Sanate in a hawng a, training sungin Outreach planning, NACP Phase 4

a component tum tum le Harm Reduction bakah Needles Syringe Exchange programme le Condom promotion programme hai inchuktir ning an tih. Zanikhan Roshan FHI le Premandanda hai re-source person in an \hang a, vawisun hin Esther, Nishi, Roshan le Premandana hai resource person in \hang an tih.

SSPP Foundation Trust OB siem

CCPuR: January 13, 2018 a SSPP Residential School, Ngathal-a SSPP Foundation Day-cum-Presidential Elec-tion 92018-2021) le Siamsin Award 2018 sem huna SSPP Foundation Trust member dinga thlangtling thar han zani zantieng 3:00PM khan SSPP Complex, Siloam Veng, Bungmual-ah OB ding ruotna an nei. Foundation Trust Chair-man dingin R. Sanga, Vice Chairman dingin T. Hanglamthang, Secretary in Lalzagou Neihsial, Asst. Secretary in Khamsuanmung

Tombing, Finance dingin Demngaihkim le Treasurer dingin Dr. H. Chhawnvung hai ruot an nih. Foundation Trust mem-ber dinga thlang hai chu- Ricky Vanlallawm Guite, Dr. Vumchinpau, John K Ngaihte, Dr. Lalzagou, Dr. R Sanga, H. Mangchinkhup, Langkhanpau Guite, Dr. Jamthianlal, Demngaihkim, Awnzagen, M. Gouzamang Guite, Dr. Thangchinkhup, Dr. H. Chhawnvung, G. Vungkhum, Chinngaihpau, T. Hanglamthang le Khamsuan-mung Tawmbing hai an nih.

3thla|au (MaRCh) 20, 2018 thawleni (tuesday) natiOnal/inteRnatiOnal & adveRtiseMent Hmasawnna Thar

laKtawi GATEWAY InstituteNDA & NA Course-2018 GS Foundation Course- 2018

Starts:26thMarch,2018Time: 06:00-08:00AMDuration:5MonthsFocus:Match/Chem/Phy/Bio/GS(FreeStudyMaterials)BeneficialforClassXII(appearing)Fee:Rs.6500/-Reg.Rs.500

Start:2ndApril,2018Time:01:00-05:00PMDuration:5MonthsFocus:Hist.Eco.,Geo.Polity(FreeStudyMaterials)ForCDS/IBPS/SBIPO/RBI/AAO/CPOFee:Rs.7000/--Reg.:Rs.500

Add:ICICent.Building.Ph.No.8131899967/7642920971/8974320173 (7-3)

INNEI FIELNAKan naupa Tv. John Daniel Sinate, s/o (L) Upa K. Sangluoi of Senvawn le Nk. Lalropui, d/o Lallaw-mum Sanate Saikawt Hmun\ha hai chu March 21, 2018 (Nilaini) zing dar 11:00AM hin Saikawt ICI Sub. Headquarters Biekin-ah Kohran Dan Thienghlim in kut insuina an nei ding a na, Biekin -a inneina le In tienga lawmna hunser mi hung uop-a mi hung hrepui dingin Chanchinbu tiemtu hai popo kan fiel cheu. Fielna Card a hrana siem a ninaw leiin Chanchin-bua fielna kan hung siem hi fielna card anga mi lo pawmpek dingin kan ngen cheu.

Fieltuhai: 1. Lawmthang 2. Reuben 3. Chalmawilien 4. Darrosang 6. J. Rohmingthang.

(20,21)

September 11 attack a mi tam tak sansuoktu Cancer in a thi

new yORK: Septem-ber 11, 2001 a New York khawpuia World Trade Centre Terrorist han an bei huna mi za tam tak hringna sansuoktu New York City

firefighter Thomas Phelan chu kum 45 mi chau niin Zirtawpni khan Cancer nat-na leiin a thi. World Trade Centre bei a ni huna sansuokna sin thawtu 170 chuong zet chu sansuokna sin an thaw huna gas le boruok \halo an hiplut haia inthawk Cancer natna leiin an thi ta niin Firefighters Association, Greater New York report chun a hril. Phelan hi kum 2001 a Wold Trade Centre bei a ni huna khan sansuokna sin thawtu Statue of Liberty Lawng captain a nih.

Bangladesh SC in Khaleda Zia bail phalna a stayed

dhaKa: Corruption leia kum 5 sung jail intang dinga a chungthu rel le jail-a in-tang mek Bangladesh Prime Minister hlui Khaleda Zia in bail a ngenna pawmpek a ni hnungin Bangladesh Supreme Court chun zan-ikhan bail a suok phal pe-kna chu a stayed nawk. Zia (72) hi February 8, 2018 a kha a pasal (L) Ziaur Rahman hminga in-din Zia Orphanage Trust sum ding dollar 250,000 vel indiklo taka hmanga in-tumna leia kum 5 sung jail

intang dinga a chungthu rel a nih. Hi case a hin a naupa Tarique Rahman le midang 4 hai khawm kum 10 sung jail intang dinga rel a nih. Bail-a suok a ngenna le inzawma March 12, 2018 a kha Dhaka High Court in thla 4 sung interim bail a suok a phal pek a ni a, sienkhawm Bangladesh SC a Chief Justice Syed Mahmud inrawinaa Ap-pellate Division chun May 8, 2018 chena dingin bail phal pekna hi a stayed nawk a nih.

Australian Pakhatin Malaysia Vuongna MH370 Hmuin An Hril

sydney: Australian engi-neer pakhat Peter McMohan chun, 2014 kuma inhmang Malaysia airline MH 380 tuchena la hmu lo, an la za-wng zing chu Google Earth hmanga a zawngnaah a hmu tah niin a hril. TheDailyStar-in Peter thuhril a ziek sawng dan chun, vuongna sie hi tuipui hnuoia um Google Earth hmanga a hmu a nih a. Round Island sim tieng Km. 16 vela um a nih. Mauritius a inthawkin Km. 22 vel a nih. Tukhawma an la zawng nawna tuipui lai a nih a. Hilai hmun hi US official han an zawng nuom naw lai niin a hril bawk. Vuongna hi

silaia kapna a chip hner hnur niin a hril bawk. MH 370 zawngna thuah hin, American mi pali chu hila hmun zawng dinga tir an nih a. Amiruokchu, zawng lovin information pawimaw iemani zat an thup ruk niin a hril bawk. Thlalak pahni a suksuokhai chu, pakhat chu tuipui hnu-oia um vuongna hlimthla hmu thei a na. Pakhat chu vuongna hma tieng po lim a nih. MH370 kha a thua chun Indian Ocean chung laia tla nia hriet a nih. Passenger 239 hai po po an thi vawnga, tuchen hin hmu an la ni nawh.

Russia President Vladimir Putin Bawk Thlangtling Nawk A NihM O s C O w : R u s s i a P r e s i d e n t i a l e l e c t i o n Path ienni (March 18) result chu puong a ni tah a. Vladimir Putin bawk chu kum ruk dang thuneina nei dingin a tling nawk. Central Election Committee puong danin mihriem vaibelsie 107 laia 60% vote thlak povah 76.4% vel chu President Putin in a hmu phak niin a hril. Selkaltuhai ruok chun vote thlak dan ‘indiklo’ a tam taluo tiin ‘an dik nawh’ an tih a. Selkaltu ama khing thlak theitu ding tak Alexei Navalny hlak chu a ngir le vote a thlak khawm khapbet a nih a. Khingtu dang hnai deu tak chu Communist

Party candidate Pavel Gru-dinin a ni a, 12% a hmuh. Ultra-nationalist Vladimir Zhirinovsky in 6% a hmu a. TV presenter Ksenia Sob-chak in 1.5% a hmu ve. Kremlin chun vote tam-tak thlak a ni theina dingin hmang thei thei a hmang a, sawisel khawm a hlaw hle. Thuneituhai chun Carrot le Hmawl hmangin vote an inthlaktir a ni tak. Thalai-hai sukphurna dingin selfie competition, prices, fodd festival for children, enter-tainment hai pollins station kawl haiah an buotsai a, voter tamtak hipna dingin. Private le public com-pany tamtaka thawktuhai chu lo thei lova an vote

thlak ngei ngei ding an naw chun an hlaw cut ding chena ‘thupek’ an nih. High school le college tamtaka \halai, student hai chu vote thlak seng dinga ti an nih a, an vote naw chun expel chen tuok dingin vau a nih. Hieng kar laka hin Mos-

cow, Kremlin tuolah a tling thu puong a ni hnunga thu a hrilnaa chun, “Hi election-a hin ei ram mipuihai beiseina le an mi ringzona hmuin kan hriet. Ei ngaituonahai chu ei hmatienga ei ram le \hang thar peihai ta dingin seng ei tiu” tiin, Joseph Stalin

hnunga Russia ram rorel sawt tak tah Putin chun a hril. Russia election hi Brit-ain le an inlaichinna \hat naw lai tak, US le an inlaich-inna khawm a derthawng lai tak, Russia kawng hran hrana a hming a siet lai tak a nih a. An rama ding chun Putin-in khawvela Nuclear bomb hrattak an nei tah thu a hril lai tak a nih bawk. Hi lei hin mipuiin Putin chu Russia \huoi dingin an dit a nih. Putin hi President term thum ( kum 6 pei) a tlingna ding a ni tah a. Kum 18 sung Russia ram ro a rel ding tina a nih. Tulai khawvela ding chun ram pakhat mipui thlang lal rorel sawt tak a ni tah.

Putin hi a hmasataka dingin 2000 khan President dinga thlangtling a nih a. Khawvelin a sawiselena tamtak karah dei chapin an hrilsietnahai a tuor muolsuo pei a, mi var a hlaw pei a nih. Ukraine a inthawka Crimea a laka inthawka kum 4 a tlingna char a ni ta bawk. Hienglai zing hin mi tamtakin ‘Hero’ anga an ngai laiin selkaltu le mi tamtak chun, vote thlaka um po rammi 50% vel chau an nih a. Chu laia 70% vote chu mi po povin an dit ti thei an nawh, tiin inthlangna chu ‘indiklo’ angin an sel a. Tamtak chun ‘kum ruk dang sala intangna ding’ niin an hril. (AFP)

US President Trump-in Drug Zawrtuhai That Peina Ding Dan SiemwashinGtOn: Tulai khawvel sawrkar ram-bung tinin an doa chu an do hne el lo, sungkuo tin deu thaw le khawtlang nun nasataka suksietu Drugs chu Nuclear Rathuom dawta \iumtak a la nih zing a. America khawmin do hne ngei tumin nasatakin \hang lak thar nawk a tum. President Donald Trump, Kristien conserva-tive ve tak chun ‘America Great Again’ innitir naw theitu ding nia a hriet leiin Drugs zawrtu le drugs a sumdawngtu reng reng chu khai hlum pei an ni theina dinga Dan Thar Thaw\anni khan a putlut. White House thusuokin a hril dan chun, “Tu tak hin chu Justice Department-in tul a ti dan ang peiin, a case izirin Drugs-a sumdawngtuhai chun-gthu chu a rel a nih” tiin a hril a. Tuta President Trump-in thiemnaw changa hmu chu khai hlum pei ta ding ti rawtna (plan) a siem kimchang ruok chu puonglang thei an naw thu a hril. President Trump chun Manchester, New Hamsphire, Opium drugs-in a sukbuoi nasa ve tak state-a thu a hrilnaah Drugs-a sumdawngtuhai

hrem dan ding Plan a siem chu a phar hmasatak ding a nih. America mipui maktaduoi 2.4 vel chu Opium drugs (Heroin No.4, Cocaine, Fentanyl le prescribed painkillers hran hran) addict an nih. Centers for Disease Control and Prevention hril dan chun, 2016-17 khan pain killer thangin Drugs addict hi 30% an pung niin a hril. US a drugs tawl lut rawntak chu Colombia le Mexico an nih. July 2016 – Sept. 2017 sunga Emergency Room visit chu 142, 557 an nih a, drug overdoses

lei an nih. President Trump-in Drugs dona dinga Death Penalty hmang a tum chu Democrats tamtak chun \ha an ti naw thu an hril. Chun, tuta dan umsa thleng ding chun House of Congress a Act thar siem a ngai ding niin an hril bawk. Senator Ed Markey chun, “Death Penalty siemin Opium drugs sala inthawkin suokdawk chuong nawng ei tih. Dan khir lemhai hin Drugs thawtuhai chunga stigma le discrimination a suksang pek lem mei mei ding a nih” tiin a hril. President Trump hi a hma chun Drugs za-wrtu le thawtuhai chunga nunrawng taluo tha ti lo a nih a. Philippines President Duterte-in khau taka kut a thlak khawma sawiseltu a ni hlak. Duterte chun, “Drugs zawrtuhai chu, pakhat in kap hlum chun mi 2000 an that a, chuong sa khawm chun an chungah iengkhawm a tlung chuong nawh” tiin drugs dona khau taka fepui a tum a, kap hlum tawp tawp pei ding a ti a nih. (Reuters)

China Defence minister dingin Lt.

Gen Wei Fenghe

BeiJinG: China chun mis-sile unit commander hlui Lieutenant General Wei Fenghe (63) chu zanikhan defence minister thar dingin a ruot. Lt. Fenghe hi Presi-dent Xi Jinping mi sawr le inhnaipui takel niin People’s Liberation Army (PLA) Rocket Force le Strategic Support Force a in\he hmaa China missile unit com-mander nuhnung tak a nih.

National Herald case thuah YIP Ltd Rs. 10 cr deposit ding

new delhi: National Herald newspaper neitu As-sociated Journal Limited in organisation siem thar Young Indian Private Lim-ited-ah shares a pekna a Rs. 249 crore anghu thil indiklo a umna thu zani khan Delhi High Court-ah ngaituo a na, Young Indian Private Lim-ited chu Rs. 10 crore deposit dinga rel a nih. Hi organisa-tion a hin Congress Presi-dent Rahul Gandhi le a nu Sonia Gandhi hai stakehold-er puitling an nih. A chanve

Rs. 5 crore chu March 31, 2018 hmaa deposit dinga ti a na, Rs. 5 crore dang chu April 15, 2018 hma ngeia deposit dinga ti a ni bawk. Hi chungthu hi Income Tax Department in an sui a na, hi thu hi April 24, 2018 pha Court-ah ngaituo nawk dinga ti niin, chu huna chun Young Indian Private Lim-ited in a sukdik nawna leia Rs. 10 crore a deposit baka ieng ang a hremna pek ding am ti la ngaituo nawk ning a tih.

Ghaziabad-ah gold 10 kg inruk

GhaZiaBad: Gha-ziabad, Uttar Pradesh a Mumbai-based jeweller, Union Jewellers & Gems Pvt Ltd hai gold biscuit 10 kg a rik police uniform a inthuom pakhatin an ruk. Gold chu car a phur a na, company neitu Rohit Jain le a ruol hai pahni, Deepak le Krishna hai Meerut pana an fena lampuia inruk a nih. Rukru hi police anga inhrilin Sahibabad railway station bul lai an car suk-chawla dap dingin a hril a, an chawl charin pistol in mi 3 hai hi a tin a, an gold phur chu la in a tlanhmang a nih. Police han FIR an zieklut a, rukru hi man tumin hma an lak zing tiin Superintendent of Police Akash Tomar chun a hril.

Bihar cM MLc member a ban dinga rawtna Sc in a hnawl

new delhi: Election Commission in kum 1991 huna criminal case sukfel lo a nei leia Bihar Chief Minister Nitish Kumar MLC member a inthawka ban dinga a rawt-na zani khan Supreme Court in a hnawl pek. Court rorelna chu Chief Justice Dipak Mis-ra in an rawi a, Bihar CM hin criminal case le inzawma EC lakah a thaw ding ang 2012 kum khan a thaw zo tah leiin MLC member a inthawk ban a \ulna a um nawh tiin a hril. Hi chungthua PIL chu

advocate ML Sharma in a peklut a na, Bihar CM hin 1991 kuma Barh constitu-ency Lok Sabha by-election nei \umin Congress \huoitu Sitaram Singh a that a, hi le inzawma a thubuoi sukfel a la ni nawh tiin a hril. Election Commission in dan a siem dungzuiin, election tawma candidates han affidavit an peklutna-ah criminal case an neihai an suklang ding a na, Bihar CM hin a case hi suklang lovin a ip a nih tiin Sharma chun a hril bawk.

No-Confidence Motion \hul; Rajya Sabha in\hung rel nei lova sukchawlnew delhi: Parlia-ment Budget session sec-ond phase chu zani khan a ni 11-na dingin sunzawm nawk a na, Inpui pahni-ah opposition han thupui tum tum hmangin risie an siem leiin inpui in\hung boruok a suklum hle a, Rajya Sab-ha in\hung chu ro mumal rel thei um lovin sun chawl huna suktawp a nih. Lok Sabha-ah Inpui in\hung \an hlimin TRS le AIADMK han slogan hrilin risie an siem \an nghal a, TSR hai hin Telangana state reser-vation quota sukpung pek dingin an ph<t a, AIADMK han Cauvery Management Board indin an ph<t bawk.

TDP le YSR Congress MPs han Andhra Pradesh special status thuah ‘no-confidence motion’ move dinga an ti chu sawrkarin a chona thu puong sien khawm, san tum tum leia \hul a nih. MPs tam-tak ngirsuoka risie an siem mek laiin, Home Minister

Rajnath Singh in hi thu hi a hrillang a, TDP le YSR Congress han ‘no-confi-dence motion’ an move tum hi sawrkarin a cho thu hri-lin, members han sawrkar thlawp dingin a fiel. Par-liamentary Affairs Minister Ananth Kumar khawmin Parliament sung le puo-ah

BJP in thlawptu a hau leiin sawrkarin ‘no-confidence motion’ hmasuon a ngam thu a hril , Parliament tuola chanchinbumihai hmaa thu a hrilna-ah, “sawrkarin trust vote-ah hratna chang a tih” tiin a hril. Congress, Left, TMC, RJD, SP le opposition members tum tumin TDP le YSR Congress hai hmal-akna an thlawp thu an hril a, sawrkar khing thlak an inhuom thu an khekpui zing laiin, Inpui boruok chu ‘no-confidence mo-tion’ move-na huna a ngai naw leiin Speaker Sumitra Mahajan in Inpui in\hung a sukchawl a nih.

Chhattisgarh-ah Naxal 10 an inpe

RaiPuR: Kondagaon dis-trict, Chhattisgarh-ah zani khan nuhmei \hangin Naxal cadre 10 police kutah an inpek. Naxal inpehai hi rank inhnuoi tieng deu le kum 20 le 50 inkara mi an na, an \huoitu Janmilitia commander Vikas Salaam (40) leh an rengin hieng lai hmuna police hai lambunna a \hang hlak an na, an reng hin sawrkarin helpawl inpe-hai sawmdawlna pek dinga dan a nei dungzuia sawm-dawlna pek ning an tih tiin Maheshwar Nag, Addition-al Superintendent of Police, Kondagaon chun a hril.

Lalu Prasad Yadav fodder scam case-ah thiemnaw inchangtirnew delhi: December, 1995 le January, 1996 inkar sunga Dumka treasury a inthawk indik lo taka Rs. 3 crore anghu laksuokna CBI in an sui mek, ‘fodder scam case’ thu zani khan Spe-cial CBI Court, Ranchi-ah ngaituo a na, Bihar Chief Minister hlui le RJD chief Lalu Prasad Yadav le Bihar Chief Minister hlui bawk Jagannath Mishra \hangin midang 18 hai thiemna inchangtir an nih. Lalu Prasad in hi anga indik lo taka pawisa chalaina, ‘fod-

der scam’ case hi 5 a nei a, tuta hi case 4-ah thiemnaw inchangtirna a ni tah. Lalu

le midang 18 hai hi Nilaini le Zirtawpni inkar sung hin video conference fethlen-

gin hremna pek an ni dan ding suklang ning a tih. Lalu hi fodder scam case 3-ah thiemnaw inchangtir a ni tah a, a hmasatak-ah kum 5 jail intang dinga thiemnaw inchangtir a na, a pahnina-ah kum 3 le a chanve le a pathumna-ah kum 5 intang dinga thiemnaw inchangtir a ni bawk. Dumka treasury a inthawka Rs. 3 crore an-ghu laksuok hun lai hin Lalu Bihar CM a nih. Patna High Court in thupek a siem dungzuiin CBI in thubuoi hi an sui a nih.

BJP MLA hnawt-dawk

new delhi: Delhi Bud-get session fe mek-ah AAP MLA le Transport Minis-ter Kailash Gahlot banna thu-ah \awngbau mawi lo tak tak a saksuok leiin BJP MLA OP Sharma chu Bud-get session sung \hang thei lo dingin zani khan Speaker Ram Niwas Goel in a b^n. Kailash Gahlot MLA a in-thawka banna hi January thla khan Election Com-mission in recommenda-tion a siem dungzuiin Pres-ident Ram Nath Kovind in a pawm tah a, amiruokchu, Gahlot hi Inpui in\hungna-ah a \hang nawk leiin op-position MLA han buoina an siem a nih. Liemtah Zir-tawpni a Budget session \an huna Lieutenant Gover-nor in thu a hril lai buoina an lo siem leiin BJP MLA 6 Inpuia inthawk hnawt dawk an lo ni ta bawk.

President in GYTI Awards a peksuok

new delhi: President Ram Nath Kovind in zani khan technology, science le thlur tum tuma thaw\ha In-dia \halai hai chawimawina Gandhian Young Techno-logical Innovation Awards dawnghai Rashtrapati Bhavan, New Delhi-ah a peksuok. Awards hi ‘Festi-val of Innovation and Entre-

preneurship’ hmangna huna pek an na, hi huna Presi-dent in thu a hrilna a chun, Awards hi India in\hang mek-ah ngaituona thar le idea \ha tak tak neia hmal-atuhai chawimawina a ni leiin a hlu hle a nih tiin a hril. President chun ‘innova-tion’ in danglamna tamtak a siem thei thu uor takin a hril.

Innovation hin natna inkai-sawng thei, ‘communicable disease’ suktawp le khawvel inlumlet dan danglam mek, ‘climate change’ humhalna lakah a \hangpui thei a nih. Innovations hai enterprise a thlakna dingin ‘ecosys-tem’ \ha tak a pawimaw a, ‘start-ups’ le hmalakna tum tum hai sukhrat an \ul bawk. India in ‘New India’ siem tuma hma a lak mekna a hin thil inchik tlak tak tak a um a, India zalenna cham-pha vawi 75-na kum 2022-a hmang a ni pha chun, India hi danglamna mak tak leh siemthar ni tang a tih tiin President chun a hril.

Garhwal rifle war memorial hostel hawngdehRadun: Daanda Lakhaund, Dehra-dun hmuna nuhmei le pasal um theina dinga bawl thar Garhwal rifle war memorial hostel chu zani khan Uttarakhand Chief Minister Trivendra Singh Rawat, Chief Minister hlui le MP Major Gen (retd) Bhuvan Chandra Khanduri le Army chief Bipin Rawat han a ruolin an hawng. Hostel hi tulai le chang-kang taka siem a na, school naupang um hai tadingin fak le dawn inhnik tak siem pek hlak ding niin, hostel le an school inkar bus service pek ning an ta, audio-video room, library, medical service, tuition facility le coaching facility hai uma siem a na, hostel a hin school naupang 250 um thei an tih.

Hi huna Army Chief General Bipin Rawat in thu a hrilna a chun, hostel bawl zo a ni tah leiin Sena medals dawng jawans han an naupanghai inchukna leiin hmun dangah an suok a \ul tanaw ding a nih tiin a hril.

UP in sawrkar kum 1 tling lawm

luCKnOw: Zani kha Ut-tar Pradesh Chief Minister Yogi Adityanath inrawina a UP-ah BJP sawrkar kum 1 a tlingna a na, Lok Bhawan, Lucknow-ah programme puithu taka siema lawmna nei a nih. Hi huna hin mipui fekhawm han an en dingin ‘Ek Saal-Naee Misaal’ film screen lien hmanga insuo a na, hi ang hming chawi bawk booklet tlangzarna nei sa niin, film le book-let a hai hin UP sawrkarin hlawtlingna tum tum a dawng hai suklang an nih.

Silaia sumdawng-tu 2 man

siKaR: Rajasthan-a Siar district a chun zanikhan pasal pahni hai chu carbine 1, Pistol 7, Revolver 1 le silaimu 420 leh Police han an man. Mana um hai chu Chan-dra Bhan le Naresh hai an ni a, Police han thu in-dawnna an nei mek.

Hmasawnna Thar4 EntErtainmEnt / SportSthla|au (MaRCh) 20, 2018 thawleni (tuesday)

SuN ZAWMNA.......

Juan Martin le Naomi Osaka han Indian Wells title an lak

CalifORnia: Pathienni zana Indian Wells mens final khel hunah Argen-tina mi Juan Martin del Potro chun world number one Roger Federer hnein BNP Paribas Open title a lak. World number eight Juan Martin hin 6-4 5-7 (8-10) 7-6 (7-2) in Federer hi a hneban a nih. Federer hi kum 2018 season fe meka tennis match a khel vawi 17 haiah hratna la chang zar zar a ni a, a vawi 6-na dinga title la nawk

tum a ni a, sienkhawm Juan Martin Petro hin fi-nal-ah a hneban ta hlau a nih. Hi lei hin Juan Martin (29) hi tuta season-a dingin Federer hneban hmasataktu a ni a, tuta mi hi ATP Mas-ters title a lak hmasatakna a nih. Juan Martin Del Potro chun Federer hneban chu a awlsam naw hle thu a hril a, final ngeiah Federer a hang hneban chu ropui a ti thu le a mang a sawn hiel thu a hril. Federer le Potro hi an

inbei hle a, darkar 2 le min-utes 42 sung zet an inkhel a nih. Potro in hratna a chang le inzawm hin world no. 6-ah a kaitung ta ding a nih. Chun, Pathienni zan ma khan womens final-ah Japan mi Naomi Osaka chun Russia mi Daria Kasatkina 6-3, 6-2 a hnein a vawikhatna dingin In-dian Wells title hmasa tak a lak. Naomi Osaka hi kum 20 mi a ni a, kum tam tak liemtaa Ana Ivanovic in champion a lo lak hnunga Indian Wells champion hai laia naupang tak a nih. Osaka hin Maria Sharapova, fifth seed Karolina Pliskova hai a lo hneban bakah semifinals-ah world number one Si-mona Halep hnebana final lut a nih.

FA Cup:Chelsea in Leicester City hnein semifinals an lut ve;

Semifinals-ah chelsea in Southampton le Man. United le Tottenham an inhmu ding

leiCesteR: Pathienni zan khan Chelsea chun Leicester City 2-1 a hnein FA Cup khel mekah semifi-nals an lut ve, anni hma hin Southampton, Manchester United le Tottenham hai

semifinals an lo lut tah. March 21, 2018 khin semifinals inkhel ning a ta, zan dar 7:30 ah Chelsea chun Southampton inkhel-pui a ta, Manchester Unit-ed le Tottenham inkhel ve

thung an tih. Chelsea le Leicester inkhel huna goal hmasa Alvaro Morata in minutes 42 naah Chelsea ta din-gin goal a thun, first -half chenah 1-0 in Leicester hi an hne a. Sienkhawm sec-ond-half minutes 76 naah Jamie Vardy in Leicester City ta dinga goal a hung thun ve leiin an hung in ang a, sienkhawm Pedro in minuts 105 ah Chelsea ta dingin goal a hung thun hlau leiin Chelsea chun 2-1 in Leicester hi an hneban ta a nih.

La Liga:

Real Madrid in Gironoa 6-3 in an hne; Ronaldo in goal 4 zet a thun reksantiaGO: Pathienni zan khan Real Madrid chun Santiago Bernabéu Stadi-um-ah Girona 6-3 zetin an hne a, Cristiano Ronaldo chun goal 4 zet thunin hat-trick a hmu nawk. Cristiano Ronaldo chun minutes 11’, 47’,, 64’, le 90+1 haiah Real Madrid ta dingin goal a thun a, Lucas Vazquez le Gareth Bale han minutes 59 le 86 na haiah Real Madrid ta dingin goal an thun bawk a nih. Girona ta dinga goal thuntu hai chu Cristhian Stuani (29’, 67’) le Juanpe (88) hai an ni a, ball possession chu Real Madrid 65% le Girona 35% a nih. Ronaldo hi season hmatieng a bikin La Liga a lem chu goal thun thei mang lovin um sienkhawm season tawp hnai tieng hin a che \ha hle a, zanita hat-trick a siem nawk le hin car-

reer hattrick vawi 50 a siem tling ta a, games nuhnung 11 a khelna haia inthawk goal 21 a thun tling ta a, tuta season sung league lien zuol 5 haia competition hran hrana goal thun rawn tak a hung ni nawk ta a nih. Ronaldo hin tuchenah com-petition hran hranah Real Madrid ta dingin goal 37 a thun ta a, a dawttu Salah in goal 36, Harry Kane le Messi han goal 35 ve ve an thun ta bawk a nih.

Real Madrid chun tuhin games 29 ah points 60 hmuin a pathumna an ni mek a, Barcelona chun points 75 hmuin hma an \huoi mek a, Atletico Ma-drid chun points 64 hmuin pahnina an ni a, Valencia le Villarreal han points 59 le 47 hmuin palina le pan-gana an ni mek. Result dang haiah zani hmasa khan Barcelona in Ath. Bilbao 2-0 in an hne a, Villarreal in Atletico Ma-

drid 2-1 in an hne a, Celta Vigo le Malaga 0-0 in an indraw bawk. Tukum sunga games 11 haia Ronaldo in goal 21 a lo thun na hai chu a hnu-oia hai hi an nih. • January 21, 2018: La Liga - Real Madrid 7-1 De-portivo La Coruna (Ron-aldo 2)• January 27, 2018: La Liga - Valencia 1-4 Real Madrid (Ronaldo 2)• February 3, 2018: La

Liga - Levante 2-2 Real Madrid (no Ronaldo goals)• February 10, 2018: La Liga - Real Madrid 5-2 Real Sociedad (Ronaldo 3)• February 14, 2018: Champions League - Real Madrid 3-1 Paris St-Ger-main (Ronaldo 2)• February 18, 2018: La Liga - Real Betis 3-5 Real Madrid (Ronaldo 1)• February 24, 2018: La Liga - Real Madrid 4-0 Alaves (Ronaldo 2)• March 3, 2018: La Liga - Real Madrid 3-1 Getafe (Ronaldo 2)• March 6, 2018: Cham-pions League - Paris St-Germain 1-2 Real Madrid (Ronaldo 1)• March 10, 2018 :La Liga - Eibar 1-2 Real Madrid (Ronaldo 2)• March 18, 2018 La Liga - Real Madrid 6-3 Girona (Ronaldo 4)

BiRMinGhaM: All Eng-land Open badminton cham-pionship mens single final-ah

zani hmasa khan seventh seed Shi Yuqi chun Sixth seed Lin Dan hnein All Eng-

Shi Yuqi le Tai Tzu Ying han All England champion trophy an lakland mens champion trophy a lak. Lin hi Olympic gold medal vawihni lo la ta a nih. Chun, nuhmei-ah zan-ikhan Top seed le defend-ing champion Tai Tzu Ying of Taiwan chun second seed Akane Yamaguchi of Ja-pan hnein All England Open women’s champion trophy a lak bawk.

Serie A:

Napoli in Genoa 1-0 in an hne; Lazio le Bologna 1-1 draw; Napoli in Juventus an hnawt phak vangnaPles: Napoli chun second-half minutes 72 naa Raul Albiol goal khat thun hmangin zani zingkar khan Genoa 1-0 a hnein hma\huoitu Juventus an hnawtphak nawk \ep tah. Hma\huoitu Juventus chun an game nuhnung takah Inrinni khan an ringnaw tieng daiah SPAL 0-0 a indrawpui leiin an beisei anga kai hrat thei loin games 75 hmuin hma

an \huoi a, zani zingkara Napoli in hratna an hung chang nawk lei hin games

29-ah points 73 hmu ve tain an karah point 2 chau a tla nawk ta a, Juventus hi an

hnawtphak nawk \ep ta a nih. Serie A season khelme-ka hin Juventus le Napoli chun games 9 ve ve khel ding an la nei a, Juventus hi Champion ni tum an ni laiin Napoli khawm hi kum 1989-90 season champion an ni hnunga a hmasa-takna dinga Champion ni nawk tuma \hang la ve an nih. Season hmasa tieng hrat zar zarin hma an \huoi

a, sienkhawm tulai hnai an hung che fuk naw deu leiin Juventus hin an hung lekhel a ni a. Tuhin chu a cham-pion ding hril thei loin inhnai tein an la um mek a nih. Chun, zani zingkar khan Lazio le Bologna 1-1 in an indraw bawk. Lazio hi games 29-ah points 54 hmua pangana ni mek an ni a, Bologna hi points 36 hmua 11-na ni mek an nih.

Rani Mukherjee-in Kum 20 A Ni Lai Anga Um NuomMuMBai: Bollywood star Rani Mukherjee chun kum 40 chuong a ni taa chu kum 20 a ni laia a um ang khan la leng a nuom thu a hril. Hi thu hi kum li vel a chawl hnungin a hung kir nawkna film “Hitchki’ pholarna le inzawma a hril a nih. Kum 40 chuong tah le nau pakhat kum hni mi Adira, a pasal Aditya Chopra le an nei chu naupang a ni sung \ha taka enkawl zing puma film siem zing a nuom thu a hril a. Hienglai zing hin, kum 40 a chuong taa chu kum 20 a ni laia Jean le Kamis haka nunghak thawveng taka a um lai ang khan um a nuom thu a hril. IANS le interview an neinaa chun, “Kum 40 ka chuong taa chu kum 20

vel la niin kan hriet. Film khawm tamtak la siem pei ka nuom. Adira dawn tlei hi ka thiltum lientak a nih a, ka nun sukinhawitu tak khawm a nih. Tuta \hang hi chu hun lai po poa hun inhawi tak ding niin ka hriet” tiin a hril.Rani Mukherjee film thar

tak “Hichki” hi Siddharth P. Malhotra direct a na. Mi pakhat Naina Mathur, nervous system disorder natna (Tourette Syndrom), mi thil an thaw le \awng phat a nawna inthawtir hlak natna a nih a. A film inchuktir tak chu hratnawnahai khawm

hratnaa siem/inchangtir thei a nih ti a nih.“Ka ta ding chun a entuhaiin a story an hrietchienga a chanchin le inzawmna an nei \ha ka tih a. A chanchin le inzawmna tak tak an nei phat leh a takah kei leh an hmetzawm thei a, inngainatna chi khat a tu hlak niin ka hriet” tiin a hril. Kum 10 vel l iemtaa khan Rani Mukhrejee film tamlem chu nuhmei lungngai le beidawn \ap han a amaa innghata an lungngaina le beidawngna an intlunna a ni deu tak a. Indian film-a um zen zen lo a nih. A filmhai chu, “Dil Bole Hadippa!”, “No One Killed Jessica”, “Aiyyaa” le “Mardaani” hai an nih.

Tuta “Hichki” khawm p a s a l c h a n g t u t a k l e mawphurtu tak anga inlang chu Brad Cohen a nih. American mot ivat ional speaker le educator a nih a . Natna nei tu hi Rani Mukherjee a nih. Sukhrata empowered tak chu nuhmei (Rani) a nih. “A film hi a \ha zawngin nuhmeihai sukhratna dingin a hlawtling ngei ka beisei” tiin a hril. “ L u n g i n s i e t t a k i n “Hichki” a hlawtling theina dingin lo \awng\ai ro, chu chun nuhmeihai nasatakin a mi dawmkang ding a nih. Kei khawm film dang la siem nawk pei dingin a mi sukphur ding a nih” tiin nau nei leia iemani chen chawl Rani Mukherjee chun a hril.

Selena Hillsong Church Conference ah |hangs y d n e y: N u n g h a k t l a n g v a l inngaizawng, ei inhmangai tak tak lai chu, ei in\he khawmin, an fena hlak le an \hangna hlak program amanih (an sulhnung) ah fein, an thaw ang ang thaw ve nuomin hmuna ding chance ei la zawng tei tei hlak an tih a. Selena Gomez khawmin a thaw ve pei niin an lang. Justin Bieber leh an in\he lai tak niin an in tieng a kira chu, Justin Bieber-in a \hul ngai lo Hillsong Church Conference, Sydney, Australia ah \hang dingin a ruolnu pakhat leh an fe a. Justin Bieber khawm khawmpuiah a \hang ve ti hriet a nih a, an inhmu dim? In\he hnung khawm ral kanga inthawka inhmu ringawt khawmin ei inching zawk hlak angin, Selena Gomez khawm inching zawkna ding khawmpui sung a hmu ngei ring a um, thlarau tieng hmu bek a nei naw khawmin. Selena Gomez chun Jean Jacket pawl hakin a hnuoiah zakuo var inphan a hak a. Kekawr var inphan a lum chi nisi le pheikhawk var a bun a. Lukhum dum le tarmit dum a buna, en vuot chun a hre ngai nawhai chun hre naw ni hai. Guitar chite Ukulele a chawi bawk a. A ruolnu Paijama le zakuo puon nem var bawk hak, ama ang ruol tho leh Sydney airport an hung hraw lai hmu a nih. Selena Gomez hi Thaw\anni khan ICC Sydney ah, March 19-21 chen aw ding, Hillsong Colour Conference, Hillsong Church-a \hang dinga hung a nih. Hillsong Conference hi Pentecostal Mega-Church-a nei hlak a nih a. Justin Bieber khawm vawi iemani zat an lo

\hang tah hlak Justin Bieber chu Hillsong Conference a \hang zing zing hlak a. Khawvel hlasaka concert nei a tawpsan hnung khan thlarau tieng malsawmna beiseiin a ruolpa Pastor Carl kuomah umin a \hang hlak a nih. A \hangna nuhnungtak chu July 2017 khan a nih. Hi hnung sawtnawte ah Selena Gomez leh an inzui/inkawp nawk a ni kha. Vangduoi thlak takin kum 5 an in\he hnunga October 2017-a an inkawp nawk hnung khan chanchin tamtak a um a. Thla 10 khawm a la tling hmain March 11, 2018 khan Selena le Justin chu an in\he nawk taa hril a nih. Conference hin a kei kawp thei hlau el dim chu?

Fans Han Ka |hatna An Hmu Ka Ring Nawh:

Swara Bhaskar

MuMBai: Bollywood actress inthang tung mek Swara Bhasker chun, tulaia a film series thar “The Story” ah hin chu, a fans han a nina tak tak, abikin a \hatna tieng an hmu tam bek a ring naw thu a hril. “Hi film tak hin chu ka \hatna tieng nekin ka \hat nawna tieng a suklang rawn lem ding a nih” tiin a hril. “The Story” hi ZEE5 TV program-a mi a nih a. Celebrity pakhat story-teller inchanga, anni (clebrity hai) chanchin kimchang lem – an hawina, harsatna, hlimumna le \iumnahai – entu le ngaithlatu haiin an hrietchieng theina dinga hrilfietu chanchin a nih. Episode pakhata \hang ve Swara chun, a fans han a nina tak tak an hrietchieng thei dim a hriet naw thu a hril. “Fans hai chun ka thatna tieng nekin ka \hat nawna tieng an hmu ka ring, tuta Episode ah hin chu” tiin a hril. Swara chun, hi film story hi 100 per cent an

dik vawng nawa chu, a tam lem chu a tak taka tlung thilhai an nih thu a hril. “Ka hei suikira ka hei enkirin, ka nui dam an za hlak. Ka la naupang a, ka la buoi a, ka dittak khawm ka la hriet chieng nawh a. Ka fena ding khawm ka hriet nawh. Anachu, chu tak chu a nih an hawina chu, hnungtieng ei ena thil mak tak tak dam ei hmu nawk hlak hi” tiin a hril bawk. Swara chun a fans han a \ha naw zawnga an lo inkhi naw hram a beisei thu a hril a. “A film nuizatumna le mi pakhat confused takin a nun a hmang dan a inthawkin inchuk suok ding an lo nei lem ka beisei. Ka character kan suklang dana khawm hin ‘honest’ deu kan nih” tiin a hril. A hringnun chanchin tak tak ang deu film a chang thei leia lawmum a ti thu a hril bawk. Swara hi Hindi film “Veera Di Wedding” ah khawm hmu a ni ding a nih.

the 3rd edition rengkai premier league (rpl)rengkai playground

UpdAteMatch 29: 1st semi Final19/03/2018@3:00pm

MyFootFC2-1ZawlbûkFCGoalScorers:ZawlbûkFC

*Paukhongam(14)9”MyFootFC

*DanielLalsandam(4)58”*WilliamNeihsial(11)80”

RPL-HornbillCableNetworkManoftheMatch:WilliamNeihsial(11)MyFootFC

Chief Guest:PuLaldinglienKeivom

ManoftheMatchGift/Prizeinhlantu:PuMesakJoute

Chairman,Organiser,RPL/President,FAST>> Match 30: 2nd semi Final

20/03/2018@2:30PMMuolhlumSCv/sTawTawFC

meivar pekna ding a ni a. MSPDCL Nodal Agency chu Rural Electrification Corpora-tion Limited hi a nih tiin a hril. December 2018 chena targtet in sukvar ding po po 1, 07, 185 lakah in 10, 558 chu sukvar vawng an ni ta thu, hi scheme hnu-oia meivar a thlawna connection hmu thei dinghai chu SECC 2011 dungzuia ben-eficiary thlang suokhai an nih tiin a hril SECC 2011 census-a \hang chun Rs.500 chauvin connection an thaw thei niin a hril. “UJALA scheme 2017-18 hnuoiah khawm LED bulbs 1.3 lakh le tube-light 21, 000 sem suok a ni ta a. Target chu LEDS items – bulb 80, 000 le 20, 000 a nih” a ti bawk. Census 2011 dungzuiin, Integrated Power Development Scheme (IPDS) hnu-oiah khuo 12 thlang suok an nih a. Chu-onghai chu: Imphal, Lamsang, Wangoi, Wangjing, Yairipok, Sugnu, Heirok, Jiri-bam, Tamenglong, Ukhrul, Kangpokpi le

Sekmai hai an nih a. Scheme thiltum tak chu 24x7 meivar pek suok a nih. MD hril pei dan chun, meter 4.4 lakh inbuk dinga target a um laiin 2.38 lakh in-buk a nih tah a. April 2017 to March 2018 chena Pre-paid meter activated tah po chu 20, 000 a nih. State mipui 80-90% bek kuoma Pre-paid meter pek a ni theina din-gin Meter nuoi khat dang hni belsa niin a hril. Pre-paid meter hmang hin AT & C loss khawm a suktlawm pha sawt niin a hril a. A hril dan chun, AT & C loss 2015-16 a 44.20% kha 2017-18 ah chu 36.89% in a tlahnuoi a, 2017-18 ah lem chu 28.00% ze-tin a tlahnuoi a nih. Target dan chun, AT & C Loss hi 2018 ah 20% le 2019 ah 15% chena suktlawm tum a nih.MD chun, 2017018 sung khan Transform-er Reparing Workshop chun transformer 177 a repaired hman a, sum tamtak save niin a hril.

March 2018 chenah Khuo 2, 486 meivar pek an nih: MD, MSPDcL

ni a, hi zo hin mikhuolien haia inthawk thuhril ngaithlak a nih. Guest of honour Pi Thang\hatling chun, HYA Tui\haphai JHQ hmalakna le Ambulance project an nei chu lawmum a ti thu, hnamin a pawimaw a ni thu le tlangram tieng chena inthak theina ding khawm ngaituo thei inla nuomum a ti thu a hril a. Ambulance hin hringna tam tak a san thei zie hrilin hmatieng peiah a thei an ganga Ambulance Project-ah hma a lakpui ding thu a hril. Khuollien Pu Zosanglur Joute chun, ei hnam pa Pu Rochunga Pudaite hrietzingna dinga hiengang thil huoihawta um chu lawmum a ti thu le hmatieng nei zawm pei ni ngei sien a nuom thu a hril. Chun, Am-bulance Project a khawm a thei an ganga a

thlawp ding thu a hril bawk. Khuollienin thu a hril zoin Upa HV Rama in hun khar \awng\aina a nei a, Chief Guest le Guest of Honour an Orga-nizing committee hai le team inspection an nei zoin Chief Guest le Guest of honour han Kick off neiin HYA Saidan Branch le HYA Ramthar han football an inkhel ng-hal. HYA Saidan Branch (A) chun HYA Ramthar hi 4-0 in an hne a, second match-ah HYA Hmarveng (A) in HYA Thingchawm 3-0 in an hne. Vawisun 2:00PM hin HYA Sielmat Branch le HYA Khawmawi Branch inkhel an ta, 3:30PM ah HYA Hmarveng (B) le HYA Thenmuol Branch inkhel nawk an tih.

Dr Rochunga Pudaite Memo. Rolling Trophy

field-a thil thar hmu suok hrim hrim chu, thaw dan pangngai deu khawm nisienla, a la tlung phak nawnahai intlungtir ngei ngei tum ding a nih, tiin ‘Reaching the Unreached” ti thupui le inzawmin a hril. Dy CM chun, hmun kilkhawr takahai khawm Science Centre indin pei a pawimaw thu a hril a. Chuong ang Centre hai chu, Sci-ence hi iem a na ti la hre ngai lo nun Science-in a tlung phak vena dingin a pawimaw ding a nih tiin a hril bawk.

A hril pei dan chun, environment hum-him le humhalna ding le, pollution control-na ding le, kawlphemei fai le elektric tha peksuok theina dingin le hringnun inhawi tak le sawt tak a um theina ding chun Science ah research thaw ding tamtak a la um a nih a tih. ‘Reaching the Unreached Through Sci-ence & Technology” thupui a inthawk khawm Science Communicators hai pawimaw zie chieng takin an lang” tiin a hril bawk.

Dy CM-in 11th Science Communicators Meet hawng