LEITUNGBUP IN ZAKIMTAKPI DING MAW?

Lesson 13 for September 26, 2015

“Topa Jesu um un, nang le na innkuanpihte hong kihonkhia ding hi”

(Acts 16:31)• Christian te bek in gupna ngah ding maw?• Christian pawlpi kiciante bekin gupna ngah

ding maw?• Mi khat peuh in Jesu mu lo in gupna a ngah

thei diam?

Tua in koi bangin hong kigum khia cih hilh cianna hi. Tua hi kei leh gupkhiat

vaina dotna pawlkhat hong om ding hi :

• Pasin in mikim it ahih leh mi khempeuh gup lo ding maw (leitung bup in)?

• Biakna khat ciat in gupkhiatna lampi vive hilo maw (atampi in)?

Mi tul tampite Jesu thei kha lo in si uh hi, tua

manin dotna hong tam sem thei hi:

• Banghang in leitungbup in lungdamna thu a zak ding kisam hiam?

• Leitung mikim in lungdamna thu zakim thei mah ding hiam?

A tawpna ah, Lungdamna Thu koi bangin kigen khia cih tawh kisai dotna nihte:

CHRISTIAN-TE BEK IN GUPNA NGAH DING MAW?“No innlamte nolh suang, inntungkhum suang a suak ahi hi,’ Midang khat beek sungah hotkhiatna a om kei hi. Ahang in, eite kihotkhiat nading van kikhupsin nuai-a mihing tungah a kipia, min dang a om kei hi.” (Acts 4:11-12)

Gupkhiatna lampi khat bek om aa tua in Jesu hi ci-in Peter in hilhcian hi. Tua in Chrisitan te bek in gupna ngah ding cih tawh hong kibang thei hi.Pawlpi pawlkhatte in a pawlpi bek ah gupkhiatna om hi ci-in um uh hi.

Adang khat ah Peter in, “Pasian in angvan tuam nei loin minam khempeuh panin amah kihta-a, a dik-a gamta mite khempeuh a sanna thu, amaan a hina teltakin ka thei ta hi” ci hi (Sawl. 10:34-35).Pasian a kihta, thuman bangin gamta napi Jesu atheilo mi omzen … Christian ahih loh hangin amaute gupna ngah huai lo hiam?

Pawlkhatte’n Gospel thu a theih khak loh hangin gupna mi khempeuh pen Jesu sisan hang bek hiding hi.Mikim in gupna pen sang thei, nial thei hi. Pasian’ thukham in mikim lungtang tungah kigelh aa, piansak nate in hong thei telsak hi (Romans 1:20).Jesu thu za kha lo mah ding hi, ahi zong a ngahsa uh khuavak apom nak uh leh Jesu in amaute gum ding hi (John 10:16).

MI KHAT PEUH IN JESU MU KEI LEH GUPNA A NGAH THEI DIAM?

“A taktak in thukham nei Gentile-te in amau pianngei, ngeina pana thukham in a kalh nate a hih uh ciangin amaute in thukham nei lo napi, amau adingin tuate thukham suak ahi khit nungsang, thukham in a kalhte amau lungtang ah kigelh hi, cih amau mah in kilangsak uh a, amau kitheihna lungsim in teci pang ahi manin a ngaisutnate un amaute a mawhsak a diksak thei zel hi. Keima hilh lungdamna-thu in a pulakkhiat mah bangin Pasian in Jesu Christ tungtawna mi hingte’ thusimte a khen ni ciangin hih thu a tung ding hi.” (Romans 2:14-16)

MI KHEMPEUH & BIAKNA KHEMPEUH“Keima hilh lungdamna-thu in a pulakkhiat mah bangin Pasian in Jesu Christ tungtawna mi hingte’ thusimte a khen ni ciangin hih thu a tung ding hi.”(2 Thessalonians 2:12)Universalism ih cih in Pasian in ki-itna hi aa, bangbang a gamta zongin mi khempeuh in tawntung nuntakna ngah ding cih upna hi a, amau a ding tawntung sihna leh mawhsak thukhenna om lo cih ahi hi.Jesu in tua bangin hong hilh lo hi. Gupkhitna lampi leh mawhsak thukhenna lampi om na ci hi. (Matthew 7:13-14).

Pluralism ih cih in biakna khempeuh in gupna sungah hong tun ding cih ahi hi.Ahi zong gupna lampi khat bek (Jesu) om cih ih sinsa ahi hi (Acts 4:11-12). Buddhist khat zong amuh zahzah thuman apom manin gupna ngah kha mah ding hi. Ahi zong, gupna pia pa Buddha hilo aa, Jesu bek pan mah ahi hi.

LUNGDAMNA THU KIGEN DING?

“Amah in amaute kiangah, “Leitung

mun khempeuh ah pai unla, a

piansaksa khempeuh

tungah lungdamna thu

na hilh un..’” (Mark 16:15)

Pasian in mikim hong it hi, ahi zong mi khempeuh mawhnei hi a hehpihna kisam aa, Jesu sungah hih hehpihna hong kilak khin hi. Hih hehpihna thupha leitung ah agen dingin Pasian in A pawlpi sam hi.A paizia kitel mahmah hi, “Na aw uh sangsak unla awng un” (Isaiah 40:9). A dangtak leitung ah Gupkhiatna lampi khat ahi Lungdamna Thupha puak dingin eite’ in mawhpuak ih nei hi.

Pasian khuavak aneu khat a ngahna pan a lungdamna tawh thu-umlote in gupna ngah thei kha ding hi. Tua hi’n amaute’n gupkhiatna athuk zaw atel nangun Pasian in lunggulh hi.

“Pasian in mi khempeuh it hi. Ahih hang in mi khempeuhte in hehpihna kisamh mawhneite vive ahi uh hi. Tua hehpihna Zeisu sung ah hong kipia hi. Pawlpi in mite hotkhiatna ding a Pasian tel mihon ahi uhhi. Mite panpih ding a akiphut ahi hi. Amasuan in leitung bup ah lungdamna thu tangko ding ahihi. Akipat pan a Pasian deihna ah; Ama pawlpi in, Amah it theihna nei in avangliatna picing, hih leitung ah alen’ kik ding ahi hi. Palwpi mite in khuamial sung pan alamdang khuavak sung ah Ama vangliatna akilat nading ahihi. Pawlpi in akicing Khazih hehpihna aki kholl-khopna mun ahi hi. Atawpna ah Pasian itna mann vannuai bup ah avekpi in kicing tak a alak ding ahi hi - Eph. 3:10.” E.G.W. (The Acts of the Apostles, pg. 9)

LEITUNG A MIKIM IN LUNGDAMNA THU ZA KIM THEI MAH DING HIAM?

“Tua ciangin mi namkim tungah teci ahi dingin leitung buppi ah kumpi-gam lungdamna-thu kihilh dinga tua khit ciangin beina a tung ding hi.” (Matthew 24:14)Christian lote ih kikhel saknop ah ah eite in

haksatna pawlkhat ih nei hi:Geel kholhna kicing lo.Pilsinna, cidamna leh huhna, ahi zong Gospel thugenna pa lo.A sem dingte leh van-gilte.Gam pawlkhat ah Christiante ki khawlsak.

Ahi zong, Pasian in thapiakna kamciam hong pia hi:

Eite tawh hong omkhawm (Matt 28:20).Ih galte’n hong zo zo lo (Matt 16:18).Thupuak leitung bup ah kizel ding (Acts 1:8).Pasian Kammal in hong hausak in geelnate hong lawhcingsak ding hi (Isaiah 55:11).

“A nungta Pasian leh Ama ompihna lunggulh aa athum mi tampi om hi. Thuthuk ngaihsutna, laitheihnate bangzah in pil mah leh tuate’n lungkimsak zolo hi. Mite genkhiat, bawlkhiat nate in man nei lo hi. Pasian kammal mite kiangah kigen khia sak in. Ngeinate, mihing thute leh zia-le-tong bek aza khinte kiangah akha uh tawntung nuntakna ah athaksuah dingin Topa’ aw zasak in.”

E.G.W. (Christ’s Object Lessons, cp. 2, pg. 40)