Vjenčić - Венчикруским язику, и у лектири по румунски, як и у ан-толоґийох по сербски. Роби у НВУ “Руске

Savez Rusina Republike HrvatskeСоюз Русинох Републики Горвaтскей

BROJЧИСЛО 2/201885

ISSN

133

1-21

89

Vjenčić - Венчик

ДЗЕНЬ ШКОЛИНа радосц школярох и учительох, пи-яток, 18. мая 2018. року, означени Дзень школи и 50. рочнїца школского будин-ку котри нєшка ноши мено ОШ Антуна Бауера Вуковар. З нагоди тей рочнїци представена моноґрафия школи котрей авторка маґ. едуц Тамара Чер. Понеже од Мирней реинтеґрациї истей ОШ припада и Подручна школа Петровци, у моноґра-фиї и текст о иснованю петровскей шко-ли хтори порихтала учителька Наталия Гнатко.Попри вуковарских школярох на култур-ней програми участвовали и школяре з єй обидвох подручних школох. Часц пе-тровских и вуковарских школярох, хтори ходза на наставу руского язика и култу-ри, одшпивали облюбену им дзецинску руску писню »Каролина«, котру з нїма порихтали учительки Илона Грецешин

и Наталия Гнатко. Шветочносц звелїчали бувши роботнїки школи, як и представи-телє дружтвено-политичного живота го-роду и жупаниї.Маґ. едуц. пхилол. цроат. Илона Грецешин

Часц петровских и вуковарских школярох хтори уча руски язик одшпивала писню „Каролина“

Моноґрафия ОШ Антуна Бауера Вуковар з нагоди 50 роки иснованя

2 VJENČIĆ - ВЕНЧИК 85/2018

Uredništvo: Vera Pavlović (glavna i odgovorna urednica), Ahnetka Bala-tinac, Ljubica Harhaj, Manuela Dudaš, Lesya Mudri i Vladimir ProvčiSavjet uredništva: dr.sc. Oksana Timko Đitko (predsjednica), Marijana Džudžar, vl. Vladimir SedlakLektori: Marija Vulić (rusinski jezik), Andreja Magoč (hrvatski jezik)

Tiskanje potpomaže Savjet za nacio-nalne manjine Republike Hrvatske.Naklada: 400 primjeraka

Редакция: Вера Павлович (главна и одвичательна редакторка), Агнетка Балатинац, Мануела Дудаш, Люби-ца Гаргай, Владимир Провчи, Леся Мудри

Совит редакциї д.ф.н. Оксана Тим-ко Дїтко (предсидатель), Марияна Джуджар, о. Владимир СедлакЛекторе: Мария Вулич (руски язик), Aндрея Магоч (гортватски язик)Друкованє помага Совит за нацио-нални меншини Републики Горват-скей.Тираж: 400 прикладнїки

“VJENČIĆ”Izdavač: Savez Rusina RH

http://www.savezrusina.hr [email protected]

Facebook: Savez Rusina RH VukovarZa nakladnika: Dubravka RašljaninUredništvo: Vukovar,

Vijeća Europe 93Tel. / faks: 032 428–342IBAN HR1623400091110057465Tisak: Proventus Natura d.o.o. CernaNaklada: 400 primjeraka

“ВЕНЧИК”Видава: Союз Русинох РГ

http://www.savezrusina.hr [email protected]

Фейсбук: Savez Rusina RH VukovarЗа видавателя: Дубравка РашлянинРедaкция: Вуковaр, Рaди Европи 93Тел. / факс. 032 428–342ИБАН HR1623400091110057465Друкує: Провентус Натура д.о.о. ЦернаТираж: 400 прикладнїки

BROJ / ЧИСЛО 85GODINA / POK 2018.

Tiskano – Друковaне6 / 2018

Rukopisi se ne vraćaju.Рукописи ше нє врaцaю.

CijenaЦенa

KunaКуни5

Impr

esum

SADRŽAJ - ЗМИСТ

Насловни бок: Агнетка Балатинац – Урааа, школа закочела!Остатнї бок: Агнетка Балатинац – Швет сказкох

Дзень школи . . . . . . . . . . . . . . . . . . . . . 2

60 роки од народзеня рускей писательки Меланиї Римар . . . . . . . . . . . 4

На «Веселинки» вше весело и интересантно . . . . . . . . . . . . . . . . . . . 6

Писателє вам написали . . . . . . . . . . . . . . 7

Герчок и препилка . . . . . . . . . . . . . . . . . 8

Гибайце ше бавиц . . . . . . . . . . . . . . . . . 9

Дзень школи . . . . . . . . . . . . . . . . . . . . 10

Шицки драги водза за Рим . . . . . . . . . . 11

Перша причасц у миклошевцох . . . . . . . 15

Отримани 45. „Петровски дзвончок“ . . . . 16

20. Жупанийска смотра дзецинского фолклору . . . . . . . . . . . . . . . . . . . . . . 18

Збогом школо! . . . . . . . . . . . . . . . . . . . 19

Модел витровей турбини . . . . . . . . . . . 20

Чудесни швет . . . . . . . . . . . . . . . . . . . 22

Забавни боки . . . . . . . . . . . . . . . . . . . 23

Школяре написали . . . . . . . . . . . . . . . . 27

Подобово роботи. . . . . . . . . . . . . . . . . 29

385/2018 VJENČIĆ - ВЕНЧИК

60 роки од народзеня рускей писательки Меланиї Римар

Мелания Римар народзена 30. авґуста 1958. року у Руским Керестуре дзе и одросла. Основну школу и ґимназию закончела у родним валалє, а Природ-но–математични факултет у Новим Садзе.Найвецей пише на мацеринским, руским язику и то писнї, сказки, приповедки и драмски слички за дзеци. Твори єй прекладани на українски, ру-сийски, болгарски, македонски, словацки и ру-мунски язик.Кнїжки цо єй по тераз обявени то: “Ранши нови-ни”, поезия за старших; (1983), “Лєто у дїда” (1987), “Слунечков сон” (1991) и “Пошептала ми птица” (1999), писнї за дзеци; “Шнурка и ґужлїк” (2008) и “Жвирки у азбуки” (2013), писнї за предшколски дзеци; “Сказков заглавчок” (2001) , приповедки за дзеци; “Чилаш, а без принца” (2012) збирка припо-ведкох и сазкох.Заступена є у Буквару, у учебнїкох и лектирох на руским язику, и у лектири по румунски, як и у ан-толоґийох по сербски.Роби у НВУ “Руске слово”, дзе є одвичательна ре-дакторка часопису за дзеци “Заградка”.

Порихтала Лю. Гаргай

СТАРОДАВНИ ЛАКОТКИШицки настрах видумуюже за цо ше вишколую,та уж маме и тортарки,ґлумици, апатикарки.

Будзе з класи и байберох,учительох и тренерох,а цо би я любела буц,агейце же чекаце чуц.

Отворим кухню за белюши,капущанїки и пироги.Буду мегчейши од души,а я на високей ноги.

Поце шицки, цо чекаце?Ша, дома таке нє маце!Тунє, а смачне руске єдлохторе дзецко би нє жедло?

Будзе у шорох дрилянєза лакотки стародавни,и пре мойо заниманєбелюши постаняю славни.

ДЮРИ КРАЧА ДО КОВАЧАДюри крачадо ковача,бо ше му унучкиковачово пача.

Шумни дзивочкиДюрика чекаю,а вец ше од ньоготак схопнє скриваю.

Єдна стої у вельким гордове,друга кучиу сухим валове.

До рана би шеозда скривали,кед би ше очка спац нє питали.

Пошол и Дюри,та шпи вистати,нарано найдзедзивочки злати.

ВЕЛЬКА НОЦВелька Ноц нам идзеи ноши радосци.Печеме пасочки,бо нам приду госци.

“Христос воскрес!”здравкац научиме,бо по облїванюходзиц мушиме.

Коло сто писанкими офарбиме,та облївачомвец подзелїме.


ВИДУМАНЕ БАВИСКОНє падал диждж, анї нє дул витор. Лєм швицело слунко, алє нє було горуцо. Мац нам нє дала уключиц компютер. Послала нас вонка бавиц ше на дворе.– Як ше будземе бавиц кед на дворе нєт бависка? – питали зме ше.– Кед их нєт, а ви их видумайце – гварела нам.Думали зме, вец зме ше круцели по дво-ре и по заградки, а вец зме знова думали. Одразу Яни скричал:– Гей, людзе, зашвицела ми лампочка!– Дзе ти маш лампочку? Укаж нам ю! – гва-рела Оля.– Мам, у глави, алє ю нє видно – твердзел Яни.– Як ше ти виплєташ! Хто ише видзел лам-почку у галви? – шмеял ше Андри.– Нє видзел нїхто, бо там нє мож закукнуц. То ше лєм так гутори кед дакому придзе на розум интересантна идея. Патьце на тоту градку шалати у заградки. Видзице кельо шлїмаки ше шпацирую по нєй. Єден ше пендра на верх лїсца, други ше спущує долу, а треци ше шмика по жеми. Гайде, позберайме их до шкатулки и направме им школу – предложел Яни.Оля ше почала шмеяц з його идеї. Знала же шлїмаки нє ходза до школи, алє при-стала, бо Яни вше видумал дацо интере-сантне. Зоз фалатком червеней цегелки нарисовала коцку на бетону и преградзе-ла ю по поли. Так задумала два учальнї. У єдней буду найменши шлїмаки – школяре першей класи, а у другей кущик векши – школяре другей класи. Вец шицки тройо покукали ґу шалати и лапали шлїмаки. Кед у шкатулки було вельо, дас дзешец або ище вецей, поскладли их по велькосци. Шицки були малки, та чежко було видвоїц даскельо до другей класи, алє их якошик роздзелєли. Нє знали хтори шлїмачок хла-пец, а три дзивче, бо збунєни мали мегуч-каре поскривали и рощки и нощки, та ше нї по чим нє розликовали. Анї нє важне, бо ше фодбаловац у школи нє буду гоч су шицки хлопского роду. Гей, шлїмаки нє знаю цо то лабда, анї цо бабка и варґочик.Так дзеци допоплньовали Яниково виду-мане бависко и зложно ше бавели на шко-ли за шлїмачки. Можебуц даєден дзень отворя и школу за божи катички, або бра-мушки, а цо их понаучую, озда учуєме.

ЗДРАВКО ЛЮШТАВКОМожем и вошнє видеклемовацяк ше давно дзеци забавяли,и на джмураци вам нарисовацяк шерпенки по праху цагали.

О тим ми дзечнє приповедаце,алє вше дацо и затаїце:Як сце були залюштани у блаце,а мнє по барох бегац бранїце.

Та, чом у мнє люштавка видзице,о чистоти чом тельо кончице?Здравко Люштавко чом ме волаце?Исти сце були, чи паметаце?

У моїх очох капри видзице,а чи ви нє ставали каправи?Же ми кущик чарне под нохцами,и вам було, а були сце здрави.

Сто раз на дзень руки мам умивац,од бавеня ровно ше одривац,бо обераци хороти стрежукеди на мнє руца свою мрежу.

Та, чом у мнє люштавка видзице,о чистоти чом тельо кончице?Здравко Люштавко чом ме волаце?Исти сце були, чи паметаце?

ҐОВЛЯНа комин намґовля злєтла,а моя мацнїжно шепла:– Нач ми ту лєци!Ша ми уж маме тройо дзеци!Оцец ше шмишка,та єй гвари:– Алє, дзеци намнайкрасши дари!

ЩЕШЛЇВА ПРИРОДАПтици щешлївикед им гнїзда нє збиваме.Мотилї щешлївикед им кридла нє таргаме.Габзи щешлївикед з нїх пукалки нє стругаме,а лампащики,кед им коруни нє роздуваме.Ружи щешлївикед їх цернє нє ламеме,а брамушки,кед брамушнїки нє ґазлуєме.И природасце буц щашлїва,бо и вона,як и ми,жива.

БЛИШОВА МИШАЄдна мала мишазоз шивого блишапо хижи бегала,бо колєска мала.

Колєска барз швидкиубегли до клїтки, там папаґай биваод миши ше скрива.

Нє так же ше бої,бо на пнячку стої,алє мишу нє любигоч то лєм блиш груби.


На «Веселинки» вше весело и интересантно

У Руским културним центре у Новим Сад-зе 9. юния отримани традицийни дзе-цински фестивал «Веселинка». Як то и швечи дзецинскей манифестациї, и того року ту було весело, розбавено, вельо шмиху, беганя, танцованя и шпиваня. На «Веселинки» ше позберали руски дзеци зоз Нового Саду, а як госци були повола-ни и дзеци зоз Керестура, Коцура и Ми-клошевцох.У пополадньових годзинох у простори-йох Културного центру були орґанизо-вани интересантни роботнї. Зацикавени могли дацо дознац о хладним оружию и научиц ше мечовац, а кажди добил нєо-пасни меч зоз балону. Дзивчата ше учели танцовац у балетней секциї, а любителє мальованя по мурох могли опатриц як ше зоз спрейом рисую ґрафити, гоч каж-де дзецко баржей прицаговало мальо-ванє зоз крейду по мурох.

У културней програми наступели пред-школци зоз оводи «Палчочка» у Новим Садзе и як наймладши учашнїки освоєли абсолутну симпатию публики. Керестур-ски ше школяре представели зоз двома сучаснима танцами, Коцурци ище раз до-казали же су барз добри у шпиваню и ре-цитованю, а новосадски школяре котри ходза на руски язик у розличних школох мали нагоду на «Веселинки» здружиц ше и зашпивац у вельким хору. На самим концу програми наступели члени Кул-турно-уметнїцкого дружтва «Яким Ґовля» з Миклошевцох зоз двома рускима тан-цами, док Николина Бучко барз удатно одшпивала познату дзецинску шпиванку «Любичица мала».Веселе розположенє тирвало и после програми кед дзеци и старши предлуже-ли друженє и танцованє до позних годзи-нох. Леся Мудри


Гавриїл Костельник

СТАРИ АЛЄ ЗДРАВИЗнаце дзеци чом сом здрави,моцни, черстви, гоч сом сатри?

Прето же я вельо нє єм,лєм тельо же глад од’женєм.И нє курим, и нє пиєм,шорово у шицким жиєм.

Волїм вонка буц як нука,там дзе греє заря слунка;чисти воздух, швижа водамнє найлєпша вилагода.

ЄДНА ЖАБАБула єдна жаба,високо скакала,през коровча рановона пребегала.

Видзел то Якимчо,та ю пооганял,сцигнуц ю нє могол,далєко одогнал.

Тераз жаба саматам у цудзим швеце,врациц ше нє жадабо там красне квеце.

А кед ше и врацибудзе то на жиму, придзе ту до краюопатриц родзину.

Любица Гаргай

ХЛАПЕЦ ТОНИЄден хлапец Тонимнє в шерцу глїбоко,вше на ньго я думами кед є далєко.

Бо то хлапец мили,цепли попатрунок,вше є барз веселидава ми дарунок.

И я його частожадам подаровац,зоз нїжносцу свою,нє будзем бановац.

Вше кед ше стретамеокремне то швето,на розходзе дамепоцилунок лєгко.

До другого часунаймилши мой хлапцу,будзем на це думаци на твою красу.

Любица Гаргай

Mихал Ковач

ШИЦКИХ ЛЮБИМЛюбим щиро шестру, брата,оца и мамочку,любим далєй кума, куму,дїда и бабочку.

И сушедох своїх любим,и цалу родзину:шовґра, андю, свата, сваху, бачика и нину.Любим ище крем родзинимой валалчок мали,добрих людзох у валалєи наш народ цали.

Владимир Мишлєнович, 3 класа, Миклошевц

Писателє вам написали


Ана Гаргай

Герчок и препилкаВитор правел „габи“ и класатим житу, а слунко „розлївало“ свойо зарї по його осцу, класкох и сухих лїсточкох. Од велького зги-наня оламовали ше класки и отрушовали заренка жита. Герчок перше окусовал, а по-тим и зазберовал заренка жита и ношел их у мещкох до свойого гамбара. Препилка з воздуху збачела герчка як цага мещки та ше озвала.– Цо робиш по такей горучави? Сануєм це, бидняку, бо нє маш криделка як я, та ше му-шиш трапиц.– Прето мам штири ноги и цешим ше з нїма ! – одповед єй герчок и предлужел з роботу.– Вельки хасен маш од тих ножкох – гварела поспердно препилка – кед мушиш вельо ро-биц, а я замахнєм лєм раз-два з криделками и одпирхнєм на друге польо!Потим препилка пишно випла главу, махла з криделками и одлєтла високо ґу хмаром. Гер-чок патрел як лєци понад польо и пожадал же би и вон мал криделка. Медзитим, у тим чаше нєсодзивано штрелєла ловарска пуш-ка, єдна кулька потрафела препилку и вона почала падац ґу жеми. Була покалїчена и лєдво ше скрила до чарнїцовей гущави. При-шол ловар и глєдал ю, а кед ю нїяким концом нє могол пренайсц вец лєм одмахнул з руку и пошол далєй по своєй драги.Кед ше нєвигодна ситуация з ловаром змире-ла, вишол герчок зоз своєй дзири и поглєдал

препилку. Була жива, алє покалїчена бо ю ловар заштрелєл до єдного криделка, та нє могла лєциц. Щесце у нєщесцу було у тим же єй ножки були цали и здави, та ше могла по-малючки рушац и коло себе поглєдац даєдно зарно жита. Же би прежила помогол єй и гер-чок, котри єй ношел єдзенє у своїх мещкох и допатрал ю же би цо скорей виздравела. Препилка му була подзековна на тей помоци, алє источашнє чувствовала грижню совисци пре свойо скорейше справованє.Єдного дня пришли людзе и скошели жито, а потим швиняре пущели швинї на сцернянку. Нє лєм же вецей нє було сиґурно пребувац на тим месце, алє и зарна було вше менєй, та тераз змоцнєта препилка мушела одлєциц далєй.– Дзекуєм ци на єдзеню и допатраню, и мод-лїм це за пребаченє! Уквилєла сом це, а анї сама нє знам прецо и вер ми же тераз мам иншаке думанє о тебе и твоїх ножкох! – гва-рела препилка герчкови на розходзе.– Длужносц ми була же бим ци помогол, як цо бим помогол и другим животиньом и прето ми нє мушиш дзековац. Медзитим, прилапям твойо пребаченє и жадам ци щешлїву драгу! – гварел герчок.Кед ше препилка и герчок одпитали єдно од другого, препилка облєцела даскельо круги понад герчка, а потим нєстла на горизонту.ПОУКА: Хто високо лєци, нїзко пада!

Даниєл Буила, 2. класа, Петровци

Елени Недич, 1. класа, Вуковар

Матея Шовш, 4. класа, Петровци


Владимир Дудаш

ГИБАЙЦЕ ШЕ БАВИЦМоя улїца, наш край Яраш, то найкрасши край на цалим швеце. Хто голєм раз бул, вид-зел и бавел ше з нами Ярашанцами, може то потвердзиц. Єст нас вельо, од оводарцох, та по тих зоз седмей и осмей класи. Правда, вони вше заповедаю, алє без нїх би нє було тельо интересантни бависка.Яраш, то велька пажица на хторей направе-ни прави фодбалски терен. Вола ше „Русин“. Кед „Русиновци“ маю змаганє, ми Ярашанци маме задаток навияц за нїх. „Напредок, Ру-син!“ Маме так моцно кричац же би нам аж мандулї вилєтали. Ютредзень ридко хто спо-медзи нас може приповедац, бо зме шицки захрипнути, алє то ци любов ґу нашому „Ру-сину“.Нєдалєко од Ярашу два вельки долїни. Єдну волаю Цеглярня, а другу Ґоловичова долїна. Кед ше бавиме на долїнох як кед бизме були на Амазону. Наисце у нїх єст шицкого: pиби, жаби, коритнявки, алє и вшелїяки нєсподзи-ваня. Єден дїдо нам приповедал же давно, барз давно през тот край, през тоти два до-лїни, сцекали од войска гусаре зоз покрадзе-ним златом. У сцеканю ше им виврацел єден чамец полни зоз златом. Нє мали часу зберац го, та злато по нєшка остало на дну долїни. Дїдо ше нїяким концом нє могол здогаднуц у хторей долїни ше тото случело, алє нє важ-

не. Тераз голєм маме вельку роботу викопац злато. На самим концу Ярашу єст єден баґренов лє-шик. Древа почиряни до велькей гущави, у нєй царую заяци, фазани и препилки. А боме, чули зме же у лєшику жиє и єдна чудна жи-вотиня. Випатра як єлень, лєм нє ма роги. На носу ма рог як носорог, нє вельки є, нє є месо, лєм паше траву. Нє бали зме ше од нєй, лєм зме ю сцели видзиц. Ридко хто ю видзел бо є барз осторожна и зна ше барз добре скриц. Часто ше ходзиме бавиц и до того лєшика, алє лєм зоз старшима. Цо сиґурне, сиґурне. Кед войдземе до гущави, поставаме шмели, як Тарзан у джунґли. Такой глєдаме шлїди чудней животинї. Перше закукуєме до густей трави, а вец до конарох. Поставаме як прави ловаре. Вец дахто скричи: „Гибайце швидко, ту цошка єст!“ А ми беж! Падаме замервени у густей трави. Кед ми там... а воно... нїч, да-яка стара ренда заквачена на конаре. Дакус подудраме же зме даремно там бежали, алє вец далєй предлужиме глєдац шлїди чудней животинї.Поладньови дзвон вше прерве бависко кед найинтересантнєйше, алє мушиме пойсц полудньовац, бо кед запожнїме, од пополад-ньового бависка нє будзе нїч.Гибайце ше з нами бавиц на Яраш.

Ґабриел Гарди, 4. класа, Петровци

Ґабриел Мудри, 1. класа, Петровци

Миа Буько, 4. класа, Миклошевци


ДЗЕНЬ ШКОЛИТого року Дзень школи ОШ Чаковци означени 15. мая. Праве тот дзень пред 25 роками по одлуки руководительства школи бул символично прияти за Дзень школи, понеже ше теди означує и Медзи-народни дзень фамелиї. У голу школи позберали ше школяре, їх родичи и учителє на святочней програми котру отворел школски хор зоз виводзеньом гимни Републики Горватскей. Под руководительством учительки музичней култури Наташи Лукач Дудаш, члени хору цеком програми барз ше удатно представе-ли и зоз шпиванками «Гавана» и «Нє рушай мою любов». Уж постало традиция же ше на Дзень школи представяю проєкти класней и предмет-ней настави котри ше у школи запровадзаю це-ком цалого рокa. Школяре нїзших класох вєдно зоз своїма учительками того школского року ви-глєдовали историю старих Вучедолцох, а резултат своєй роботи представели зоз приказованьом презентациї «По дражкох старих Вучедолцох». Їх презентацию надополнєла и госцинска програми, сотруднїца Вучедолского музею, котра виприпо-ведала о цикавей роботи археолоґа и поволала шицких присутних нащивиц музей на Вучедолу.Школяре висших класох цеком рока мали вецей розлични мини-проєкти, обєдинєни у єдним под назву «За каждого по дацо», хтори патрачом пред-ставени у кратких смужкох. Наисце, було ту койчо-го. Єдни на годзинох горватского язика правели бабки и здумовали бабкарски представи, док други

знїмали реклами на шлєбодну тему. Школяром бул интересантни и проєкт «Мальованє школи», чий циль бул украшиц школски мури зоз пригоднима малюнками. Цикави були и проєкти з математики, медзи хторима ше шицким найбаржей попачел проєкт под назву «Математична палачинка».Як и каждого року, на програми було и прегла-шованє побиднїкох литературного конкурсу, чия тогорочна тема була «Моя фамелия». Награду до-стали Антун Ґайчевич (7. класа) зоз Миклошевцох и Ива Петричевич (3. класа) зоз Томповцох, котри присутним пречитали свойо литературни роботи.После святочней програми школяре у приємней атмосфери предлужели зоз друженьом и забаву. За висши класи були орґанизовани спортски зма-ганя, док школяре нїзших класох на креативней роботнї научели як направиц торбичку од старей маїци. Леся Мудри


Шицки драги водза за Рим Здогадованє на єдно красне путованє

Вошли зме до цеплих дньох. Конєц шко-ли уж ше приблїжує, за нами Велька ноц, преслави Перших причасцох. Пошвид-ко закончи и школа. Почали екскурзиї и школи у природи. Ишло ше и на даске-льо паломнїцтва: до Риму и до Крижев-цох и Мариї Бистрици з нагоди ювилею 240. рочнїци постановеня нашей Кри-жевскей епархиї. То була нагода же зме єдного од паломнїкох замодлєли за крат-ку розгварку о його упечаткох и здогадо-ваньох з драги котра го одведла аж до Риму…Модлїме це же биш ше представел на-шим читательом…Волам ше Мартин Седлак. Мам шейсц и пол роки. Жиєм у Петровцох. На єшень рушим до школи.

Мартин, чули зме же ши концом апри-ла зоз своїм татом, маму, шестрич-ку Каролину и даєднима другима людзми ишол на далєку драгу. Можеш нам дакус потолковац дзе сце то ишли и яка була причина вашого путованя?Можем. Ишли зме до Риму. Причина була паломнїцтво. Ишли велї людзе – єден по-лни автобус. Путовали зме єден тидзень. У автобусу з нами бул и наш крижевски владика Микола Кекич, були паноцове з Вуковару, Миклошевцох, Заґребу и мой тато, петровски парох. Ишла и єдна чес-на шестра, даскельо дзеци и младежи. Други були одроснути людзе, даєдни младши, даєдни старши. Путовали зме през цалу Горватску, през Словению и Италию. Нащивели зме вароши: Асиз, Рим, Гротаферату, Фраскати и Падову. Спали зме у Асизу и Риму.

Дзе ци ше найбаржей попачело?Гмм… вшадзи ми було крашнє, алє ше ми найбаржей попачел Рим.

Прецо праве Рим?У Риме зме були на єдней велькей пло-щи… Думам же ше вола площа св. Петра.

У Риме, ту наш тато ишол до школи1185/2018 VJENČIĆ - ВЕНЧИК

Там зме з велїма людзми мали нагоду стретнуц ше зоз папом Франциском, ко-три зоз своїм автом вецей раз прешол коло нас. Мали зме барз добре место – перши шор. У остатнїм своїм преходзе коло нас вон татови з очми дал знак же му може додац Каролину. Прежегнал

нас обидвоїх и поблагословел, а ю вжал и до рукох и побочкал ю. То за мнє було цошка вельке. Людзе пришли пре папу, а папа пришол праве ґу нам пре мою малу шестру. Дали нам и цидулку кому и кадзи ше треба явиц за слики. Було барз горуцо, алє тельо швета сом нїґда ище нє видзел и прето ми там було прекрашнє.Цо сце ище видзели у драже?

АсизУ Асизу зме обишли церкву св. Фран-циска, св. Клари и цали стари варош. Улїчки им прекрасни, алє иду високо до брега и барз ше вистанє кед ше по нїх ходзи. Цали варош од каменя, як даяка стара твердиня.

РимРим вельки и красни варош. То главни го-род Италиї. У Риме зме обишли велї цер-кви: св. Петра у Ватикану, св. Павла, св.

Моя шестричка Каролина при Папови

У Асизу

Моя шестричка при Папови

Заставки и слухалки за водителя12 VJENČIĆ - ВЕНЧИК 85/2018

Софиї – при хторей паноцец Маґоч ишол до ґимназиї – и ище велї други, нє знам им шицким мена. Були зме и у школи до хторей мой тато ходзел. Гварел ми же ше то вола факултет и же ше ту студира. Видзели зме велїх студентох. Там зме у модерним кафичу з другима студентами попили дахто кафу, дахто сок або воду, хто цо сцел. Були зме и при Колосеуму, на часци дзе видно стари Рим, у Катаком-бох...Катакомби то интересантни конки под жему. Гварели нам же там ховали людзох, алє нє видзели зме мертвих, лєм слики и плочи з надписами и празни дзири у му-рох. Обишли зме велї улїчки. Вельо зме дутяни видзели. Було и даскельо красни парки. У єдним були сами ружи.Ишли зме пешо, а дакеди и на автобу-су. Чазматранс з Вуковару нам дал пре-красни нови модерни автобус и барз ше ми пачел. Шофере були барз приємни. Мали зме тиж и мали слухалки у ухох, а водитель, паноцец Звонимир, шицко нам крашнє толковал. Могло ше го шицко ро-зумиц. Вожел сом ше тиж так и у римским метроу. То гайзибан цо идзе попод жему. Трамваї им красни, автобуси хтори як, алє шицки швидко гоня и то ше ми барз попачело. Там нїхто нє купує карту у автобусу, алє

ше карта муши купиц скорей и уруциц до машинки на уходзе, а вец машинка дораз карту враца назад до руки… Кажди дзень зме мали Службу Божу з нашим владиком. Двоме хлапци цо ше уча за паноцох були швичкаре и я з нїма. Други паноцове и мой тато служели з владиком. Обишли зме и даєдни греко-католїцки церкви.Гротаферата и ФраскатиЄдно пополаднє ишли зме до Гротафера-ти. То блїзко при Риму, алє дакус у бре-

Наш автобус У нашей церкви у Ґротаферати1385/2018 VJENČIĆ - ВЕНЧИК

гох. Там вельки грекокатолїцки манас-тир. Вечар зме ишли до другого городу котри ше вола Фраскати. И вон блїзко

при Риму, а з нього зме видзели и морйо. Обишли зме „варощик“ котри ма вецей жительох як Осиєк. Так нам гварели, бо нам ше после велького Риму видзело же є барз мали. Там зме вечерали, а по ве-чери була домашня италиянска музика. Грали нам и шпивали италиянски гудаци, а я им помогол зберац їх дзвончок. Було нам барз весело.

ПадоваУ Падови зме розпатрали центер городу. Були зме и у церкви св. Антония и ище у єдней другей церкви. Потим зме ишли дому. Маю прекрасну вельку фонтану у центру. Падова варош у ровнїни. Людзе там вельо вожа бициґли.

Служба БожаЧарли Чаплин и я

Швичкаренє под час Служби Божей


Як ше нам видзи, наисце сце вельо обишли у єдним тижню. Цо биш нам поручел на концу нашей розгварки?Нє можем ше шицкого здогаднуц, бо зме од рана до вечара ходзели, розпатрали, а помедзи єдли и модлєли ше, алє нє жаль ми и пошол бим знова. Можебуц же зме дакус и вистали, алє шицки зме були весели. Мнє ше барз попачело, а верим же би ше так исто попачело и вам.

(Розгварку зоз Мартином на авдио-запис водзел о. Владимир Седлак)

ПЕРША ПРИЧАСЦ У МИКЛОШЕВЦОХ

Внєдзелю, 3. юния, у миклошевскей цер-кви Рождества Пресвятей Богородици святу тайну причасци прияли седмеро першопричашнїки. За тоту подїю шко-лярох трецей и штвартей класи на годзи-нох виронауки у ПШ Миклошевци при-рихтовала вироучителька ш. Навкратия цеком цалого школского рока, а кажди тидзень у пополадньових годзинох у па-рохиї о. Роман Ступяк учел першопри-чашнїкох розумиц цо значи грих, пока-

янє и покута, споведз. Службу Божу на швето Святей Евха-ристиї служели миклошевски парох о. Роман Ступяк и паноцец у пензиї о. Яким Симунович. Читаюци казань, о. Ступяк потолковал значенє причасци, а после Служби подзелєл памятки на тоту за їх духовни живот важну подїю. Потримац першопричашнїкох пришло вельке чис-ло Миклошевчаньох и госцох.

Леся Мудри

Миклошевски першопричашнїки зоз паноцом Якимом Симуновичоми парохомРоманом Ступяком

Першопричашнїки под час Служби Божей

На площи Навона


Отримани 45. „Петровски дзвончок“У рамикох централней културней манифес-тациї Руснацох РГ „Петровски дзвон“, а у ор-ґанизациї Союзу Русинох РГ, 03. юния на 11 годзин отримана дзецинска културна мани-фестация „Петровски дзвончок“ хтора ше традицийно отримує у Петровцох.„Петровски дзвончок“ отворела предсида-телька Союзу Русинох РГ Дубравка Рашлянин, хтора наглашела же шицке нашо старанє за културни скарб Русинох на наших просторох ма смисла лєм кед любов ґу своєй бешеди и рускей националней припадносци пренєше-ме на дзеци, бо вони залог нашей будучносци.Програму водзел Томислав Рац, а того року участвовали школяре хтори ходза на годзи-ни руского язика у ОШ Антун Бауер Вуковар, ПШ Петровци, члени КУД „Яким Гарди“ зоз Петровцох, члени КУД „Яким Ґовля“ з Микло-шевцох, члени КУД „Осиф Костелник“ з Вуко-вру и дзецинска танєчна секция УКПД „Тарас Шевченко“ зоз Канижи.Публики ше перше представели школяре ОШ Антун Бауер з Вуковару хтори ходза на годзи-ни руского язика у ПШ Петровци и Вуковару, хтори зоз свою численсцу розбовчали ра-досц у шерцу патрачох и своїх найблїзших. Школяре ПШ Петровци виведли танєц „Ишло дзивче по воду“, а вєдно зоз вуковарскима школярами одшпивали писнї „Ша я Руснак,

ти Рускиня“ и „Ей, млїнару“. Школярох порих-тали учительки руского язика Наталия Гнатко и Илона Грецешин.КУД „Яким Ґовля“ з Миклошевцох на тогороч-ним Дзвончку заступел дует Анастазия Нико-лич и Владимир Мишлєнович котри виведол писнї „Пада диждж“ и „У градочки шалата“, а Владимир Мишлєнович соло одшпивал дзе-цинску писню „Каролина“.Треци наступели члени КУД „Осиф Костел-ник“ з Вуковару, Клара и Кристиан Микло-шово хтори соло шпивали два писнї. Клара одшпивала дзецинску писню „Коза рогата“, а Кристиан писню „Зреє жито, зреє“.УКПД „Тарас Шевченко“ зоз Канижи предста-вело ше зоз танцами „Козачок“ и „Черевички“.Остатнї наступели члени домашнього КУД „Яким Гарди“ з Петровцох, хтори ше предста-вели зоз обсяжну програму. Члени танєчней секциї одтанцовали „Гойсаци танєц“ и „Танєц зоз калапом“, а члени шпивацкей секциї „Пе-тровски ноти“ представели ше зоз шпиван-ку „Смутна фиялка“, хтору одшпивала Сара Ґубица у музичним провадзеню Михайла Грищука. Танци поставел Звонко Костелник, а писню порихтала Аня Грищук Гайдук.Зоз тим наступом закончени 45. Петровски дзвончок зоз жаданьом най ше стретнєме и нарок. Вера Павлович

КУД „Яким Гарди“ Петровци– Сара Ґубица

солистка и Михаил Грищук на синтисайзеру

КУД „Яким Ґовля“ Миклошевци, дует

Анастазия Николич и Владимир Мишлєнович

КУД „Осиф Костелник“ Вуковар, солиста Кристиан Миклош16 VJENČIĆ - ВЕНЧИК 85/2018

КУД „Тарас Шевченко“ Канижа

Писня „Ша Руснак, ти Рускиня“

КУД „Осиф Костелник“ Вуковар, солистка Клара Миклош

КУД „Тарас Шевченко“ Канижа

КУД „Яким Гарди“ Петровци – Танєц з калапом

Танєчнїки Саша Бильна и Далия Лойдл Джуджар „Танєц на танєц“

Школяре ОШ Антуна Бауера хтори уча руски язик

„Гойсаци танєц“„На танєц“

Школяре хтори уча руски язик у танцу „Ишло дзивче по воду“


20. Жупанийска смотра дзецинского

фолклоруКаждого року Заєднїца аматерских кул-турно-уметнїцких дїялносцох (ЗАКУД) Вуковарско-сримскей жупаниї орґани-зує Жупанийску смотру дзецинских фол-клорних ґрупох. Тогорочна 20. Смотра, котра ше отримала 9. и 10. юния у Церни, спрам словох орґанизатора и домашнїх, предсидателя КУД-а «Томислав» зоз Цер-ни, була наймасовнєйша. У прекрасним природним окруженю, у парохиялним дворе при церкви св. Михаїла у Церни, на бини цеком викенду наступели 25 дзецински ґрупи културно-уметнїцких дружтвох зоз цалей жупаниї. Попри век-шини горватских колективох, на смотри ше представели и два национални мен-шини, словацка (Соляни и Илок) и руска.

Руснацох представело КУД «Яким Ґовля» з Миклошевцох. Старша дзецинска ґрупа з тей нагоди одтанцовала «Валалску пол-ку», а младша «Миколов танєц» под руко-водзеньом Виолети Гирйовати.Цеком двох дньох фахови жири оценьо-вал наступи наймладших же би вибрал єдну фолклорну дзецинску ґрупу котра будзе представяц Вуковарско-сримску жупанию на державней смотри у Кутини.

Леся Мудри


ЗБОГОМ ШКОЛО!Конєц школского року шицки школяре дочекали з радосцу. Наймладши Миклошевчанє з тей нагоди у ПШ Миклошевци 14. юния за родичох порихта-ли веселу и змистову програму зоз котру ище раз доказали же ше у школи научели нє лєм читац, пи-сац и раховац, алє знаю крашнє шпивац, ґлумиц и танцовац. На закончуюцей програми були присут-ни велї родичи, як и директорка школи Марина Балич и представителє општини. Дзеци ше през весели шпиванки, танци, рецитациї одпитали од своєй школи по септембер.Ютередзень, 15. юния, окреме святочно було и у матичней школи у Чаковцох, дзе школски бренчок остатнї раз забренкал за школярох осмей класи. У школским голу позберали ше шицки школяре зоз подручних и матичней школи, учителє и родичи же би на символични способ випровадзели осма-кох. Директорка ОШ Чаковци Марина Балич по-винчовала маломатурантом и шицким школяром конєц школского року и преглашела школяра ґенерациї. За тогорочну школярку ґенерациї преглашена Анамария Мудри зоз Миклошевцох. Анамария постала перша добитнїца награди ко-тру школярови ґенерациї додзелює Општина Томповци. Началнїк Општини, Здравко Звонарич, уручел єй пенєжну награду од три тисячи куни, котру вона може по власним вибору похасновац за дальше школованє.Анамария Мудри за осем роки школованя указала одлични успих зоз шицких предметох, школяре ю характеризую як циху и розумну особу, а найлєпше о нєй гутори и єй школске назвиско Мудра. Учителє за Анамарию вше мали найкрасши слова похвали,

а найкрасше ю описа-ла єй класна, учителька биолоґиї, Динка Пруси-

на: «Як кед би дахто виплєтол шицки вредносци єдней младей особи и уткал их до того дзивчеца». Сама Анамария о себе гутори же є найобичнєйша дзивка котра ше люби облєкац до красних сук-ньох, гоч за то нє ма вельо нагоди. Попри школи, од малючка є активна у миклошевским КУД «Яким Ґовля» у танєчней и рецитаторскей секциї, та є Ми-клошевчаньом и госцом добре позната и як ста-ємна водителька рижних програмох. Жада уписац Здравствену ґимназию у Осиєку, а младшим ґене-рацийом поручує: «Школа барз важна, гоч ше то можебуц нє видзи на перши погляд».Анамариї винчуєме на тей титули и жадаме єй, як и шицким нашим маломатурантом, щешлїви упис до штреднєй школи и вельо успиху у дальшим школованю. Леся Мудри

Анамария Мудри зоз родичами першу учительку Марину Балич

Андрей Пап Ива Чордаш

Миклошевски школяре пред закончуюцу приредбу

Награда за школярку ґенерациї з боку Општини Томповци

Осмаки зоз свою класну

Остатнї школски бренчок за маломатурантох


Модел витровей турбиниЕнерґия витру

Витор представя горизонталне струянє воздуху хторе настава пре темпаратурни розлики. Слунко нєровно-мирно зогрива часци Жеми, цо резултує зоз розличним прициском воздуху, прето ше явяю витри. Прето ше и гва-ри же енерґия витру трансформована файта Слунковей енерґиї.Енерґию витру чловек хаснує уж даскельо тисячи роки. Перше ше хасновала за доставанє механїчней енерґиї, т.є. за рушанє плахтаркох и витернякох, за млєце жита и кукурици, за пумпанє води, зал-їванє итд. У новши час енерґия витру хаснує ше за доставанє електричней енерґиї з помоцу направи хтора ше вола витроелектрарня або аероелектрарня. Витроелектрарнї як и витерняки маю вельки елиси (пропелери) хтори ше спераю ви-тру и под його ше дїйством обрацаю. Тота файта рушаня преноши ше по ґенератор у котрим ше вец продукує електрична енерґия. Витролелектрарнї волаю ше и витро турбини, а можлїве и повязованє вецей витроелектрарньох на єдней меншей локациї до такволаних витро фармох. Вони ше будую на местох дзе витри части и достаточно моцни. Таки места ше найчастейше находза на побрежйох векших водових поверхно-сцох.

У тим числу Венчика порихтали зме вам єден єдноставни мини проєкт. Тот модел ви-тро турбини можеце справиц швидко и лєгко.

Потребни материял:1. Пластична фляша2. Стеблочко наду або древена типла (длужини найменєй 1 метер) Потребни прибор и алат: 1. Маркер за ЦД2. Слакпел3. Вартачка

Розпорядок виводзеня роботних поступкох: 1. Рисованє линийох резаня и зогинаня2. Резанє по зазначених линийох3. Зогинанє по зазначених линийох4. Вартанє дзири на сподку фляши5. Поставянє витро турбини

Роботу на тим мини проєкту олєгчаю вам фотоґрафиї котри шлїдза. Вони указую прави-лни розпорядок виводзеня роботних поступкох и правилне хаснованє прибору и алату.


Перше з маркером по обся-гу фляши нарисуйце штири правоугельнїки єднаких димензийох. Же бисце тоти правоугельнїки чим точ-нєйше нарисовали, направ-це правоугельнїк-шаблон зоз ценшого картону. Длу-жина длугшого боку пара-воугельнїка єднака пловки висини фляши. Кратши бок паравоугельнїка єданки єд-ней осмини ширини фляши, а тельо виноши и оддалє-

носц тих штирох правоугельнїкох.Боки правоугельнїка котри сце нарисовали представяю линиї резаня и зогинаня.На фотоґрафиї, нєпретаргуюца (червена) ли-ния означує линию резаня, а претаргуюца (чарна) - линию зогинаня.Потим, зоз скалпелом зарежце фляшу по нє-претаргуюцих линийох.

Зоз хаснованьом скалпелу будзце осторож-ни же бисце нє покалїчели себе або других!Потребни материял.

После того, у вашим або школским дворе пренайдзце одвитуюце место и поставце виотро турбину..

И то шицко! Ваш мини проєкт закончени.

Шлїдуюци крочай то дзи-равенє кружного отвору зоз споднього боку фля-ши, т.є. турбини. Пречнїк

отвору требал би буц кус векши од пречнїка наду на котри положице ви-

тро турбину. Кед жадаце, турбину можеце офар-

биц зоз маркером або з акрилну темперу.

На таки сце способ направели лопатки витро турбини (попатрунок на пластичну фляшу од горе).

После того, по претаргуюцих линийох зогнїце мур фляши на вонка.

Осторожносц! Кед хаснуєце електрични алат, робце под надпатраньом одроснутих!

Мирослав Парошкай (на руски преложела Вера Павлович)


Чудесни швет

Мануела Дудаш

Такволана „надута риба“ (lat. Tetraodontidae) тиж так єдна файта животиньского умет-нїка. Самец тей файти риби нєвистато кру-жи по дну океану и зоз своїма пирками у писку твори нєзвичайни круґи. То муши робиц досц швидко же би водова струя нє знїщела його креацию. Єдина причина чом тот самец твори таки креациї то же би прицагнул самицу. Кед закончи зоз свою роботу, ище раз препатри шицко и чека же би наишла „гевта права“.

Dotilla fenestrate цикава файта раку котра найрозширенша на побрежйох Индийс-кого и Пацифицкого океану. Такволани раки-уметнїки виходза вонка зоз своєй дзири под час осеки же би пренашли єд-зенє – микроорґанизми котри з плиму принєшени на побрежє. Раки-уметнїки беру писок и филтрую го. Препатрени писок котри им нє нужни претваряю до кулькох. На тот способ раки орґанизо-вано складаю кульки и у писку настава „уметнїцке дїло“. Мудро то робя, бо тот писок вецей нє треба препатрац понеже у нїм вецей нєт єдзеня.


Пренайдз 10 розлики на тих двох

сличкох!

Забавни боки

Помож хлапчикови

дац ґол!

Катарина Фалетар, 1. класа, Стари Янковци


Хтора чия рибка? Мижо перши. У штредку шедзи Янко. Йовґен ма окуляри. Напиш якей фарби: Мижова маїца ____________________Янкова маїца _____________________Йовґенова маїца __________________

Якей фарби рибка хтору влапел: Мижо ___________________________Янко ____________________________Йовґен __________________________

Марко Иван, 2. класа, Петровци

По чим ше розликую тоти два слики?

Пренайдз розлики!


Б А Б А Я Л О П О Т А К О С И В

И К Х А К Ч О Ч Ї Л Д И В С Е Ч

Л Ч У А В Х М А Р К А И Л Ч Д А

А О С Н К И Л А А А Л У А Л Р Р

Г Л Т О А Й С Т К Ї Н Р У Ї Е И

А У О Ґ Й Б А К Я К А Г Г В В В

Л Т Ч Р С В Н И О М И Р Р А А Н

Ї А О О А О Р К И Д И А А Р К А

Н К Ч Р И А О Р И Ч И К Щ У Ч Л

А Ш К В М Ц Я Л И Я И Ч О К А А

А А А З О И Ь Д Л Р Л К К А В Б

К Л О Ч Н О А У Л Ї В У О Н И Д

И Р К А В Р Ш В О Р К О С И П О

З А Л И А О Б Л А К Г А Б А Ш Ч

У Е Н П К А К Ч О Р Є А Р Ф П К

М О З В О Н И М И Р Б А Р Н А А

АВИОНБАБАБАВИСКОБИЛА ГАЛЇНАВЕЧАРВИДЛЇЧОЧКАВИЛЇЯВИНОВИСОКА ТОПОЛЯДИНОДЛУГИ ДИЛЬОВИДРЕВАГАБАГРАЩОКЗВОНИМИР БАРНАЛЇВА РУКА

КАЙСАКОЦОЧКАКОШУЛЯКРАВАТАКРОВМАКМЕЛАНИЯ РИМАРМУЗИКАОБЛАКОРҐОНАОЧИПАРАДИЧИПАСУЛЯПИСОКРАКРИКА

РОЗМАРИЯСЛУНКОУЛЇВФРАЄРОЧКАХМАРКАХУСТОЧОЧКАЧАРИВНА ЛАБДОЧКАШАЛШКАТУЛОЧКАШПИВАЧКА

Кед пренайдзеце задани поняца, достанєце ище єдно.

Лю. Гаргай

Ришенє: лайбик


- людзе граю уж тисячами роками- у Китаю пренайдзени велї инструменти

стари 9.000 роки- найстарши инструмент под назву „Divje

Babe flute“, пренайдзени у пещери у Сло-вениї, а ма коло 40.000 роки

- усна гармоника найпредаванши инстру-мент на швеце

- спрам даєдних виглєдованьох музика може ублажиц хронїчни болї за вецей як 20%, а депресию и за 25%

- Моцарт мал пейц роки кед написал свою першу композицию

- поняце диско джокей (disc jockey / DJ) перши раз похасноване 1937. року

- спрам даєдних виглєдованьох дурканє шерца може ше прилагодзиц темпу музи-ки

- науковци твердза же ше може постац за-висни од музики

- людзе хтори маю слуха швидше науча странски язик

- музика лїчи дзвинєнє у ухох- шпиванки хтори бешедую о алкоголним

пицу уплївую на конзумованє векших ко-личествох истого

- музика помага при беганю- дзепоєдни людзе нє можу жиц без музики

Порихтала Лю. Гаргай

Даскельо интересантносци о музики:

1

2

3

4

5

6

7

8

1- Портуґал;2- Пчолов продукт;3- Идентификация одредзеного дня;4- Природни, физични лєбо материялни

швет; натура;5- Место дзе ше одбува даяка робота;6- Руски писатель Михал;7- Назвиско мена Александар;8- Италия;

У шивих польох – єден наш руски валал.

Лю. Гаргай

Н Ч А С Й А К ЯЦ Е О Р Є Х Б НЕ Р Р Л Ї Л Я ИВ Є О Ґ О Д Н КО Ш В Н А У Ш СЛ Н Я П А Б И ЕД Я Г О Д А В РЯ А М Л А Ш И Б

1- баґрен2- бишалма3- брескиня4- вишня5- дуб6- кайса7- орех8- черешня9- яблоня10- явор

11- ядловец12- ягодаКед пренайдзеце тоти дванац назви древкох, достан-єце назву ище єд-ного.

Лю. Гаргай

Ришенє: лїпа

Ришенє: п, мед; датум; природа; роботня; Ковач; Ацо; и;шиви поля: Петровци


Моя фамелияМоя фамелия ма седем членох: баба Ксе-ния, мама Марина, два шестри, София и Ксения, дїдо Владимир, тато Мирко и я. Барз их любим. Шестри и я часто пома-гаме родичом по обисцу, кажде ма свойо задатки. Кед на телевизиї бави даяки до-бри филм, часто го вєдно патриме. Дараз ше повадзиме, найчастейше зоз шестру Сенку. Озда то так у каждей фамелиї. Алє швидко ше помириме, бо на концу, шицки ше любиме.

Андрей Пап, 3. класа, Миклошевци

На ВучедолуТого року зоз школу зме ишли на вилєт на Вучедол и до Илоку. Барз сом ше радовал тому вилєту. Перше зме пошли на Дунай, а потим до Музею вучедолскей култури. Ту сом видзел вельо интересантного: гл-їняну судзину прадавних людзох, вельки древени чамец, хижи у котрих вони би-вали, видзели зме и косци старих Вуче-долцох и давних животиньох. Припове-дали нам о тим як стари людзе жили, як правели хижи, як ткали платно и шили себе облєчиво. Дознали зме же стари Вучедолци мали календар подзелєни на штири рочни часци и знали за согвизд’я. У музею зме мали и даскельо роботнї. Нашо школяре зоз паперу виштригова-ли косци и составяли костур. Потим зме ишли до Илоку. На вилєту ми було барз крашнє. Нє забудзем го нїґда.

Владимир Мишлєнович, 3. класа, Миклошевци

На вилєтуВечар пред вилєтом була сом барз воз-будзена, нє могла сом длуго заспац и зобудзела сом ше вчас рано. На осем годзин зме ше шицки позберали на авто-

бусней станїци, бо зме ишли на вилєт до Вуковару и Илоку. У Вуковаре зме були у Музею вучедолскей култури дзе зме вид-зели як жили прастари людзе. И у Илоку зме нащивели музей. Ту зме видзели як випатрали стари хижи, яки мали кухнї и купальнї. Видзели зме стари ловарски пушки. Кед зме досц того видзели, пошли зме на полудзенок до єдного ресторану, ушореного у старим стилу. После полу-дзенку зме ше дакус бавели и пошли на сладоляд. Вилєт ми бул интересантни.

Ива Чордаш, 3. класа, Миклошевци

Дзень националних меншинохТогорочни Дзень националних менши-нох отримани 13. мая у Ґунї, дзе насту-пало и нашо дружтво. Кед сом ишол, думал сом же ми будзе допито, алє було нам барз добре. Представяли зме руску националну меншину, а попри нас було ище осем национални меншини: Ал-банци, Нємци, Українци, Роми, Словаци, Серби, Мадяре и Бошняки. Вонка були поскладани штанди и на каждим були национални єдла. То нам ше попаче-ло. Ходзели зме од штанду по штанд и коштовали зме цо зме сцели. На нашим штанду попачели ше ми белюши, при Бошнякох фини були буреки, а Українци мали барз смачни пироги зоз кромпля-ми. Коло шейсц годзин почал наступ, ми танцовали други, а потим зме остали па-триц програму. У Ґунї сом стретнул пай-таша зоз Лєтней школи, Ивана, котри жиє у Райовим Селє, а танцує за бошняцке дружтво. То ми було интересантне. Дому зме ше врацели досц позно, алє зме були задовольни бо зме ше крашнє забавели.Кристиан Мудри, 6. класа, Миклошевци

Школяре написали


ЛЄТОЛюбим лєто бо ше можем по цали дзень бавиц з пайташами. Вожиме ше на бици-ґлох и бавиме фодбал, а на драже ше под орехом и пиличкаме. Пиличканє то старе руске бависко и мнє є барз интересант-не. Кед ше змеркнє, любим кед ше бави-ме на джмурки.Барз бим любел пойсц на морйо и купац ше.

Марко Сеґеди, 2. класа, Петровци

ЛЄТОРадуєм ше лєту бо ше одпочинєм од шко-ли и годзен сом вецей бавиц фодбал. На руским язику научели зме старе руске бависко »джоджканє«. Воно ше бави з пасульками або з округлима дробнима каменчками и барз ше ми пачи.

Дарио Джуджар, 2. класа, Петровци

ЛЄТОПомали приходзи лєто и я ше му раду-єм. Школа закончи та сом годзен длужей спац, исц на тренинґи и вец на фодбалски змаганя. Любим кед можем поволац пай-ташох до мнє на бавенє. Обовязно пер-ше у дворе бавиме фодбал, а вец »пи-личканє« и »меркуй гад«. То нам новши бависка хтори любиме. Влєце дзень длуг-ши и нє мам ученя, та мам кеди буц и на таблету. Любим лєто.

Марко Иван, 2. класа, Петровци

ЛЄТОЛєто чекам прето же пойдзем на морйо дзе ше будзем купац и слунковац. Любим лєто бо ше зоз шестричку можем вецей бавиц. Любиме ше лабдац и шедзиц на лавочки опрез хижи и шиц Барбиком нови сукенки.

Сара Ґубица, 2. класа, Петровци

ЛЄТОПриблїжує ше лєто и конєц школского рока. Тот час любим прето же идземе на вилєти и танцуєме на Петровским дзво-нчку. Лєто чекам бо ше любим купац и бавиц з пайташами на »меркуй гад« и »печени вайца«.

Ґабриел Редл, 2. класа, Петровци

ЛЄТОЧекам лєто бо сом годзен длужей спац. Одпочинєм ше и будзем исц на тренинґи и бавиц ше з братом и пайташами.

Даниєл Буила, 2. класа, Петровци

ЛЄТОБарз ше любим з пайташами бавиц по вонку. Прето чекам лєто, бо вец нєт шко-ли и ученя, та бависку нїґда конца. Того року лєту ше радуєм бо пойдзем до Ир-скей. Серґей Рац, 4. класа, Петровци

ЛЄТОЗоз приходом лєта приходзи и конєц шко-лского рока, а чекам го же бим рано длу-жей спала. Мам младшого брата Бориса, та будзем мац вецей часу бавиц ше з нїм по цали днї. Барз любим з Анамарию, Да-ниєлом и другима пайташами бавиц од-бойку. Лєто як створене за нашо бавенє.

Матея Шовш, 4. класа, Петровци

Давид Лехолат, 4. класа, Стари Янковци


Подобово роботиТОТ ШКОЛСКИ РОК...Тот школски рок будзем паметац по ве-цей збуваньох. У априлу, петровску шко-лу нащивел драмски театер и виведли нам барз интересантну драмску предста-ву хтору ище будзем паметац по пшичко-ви хтори ше волал »Хунд«. У маю сом мал першу причасц. Були зме двоме з класи и радовал сом ше тому. Того року на ру-ским язику и култури научели зме тан-єц и вец зме наступали на Петровским дзвончку и то ше ми барз пачело.Тераз ше радуєм лєту, бо ше дома будзем купац у базену.

Даниєл Сабадош, 3. класа, Петровци

ТОТ ШКОЛСКИ РОК...Тот школски рок будзем паметац бо сом пречитал шицки лектири. Нїч страшне, алє требало шеднуц и читац. Барз любим же сом наступал на Петровским дзвонч-ку з танцом »Ишло дзивче по воду« хтори зме научели на руским язику. У юнию сом зоз школу бул на морю у Пули. То була Школа у природи и було ми крашнє.

Ален Еделински, 3. класа, Петровци

ТОТ ШКОЛСКИ РОК...Того року було досц ученя, алє ше ми удало шицко научиц и достац добри оце-ни, та ми прето барз мило. Тот школски рок будзем паметац бо сом з математики ишла на змаганє и прето сом була барз горда. Вец сом зоз школу наступала на Петровским дзвончку. У танцу сом зоз своїм братом мала соло точку и цешела сом ше. Була сом и зоз школу на морю у Пули. Нащивели зме и Зоолоґийну за-граду и перши раз сом у живоце видзела правого-правучкого слона. Но, була то слоница и чула сом кед гварели же ма 42 роки. Слон наисце велька животиня.

Ана Еделински, 3. класа, Петровци

ЛЄТОСлунково ярнї зарїпо жеми ше розлїваю,вредни жени з ранадо загради понагляю.

Споза лїсца на конарчкохчерешнї зачервенєлии щири, смачни привитлєту наявели.

Лєто уж на дзверохи слунко припека,а Руснак зоз полясвой урожай чека.

Миа Будим и Вероника Маркович, 7. класа, ОШ Стари Янковци

СТАРИ ЯНКОВЦИСтари Янковци єден мали валал. У нїм влєце, рошнє красне квеце, древа на ши-роко пущаю свойо широки конари, а по нєбе лєца прекрасни били хмари. Рано, кед ше слунко будзи, чуц шпив птицох. Поля випатраю як сухе злато. Найволїм кед слунко заблїщи и витор задує та за-колїше класки жита. Вечаром, кед слун-ко заходзи, його зарї ше бавя у поточку коло хижох.Кед спаднє ноц, Стари Янковци заблїща у новим шветлу и випатраю прекрашнє под цмим нєбом и гвиздочками. Меша-чок их ошвицує до рана, покля когут нє оглаши швитанє и вец шицко почина оз-нова. Пре шицко тото, мнє Стари Янковци наймилши и найкрасши валал на швеце.

Даниєл Будимир, 5. класа, ОШ Стари Янковци


Антонио Пап, 1.класа, Петровци

Ґабриел Редл. 2.класа, Петровци

Йосип Балоґ, 5. класа, Стари Янковци

Лука Медєши, 4. класа, Петровци

Ана Еделински, 3. класа, Петровци

Давид Добрина, 1. класа, Вуковар

Даниєл Будимир, 5. класа, Стари Янковци

Доминик Фалетар, 3. класа, Стари Янковци

Ена Будим, 4. класа, Стари Янковци

Ксения Пап, 6.класа, Миклошевци

Андрей Пап, 3. класа, Миклошевци

Владимир Мишлєнович, 3 класа, Миклошевци


Неманя Курди, 1. класа, Петровци

Пeтар Йосипович, 2. класа, Стари Янковци

Сара Ґубица, 2. класа, Петровци

Тамара Оруч, 4. класа, Стари Янковци

Таяна Оруч, 2. класа, Стари Янковци

Антонио Фалетар, 5. класа, Стари Янковци

Ива Чордаш, 4. класа, Миклошевци

Анастазия Бучко, 2. класа, Миклошевци

Кристиян Мудри, 6. класа, Миклошевци

Николина Бучко, 1. класа, Миклошевци


Documents

Vjenčić - Венчикруским язику, и у лектири по румунски, як и у ан-толоґийох по сербски. Роби у НВУ “Руске