Aña 31, Volumen 4 Noticiero - Arubahuis · Noticiero Aruba December 2013 4 Minister Plenipotenciario sr. Alfonso Boekhoudt a bishita Cas di Aruba pa asina sera conoci cu e personal

December 2013Noticiero ArubaDecember 2013Aña 31, Volumen 4

PUBLICACION DI GABINETE DI M INISTER PLENIPOTENCIARIO DI ARUBA

p. 6 p. 16p. 4

Arubahuis Turismo

Minister Boekhoudt a cera conoci cu personal di Cas di Aruba

p. 14

Elogio pa Aruba durante bishita di Prome Minister Eman

Dialogo cu studian-tenan na Rott erdam

Aruba

Gran apertura di Ritz Carlton Aruba

p. 17

Social

Xander Bogaerts a keda ricibi como heroe

Noticiero ArubaR. J. SCHIMMELPENNINCKLAAN 1 • 2517 JN DEN HAAG • TELEFOON: (070) 356 62 00

Studiantenan

Cas di Aruba y ATA Europa cu gratitud pa e cooperacion ricibi durante di 2013 ta desea un y tur un Bon Pasco y un

Prospero Aña 2014, yena cu salud, dicha y bendicion.

NoticieroNoticiero Aruba

December 2013Noticiero Aruba

2

Aru

ba

huis

Na Pulchri Studio na Den Haag a tuma lugar un recepcion di Gobierno di Aruba na ocacion di 200 aña di Reino Hulandes. E recepcion a keda atendi pa hopi prominentenan Hulandes, embahadornan di diferente pais y tambe hopi representante di part-nernan comercial di Aruba, manera Schiphol Group, TNO y KLM. Na e ocacion aki Prome Minister Mike Eman a hiba un discurso unda ela bisa cu e anochi ta encera cuater topico: celebracion di 200 aña di Reino, e hecho cu Aruba desde 30 di october tin un go-bierno nobo, introduccion di un Minis-ter Plenipotenciario nobo na Hulanda y despedida pa e Minister Plenipoten-ciario pa e ultimo cuater añanan. Prome Minister Eman a enfatisa e relacion den Reino y e vision di Gobierno di Aruba ariba Reino Hulandes. Sr. Eman a papia ariba e oportunidadnan pa Aruba den Reino y e uso di e posicion strategico di Aruba pa cu comercio entre Europa y Latino America.

E mandatario a gradici sr. Edwin Abath pa e ultimo cuater aña cu e a repre-senta Aruba na un manera sublime na Hulanda. ‘Nos ta convenci cu durante di su periodo como Minister Plenipo-tenciario sr. Edwin Abath a logra di cera hopi amistad cu ta di suma importancia pa Aruba. Ela sabi di trece na un exce- lente manera e mensahe di Aruba den Conseho di Reino y Union Europeo . Cu pasion y emocion ela traha na bienestar

di Aruba. Pa esaki nos tin hopi aprecio pa sr. Abath,’ asina sr. Eman a bisa. Despues di e palabranan aki e publico a lanta para y aplaudi, dunando recon-imento na e bon labor di sr. Edwin Abath como Minister Plenipotenciario di Aruba na Hulanda.Alabes Sr. Eman a introduci oficial-mente sr. Alfonso Boekhoudt como e Minister Plenipotenciario di Aruba na Hulanda pa e sigiuente periodo di gobernacion.

Sr. Abath den su discurso a bisa cu e hunto cu su señora a sinti nan honra pa representa nos hendenan leu for di cas. ‘Nos tabata un team ariba peticion di nos Prome Minister y na prome lugar

for di e pensamento cu nos ta sirbidor di nos pais y aun mas importante for di e siguransa cu Aruba tin un bunita futuro su dilanti. Desde e prome dia – den conseho di Reino di 6 di november 2009 – semper mi a trece dilanti e punto di bista di Gobierno di Aruba. Cu Reino no unicamnete den un cuadro historico, pero awor mas y mas a bira un union strategico, cu sigur tin su balor adicional y cu nos como paisnan den Reino, cu tur loke na den nos alcanse lo mester traha na forma nan di cooperacion,’ asina sr. Abath a bisa.

Como aprecio pa su trabao como Minister Plenipoten-

cario sr. Eman a haci entrega den nomber di staf y personal di Cas di Aruba un regalo na sr. Edwin Abath.

Minister Plenipotenciario Alfonso Boekhoudt na su turno a hiba un dis-curso cortico unda ela introduci su mes na e publico. Sr. Boekhoudt a bisa cu na e momento cu e tabata cla como director di APA pa tuma e reto pa e construccion di un infrastructura mar-itimo cu ta nesesario pa e mudacion di e terminal di container, a bin e peticion di Prome Minister pa tuma encargo di e funcion di Minister Plenipotenciario na Hulanda. ‘Despues cu ultimo cuater añanan un fundeshi duradero a keda poni pa cu lasonan mas estrecho cu Hulanda y Europa, a bira tempo pa yega na cooperacionnan economico cu tin su beneficionan pa tur partido. Aru-ba facilmente por fungi como portal pa companianan Hulandes pa e mercado-nan imporante den Latino America. Rey Willem Alexander a bisa durante di su bishita na Aruba cu nos pais ta e puente natural entre e continente Europeo y Sur America. Mi ta kere cu tin hopi oportunidad pa Aruba y cu nos mester probecha di e oportunidadnan aki,’ asina sr. Boekhoudt a bisa.

Sr. Boekhoudt a termina na gradici Prome Minister Mike Eman y su Gabi-nete pa e confiansa den su persona y cu e cooperacion di e team di Cas di Aruba e lo bai traha na bienestar di e comunidad Arubiano na Hulanda y nos Dushi Aruba.

Exitoso recepcion na ocacion di 200 aña di Reino Hulandes


Despues cu mi a wordo nombra como Ministro Plenipotenciario na november mi a ricibi un caluroso bon bini na Cas di Aruba na tera friu. Esey tabata un bon comienso di un periodo cu mi ta cuminsa cu hopi entusiasmo y nivel di speranza halto pa logra haci un diferencia pa e tempo cu ta bin.

Aruba no ta solamente un dushi luga pa biba, pero e ta tambe un pais digno pa traha p’e. E mester inspira den nos e afan pa cada biaha kier haci miho. Pero e mester enboca finalmente den resultadonan concreto di loke ta wordo spera di nos.

Kabinet di Aruba tin un tarea specifico pa cumpli cu ne pa e periodo nos dilanti. Mientras cu Gobierno di Aruba ta trahando pa defini bon e contenido di un tercer pilar economico pa nos isla, nos lo mester percura pa e concepto nobo y necesario aki haya man y pia pa e por cuminsa funciona. Den esaki cada un di nos por tin un rol, sea directo of indirecto.

Semper Kabinet di Aruba tabata importante pa nos yiunan di tera cu ta bin Hulanda sea temporario of pa tempo mas largo. Ta bon pa nos no perde bista di e rol importante aki awo cu e enfoke ta bai con-centra hopi tambe ariba e intermediacion economico. Kier men cu e reto nos dilanti ta pa keda mehora den loke nos tabata haci caba, y adicionalmente amplia nos area di atencion pa sostene e ambicion di nos pais pa desaroya un di tres pilar economico.

Personalmente mi ta hopi motiva pa enfrenta e desafio nos dilanti, pero e no ta un trabou cu un hende so por haci. Como tal mi ta conciente cu e exito pa e tarea nos dilanti ta depende di e aporte di nos tur hunto. Como tal mi ta expresa mi deseo di haya boso cooperacion profesional pa nos hunto asumi e reto nos dilanti. Mi ta confia cu si tur duna di nan banda, cu nos lo sa di surpasa expectativa y sigui duna contenido y balor na e trabounan di Kabinet di Aruba. Y si mester presenta cualkier obstaculo den nos caminda, nos lo sa di atende cu e asunto pa resolve esey. Manera nos lo bisa na San Nicolas: ‘Let’s get the job done!’

Pa e temporada di fiesta nos dilanti, lo mi desea pa e ta manera semper, un momento tambe di refleccion drentando un aña nobo. Laga nos corda tambe e esencia di Pasco, cu pa mi ta speranza pa humanidad. Pasobra caminda ta reina paz, harmonia, amor, pordon, y misericordia, eynan tin speranza. Mi mes tin hopi cos cu mi ta agradecido pe na Dios cu a sosode den e aña cu a transcuri, y un di nan ta cu awo lo mi ta traha hunto cu boso pa un causa noble.

Bon Pasco, feliz aña nobo, y Dios bendishona boso.

J.A. (Alfonso) BoekhoudtMinistro Plenipotenciario di ArubaDecember 2013

Mensahe di Pasco di Minister Plenipotenciario

3


4

Minister Plenipotenciario sr. Alfonso Boekhoudt a bishita Cas di Aruba pa asina sera conoci cu e personal di Cas di Aruba y di ATA Europa. E mandatario a ser cordialmente ricibi pa ex Minis-ter Plenipotenciario sr. Edwin Abath y directora interino di Cas di Aruba sra. Shandra John.

Sr. Abath na e ocacion aki a bisa di ta sigur cu e personal di Cas di Aruba lo brinda e sosten necesario na e minis-ter nobo, mescos cu ela ricibi durante e cuater añanan cu e la funciona como Minister Plenipotenciario di Aruba na Hulanda. Sr. Boekhoudt a splica di ta contento di ta bek na Cas di Aruba, ya cu casi

Minister Plenipotenciario Boekhoudt a cera conoci cu Cas di Aruba

20 aña pasa e la jega di traha na Cas di Aruba. Como Minister Plenipoten-ciario e lo sigi cu e trabao na bienestar di pais Aruba y e comunidad Arubiano aki na Hulanda.

E mesun atardi sr. Alfonso Boekhoudt e haci un bishita di cortesa – acompaña pa sr. Edwin Abath – na Cas di St. Maarten pa cera concoci cu su colega den Con-seho di Reino, sr. Mathias Voges. Sr. Boekhoudt a ser cordialmente ricibi pa minister Voges y e encuentro a bai den un esfera hopi ameno. Na final sr. Voges a haci entrega di un ehemplar di e buki ‘Sight of St. Maarten’ na sr. Boekhoudt como recuerdo di e bishita y como muestra di amistad.

Pensamento di PascoUn aña mas ta bai cabando y nos ta drenta den e temporada di dianan di fiesta. Mirando bek ariba e aña 2013, tabatin su momentonan bon y su momentonan menos bon. Pero no ta solamente e momen-tonan cu nos a pasa aden mester ta nos recuerdo di 2013, sino tambe soñonan y deseonan cu nos kier mira realiza.Cu e soñonan y deseonan aki ta nos forza pa hasi di 2014 un aña sumamente bunita y exitoso!

Querido lectornan di Noticiero, permitimi desea Bo persona y famia un Feliz Pasco y un Prospero Aña Nobo, yena di Bendicion di Señor, salud y cu boso soñonan den 2014 bira realidad!

Shandra C.E. JohnDirector interino Cas di Aruba


5

Minister Plasterk ‘Aruba ta bayendo bon’Di e paisnan den Reino Aruba ta e unico cu no ta bou supervision financiero

Aruba ta bayendo hopi bon ultimo añanan. Esaki tabata e mensahe di Min-ister Hulandes Ronald Plasterk di Asun-tonan Interno y Relacionnan di Reino durante e encuentro di ‘Het Genoot-schap Nederland-Aruba’ na unda Plas-terk tabata orador principal. Den un sala completamente yen e mandatario a elogia e maneho di Gabinete Mike Eman I. Un maneho cu el a yama ‘fruc-tifero y sensato’.

Plasterk no a sconde su alegria cu resulta-do di eleccion na Aruba di e siman prome. ‘Como gobierno Hulandes nos ta keda leu di politica interno di otro paisnan, pero mi a felicita Mike Eman cu e victoria di su partido cu a logra un mayoria den Parlamento. Na Hulanda esaki ta algo imaginabel. Nos por siña hopi di e campañado Mike Eman’.

‘Mi ta convenci cu nos por continua cu e cooperacion cu tin entre Hulanda y Aruba. E cooperacion ta tremendo y ta danki na e esfuersonan di Prome Mi- nister Eman. E cooperacion no ta entre Aruba y Hulanda so, pero tambe entre

e otro paisnan den Reino. Riba varios tereno Aruba ta e guia den Reino”.

‘Hunto nos mester bay en busca di un futuro nobo pa Reino, cu desde 10.10.10 ta consisti di 4 pais igual y autonomo. Conscientemente mi ta bisa autonomo y no independiente, paso-bra den e mundo aki no ta existi paisnan independiente mas. Hulanda tambe ta depende di otro paisnan. Dentro di Reino – a base di igualdad – nos mester traha riba formanan nobo di coopera-cion cu ta conduci na situacionnan win-win. Cu Aruba nos ta haci esey dor por ehempel desaroya e funcion di hub di Aruba entre Europa y Latino-America’, Plasterk a bisa.

‘Mi ta impresiona con Aruba ta anda cu esaki. Bo por skirbi anotacionnan buni-ta cu bo kier un hub, pero bo mester logr’e si. E ta mas un cuestion di traha duro y esaki ta exactamente loke Mike Eman ta haci bon. Mi a mira con el a bay cerca empresanan grandi na Hulanda pa mustra nan kico Aruba por nifica pa e empresanan Hulandes cu kier subi mercadonan cresciente den Latino America. Cu nan tin un miho resultado si nan haci esaki via Aruba na unda ta

papia e idioma di e paisnan aki, nan conoce e cultura ademas di ta un socie-dad bon organisa’.

‘Si ta pa mi nos relacion ta mas cu sola-mente e elemento profesional. Mi a yega di tende cu ‘hunto nos por gana hopi placa (un expresion di Minister President Rutte durante su bishita na Aruba), pero nos por saca mas ben-taha di nos cooperacion. Mi ta pensa riba enseñansa y salubridad”. Den su discurso Minister Plasterk a enfoca riba e consecuencianan di e crisis mundial riba finanzas publico. “Mescos cu otro paisnan esaki pa e gobierno nobo di Aruba tambe ta un reto. Cu e debe di pais Aruba ta den careda di 70% ta un punto di preocupacion. E ta algo cu hopi pais na mundo ta lucha cu ne, incluso Hulanda. Di un banda stimula economia y husticia social y di otro banda mantene disciplina presupues-tario ta un liña hopi smal. Di e 4 paisnan di Reino tres ta bou supervision financiero. Solamente Aruba no. Pero gobierno di Aruba tambe mester tuma medida’, Plasterk a enfatisa indicando riba e decision di Curaçao pa hisa edad di pensioen di 60 pa 65 aña.

December 2013Noticiero ArubaA

rub

a

6

Elogio y sosten pa Aruba na HulandaBishita di e delegacion di Aruba bou liderazgo di Prome Minister Mike Eman na Hulanda a resulta masha positivo. Politiconan na Den Haag por lo general ta positivo riba tur loke a bin dilanti. Mundo empresarial Hulandes ta masha interesa pa haci negoshi cu Aruba.

E delegacion Arubano a bishita Hulanda den cuadro di celebracion di 200 aña di existencia di Reino Hulandes. Siguien-temente e delegacion a papia cu man-datarionan Hulandes, e comisionnan permanente di Relacionnan di Reino di Eerste y Tweede Kamer y empresa y organisacionnan Hulandes. E delega-cion a bay Bruselas tambe na unda a hiba combersacionnan cu comisari-onan Europeo. Eynan Prome Minister Mike Eman a hiba un discurso pa miem-bronan di Parlamento Europeo.

E delegacion a haya masha hopi elogio pa e forma di traha di Gabinete Mike Eman y su postura constructivo den Reino. Ademas di elogio a priminti e delegacion sosten pa ehecuta su plan-nan den futuro. Durante e debate riba e presupuesto di Asuntonan di Reino, e politiconan Hulandes no a sconde nan admiracion pa Aruba en lo general y pa Minister Presidente Mike Eman en particular. Sr. Gert-Jan Seegers di par-tido ChristenUnie a vocifera esaki den e siguiente forma: ’Ayera nos a ricibi Prome Minister di Aruba. Tabata un encuentro agradabel. Mi a wordo con-movi den forma positivo dor di e acti-tud cu e ta radia, di e oportunidadnan cu e ta mira. Mi ta desea pa nos tur lo

por tin e mesun actitud ey, pasobra e ta masha constructivo’. Miembronan di Parlamento cu den pasado tabata critico over di Aruba, tabata sumamente entusiasma. Miem-

bro di Parlamento Hulandes Ronald Van Raak (SP): ‘Cooperacion entre e paisnan mi ta haya fantastico, sigur cu Aruba. Mi ta spera cu den futuro

nos por traha miho cu e otro paisnan tambe’.

Riba tereno gubernamental tabatin sosten pa e plannan di Gabinete Mike Eman II. Cu secretario di estado Fred Teeven di Seguridad y Husticia Eman a discuti e avance cu tin riba e proyecto conhunto ‘pre-clearence’. Reforma di siguridad social na Aruba tambe tabata riba agenda durante e combersacion cu Minister di Asuntonan Social y Empleo Lodewijk Asscher. Finalmente tabatin un encuentro cu Minister Frans Tim-mermans na unda e enfoke conhunto di e gateway pa Latino-America. A dis-cuti e organisacion di e di dos ‘Europe Meets the Americas’ na luna di juni.

Despues di e encuentro cu Tim-mermans e delegacion tabatin algun combersacion cu NCH, ‘Nederlands Centrum voor Handelsbevordering’ na unda citanan a wordo traha pa siguien-temente subi mercado Latino-America-no hunto. NCH tin entre otro contacto directo cu 24 mil empresa na Hulanda cu ta ocupa nan mes cu exportacion.

Mundo empresarial tambe ta satisfecho cu e progreso na Aruba. Delegacion di Aruba a papia cu entre otro TNO, KLM, Schiphol y NCH. E relacion entre TNO y Aruba ta wordo intensiva den e añanan cu ta bin. Directiva di TNO a delibera cu e delegacion riba e posibilidadnan cu tin pa na 2014 hunto ehecuta un cantidad grandi di proyecto.

Noticiero Aruba

7

Prome Minister durante discurso den Parlamento EuropeoProme Minister Mike Eman tabata ora-dor den Parlamento Europeo durante e tratamento di e regimen LGO, unda a trata con su cambio y desaroyonan den futuro ta bay ta. E discurso di Eman a hala atencion di e miembronan di Par-lamento Europeo pa e conocemento grandi cu e tin riba e tereno aki, pero su vision pa Aruba a impresiona nan hopi tambe pa cual nan a expresa nan aprobacion. E tema di e reunion ta: ‘Pais y Teritorionan Ultramar di Union Europeo: baloracion di un vision global y desaroyando hubnan regional’.

Despues di e prome dia di reunion Prome Minister Eman a bisa di ta haya hopi importante pa e paisnan cu ta pertenece na e parti di Union Europeo cu ta cay bou e paisnan LGO, desaroya un vision comun con haci miho uzo di e relacion cu cada un tin cu Union Europeo. ‘Un di e temanan cu ta bin bek cada bes como un punto ta caminda e partinan cu tin e relacion special aki cu Union Europeo por ta un lider den dje. Esaki pasobra hopi di nan ta islanan y ta den cierto condicionnan climatologico cu ta duna nan un bentaha pa por ta un pais lider. Un pais caminda tin centro-nan di estudio den e area di desaroyo di clima, pero tambe den e area di ener-gia renobabel’. Eman a elabora ariba e ambicion grandi di Aruba pa na 2020

draai 100% riba energia renobabel. Na e mesun momento Aruba kier un desaroyo sostenibel social economica-mente. ‘Esey kier men cu mester tin un sentido grandi di husticia social den e forma con ta reparti entrada y bienes di e pais. Mester tin un democracia hopi profundo caminda no tin solamente eleccion liber, pero tambe participa-cion di ciudadanonan den decision-nan importante, manera Dialogo Social y Town Hall Meetings,’ asina sr. Eman a bisa. Eman a papia tambe riba desa-royo den barionan na Aruba cu ta wor-do converti den barionan di 5 strea na unda tin un calidad husto di bida. Mes-cos tambe riba centronan di ciudad cu ta trece comunidad hunto y desaroyo di areanan publico unda ciudadanonan por bin hunto.

Durante di su bishita na Bruselas Prome Minister Eman tabata tin un encuentro satisfecho cu Euro Comisario Neelie Kroes. Tambe presente na e reunion chef di Gabinete di Euro Comisario Kroes Prins Constantijn. E delegacion a sinta basta largo cu ne y a brainstorm riba e oportunidadnan cu Aruba cu su posicion strategico y su hendenan ta

ofrece Reino y Union Europeo. Sr. Eman: ‘Comisario Kroes tin un funcion special den Union Europeo. E ta encarga cu e portfolio digitalisa y mercado liber di tur locual tin di haci cu IT. Pa nos esaki ta importante pasobra cu den desaroyo di pais Aruba pa locual ta trata telecomunicacion e aspectonan Europeo semper ta hunga un rol’. Eman ta haya cu e desaroyo di Aruba como un centro di conocemento y innova-cion ta bay hunga un rol mucho mas grandi. Eman: ‘Den Union Europeo a bin fondonan nobo basa riba e vision cu nos a bin ta articula pa duna e LGO un curpa nobo, unda ta bay tin mas enfoke kico nos como paisnan cerca di mercadonan emergente por nifica pa Union Europeo. E concepto ‘Centers of Excellence’ (centronnan di inteligencia) tambe ta desaroyando su mes dentro di e perspectiva cu Union Europeo tin riba nos paisnan cu ta forma parti di e regimen di LGO’. E formato nobo di LGO, e asina yama LGO-hybrid ta un avance grandi. ‘Nos ta mira cu e status di paisnan ultraperiferico tabatin un rol mucho mas strategico den e relacion cu Europa cu e paisnan LGO tabatin y nos a logra durante e ultimo añanan di poco poco bay cambiando e perspectiva tambe di Union Europeo pa e areanan cu ta cay bou e regimen di LGO’, Eman a comenta.

December 2013

‘Pa nos un sociedad uni ta e vision mas completo di un desaroyo sostenibel’

Delegacia di Aruba cerca Euro Comisario Neelie Kroes


8

Noticiero Aruba

Den un combinacion di dos ceremonia Gabinete Mike Eman II a wordo hura-menta y inaugura oficialmente ariba 30 di october ultimo. Den oranan di atardi tabatin un ceremonia na Fort Zoutman caminda e parti oficial di huramen-tacion a tuma luga den presencia di Gobernador Freddy Refunjol.Comision organisado e aña ’ki a duna e di dos parti un toke diferente unda e mandatarionan a wordo compaña pa grupo di scout y bandera y un grupo di persona (muchanan) cu ta representa e diferente nacionalidadnan cu ta biba na Aruba, te na e area di e celebracion dilanti Bestuurskantoor. Den e prome parti di e ceremonia representante di seis pensamento religioso, a duna un mensahe di bendicion pa tur e mandatario, pidiendo pa nan tin hopi sabiduria e añanan nos dilanti. E anochi aki a conta cu presencia di un grupo grandi di ciudadanonan cu a bin scucha e

Gabinete Mike Eman II huramenta y inaugura cu pueblo

presentacion di e Ministernan nobo di Gabinete Mike Eman II, demostrando nan apoyo pa e trabou cu mester sigui cu n’e den e proximo cuatro añanan. Tabata un momento simbolico, pero

yena di emocion momento cu e Ministernan di Gabinete Mike Eman II a drenta nan oficinanan nobo situa den edificio Cocolishi.

E construccion di e solar panel park na aeropuerto Internacional Reina Beatrix lo ta un ‘milestone’ hopi importante pa Aruba. E anuncio aki tin di haber cu e construccion di e parkeerplaats alter-nativo cu mester sosode prome cu e instalacion di e actual solar panelnan. E proyecto aki ta masha grandi, un total di 3.6 Megawatt, 24 mil meter cuadra caminda ta papia di 7 miyon kilowatt/

Solar Park ta e prome proyecto di e magnitud asina grandi den nos region

uur. Esaki ta e prome proyecto asina grandi den region y pa esey mester ta orguyoso di dje. Den region, Aruba ta para como number un di calidad di producto pa loke ta awa y electrici-dad y tambe number un pa calidad di suministro.

Planificacion pa construi un solar park di magnitud aki ta un reto hopi grandi

y ta un proceso complica. E parkeer-plaats ta un area importante pa aero-puerto y su bishitantenan y pa esey ta importante cu e construccion di e solar park lo tin un impacto minimo riba uso di e area aki. Pa e motibo aki a inicia un parkeerplaats alternativo pa e tra-hadornan di aero puerto y lo cuminsa construi e solar park den fase.

Pa ELMAR NV esaki ta un proyecto cu hopi reto, segun ing. Robert Hen-riquez, director di e compania di uti-lidad ta menciona cu ‘E ta algo nobo, innovativo y di cual nan ta orguyoso di dje’. Segun sr. Henriquez, ta impor-tante pa enfoca riba e resultado final cual ta un parkeerplaats cu un afdak completamente di panel solar dilanti di un aeropuerto cu ta hopi bishita pa miyones di turista. ‘Esaki ta un señal bon cla cu nos ta moviendo den e direccion corecto. Un direccion cu ta refleha sostenibilidad’.


9

Green Corridor ta un otro proyecto grandi cu ta den pipeline pa wordo ehecuta. Proyecto PPP Green Corridor y Watty Vos Boulevard ta encera un inversion cuantitativo den economia di Aruba. Den e caso specifico di Green Corridor ta papia aki di un proyecto cu ta cuminsa na inicio di 2014. Ta cuminsa cu e pre-work cu ta e conexion entre e area di Barcadera y Green Corridor, cu ta e caminda cu ta haci posibel pa e fluho di trafico cu ta bay bin di e desa-royo di e waf di container por cana bon. Cu construccion di e Green Corridor e molester di trafico pa habitantenan di Cas Paloma, Parkietenbos, Simeon Antonio y Mahuma ta disminui, crean-do asina un alivio grandi pa e bisindari-onan ey. Esaki ta e prome fase di e proyecto Green Corridor. Na mitar di 2014 si tur tur cos cana bon lo sigui cu construccion di e Green Corridor mes. Un proyecto

Proyecto Green Corridor ta cuminsa na inicio di 2014

cu ta tuma dos aña pa keda cla cu un inversion di shen miyon florin. E proyecto aki ta crea hopi cupo di trabou, hopi oportunidad pa companianan local por participa den tur aspecto di e proyecto aki. Un parti grandi ta wordo dedica na embeyecimento den e area entre caminda y casnan. Aki ta bay bin parke, fietspaden, caminda pa

cana y di recreacion. Tur esaki ta parti di e proyecto ‘Green Corridor’ cu ta algo hopi positivo pa e barionan unda e caminda ta bay pasa. Como resultado adicional Aruba ta bay conoce hopi actividad economico y desaroyonan positivo.

Un total di 119 panel solar cu hunto ta cubri 190 meter cuadra di e dak di edifi-cio ‘Cocolishi’ pega cu Bestuurskantoor, ta muestra palpabel cu e gobierno aki ta trahando cu vision pa futuro. E panel-nan solar ta suministra coriente pa algo mas di dos piso di e edificio futuristico aki. Banda di e panelnan solar e edificio tin tambe glasnan bon isola. E meta cu Gabinete Mike Eman I a pone su dilanti algun tempo pasa caba ta pa converti e isla aki den uno cu ta draai completa-mente riba energia alternativo. Cu insta-lacion di e panelnan solar aki gobierno ta yegando un paso mas cerca di logra e meta aki. Cu realisacion di un di dos Parke di Molina y e proyecto parkeo solar na aeropuerto Aruba pronto lo ta suministrando 40% di coriente a base di energia renobabel.

Den sala di Conseho di Minister a tuma luga e entrega oficial di e edificio nobo di Bestuurskantoor. E construccion nobo, bon conoci como ‘Cocolishi’ ta bira sede di tur Ministerio di pais Aru-ba. Esaki no solamente pa mehora fun-cionamento di Gobierno, pero tambe

Edificio di Cocolishi finalisa cu instalacion di panelnan solar

ta laga espacio pa restauracion di edifi-cio di Bestuurskantoor den monumen-to historico.

E siguiente stap ta pa finalisa e trabou di Plasa Padu cu ta bin rond di edifi-cio Cocolishi y hunto cu Parlamento, Oficina di Gobernador, Fort Zoutman, Stadhuis, Contraloria General, ex-Mu-

seo Numismatico, ex-Havenkantoor y Bestuurskantoor ta cera e ‘binnen-hof’ of Plasa Historico cu ta planea pa bira riba su mes, un atraccion turistico y nos mesun hendenan den centro di Oranjestad.


10

Aruba a ricibi pareha real cu hopi amorE pueblo di Aruba a duna Rey Willem Alexander y Reina Maxima un recep-cion cu hopi amor y aprecio durante di nan bishita na nos isla. Dilanti di Bestuurskantoor un publico grandi cu bandera di Aruba y Hulanda a saluda e pareha real. Alexander y Maxima a wordi acompaña pa Gobernador Fre-dis Refunjol y Prome Minister Mike Eman. Despues a sigi un encuentro cu Conseho di Minister y cu Parlamento.

Despues e Rey y Reina a presencia un debate entre hobennan di Parlemento Hubenil y Universidad di Aruba den Sta. Theresita Centre na San Nicolas. E hobennan a prepara nan mes bou guia profesional di entre otro Peter van der Geer, Eric Meijts y Yolanda Richardson. Puntonan importante den un debate ta pa trece argumentonan bon docu-menta dilanti, cla y convenciente. Pa gran parti ta bay pa e forma di debati, pero ta obvio cu e contenido tambe ta relevante.

‘Aruba masha masha danki!’ asina Rey Willem-Alexander a cuminsa su discur-so cortico na ciere di e concierto ‘Royal Night at Bushiribana.’ E evento a trece hunto un cantidad grandi di artista, musica y miles y miles di persona den

publico pa presencia un espectaculo nunca prome mira na Aruba. Riba esce-nario hunto cu Reina Máxima, e Rey a provoca un gran reaccion den publico ora el a bisa cu ‘E anochi aki, e concierto aki, e show total aki di Aruba a conmove nos profundamente.’

Riba e di dos dia di e bishita oficial e pareha real a comparti un mainta vibrante cu muchanan di scol basico na stadion ora cu nan a celebra den un forma unico e Royal Jump-Up. Despues Pareha Real a bay sede di Museo Arke-ologico pa un encuentro priva cu 15 ciudadano di nos isla. E reunion a sirbi tambe como almuerzo cu a keda sirbi den e di dos piso di ex residencia Ecury na Schelpstraat. Aki Su Mahestad Rey Willem-Alexander y Reina Máxima a scucha, puntra y intercambia idea riba e desaroyo di Aruba y e plannan pa futuro.


11

Prome Minister Mike Eman ta ricibi rapport ‘Smart Growth Pathways’

Presidente di Carbon War Room dr. José María Figueres a haci entrega di e raport ‘Smart Growth Pathways’ cu Carbon War Room a traha na Prome Minister Mike Eman. Haciendo uzo di su experticio y cu e informacion cu e tin, CWR a traha e documento relacio-na cu e reto grandi cu Aruba a pone su dilanti pa na 2020 ta independiente di petroleo fosil. Tambe con pone un base solido pa prosperidad sostenibel y crecemento den futuro.

Figueres a accentua cu e rapport ta parti di un proceso cu ta andando. El a splica con na fin di 2011 CWR a cera conoci cu e vision di Prome Minister Eman. Un vision pa converti Aruba den un economia sostenibel haciendo lo menos posibel uzo di petroleo fosil. CWR di su banda tambe a haci un compromiso. E asina yama ‘ten islands commitment’. E compromiso aki ta encera comparti cu otro islanan den Caribe loke CWR a siña y experencia den e caminda cu el a scoge pa cana

hunto cu Aruba den logra su meta. Un otro punto cu Figueres a trece dilanti relaciona cu e rapport ta cu su obhetivo ta parce di ta total, di tin tur informacion necesario aden. Figueres a bisa cu CWR ta conta riba e forma con Aruba ta anda cu su asuntonan: den forma habri,

consultativo y semper tumando den consideracion pensamento y idea di otro. Un otro punto cu Figueres a trece dilanti ta cu den e proceso andando aki CWR lo kier traha di cerca cu partners na Aruba mes y pafo di Aruba.

Acuerdo pa logra un presupuesto balansa den e periodo di gobernacion aki

Riba iniciativa di Minister di Finan-zas Juan David Yrausquin, Gabinete Mike Eman II y fraccion di AVP den Parlamento a yega na palabracion-nan concreto con maneha finan-zas publico den e siguiente cuatro añanan. Esaki mester conduci na un presupuesto balansa prome cu fin di e periodo di gobernacion aki. E palabracionnan aki a wordo hancra den un acuerdo cu a wordo firma pa tur minister di Gabinete Mike Eman II y lider di fraccion di AVP Rene Herde.

Prome Minister Mike Eman a enfati-sa cu e metanan importante pa e sigiente añanan ta pa trece stabili-dad den e fondonan cu ta esencial

pa pais Aruba, manera fondonan di pensioen y di seguro, pero tambe di finanzas publico pa di e forma aki yega na un presupuesto balansa durante e periodo di gobernacion. Eman a bisa cu den pasado otro gobernacionnan tambe a yega di pone un presupuesto balansa como nan meta y pa yega na e criteria di 3% di deficit den comparacion cu e GDP. Hopi bes por mira cu e meta aki no ta wordo alcansa pasobra cu mantencion di e liña di gastonan di gobierno ta un reto, na Aruba mes-cos cu na otro paisnan.Prome Minister Eman a bisa cu ta obvio cu entrada tambe ta impor-tante pa logra un presupuesto balan-sa, pero cu un mirada hopi specifico

riba e gastonan ya cu den otro paisnan y tambe na Aruba a sosode hopi bes cu ta logra e cifranan proyecta pa loke ta crecemento y aumento di entrada di gobierno, pero cu mes tanto bes no tabata mes exitoso den wanta e liña di crecemento di gastonan. Den e buskeda di e Balanced Budget ta pone atencion y un compromiso special entre colega ministernan y e fraccion cu ta sostene gobierno den Parlamento riba e liña di gastonan. Ta tuma e cifra di e gastonan di pre-supuesto 2013 manera el a keda entrega ultimamente na Parlamento como e punto di salida di gastonan. ‘Den e siguiente 4 añanan e gastonan no mag surpasa esnan di 2013’, asina sr. Eman a bisa.


12

Mensahe di Fin di Aña di Prome Minister

Amigonan,

Aña 2013 tabata uno yena di expectativa, reto y logronan. Tabata e aña tambe cu Aruba a bay urna electoral y a scoge convincentemente pa continuacion di un gobierno di pueblo, pa pueblo y cu pueblo. Na 2013 nos por mira bek riba nos prome periodo di gobernacion. Un periodo na unda hopi a wordo haci. A restora e relacion den Reino cu pa varios aña tabata bou hopi tension. Plan Bo Aruba, na unda calidad di bida di e ciudadano ta para central, a haci un impacto grandi y ta canando su curso. Remodelacion y revitalisacion di Caya grandi, un magno proyecto ta yegando su fase fi nal. E streetcar a cuminsa core y ya ta parti di e panorama nobo di caya grandi. Un caya grandi vibrante na unda inversionnan a wordo haci tanto dor di gobierno como dor di negociantenan den caya grandi mes. E confi ansa tey bek. Bo ta mira esaki tur caminda. Barionan ta hayando e atencion cu nan merece y na 2014 y e siguiente añanan e atencion aki ta sigui. Construccion di e vierbaansweg di San Nicolas pa Playa ta cuminsa pronto. E plannan ta cla y ringweg number tres pronto ta den ehecucion, mescos cu ampliacion y renobacion di Dr. Horacio Oduber Hospital. Tur caminda por nota actividadnan di construccion pa di e forma aki drecha e infrastructura na Aruba. Enfoke di e gobierno aki ta pa con-verti Aruba den un gateway pa Europa y vice versa. Tin un avance grandi caba riba e tereno aki. Den cuadro di e gateway aki a tene na luna di mei e conferencia ‘Europe Meets the Americas’ cu a resulta un exito sin precedente. Pre-clearance ta otro proyecto cu pronto lo mira luz di dia. Tur indicacion ta mustra cu esaki no ta tarda mucho mas pa wordo realisa. Conferencia Green Aruba cu e aña aki a bay den cooperacion cu CREF atrobe a duna tremendo resultado. E acuerdo cera cu Carbon War Room di Sir Richard Branson aña pasa pa converti Aruba den un economia 100% sostenibel ta hayando acogida den mundo. Esaki mientras cu na Aruba mes ta trahando duro pa logra e proposito aki. Gobierno ta haya cu e prosperidad cu Aruba a conoce mester cana paralelo cu e felicidad y un miho calidad di bida di e ciudadano. Pa e motibo aki ta invertiendo den varios proyecto pa trece bek e balornan cu a bay perdi, manera norma, amor pa nos prohimo, atencion y convivencia pa y cu otro. Cu orguyo mi por menciona tambe cu e aña benidero e di 4 grupo di hoben di ‘Formacion Social’ ta start su trayecto cu hobennan ta cla y determina pa sigui riba e caminda positivo cu nan a scoge pa cana. Aña 2013 tabata un aña exitante pa Aruba. Su Mahestad Rey Willem-Alexander y Reina Maxima a honra nos isla cu un bishita. Un bishita cu ta keda graba den nan y nos mente pa semper. Aruba a brinda e Pareha Real dos dia yena cu actividadnan emocionante cu punto culminante un presentacion musical magnifi co na e ruinanan di Bushiribana. Algo mahestuoso cu a haya gran acogida. Nos relacion cu Reino ta miho cu nunca. Riba hopi tereno tin cooperacion manera e realisacion di un gateway y pre-Clearance na Aruba pa Hulanda y Europa. Nos ta drenta un aña nobo cu sentimentonan grandi di positivismo. Hunto manera semper nos ta logra. Mi ta desea tur hende un Bon Pasco y un Feliz y Prospero Aña 2014. Cu Dios drama su bendicion y amor riba cada un di nos.

Mike Eman


13

Studia

ntenan

Celebracion di Pasco pa mentornanDen Sala Padu a tuma lugar un celebra-cion di Pasco pa e grupo di mentornan di Cas di Aruba.Na e ocacion aki directora interino di Cas di Aruba sra. Shandra John a gradici e mentornan pa nan bunita tra-bao durante di 2013 y ta spera ariba e mesun contribucion pa e aña nobo.Alabes a yama bon bini na dos mentor nobo cu ta sr. Rudolf Robles pa e region di Arnhem\Nijmegen y sra. Reina Danje pa e ciudad di Rotterdam.Tambe presente na ocacion aki tabata hefe di departamento di Enseñansa di Cas di Aruba sr. Samuel Dumfries y functionarionan di departamento di Enseñansa di Cas di Aruba.

Durante di un encuentro hopi ameno Cas di Aruba y e departamento di Enseñansa a tuma despedida di studie-mentor di e region di Groningen sr. Silvio Emerencia. Director interino di Cas di Aruba sra. Shandra John - den presencia di funcionarionan di Cas di Aruba y tur e otro studiementornan - a haci entrega di un plakaat na sr. Emerencia como gratitud y aprecio pa tur e añanan cu ela guia nos studiantenan na Groningen.

Despedida

E studiante Arubiano Nichelle Vlaun a gana e di dos premio den e concurso di fotografia bou di e grupo di studian-tenan nobo for di Aruba y Curaçao cu a bin pa studia na Rotterdam. E premio a consisti di un suma di placa di 100 euro.Esaki a tuma lugar durante un ceremonia na Hogeschool di Rotterdam. E prome premio a bai pa Daniël de Jongh for di Curaçao, mientras cu Sharité Oleana tambe di Curaçao a termina na di tres lugar. E premionan a keda entrega door di burgemeester di Rotterdam Ahmed Aboutaleb. E concurso di fotografia aki ya ta wor-do teni pa tres aña consecutivo pa gemeente di Rotterdam y e Platform studerende Antillianen en Arubanen in Rotterdam (PAAR).

Studiante Arubiano a gana di dos premio den concurso di fotografia


14

Prome Minister di Aruba Mike Eman a topa cu un gupo di studiante Arubiano na Staal na Rotterdam pa brainstorm ariba ideanan pa Aruba. Alrededor di 80 studiante a atende e session aki unda nan por a trece ideanan ariba puntonan importante pa e futuro desa-royo di Aruba. Eman a wordo acom-pa pa minister di Infrastructura Benny Sevinger y Minister Plenipotenciario Alfonso Boekhoudt.

Prome Minister a cuminsa su discurso cu un ilustracion di e desaroyo na Aruba desde e añanan cincuenta cu construc-cion di e prome hotel na Aruba, te cu awe cu Aruba conoce diferente hotel-nan. Sr. Eman a enfatisa ariba e maneho di su gobierno pa bienestar general den barionan y percura pa Aruba no ta dispone unicamente di hotelnan di cinco estrea, pero tambe cuido medi-co, scolnan y cuido di anciano ariba un nivel di cinco estrea.Sr. Eman a repasa e desaroyonan cu Aruba a conoce e ultimo cuater añanan, manera ariba e tereno di energia alter-nativo, renobacion den centro di ciu-dadnan y barionan.

Durante di e ‘brainstorm session’ cu studiantenan a bin hopi ideanan y sug-estionnan padilanti. Hopi di e remar-canan tabata dirigi ariba e plannan di Gobierno ariba e maneho sostenibel.

Dialogo cu studiantenan na Rotterdam

Esaki a varia di con ta deal cu kimamen-to di sushi, pa mas uso di transportacion publico, te cu produccion di comusti-ble bio na Aruba. Otro studiantenan a pidi atencion pa cuido medico, pa bin cu un centro di conocemento na Aruba cu ayudo di institutonan manera Har-vard University y TNO Delft. Un otro studiante a bisa cu lo ta bon pa Aruba den un forma di un lab, mira pa trece

systemanan di energia cu ta totalmente algo nobo pa Aruba y mundo. Na final Prome Minister a bisa di ta contento cu e encuentro aki a trece hopi di nos studiantenan pa pensa y ‘brainstorm’ ariba ideanan y plannan pa futuro di Aruba. Ela bisa di spera cu hopi di nos studiantenan por sigi con-tribui na e desaroyo di Aruba.

December 2013Noticiero ArubaTurism

o

LAN Colombia cla pa trece mas turismo pa ArubaDespues di algun luna di negociacion, dia 2 di december ultimo LAN a aterisa pa prome bes na Aruba, cu un avion Airbus 320 cu 174 asiento abordo.

Peter Steinmetz, C.E.O. di Aruba Airport Authority tabatin palabranan di gradicimento cu LAN a yega Aruba finalmente. E ta uza e palabra ‘finalmente’ pasobra nan lo por a cuminsa bula mas trempan, pero tabatin e pasenshi necesario pa warda algun siman riba e trabounan di mantencion cu tabata tumando luga marduga riba e pista di aeropuerto. Durante e discursonan cu a tuma luga den VIP Room di Aeropuerto,

Christian Ortiz, director comercial di LAN Colombia a bisa cu LAN Colombia lo no ta solamente un brug entre Colombiano y Arubiano, sino cu pasaheronan lo por conecta facilmente cu Chile, Peru, Ecuador, Argentina y hasta cu Brazil. Nos a tene cuenta tambe cu di e 1 miyon turista cu ta yega Aruba pa aña, 24% ta yega for di destinacionnan cu LAN of TAM ta opera, demostrando asina e potencial grandi di e mercado di Aruba. Natalia Castenada Ramos, gerente de Turismo di LAN a sigura cu nan pronostico ta cu e mercado di turismo for di Colombia pa Aruba lo crece cu 50% den e aña nos

dilanti. Actualmente ta yegando 18.000 Colombiano pa aña y cu e intencion pa e cantidad ey crece mucho mas danki na e conexionnan cu LAN ta ofrece tanto den Colombia mes como tambe otro destinacionnan internacional. ‘Mi ta sumamente honra, pasobra e ta pa prome biaha cu nos tin un di dos vuelo, desde aña 2000 cu Air Aruba a stop di bula, cu nos ta logra un di dos aerolinea cu ta yega for di un hub asina importante manera Bogota. Y den e caso aki no cu cualkier aerolinea, sino cu un di e tres nan mas grandi di Latino America’, asina Otmar Oduber, Minister di Turismo, a enfatisa.

Turismo di crucero te cu luna di novem-ber a mustra un crecemento cu 21,9 porciento na un total di 592.352 pasa-hero. Esaki ta haci e luna di november e aña aki mihor cu e mesun luna aña pasa. Turismo di crucero a mustra un desaroyo mas mihor cu e aña anterior, den cua aña tanto e cantidad di barco-nan crucero como e cantidad di pasa-

Turismo di crucero ta sigi crece den 2013heronan a baha. E barconan crucero ta birando mas grandi, segun cifranan statistico di Aruba Ports Authority di e ultimo 13 añanan. Desde 2002 e totali-dad di pasahero crucero cu anualmente ta bishita Aruba a pasa e cifra di mei miyon pasahero y na 2009 esaki hasta a yega na mas cu 600.000 pasahero pa aña. Durante e añanan 2010 pa 2012

tabata tin un caida den e cantidad di pasahero, pero por mira cu pa turismo crucero 2013 ta mustra bon. Princi-palmente e lunanan den off season ta dunando resultadonan hopi positivo y esaki ta den liñea cu e maneho di minis-ter Otmar Oduber di Turismo pa trece mas turista di crucero den e lunanan di off season.

15


16

Ronella Tjin Asjoe-Croes: ‘E ta trece hopi balor agrega pa nos producto turistico’

‘Di parti di Aruba Tourism Authority nos kier felicita gerencia di Ritz Carlton y tur e empleadonan, cu e tremendo apertura, pero tambe cu un joya di proyecto pa Aruba’, asina Ronella Tjin Asjoe-Croes, CEO di Aruba Tourism Authority a duna di conoce na ocasion di apertura di e hotel.

E ehecutivo na cabes di e organisacion cu ta maneha turismo na Aruba a sigura cu Ritz Carlton ta mas cu djis un hotel mas. E ta referi na e efectonan cu e apertura y e inversion aki tin den comunidad henter, sin lubida e proyectonan nobo cu a anuncia durante e apertura cu sigur ta bon bini. ‘Esaki sigur ta simbolisa un joya di hotel cu awor ta forma parti di e producto, di e experiencia Aruba, pero sigur un compania cu ta trece mas beneficio pa e comunidad local, fuera di e beneficionan obvio cu ta creacion di cuponan di trabou, training cu empleadonan lo ricibi, y

duna realse na e nivel di excelencia den servicio, demas proyectonan cu enfoke educacional y cu enfoke riba Aruba su medio ambiente ta balornan agrega pa nos producto turistico. Nos ta orguyoso di por tin un Ritz Carlton y logicamente esaki ta trece hopi otro bentaha mas pa nos’, asina Ronella Tjin Asjoe-Croes a duna di conoce.

Cu un total di 320 camber, e obhetivo cu Aruba Tourism Authority ta premira pa aña 2014, esta un crecemento di 6% den cantidad di turistanan, ta mara entre otro cu introduccion di Ritz Carlton. Aruba lo por ta contando cu un minimo di 25.000 bishitante adicional pa nos isla otro aña. Mas leu, ATA ta kere cu apertura di Ritz Carlton lo tin su debido beneficionan pa e mercado di turistanan for di Merca, conforme cu nan mesun strategia. E otro bentaha sin duda ta e interes, inversion y determinacion di Ritz Carlton

pa conkista y bay tras di diferente mercadonan di Latino America. E facilidadnan pa dirigi e strategia riba e mercado di MICE (Meetings Incentives Conferences, Exhibitions) tambe lo haci posibel cu Aruba lo mira adelanto riba e area aki tambe.

E perfil di e bishitantenan potencial pa Aruba mes ta pidi pa un hotel di e calidad y nivel di Ritz Carlton. Esaki sin duda ta cuadra cu e maneho di Aruba Tourism Authority tambe, conforme e maneho di Minister di Turismo. Di otro banda, apertura di e cadena di Ritz Carlton na Aruba lo por sirbi como un impulso pa otro acomodacionnan pa ta un poco mas skerpi den nan acercamento. Specialmente awor cu Aruba ta conta cu un cadena di hotel asina renombra mundialmente manera ta Ritz Carlton.

December 2013Noticiero ArubaSocia

l

17

Xander Bogaerts ricibi manera un heroe

Publico grandi na presentacion tocante Federico Oduber na Cas di Aruba

Aruba henter a ricibi e hungador di baseball Arubiano Xander Bogaerts como un heroe na su yegada na Aruba, despues cu Xander hunto cu su team Boston Red Sox a gana e titulo di Serie Mundial. Den VIP room di Reina Beatrix Xander den compania di su mama Sandra Brown y ruman homber Jair a keda ricibi pa Prome Minister Mike Eman, Minister di Deporte Alex Schwengle, Minister di Asuntonan Social Paul Croes, Minister di Finanzas Juan David Yrausquin y Minister di Enseñansa Michelle Hooyboer-Winklaar. Tambe Presidente di Staten Marisol Lopez-Tromp y diferente parlamentarionan tabata presente ta aeropuerto.

Pafor di aeropuerto tabata tin un publico grandi pa saluda e beisbolista. Despues Xander a sali pa su bario San

Nicolas, unda banda di caminda ela baha for di auto pa saluda e publico para banda di caminda. E team di Boston Red Sox den su

historia a yega di gana e Serie Mundial ocho biaha caba.

Na Cas di Aruba a tuma lugar un pre-sentacion di Pedro Velasquez tocante e poeta Arubiano Federico Oduber. Den cuadro di e aña actual proclama pa Gobierno di Aruba como ‘Aña di Papia-mento’, a organiza e encuentro special aki den ‘Sala Padu’ na Cas di Aruba, unda cu e tantisimo invitadonan por

a scucha e charla interesante aki ofreci pa Pedro Velasquez. Presente bou di e publico tabara escritornan Arubiano.manera Dennis Henriquez, Quito Nico-laas y Henri Habibe. E presentacion di Pedro Velasquez cu ta hiba e titulo ‘E rebeldia estetico di Fed-

erico Oduber’ a duna un analisis di e obra poetico ‘Putesia’ (1973), cual obra e trece hopi conmocion den e mundo literario di Papiamento. ‘Putesia’ a sacu-di e tradicion poetico cu tabata existi na un manera di opina y figuracion poeti-co masha inusual. Pedro Velasquez a concentra den su ensayo ariba e credo poetico, cu ta e manera cu e poeta ta pensa y sinti kico poesia mester ta. Den esaki segun sr. Velasquez Federico Oduber a mus-tra cu poesia no ta unicamente buni-ta, pero mester representa diferente aspecto den bida. E poesia ‘Putesia’, ta yena cu nocion ariba morto. Federico na un manera desespera ta identifica bida cu morto. E ta nenga na kere den un bida eterno segun religion Cristian y e ta fulmina contra di e promesanan religioso aki. Segun Pedro Velasquez, Federico Odu-ber merece mas reconocimento como poeta den su mesun mundo di Papia-mento y tambe den region y ariba nivel mundial.


18

Recientemente a tuma lugar den ‘Galeria Kunst aan de Kade’ na Grand Café Verderop den Delft presentacion di e buki di poema ‘Melange’, scirbi pa sr. Samuel Dumfries. E cafe a keda transforma den un atmos-phera romantico y sensual di un selva tropical na unda sonidonan ritmico y suave toka pa instrumentonan natural manera Djembe cu rainmakers a duna un extra dimension caloroso na e ano-chi di poesia presenta door di e autor Samuel Dumfries. Samuel a recita su poesianan di su buki ‘Melange’ na e publico presente mientrastanto e taba-ta wordo acompaña door di su amigo-nan di ‘Drums of the Earth’. Cu su voz trankilo Samuel a sa di mishi y ampli-

Author Samuel Dumfries ta lansa su boeki di poema ‘Melange’

Muchanan a goza cu un atardi cu Compa Nanzi Cas di Aruba a tene un merdia hopi exitoso cu cuentanan di Compa Nanzi caminda alrededor di 16 mucha y nan mayornan a pasa un merdia masha ameno. Director interino di Cas di Aru-ba sra. Shandra John a yama tur hende bon bini. Sra. John a bisa di ta contento cu Cas di Aruba por a brinda e opor-tunidad pa e presentacion di e Festi-val Compa Nanzi na nos muchanan. Ela gradici e organisador y principalmente sra. Lorraine Verhoeff cu a presenta e idea pa incorpora Cas di Aruba den e gira di e festival aki.

Durante e programa - cu a consisti di lesa cuentanan di Nanzi, obra di teatro y musica - e muchanan y nan mayornan a gosa un mundo. Nan a cera conoci na un manera hopi interactivo cu e cuen-tanan di Nanzi y e personahenan mas principal den e cuentanan cu ta Compa Nanzi, Shi Maria y Cha Tiger.

Na final e mayornan por a cumpra un buki di cuentanan di Nanzi y e escri-tor di e buki sr. Herman Pieters a scirbi un bunita mensahe pa e muchanan den nan buki. E Festival Compa Nanzi ta den

un gira na Hulanda y ta patronisa pa Skanfonds. Cas di Aruba por mira atras ariba un evenemento sumamente exi-toso. Tur presente grandi y chikito a gradici Cas di Aruba pa a organisa un merdia asina y laga e muchanan di ori-gen Arubiano cu ta lanta na Hulanda cera conoci cu e cuentanan di Compa Nanzi.

fica e sentimientonan elementario cu ta reina den nos manera pas y amor pa bo prohimo soledad, dolor y fe den nos creador. Cu e sonido melodioso di e flauta cu a compañe ora ela declama e.o. e poema ‘A Sense of Belonging’ e ta manera e olanan suave cu ta bai y bini ora bo ta na beach cu tin biaha ta bira un poco mas bruto locual ta esencial y ta expresa e harmonia di nos natu-ralesa.

Melange ta recomendabel pa tur hende y siguramente e lector lo reconoce su mes den diferente di e poemanan. Pa mas informacion bishita su website na www.SamuelDumfries.com


PublicacionGabinete di MinisterPlenipotenciario di Aruba

RedaccionSidney KockLeonie Nicolaas

FotograficoNico van der Ven,S. Kock y L. Nicolaas

DireccionR.J. Schimmelpennincklaan 12517 JN Den Haagtel.: (070) 356 62 00fax: (070) 345 14 46

www.arubahuis.nl

AbonadoLeonie NicolaasT: (070) 356 62 18

Horario di officinaDialuna te cu diabiernaDi 08.30 tot 17.00 uur

Advertenciainformacion y tarifaT: (070) 356 62 15 / 3566218

ProduccionGBS prepress Rijswijk

Noticiero Aruba

19

Den Museum de Fundatie na Zwolle tin un exposicion bou di e titulo ‘Tro-pisch Koninkrijk’ den cuadro di 200 aña di Reino Hulandes. E exposicion aki ta duna un bista amplio di arte contempo-

Exposicion ‘Tropisch Koninkrijk’ cu artistanan Arubiano

raneo di Aruba, Curaçao, St. Maarten, Bonaire, Saba y St. Eustatius. Cu obranan di binti artista e museo ta presenta un variedad na estilo di arte. E artistanan Arubiano cu ta participa na e exposicion ta Ciro Abath, Stan Kuiperi, Elvis Lopez, Osaira Muyale y Ryan Oduber

E exposicion na habri te cu 16 di maart 2014 y e localidad ta Paleis a/d Blij-markt, Blijmarkt 20, 8011 NE Zwolle E orario cu e exposicion por wordo bis-hita ta di diamars te cu diadomingo di 11or di mainta te 5or di atardi. Pa mas informacion: www.museumdefundatie.nl of 0572-388188

E grupo musical Ola Caribense ta celebra su prome lustro cu presentacion di su CD di estreno ‘TIMELESS’, cu lo sali dia 24 di december 2013.E CD ta contene areglonan inspira pa musica tradicional di Aruba, Boneiro y Curaçao. Esaki ta resultado di un cooperacion masha bunita y estrecho entre e nucleo fiho di musiconan cu diferente compositor, areglista y musiconan invita – tur di diferente nacionalidad, edad y experiencia musical bou di e liderazgo inspirador di Adillée Praag di Curaçao.Nan ta bini hunto cu e ambicion di Ola Caribense pa mantene e musica tradicional Antiyano bibo.Por sinti e saus Arubano entre otro den e wals ‘Anette’ di Rufo Wever y e wals hopi conoci ‘Na mi un chens’ di Padu del Caribe. E version special di ‘Na mi un chens’ ta canta pa e duo cu ta consisti di ex Minister Plenipotenciario di Aruba

Ola Caribense ta saca su CD di estreno ‘TIMELESS’Edwin Abath y e cantante Curasoleño Yumarya Grijt. Bo no por falta e CD aki den bo coleccion.

Informacion di contacto: www.olacaribense.com\ [email protected]

E celebracion di Arubadag otro aña lo ta diadomingo 30 di maart 2014 den Broodfabriek na Rijswijk.

Mas informacion lo sigi via e website special di Arubadag:

Arubadag 2014

www.arubadagviering.nl


20

Na Aruba e ambiente di Pasco a cuminsa ta reina den tur scina di e isla. Banda di e decoracion den e tiendanan y e casnan, tur rotonde rond di isla a keda dor-na cu decoracion di Pasco.Manera ta e tradicion di tur aña tur bista tabata ariba e decora-cion di luz na e casitanan na Sero Preto. E aña aki e parti principal di e decoracion ta un replica di Misa San Francisco na ocacion di 200 aña di aniversario di e misa na Playa.

Ambiente di Pasco na Aruba


21

Documents

Aña 31, Volumen 4 Noticiero - Arubahuis · Noticiero Aruba December 2013 4 Minister Plenipotenciario sr. Alfonso Boekhoudt a bishita Cas di Aruba pa asina sera conoci cu e personal