Upload
others
View
4
Download
0
Embed Size (px)
Citation preview
Treasury of Storybooks
………………………………………..
This storybook is a product of the National Competition on Storybook Writing
2017 of the Department of Education.
Pursuant to the Intellectual Property Code of the Philippines, no copyright shall
subsist in this work of Government of the Philippines. However, prior approval of
the Department of Education shall be necessary for exploitation of such work for
profit. DepEd may, among other things, impose as a condition the payment of
royalties. No prior approval or conditions shall be required for the use for any
purpose of statues, rules and regulations, and speeches, lectures, sermons,
addresses, and dissertations, pronounced, read or rendered in courts of justice,
before administrative agencies, in deliberative assemblies and in meetings of
public character.
For the purpose of citation , the following is recommended:
Ballena, Mary Hazel B. Ang Sorpresa ni Joselito DepEd-BLR, 2018
Writer: Mary Hazel B. Ballena
Illustrators: Resty G. Agustin
Fidel Aldrin T. Zapata
Jechris C. Olaya
Learning Resource Manager:
Ronald T. Marquez
Education Program Supervisor-LRMDS-ABRA
Ethielyn E. Taqued
Regional Education Program Supervisor-LRMDS-CAR
DEVELOPMENT TEAM
LRMDS Abra
Cordillera Administrative Region
PAUNANG SALITA
Ang maikling kwentong na ito ay orihinal at pawang
kathang-isip lamang ng may-akda. Isa itong makabuluhang tugon
para sa pagsasakatuparan ng K-12 Kurikulum. Naglalayong
palawakin ang pag-unawa ng mga bata sa asignaturang Filipino
bilang Pambansang Wika ng Pilipinas at maiangat ang kanilang
tatas sa paggamit ng naturang wika.
Batayang Layunin:
(F3KP-Ibf-8) Natutukoy ang mga salitang magkakatugma
(F3PB-Iii-14) Nakapagbibigay ng wakas ng binasang kwento
(F3PN-IIIg-8.2) Napagsusunod-sunod ang mga pangyayari ng
kwentong napakinggan
(F3LC-IIIi-13) Nakapagbibigay ng sariling wakas sa napakinggang
kwento
1
2
A raw ng Sabado kaya
walang pasok sa eskwelahan
si Joselito. Alas-sais na ng
umaga pero hindi pa siya
bumabangon sa
pagkakahiga.
3
4
Maayos na iniligpit
ang pinagtulugan nang
maalalang malapit na
pala ang kanyang
kaarawan. Tumungo
siya sa may malaking
kalendaryo at nilagyan
ng pulang ekis ang
petsang ikalabing-apat
na araw ng Hunyo.
5
6
Pagkalabas niya sa bahay,
hinanap kaagad ang inang
kasalukuyang nagbibitbit ng
dalawang timbang tubig mula
sa sapa. “Inay tulungan ko na
po kayo diyan,” ang sabi niya
kay Aling Maria.
7
8
“Maraming salamat anak, pero
hindi pa puwede. Magpakain ka
na lang ng mga alaga nating
manok at pato sa likuran. Dalhin
mo na rin ang mga kambing sa
may pastulan,” ang sagot naman
ng kanyang ina.
9
10
Kumaripas ng takbo si
Joselito nang matanaw si
Mang Pedring na
kasalukuyang nag-aararo.
Ngunit pansamantalang
itinigil ng kanyang ama ang
ginagawa dahil sa labis
nitong panunuyo.
11
12
“Tay, tila pagod na pagod na
po kayo. Ako na po ang bahala sa
ating alagang baka na si Bisiro.
Kami muna ang gagawa habang
kayo’y nagpapahinga. Di ba kaya
ko ng gawin ang mga ito?”,
tanong niya sa ama.
13
14
“Hay naku! Joselito. Hindi
puwede ang gusto mo. Maliit ka
pa anak. Hindi mo pa kayang
gawin ito. Sundan mo ang mga
kapatid mo sa plasa. Sige na,
magliwaliw muna kayong
magkakapatid,”dagdag pa
niya.
15
16
Kumaway siya sa kanyang
Ate Rosa nang makarating na
sa may plasa pero hindi siya
nito nakita. Tinawag din niya
ang kanyang Kuya Pilo pero
tila hindi rin siya nito napagsino
kaya hindi ito kumibo.
17
18
Dahil pakiramdam niya wala
siyang silbi at hindi pinapansin
ng kapamilya, umuwi na
lamang siya. Nagtungo sa may
kusina para magluto. Para
maibigan siya, naisip niyang
sorpresahin ang mga ito.
19
20
Prinito ang anim na itlog na
nakatago sa may basket. “Isa
para kay nanay, itong isa kay
tatay, tig-isa sina ate at kuya.
Aba! Syempre dapat dalawa sa
akin para mas mabilis akong
lumaki at lumakas katulad nila,”
wika niya sa sarili.
21
22
Mabilis na tinungo ang
kaldero ng kanin. Hay! Naku!
Nakalimutan na naman ng
inay ang magsaing.
Masubukan din nga ang
magsaing. Gusto kong
matuwa sila sa akin kaya
pagbubutihin ko,” dagdag pa
niya.
23
24
Saktong kumukulo na ang
tubig sa kaldero para sa instant
noodles na kanya ring niluluto
nang bigla siyang tinawag ni
Pepito. Niyaya siya nitong
magbisikleta sa harapan ng
munisipyo.
25
26
Dahil matagal na niyang gustong
makasakay ng bisikleta, agad siyang
pumayag sa kagustuhan ng kaibigan.
Tuwang-tuwang umangkas si Joselito
sa likod ni Pepito. Umalis sila ng bahay
nang hindi nagpapaalam.
27
28
Pakanta-kanta at pasipol-sipol
pa ang mga ito habang nasa
kalsada nang bigla nilang marinig
ang malakas na ugong ng trak ng
bombero. “Tabi! Tabi kayo riyan,”
sigaw ng isang bombero. Sunog!
Sunog! May nasusunog!,” bulyaw
naman ng mga kalalakihang
nagtatakbuhan.
29
30
Biglang kinabahan si Joselito.
Naalala niya ang kumukulong
tubig na iniwanan sa bahay
kanina. “Diyos ko, huwag naman
sana,” ang tanging nasambit
niya. Takot at lungkot ang
bumalot sa kanyang mukha
habang nilalakbay ang daan
pabalik sa kanilang dampa.
31
32
Si Mary Hazel Brigola Ballena tubong San Miguel, Bucay, Abra, ay
nakapagtapos ng kursong Bachelor of Elementary Education billang Magna Cum
Laude at nagpakadalubhasa sa Master of Arts in Mathematics at Master of Arts in
Education. Kasalukuyahang nagtuturo sa Paaralang Elementarya ng Calao, Bucay
District, Division of Abra - CAR.