Upload
others
View
14
Download
0
Embed Size (px)
Citation preview
Dad and Partner PaySupporting the role of dads or partners
Dad and Partner PaySupporting the role of dads or partners
Ang pambansang Bayad sa Ama at
Kapareha sa Australya ay sisimulan sa
ika-1 ng Enero 2013.
2 linggong bayad na $606 isang linggo
bago buwisan.
Ito’y isang bagong karapatan na lubusang pinondohan ng
Pamahalaang Australya.
www.australia.gov.au/dadandpartnerpay
Mult i l ingualhotl ine: 131202
Parentshotl ine: 136150
Saan ko matatagpuan ang higit pang impormasyon?
Para higit pang malaman ang tungkol sa Bayad sa Ama at Kapareha, May Bayad na Bakasyon ng Magulang, at iba
pang tulong sa pamilya, bumisita sa:
...ngayon ay mayroon nang
2 linggong bayad para sa mga ama o
kapareha
Taga
log F
AHCS
IA12
154.
1209
Authorised by the Australian Government, Capital Hill, Canberra.
Bakit may Bayad sa Ama at Kapareha (Dad and Partner Pay)?Ikaw ay may mahalagang tungkulin bilang isang ama o kapareha sa kinakailangang unang ilang buwan sa buhay ng iyong anak. Ang Bayad sa Ama at Kapareha (Dad and Partner Pay) ay para makakuha ka ng panahong hindi pagpasok sa trabaho upang magkalapit kayo ng iyong anak, makisalo sa mga karanasan bilang isang pamilya, at sumuporta sa mga ina o mga kapareha sa panahong ito.
Ano ang Bayad sa Ama at Kapareha?Ang Bayad sa Ama at Kapareha ay isang bagong kabayaran ng Pamahalaang Australya sa ilalim ng programang May Bayad na Bakasyon ng Magulang (Paid Parental Leave). Ito ay para sa mga marapat na nagtatrabahong ama o kapareha (kasali ang mga umaampong magulang at magkaparehang magkatulad ang kasarian) na nag-aalaga sa isang batang ipinanganak o inampon simula sa ika-1 ng Enero 2013. Magbibigay ito sa iyo ng hanggang dalawang linggong bayad na pinondohan ng pamahalaan at nasa Pambansang Minimum na Suweldo (kasalukuyang nasa $606 isang linggo bago buwisan).
Paano ako mag-aaplay?Maaari kang magsalang ng hiling mga tatlong buwan bago pa, o sa loob ng 12 buwan matapos ipanganak o ampunin ang iyong anak. Maaari itong makuha anumang oras sa unang taon matapos ang kapanganakan o pag-aampon.
Mag-aplay ng online sa www.austral ia.gov.au/dadandpartnerpay o tumawag sa 136 150.
Ako ba ay marapat? Maaaring ikaw ay marapat kung nagtatrabaho ka nang buong-araw, bahaging araw, kaswal, may kontrata o pana-panahon, nagtatrabaho para sa iyong sarili, o nagtatrabaho sa negosyo ng pamilya.
Kinakailangang ikaw ay:
nag-aalaga ng isang bata na ipinanganak o inampon simula sa ika-1 ng Enero 2013
residente sa Australya
nakapagtrabaho nang 10 buwan man lamang sa 13 buwan bago pa ang petsang pagsisimula ng iyong Bayad sa Ama at Kapareha
nakapagtrabaho nang 330 oras man lamang sa loob ng 10 buwang panahon (mahigit isang araw sa isang linggo), na ang agwat sa kasunod na pagtatrabaho ay hindi hihigit sa walong linggo
may indibiduwal na iniakmang binuwisang kita na $150,000 o mababa pa kaysa sa nakaraang pampinansiyal na taon.
nakabakasyon nang walang bayad o hindi nagtatrabaho sa panahon ng Bayad sa Ama at Kapareha.
Ang pamilya mo ay maaari ding maging marapat para sa ibang tulong sa pamilya tulad ng May Bayad na Bakasyon ng Magulang (Paid Parental Leave), Bonus para sa Sanggol (Baby Bonus) at Pampamilyang Benepisyo sa Buwis (Family Tax Benefit).
Paano ang tungkol sa aking bakasyon? Ikaw at ang iyong pinagtatrabahuhan ay kailangang mag-usap at magkasundo tungkol sa iyong isasaayos na walang bayad na bakasyon, at ikaw sa sarili mo ang mag-aaplay para sa Bayad sa Ama at Kapareha.
Hindi babaguhin ng Bayad sa Ama at Kapareha ang alinman sa kasalukuyang mga karapatan mo sa walang bayad na bakasyon ng magulang sa ilalim ng Pambansang Mga Pamantayan sa Trabaho. Sa ilalim ng Pambansang Mga Pamantayan sa Trabaho, ang mga magulang na tuluy-tuloy na nagtrabaho nang 12 buwan o higit pa para sa kanilang taga-empleyo ay may karapatang makakuha ng 12 buwang walang bayad na bakasyon ng magulang.
Para higit pang malaman ang tungkol sa walang bayad na bakasyon ng magulang sa ilalim ng Pambansang Mga Pamantayan sa Trabaho, bumisita sa www.fairwork.gov.au/leave.
Ang mga magulang na nakapagtrabaho para sa kanilang taga-empleyo nang kulang sa 12 buwan ay maaaring makipag-ayusan sa mga taga-empleyo para sa walang bayad na bakasyon ng magulang.