PASIAN’ THUKHAM

Sinna 10, September 6, 2014ni ading

THUKHAM A PIAPA“Amah in Sinai muala tua vanmi tawh kihoq gampalak ah ihpu ihpate leh mihonte tawh aomkhawm, tua anungta thupiakte ngaha eite hong piapa ahihi.” (Acts 7:38)

Thubu lui ah, “Topa’ vantungmi” in zeisu ahihi. Amah min lianbel kipia a “Topa” kici hi. (Joshua 5:13-15; Thuk 13:17-20; Zechariah 3:1-2)Tua vantungmi, sawlbawk kuanga Moses kiang (Exodus 3:2-6) leh Sinai mual(Acnts 7:38) ah hong kilangh pen mah in Israel mite kianga Thukham 10 te leh Pentateuch [thubu 5te] sunga thukham, thupiak dangte khempeuh apiapa ahihi.

ZEISU IN THUKHAM ZUI HI“Laisiangtho thu [Thukhamte leh Kamsangte thu] siasak dinga hong pai hi ci in hong um kei un. Siasak ding hilo in a picing sak dinga hong pai ka hihi.” (Matthew 5:17)Thkhamte susia dinga hong pai hilo hi.Thukham deihna kician taka aki theih nang in hong pai hia, hong thuhilhna leh hong lahna hangin ih lungdam hi..“Ama masuan in thukham telmuh sak ding, athupitna lah ding ahihi.’ Isaiah 42:21. Thukham’ khalam omzia hong lak in, athu athuuk paizia hong lak in atawntung a thukham’ nasep hong thei sak hi. … [Zeisu] in Pasian’ thukham omzia anuntakna tawh hong lak hi.”E.G.W. (Thoughts from the Mount of Blessing, cp. 3, pg. 49)

THUKHAM KILAKTELNAZA ZO UH HI…

“Na that kei ding hi” (Pai. 20:13)

Numei pasal mawhna bawl kei in,” (Pai. 20:14)

“Adeih kei leh… kikhenna lai pia hen.” (Thk. 24:1)

“Thumann lo in kiciam kei in.”(Siampi. 19:12)

“Mit tang 1 ading mit tang 1, ha 1 ading ha 1.” (Pai. 21:24)

“Na vengte na it ding hi.” (Siampi. 19:18)

KEN’ KONGCIH IN AH…

“Asanggamte thu omlopi a amudah mi in thukhenna thuak ding hi.” (Mt. 5:22)

“ Lunggulhna lungsim tawh numei khat a en mi in alungsim sung ah mawhpih

khin hi.” (Mt. 5:28)

“Kikhialh khakna lo buang tawh azi amaa mi in kimawhna abawl sak suak

hi.” (Mt. 5:32)

“Kiciam peuh mah kei in.” (Mt. 5:34)

“Mi piansiate tawh ki tawng kei in.” (Mt. 5:39)

“Na galte it in.” (Mt. 5:44)

Zeisu in thukham deihna mann telkheh hi. Thukham piapa ahihna thuneihna tawh thu gen hi.

NA LUNGKHAUH MAN’UN“ ‘Moses in na lungkhauh manun zi makk ding hong phal hi. Aki patcil panin tua bang hi ngeilo hi.’” (Matthew 19:8)

Thukham 7 na, kimawhna vai Zeisu in bangci genbeh hiam? Matthew 5:28-32

Topa zeisu’ genbehna ah kimawhna pen ngaihsutna leh lunggulhnate kihel hi.

Zeisu in uang genna kammal zang in (“Na mit in hong mawh sak leh khelkhia in pai in.”) hong cihna tawh tua mawh na dinga zeetnate mawhna asuah ma in ih ki dalkholh (ih taisan)ding ahihi.

Israelte thaneemna hangin Zeisu in zi khatval neihna leh kikhenna vai tawlkhat thuakbawl phot hi. Tuin ahih leh kitenna sianthona, zahtakhuaina, leh akipdenzia hong thei sak hi.

NGEINA“Moses in, ‘Na nu na pa zahtak in, ako sia te in sihna thuak hen’, hong cia; Note in lah, ‘Kei kiang pana na ngah ding khempeuh Corban”—’ (tua in, Topa ading), biakinnpi ading ci in anu apa ading bangmah na sem sak nawn kei uh hi.”

(Mark 7:10-12)

Phariseete ngeina bawl sungah, (tua pen, biakinnpi adingin suak), ci in thukham 5na pan suakta thei sak in amah in lah zang thei lai veve.

Mihingte’ ngaihsutna leh ngeina te in Pasian in Ama khut tawh a gelh Thukham Sawmte puahphat zawk theih peuhmah hilo hi.

“Mihingte ngeinate kihilh uha amawkna in kei hong bia uh hi.” (Mark 7:7)

THUKHAM’ LAIGIL“‘Siapha aw, Thukham sungah alianpen bang ahi hiam? Ci a adot ciangin,’ Zeisu in ‘”Na Topa Pasian na lungsim khempeuh, na kha khempeuh, na ngaihsutna khempeuh tawh na it ding hi.” Hih in akhatna leh alian thukham ahihi’” (Matthew 22:36-38)

Itna tungtawn in Amah ih ki pumpiak ding Pasian in deih hi.Ih kipumpiak takpi leh Ama thupiakna om mah bang in Ama deihna banga thumanhna lam hong zuat pih ding hi. Mihau khangno pa in Thukham 10te zui napi (Matthew 19:16-22),tua Siapa in “hong pai inla ka nung hong zui in” a cih ciangin, na khempeuh nusia nuamlo hi.Itna omlo thumanhna in manh neilo hi.Thumanhna leh Topa tunga kipumpiakna cihte a tonkhop kul hi. Tua bang hi kei leh, Christian nuntak ahawmpi hong hi ding hi.

“Topa Zeisu in Athu gennate ah, Sinai mual a agenkhiat thuguipite bang zah dong in vai teng huam hiam cih thu gen hi. Tua thuguipite in tawntung dikna mann omzia hong thei sak a—thukhenna ni ciang a laibute kiphen in mi khempeuh’ thu akikhen na ding thuguipi ahihi. Mihingte bul ahihna tawh Pasian deihna tawh kituak in dikna thu picing sak ding a hong pai in mihingte in zong tua bang mah a ahih theih ding uh ahih lam hong lak hi. Mihingte ading a kipia Ama hehpihna tungtawn in kuamah in vantung atann kul lo hi. Omzia picing adeih takpite ading in ngah theih takpi mah ahihi. Hih thu in thuciam thak lungdamna thu’ bulpi ahihi. Jehovah Topa thukham in akung hi in lungdamna thu in anamtui apalh apakte, leh agahte ahihi.

E.G.W. (Selected Messages, vol. 1, cp. 26, pg. 211)