ZBCC In the Name of Jesus 2013 KHEN KHATNA MIN TAWH · PDF fileAma min tawh sapna a ngah mipa pen Pasian ai awh zah in ... thukhun lian mahmah theih tawntung ding ahi hi.Pasian

ZBCC In the Name of Jesus 2013

1

KHEN KHATNA MIN TAWH KISAI BULKANNA

Sawltak 15:14 simni:

Pasian in Gentail mite lakah hong sepkhiat masak pen in, mi honkhat a min adingin hong telna thu

Simeon in na gen ngei khin zo hi.

English: Simeon hath declared how God at the first did visit the Gentiles, to take out of them a people

for his name.

Burmese:

Thuciam Lui Sungpan

Thuciam lui sungah Pasian in ama minam Israel te tawh thuciamna bawl hi cih ih mu hi. Ama thupiak

bangin a gamtat uh leh a siangtho minam, thupha ngah minam, minam khempeuhte lak ah thupha a

piakzia a genna ah ama min pen TOPA (Jevovah) cih min tawh kilang hi. Manglai Siangtho sung: King

James Version leh New King James Version te ah “LORD”, ci in a mal gol tawh a kigelh leh Yahweh ahih kei

leh Jehovah cih min pan a kiletkhiat cihna a hi hi.

Thuhilhkikna 28:8-10, Moses in a genna ah, “8 TOPA in note' ansal tung leh na hihna khempeuh uhah

thupha hong puak ding hi. TOPA (Jevovah) na Pasian un note hong piakna leitangah amah in note tungah

thupha hong pia ding hi. 9 "Note in TOPA (Jehovah) na Pasian uh hong thupiaknate zui-in ama lampi na

tot uh leh amah in note tungah hong ciamsa bangin ama-a' dingin a siangtho mi dingin TOPA (Jehovah) in

note hong kipsak ding hi. 10 TOPA (Jehovah) in note hong sapna thu midang khempeuh in thei ding uh a,

amaute in note hong kihta ding uh hi.”

Piancil pan Malakhi dong ih etciang in, ama minamte pen Ama min Jehovah cih tawh Pasian ahihna

kilangkhia tawntung hi (2Khang.7:14; Isa.43:5-7; Dan.9:19). Pasian min sungah Ama hihna namkim, a

vangliatna, leh a ompihna tawh a genkhawm hipah hi (Pai.3:13-14; 6:3-8; 9:16; 23:20-21; 1Kum.8:27-29).

Ama min tawh sapna a ngah mipa pen Pasian ai awh zah in nasem ding, a vangliatna kemcing ding, a

siangthona sungah innteek, cihna leh a minthanna ding in nungta cihnate ahi hi.

Pasian mite in ama min pahtawi uh hi (Late 34:3). Ama min phat leh pahtawi uh hi (Late 113:1-3). Ama

min zong (seek) uh hi (Late Late 83:16; 105:1). Ama min siangtho sak uh a, zahtak bawl bek hilo in ling

keuhkeuh in biakna amin sungah pia uh a, ciamnuih (mawk zat) ngeilo uh hi (Isa.29:23; Pai.20:7).

Amaute sepna leh bawlna tungtawn in a suan-le-khakte uh leh mi namdangte in Ama min Jehovah hi cih

a theihna ding un Israel mite mawhpuak lian pen a hi hi (Late 22:22; Thukna.6:4-25). Jehovah (TOPA) khat

bek mah Pasian ahi hi, cih thu pen thukham khempeuh sungpan in a khatna hi a, Israel minamte adingin

thukhun lian mahmah theih tawntung ding ahi hi.Pasian min a kihta/alau (fear/revere) leh a nuamtuam

khempeuhte in Ama kamciam luah ding uh hi (Late 61:5; 69:36). Ama min sungah a kiciangtan theilo

huhna leh hatna om tawntung cih tel uh hi (Late 20:7; Pau.18:10). Ama min a phawk tawntung te


2

adingin, thupha in ngak tawntung hi, “Then they that feared the LORD spake often one to another: and

the LORD hearkened, and heard it, and a book of remembrance was written before him for them that

feared the LORD, and that thought upon his name.” (Mal.3:16).

Thuciam lui hun sungin Pasian mi taktakte upna, ki apna, sianthona te ih telsiangtheihna dingin LST

munkhat ih sim ding hi,

“Mi khempeuh amau' pasian min deihna bang in a omphial zongin, eite in ahih leh ih Pasian ahi Topa

min deihna tawh kituak in ih nungta tawntung ding hi” (Micah 4:5).

“For all people will walk everyone in the name of his god, and we will walk in the name of the LORD our

God for ever and ever.”

Thukhun Thak Sung Pan

Thukhun Thak pawlpi mite in zong amau biakna lungsim puakzia mah ahi Pasian min thupitsakna

lungsim hong zomto uh a, a kilamdang khat ah Thuciam Lui hun in mit tawh akimu theilo, tu in muh

theih ding in mihing hongsuak, ama min hong keng cih thu a hi hi. Thuciam Lui hun a Jehovah Pasian

taktak mah mihing taksa nei in hong kilang a, mawhna sungpan in hong GUMPA ding ahihna tawh kituak

in a min ding in Jesu cih kiphuak hi. Jesu cih akhiatna in “TOPA in Gumpa”, (Jehovah-Savior” cihna a hi hi

(Mat.1:21,23). Gumpa min ding in khat bek hong kipia a, tua in “Jesu” min a hi hi (Sawl.4:12), tua sangin

min lianzaw khat beek a omkei hi (Fil.2:9). Hih min a theikha a, a sangthei teng pawlpi khat in Pentecost

ni in hong tuam din uh a, biakinnpi pan hawlkhiatna ngah uh hi (Sawl.4-5 chs). Jehovah bek mah hizaw

hen a cite pen biakinnpi luah uh a, vantung pan in hongkumsuk tua Pasian a hih lam phawk khalo,

sangkhalo uh hi (Sawl.5:41; 1Kor.2:8).

Thuciam Lui hun lai in minam khat bek in Pasian min ahi TOPA pen biak leh zahtak in nei uh a, ahizongin a

tangzaizaw nam khempeuh (a um khempeuh) tungah biakna khat Topa Pasian min a kemcing ding in

“Pawlpi” hong piangkhia hi. Pasian in Israel minam leh leitung bup minam a gawmna hong suak a hi hi.

Hih ki pumkhatna pen Topa Pasian min a hi Jesu min sungah ahi hi. A LST mun Sawltak 15:14 sim ni:

Pasian in Gentail mite lak ah hong sepkhiat masak pen in, mi hon khat a min adingin hong telna thu

Simeon in na gen ngei khin zo hi.

“Simeon hath declared how God at the first did visit the Gentiles, to take out of them a people for his

name. “

“

"


3

Thukhun Thak hun a thu-um mite a kilawhna uh min manpha pen leh mite zakdah penpen in Jesu min

ahi hi:

“Note hong sapna min manpha pen amaute in hong gensiatsak uh hilo ahi hiam? (Pau dang LST tawh

simzaw in)

“Do not they blaspheme that worthy name by the which ye are called?”

“ ” (James 2:7; Sawl.4:18;

15:17).

Jesu min tawh a piangthakte Jesu min tawh Pasian inhong sapte ih hi hi. Jesu in a nungzuite kiang ah

anuai a bangin na genkhol hi:

1. Ama min tawh kikhawm ding in (Mt.18:20).

2. Ama min tawh thungen ding in (Jn.14:13-14).

3. Ama min tawh thuhilh ding in (Lk.24:47)

4. Ama min tawh dawi hawlkhia ding, na lamdang bawl ding, Pasian ompihna ngah ding leh cinate

dam ding (Mk.16:17-18)

5. Ama min tawh Khasiangtho ngah ding (Jn.14:26)

6. Ama min hangin bawlsiatna, kosiatna leh daisakna thuak ding (Mt.5:11; 10:22).

Thukhun Thak hun Pentecost ni in pawlpi hong kiphut a, Jesu min tawh hong kalsuan ngekngek uh hi:

1. Ki tuiphumna ah Jesu min hong zangpah uh hi (Sawl.2:38; 8:16; 10:48; 19:5; 22:16).

2. Cina damna ding leh nalamdang bawlna ah Jesu min hongzang uh hi (Sawl.3:6,16; 4:10).

3. Jesu min tawh dawite hong hawlkhia uh hi (Sawl.16:21).

4. Mun khempeuh ah Jesu min tawh thuhilh leh thugen kawikawi uh hi (Sawl.5:28,40,42).

5. Ama min tawh akisam (Sawl.9:21).

6. Jesu min adingin nasem (Mang.2:3).

7. Ka min alenkipte (Mang.2:13, paudang LST en in)

8. Keima min na nialkei uh hi (Mang.3:8, pau dang LST en in)

9. Gupkhiatna in Jesu min sungbek hi cih tangko uh hi (Sawl.4:12).

10. Ama min tawh kisam ahihman un a siangtho gamtatna tawh nungta uh hi (2Tim.2:19).

11. Leitung mite in ama min a theihna ding in a tangkote ahihna uh tawh kizui in bawlsiatna thuak

dingin sapna ngahpah uh hi (Sawl.9:15-16).

12. Ama min hang in kosiatna thuak (1Pit.4:14, paudang LST sim in).

13. Ama min hangin a nuntakna khempeuh uh tawh kipia ngam uh hi (Sawl.15:26).

14. Ama min hangin amaute a kibawlsiat ciangin lungdamuh a, mindaina khempeuh thuak ngam uh

hi (Sawl.5:41).

15. Satna, tupna, thongkiatna, thahna, leh bawlsiatna namkimte a thuak uh ciangin baihsa tuanlo uh

hinapi in Jesu min tawh ahih nak leh nakhempeuh lungdam takin thuak thei uh hi.


4

Tulai Leitungmi Minte Omzia

Tulai leitung mite lungsim puakzia gelh ding ih hih man in LSt sung siksan ding hong tawm mahmah

pah ding hi. Tulai leitung mite lungsim puakzia ih cih hangin Christian sungbek ih gen ding hi. A

lamdang mahmah khat ah, tulai thu um mite sungah Jesu min sangin, ama min, a siate min, a pawlpi

min, a nasepnate a minthangsak nuamzaw tampi om hi. Thu um kici napi in Jesu min a deih hetlo mi

tampi om a, Sawltakte hun lai in zong, mipi tampi takin Jehovah bek Pasian hi ci in Jesu nial uh hi.

Jesu min sangin Tapa Pasian cih ding hoih a sa zaw thu um tampi tuhun in om zawta hi. Tapa Pasian

cih kammal LST sungah omlo bek thamlo in, nungzuite in Jesu min a zatna uh hangbek in bawlsiat

thuak uh hi. Tulai leitung lungsim puakzia tawm ensuk ni:

1. Jesu min zat ding sangin Tapa Pasian ci nuam zaw

2. Jesu min zat ding sangin Khazih na min tawh ci geigai

3. Jesu min zat ding sangin sihna pan a tho Pasian ta aw cizaw (a khum ding tawh kibang).

4. Jesu min zat ding sangin “na min tawh” ci niangnuang.

5. Jesu min sang in, mi siangtho mindang khat peuh tawh kilo nuamzaw

6. Jesu min sangin ama biakinn lamteng, ama nasepsa teng gen niloh denzaw

7. Jesu min sangin ama pilna, hauhna teng gen bel in nei zaw

8. Jesu min gum ngamlo in a sisan bekbek bulphuh (a hoih tawh kibang)

9. Jesu min deihlo in “a singlamteh” bekbek phuh ngeungau (a hoih tawh kibang)

10. Jesu min zang nuamlo in “hong pai kik ding” lamet sawm (a ngaklah tawh kibang)

11. Dawi hawlkhiatna ah Jesu min zang bilbel in, tuiphumna, misi guina, kitenna, nek-khawm te ah

kisam salo (pom kim ngamlo 25%)

12. Khasiangtho nasepna lim gen mah mah in Jesu min gen khalo

Tulai thu um honmang pi khat te in Jesu min a zangte mukhial uh

1. Jesu bek a cite in Jesu loteng a nial hi

2. Jesu bek a cite in Pa anial hi

3. Jesu bek acite in Khasiangtho a nial hi

4. Jesu min bek a cite pen a paikhialte hi

5. Jesu min bek a cite pen a theihna uh kicing zo taktak lo hi

6. Jesu min bek a cite upna paikhial sakte hi

7. Jesu min bek a cite pen upna paikhialte hi

8. Jesu min bek a cite pen dawi kha nei te hi

9. Jesu min bek a cite tawh kikhawl kei un

10. Jesu min bek a cite in a natna hong lawhding uh hi.

11. Jesu min pawlpite na hi uh hi

12. Pawlpi dang khempeuh sangin Jesu min a bul let tentan a hi uh hi

Jesu min bek a cici te upna leh lawpna ih Zomi sungah tawmtawm hong omthei ta in, a hizongin a gum

ngam taktak ki tawmlai. Tuate tawm ensuk ni:


5

1. Halleluijah cih otna pen 1995 kum ciangciang dawi ah hi hong kicih sak a, tu in pawlpi kim ah

kizang liamliam ta hi.

2. Khuang tumna pen 1995 kum ciangciang Zogam ah a sangthei pawlpi tawm mahmah in, tu in

mun khempeuh leh inn tampite ah ki tumta hi.

3. Laamna pen haina hi, paikhialhna hi, Pasian min daisak ci in 2000 kum ciangciang biak inn

tampite ah tentan (seminar) kipia ziahziah a, ahizongin tu in biakinn leh pawlpi tampite in

laamna tawmtawm in hong sangthei ta hi.

4. Jesu bek Pasian hi cih a sangthei pawlpi pen kum 2005 ciangciang tawm bek kipha a, tu in

Trinitarian pawlpi tuamtuam pan mimal tampite in sangthei ta uh hi.

5. Tuiphumna ah Jesu min a zang pawlpi 2007 ciangciang pen kitawm mahmah lai a, tu hun ciangin

a omna pawlpi in a santheihloh zenzen hangin ama upna ngiat tawh mimal in a sangthei leh a

kiphum tampi omta hi.

6. A omna pawlpi in sang zolo, himah leh mindaina leh haksatna tampi thuak ngamzaw a Jesu min

a len tinten ki behlap zel hi.

7. Mihing omzia enlo a, Jesu min sungah nuam a sa tawmtawm in khang toto hi.

8. Jesu min hang hi peuhpeuh leh ci in, nupa nangawn a kikhen ngam, inn sungpan in hawlkhiat a

thuak ngam om a, tuate khensatna in Jesu min hang bek mah hipah giap hi.

9. Leitung na khempeuh sangin Jesu min sungah nuam a sazaw tawm mahmah a, ahizongin beilo

hi.

10. Jesu min tawh kalsuanna ah minsiat ding baih mahmah a, ze-etna khauh deuhse a hih man in,

kha-lam saltang kilang phadeuh hi.

11. Mawh neite hong Gumpa, Ama min ngiat bulphuh napi, a sawtlam ciangin a daipih ngamlote, a

pianthakma sangin sia huaizaw thei hi.

12. Jesu min gum ngamte pen tua Jesu mahmah a gumte hi a, “amah in ka min thei ahih man in

munsanna ah ka koih ding hi” (Late 91:14).

Hialbawlna Khawk

Pasian min pua-ngam taktak ding pen amah tawh ki meltheih mahmah kisam a, a tate hihna hi pipen a,

ama thupha khempeuh tawh zong luah khawm ding cihna a hi hi. A thupha khempeuh sungpan a bulpi

pen in “gupkhiatna” ahi hi. A khiatna in, a nuntakna tungtawn in Pasian bia, a thei nailo mite a theisak

ding ih hih man in a siangtho nuntakna tawh a siangtho Pasian minthansak ding hi a, leitung mi

khempeuh tungah ama hihna tawh theikhawm sakding cihte a hi hi.

Thu um mite hamphatna bulpi in Pasian min ngiat a puate ih hihna ahi hi. A sangpen min, a vanglian pen

min, gupkhiatna min in Jesu a hi hi. Tu hun mahmah in, gupkhiatna a ngah mite in Jesu pen Topa

(Jehovah) hi ci in pulak uh hi (Rom.10:9-13). Jehovah khat pen om a, tua pen mihing bangin hong pai

amin Jesu ahi hi (Isa.9:6; Mt.1:21,23,25). Ni khat ni ciangin vantung, leitung, leh leinuai a om khempeuh

in a a leii uh tawh Jesu in Jehovah (TOPA) hi ci in a pulak ding uh hi (Fil.2:9-11). Gupna a ngahlo mite in

hell khuk sung a tun hunciangin Jesu in TOPA (Jehovah) hi ci in a leii uh tawh pulak veve ding uh hi

(Fil.2:9-11).


6

Jesu in TOPA (Jehovah) hi ci in tu mahmah in kam tawh pulak ding a hun hoih pen “hehpihna” hunpisung

ahi hi. Mawhna pan in kisik kik in Amah Jesu min tawh tuisung ah kiphum ding hi a, hehpihna tawh hong

letsong piak Amah Jesu min tawh Kha Siangtho hong kipia ding a hi hi (Lk.24:47; Sawl.2:38; Jn.14:26).

Tua bang ih hih leh gupna ih ngah ding a, gupna ih ngah khitciangin, upna leh kalsuanna ah Jesu min,

Pasian phatna leh biakna ah Jesu min, thupha piakna, si vuina, thungetna, thuhilhna, thugenna, teci

panna bang kim ah Jesu min puate ih hi ding hi.

“Na kampauna, na sepna, na hihna khempeuh ah Topa Jesu min tawh na hih un “

“And whatsoever ye do in word or deed, do all in the name of the Lord Jesus”

၃ ၁၇

(Kol.3:17a).


7

KHENPI NIHNA

PASIAN MIN A THUPITNA Leitung ah, Pi leh pu, nu leh pate in min a phuah uh ciangin min phuakte pahtawina leh min neite thupha

a hihna ding ngimna tawh kiphuak zawdeuh hamtang hi. Mi khat ih sap ciangin, a min khiatna ki

ngaihsun pah khol lo thei a, ahizongin a tangthu sut in, ama omzia ih kanciang in amin khiatna leh

deihnate ki nawlkhin theilo hi.

Lai Siangtho sung ah Min tuamtuamte bel-etna

Lai Siangtho hunlai in, khiatna neisa tawh kiphuak masa zaw a, ama sepna tungtawn ahih kei leh ama

hihna tungtawn in phuak hamtang uh hi. Thukhun Lui hunlai mite in min a phuahciangin, min neite hihna

taktak tawh phuak a, a min neipa in tua ama min tungtawn in nungta takpi ding cih ngimna tawh phuak

takpi uh hi. Thukhun Lui min phuahdan nampi nih in kikhen thei hi:

1. A phuakpa hihna taktak genna, 2. Amin nei dingte hihna taktak ding genna

Pasian mahmah in mi tampi min laihsak a, min a phuahsak ngiat zong om hi. Tua apiak minte pen amau

hihna taktak mah tawh akituak ding in apiak ahi hi. Abram (pa hoih) cihna pan in Abraham (tampite pa)

cih minthak pia hi. Minam tampite pupi hong suak takpi a, ama suan-le-khate pen minam liante hi uh a,

a gamgam in a om minamte ahi uh hi (Pian.17:5). Pasian tawh a kibuan Jakob (khetul lenpa, ziau hatpa)

in zong minthak Israel(Pasian teltuam) cih ngah hi. Thukhun Thak sungah zong min thak nei honkhat om

hi. Ih khanglui minphuah dan tawh zong kibang hi, Zomi khanglui min phuah zia zong khenpi thum in

kimu thei hi:

1. A mat leh a aihna (a gawh leh a lup) uh

2. A khawh leh a tuk uh (zonna leh vaihna)

3. A dahna leh a kahna uh (lunglen khuangaihna)

Khanglui lai in, min nei dingte maban ding peuhmah ngaihsut in neilo uh a, min phuakte hihna tungtawn

bek in phuak uh hi. Tuhun Zomi khangthak sungah, min nei dingte adingin thupha ahih ding ki phulphuh

zawta hi.

Pasian’ minte leh ama omzia (God’s Names and Characters)

Mihingte tungah Pasian a kilat zia zong ama hihna tawh kipulak theizel hi. Pasian in Moses tungah a

genna ah Pai.6:3,6,7, “3Abraham, Isaac, leh Jakob-te' tungah Vanglian Pasian-in ka kilang a, ahih hangin

Topa (Jehovah) ahi keima min tawh amaute' tungah kei ka kitheisak kei hi. 6Tua ahih ciangin Israel mite'

tungah, 'Kei pen Topa ka hi hi. Egypt mite' na na sepna uh panin note kong paikhiatpih ding hi. Amau' sal

hihna panin note kong khahkhia ding a, a thahat ka khut zanin thukhenna nasep lian tawh note kong

honkhia ding hi. 7Keima mi dingin note kong la ding a, kei pen note' Pasian ka hi ding hi. Egypt mite' sila

hihna panin note a hong paikhiatpihpa, Topa na Pasian uh ka hihna note in na thei ding uh hi.

Piancil sungah Jehovah, Elohim, El-shadai, te ban Pasian min tampi kimu himah leh ama min taktak pulak

lo a, ama sepna leh hihna tungtawn pan minte hi cih hong theisak hi. Gentehna in, Pasian pen itna


8

tawh hong kem Pasian (El-Shadai)), Tawntung Pasian (El-Olam), a vanglian Pasian (Elohim), A mah bek a

nungta tawntung Pasian (Jehovah), a dang tampi omlai hi. Abraham mahmah in Jehovah cih kammal

Piancil 22:14 mun ah na zang ngei hi. Ahizongin gumpa ahihna bucing tawh Abraham tungah kilang nailo

hi a, ama min taktak ding hunkhat ciangin hong kipulak kik ding ahihna hong theisak ahi hi. Vanglian

Pasian in na lamdang thupite bawl hi cih Abraham, Isaak, Jakob, Joseph te in thei uh hi mah leh a Honpa

ahihna taktak a bucing in mukim nailo uh ahi hi,. Paikhiatna 6 sung ih simciangin, ama mite sal hihna pan

in hong hotkhiat theihna ding in a tuampian in hong kilang ding a, amah ngeimah hongpai ding ahihna

thu na kamciam hi. A thahat ka khut te zan in thukhenna lianpi tawh note kong honkhia ding hi ci hi

(Pai.6:6). Tua TOPA (Jehovah) pen Honpa in hong kumsuk ciang in Ama min imcip nawnlo in hong pholak

ta ding ahihna thu hong gen zong hipah hi. Ama hihna ngiat tawh hongpai a hihmah bangin a min ding

zong amahmah in hong phuak a, TOPA in Gumpa (Jehovah-Yehushua) a cih nopna Zeisu hong kiphuak

takpi hi (Mt.1:21-25). Mihing bangin hong pai hunciangin Pasian a hihna zia mihingte in a teldan hong

bucing zawlai ding cihna a hi hi. Piancil bu sung ah, na khempeuh piangsak, thukhen, minam a piangsak

Pasian cih bang tuamtuam in kithei a, mihing bangin hong pai ciangin, itna tawh nasem, natna

khempeuh damsak, misite phong, amah mah si, kivu, thokik cihte tawh hotkhiatna thu hong tangko hi.

Pasian min thei ing a ci mi in ama hihna taktak tawh theikhop akul a hi hi. Late 9:10 simni,

“Topa aw, nang a hong zongte nawlkhinlo na hih manin, na min a theite in nang hong muang uh hi.”

“And they that know thy name will put their trust in thee: for thou, LORD, hast not forsaken them that

seek thee.”

“ ။

႕ ”

Paikhiatna 34:5-6 ih simciangin Pasian omzia leh ama hihnate amin sungah kicingtakin kitel thei hi:

“5Meii sungah Topa kum sukin tua lai-ah Moses tawh ding a, Topa in ama min a pulak hi. 6Ama mai-ah

Topa pai-in, "Topa, Topa, hehpihna nei-in a dik Pasian; lungduai-in itna kip leh thutakna tawh a dim 7Mi

tul tampite-a' dingin itna kip a nei; mawhna, thu palsatna leh khialhna maisakin; ahih hangin bangbang

hita leh mawhna a khahkhong ngeilo; pate' mawhna tate' tung leh tute' tung, khang thum khang lina

dongin a thukpa," ci-in a pulak hi.” Pasian in Moses tungah “Keima min in A Am Pasian ka hi hi” ci hi

(Pai.34:14). Ama min leh ama hihna tonkhawm den a hih man in pasian dangte (To khat a tamzaw

pasian) tawh biakkhop ding a ut kilkel lo Pasian a hi hi.

Thuciam Lui sung khempeuh ih et ciangin, amite kiangah Pasian ahihna tawh kizui in min tuamtuam ih

mu thei hi: Jehovah-jireh (hong siktawm Pasian) Pian.22:14, Jehovah-rapha (hong damsak Pasia)

Pai.15:26. Pasian in min nei ding hi cih um uh a hih manin tua Pasian min taktak bang hiding hiam ci in

dong tentan hamtang uh hi (Pian.32:29; Thkte.13:17; 1Kum.8:43, sim hamtang in).

Pasian pen mihing bangin hong pai (incarnation) hun ciangin, Pasian min taktak bang hiding hiam cih

tawh kibuai nawnlo in, amin taktak (proper name) tawh hong pai hi. Thuman thutak a tangtunna Isaiah

52:6 sim ni:


9

“Tua hunciangin ka mite in keima min hong thei ding uh a, thu a genpa pen keimah ka hihna tua ni

ciangin amaute in hong thei ding uh hi: za un, keimah ka hi hi, a ci hi. “

Therefore my people shall know my name: therefore they shall know in that day that I am he that doth

speak: behold, it is I.

Hong piangding Kum tulman (millennial kingdom) hunciang in, Jesu in kumpi hong sem takpi ding a,

thuman thutak Zekhariah 14:9 a genkholhsa Pasian ahihna mi khempeuh in amin tungtawn in telsiang

sitset ding uh hi, a LST Zech.14:9 simni:

“Topa pen leitung khempeuh' kumpi suak ding a, tua niciangin Topa khat bek, ama min zong khat bek

ahi ding hi” (Ei LST a kikhen masate bek en in).

“And the LORD shall be king over all the earth: in that day shall there be one LORD, and his name one.”

Pasian min cih pen ama hihna ngiat a pulak khia ahi hi. Pasian min a samsiakha zong na omngei a

(Siam.24:11,15), Pasian min zangkhai zat hetloh ding pen Pasian deihna lianpi a hi hi. Tua ahih man in,

LST a lui leh a thak ah hong hanthot bulpi pen in Pasian min pen lau/kihta/zahtak ding, it ding, thupha

pia ding, kipaakna in nei ding, tua hi leh a Pasian ngiat mah mah tawh kizopna a hi hi (Thkna.28:58; Late

5:11; 54:6; 96:2; Heb.6:10; 13:15; Mang.11:18).

Pasian Vangliatna

Pasian min ih cih ciang in ahihna (character) bek pulak hilo in, a vangliatna tawh tonkhawm hi. Moses

hunlai in Faro tungah Pasian in a genna ah,

“Leitung khempeuhah keima min a kipulak theihna ding deihna tawh nang tungtawn in ka vangliatna aki

lahtheihna ding in nang kong khangkhia sakzo hi.”

“And in very deed for this cause have I raised thee up, for to shew in thee my power; and that my name

may be declared throughout all the earth” (Pai.9:16).

“

”

Moses leh Faro te hunlai in leitung mi khempeuh muh dingin, Pasian in a vangliatna tawh Izipt mite

tungah a bawlthute hangin Pasian min a thang vangvang ah hi. Min leh vangliatna tonkhawm hamtang

hi. Mite in Jehovah cih kammal a zak uh ciangin zawh loh a neilo Pasian, na khempeuh a hizo Pasian cih

tawh theikhawm pah uh hi. Gam ensim mi nihte tungah Rahab in hih bangin gen hi: “Bang hang hiam cih

leh Egypt panin nong paikhiat lai-un Topa in note' mai-ah San Tuipi a kan'sakna, leh Jordan galkhata om

na suksiatmang uh Amor mite' kumpi nihte ahi Sihon leh Og tungah na bawlna uh ka za khin uh hi. Tua

thu ka zak phetun ka lungsim uh bei a, note' hangin mite' lungsimah han'na bei hi; bang hang hiam cih

leh Topa na Pasian uh, tunga om vantung leh nuai-a om leitungah Pasian ahi hi” (Josh.2:10-11). A

zawdeuh in, Pasian min vangliatna pen hong gupkhiatna ah kilang phadiak hi. Late 54:1 ah Davih in,


10

Pasian aw, nangma min tawh kei hong gumkhia in la,

na hatna tawh ka dikna hong kilangsak in. (pau dang LST tuamtuamte simzaw in)

“

”

Topa min tawh a kisam khempeuh tungah gupkhiatna (salvation) kipia ding hi…, (Joel 2:32; Sawl. 2:132,

Pau tuamtuam LST te simzaw in). Mang LST sungah,”And it shall come to pass, that whosoever shall call

on the name of the LORD shall be delivered: for in mount Zion and in Jerusalem shall be deliverance, as

the LORD hath said, and in the remnant whom the LORD shall call.” Pasian min thei a, amin tawh sam a,

amah a it mite a honkhia ding hi (Late 91:14). Pasian min sungah hotkhiatna om hi cih hong telsiamsak

hi.

Pasian’ Thuneihna (God’s Authority)

Pasian vangliatna cihte ban ah, Pasian min sungah thuneihna (authority, right, warrant) zong tawh a

kithuah khawm a hi hi. Izipt pan in Israel te sehnel gam zuanin a paikhiat pih laitak in amai vuah a

vantungmite mapai sak hi. Pasian in a genna ah,

"En un, keimah in ka bawlsa munah note hong paipih ding leh lamkalah note hong cing dingin note' mai-

ah vantung mi khat ka sawl hi. Amah thudonin ama aw ngai un la, amah lehdo kei un. Bang hang hiam

cih leh amah in note' thu palsatna hong maisaklo ding hi. Bang hang hiam cih leh a sungah keima min a

om hi. “For my name is in him,” “ ” (Pai.23:20-21).

LST sungah Pasian vantungmi (the angel) cihna munte pen Pasian mahmah vantungmi lim bangin hong

kilang hi a, bangteng hi leh tua thuneihna pen Ama Min sungah a koih hi.

Pasian in Israel mite a thuneihna nuai ah makaih a tua pen ama min tawh a sam hi (Thkna.28:10; Amos

9:12).

“Topa min tawh note hong kisapna thu leitung mi khempeuh in mu ding uh a, amaute in note hong kihta

ding uh hi. (I Kings 18:24, 36-37; II Kings 5:11,Pau dang LST tawh etkak in).”

“And all people of the earth shall see that thou art called by the name of the LORD; and they shall be

afraid of thee.”

“

သ ”

Note: Amos 9:12 sungah zong, “Keima min tawh a kisam ngei” namdang te cih ding hizaw hi”

Pasian tawh kizopna dingin ama min tawh a mite in a sapciangin dawng in anget uh ngah hi

(1Kum.18:24,26-37; 2Kum.5:11), ama min mahtawh biakna pia uh hi (Pian.12:8). Pasian thuneihna in a


11

min tawh tonkhawm a, ama min mah tawh na lamdang tampi piang hi. Amin ih ciangin Pasian aitang

cihna tawh zong kibang hi.

Pasian Ompihnate hong Kilahkhiatna

Pasian min cih ih genciangin ama ompihna tawh a kizom a vangliatna, hong khualna, hong awlmawhna,

thungetna te hong dawng cihte a hi hi. Mun tuam ah Pasian a kilatna dingte ih ngaihsutna ding in, Biakna

tau koi mun ah lam ding, meihal biakna ding koi mun ah lam ding, cih te tawh kisai Pasian in a genna ah,

“Note in keima-a' dingin lei tawh biakna tau khat bawl un la, tua tungah na meihal biaknate uh leh

thunuama na biaknate uh, na tuute uh leh na bawngtalte uh pia un. Keima min a kiphawkna ding

munin ka bawlna peuhmahah note kiangah keimah hong pai-in note thupha kong pia ding hi.”

(Pai.20:24).

Hunbinei in mun khat khit khat ah (places & locations) Pasian in a kilatna ding munte nangawn ah zong

ama min tawh kilang hamtang hi. Kiciamna khat tawh Pasian in a omna tawntungna ding mun genkhol

ngei a,

“5Topa na Pasian un na minam khempeuh uh sung panin ama min koihna dingin teelin, ama omna dinga

a bawlna mun na zong ding uh hi. 11Topa na Pasian un ama min omna ding munin a teelna munah note

kong sawl khempeuh na paipih ding uh hi. Na meihal biaknate uh leh na biakpiaknate uh, note in na piak

uh sawmah khat leh na piak thuahte uh leh Topa' tungah na ciam uh na thuciam piaknate uh na paipih

ding uh hi.” (Thkna.12:5,11).

Kumpi Solomon in biakinnpi apna a neih laitak in mun khempeuh ah a om Pasian ahih lam a theih

hangin, tua biakinnpi sungah Pasian ompihna kip tawntung dingin upna nei hi (1Kum.8:27). Thu a ngetna

ah, a lamdang Pasian ompihna hong kilat theihna ding in nong kamciamsa Pasian aw, na min in hih

biakinnpi sungah omta hen ci hi. A thungetna ah,

“Tua lai-ah ka min om ding hi,' na cihna mun hih biakinn lamah sun leh zanin na mit hak in la, na

nasempa in hih mun lamah a thungetna hong za in. “ (1Kum.8:29).

Pasian in Solomon thungetna dawng a, a kimuthei in Pasian vangliatna tua biakinn sung dim in om a,

ama min mahmah zong tua biakinnpi sungah a tawntungin a om ding hi (1Kum.9:3; 2Khang.7:1-2,

paudang LST te en in) ci hi.

Hialbawlna

Pasian min theihna in Pasian mahmah in hong ompih hi cih kitelna leh khamuanna ahi hi. Yahweh min a

thei mi kha leh a nei mi khat adingin Pasian thuneihna leh hong hotkhiatna sungah nungta cihna hipah

hi.

Thuciam lui sunga Pasian kilawhna min tuamtuamte pen Pasian nasepna zia leh ompihna tungtawn a kilo

minte a hi hi. Damna a ngah uh ciang in hong damsak Pasian (Jehovah-rapha), gualzawhna amuh uh

ciangin hong gualzo sak Pasian (Jehovah-nissi), cih bang tuamtuam tawh kilawhnate ih mu hi. Tua ahih


12

man in, Thuciam lui sunga minte pen hong kilahna dungzui a Pasian minte cih theih a hi hi (God’s

revelatory names). Ahizongin, tuaniciangin min khat bek anei ding hi… tua min tuamtuam a neipa pen

khat bek mah hi a, ama kilatna tungtawn in min kivawhte ahi hi.

Pasian min theihna in amahmah theihna ahi hi. Pasian in na a sep ciangin, ama hihna tawh tonkhawm a,

hong kilahkhiatna ah khat bek ahihna vom tentan hi. Oh Israel, Topa note Pasian in Topa khat bek ahi hi

(Thkna.6:4). Pasian min tawh ih sap masiah ama hong kilahkhiatna leh ama hihna bucing tawh hong

tonkhawm ngeilo ding a hi hi. Pasian pen min nei Pasian ahi hi. Pasian pen min hilo a (proper name), zaa

(title) ahi hi.

Khenpi masa ah, ih gensa mah bangin min tampi tawh aki sam ahizongin hotkhiatna dingin Jehovah cih

tawh Thuciam Lui hun in a kilang Pasian khat bek mah Thukhun thak hunciangin Jesu ci in hong kilang hi.

Tawntung Pa (Everlasting Father) pen tapa bangin hong pai a, Pasian mihing hongsuak (incarnation) a,

amin in Jesu ahi hi. Tua Jesu in a kimu theilo Pasian hi a, Pasian, ama min tawh hong kumsuk ahi hi. Tapa

in Pa min gen a, tua min in Jesu a hi hi (Jn.12:28; 17:6,26). Mi tampite in mi nih sa uh a, Jesu sungah

mihing hihna leh Pasian hihna nih thuahkhawm a hih lam thudon khalo uh hi. Thuciam lui sunga Pasian

min lawhna khempeuh Jesu sungah a bucing a hi hi. Bang hang hiam cih leh a kimutheilo khempeuh a

kimu thei in Jesu sungah a kicinna ding in min khat bek tawh hong kisamta hi (Zech.14:9; Isa.52:6).

Min in Ama hihna taktak tawh kengkhawm a, a diakdiak in, a vangliatna, a thuneihna, a kilangkhia a

hong ki pulaknate a hi hi. Jesu in a kimu theilo Pasian hihna ahi hi (Jn.1:18). Pasian na muh sawm leh

Jesu bek mah na muh kul ding hi. Jesu neihna ding in zong ama min mah ih zat, ih up, ih gen, ih hilh leh

ih pom ding a hi hi. Kolossa 2:9-10 sim ni:

“9Mihing hong suahna sungah Khrih in Pasian' pian'zia khempeuh a kimtakin nei hi.”

“For in him dwelleth all the fulness of the Godhead bodily.”

“10 Khrih tawh na kipawlna hangun nuntakna kicing na nei uh hi. Huihlak a ukte leh aana neite khempeuh

tungah amah a lutangpi hi lai hi.”

“And ye are complete in him, which is the head of all principality and power”


13

KHENPI THUMNA

AMIN DINGIN JESU A PHUAK HI Amah in tapa khat hong nei ding a, tua tapa in ama mite a mawhna uh panin honkhia ding ahih manin

ama min dingin Jesuh na phuak ding hi," ci-in thu a gen hi (Mt.1:21).

Jesu min a Thupitna (the Significance of the name of Jesu)

Pasian tapa a suahma in, vantung mi khat in Joseph mumang sungah amin dingin Jesu na phuak ding ci

in hilh hi. Jesu cih pen nuai lam pan in a kiphuak min hilo in vantung pan in hong pai in, a min ding tawh

tawh hong tonkhawm ahi hi. A khiatna in “Jehovah in gumpa hi” (Jehovah-Savior), “Jehovah in eite

Gumpa hi” (Jehovah our Savior), “Jehovah in gupkhiatna hi” (Jehovah is Salvation).

Khazih in ama min (Jesu) deihna mah hong tangtungsak a, a kimutheilo Pasian pen muhtheih in hong

kilangkhia a, leitung mite a gumkhia hong hitakpi hi. Kamsang Isaiah 7:14 in a genna ah, “ama min ding

in Immanuel kici ding hi, akhiatna in “eite tawh Pasian hong om khawm” a cih nopna a hi hi. Jesu in tua a

kigenkhol sa khempeuh a tangtung sak tawntung Pasian a hi hi (Mt.1:21-23). Jesu min (Jehovah Gumpa)

khiatna ih ngaihsut ciangin, Jehovah ih ciangin Pasian a hihna hong kilangsak a, Gumpa cihna sungah

eite tawh hong omkhopna hong hilhcianna ahi hi. A khiatna taktak in a gen nop bulpi pen a hih leh

gupkhiatna bucing cihna a hi hi.

Jehovah (Yahweh) cih min pen Thuciam Lui hunsungah Pasian min kilawhna hiphadiak in, Pasian

mahmah Jehovah (Yahweh) cih min tawh kilang phadiak hi. Milim pasiante ahih kei leh pasian dang

tuamuamte tawh a kilamdanna min phadiak in Jehovah ahi hi. “Keimah in Topa (Jehovah) ka hi a,

Jehovah in keima min a hi hi (Isa.42:8). Hebrew lai YHWH pan aki gelhkhia hi a, akhiatna in “Keimah”, “I

am” ahi hi. “Keimah”, akhiatna in “a si ngeilo, a nungta tawntung khat bek hiden”, “Self-existence One,

the Eternal One, the One who is and who always will be” cihna ahi hi. Moses tungah ama min a genna ah

“Keimah” ci hi (Pai.3:14).

Thuciam Lui Pasian min phadiak dinga kingaihsun Jehovah pen mihing bangin hong paisuk ciangin, tua

min mah hong keng in Jesu ahi hi. Thuciam lui hun a Gumpa, amah tektek mah eite gumpa ahihna taktak

ahi hi. Jesu a theinuam a, amute in Pasian mah thei a, Pasian mahmah a mu ahi hi. Pasian pen kimu

ngeilo a, Jesu tungtawn bek in muhtheih ahi hi, “Kei hong mu mi in Pa a muzo hi” (Jn.14:6,9).

Jesu min in ih gensa mah bangin Pasian hihna, a vangliatna, a thuneihna, hong ompihna khempeuh tawh

tonkhawm pah hi. Pasian hihna (attributes) ih cih ciang in, sianthona, thumanna, itna, hehpihna,

theihloh neilo, mun khempeuh ah om, septheih loh neilo, cihte a hi hi. Pasian hong itna bang zah in lian

hiam tua hong itna pen ih muh theihna dingin Jesu ah hong kilang a hi hi, Ahi zongin eite mawhna nei

ihih laitakin eite-a' dingin Khrih hong si ahih manin Pasian in eite hong it mahmahna thu hong lak khin

hi” (Rom.5:8). Khazih sungah, Pasian in ama hong itna tehzawhloh in hong lak hi, “Lawmte' tangding sih

ngamna sangin lawmte itna a lianzaw om nawnlo hi” (Jn.15:13).

Jesu min in Pasian vangliatna leh thuneihna khempeuh tawh tonkhawm hi, “Vantungah ukna, aana,

vangliatna a neite khempeuh tungah Khrih in ukna aana nei lai a, hih leitung bekah hiloin a hong

tungding leitungah zong min khempeuh sangin a lianzaw min a nei hi” (Paudang LST en in).


14

“Far above all principality, and power, and might, and dominion, and every name that is named, not only

in this world, but also in that which is to come”

“

” (Efe.1:21).

Jesu in a genna ah, “Vantung leh leitung vangliatna khempeuh hong kipia hi” (Mt.28:18). “Ka Pa min

tawh kong pai hi ci hi” (Jn.5:43). A Pa min, Tapa min, Khasiangtho min in Jesu ahi hi (Mt.28:19 leh

Sawl.2:38 enkak in).

Jesu bawl nalamdangte ih ngaihsut ciangin Pasian ahihna tawh a vangliatna hong kilangkhia hi a, natna

tungah, dawite tungah, mawhmaisak, biakna sang, hihte ih ngaihsut ciangin mihing hihna tawh ahitheilo

dingte a hi hi. Piter in a genna ah, "Ka mipih Israel-te aw, hih ka thugen na ngai un: Nazareth khuami Jesu

tung tawnin Pasian in lim leh na lamdangte bawlin na hong sem ahih manin, Jesuh pen Pasian' sawl

nasem ahihna teltakin na thei uh hi. Hih thu pen note lakah a piang thu ahih manin nomau mahmah in

na thei uh hi” (Sawl.2:22).

Farisai leh Sadducee te khat bangin thu gen lo in, thuneihna tawh Jesu in thu gen ahih manin amaute in

lamdang sa mahmah uh hi (Mt.7:28-29). Amah a manthei Palikte in a genna ah, “hih pa bang in thugen

kuamah om nailo hi” (Jn.7:46), ci uh hi. A sepzia leh a kampau ziate khempeuh Pasian mihing bang in

hong pai (incarnation) amah Khazih bekmah in a zat ngam leh sep ding teng ahi hi. Bang hang hiam cih

leh amah pen akimu theilo Pa hi a, tapa bangin hong om a hi hi (Jn.5:17; 8:28; 10:30,37,38). “Kei pen Pa

tawh pumkhat ka hih lamtak umlo na hi hiam? Note tungah ka hong gen thute keima thu bek tawh a

hong gen ka hi kei a, kei tawh a om Pa Pasian in na semin a hong gen ahi hi” (Jn.14:10).

Jesu min in mun khempeuh ah a om Pasian ahihna tawh tonkhawm hi, “Note nih leh thum keima min

tawh na kikhop uh leh note laizang ah ka om hi” (Mt.18:20). Jesu sungah Pasian Khasiangtho a bucing in

ih nei hi, “Ama sungah Pasian pianzia (the Godhead) khempeuh muhtheih in a kim hi (Ko.2:9-10).

Jesu min taktak theihna in, mihing tangthu sungah Pasian pen mihing bangin hong paina a sang, a pom

leh a thei ahi hi. Hih thu hangin Pa, Tapa, Khasiang min khat bek ahi Jesu min tawh Sawltakte in

tuiphumna ah a zang uh ahi hi. Sawltakte tangthu bu sungah tuiphumna khempeuh Jesu min bek zangh

uh hi. Ama misiangthote pen Jesu min a neite kici hi (Sawl.15:17; James 2:7, pau dang LST te en in).

Tuiphumna bek ah zang hilo in, thuneihna, vangliatna ding zong Jesu min na zangh uh hi. Tuiphumna ah,

thunget ciang, lungdam kohna ah, thupha kipiakna ah, vai muakna ah, Jesu min bek mah na zang uh a,

bang hang hiam cih leh ama min sungah a ompihna om ahih lam tel mahmah uh hi. Ahizongin, Farisai,

Sadducee leh lai theite in Pasian min pen khat bek ka nei uh a, tua in Jehovah ahi hi. Tualo Pasian dang

min ah vangliatna a omlam ka za ngeikei uh hi, ci uh a, himah leh, Sawltakte in Jesu min tawh na

lamdang tampi a bawl uh ciangin, Jew mite in a cihna ding uh theinawnlo uh ahih man in Jesu min mah

zadah penpen uh hi. Tel taktak uh hi leh, amau Pasian ahi Jehovah leitungah hongpai na hi gige a, ama

min in Jesu na hi gige hi. “Theilo uh a hih man in sangpen Topa (Jehovah) singlamteh tungah thatkha uh

hi” (1Kor.2:8). Jesu min tawh thungetna ih cih ciang in, Jesu hong itna, hong hehpihna, hong lainatna,


15

hong huh nopna, hong awlhmawhna leh hong thudon ding cihnopna te ah lawhcing ding cihna ahi hi.

Ama min sungah amah om hi.

Ahizongin, ama min (Jesu) pulak ziauna tawh bang mah kilamdang pah ding a hituan kei hi; tua Jesu

mahmah um ding, nei ding, muang ding ahi hi. Skeuva tapate in Jesu neilo pi in Jesu min tawh dawite

hawlkhiat sawm uh a, dawite in hihgawp in nak liam mahmah uh hi (Sawl.19:13-19). Jesu a neilote

nangawn in zong lametna lianpi tawh Jesu min paulam in nalamdang bawlthei leuleu hi. Gupna ngah

ahituanlo, Jesu min in vangliatna tawh tonkhawm a, thungen niloh in Jesu min zang a nalamdang a

bawlthei Pasian nasem kici tampi om ding hi (Mt.7:21-23) ci in Jesu in gen hi.

Ih Phawk Ding Hong Kilahkhiatna Min

A kiselcip, tun hong pholak khiata Pasian min tawh kisai in ei sungah bangci neih a, bangci nuntak thei

ding hiam? Khatna ah, gupkhiatna leh tawntung nuntakna pen ama min sungah om hi cih upna neih ding

ahi hi (Jn.20:31). Mawhna pan kisik kik in, mawhmaina dingin Jesu min tawh ki tuiphum ding hi

(Lk.24:47; Sawl.2:38), tua ciangin Pasian piakkhong Khasiangtho Jesu min tawh kingah ding a, tua ciangin

gupngah mi hita hi (Jn.14:26; Sawl.2:38).

A nihna ah, ki tangsap khempeuh a kingahna dingin Jesu min tungtawn in Pasian ading nungta ding hi.

Satan tungah gualzawhna, vangliatna, damsakna, leh Pasian huhna khempeuh Jesu sungah a kicing in

om hi (Mk.16:17-18). Jesu min tawh hangsan leh khamuang takin thunget ding hi a, ama min sungah

vangliatna, thuneihna leh ama hihna om hi. Ahizongin, Pasian min limlim zangkhai zat ding hingeilo a,

lauhna, kihtakna leh a siangtho penpen in zat ding a hi hi. Jesu in hong kamciamna ah, “Keima min tawh

nong nget khempeuh uh kong pia ding hi” (Jn.14:14) ci hi.

A thumna ah, Jesu min a neite, leitung mite lak ah Jesu a hilhciante ih hih man in, ama min kem in

kampau leh gamtat ding a hi hi. Sawltakte khekhap zuihna ah Jesu min tawh haksatna thuak ngam,

nungtak ngamna ahi hi (Sawl.5:40-42). Tua mah bangin, eite zong Sawltakte inn sutpi a zomto te ih hih

man in, Jesu min hangin bawlsiatna, thuakna bangkim a kizosa ih hih ding thupi hi. Leitung khempeuh ah

hih lungdamna thubucing ama mint awh tangko ding in mawhpuakna lianpi a neite ih hi hi.

Ih sepna, bawlna, thupha ngetna, omna,phatna, biakna, thuhilhna, thugenna, bang kim ah Pasian khat

om a amin Jesu tawh hong kilang hi cih ih phawk tawntung ding hi, “Na kampauna, na gamtatnate

khempeuh uhah, Topa Jesuh hangin Pa Pasian tungah lungdam kohna-in Jesuh min paulamin na hih ding

uh hi” (Kol.3:17).


16

KHENPI LINA YAHWEH, YASHUA, MAW JESU?

Pasian min taktak (proper name) bang hiding hiam cih, thu um veve buang ih hihna sungah theih ding

leh telkheh ding ki hanciam tek hi. Tua sungpan in sawtlua nailo khat in Assemblies of Yahweh (AY) cih

pawlpi min khat hong piangkhia a, pawlpi dangte ngaihsutpak ngei kholloh Pasian min tawh kisai thu a hi

hi. AY in a genna ah Pasian min taktak (proper name) pen Yahweh hi a, gupkhiatna ih ngahna dingin

Yahweh min bek ahi hi, ci uh hi.

Hih pawlpi mite in tua Pasian tapa min pen Yashua ci in malgawm leh awsuak ding a hi hi ci phadiak uh

hi. Pau leh Lai dang tuamtuam tawh Jesu min a gelh: Iesous (Greek), Jesus (English), Jesu (Zomi), Isua

(Mizo), Jesuh (Kawl) cih tuamtuamte pen hitheilo hi, dawimin ahi ci zawzen uh hi. A genna vuah: English

pau a “Jesus” pen Greek te pasian “Zeus” min pan leh “Dionysus” cih min pan a lak uh ahi hi, apatna

“Ze” leh a tawpna “sus” kigawm hi ci uh hi. Tua ahih man in, pasiante min pan in kila pen dawi min ahi

hi, ci uh hi. AY laigelh ngei khat in “Jesus” min a khiatna in “vokpi”, “pig” ahi hi, ci hi (Je-the-sus).

Laisiangtho bulkan (Bible Scholars) khempeuh in Thuciam Lui Pasian min pen Yahweh ci in thukim khin

uh a, Jehovah ci mini pen a kisimthei dingin English panin hong kipuahpha hi ci uh hi. Schoilar a tamzaw

thukimna ah, Thukhun thak hun Hebrew leh Aramaic awsuah tawh Jesu min pen “Yeshua” ahih kei leh

Y’shua (Yashua cih dan “aw” bel hilo) cih bang dan hi in, Thuciam lui hun a “Joshua” tawh kivalak pen hi

ci uh hi. AY (Assemblies of Yahweh) te ngaihsutna leh Laisiangtho omzia etkak in ih sinsuk ding hi:

A khatna ah, AY hilhcianna ah, Jesu pen Pasian 100% dingin pom zolo uh hi. Jesu leh Pasian pen a

tuamtuak (separate persons) ahi uh hi ci hi. Jehovah witness pawlpite sandan mah bangin Jesu pen

tawntung Pasian ding in sang zolo uh a, kum simna tawhkisai in zong anih tuak un A.D. (Anno Domni, “in

the year of the Lord”, “Topa kum”) ai tang in C.E. (Common Era”, “taangpi khanghun”) cih zangzaw uh hi.

A.D. cih kum simna a zat noplohna uh ahang pen Jesu pen Pasian 100% dingin a san zawhlohna uh hang

a hi hi. AY pawlpi ngaihsutna ah, Sangpen Pasian min khat ahi ih cih ding pen Yahweh hi a, tua bek tawh

mihingte tungah hong kilang hi a, Thukhun thak sunga Pasian mihing bangin hong paina tuazah in thupi

ngaihsutlo uh hi. A taktak in, Thuciam Lui hun lai a Yahweh pen mihing bangin hong pai a, amin in Jesu

kici, a khiatna in “Yahweh-Gumpa”, “Yahweh in gupkhiatna” ahi hi.

Mi khenkhat in, Jesu min lawhna man taktak ding hi hi dan hi leh: Nazareth khua mi Jesu, Joshua,

Yeshua, amah pen “Eite tawh Pasian om khawm, Immanuel” (Mt.1:23), amite mawhna pan a tanhkhia

ding (Mt.1:21), Pasian pianzia khempeuh a bukim in nei hi” (Kol.2:9), cih bangin sapding hi ci uh hi. Bang

teng hileh, a sang penpen min, leitung, vantung mun khempeuh ah tehpih ding omlo, tua min ah khuk

khempeuh khuk din ding a, leii khempeuh in pulak ding, tua min tawh na khempeuh hih ding, Jesu min

bek mah a hi hi (Sawl.4:12; Efe.1:20-21; Fil.2:9-11; Kol.3:17). Hih thu hang mah in, sawltakte in Jesu min

tawh tuiphumna a nazang uh hi a, Yahweh min tawh a phumkei uh hi (Sawl.2:38).

A nihna ah, AY pawlpi ngaihsutna in tampi ah khial hi. Bang hanghiam cih leh Pasian min lawhna ah

mihing kampau leh awsuah tungah Pasian gupkhiatna kinga hileh, pau theilo leh laitheilote in

gupkhiatna a ngahna ding lampi omlo hi. Hebrew pau leh Hebrew lai, amau awsuah dan lian a neilo

minam dang khempeuh gupkhiatna lampi ding omlo hi. A taktak in min khiatna in a thupitna kilangsak

hi. Tua min khiatna dungzui in a tangtung zote, min puazo or min pualah cihdante hizaw hi. Tua min


17

kilawhna sungah min neipa hong kihel ding a thupi pen hi a, tua min neipa min sungah thuneihna,

vangliatna a om theihna ding tua min nei pen kua taktak hi hiam cih upna tungah kinga mahmah hi. Jesu

kua hi hiam cih upna tungtawn in amin ih sapciangin, hong dawng thei a, khiatna minnei hongsuak thei

pan hi.

Tua ahih man in Laisiangtho in hong genna ah, gupna, damna leh lametna amah Jesu min tawh ih ngah

hi hong ci hi. Ama min, a um hih mipa in damna angah hi ci hi” (Sawl.3:16). Ama min a um mi khempeuh

mawhna ki maisak ding hi” (Sawl.10:43). Sawltakte hun lai in mi tampite in Jesu min hang in damna

ngah uh hi, ahizongin Hebrew min “Yeshua”, “Y’shua”, Greek min “Iesous”, tawh hoihtak in a sapna uh

hang hilo in, tua Jesu upna nei in, Jesu tawh kizopna hang hizaw hi. Tua Jesu a upna tungtawn in tua Jesu

min pulak uh a, upna leh ama min tungtawn in lawhcinna ngah uh hi.

Skeva tapa sagihte in Sawltak Paul min lawh dan linlian tawh dawite a hawlkhiat sawm leh Paul dan in

lawhcing hetlo hi, bang hang hiam cih leh min lawhciangin “awsuah hoihna” tungah kingalo a, tua Jesu

tawh kizopzia tungah kinga zaw hi (Sawl.19:13-17). Amaute thanemna pen “awsuah zia” hilo in, upna leh

tua Jesu sanzia manlohna hang ahi hi.

Mihingte kampau leh awsuahte ih sin kawikawi ciang in, ei upmawhna sangin a buai huai zawkna tampi

om hi. Nam khat leh nam khat, awsuah man sitset in a pau thei ding tawm mahmah a, a paukhia thei

sunsun te mipil taktakte leh mun tampi ah a khuasa kawikawi te bek ahi hi. Tua pen pau leh awsuah hi

pan a, minam khat pau leh ham pen lai tawh a gelh uh ciang in nakpitakin buaihuai zawlai hi. Thuciam

Lui lai original Hebrew nangawn zong awsuak (vowels) omlo in kigelh a, A.D. 500 kumciangin Massoretes

te makaihna tawh awsuak (vowels) hong thuahtawm pan uh a hi hi. Hebrew LST (Thuciam Lui) pen

Greek in leitung hong uk hunciangin Hebrew mi khangthakte in Hebrew lai sim thei nawnlo uh ahih man

in, Hebrew pan in Greek lai in 250 BC kum sungin Hebrew mipil Greek laisiam 72 te in Izipt gam

Alexandria khuapi ah hong teikhia uh a, original kam pan in a kiteikhia masa penpen ahi hi, amin pen

“Septuagint” ahih kei leh “LXX” ci uh hi. Yahweh cih kammal te ah Kurios (ci in hong letkhia uh

a, Pasian (Elohim) cihna munte ah Theos (ci in hong let uh hi. Jesu leitungah a vak hunlai in,

original Hebrew LST sangin Greek kam tawh a kiteikhia “Septuagint” version pen mikim in simtheizaw uh

a hih man in, ki lim zatzaw ci in Bible Scholars a tamzaw in gen uh hi. Jesu mahmah in mualtung

thuhilhna leh a thugenna a tamzaw ah Aramaic pau limzat zaw hihtuak hi. Jesu kikhaina singlamteh a

lutung san tak ah, “Jew mite kumpipa Nazareth khuami Jesu” (Jn.19:19) ci in nampi pau thum tawh

kigelh hi:

ABB. Greek English Zolai

I : Iesous -Jesus -Jesu

N : Nazareth -of Nazareth - Nazareth khuami

R :Res -King - Kumpi

I :Ieoudas -of the Jews - Israel mite


18

Jesu nuntak lai mahmah in, ama min pen pau namthum tawh kigelh khin zohi cih Jn.19:19 sungah ih mu

hi. Minam lai cih ciangin a kilamdang tampi om hi. Mangkang sangmangte in Zomite ading lai (script)

hongbawlsak uh a, tua hong bawlsak lai tawh ih pau khempeuh ih gelh hi. English lai bulpi (ABC) hong

zangsak uh hi mah leh, ih zat ngei hethet loh, ei pau ah zong a om kilkel lo lammal honkhat om hi (Qq,

Xx, ).

Thukhun lui khempeuh atamzaw Hebrew in kigelh hi a, Thukhun Thak khempeuh Greek lai tawh kigelh hi

ci in, LST thu bul kante thukim uh hi. Jesu thugente, a nasepna leh a tangthute ban ah, sawltakte

nasepna leh Thukhun Thak khempeuh Greek lai in mi giat (Mate, Mark, Luke, John, Paul, James, Piter,

Jude) te in hong gelh uh hi. Jesu min Hebrew oirignal pen “Yeshua” or “Y’shuah” himah a, Greek lai in

hong gelh uh ciangin, a kineh penpen ding in Iesous () ci in hong gelh uh hi. Jesu nuntak lai

mahmah in zong, ama muhna ngei mah ah ama min Iesous ci in kigelh khin zo hi (Jn.19:19). Hebrew

awsuah linlian in gelhna dingin Greek laimal sungah “Y” leh “Sh” laimal ding neilo uh hi. Gentehna in,

Kawlpau, Zomi, Korea pau sungah “s” tawh a tawp kammal ih neikei hi. S tawh kipan, kammal laizangah

“s” kammal tampi ih nei hi (siangtho, sisan, siansuah, sehnel, sawpsiang, sinsen, sehsat,) ahizongin “s”

tawh tawp ding kammal khat zong ih neikei hi. English lai leuleu ciangin, “s” tawh kipan tampi om a, “s”

tawh a tawpzong tampi om hi (gtn, salvations, sensitives, schools, sins). English lai leuleu ciangin “Sh”

tawh laimal tampi anei uh hi (Shine, shame, shout, shall). Tua ahih man in, Greek te laimal ah a om hetlo

citciat Hebrew min “Yeshua” hong gelh uh ciangin a kineh penpen dingin Iesous () hongsuak hi.

Amal leh awsuah dan maan penpen a thupi hong hinawn lo in tua Jesu in kua taktak hi hiam cih upna

tawh kizom eimau pauciat tawh lawh theih ding in tangzai takin hongkipia ama min hong suak a, tua in

leitung mimawh khempeuh tanhkhia ding ahihna hong kilangsak hi. Bang hang hiam cih leh hih pau

tuamtuam a piangsak pen Pasian mah a hi hi (Pian.11). Tua pau tuamtuamte awsuah pen amau lungtang

tawh a simkhawm thei Pasian hongsuak zaw hi. Israel mi honpite in Jesu ci in ih lawh a min original ahi

‘Yeshua’ tawh samthei napi in a lungtang uh tawh nial uh a, that zawzen uh hi. Tua Yeshua pen amau

pau in lo sinsen theilo hi mah leh ama minam awsuah tawh a sam lel a Iesous a ci Greek mi tampite in

gupna ngah hi ci in Sawltakte tangthu bu (the book of Acts) sungah ih mu hi.

A thumna ah, Assemblies of Yahweh te thuhilhna maan ding hi leh sawltakte gelh Thukhun Thak bu 27, a

vek in ih zatloh hong kul ding a, a kiteisawn manuscripts te zong zat hetloh kul ding hi, tua hi leh tuhun

ciang in Jesu tangthu leitungah kitheihkhiatna ding lampi om hetlo ding hi. Rome kumpi thuneihna tawh

Khirtiante a kibawlsiat hun lai in, ih LST (a lui leh a thak) leitung pan in a beisiang nadingin hanciam uh hi

mah leh, Jesu thugen hong tangtung a, “leitung leh vantung a mangthang ding hi, ahizongin ka thu ahih

leh a neu pen (jot laimal) nangawn a mangthang ngeikei ding hi” (Mt.5:18). Assemblies of Yahweh

thuhillhna a man leh sawltakte in Thukhun Thak gelh lo hi cihna hi a, bang hang hiam cih leh sawltakte

in Iesous cih kammal hong zang masa pen uh hi. Tua ahih leh, AY thugenna pen up huailo hongsuak hi.

NT criticism khen khat in, Mate bu pen Hebrew ahih kei leh Aramaic tawh gelh hi ci uh a, tua nangawn

zong anialte genna hi a, Bible Scholars a tamzaw in hisatheilo uh hi. Bang hang hiam cih leh Thukhun

thak khempeuh Greek tawh a kigelh a hihna kilang hi. Gospel Luke leh Sawltak bunih a gelhpa pen

Gentile minam Luka hi a, Gentile minam mah ahi Theophilus tungah a khak hi sawnsawn lai hi (Lk.1:1;

Sawl.1:1), a nih un Hebrew leh Aramaic thei taktak ding maw cih pen kikuppi khat hilai ding hi. Sawltak

Paul in Gentile pawlpite tungah lai tampi khak a, tua khuate in Hebrew lai theikim hetlo ding a hih man


19

in, Greek lai a kizatna gam ahih mah bangin, Greek lai tawh gelh hi cih kician mahmah hi. Thukhun thak

laimal te ih et phatphat ciangin, original pen Greek lai hi cih pen kician sinsen in kithei hi.

Assemblies of Yahweh te zat LST sungah, TL Pasian cih kammal khempeuh ah “Elohim” ci in let uh a,

Topa cihna mun khempeuh ah “Yahweh” ci uh hi. Hebrew pan in a kiteikhia masa pen Septuagint

(Hebrew to Greek), Targum (Hebrew to Siria, Bu masa ngateng bek), ancient manuscripts (tanglai LST a

kiteikhia masate)te sung ah tua bang a Pasian, Topa, vantung mi min cih tuamtuamte Hebrew lai tawh a

tuam in kigelh cih bang kimu ngeilo hi. Sawltakte gelh thukhunthak bu 27 te nangawn zong Pasian, Topa,

Jesu minte ah Hebrew awsuah tawh kigelh cih bang kimu ngeilo hi.

A lina ah, AY thu bulkante in English Jesus pen Greek pasiante min nih Zeus leh Dionysus pan a kila hi ci

uh a, genkhial mahmah uh hi. Webster’s Unabridged Dictionary in kiciantak in gen a, English LST sunga

Jesus hong piankhiatna pen Latin Iesus pan hi a, Latin in Greek Iesous pan a lak hi a, Iesous pen original

Hebrew Yeshua pan kila ahi hi. Yeshua cih min pen, original Hebrew min Yehoshua pan in hong kila hikha

ding hi (Gam.13:16) a khiatna, Yah (Yahweh min tom lakna), hoshia “hong huh” a deihna hong tanhkhia,

“Yahweh in hong gumpa hi” cihnna a hihi.

AY te zat Yashua leh a tunga kisai khalo hi, original taktak ah Yehoshua ahih kei leh Yahweh-hoshia

cihding a hi hi. Tua ban ah, English minlawhna Jesus pen, a aw kineh thei penpen ding pan in a kilet

suksuk hi a, Hebrew, Greek, Latin, leh English cih bang ahi hi. Zomi LST sungah Zeisu ahihkei leh Jesu cih

pen Kawl LST Jesuh pan in hong kilato sawn hikha ding hi.

AY genna tawh kisai Je leh sus pen malnih hi a, a khiatna “pig” “vokpi” hi cih pen, tua bang khiatna a

suaksak dictionary tuni ciangciang om nailo hi. Original Greek laimal kizop zia ah, a tawpna laimal te os,

eus, ous cihte hi a, eu leh ou pen malnih akigawm a hih hangin aw khat in a kizang nam ahi hi. Gentehna

in, A, aw cih bang dan a hi hi. Zolai ah “w” laimal khat bek tawh a ki at leh a kisim omlo a, “a+w” “aw”

bek tawh “w” kizang khawm hi. Tua mah tawh kibang hi a, Je in a tuam khiatna neilo in, sus in a tuam

khiatna neilo hi. Ahizongin, original Greek Iesous tawh a kilato sawnsawn a hi hi. Bang hang in original

Greek kici hiam cih leh Thukhun Thak bu khempeuh Greek tawh a ki gelhna hang a hi hi.

A ngana ah, Jesu min a vangliatna tawm en ni. Ei mau pauciat a Jesu min tawh dawi kihawl khia in,

Khasiangtho kingah a, upna tawh cinate ading thu a kingetsak ciangin cinate in damna ngah hi. Tua Jesu

pen kua taktak hiam cih thei in, um in, muang leng a min “awsuah” dandan in hong gumkhia Pasian a hi

hi. Pau tuamtuam piankhiatna dingin a phal Pasian mah na hi hi. Tua pau tuamtuam khempeuh ama

adingin pau khat mah bang hilel hi. English mi khat Pasian in a hopih ciangin Hebrew tawh hopih

tuanselo a, amau minam pau ciat tawh hopih hi. Pasian genloh vantungmite nangawn in ei leitung

minampau tuamtuamte hong theikim uh ahih man in, leitung vai tuamtuamte pen vanlam mite adingin

thuneu mahmah ahihna thu ih mu hi.

A khupna dingin, Pasian tangthu leh thukhamte pen Israel te khut sung bek ah a om lai in, Leitung mi

khempeuh Pasian ih muh theihna ding in dalnan puanpi tawh a kibang pen Israel minam hong suak hi.

Bang hang hiam cih leh a nungta Pasian ih biak theihna ding in Israel minam suah masak kul a, vun ki-at

masak kul a, Hebrew pau leh lai zat masak a kul ahi hi. Leitung mite khempeuh hong huam zolo uh a

hihman in, hun nunung ciangin Pasian in a Kha Siangtho hong bua suk a, leitung khempeuh ah


20

lungdamna thu kihilh in, pau khempeuh tawh a nungta Pasian khat thu ki um theita hi (Rom.11; Lk.2:28-

35).

Thuciam Lui lai mahbangin Pasian in ama hihna leh a vangliatna khempeuh tawh Thukhun Thak hun ah

hong langkhia a, tua tangtawng Pasian khat bek mah hong kumsuk in a, leitung lawhna ah Nazareth khua

mi Jesu ahi hi. A leitung pianpih sanggamte in daipih ngamlo uh a, ahizongin sihna pan in gualzawhna

tawh Jesu a thawhkik khit nung pan kipan in Kha Siangtho in amaute sungah a om a kipan, Jesu pen a

nungta Pasian taktak a hihna hong pomthei pan uh hi. Tua pan kipan in Jesu sila ka hi hi kici ngam sinsen

ta uh hi (James 1:1; Jude 1:1). Pasian khat ahi a min Jesu pen leitung a om mi khempeuh tungah kihilh

ding a, lai khempeuh tawh kigelh ding hi, lungdamna thu bucing mun khempeuh a kigen khit ciangin a

beina piangpan ding hi (Mk.16:15; Sawl.1:8; Mt.24:14). Tua Pasian khat bek amin Jesu cih um in hong

tatkhiatn sangthei a, mawhna pan kisik kik in, ama min Jesu min tawh a kituiphumte tungah Ama min

tawh Kha siangtho kipia ding a, bang pau bang pau in na pauzongin, Jesu na sungah a nuntak nak leh

Pasian min vangliatna tawh na tonkhawm ding hi.


21

KHENPI NGANA JESU MIN TAWH TUIPHUMNA

Laisiangtho bangpau bang lai in a kigelh phial zongin, Thukhun Thak pawlpi dinna Sawltakte tangthu bu

sungah tui kiphumna omlo in pawlpi ding cih bang omlo hi. Kammal dangin gel la hang, upna nei mi khat

peuh ki tuiphum nuamlo citciat cih bang omlo hi. Tua tuiphumna ah min kihel in tuiphumna om a, tua

pen Johan tuiphumna mah kici veve hi. Jesu um a, a thu a zui mite Jesu min tawh tui kiphum hi cih LST

sungah ih mu hi. Sawltak bu sung pan in mun nga te bel et deuh in tawm ih sinsuk ding hi:

Pentecosta ni a Jew Mite ki Tuiphumna

Thukhun Thak pawlpi din ni in, Jesu a vankahzawh a masa penpen pawi in Pentecost pawi ahi hi. Jesu

kamciamna thuzui a a ngak mi 120te Kha siangtho tawh hong kidim tek uh hi (Sawl.2). A ngak uh pen

Pentecost pawi ahikei hi, ahizongin Khasiangtho pen Pentecost pawi ni in hong tung khelkhel hi. Kha

Siangtho tawh a kidim uh ciangin, cikmah hun a, a sin ngeiloh uh pau tuamtuam hong pau uh a, a

theihloh uh pau tuamtuam zong hong pau uh hi. Amau theihloh pau uh a (1Kor.14:2; Sawl.2:40)

ahizongin a zate in amau pau in a za om hi (Sawl.2:11). Pau khempeuh tawh Jesu thu kitangko ding

ahihna thu a lahkhiatna zong hikha ding hi. Hih thupiang a munuam mi tul tampi hong kikhawm uh a,

Sawltak 11 te leh Piter hong dingto in, tua mipite tungah lungdamna thu bucing hangsan takin hong gen

ziahziah uh hi (Sawl.2:14). Hih mipite pen Pentecost pawisim dingin hong pai uh hi napi in, amau pawi

bawl ding buaipih man nawnlo in Kha Siangtho kibuakna hangin khanlawhna tawh khuasung ki

gamlumzaw hi.

Mipite buaina a masa penpen kam tuamtuam tawh pauna ahi hi. Piter in hilhcian a, kamsang Joel

genkholhna a tangtung ahi hi ci in, mipite lungkhamna hong vengthei hi (Sawl.2:16-21; Joel 2:28-32).

Piter in Jesu thu hoihtak in a gensiang mateng athu gen khawl sawm hetlo hi, a gen na ah, TOPA

(Jehovah) min tawh a kisam khempeuh in gupna angah ding hi”(Sawl.2:21). Hih tawh kizom in mipi

tungah a telnop mahmah gospel hong gen na ah, naNazarethh khuami Jesu pen si, kivui, thokik ahihna

thu hangsan tak in hong gen hi (Sawl.2:22-36; 1Kor.15:1-4). A thugen na ah, “na thah uh Jesu pen Pasian

in Khazih leh Topa in bawlkhin hi” (Sawl.2:36). TOPA min in Jesu ahihna thu a zawhma teng a thugen

khawl lo hi.

Piter thugen a za mipi khempeuh lungsim sungah Khasiangtho in nasem a, Messiah a nialna leh a thahna

uh mawhna pan in bangci bangin suakta thei ding, mawh maisakna bang ci ngah ding cih a lungtang uh

dawt bangin nasa uh hi. Piter khiang ah, “bangcih ding ka hi uh hiam?” (Sawl.2:37) cin in dong uh hi.

Amaute in Jesu pen amaute TOPA (Jehovah) dingin hong sang nuamta uh a, amaute Messiah ahihna thu

hong pomthei ta uh hi. Bangci bangin hotkhiatna ngahthei ding cih hong lunggulhta uh hi. Piter leh a

dang sawltak khempeuh thukim in hong genna vuah: “Na bekpi un na mawhna uh panin kisikkik un la,

note mawhna hong kimaisak theihna ding in Jesu min tawh kituiphum un, tua hi leh Pasian piakkhong

Khasiangtho na ngah ding uh hi. Hih kiciamna in note leh na tate uh, gamla a om Pasian sapsa mi

khempeuh ading ahi hi” (Sawl.2:38-39), ci in hilh hi. Amaute in sangthei in um uh a, tua ni in mipum

3,000 kituiphum uh hi (Sawl.2:41).


22

Mawhna kisikkik mite mawhna sungah misi hih ding ut uh a, Khazih bangin si khawm, a kiphumkhop

theihna ding un tui kiphum, Kha pumpi tawh a thawhkik mah bangin, Khasiangtho ngah uh hi (Rom.6:1-

7; 7:6; 8:2,10-11). Ih sin nop a thupi khat ah, sawltak Piter in a kammal zat ngaihsun ni: “na vekpi un”

Jesu min tawh kituiphum un la, “Topa eite Pasian in a sap mi khempeuh” ading, cihthu ahi hi. Jesu min

tawh tuiphumna pen tua Jesu pen “Jehovah” hi cih sanna leh upna hi a, ama sihna, kivuina, thawhkikna:

the full gospel santheihna bek hilo in ih nuntakna ah hong lutna kilatna ahi hi.

Mi khenkhatte in Jesu min tawh tuiphumna pen thumaan hi mah hi, ahizongin amah a that Jew mite

tuiphumna zat dingdan ahi hi, ci uh hi. A taktak in, Jew uliante thuneihna tawh Khazih a si ih sakkhak

ding lauh huai mahmah mawhna lian khat ahi hi. Rome galkapte bawlsiatna hangin Jesu si ih sak khak

ding lauh huai hi. Ama sihna hang taktak pen, a si ding in a mah kiphal ahihna hi masa penpen hi. Bang

hang in si citciat ding, “sibualo mawhmai lo,” leitung mawhna puakhia ding gan sisan tawh mawh mai

zolo ahih man in, Pasian-mihing (God-man) sisan bek tawh mawhna a mai ahi hi (Heb.8-10 chs),.

Mawhna hangin Jesu si ahi hi. Singlamteh tungah a that pen mawhna ahi hi. Mawhnei mi khat a kisik

ciangin Jesu min tawh a ki tuiphum leh a khiatna ompan a, kei tangin Jesu silo hi a ci peuhmah Jesu min

tawh a kituiphum zongin a khiatna om tuanlo hi. Thu um a, kituiphumte in gupna a ngah ding hi

(Mk.16:16). Jesu in TOPA (Jehovah) hi ci in a um khempeuh Jesu min tawh a kituiphum ding a hi hi. Tua

in Topa khat bek, upna khat bek, tuiphumna khat bek a cihnopna a hi hi (Efe.5:4). Jew mite bek mah

Jesu min tawh ki tuiphum ding hiam cih LSt tungtawn in ensuk lai ni:

Samaria khuamite zatna

Sawltak alian 8, ih sim ciangin Filip gospel genna thu ih mu hi. Samaria ih mite pen Judah, Benjamin, leh

Levi mite in a etniam mahmah minam hi citciat hi. Bang hang hiam cih leh Samaria mite pen namdangte

tawh kiteng gawp uh a, a kahbia mahmah minam khat ahi hi. Kipi leh kiten vai bek hilo in biakna lam ah

zong a nungta Pasian leh gamdangte pasiante a bia khawm minam ahihna hang uh hipi pen hi. Jew

minam sit ahih loh uh hangin, Jew minam sit te mah bangin Jesu min tawh thu um mite ki tuiphum uh hi

(Sawl.8:16).

Mi khenkha tin, Samaria mite pen Jew minam sit linlian ahih loh hangin, minam khat mah tawh kibang

veve uh ahih man in, Jesu a that te ahi uh hi, tua ahih man in Jesu min tawh a kituiphum uh a hi hi, cithei

uh hi. Bang hang hiam cih leh Pa Pasian a thei veve leh a um veve te a hi uh hi, ci uh hi (Jn.4:1-42). Jesu

min cih pen Jew minamte ading bek a hi hi cinuam tentan thei uh hi. Ahizongin, hi bang ngaihsutna pen

LSt tawh kituak khinlo ahihna thu aban ah en lai ni:

Gentile minamte te in Jesu min a zatna

Sawltak a lian 10, ih sim ciangin, Pasian in sawltak Piter kiangah Gentile mite tungah thuhilh ding in sawl

hi, cih ih mu hi. Rome galkap mang (Gentile), amin General Kornelius inn ah lungdamna thu bucing

tangko in Piter hong kipan taktak ta hi. Khasiangtho hong kumsuk ni masa Pentecost ni mah bangin

amaute sungah Khasiangtho hong tung a, kamtuam in hong pau uh hi. Piter tawh gospel a kithuah

khawm Jew minam Khristian te in hong mu uh a, Gentile te tungah zong Khasiangtho tung veh e”

(Sawl.10:45) ci in lamdang sa uh hi.


23

Kornelius te innkuan pen Jew minam a suak tawm (Proselyte Jew) ahikei uh hi. Rome galkap, gentile mi

diktak ahi uh hi. Pentecost ni in Jew minam khenpi thumte kim uh hi:

1. Jew minam sit (the Hebrew): Judah, Benjamin, leh Levi minamte hiphadeuh uh hi.

2. Kahbia minam (the Hellenistic Jew): Israel minam 9 te (a tunga thumlo teng)

3. Suaktawm minam (Proselyte Jew): Namdang pan Israel minam a suaktawmte.

Hih a tunga Israel minam khentheih namthumte a vek un Israel minam taktak mah hi a, vun-at minam,

Moses thukham zuihna pen biakna maan hi aci minam ahi uh hi. Hih a tunga Israel minam thumte pen

Pentecost ni in kim khin uh hi (Sawl.2:10). Ahizongin, Kornelius innkuan pen a tunga Israel minam

thumte tawh kisai khalo in, Gentile minam sit ahi hi. Jew minam adingin Gentile te inn ah va hawh a, an

ne leh tuidawn ding a hihtheih loh zia zong Piter in siangtak in gencian hi (Sawl.11:1-4).

Jew minam sit zong hilo, Samaira mi zong hi beek lo, Galilee minam zong hilo kim lai, Khasiangtho a ngah

tak uh ciangin, amau piak hilo a, tunglam pan piakkhong Khasiangtho a hih man in, lamdang sa peuhmah

uh hi. Hi bangin Khasiangtho a ngahna uh pen Jesu hang hilo hiam ci in, “Jesu min tawh a tuiphum hi”

(Sawl.10:48). Greek manuscript lui mahmah khat in hih tang munsan ah “Jesu Khazih” min tawh ci citciat

hi. A nial nuam tentan honkhat om lai lai a, tuate in Kornelius te zong Jew te updan mahbangin biakna

hat mi in, tua dan namte Jesu min tawh a ki tuiphum ding mah hi, ci uh hi. Ento laileng, biakna vai hiaulo

Korin khua cih khat om hi. Hih khua pen, milim, mawhna tawh kisai a uangtat mahmah nakhua ahi hi.

Hih khua ah pawlpi a dinkhit nangawn in zong kikhenna, buaina, minsiatna tampi a om phatdeuhna LST

sunga kigelh pawlpi khat a hi hi: “Paul pawl, Aposlos pawl, Piter pawl, Khazih pawl” (1Kor.1:12). Amaute

ki tapkhapna tawh kisai Paul in taibawl a, “Khazih kikhenkham thei hiam”, note adingin Paul in sihna

thuak hiam? Ahih kei leh Paul min tawh a ki tuiphum kua na hi uh hiam? (1Kor.1:13). A dawn bang kigelh

hilai leh, Paul, Apolos, leh Piter te kote mawhna hangin kikhai kei mah ei, min dang min tawh ki tuiphum

kei mah ung, Jesu min bek mah tawh kiphum ung, a cihna ding uh kimu thei hi. Jesu min tawh a

kituiphum man un Jesu mite hi uh a, Paul mite ahikei uh hi. Pawlpi adingin Jesu si ahih man in, Pawlpi

zong Jesu min mah tawh akituiphum ding hi a, Pawlpi pen Jesu pawl ahihna hang ahi hi. Korin pawlpite

Jesu min tawh kituiphumlo hi zenzen leh sawltak Paul thudotna leh ataina in, a khiatna omlo ding hi.

A lian nunung lamah, Jesu min tawh a kituiphum khit uh ciangini, nakpitak in thapia hi bang hang hiam

cih leh amaute Jesu min tawh a kisam khinte ahihna uh hang a hi hi. Milim bia nuntakna pan khangkhia

in, mawhna namcinte anei khuamite ahih uh hangin hi bangin Paul in gen hi:

9Migilote, Pasian' Ukna sungah a lut hetlohna ding thu na thei uh hi. Note kihaibawl kei un. Numei tawh

a paktatte, milim biate, mi zi ahih kei leh mi pasal tawh a mawhte, pasal leh pasal a khialte, 10A gutate, a

huaihamte, zukhamte, mi gensiate, ahih kei leh mi' na a sutte khat beek, Pasian' Ukna sungah lutthei

hetlo ding hi. 11Note pawlkhat, tua bangin na gamta uh hi. Ahi zongin note pen i Topa Jesu leh i Pasian'

Kha Siangtho min tawh hong ki sawpsiang khinsa, hong ki siangsak khinsa, ban ah maisakte na hizo uh

hi.”


24

Aneu 11 na KJV pan in sim ni:

And such were some of you: but ye are washed, but ye are sanctified, but ye are justified in the name of

the Lord Jesus, and by the Spirit of our God.

Laisiangtho sung ih etciangin thu um mi khempeuh (Jew, kahbia, suaktawm mina, gentile) Jesu min tawh

ki tuiphum uh hi cih ih mu hi.

Tuiphum Johan nungzui Efesa khuamite

Laisiangtho genna bangin upna tawh a zuinuamte adingin a kinial theilo Jesu min tawh tuiphumna in

Khristian te zatding ahihna Efesa khua a tuiphum Johan nungzuite tungtawn in kimu thei hi. Khristian

tuiphumna (Jesu min) tawh a kibang nailote pen nih vei, thumvei ahih kei leh a kibat mateng ki tuiphum

kik ding a hi hi. Thumaan thutak tawh kituiphum mateng tuiphumna in Pasian in hong simsak ding a hikei

hi. Amin thupi kei, upna tawh ki tuiphumna thupi zaw ci in a gen nuam tentan omthei hi. A taktak in tua

upna in Jesu min a hih ding a thupi pen ahi hi. Mihing lungsim khensatna leh Pasian lungsim khensatna

koi manding hoih zaw hiam, kikum suk lai ni:

Sawltak 19, Lungdamna thu bucing gen kawikawi in Sawltak Paul Efesa hong tung hi. Hih khua ah thu um

mi pawl khat na om khin zo a, “note in thu na up uh ciangin Kha Siangtho na ngah hi uh hiam?..Kha

Siangtho om hi cih ka za ngeikei uh hi…tua a hih leh kua min tawh kituiphum na hi uh hiam?” (aneu 1-4).

Tuiphum Johan pen kamsang khat hi a, ama hunlai tuiphumna pen ama hunlai mite ading ahi hi (Lk.7:28-

30). Johan in tuitheh zanglo in tuisung ngiat, tui tamna munte ah tuiphum hi (Mt.3:16; Jn.3:23), mawk

phum pah lo a, mimawh ka hi hi ci a, a kisik kik mite bek tuiphum hi (Mk.1:4-5; Lk.3:7-8).

Tuiphum Johan nasep dan pen a manlo ahikei hi, ahizong in ahun khengta ahihna thu Paul in gen a,

Johan in ka nung a hongpai pa Jesu um un ci in gen hilo hiam ci hi. Efesa khua a om thu-um mite in Johan

tuiphumna ciang bek ahihna thu hangin, a nihveina Jesu min ngiat tawh tuiphumna kisam ahihna thu

gen a, bang hang hiam cih Khasiangtho khat beek tungah a tungnai kei hi ((Sawl.19:5). Hih mun san ah,

Sawltakte leh Johan zat tuiphumna a kilamdangna pen Jesu upna ding leh Jesu min tawh tuiphum ding,

tua hi leh Khasiangtho ngah ding cih thu ahi hi.

Efesa khuami Johan nungzuite tuiphumna zong a taktak in Pasian thu a um mite mah hi a, ahizongin tua

Pasian in Jesu hi cih upna ciangdong a neihmasiah Paul nasep amansiangtheilo ahi hi. Paul in, Pasian na

up khit nak uh leh Pasian leh Jesu a kibang hilel hi, adang kisam nawnkei uh ciai cimawklo hi. Jesu min

mahmah amaute sungah a nuntak theihna ding Paul nasep bulpi ahi hi. Jesu min amaute sungah a

nuntak theihna dingin leh Jesu min aneite asuah theihna ding un mawhna pan a kisik khin, tui sungah

kiphum khin,Pasian tate hikhin phialmah uh leh, a nihveina Jesu min tawh tuisungah phumkik hi.

Jesu min tawh ki tuiphum ding leh Jesu min tawh Khasiangtho ngahna ding in, Efesa khua ah a om Johan

nungzuite in haksa asa kei uh hi. Pasian thu um taktakte in thuman pom ding thu haksa in ngaihsunlo uh

hi. Johan nungzui pan in Jesu nungzui (thu um) mite hong suak uh hi. A taktak in, Efesa khuamite bek

Johan nungzui hihna pan Jesu lam ah a kihei uh ahi kei hi. It Johan (Zawhang), Andrew, Piter, Filip,


25

Nathanael te zong tuiphum Johan nungzui ngeite hi uh a, Jesu pen Mesiah taktak hi cih upna tawh apu

uh tuiphum Johan nusia in Jesu nungzuipi masate hongsuak uh hi (Jn.1:35-50).

Pasian thu um in, Jesu min akihel khalo tuiphumna a zang khatpeuh a om leh ko bawl ding ahikei hi, va

simmawh bawl zenzen ding zong a hikei hi. Ama kisap in Jesu min tawh kituiphumna leh Jesu min tawh

Khasiangtho angah ding kisam a hihna thu veina tawh ih hilhding, tua mawhpuakna lianpi a neite ih hi hi.

Jesu pen TOPA (Jehovah) hi cih a um mi khat pen Jesu min tawh ki tuiphum kulkei ciphial lengzong a

khawlthei ding hinawnlo hi. Tua mite, Jesu min tawh kituiphumna na kisam lai hi ci in va hilh le cin, hong

sangzo ngeilo ding hi. Amau kisap masak pen Jesu min tawh kituiphumna ahikei hi, Jesu in Jehovah hi,

tangtawng PA (everlasting Father) pen Pasian hi a, amah pen Israel mite tungah Jehovah in ka min ahi hi

ci in a gen ngei Pasian hi in, tua Pasian pen mihing bangin hong pai in, amin Jesu hi cih hilh ding a hi hi.

Tua Jesu in tawntung Pa (everlasting Father), tawntung tapa hilo (nothing to do with everlasting Son),

tawntung Pasian hi cih hilh le cin, Jesu min tawh hong nungta nuamta ding a, Jesu min tawh ki tuiphum

nuam bek thamlo in hih thuman thutak hilh ding a hangsan pen hongsuak ding hi.

Sawltak Paul Leh Jesu min

Jesu min tawh tuiphumna a nial mite in, gen dan tuamtuam neilai uh hi. Jesu min tawh kul citciat kei in,

“a min sung ah” hizaw hi, ci uh hi. Bang hang hiam cih leh Jesu min sungah “vangliatna leh thuneihna”

om hizaw hi. Jesu min sungah vangliatna om mah hi, ahizong in Jesu tawh kizopna aman kei leh a min

vanglian ciangbek mah hiding a, nang sungah vanglian lo ding hi (Skeva tapate ngaihsun in, Sawl.19:11-

20). Ih sungtawng dongah tua vanglian Jesu min ih lakding a hi hi.

Tarsus khuami Saul (Paul zong kici) pianthakna tungtawnin kician mahmah hi, tawm en ni: TOPA genna

bangin siampi Ananias kiang hong tung hi, siampipa in, “tho inla, na mawhnate na sawpsiang theihna

ding in TOPA min tawh ki tuiphum in” (Sawl.22:16). Jesu min a deihlo tentan te in, TOPA (Jehovah) min ci

hi, Jesu min kici lianlo hi ci uh hi. Saul in TOPA min pen khuavak in a kaptuk laitak in na dong khinzo ahih

manin Topa min bang taktak hiding hiam cih kuama hilh a kul kei hi. Khuavak in akaptuk laitak in, “Topa

(Yahweh) aw kua na hi hiam?...Topa in , nong bawlsiat KEIMAH JESU ka hi hi, ci in dawngkik hi”, “the

Lord said, I am Jesus whom thou persecutest: (Sawl.19:5). Ei LSt sungah “Keimah Jesu” cih a kigelh

khaklohna zong om hi. Jesu pen KEIMAH (Yahweh) cih min a neipa ahi hi. Saul in Topa min pen Jesu hi

cih hong telpah hi. A taktak in, Saul in pawlpi mite a bawlsiat lai in Jehovah (Yahweh, Topa) min tawh a

bawlsia ahi hi. Tua Jehovah min pen Jesu hi cih hong theih leh hong up a kipan in, Jesu adingin singam

zah dongin theihtawp suah in a nuntakna pia hi. Ananias kammal ih ngaihsut ciangin, tuiphumna ah Jesu

min tawh phum ngiat ding mah in sawl hi. Saul zong hong pianthak khiciangin, tuiphumna khat bek om

a, tua in Jesu min ahihna thu hangsan takin pulak hi (Efe.4:5; Sawl.19:5).

Tuiphumna ah Phuisam dan a thupitna

Sawltak Laisiangtho in thu um masa leh pawlpi masate in Jesu Khazih min tawh tuiphum hi cih hong hilh

hi. Jesuh phuhsa pawlpi, Sawltakte in a zoptoh, tuni dong in a kizomtoto ding, kalsuanna ahi hi

(Mt.16:18-19; 1Kor.3:11; Efe.2:20-22). Jesu in ka TOPA (Jehovah) taktak hi ci a, a um mite adingin updan

leh thumaan dan a zawi khat bek om a, tua in Sawltakte up leh hilh dang ding a hi hi (Gal.1:7). Jesu min


26

tawh tuiphumna pen thuthak a hikei hi, ahizongin Khristian tangthu ((300-1900 AD) sungah kiselcip

ahihna hang ahi hi. Jesu um a, ama min tawh ki tuiphum ding anial mite adingin ih phawk khakloh

tangthu kilaih ahihna thu phawkhuai mahmah hi. Jesu min tawh tuiphumna a thupitna tawm ensuk lai

ni:

1. A taangpi in: Khristian pawlpi khempeuh tuiphumna a zanglo kuamah ki omlo hi. Tuiphumna pen

Jesu upna hang hi a, Khristian a suak khat tuiphumna zanglo cih bang pawlpi omlo hi.Pentecost

ni in thu um mi khempeuh in Jesu pen Topa leh Messiah ding in sang uh ahih man in, Jesu min

tawh ki tuiphum uh hi (Sawl.2:36-38,41). Filip thugente, Samaria khua mite in Pasian gam thu

leh, Jesu min sangthei uh ahih man un Jesu min tawh ki tuiphum uh hi (Sawl.8:12). Efesa khuami,

Tuiphum Johan nungzui mite in zong tuiphum Johan in a gengen pen Jesu hi cih a tel uh ciangin,

Jesu min tawh tui kiphum uh hi (Sawl.19:4-5). Korin khuamite in zong Topa um thei ahih man un

ki tuiphum uh hi (Sawl.18:8). Upna takpi tawh Jesu a umtheite pen tua Jesu in ka Topa leh ka

Pasian hi ci thei uh a, ama min tawh kituiphum ding lunghiang ngeilo uh hi.

2. Tuiphumna in mawhmaina ding ahi hi (Sawl.2:38), ahih kei leh mawh sawpsiangna ding zong kici

thei hi (Sawl.22:16), Jesu min bek tawh ih mawhna maithei bek ahi hi. “Ama min tungtawnin a

um mi khempeuh mawhna kimaisak ding hi” (Sawl.10:43). Tuiphumna in mawhna maina hilo a,

Jesu a um mite, Jesu min tawh a kituiphum leh a mawhna uh maiding bek ahi hi.

3. Tuiphumna in gupngahna ding zong a hi hi (Mk.16:16; 1Pit.3:21), gupna ih ngahna dingin Jesu

min bek a om hi (Sawl.4:12; 2:21; Rom.10:9,13). Jesu min neihna dingin ih upna in tui kiphumna

ciang hong tunding upna a kisam hi, tuiphumna ah Jesu min ih nuntakna sungah a nungta hita hi.

4. Tuiphumna in Jesu tawh si khawm, kivui khaw, thokik khawm etssakna ahi hi (Rom.6:3-5): Pasian

Khasiangtho cik mah hun in a si ngekei hi, zong a sithei ngeikei hi. Ahizongin, hong sih theihna

ding in mihing bangin hongpiang a, Pasian mihing “God-man” hong si ahi hi. Si, kivui, thokik

ahihna tawh leitung mawhna puakhia ahi hi. Jesu in keima mawhna tangin si, kivui, thokik hi cih

a um mi khempeuh ama min tawh ki tuiphum ding a hi hi. Tuiphumna khat bek, upna khat bek,

Topa khat bek (Efe.4:5), Khristian te ading ahi hi.

5. Tuiphumna in Jesu silhna (mopuan) ahi hi (Gal.3:27). Jesu mopuan neihna ding lampi dang omlo

a, amah a um mite ama min tawh ki tuiphumna a hi hi.

6. Tuiphumna in Pasian innkuan suahna ahi hi (Jn.3:5; Titus 3:5): Tuiphumna ih gen ciangin a um

mite ki tuiphumna a gen ih hi hi. Upna neilo pi a, Jesu min tawh zavei ki tuiphum hangin,

thukhenna thuak ding bek in hong ngak ahi hi (Mk.16:16b). Piangthak ing a ci mi khat tuiphumna

tanglo cih bang LST sungah ih mu ngeikei hi (pawlpi hun ah), a kammal dangin pau leng Pasian

innkuan suahna khat ahi hi (Rom.8:15-16). Naungek a suakcil pen ama minthak tawh innkuan lai

( ) sungah khumpah a kul ngeina hi a, bang hang hiam cih leh innkuan mi

kibehlap cihna ahi hi. Jesu pawlpi, pumpi, zi, mo a suak ding in ama min ih neihna ahi hi

(Efe.5:23,29-32).

7. Tuiphumna in kha tawh kisai vun-atna ahi hi (Kol.2:11-13). Israel minam taktak hihna dingin vun-

at te bek mihing in a sim uh ahi hi (Lk.2:210). Jesu min tawh ki tuiphumna in khazih vun-atna ahi

hi.


27

A tunga, thu tawp nihna thute ih ngaihsut ciangin, Pasian innkuan taktak suahna dingin Jesu min lo

tawh suahtheihna lampi a omkei hi. Amasa in, Jesu min in eite gupngahna ding a hong kipia ahihna

hang ahi hi (Jn.14:6; Sawl.4:12). A nihna ah, A vanglian Pasian pen mihing khempeuh tungah hong

kilahkhiatna sang penpen min dingin hong ken min ahi hi. “Tua ahih man in Pasian in sangpi takin

lamsang a, min tungnung penpen min apia hi: tua Jesu min ah khuk khempeuh khuk din dinga,

vatung a om khempeuh, leitung a om khempeuh, leinuai a om khempeuhte in Jesu in Topa hi ci in a

leii uh tawh pulak ding uh a, Pa Pasian a thangsak ding uh hi” (Fil.2:9-11).

Mi tampitak in Fil.2:9-11 a sim uh ciangin, apa in a tapa a pahtawi na sang pen in Jesu leh a Pa kikal

thusa uh hi. A taktak in, Vanglian Pasian pen mihing bangin (tapa bangin) hong kumsuk a, kiniam khiat in

sihna ciang dong hong thuak hi (Fil.2:6-7). Jesu in Topa (Yahweh) hi ci in a pulak keihial zongin, nitawpni

ciangin, vantung a om khempeuh (gupngah kha khempeuh leh vantung mite), leitung a om khempeuh

(kum tul manna a taksa tawh a nungtalaite khempeuh) leh leinuai a om khempeuh (hell khuk sung a

tungkhinsa kha khempeuh) te in Jesu pen tanglai Pasian taktak hi Yahweh (Topa) hi ci in, akam ngiat uh

tawh pulak ding hi, cih akhiatna ahi hi. Pahtawina sang penpen a kipiak ciangin a ngahpan ding hi, cih

bangin tua Jesu (Pasian) pen ih niamkoihna ding tang ahikei hi. “A minthang Topa pen theilo uh ahih

man in thatkha uh h,” ci in Paul in na gen khin zo hi (1Kor.2:8). Ni tawpni ciangin theih loh phamawh in

khuk khem peuh leh lei khempeuh in a mang ding uh hi. Kamsangpi Isaiah in zong a gen na ah,

“Keimahmah ka kiciam khin a, a kikhelkik ngei nawnlo ding thukip hih bang ahi hi: 'Keima mai-ah mi

khempeuh hong khukdin' ding a,

keima tungah thuman ding hong kiciam ding hi,' cihna, kei' kamsung panin

thumanna tawh pusuakkhia khinzo hi” (Isa.45:23). Ni tawpni ciangin, nuntakna nei khempeuh in Jesu

pen tawntung Pasian mihing bangin hong kumsuk pen ahi ve aw ci hamtang ding uh hi.Tuiphumna ah

Jesu min tawh phuisam ding ih a thupitna a nuai a bang ahi hi:

The person of Christ: Khazih in kua taktak hi hiam?

The work of Christ: hong sepsakte, si, kivui, thokik

The power and authority of Christ: Khazih vangliatna leh a thuneihna

Tom gen in, Jesu min tawh ki tuiphumna pen honpa leh gumpa taktak in asanna hi hi. Pasal nei ding

nungak khat in a lawmpa ding ngai mahmah hi, ahizongin a kihel ciangin zuinuam hetkei citciat leh, a

ngaihna pen a khiatna omlo ngaihna ahi hi. Khauh gen ni ci leng, ngaihna kimanglo ahi hi. Upna nei mi

khat Jesu min tawh a kituiphum nop kei leh, Jesu a upna pen a kimanglo upna ahi hi. Ih mawhna pan in

hong gumkhia in Jesu hi a, mindang a nei nawn kei hi. Tui in ih mawhna hong sawpsiang theikei hi,

mihingte gamtatna tawh mawhna a mai ngeikei ding hi, thu gen siampa genna tawh ih mawhna a mai

ngeikei ding hi. Ahizongin, amah kua hi cih upna, bang hong sepsak cih pomna, ama hong sepsakna

sungah vangliatna om a, tua pen ama min tawh gupna ih ngahna dingin lampi hong honsak, ama hong

hehpihna ahi hi.

“Pasian sapsa mi khempeuh Jesu min tawh ki tuiphum ding hi” ci in Piter in Pentecost ni gen a

((Sawl.2:38-39), Jesu a um mi khempeuh a ding hipah hi. Jesu min tawh kituiphumna in Jesu thupiak


28

zuihna leh ama thu manna, ahi hi. “Pumpi nin sawpsiangna hilo in Pasian mai ah mang (obey) acih nopna

ahi hi (1Pit.3:20-21).

Laisiangtho tungtawn a ih muh ahi, Jesu min tawh tuiphumna, Jesu min lakna tawh kisai:

Amah um ci in, bang hang in amin deihlo thei ding ih hi hiam?

Bang hang in, amin gup ding lunghiang mawkmawk ding ih hi hiam?

Bang hang in, min khempeuh panin a lianpen min, gupna min nial kha mawk ding ih hi hiam?

Gupna min Jesu hi a, tuiphumna ah bang hangin Jesu min zanglo mawk ding ih hi hiam?

Keima min tawh Khasiangtho na ngah ding uh hi hong ci a, Khasiangtho ka ngah hi ih cih hun in,

Jesu min a kihelkha hiam?


29

KHENPI GUKNA

Mate 28:19 BANGIN TUIPHUM PHUISAMNA

Sawltak leh laikhak te sungpan ih muh dangin tuiphumna khat bek hi a, tua in Jesu min tawh cih

kician mahmah hi. Mi khenkhat in Mt.28:19 a sim uh ciangin, phuisamna a tuam in sawltakte

hun sungin omngei ding bang in a ngaihsun omthei ahih man in, anuai ah belt akin ensuk ni:

“Tua ahih ciangin note pai un la, midang khempeuh, keima nungzui mi suaksakin, Pa, Tapa, leh

Kha Siangtho min tawh tui sungah na phum un.

Go ye therefore, and teach all nations, baptizing them in the name of the Father, and of the Son,

and of the Holy Ghost

“ ႔

”

Mt.28:19 Tangpi muhdan leh a khiatdan (General considerations for Interpreting Mat.28:19)

Mt.28:19 in tuiphumna tawh kisai phuisamna ah “Pa, Tapa, leh Khasiangtho min tawh” ci hi leh kilawm

a, ahizongin Sawltak leh laikhakte sungah “Jesu min tawh tuiphum ding” cih dan tawh kibang hi. A

khiatnate ih bel-et ma deuh in bangci bangin hibang a kilamdang ding dan tawh a kibang LST mun nih

om thei hiam cih en masa ni:

Khatna ah, LST mun khat leh mun khat a tukalh thei mah ding ahi hiam ci in a ngaihsun omthei ding hi.

Laisiangtho ki tukalh hi mawk leh uptaak lo ding hi. Ih Lasiaigntho pen (1) Pasian humophna tungtawnin

LST hong piang ahi hi, (2) LST khempeuh ki thuhual hi (the unity of Scripture). Pasian humop ih ciang in,

khialhna bei (om kiukeuhlo) cihna ahi hi. Ih Laisiangtho pen mihingte adingin Pasian hongpiak ama Thu

hi a, thuman leh thutak ahi hi, tua ahih man in tangkhat leh adang te ki tukalh cih bang a om kei hi.

Mi khenkhat in LST ki tukalh bangin tuat uh a, “Piter leh sawltakte thu” sangin (Sawltak bu sung) “Jesu

genna” (Mt.28:19) thupi zawlo hiam a ci om hi. Hih bang ngaihsutna leh upna pen LST khat leh khat ki

tukalh hi ci in a umte ahi uh hi. LST kitukalh himawk leh LST tungtawn in gupngahna ding thutang leh

thuman muh ding a omthei kei ding hi. LST pen a muanhuaina khempeuh a bei ahi hi. A taktak in LST ki

tukalh ngeilo hi cih upna in, Pasian thu ahibangin upna a hi hi. Sawltakte sepna in thuman leh thutak

ahihkei mawk leh, Jesu nungzui kuamah omlo cihna ahi hi. Jesu thu bangin a gamta kuamah omlo cihna

ahi hi. Jesu thu a kigen leh a kigelh khempeuh zong up ngam taktak ding omlo cihna ahi hi. Bang hang

hiam cih leh Jesu in Laisiangtho a gelh bu khat beek a omkei hi. Ama thu pen laigelh 8 (Mate, Mark, Luke,

Johan, Paul, James, Piter, Jude) te in hong gelhkhiat “Thukhun Thak” ih ci hi. A taktak in, Mate laigelh

pen man hi (Pasian humop hi) ci in ih san theih mah bangin, sawltak leh a dang “Thukhun Thak” bu

khempeuh zong Pasian humop in ih pomtheih ding a thupi mahmah ahi hi.


30

A nihna ah, phuisamna pen a thupi hituanlo hi, Jesu ih upna a thupi hi a ci om hi. Tua ahih mawk leh,

phuisamna omlo in kituiphumna pen Jesu upna hangin a kituiphum cihtheih mawklo ding hi. Khristian

leh biakna dangte ki lamdanna in upna hang bekhilo in, tuiphumna ah ih up min tawh kiciamna hang ahi

hi. Pawlpi tangthu khempeuh ah (the Church History) phuisamna omlo in Khristian ki tuiphum khat beek

a om ngeikei hi. Phuisamna om limlim a, ahizong a kipuahpha phuisamna leh Sawltakte zat dan

tuiphumciangin phuisamna namnih bek a om hi. Tuiphumna ah phuisam zia in ih upna leh sanna hong

kilangsak ahi hi.

Jesu in thu um te ki tuphum hen, hong ci a, ki tuiphum kulkei Jesu uplel pen kicing hi, ih cih mawk leh,

Jesu tungah thu a nei ih suak ding hi. Thunei leh thukhen ding Jesu bek a om hi. Jesu um peuh leng

“nekkhawm” (the Lord’s supper or sacrament) kisam nawnkei ci mawk leng, Jesu sangin thuneizaw ih

suak ding hi. Ahizongin, tuiphumna nam khat bek om (Efe.4:5) ci in LST in hong hilh a, tua pen “bang min

tawh” (Sawl.19:4-5) cih pen a thupi ahi hi. Thuman bangin phui ih sam kei a leh ih kituiphumna pen

amawkna a suak ding a, vokpi a kisil khitciangin buan nawi lak ah a paikik lel tawh ih kibang ding hi.

A thumna ah, mi khenkhat in Mate leh sawltak genna pen phuisamna nam nih a hih bang in, khat teitei

zat ding ahi hi, ci uh hi. Hih LST bu nih in Khristiante tuiphumna ah a phuisam zia ding nam nih hi ci in

hong hilh a hih mawk leh Efe.4:4 paikhiat kul ding hi, Sawltak LST khempeuh paihkhiat kul ding a hi hi.

Bang hang hiam cih leh LST kitukalh thei ngeingei lo hi. Pasian khat bek hi a, leitung mi khempeuh

gupkhiatna ngahtheihna a thu namkhat bek hi in, lampi khat bek a om hi, ci in LST in hong hilh hi

(Rom.3:29-30). Tuiphumna zong nam khat bek ahi hi cih ih mu hi (Ef.4:5).

Mate leh Sawlte bute kibanglo hi cih ngaihsutna pen upna maanlo ahi hi, Pasian thuthuk khempeuh

amawkna asuaksak hi. Ahizongin, Laisiangtho khempeuh pen Pasian humop ahi hi” (“all scripture is given

by the inspiration of God” 2Tim.3:16). Mate leh Sawltak bute in a kilamdang phuisamna hong hilhlo hi.

Ahizongin, AD 300 kim pan kipan in phuisamna namnih zat hong kipan a, tua in Jesu leh sawltakte

pawlnih, thutuamtuak asuah uh ahi hi. Sawltakte hunpi sungin phuisamna namkhat bek mah kizanga,

Jesu thu in nam khat, lampi khat, upna khat bek ahi hi (Efe.4:5-6).

A lina ah, Mate leh Sawltak laibute ki tukalh lo in, phuisamna zong khat bek mah ahi hi cih upna ahi hi.

Hih pomdan, sandan, leh upna in Laisiangtho khempeuh Pasian humop hi a, khat leh khat ki tukalhna

omlo in, khialhna khat beek omlo hi cih a kemcing hi. Bek thamlo in laisiangtho akhiatna maan taktak

tawh kihilhna nampi nih in hong lak hi: (1) Laisiangtho mah in Laisiangtho man ahihna pulak, (2)

thumaan in bullet ding tampi nei toto ahihna hong gen hi (2Kor.13:1). A khatna in, laisiangtho tang khat

pen a mundang ah genkikna (hilhcian kikna) a om nawnkei leh, bang khiatna nei a kigen hiding hiam cih

ngaihsutlai ding ahihna hong gen hi. Anihna leuleu in, thuman thutak ih cih pen LST tang mun nih leh

thum ah a kibangin a kizatna, a tangtunna a omlam hong hilh leh ngaihsut sut kul lo in, hih pen a

tangtunna ahih man in a khiatna hih hipah hi ei, cih hong lak a hi hi. LST deihna pen mun khat bulphuh

gawpna tawh thatang hat thu suan nam hilo a, mun khat leh mun khat ki tukalh ngeingeilo (without

errors), tua pen Pasian humop adeihna zong hipah hi. Tua a hih man in, LST mun khempeuh pen Pasian

humop hi a, vangliatna neikim hi. Mi khatpeuh in LST mun a khiatna hong genciangin, a mundang khat

tawh a kilehbulh khak zenzen leh, tua mun pen deihkaih, ahih kei leh pampaih cihna ahi hi.


31

Hih a tunga thu tawh kisai ih ngaihsut ciangin Mate 28:19 leh Sawltak laibu thuhilhnate bangci bangin

hong tangtung maw, ki deihkaih hizaw maw cih ih sin beh ding hi. Tuhun Khristiante sungah hih tawh

kisai tuiphumna ah phuisamzia namnih bangin ih zat zenzen hangin, Thukhun Thak gelh Mate leh Luke te

pen upna kibang, tuiphumzia kibang hi uh a, sawltak khempeuh tawh amau adingin phuisam zia nam

tampi aom kei hi. Mate gelh, Jesu in Olive mual tungah vankah madeuh in a thugen linlian mah zong

Peter in za hi. Pite in Pentecost ni in a thuhilh laitak in zong Mate a om hi.

Pentecost ni thupiangte Piter in a gen hun lai in (AD 33) Mate zong kigelh nailo hi. Mate Laibu a kigelh

hun penLaisiangtho siam thubul kante genna ah AD 62-63 kum pawl in a gelh ahi hi, citek uh hi. Thu um

mite in Mate laibu a simma in, Pentecost ni a piangthakte Jesu min tawh na ki tuiphum khin zo uh a, mi

3000 val bang Pentecost ni in n apiangthak khinzo hi. Sawltak 2-7 ciang dong ih simsuak ciangin, thu

ummi pen 5000 val bang phakhin zo in, tuate khempeuh Jesu min tawh kituiphum thu umte ahi uh hi.

Thukhun Thak bu khempeuh a kigelhma in Khristian tampi na phakhin zo uh a, thu um mi khempeuh

Jesu min tawh na kituiphum khinzo uh hi. Tua ahih manin, Mate 28:19 pen thu um masate adingin

telkhialhna ding lampi a om kei hi. Bek thamlo in, amau kituiphumna leh upna tawh kisai in Pa, Tapa,

Khasiang in Jesu ahi hi cih tecipanna ahi hi. Mate Laisiangtho bu a kihawmkhiat ciangin, Khristiante

sungah tuiphumna tuam khat Khristiante sungah kizang hi cihtheihna ding mun khat beek a om kei hi.

Laisiangtho kigelh kumte enphot ni:

Laibu Min Gelhkum AD Laibu min Gelhkum Laibu min Gelhkum AD

Mate 60-63 Efesa 62 Hebrews 67-69

Mark 55-65 Filipppi 62,63 James 45-49

Luke 60-63 Kolose 62 1 Piter 60-63

John 80-95 1 Thesalon 51 2 Piter 66-68

Sawltak 63 2 Thesalon 51 1 John 85-95

Rome 57 1Timoti 65 2 John 85-95

1 Korin 55, 56 2 Timoti 67 3 John 85-95

2 Korini 56,57 Titu 65/66 Jude 70-80

Galati 49 Filemon 62 Mangmuhna 90-95

Hilhcianna kithuah (Myanmar-Tiddim Chin) Laisiangtho pan a kilakhia hi

Sawltakte nasepna te leh a kumte enni, Gospel laibu kigelh kumte zong ki enthei hi: AD 30 31 31/32 35/40 50 54-57 60-63 Sawltak (2-8 chs) (8 ch) (9 ch) (10 ch) (15 ch) (19 ch) Mate-Sawltak (gelhhun) Pentecost Samaria Saul pianthakna Kornelius Council Efesa khuate (Gospels Bute kigelhta)

Mate 28:19 Laimal Bel-etna (Analysis of the Test of Matthew 28:19)

Mate 28:19 in bang taktak gen hiam cih en ni: Laisiangtho khiatna ih theihtheihna dingin Grammatical-

historical method (a tangthu leh laimal omzia), leh literal method (ahi banglian in khiading) ih en phot

ding hi. Hi bangin khiatna maan hong suahtheihna dingin, a thupi mahmah thu pawlkhat om hi:


32

laisiangtho tangthu (Biblical history), Laisiangtho gamlim omzia (biblical geography), Laisiangtho

ngeinate (biblical culture), a mal kizopzia (setting: immediate background or situation), kammal deihna:

thugentehna kammaw, kamsang kammal maw, ahih kei leh akhiatna ding ngaihsut kulnawn selo in a

kitelsiang pah nam maw (literary mold: genre, special literary forms, figurative speech, parables), a tang

luanzia (context: immediate passage), tua ban ah Laisiangtho khempeuh ki tukalh theilo, cihte ngaihsut

masak khop ding ahi hi. Hih a tunga teng tawh Mate28:19 hoihtak in ih ngaihsut khop ding a hihi.

Grammar (Laimal ngeina maan)

Mt.28:19 in, min khat bek (singular) tawh phum ding in hong hilh hi “in the name of…” A telnop dingin

Gal.3:16 sim ni, “Tu-in Pasian in Abraham leh ama suanpa tungah thuciamna nei hi. Lai Siangtho sungah

a kigelhna-ah, mi tampi a cihnopna ahi, "Na suan leh na khakte," cih kammal na zanglo a, mi khat bek ahi

Khrih a cihnopna-in, "Na suanpa," ci-in na gen hi.” Hih mun san ah zong commentators khempeuh mi

khat bek mah hi ci in thukim uh hi. Matthew Henry’s commentary bu sungah, “We are bapzited not into

the names but into the name, of the Father, Son, and the Spirit, which plainly intimates that there are

one, and their name one.” (Eite ki tuiphumna in min tampi sung hilozaw in, Pa, Tapa leh Khasiangtho

min (khat bek) tawh a kituiphum ih hi hi, siangthotakin hong hilhna ah hihte min khat bek ahi hi”).

Hibang in Laisiangtho akhiatna genna leh hilhna in Thuciam Lui hunsunga kamsangte genkholhna a

tangtunna zong hi a, LST khat leh khat kituak diamdiam a hihna zong kilangsak hi, “Tua niciangin amah

kumpi hi ding a, Topa khat, min khat bek a nei ding hi” (Zech.14:9, ei LSST a kikhen masa, or paudang

pan sim in).

Kuakua in gen ta leh: Pa, Tapa, Khasiangtho in Pasian khat ahi hi, acilo ki omlo hi. Tua Pasian khat pen

tuhun in bang min tawh hong kilang hiam? Khenkhat in Jehovah cih min tawh a hidiam maw, aci om

maithei ding hi hang. Ih gens amah bang in, tua Pasian khat pen Thuciam Lui hun lai in Jehovah cih min

tawh kilang phadeuh a, Thukhun Thak hun ah tua Jehovah pen “Keimah ka hi hi” ci in Jesu in gen hi

(Jn.8:24). Tua Pasian khat pen amin Jesu cih tawh hong kilang ahi hi.

Pa, Tapa, leh Khasiangtho cih pen min taktak hilo hi (not proper name or noun), ahizongin tangpi

zatkhop theih hihna namte ahi hi (common descriptive titiles). Min taktak ahi hi, a cinuam tentan a om

leh zong Mt.28:19 in, min khat bek tawh cih hong hilh ahi hi (in the name of…), min thum tawh acikei hi.

Pa, Tapa, leh Khasiangtho sungpanin min khat bek cih citciat himawk leh a koi pen hiding hiam, ahih kei

leh tua teng thum min pen bang himawk ding hiam ci in ki dong tentan lai ni:

A dangte nih (Pa leh Khasiangtho) min pen ngaihsun laiphot ni in, ngaihsutsut a kul nawnlo “Tapa min in

Jesu ahi hi” cih tawh kisai in Khristian khempeuh kihilh a kulkei hi, “Amah in tapa nei ding a, amite

mawhna pan gumkhia ding ahih man in amin Jesu na phuak ding hi” (Mt.1:23).

Jesu in a genna ah, “Ka Pa min tawh kongpai hi” (Jn.5:43). Jesu in Pa tungah a genna ah “mite tungah

nangma min ka pulak khinzo ta hi…amaute tungah nangma min ka gen khin a, mai lamah zong ka gen

lailai ding hi” (Jn.17:6,26). Late lagelhpa in “Messiah hong paiciangin Pasian min hong gen ding hi” (Late

22:22; Heb.2:12), hong gen hi. Jesu in ama min pen gamh (inheritance) bang in a luahsuk ahi hi, “Being

made so much better than the angels, as he hath by inheritance obtained a more excellent name than


33

they” (Heb.1:4). Jesu in ama min mah tawh hong ki pholak (manifested), leh hong ki tangko (declared)

ahi hi. Na lamdang a bawlciang zong, ama min (Jesu) mah dawi gilote in lau pen a, khua khat khit khat ah

Jesu min thang vangvang hi. Jesu min a than ciangin Pasian minthang ahi hi. Tom gen in a, Pa pen Jesu

cih min tawh leitungah hong kumsuk ahi hi.

Jesu in a genna ah, “Huhpa ahi Khasiangtho pen, Pa in keima min tawh hong sawl ding a, note tungah

kong gen khempeuh na phawkkik theihna ding un hong hilh ding hi” (Jn.14:26). Hih laisiangtho mun pen

KJV tawh sim ni (Kawl LST ah zong hoihtak in ki letkhialo hi): “But the Comforter, which is the Holy

Ghost, whom the Father will send in my name, he shall teach you all things, and bring all things to your

remembrance, whatsoever I have said unto you.” Khasiangtho in mawhnei ahih lam uh kiphawksak a, a

mawhna uh kisik kik in Jesu a um uh hi. Tom gen leng, mawhnei mite in Jesu um in, Jesu min tawh

Khasiangtho a kingah ahi hi.

Kammal kizatzia (Word Study)

Mt.28;19 Hoih takin ih sim ciangin, Pa, Tapa, Khasiangtho a cihnopna in Thuciam Lui hunlai in a kigen

tawntung ahi Pasian khat thu hong hilhcian ahi hi (Thkna.6:4; Isa.44:6-8,24; Gal.3:20). Tua Pasian ahihna

zaa (titles) pen pum thum in suah ding nam ahithei kei hi.

Pa cih min tawh kisai in leitung mi khempeuh hong piankhiatna ahih na, “A bawlpa, a piangsakpa” cih a

gen nopna ahi hi (parental relationship to humanity). “Eite khempeuh in, eite a hong piangsak Pasian ahi

Pa khat bek nei hilo ihi hiam? Tua hinapi-in bang hangin eite khatlekhat tungah citakloin, i pu i pate tawh

a bawl, Pasian' thuciamna palsat ihi hiam?” (Mal.2:10, Heb.12:9 zong sim in). “Amah pen, note a hong

piangsak, note hong bawlin a hong kipsak, na pa uh hilo ahi hiam?” (Thkna.32:6, Rom.8:15 zong sim in).

Pasian pen tapa bangin hong pai ding ahihna tawh kizui in, tapa ahihna a bucin theihna dingin Pa zong a

hih kul ahi hi, hibangin mihingte sungah hong om theihna dingin Khasiangtho tawh Mary naubu sungah

hong gaithei a hi hi (Mt.1:18,20). Pasian pen mun khempeuh ah om ahihna thu ah a kammal zat en

Pasian Kha kici hi. Pasian in leitung piangsak a, tuipi tungah Pasian Kha a nung hi cih kammal kizang hi

(Pian.1:2). Tuipi taw na ngawn ah Topa na om hi cih ziau ding kammal man ahih hangin, Pasian kha cih

kammal kizangzaw hi (Late 139:7, paudangte ah sim in), “Whither shall I go from thy spirit?” Tua ahih

man in, Khasiangtho, Pasian Kha, cih zaa (title) pen mun khempeuh leh mite sungah a om Pasian ahihna

a genna hi a, Pasian om cih kammal kizang zawlo in Pasian Kha ahih kei leh Khasiangtho cih kammal

kizang hi. Kha cih tawh kisai kammal pen Pasian leitung khempeuh leh mihingte sungah bangci bangin

nasem, ompih hiam cih a genna ahi hi (Pian.1:2; Jn.3:5; Sawl.1:8; 2:1-4; gtn, Samson suahna, tuiphum

Johan suahna, Jesu suahna, adang tampite ah en in). Pasian pen siangtho hi (Isa.54:5), amah bek mah

siangtho a, amah bek mah ahi hi. Nuntakna nei adangte siangtho ih cih hangin Pasian sianthona a kawm

(partakers), ahi hi (Heb.12:10). Pasian in Kha ahi hi (Jn.4:24). Kha Siangtho cih zaa min in Pasian kua hi a,

bang dan hiam cih a puangkhia ahi hi, “The title of the Holy Spirit, then, simply describes who and what

God is” (David K. Bernard). Pa in Pasian khat bek hi a, amah bek mah Khasiangtho ahi hi (Mt.1:18,20 leh

Lk.2:49; Mt.10:20; Rom.8:15-16; 1Pit.1:2 leh Jude 1, simkak in).

Tapa cih kammal leuleu ciangin tua tawntung Pa (everlasting Father) pen mihing bangin hongsuahna

(incarnation) a genna ahi hi. Mihing hong suahna ah, Pasian kimlai pen mihing tapa, Pasian tapa cih min


34

hongpua a, bang hang hiam cih leh Khasiangtho tawh hong gai in hong suahna hang ahi hi (Lk.1:35).

Mihingte adingin hithei hetlo ahih hangin, Pasian adingin a piangmawh omlo hi (Lk.1:37). Tapa bangin

hongpai tangtawng Pasian pen, leitung mi taktak mah hong hi a, ahizongin Pasian taktak mah zong ahi

hi. A tel nop dingin, hihna namnih (two natures of Christ or the Hypotastic Union of Christ) Pasian hihna

leh mihing hihna kop khawm in hong paisuk a, tua zah dongin hong kiniamkhiat hi (Fil.2:6-8). Pasian

ngimna teng a tangtungsak dingin mihing bangin hongpai suk a, numei suan zong kici hi (Gal.4:4). Tapa a

si hi (Rom.5:10). Hih thu ih ngaihsut ciangin, Tapa cih zaa (title) in Pasian ahih na (deity) genna ahi

ngeikei hi. Ahizongin, Pasian pen tapa bangin hong pai in, mihing hong hihna agen nuam ahi hi. Mihing

hihna ih cih ciangin: numei sungpan in suak, sisan, khua-ul, mit-tui nei, gilkial thei, nuam leh dah thei, si

thei, cih bang tuamtuam ahi hi. Tapa sunga Pasian hihna 100% ih cihcih pen tangtawng Pa (everlasting

Father) ahi hi (Isa.9:6). Tua Pa (or Pasian) a hihna pen a si theikei hi, ahizongin tapa (mihing) ahih leh a si

hi. Tapa sungah a om Pasian hihna (his deity) pen Pa (Pater) na hi gige hi (Jn.10:30,38; 14:9-11).

Laisiangtho sung a zaate (titles), a tungah ih sin khitciangin, Mt.28:19 pen Pasian in min thum nei a

cihnopna hihloh zia ih tel semsem hi, min thum hilo thamlo in pum thum suah ding nam ahi peuhmah

kei zawlai hi. Pasian khat bek hihna nam thum nei ahihna hong hilhcian ahi hi. Hih hihna namthumte in a

tawntungin Pasian ahihna min ahi hi ci in Laisiangtho sungah khatvei beek ih mu ngeikei hi. Gentehna in,

Tawntung Tapa, Tapa Pasian, Khasiangtho Pasian cihte LST kammal sungah om ngeilo hi. Pasian khat bek

pen mihing khempeuh pianna Pa ahihna tawh kizui in, mihing bangin hong piang a tapa bangin hong

kumsuk pen ka tapa neihsun, ka tapa upa pen, cih minte kizang hi. Pasisan pen mi khempeuh pa hong

hih theihna ding in, gupkhiatna lampi ah hih a tunga Pasian in hihna nam thum tawh na hongsem ahi hi.

Hong tankhia pa hi a, ei sungah hong teng ama Khasiangtho hi in, ka innkuan pihte ci in hong sam ih pa

ahi hi. Tua ahih man in, Pasian khat bek om a, Khasiangtho nasepna lo tawh kuamah in Abba Father ci in

kisam theilo hi (Rom.8:15). Hih hihna zaa thumte pen min taktak (proper name/noun) ahi Jesu cih min

tawh tuhun in Pasian hong kilatkhiat hun hi a, gupkhiatna ih ngahna dingin hong kipia tua min bek ahi hi

(Sawl.4:12).

Pasian khat thu a telnop semsem dingin, Theology Part II, ZBCC kumnihna sim kikkik in.

A hun leh mun tawh Etna (Setting)

Laisiangtho tangmunte a khiatna taktak ih teltheihna dingin, thu genpa in bang hun in gen a, bang mun ah gen a, bang deihna in gen hiam cih leh tua pen bang hun in ki gelh a, kuakhiang ah kigelh hiam cihte theih masak ding thupi mahmah hi. Khat veivei, LST tangte in a gen nopna ngaihsun masa lo in, mipil khatpeuh ngimna leh ama upna zui (doctrine) tawh a deihkaihna ki lakhial thei hi.

Thu gen kua hiam? Abraham, Moses, Isaiah te Pasian khat bek mah a hi, Jesu in hih Mt.28:19 agen hi.

Thukham a lianpen in “Israelte aw za un, eite Topa Pasian Topa khat bek a hi hi” (Mk.12:29; Thkna.6:4)

cih a genkhia pa mah ahi hi. Johan in a mangmuh lai in, Jesu in a hihna ah, Topa Pasian keimah in a masa

pen leh a nunung pen ahi hi,” ci in tangko kikik hi (Mang.1:8,17-18).


35

Kua tungah gen hiam? Hebrew minam, aneu tungpan in Pasian khat bek om hi cih a sisan sungah a vom

tintente tungah a gen ahi hi (Thkna.28:6-9). Hih thu in a kip ahi hi cikik hi (Mk.12:28-31; Jn.4:22), Pasian

nih ka phata uh or thum ci in puahpha nawn hetlo hi. A nungzuite in telzo pak hetlo mah a, Khasiangtho

tungtawn in telthei pan bek uh hi (Mt.16:17-18; Jn.14:26; 16:12). A sanggamte James leh Jude te in zong

Jesu a thawhkik khit lamciangin tel zo pan uh a, Khasiangtho tawh a kidim khit uh ciangin, a pianpih

sanggam uh hiphial mah leh Jesu sila ka hi uh hi, kici ngamta uh hi (James 1:1; Jude 1:1). Mt.28:19 pen

To Thum gawm Pasian khat tangmun ahi hi cih ngaihsutna leh upna pen sawltakte khempeuh a sih khit

nung AD 200 kim pan ngaihsutna hong kipan pan ahi hi.

Nungzuipite in Jesu pen Pasian Tapa ahi hi ci in na pulak ngei uh hi (Mt.16:16). Singlamteh tungah khai

thuak ding ahihma kalkhat lai in keimah in Pa ka hi a, mihing bangin hong pai ahihna gencian hi (Jn.14:9-

10). A genna ah, Pa pena kimutheilo Kha ahihna in gencian a, mit tawh Pa mu theihna in Jesu a hi hi ci in

gen hi. Hih bang hun sungmah in Khasiangtho omzia zong hilhcian hi. Khasiangtho nasep dan ding zong

hilh cian hi. Khasiangtho in thu um mite sungah om den ding a, thumaan thutak hilh ding, huhpa hi

tawntung ding hi. Tua Khasiangtho pen Jesu ahi hi (Sawl.5:3-4; 22:6-8; 1Kor.8:5-6). Khasiangtho tawh a

sawtlo in kidim ding hi uh a, tua pen Pasian dang ahikei hi, pumi tuam nei Pasian a hikei hi. Akimutheilo

Pasian pen mihing bangin hong pai mah bangin, tu in Kha tawh a mite sungah om, leh nasem ahi hi. Pa

Pasian bangin na khempeuh a piansak khit ciangin, tua hun mah in zong Kha ahihna tawh tuipi tungah

ompih veve hi (Pian.1:2). Pasianin Kha ahi hi (Jn.4:24). Tua Pasian in Jesu ahi hi (1Jn.5:20). Sawltakte gen

lungdamna thubulpi in Jesu in kua hi hiam cih a telna uh teci (witness) gen kawikawi dingin Jerusalem,

Judea gam, Samaria gam, leh leimong dongin sawlna a ngah uh ahi hi (Sawl.1:8).

Koi mun ah gen hiam? Van a kah madeuh in Olive mual (vankah mual) tungah a gen ahi hi. Vaikhakna

lianpi (the great commission) tampi a genkhit ciangin, amaute muh tangpi mah in vantung ah kila to hi.

Olive mual pen Jerusalem gam sung hi a, Khristiante Gumpa, Pasian, a vankahna ahih man in Jerusalem

khuapi pen khua siangtho bangin kingaihsun ahih man in, tam veipi Muslim khut sungpanin ki honkhia

zel a, gal kidona tampi om hi. Leitung adingin zong Khristian Khuapi siangtho bangin kiciamteh hi.

Muslim te adingin zong Khuapi siangtho in a ciapteh uh khat ahi hi. Bang hanghiam cih leh a lian penpen

leh a nunung penpen kamsang Muhamud van akahna mun dingin ngaihsun uh hi. Tua ahih man in, tuni

dongin Jerusalem pen Muslim khutsungah a om theihna dingin a theihna khempeuh suahkhia in

hanciam uh hi. Israel mite ading in khuapi siangtho maha hi hi. David khuapi, Pasian Shilh a omna, Pasian

mahmah in ka khuapi siangtho ci ahih man in, leitung ah Israel gamlim a omlai teng, Jerusalem khuapi

adingin a hauhna, a siamna, kidalna, bangkim kipia ngam uh hi.

Bang hun in gen? Mt. 28:19 mun pen ih gensa mah bangin, Olive mual tung ah (Olivet discourse) a gen

hi a, a vankah madeuh hun in a gen a hi hi. Hih thuteng a gen khit ciangin, vantung pan in vangliatna na

ngahma teng un Jerusalem ah na ngak un (Lk.24:49). Khasiangtho in kong gensa thute amaan takin hong

hilh ding hi (Jn.14:26). Mawh kisikna leh mawhmaisakna thu a min tawh kihilh ding hi (Lk.24:49).

Jerusalem ah ciah kik phot in a ngak ding bam thum a pha hi:

(1) Khasiangtho in thumaan hilh ding (Jesu gente Khasiangtho lo tawh amaute in telzolo uh hi)

(2) Khasiangtho tawh kidim ding (vangliatna tawh kidim ding, Jesu min sungah vangliatna om)

(3) Lungdamna thu ama min tawh kihilh ding (mawh kisikkikna leh mawhmaisakna thu)


36

Olive mual pan in paisuak uh hi leh Jesu thugente bang a gen nopna hiam cih tel zolo ding uh ahih man

in, Pa, Tapa, Khasiangtho ci in pulak deudau in tuiphum kha ding uh hi. Ahizongin, Olive mual panin

paisuak pah lo in, Jesu thupiak banglian in Jerusalem ah hongciah kik uh a, vantung pan vangliatna hong

tun ding ni 10 sung hong ngak uh hi. Khasiangtho hong neih taktak uh ciangin, Jesu gensa khempeuh

hong phawk kik uh a, thuman thutak hong telta uh hi. Pa, Tapa, Khasiangtho min in Jesu hi cih,

Khasiangtho tungtawn in hongtel uh ahih man in, Jesu min tawh tui hong phum uh ahi hi. Thuciam Lui

hun lai a Pasian khat bek, Abraham, Isaak, leh Jacob Pasian, sawlbawk kuang sungpan Moses tungah

“KEIMAH” (Jehovah) a kici pen Jesu a hihlam hong telsiamta uh hi. Amaute adingin Pa, Tapa,

Khasiangtho min in Jesu hi cih pom ding leh san ding hong baih mahmah ta hi, bang hang hiam cih leh

Khasiangtho in hilh hi. Tua ahihman in, mite in adang sangin Jesu min hua zaw uh ahih man in, hih “Jesu

min tawh thugen hita leh thuhilh hita leh ahih nawn hetlohna ding un thupia uh hi” (Sawl.4:18). Pa,

Tapa, leh Khasiangtho min tawh tuiphumna pen Jerusalem pan kipan ama min tawh thuhilhna ahikei hi.

Khasiangtho tunma Olive mual thuhilhna hi a, sawltakte in a ngak uh thu in vangliant bek hilo in

Khasiangtho tungtawn in Jesu gensa khempeuh theisiang ding cih thu ahi hi.

Olive mual thuhilhna (Mt.28:19) pen Jerusalem thuhilhna (Sawl.2) ah a khiatna ih muthei hi. Olive mual

pan in sawltakte Khasiangtho ngak nawnlo in paisuak pah uh hi leh, Jerusalem thuhilhna a kisam nawnlo

ding hongsuak hi. A khiatna a theihna ding un Khasiangtho tunding hong ngak uh hi. Sawltak Mate

(Nungzuipi) mahmah zong Jerusalem khua ah Pentecost pawi leh Khasiangtho hong kibuak suk ni in,

Piter thugen thapia in dingkhawm hi (Sawl.2:14). Vanglian Pasian hong kilatkhiatna min in Jesu min tawh

a hi hi.

A Tang Luanzia (Context)

A neu 18 na ah Jesu in hibangin gen hi, “vantung leh leitung a om vangliatna khempeuh kei ah a hi hi” ci

hi. A neu 19 in zomsuk pah a, “pai un la…” vangliatna khempeuh nei ka hih man in “min thum tawh” tui

nap hum un cilo hi, ahih kei kei min a kihel keizongin phamawh kei, kei thuthu hi cilo hi. A genna ah,

“Vangliatna khempeuh kei ah hi a, Keima min tawh na tuiphum un” tua hi leh note tawh kong omkhawm

den ding hi” aci ahi hi. Baptist pawlpi Scholar khat ahi G.R. Beasley-Murray in a genna ah, “Laisiangtho

telkhehte (exegetes) leh kuhkalte (critics) khempeuh zong a thukim khat uh ahi Mt.28:18-19 pen Khazih

hihna tawh a kipulakna (Christological statement) citek uh hi, ‘vantung leh leitung khempeuh a om

vangliatna khempeuh keitungah hong kipia hi, leitung khempeuh ah pai unla mite ka nungzui na suahsak

khit uh ciangin, Keima min tawh tuiphum un, ka gen khempeuh a zuihna ding un na hilh un”.

Bang hang hiam cih leh Scholar tampite in Mt.28:19 pen Jesu min zat ding (Jesus Name Formula) ahihna

pulak ciat uh a, ahizongin sawltakte hun khitciangin kikhel hi cih telciat uh hi. A genna vuah, Church

Historian Eusebius (AD 300s) in Mt.28:19 mun a gensim in “Keima min tawh” ci in a laibu sungah gen a,

tuni dongin tua laibute kisim thei lai hi. Pa, Tapa, Khasiangtho cih kihel lo in, “Keima min” cih bek om hi.

Nicence Council AD 325 hun ma khempeuh “Keima min” cih hi tawntung mah leh AD 325 nungsang

khempeuh panin Mt.28:19 cih kimukha nawnlo hi. Hih thu ih ngaihsut ciangin Mt.28:19 pen sawltakpite

sih khit nunglam pan in Jesu min tawh cih dingin a kikhiat theihnawnlohna dingin ki hanciam hi cih thu

kimu hi” (David K. Bernard, In Jesus Name, P.67).


37

A nihna ah, Pa, Tapa, Khasiangtho min pulak in tuiphum ding hizenzen leh Sawltak laibu sung khempeuh

ah Jesu min kizang nawnlo ding hi. Ahizongin, Lk.24:47,”Ama min tawh mawh kisikkikna leh

mawhmaisakna thu Jerusalem khua pan kihilh ding hi”, cih ih mu hi. Church Historian Eusebius mahmah

in zong AD 300 kim hun lai in Mt.28:19 mun pen “ama min” tawh ci in, Jesu mahmah in a genna thu

hong tangkona ih muthei lai hi. Scholar khempeuh in Mt.28:19 pen Jesu min formula hi ci in thukim mah

uh leh, Trinity upna in LST sungah om hi cih a kipsak theihna dingin a ki hanciam hun om hi cih hong

musak uh hi. Tua pen a hun tawh kigen khawm theipah a AD 200 leh 300 khit ciang hipan ahi hi.

A kihual Lasiangtho (Harmony of Scripture)

1. Parallel passages (Tang kibangte): Jesu in a nungzuite tungah a thugenna tawh kisai in Mate bek

in gelhlo hi. A gen kibang, a gen hun kibang, Mate, Mark leh Luka in gelh uh hi (Mt.28:18-20;

Mk.16:16-20; Lk.24:47-50; Sawl.1:4-8). Laigelh a tunga thumte in, a nungzuite leitung khempeuh

ah pai in lungdamna thuhilh ding, Jesu vangliatna leh a ompihna tawh tonkhawm ding ahihna

thu a kibang in ih mu hi. Mate leh Mark gelhnate ah “tuiphum ding” cih thu ih mu a, Luka in

“bang hun ah, bang khua pan, bang min tawh” cih hong hilh hi (Lk.24:47; Sawl.2:38).

A taktak in, amau thum (Mate, Mark, Luka)te genna a kibang khat ah “min khat” or “a name” tawh a

paina munkhempeuh ah lungdamna thu hilh ding cih thu ahi hi. Mate in a gelh ciangin min cih tawh

kisai in khat bek a genna “min” (singular number of “name”) nazang hi. Marka in zong gelhna ah

“Keima min tawh” ci hi (Mk.16:17). Luka gelhna leuleu ah, “mawh kisikkikna leh mawhmaisakna thu

“Keima min tawh” kihilh ding hi, ci hi (Lk.24:47). Mate, Mark leh Luka Laisiangtho kigelhzia ih muh

ciangin min khat bek zat dingin ih mu a, tua in “A kihual Laisiangtho” ahihna hong pulak hi.

2. It’s Fulfillment (A tangtunna): A nunung pen ah, Laisiangtho tang khempeuh ki “tukalh ngeilo”,

“khial ngeilo”, “Pasian humop” cih pen phawk tawntung ni. Sawltak leh laikhak Laisiangtho

sungte ih simciangin, Mt.28:19 a “deihna”, “khiatna” in Jesu min ahi hi cih siangtakin hong

musak hi. Sawltak khempeuh a lungdamna thu um mite Jesu min tawh tuiphum uh hi. Amaute in

Jesu mahmah in a gen a bil uh tawh a zate ahi uh hi. Jesu, a sihma in a gen thute a nungzuite in

tel theilo himah leh Khasiangtho hangin na khempeuh thei uh ahihna thu ih um hi (Mt.16:12-14).

Mt.28:19 “…Pa, Tapa, Khasiangtho” min in Jesu hi (Sawl.2:38) cih sawltakte in zong um ahih leh

en zong ih up ding a hi hi. Sawltakte in Jesu thumang in, Jesu gen bangin gamta a hih leh eite

zong ih a kibang in ih gamta ding a, a kibangin ih hilh ding hi. Jesu pen Pasian hi a, mihingte

teltheih ding in hong gen pen a telsiam masate pen sawltakte ah ih leh sawltakte longal gente

thumanlo ahi hi (Gal.1:7,9).

A taktak in, Laimal ngeina man” (grammar), “a tang luanzia” (context), leh “a kihual Laisiangtho”

(harmony of the scripture) tungtawn in Mt. 28:19 pen Jesu min formula ahihna thu ih tel hi. Pasian khat

bek om hi in Thuciam Lui hun a “Tawntung Pa” (Everlasting Father) pen mihing bangin hong pai a, ama

min in Jesu ahi hi cih hong tangtunna leh hong kipulakna zong ahi hi.


38

Hialbawlna

Mt.28:19 leh Laisiangtho mundangte a kitukalhna omlo hi. Sawltak leh laikhakte a kihualna hong gen

hizaw hi. Hong genna ah Jesu min tawh tuiphum ding a hihna thu hong hilh hizaw hi. Khasiangtho hong

tunma a Jesu hong hilh Mt.28:19 pen Khasiangtho hong tunkhit a sawltakte zatdan, Jesu thupiakna a

tangtunna bangin Jesu min tawh tuiphum ding ahi hi. Jesu a min neih ding kisam a, silh ding kisam a, lak

ding kisam a, vangliatna, thuneihna leh gukhiatna ih ngahna ding min pen vantung leh van nuai mun

khempeuh ah min khat bek Jesu ih nei hi (Sawl.4:12).


39

KHENPI SAGIHNA TUIPHUMNA AH PHUSAMNA LEH GREEK KAMMAL KIZATZIA

Sawl.2:38 ih sim ciangin, Piter thugen, sawltak dang 11 te in thukim in a din pih uh hi,a genna ah, “na

vekpi un Jesu min tawh ki tuiphum un…” thungai Jew minam te tungah, a gen ahi hi. Laisiangtho in a

ciaptehna ah, Samaria mite, Gentiles te, Efesa khuami tuiphum Johan nungzuite, a vek un Jesu min tawh

ki tuiphum hi cih ih mu hi (Sawl.8:16; 10:48; 19:5).

Oneness Pentecostal Movement in hih a tunga LST munte tuiphumna ah Jesu min tawh phuisam ding hi

ci in pom uh hi. Mawhna kisik mikhat in Jesu a up theih leh tuiphum ding a khensat hun ciangin, Jesu min

tawh tuiphum ding ahi hi.

Ahizongin, Trinity um zawdeuh te in, tuiphum ciangin Jesu min tawh phuisam ding kisam hi cihna hilo a,

Khazih thuneihna a genna hilel hi ci uh hi. Jesu sungah kiphum cihna hilel in, Jesu min kul sese lo hi ci in,

a nial sawm tentan om hi. Greek kammal ah bang ci kizat hiam ih ensuk ni:

Phuisamna leh Greek Laimal

Greek kammal pen a thupitna ah, Thukhun Thak original khempeuh Greek kammal tawh kigelh ahihna

hang ahi hi. Sawltak.2:38; 8:16; 10:48; leh 19:5 te ah “min tawh”, “In the name” ci in kigelh hi. Manglai

siangtho ah “in”, Zomi LST ah “tawh” ci in kilet khin mah leh, Greek LST ah nam thum kizang hi.

Greek Preposition English Zolai LST mun

with dative case On, in, upon, Tungah, tawh, suangin, ki-ngam Sawl.2:38

""with accusative case Into, in, of place, toward Sungah, tawh, munah, adingin Sawl.8:16; 19:5

""with dative case in tawh Sawl.10:48

Sawltak 2:38, Greek kammal epi cih Dative case tawh kizang hi. Greek-English Dictionary minthang pen

cih theihphial khat ahi “Greek-English Lexicon of the New Testament”, a gelh, Bauer, Arndt, Gingrich, leh

Danker, sungah a khiatna taktak leh a deihna “epi to onomati Iesou Christou”.

“”, “In the name of Jesus Christ”, “Jesu Khazih min tawh”, kammal pen,

“mi khatpeuh min a sapna ahih kei leh tua min suang a cihna leh khat peuh min a kilawhna, agen ahi hi”

ci hi.Gentehna in, “epi to onomati” a zatna leh a kammal kibanglian “zuau thuhilhsiate in Khazih min a

zat” hih mun ah zong a kammal kibang hi (Mt.24:5; Mk.13:6; Lk.21:8), tua leh sawltakte in Jesu min

zangin na a senate vuah hih Greek kammal “epi to onomati” mah kizang hi (Sawl.4:17,18; 5:28,40). The

Interpreter’s Dictionary of the Bible” Luka 24:47 mun a hillhcianna ah, “gives the sense of resting upon,

or being devoted to, the person of Christ”, “Khazih tungah ama hihna khempeuh a pia, ahih kei leh,

Khazih ading in kipumpiakna” hi ci hi. Jesu min tawh a kituiphumte pen a milui hihna khempeuh sisak a,

“Khazih tung bek ah nungta” or “ama kingakna in Khazih bek ahi hi”, “epi” cihnopna ahi hi.

Sawltak 10:48 mun san ah Greek preposition “, en”, English “in” kizang hi. “which literally means “in”

of the space within which something is found”, Greek kammal en cih pen, “mun khat sunga om na khat

‘kimu khia”, kipulakkhia or kitheikhia” cihna a hi hi. Eipau ah ”tawh” cih kammal pen Biakna English


40

kammal “in” khempeuh a tamzaw in “tawh” cih tawh kilet hi. Gtn, I pray in Jesus name “Jesu min tawh

thu ka ngen hi.” We pray in Jesus name, “Jesu min tawh thu ih ngen hi”. I have come in my Father’s

name, Kapa min tawh kong pai hi” (Jn. 5:43). Sawl.10:48 na mun san ah, “en to onomati Iesou Christou”,

“Jesu Khazih min tawh”, Greek Scholar Bauer et al., in a genna ah, “en onomati leh Jesu min a kizop

ngeingei leh, min lian penpen a gennopna hipah a, tua min tawh a kisam mite cihnopna ahi hi” ci hi hi.

Tua ahih man in, dawihawl khiat ciangin phuisamna, a vanglianpen min tawh (Mk.9:38; 16:17; Lk.9:49;

10:17), cinate a damna dingin min vanglian penpen min tawh (Sawl.3:6; 4:7,10; 16:18) cih bangin a

kizatna zong ih mu hi.

Bauer et al in Sawltak10:48 a genbehna leuleu khat ah, “en to onomati Iesou Khristou” cih pen “Jesu

Khazih min pulak ngiat in tui kiphum un or khatciat ki tuiphum un” cih a gennuam ahi hi, ci hi. “Keima

min zangin, Pa tungah na ngen un” “…ask the Father, using my name” (Jn.15:18, paudang LST enzaw in).

“Keima min tawh pulak le uh cin Pa in hong pia khin ding hi” (Jn.16:23), Topa min tawh sathau cinate

zutle uh cin…” “while calling the name of the Lord” (James 5:14). Jesu min ah khuk khempeuh a khukdin

ding hi” (Fil.2:10). Korin masa 6:11 na ah tuiphumna a gennuam hi a, “through or by the name…”

tungtawnin ahih kei leh min ngiat tawh” ci a, Jn.20:31 “…ama min hangin gupna na ngah theihna ding

uh” cihna mun ah phuisamna ah pulak ding min khat a gen ahi hi. Kol.3:17 munsan ah zong Jesu min

paulam ding a cihna mun ah Greek preposition “” na kigelh leuleu a, Jesu min ngiat mah phuisamna ah

ih kampan a pusuak ding ah ih hi. “invoking the name” , while calling upon Christ.

Sawltak 8:16 leh 19:5 munte ah Greek prepositioin “eiV” na zang hi. Eis omzia pen “motion into a thing

or into its immediate vicinity..of place , into, iin toward. A Greek kammal ah,

“,” a khiatna pen “Jesu Khazih min tawh” ci in laimal hoih tawh ei Zolai

ah kilet hi. Greek scholar Bauer et al. in a hilhcianna ah, “Through baptism…the one who is baptized

becomes the possession of and comes under the protection of the one whose name ehe bears; he is

under the control of the effective power of the name and the One who bears the name…i.e., he is

dedicated to them…an additional factor, to a degree, my be the sense of with mention of the name.”

Bauer gen: “Tuiphumna tungtawn in…tua ki tuiphumna min a ngah hi a, a vangliant, a kepna zong a

ngah khawm a hi hi; tua aki tuiphumna min hangin a ngah a vangliatnate ma ah a suak ahi hi…tua pen,

tuate tungah a ki pumpiak a suak hi…genbeh lai leng, bang min tawh kisam hiam cih thuneihnate ahi hi.”

Mt.28:19 mun san ah zong “in the name…” “" ci in kigelh hi.

Jesu min tawh tuiphumna a nial mite in phuisampa in Jesu min tawh cih ding hilo a, a kiphumte in Jesu

sungah kiphum cih ding hilel hi ci uh hi, bang hang hiam cih leh “eiV” pen sungah ci in zong kilet thei hi ci

uh hi. Hi bang ngaihsutna pen a nial nuam bek hilel uh hi. Banghang hiam cih leh Mt.28:19 na sungah

zong “eis” cih Greek preposition mah kizang a, “Pa, Tapa, Khasiangtho min sungah” cituanlo in “min

tawh” mah ci in kiphum veve uh hi.

“in the name” “min tawh” cih a deihna taktak in, Jesu min tawh a ki tuiphumte in Jesu

kepna, ompihna, a vangliatna ah lutsuk uh a, Jesu mahmah va neihna, a pumpi, or a pawlpi suahna cihte

kician takin a gennuam na hizaw hi.

Phuisamna tawh kisai Christian Laibu kigelh masate Zatna (From Ancient Christian Writings)


41

Tuiphumna tawh kisai LST munte ah “Jesu Khazih min tawh,” “Topa Jesu min tawh,” koi bang in ki limzat

hiam cih sawltakte sih khit thu um masa laigelh siamte gelhnate ih en ding hi.

Mun khat khat ah Topa min tawh tuiphum ding cih bek kigelhna mun omthei a, Topa min in Jesu ahi hi

cih ding haksa a sa citciat omthei hi. Thu um masa Khazih pawlpi hi hang cih a kipulakna vuah (The

earliest confession of the Christian church), “Jesu in Topa hi” cih a hi hi (Rom.10:9; 1Kor.12:3; Fil.2:11).

Tua ahih man in Sawltak 10:48 na ah zong “Jesu Khazih min tawh tui na phum un” cih khauhtak in kihilh

uh hi. Hih tang ah pen KJV in “in the name of the Lord” bek ci citciat a, version dang khempeuh ah Topa

Jesu min ci in ki letkhia bilbel hi, Greek version ah bel “”, “Topa Jesu min

tawh” ci in kigelh hi.

“Jesu Khazih” min tawh cih kammal pen Khristian laibu masate sung ah tam veipi kimu hi. Tua Khristian

laibu masa ih cihte in: (1) Bodmer Papyri; (2) Five Major uncials (laimal gol vive tawh kigelh, ABCD

cihdan), Sinaiticus, Alexandrinus, leh Vatics te zong; (3) Ten major miniscules (laimal neu vive tawh

kigelh, abcd, cihdan); (4) a major lectionary (pawlpi masate kaihkhop LST kiteisawnte); (6) five ancient

versions (Old Latin, Vulgate, Syriac, Coptic, leh Armenian); (7) three ancient writers (thulu: “the Treatise

on Rebaptism, Cyril of Jersalem leh John Chrysostom). Hih a tunga laibu minthang ki gelh masa nampi 7

te in Jesu Khazih min tawh ci in gelhkim ciat uh hi.

“Jesu” min tawh cih linlian in Major Uncial sungpan manuscript khat bek in (Ephraemi Rescriptus) gelh a,

three miniscules, the majority of lectionaries, the Gergion version, leh Byzantine tradition manuscripts

sung pawl khat ah “Jesu” min cihbek tawh kimu tuam hi.

“Topa” cih min vilvel tawh a kigelhna tawm mahmah in, Major uncial manuscript sungpan khat, three

lesser uncials, nine major miniscules, three major lectionaries, leh Byzantine manuscripts honkhat

sungah kimu hi.

Ih theih nop bulpi pen a, LST sungah Jesu Khazih min tawh tuiphumna om bek thamlo in, sawltakte a sih

khit uh ciangin hih thuman thutak kiselcip suak zolo a, laigelh minthang tampite in Jesu min tawh

tuiphum ding a hihna thu uh a gelhna uh kimu theilai hi. Tuiphumna ah phuisam dan ding pen,

“Na mawhna hong kimaisak theihna ding leh Jesu mi a hiding in, na up Jesu Khazih min tawh tuisungah

kong phum hi” cih ding ahi hi.

Kammal hoihzaw omthei lai ding a, ahizong in “Jesu min” kihel hamtang ding a hi hi. “Topa Jesu min” cih

zong kingah hi. “Topa Jesu Khazih min” or “Jesu Khazih min” cih zong kingah hi. Jesu min kihel peuh leh

ut bangbang hoih lel hi cih pen, hikhin samlo hi. Upna kibangte phuisam dan zong kibang kim hi leh

lunggulh huai mahmah hi.

Jesu min sungah Thuneihna leh Vangliatna

Jesu anei (piangthak) mi khat a dingin, Pasian min sungah a vangliatna leh a thuneihna tonkhawm hi ci in

Thuciam Lui laithu ih sinna ah ih gen khin zo hi. Hih ih gen ciangin, tuiphumna ah Jesu min zat ding

bangzah in thupi hiam cih hong telsiam sak pah hi. Gupna ih ngah theihna dingin thu um a, mawhna kisik

kik in, ama min tawh ki tuiphum ding ahi hi (Sawl.2:32-39; 4:12; 22:16; 1Pit.3:21). Jesu n gupna ih ngah


42

theihna ding in hong kipia ama min bek hi a, ih mawh maina ding in mindang omlo hi (Sawl.4:12; 10:43;

1Jn.2:12).

Jesu min tawh ki tuiphumna sungah ama thuneihna leh vangliatna sungah kiphum khawm ih hi hi. Jesu

min zang peuh leng vangliatna leh thuneihna khempeuh ei ah ahi hi cih nopna ahikei hi. Pasian min pen

na zangkhai zat kei ding uh hi (Pai.20:7) ci in thukham a lian penpen a thumna sungah kigelh hi. Pasian

min sungah a vangliatna leh a thuneihna om a, ama minthanna ding bek in zat ding ahi hi. Jesu min tawh

na ut bangbangin vangliatna leh thuneihna nei ding cihna zong hilo leuleu hi.Bang tawh kibang hiam cih

leh, bank laibu a nei mikhat in a ut bangbang ama bank laibu tungtawn in sum khak thei, sum sang thei

hi. Ahizongin a letmat ( , signature) lian mah hoihtak in a gelh theih kei leh, ama bank laibu pen a

deih bangin zangthei tuanlo hi. Tua bank laibu neipa in, a letmat en ama aitangin a koih hongsuak hi.

Jesu in zong ama thuneihna leh a vangliatna pen ama min sungah a koih ahi hi. Jesu min pen a vanglian

pen, a sang pen min, a siangtho pen min hi a, ama vangliatna leh a thuneihna, a siangthona tawh kizui in

a zangtheilo te tungah a vangliatna zah in kilangkhia tuanlo ding hi.

Davih in Goliath mai ah a zat kammal thupi hi, “a siangthote TOPA (Jehovah) min tawh na kiangah kong

kuan hi” “I come to thee in the name of the LORD (Jehovah) of hosts” (1Sam.17:45). David in Topa

thuneihna pen a min sungah omhi ci in tel a hih man in a min tawh a vangliatna zangkhia thei hi.

Jesu in pawlpi tungah thuneihna leh vangliatna pia a, dawite ama min tawh hawlkhia in, damlote ama

min tawh a dam theihna dingin amin thupha apiakna ih mu hi (Mk.16;17-18; James 5:14). Thukhun Thak

pawlpite in bang ci bangin hih Jesu min tawh vangliatna leh thuneihna zang uh hiam cih tawm ensuk lai

ni:

Piter in, khut leh khe zawpa tungah, “Nazareth khuami Jesu Khazih min tawh tho inla, lampai in ci in thu

ka hongpia hi” (Sawl.3:6) ci in thupia a, damna ngah pah hi. Mipi tungah Piter in, “Hih Jesu min

vangliatna in hihpa tungah thahat kikna pia hi…Jesu a upna leh ama min hangin damna ngah hi”

(Sawl.3:16), ci hi. Piter in Jesu a upna bek genlo in, a min vangliatna mahmah zong genkhawm hamtang

hi. Jew mi honpi kikhopna mai ah hangsan tak in “na thah uh Nazareth khuami Jesu Khazih min

vangliatna tawh a dam hi” (Sawl.4:10), ci in a piangkhinsa thu tangko kik hi.

Paul in, numei no sunpan in dawl a hawlkhiatna a, “hih numei sungpan in nong paikhiatna dingin Jesu

Khazih min tawh thu kong pia hi” (Sawl.16:18), ci hi. A sap in Jesu min a hi hi. Skeva tapate in Jesu min

tawh dawite hawlkhiat ding hanciam uh a, “Paul in a gengen Jesu min tawh thu kongpia uh hi, a cih uh

leh, dawite in Jesu lah thei ung, Paul zong thei ung, ci in liamsak gawp uh hi” (Sawl.19:13). Skeva tapate

in Paul in Jesu min tawh thu a piak ciangin vangliatna om cih tel uh a, Jesu min cih ziau tawh a kihawl

khiathei ding sa uh hi. Ahizongin, lawhcinglo uh hi. Bang hang hiam cih leh Jesu min ah vangliatna om

ahih hangin, tua Jesu neilo, tua Jesu umlo, tua Jesu min tawh ki tuiphumte hilo, tua Jesu tawh kizopna

man taktak neilo, tua hang ahi hi.

Sawltakte in Jesu min a zat sim un vangliatna leh thuneihna tawh zangkhawm uh a, ahizongin Jesu

minthanna ding bek in piangthei hi. Vangliatna tawh a kidim hiding phial in a ki um, Sawltak Paul in a ma

cidamna ding in thumvei sinsen upna tawh ngen a, ahizongin Jesu in na tungah ka hehpihna in kicing


43

khin hi ci hi. Tua a hih man in Jesu min pen a siangtho pen min a hih man in, a siangtho penpen in zat

ding zong ahi hi. Jesu tungah mawhna kisikkik takpi in upna tawh azuan mite a mawhna uh a maitheihna

ding in Jesu min tawh tuisung ah phum ding hi a (Sawl.2:38), siangtho takin zat ding a hi hi. Jesu um a,

Jesu aitang in ama siampi ka hi hi, aci siampi khempeuh phuisamna dingin ih up Siampi lianpen Jesu min

bekmah zat ding a hi hi. Siampi lianpen Jesu leh siampi zaa ah hong koihte kizopna in ama min Jesu ahi

hi. Jesu min tawh thupha kipia in, Jesu min tawh thungen in, Jesu min tawh nupa kitengsak in, Jesu min

tawh upna neite tuiphum in, Jesu min a nei mi ih suaksak ding hi.


44

KHENPI GIATNA THU KHUPNA

Thuciam Lui hunsungin vanglian Pasian pen Jehovah cih min tawh hong kilang phadeuh hi. Min tampi

tawh Pasian bangci bangin amite in na thei uh hiam cihte ih ngaihsut ciangin, a min taktak tawh hong

kilang nailo in, ama sepna tungtawnin hong kilang Pasian ahi hi. Ahizongin, tuani ciangin ka mite in ka

min thei ding uh a, Topa khat bek, Kumpi khat bek, min khat bek tawh hong theita ding uh hi

(Zech.14:9).

Pasian pen hih mawhna si leh sa tawh a mungei kuamah omlo hi (Jn.1:18). A kimu ngeilo tangtawng

Pasian pen mihing bangin hong pai a, ama tungtawnin a kimu theilo Pasian ih mu hi (Jn.1:1-3,14,18;

14:8-14). A kimu theilo Pasian pen muhtheih ding leh a min theih ding in mihing bangin hong piang a,

leitung mite mawhna panin hong gumkhia dinga hih man in amin Jesu aphuak uh hi (Mt.1:23-25). Tua

(Jesu) min sim loh leitung, vantung, mun khempeuh ah gupna ih ngahna ding mindang khat zong a om

kei hi (Sawl.4:12).

Jesu in a kimu ngeilo tangtawng Jehovah leh Pasian na hi gige hi (Jn.20:28). Jesu mihing bangin hong

pianna in thuthukpi khat a hi hi (1Tim.3:16). Khasiangtho theihsakna lo tawh kuamah in Jesu pen

Jehovah hi ci theilo uh hi, amaute in theilo uh ahih man in a minthang Topa pen singlamteh tungah a

that kha uh hi (1Kor.2:8-12).

Jesu in Topa (Jehovah) hi ci in, piangthakte, piangthaklote, vantung mite, dawite, husang theikhempeuh

lei in a tangko ding hi (Fil.2:11). Leitung mit tawh Jesu mu a, a umte sangin mulo napi in a umte in

thupha ngahzaw ding hi (Jn.20:29).

Hotkhiatna ngahna dingin Jesu leh a min neih kisam a, Khasiangtho ih ngahtheihna ding in mindang

tungtawnin kingah lo a, Jesu min bek tawh kingah thei hi. Vangliatna leh thuneihnate Jesu min sungah

om a, ahizongin, Jesu a neilote in tua a min vangliatna a ut bangin a zat theihlohna dingin Pasian min

siangtho zat ding ahi hi. Na hihna, na bawlna khempeuh ah Jesu min na suang un (Kol.3:17). Leitung mi

khempeuh in a nungta Pasian khat bek om hi cih a ki up theihna ding leh minam khempeuh tungah a ki

tangko theihna ding in leitung ah pau namkim a piang ahi hi. Pau tuamtuamte a thei Pasian in ama min

sungah vangliatna thusim a koih hi, tua thusim pen thuciam lui kamsangte tungah ki imcip a, ahizongin

Jesu Khazih in hong pholak kik in, tua pen Jesu leh ama min a um mite bek a theithei uh hi (Efe.3:3-10).

LAIBU ETKAKTE

David K. Bernard, In the Name of Jesus” Marvin Vincent, Word Studies in the New Testament (Rpt. Grand Rapids: Eerdmans, 1975). Matthew Henry, Commentary (Old Tappan,NJ: Revell, n.d.). Walter Bauer, W.F.Arndt, F.W. Gingrich, and Frederick Danker, A Greek-English Lexicon of the New

Testament, 2nd ed. (Chicago: University of Chicago Press, 1979). W.E. Vine, An Expository Dictionary of New Testament Words (Old Tappan, NJ: Revell, 1940),

Documents

ZBCC In the Name of Jesus 2013 KHEN KHATNA MIN TAWH · PDF fileAma min tawh sapna a ngah mipa pen Pasian ai awh zah in ... thukhun lian mahmah theih tawntung ding ahi hi.Pasian