Upload
lamnhan
View
291
Download
7
Embed Size (px)
Citation preview
Aula METODOLOGIA PESKIZA
27 Septembru 2012
ANALISIS KONTEUDO Termu Analizasaun Konteudu hahu kunyese serca tinan 1961, wainhira disionariu
Webster fo definisaun nudar “analizaun ba konteudu isin komunikasaun nian tantu nebe
bele hare tantu nebe lahare liu klasifikasaun, tabulasaun no evaluasaun ba simbolu save
no titulu sira nebe tuir malu atu hatene signifikasaun no efeitu nebe belu mosu ‟‟
(Kripendorf, 2004:xvii).
Analizasau konteudu katak instrumentu estudu/riset ida nebe uza konklusaun
palavra nebe ejiste iha tekstu ou susesaun tekstu nian. Ema peskizador sira kuantifikasaun
no analizasaun palavra ou konseptu nebe mosu, signifikasaun no interaksaun no konseptu
ida ne‟e, depois halo resultado konaba mensagem iha teksu nia laran, eskritor tekstu,
audensia, no konteksto sosial cultural tekstu ida ne‟e.
Tekstu ne‟e rasik bele haluan nia defenisaun, ezemplu livru, inskrisaun rezultadu
entrevista, diskusaun, topiku no artigu iha jurnal, dokumentasaun historia, tekstu
diskursu, konversaun, reklamu, conversaun informal, ou formasaun hosi mensajem
komunikasaun nebe iha dokumentasaun.
Atu halo analizasaun konteudu iha formasaun saida deit, tekstu tenke haketak an
iha kategoria nebe kompila iha varias palavra nian, signifikasaun palavra no frase ka
titulu. Tuir mai mak halo analizasaun ho uza metodu principal ida iha analisa konteudu,
ne,e mak analizasaun konseptu (conceptual analysis) no analisazaun relasaun (relational
analysis).
Analizasaun konsetu bele halo nia definisaun nudar susesaun eksistensia (
presente) no frekuensia hosi konseptu ida, bebeik representa hosi liafuan konseptu iha
tekstu laran. Depois analizasaun relasional ba oin tan esplika kona ba relasaun entre
konseptu tekstu laran. Nia prinsipiu, analiza konteudu atu peskiza mensajem iha prosesu
komunikasaun nia laran, iha nivel saida deit iha komunikasaun ne‟e, tantu mensajem iha
nivel interpesoal to‟o mensajem iha level publiku ou sosial.
Iha klasifikasaun rua nebe principal tebes iha estudu konaba mensajem, ne‟e mak
estudu / peskiza mensajem manifestasaun no laten ka klandestina. Analizasaun konteudu
investiga ka estudu mensajem nebe nia karakter manifesta (mosu, bele hare). Analisazaun
ne‟e mos nia karakter ka lisan kuantitatif duke kualitatif tanba nia metodu mak konta
akumulasaun mensajem ida nebe „hakode‟ ona.
DEFENISAUN ANALIZA KONTEUDU
Tuir Holski (1969), analiza konteudu ne‟e mak “…..teknik ida atu foti nia
konklusaun ho identifika karakteristikas oi-oin espesialmente mensajem ida ho objektif
no sistematika.”
Tuir George V. Zito, konten analiza mak “ metodologia ida nebe peskizador buka
no desidi konten nebe mosu ba formasaun komunikasaun nebe hakerek ona, hatete ka
halo publikasaun ona ho sistimatika.”
TANBASAIDA PESKIZADOR UZA METODU ANALIZA KONTEUDU
Primeiru, peskizador hakarak hetan informasaun sobre topiku no fiar katak analisa
konteudu fo ajuda ba nia atu hetan informasaun nebe nia buka. Ezemplu, peskizador
hakarak hatene nusa mak konteudu violensa iha programa iha televisaun ba labaraik sira
no iha kalae mudansa ruma iha tempu ruma. Ho uza analiza konteudu, peskizador,
peskizador bele observa programa televisaun labarik nian no kompara ho tempu seluk.
Analiza konteudu bele mos uza wainhira peskizador iha hipotesa ka afirmatifa
kona ba topiku no hakarek hare los ka lae hipotesa ida ne‟e. Ezemplu, peskizador iha
hipoteza katak relasiona ho movimento femenismu aumenta, opiniaun sobre feto iha
tekstu media massa nian mos iha mudansa.Ho hipotesa ida ne‟e, riset ka estudu analiza
konteudu bele iha konsentrasaun.
Fontes data informasaun ba analiza konteudu iha varisaun barak. Iha nia prinsipiu
saida deit mak hakerek, bele analiza ho metodu ho analiza konteudu.
Fontes data ba estudu riset nebe principal ne,e mak media sosial (massa) no meios media
massa tomak bele halo peskiza.
Uniaun analiza nebe peskizador uza mak meios media ida ho tomak, ezemplu
jurnal ou diaria balun, ou uniaun analiza iha level artigu, notisias ou programa media
transmisaun. Analisa konteudu bele mos hala‟o iha nivel palavra no letra, ezemplu konta
frekuenssa letra Maromak, invernu, lalehan, iha jurnal eskola nian atu hatene sentimentu
relijiozu alunus iha eskola balun.
Analisa ida ne‟e bele mos peskiza fontes-fontes seluk nebe deskrita ona, la‟os deit
ba media sosial. Ezemlu, surat no riska iha moru. Peskiza konaba surat-surat imigrantes
Polania iha Amerika iha inisiu sekulu XIX nudar peskiza sosiologia ida nebe importante.
Peskiza analizasaun konteudu riska iha sintina labarik mane nian iha Amerika iha tinan
1970 hetan atensaun boot hosi komunidade iha neba tanba riska sira ne‟e hatudu
ekspresaun sksual labarik mane sira iha SMA iha Amerika.
Komponente Analisa Konteudu
1. Amostra populasaun
2. Uniaun
3. Kategoria
4. Koding
5. Ema mak halo koding
6. Karta Koding
7. Formula Koefisien Reliabilitas
*** *** ***
Referensia:
Narendra, Pitra. (2008). Metodologi Riset Komunikasi, Panduan Untuk Melaksanakan
Penelititan Komunikasi. Yogyakarta: BPPI Yogyakarta dan Pusat Kajian Media
dan Budaya Populer.
Catatan:
Khusus diselenggarakan untuk kepentingan perkuliahan di Jurusan Ilmu
Komunikasi Sosial, FISIP, Universidade Nasional Timor Lorosae.
Dili, 20 Septembru 2012
Dominika Dwikori Sitaresmi, M.A.