PCI Dan Bu

1India Ram Presbyterian Kohhran Dânpui

INDIA RAM PRESBYTERIAN KOHHRAN

DÂN BU

2 India Ram Presbyterian Kohhran Dânpui

PublishedforThe Mizoram Presbyterian Church SynodbyThe Synod Literature & Publication Board

Seventh Revised Edition (English) - 2004Seventh Revised Edition (Mizo) - 2005

Copies - 8000All Rights (Mizo) Reserved ©

PrintedatThe Synod PressAizawl – 796 001Mizoram


A CHHÛNGA THU AWMTE

PhekThuhma xiChanchin Tlangpui xiii

THEN - IKOHHRAN THURIN

Thuhmahruai 1Thurinte 1-4

THEN - IIDANPUI (CONSTITUTION)

BUNG IKOHHRAN

1. Kohhran : 5a. Hmuh theih loh Kohhran 5b. Hmuh theih Kohhran 6

2. Presbyterian Kohhran 63. India ram Presbyterian Kohhran 64. Kohhran Inkhawm 75. Pathian Biak – A thu zir leh Inpāwlkhāwmna 76. Puipate : 7

a. Upate 7b. Probationary Pastor-te 8c. Minister-te 8


7. Kohhran Rorźlnate 8a. Tualchhūng Kohhran 8b. Bial 8c. Presbytery 9d. Synod 9e. General Assembly 9

BUNG IITUALCHHŪNG KOHHRAN

1. Member nih dān 10a. Member nih dān sawifiahna 10

i) Dān zawhkimteii) Baptisma chang member-teiii) Member dangte

b. Baptisma 10i) Baptisma chang theiteii) Baptisma chan nawn khapiii) Nu leh pate tih tūr

c. Lawmluhna 11i) Dān zawhkim atāna pawmnaii) Kohhran tih tūr

d. Pźm 112. Inrźlbāwlna lam 11

a. Kohhran indin dān 11i) Preaching Stationii) Branch Churchiii) Tualchhūng Kohhran

b. Kohhran Committee din dānleh Puipate ruat dān 13


c. Kohhran Committee tih tûrte 13i) Kohhran enkawlna leh rorêlna lamii) Lalpa Zanriahiii) Kohhran hming ziaknaiv) Kohhran hnêna hriattîr tûrv) Kohhran chhûnga thubuaivi) Puipa nghet awm lohnaa Kohhranin dân a

kalpui dând. Dân zawhkim lote 14

BUNG IIIINTHUNUNNA

1. A awmzia leh a tum 15a. Thunun dân hrang hrangte 15

i) Zilhii) Kohhran chanvo pawimawh atanga chawlhtîriii) Hnawh chhuah

b. Puipate chawlhtîr dân 16c. Dân bawhchhia thununnate 16

i) Inngaihna suala tluteii) Dân bawhchhiatna dangte

d. Member-a lâk luh lehte dinhmun 162. Thil chîn thenkhat chungchânga inkaihhruaina 17

a. Kohhran mite inthliar fihlimna tûr 17i) Milem biakii) Ruih theih thil, etciii) Pawisa khelh, etc

b. Inneihna Thianghlim sâwngbâwl dân 17c. Inthenna thu 17


BUNG IVSUM LEH THIL NEIH DANGTE

1. a. Thilpêk thu 18b. Bungraw lam thilpêk 18c. Bial leh Synod hminga enkawl dân 18d. Biak In sak 18

BUNG VKOHHRAN RORÊLNA DANGTE SIAM DÂN LEH

AN TIH TÛRTE

1. Bial 19a. Bial siam dân 19b. Bial Inkhâwmpui member-te 19c. A thawh tûr chin leh tih tûrte 20d. Puipate thlan dân 20e. Bial Committee-te 20

i) Standing Committeeii) Nomination Committeeiii) Committee dangte

f. Rorêl ziakna bu 212. Presbytery 21

a. Presbytery siam dân 21b. Presbytery member-te 21c. Palai tirh dân 22d. Inkhâwmpui neih zin dân 22e. Puipate thlan dân 22f. Synod-a thu thlen dân 23g. A thawh tûr chin leh tih tûrte 23h. Telna insawn 24i. Report 24


j. Thlarau lam thupui 24k . Committee hrang hrangte 24

i) Standing Committeeii) Nomination Committeeiii) Sub-Pastoral Committeeiv) Finance Committee

l. Finance Officer(s)/Treasurer 26m. Thil neih enkawltute 26n. Sum endiktute 26o. Synod-a palai tirh dân 26p. Rorêl ziakna bu 26

3. Synod 27a. Synod siam dân 27b. Synod Inkhâwmpuia tel tûrte 27c. Synod chhimtute 27d. Palai intirh dân 27e. Puipate thlan dân 28f. Inkhâwmpui neih zin dân 28g. Synod tih tûrte 28h. Hming lam leh thuchah hnuhnung 29i. Thurêlte hriattirna 29j. Committee hrangte 30

i) Executive Committeeii) Nomination Committeeiii) Pastoral Committeeiv) Theological Education Committeev) Finance Committeevi) Mission and Evangelism Committeevii) Trust Committeeviii) Committee dangte

k . Sum endikna 35


l. Hmeichhia leh thalaite rawngbâwlna 35m. Sunday School Exam 35n. Thlarau lam thupui 36

4. Regional Assembly 365. General Assembly 36

a. General Assembly Inkhâwmpui member 36b. Palai tirh dân 37c. Inkhâwmpui neih zin dân 37d. Puipate thlan dân 37e. General Assembly Committee-te 37

i) Nomination Committeeii) Executive Committeeiii) Theological Education Committeeiv) Mission and Evangelism Committeev) Christian Communication Committeevi) General Assembly tih tûrtevii) General Assembly thurêl minuteviii) Thlarau lam thupui leh Lalpa Zanriahix) Kohhran danga palaina

BUNG VIKOHHRAN PUIPATE THLAN DÂN LEH

NEMNGHEH DÂN

1. Upate 46a. Inthlanna 46b. Thlang thei tûr Dân zawhkim zât 46c. Tlin theihna vote tûl zât 46d. Upa atâna thlan theih lohte 47e. Presbytery-a hming pêk luh 47f. Upa atâna tling 47


g. Nemngheh dân 47h. Upa pêm chungchâng 48i. Nemngheh nawn tûl lo 48j. Pêm lehkha 49k . Kohhran Upa pêm lêt lehte dinhmun 49

2. Probationary Pastor-te 49a. Zir tûra ruat zir zo 49b. A hnathawh tûrte 49c. Ruat dân 49d. Dahnghehna 50e. Enchhin hun chhûng 50

i) A zira zir tûrii) A thawha thawh tûr

f. Pastor puitlinga siam dân 51g. Insawntîr dân 51h. Chawlh lailâwktîr dân 51

3. Minister leh Pastor-te 52a. An mawhphurhna leh tih tûrte 52b. Minister atâna nemnghehna 52c. Nemngheh dân tûr 53d. Pastor thawhna hmun ruat dân 54e. Bântîr dân 55

4. Dinhmun ngaia dah leh theih loh 55

BUNG VII

1. Kalphung tlângpui 562. Dânpui tihdanglam dân 563. Dânpui hrilhfiah chungchâng 56


DAN TÊ (BYE-LAWS)

1. Administrative Secretary-te 57a. An thawh hun chhûng 57b. Ruat dân 57c. Ruat nawn dân 58d. Administrative Secretary-te

hna thawh dân kalhmang 59e. Administrative Secretary-te

hna thawh dân tûr 59f. Sum lam changtu

Administrative Secretary tih tûr 59g. Treasurer hna 60h. Bank-a hming ziaktu tûrte 60

2. General Assembly Working Committee 603. Synod Executive Secretary-te 61


THEN - I

KOHHRAN THURIN

THUHMAHRUAI

India Ram Presbyterian Kohhran chuan (Apostol thurin te,Nicea thurin te, Westminster thurin leh Wales Ram PresbyterianKohhran thurinte chu Pathian thu hrilhfiahna tha tâwka ngai a,Kohhran tân leh Pathian thu zirna hmunahte zirtir tlâk nia pawmtlat chungin), a hnuaia thurin puanchhuahna thute hi a Pastor te,Probationary Pastor te, Upate leh Kohhrana Dân zawhkimtenan vawn ngheh tlat atân a pawm a ni.

THURIN IThuthlung Hlui leh Thuthlung Thar Bute hi Pathian Thu a

ni a, hêng chauh hi rinna leh thiltih tehna dik lo thei lo a ni.

THURIN IIPathian pakhat chauh a awm a, Amah chauh chu biak tur a

ni. Amah chu Thlarau, mahnia awm a, hmun tina awm, thlaraudang zawng zawng leh thil dang rêng rêng laka hrang si a ni a. Amiziaah te, finnaah te, thiltihtheihnaah te, thianghlimnaah te,diknaah te, thatnaah te, taknaah te leh hmangaihnaah te tâwpchin nei lo, chatuan mi, danglam ngai lo a ni.

THURIN IIIPathianah chuan mi nung pathum, Pa leh Fapa leh Thlarau

Thianghlim an awm a, an pathum hian Pathian pakhat an ni a,nihna thuhmun, thiltihtheihna leh ropuinaa intluk an ni.


THURIN IVLei leh vân leh a chhûnga thil awm zawng zawng siamtu

Pathian chuan mihring hi, hriatna, felna leh thianghlimnaa Amaanpuiin mipaah leh hmeichhiaah a siam a. Mi zawng zawng hibul thuhmun leh chhûngkaw khata unau anga inthui khâwmvek kan ni.

THURIN VMihring chuan anmahni duhthu ngeiin Pathian dân an

bawhchhia a, thiam lohna leh chhiatnaah chuan anmahnian inbarh lût ta a. Chu thiam lohna leh chhiatna leh sualhremna ata chu anmahni chhan chhuak tur leh chatuannunna pe turin hmangaihna tâwp nei lo Pathian chuan, Achatuan Fapa neih chhun Lal Isua Krista chu khawvêlah arawn tîr a; Ama zârah chauh chuan mihringte hi chhandaminan awm thei a. Chu chatuan Fapa chu mihring takah a lochang a, mi nung pakhat mize pahnih nei, Pathian tak lehmihring tak a ni kumkhua ta a ni. Thlarau Thianghlimthiltihtheihnain nula thianghlim Mari chuan a pai a, a hringa; mahse, sual a nei lo. Mi sualte tân Pathian dân chu azâwm famkim a, Pathianin dikna a phût hlen chhuak turleh mihringte Pathian remtir turin, inthawina tak leh famkimatân a inhlân a, kraws-ah a thi a, phûmin a awm a, ni thum niahmitthi zing ata a tho leh a. Pathian ding lamah a hanchho va, chutah chuan a mite tân a dilsak reng a, chutatang chuan mitthite kai tho tur leh khawvêl rorêl turin a lokal leh ang.


THURIN VIThlarau Thianghlim, Pa leh Fapa ata lo chhuak chuan

mihringte chu chhandamna changtuah a siam a, an sualzia lehchungpikziate a hriat chiantir a. Krista hriatna kawngah anrilru a tivâr a, an duhthlannate chawk thovin, Isua Krista chuan Lalpa leh chhandamtua pawm tura ngênin, pawm thei turina pui a, anmahniah felna rah chi tinrêng a thawk chhuak thin.

THURIN VIIPathianin Kristaah chuan mi zawng zawng hnênah

chhandamna famkim chu a thlâwnin a rawn hlân a, an sualtesim tur leh Lal Isua Krista chu an chhandamtu atâna ring turte, Amah entawn a, Pathian duh ang taka inngaitlâwm lehthianghlima nung tur tein thu a pe a. Krista chu ringa a thuzâwmtute chu chhandam an ni a, sual ngaihdamna te, thiamchantirna te, Pathian fa nihna te, Thlarau Thianghlim chênpuinaazâra tihthianghlimna te, chatuan ropuina te an chang a. Ringtutechuan tûn dam chhûng pawhin chhandam nih inhriat chiannalâwmawm tak chu an chang thei a. Thlarau Thianghlim chuankhawngaihna hna a thawhin, Thu te, Sakramen te, Tawngtainate hi hmanruaah a hmang deuh bik thin a ni.

THURIN VIIIKrista din chhuah Sakramen-te chu Baptisma leh Lalpa

Zanriah te hi an ni. Baptisma chu Pa leh Fapa leh ThlarauThianghlim hminga tuia sil a ni. Hei hi Krista nêna kaninzawmna te, Thlarau Thianghlim zâra piantharna leh tihnunnachhinchhiahna leh nemnghehna a ni a, Lalpa hnêna kan inhlannathiltih a ni bawk. An sualte sim a, Krista chu an chhandamtuatân an ring tih puangtute leh an fate chantir tur a ni.


Lalpa Zanriah chu Krista thihna hriat reng nâna chhangleh uain chan ho hi a ni a, ringtuten Krista thihnaa hlâwkna anchan chhinchhiahna leh nemnghehna a ni. Ama mite chuanAmah leh a inhlanna an pawmzia te, an hlâwkpuizia te, arawngbâwl tura an inpêk zêlna te, Amah an pâwlna leh midang nêna an inpâwlna te entir nân, A lo kal leh hma loh chuanan chang ho thin tur a ni. Sakramen hlâwknate chu Kristamalsâwmna avâng leh rinnaa changtuah Thlarauvin a thawhavânga lo awm a ni.

THURIN IXRingtu zawng zawng tih tur chu Kohhran inpâwl honaa tel

te, Krista Sakramen leh a thil serh dang vawn that te, A dânzawm te, tawngtai zêl te, Lalpa Ni serh thianghlim te, Amah beho tura inkhâwm te, A thu hril ngun taka ngaihthlâk te, Pathianmalsâwmna an dawn ang zêla hlim taka pêk ve thung te,anmahniho zingah leh mi zawng zawng zingah Krista nungchangang tihlan te, khawvêl puma Krista ram tizau tura beih te,ropui taka a lo kal lehna hun nghah te hi a ni.

THURIN XNi hnuhnungah chuan mitthite chu kaihthawhin an awm

ang a, mi zawng zawng Krista rorêlna thutphah hmaah an langang a, he dam chhûnga an thiltih that leh that loh ang zêlinrêlsak an ni ang. Ringlote leh mi sualte chuan thiam loh changinan sual hremna an tuar ang; Krista ring a, a thu zâwmtuteerawh chu a langchanga thiam chantirin an awm ang a, ropuinaalawm luhin an awm ang.


THEN - II

DANPUI (CONSTITUTION)

BUNG I

KOHHRAN

1. KOHHRAN

Kohhran chu Pathian pakhata mi nung pathum awm ringtu,Isua Krista avânga Chhandamna changtute inpâwl khâwmhi a ni. Pâwl thianghlim a ni a, khawvêl nun sual lakainthiarfihlim a, nun leh rawngbâwlnaah Pathian chu a laipuibera dah tlat tura koh chhuah a ni. Khawvêl huap a nihavângin ringtu hmuh theih leh hmuh theih loh, hmâna mileh tûna mi, khawvêl hmun tina Kristiante a huap a, hnamleh vun rawng, hmeichhia leh mipa emaw, retheih leh hausakemaw avânga tu mah then hrang leh thliar hrang ngai lo ani. Pathian lehkha thu rinchhana ding a ni a, a rinna lehthiltih pawh Bible-a innghat tlat a ni. Tirhkohte zirtirnaainnghat a ni a, Kristan a Chanchin Tha khawvêla puangtur leh a thuhretu atâna a tirh chhuah a nih ang takin athawk thin. Hei hi Pathian nung Kohhran, Krista Taksa,Thlarau Thianghlim In, ram tina englai pawha mithianghlimte awm khâwmna a ni.

a. Hmuh theih loh KohhranKohhran hmuh theih loh chu ringtu dik, hmâna mi lehtûna mi leh nakina lo la awm tur zawng zawng te, Kristahnuaia pumkhata hruai khâwmte an ni a, Krista chu alû niin, Krista mo, a taksa, thil tinrêng tifamkimtufamkimna a ni. Thlarau Thianghlimin a tihthianghlim,


Kristan a ropuinaa Kohhran hmêlhem lo, ropui lehhnehtu nia a hlan tur chu a ni.

b. Hmuh theih KohhranHuapzo Kohhran hmuh theih chu Kristian thurin pawm,ringtute leh an fate awmna Kohhran chu a ni. Hehmuh theih Kohhranah hian Pathian thu puan chhuaha niin, Lalpa Sakramen uluk taka buatsaih a ni a, Dânleh Inthununna te vawn leh kenkawh tlat a ni.

2. PRESBYTERIAN KOHHRAN

Presbyterian Kohhran chu khawvêla Kohhran kalphungchi khat, a tobul leh Pathian thu kalpui dânah KohhranSiamthat hun lai thil tih dâna innghat a ni a; chu chuanPathian biak dânah te, thianghlim taka nun dânah te lehKrista ram tihzauh kawngah te Presbyterian Kohhraninrêlbâwl dân a rawn hring chhuak a ni.

3. INDIA RAM PRESBYTERIAN KOHHRAN

India Ram Presbyterian Kohhran chu Welsh CalvinisticMethodist Kohhran missionary-ten kum 1841-a Khasi ramarawng an bâwl atanga lo intan a ni. He Kohhran hianMethodist leh Presbyterian inrêlbâwl dân a la kawp a. A tiratang rêngin Chanchin Tha hril kawnga thahnemngaihna lehmipui vântlâng rawngbâwlna siamsak hi a ze ken bîk a ni.Hei vâng hian mahni intodelh, mahnia ro inrêl leh mahni ngeiaChanchin Tha hril thin a nih phah a ni.

4. KOHHRAN INKHAWM

Kohhran Inkhâwm chu hmun ruat bîka Pathian be tur lehKristian nuna inchâwm tura kâr tin hunbi fel tak neiaKohhran mite kal khâwm thin hi a ni.


5. PATHIAN BIAK, A THU ZIR LEH INPAWLKHAWMNA

Lalpa Niah chuan a mite zawng zawng chu Pathian beturin an inkhâwm thin tur a ni. Pathian biaknaa tih tur langsârzualte chu fakna hla sak te, tawngtai te, sual puan te, sualngaihdamna thu puan te, lâwmthu sawi tawngtaina te,tawngtaisakna leh thil dil tawngtaina te, Pathian thu chhiarleh hril te, Sakramen buatsaih te, thil hlan te leh Malsâwmnasawi te a ni. Sakramente chu Baptisma leh Lalpa Zanriahte hi an ni a, Minister-in a buatsaih tur a ni.

Ringtu zawng zawngte chu Lalpa Nia Pathian thu zirtur te, chawlhkâr chhûnga tawngtai inkhâwma tawngtaitur te leh Kohhran inkhâwma Kristian inpâwlnaa tel thintura beisei an ni.

6. PUIPATE

Kohhran puipa nghette chu Minister te, Probationary Pastorte leh Upate an ni.

a. UpateUpate chu Kohhranin an aiawha hotu atâna an thlan,Kohhran thlarau lam nunah te, rorêlna lamah te, retheienkawlah te leh Kohhran sum rêlbâwl kawngah te Pas-tor tanpui tura nemnghehna hmanga serh hrante an ni.

b. Probationary Pastor-teProbationary Pastor-te chu rawngbâwl hna puitlinganemngheh an nih hmaa Minister kaihhruaina hnuaiaPastor lam hna thawk tura en chhin atâna lâkte an ni.


c. Minister-teMinister-te chu Kohhran Puipa, Krista Chanchin Thahril tur leh Sakramen buatsaih tura dân ang takanemngheha serh hrante an ni.

Pastor-te chu Minister zinga mi, Kohhran pakhatemaw, a aia tam emaw thlarau lam thila enkawl lehchâwm tura ruatte chu an ni.

7. KOHHRAN RORELNATE

India Ram Presbyterian Kohhran chuan hêng Kohhranrorêlna te–Tualchhûng, Bial, Presbytery, Synod leh GeneralAssembly hmang hian amah a inenkawl thin. Hêng Kohhranrorêlna hlâwm hrangte hian a tûl anga Committee-te dintheihna an nei theuh a ni.

a. Tualchhûng KohhranTualchhûng Kohhran chu Presbyterian kal phung zuitu,tualkhata mi intêl khâwm hi a ni a. Kohhran member-te tân chawlhkâr tina Pathian biak inkhâwm lehintihsâwt tawnna tùra inpâwl khâwmna dangte abuatsaih thin.

b. BialBial chu Kohhran pahnih emaw a aia tam emaw intanpuitawn tur leh Kohhran hna tikal zêl tura Presbytery khathnuaia inhlâwm khâwm hi a ni.

c. PresbyteryPresbytery chuan Bial pathum emaw, a aia tam emawa huam a. Presbytery hna chu a huam chhûngaKohhrante leh inkhâwmho zawng zawngte enkawl hia ni.


d. SynodSynod chuan Presbytery pali emaw, a aia tam emaw ahuam a. A huam chhûng Kohhrante hnathawh lehmamawh zawng zawng enkawl hi Synod hna chu a ni.

e . General AssemblyGeneral Assembly chuan India Ram PresbyterianKohhrana Synod hrang hrangte chu a thui khâwma ni.

BUNG II

TUALCHHÛNG KOHHRAN

1. MEMBER NIH DAN

a. Member nih dân sawifiahna

i) Dân zawhkimte : Dân zawhkimte chu Baptismachang tawh, Kohhranho inpâwlna famkima lawmluh tawhte hi an ni. Anni chauh hi Kohhran thiltihpawimawha chanvo nei thei an ni.

ii) Baptisma chang member-te : Baptisma changmember-te chu Baptisma chang tawh, dân la zawhkim lote an ni.

iii) Member dangte : Member dangte chu Kohhranmember atâna an hming ziak tawh, mahse baptismala chang lote an ni.


b. Baptismai) Baptisma chang theite : Kohhran chuan hêng mite

hi a huangah seng lûtin Baptisma a chantir tur a ni: (a) Kristian nu leh pate fa zawng zawngte lehKristian enkawl seilen naupang zawng zawngte;(b) Isua Krista chu an Chhandamtu atâna an pawmthu leh Kristian nuna nun an tum thu vântlâng hmaapuang chhuak apiangte.

ii) Kohhran chuan a member-ten Baptisma an channawn a khap a ni.

iii) Nu leh pate tih tur : An fate an têt laia BaptismaSakramena Lalpa hnêna hlan hi Kristian nu leh patezawng zawng tih tur a ni.

c. Lawmluhnai) Dân zawhkim atâna pawmna : Member tu pawh,

Kristian thutak hriatnaah te, an Kristian nungchangleh an awm dânah te Kohhran a lungawi chuanDân zawhkimah lawm luh tur an ni.

ii) Kohhran tih tur : Kohhran mi, kum sâwm leh palileh a chung lamte dân zawhkima Lalpa hnêna anpuma inhlan tura hruai luh hi Kohhran tih tur a ni.

d. PêmKohhran member, an awmna atanga hmun dangapêmte chuan, an va pêmna Kohhranah an membernihna an pêmpui ang.


2. INRELBAWLNA LAM

a. Kohhran indin dânKohhran chu pâwlho thil a nih anga a hnate tha taka athawh theih nân a hnuaia târ lan ang hian Kohhrankalhmang zuiin a inrêlbâwl dân tur ruahman a ni.

i) Preaching Station : Tualchhûng Kohhran pakhatemaw a aia tamin emaw ring lo mite awmnaarawng an va bâwla Presbyterian dân anga baptismachantira ringthar an siam apiangte chu TualchhûngKohhran member-ah an tel nghâl a, PreachingStation siamsak theih nghâl an ni. A dintutualchhûng Kohhran enkawlna leh inrêlbâwlnahnuaiah awmtîr tur a ni ang.

ii) Branch Church : Tualchhûng Kohhrana memberhmun bîka awm khâwmte chu Bialin BranchChurch a siamsak thei ang. An awmna TualchhûngKohhran hriatpuiin Bialin Preaching Station te pawhBranch Church angin a awmtîr thei bawk ang.Branch Church chu an awm thinna tualchhûngKohhran enkawlna leh inrêlbâwlna hnuaiah a awmang.

iii) Tualchhûng Kohhran : Branch Church chuanTualchhûng Kohhran anga awm an duh chuan anawmna Tualchhûng Kohhran leh Bial kal tlanginPresbytery-ah ziakin dilna an theh lût thin ang a,chu lehkhaah chuan a diltu zawng zawngin hmingan ziak theuh ang a, bialtu Pastor-in ama ngaihdâna ziak bawk ang.


Tualchhûng Kohhran atanga indan chung-chângah pawh Bial kal tlangin, Presbytery-ahTualchhûng Kohhran chuan dilna a thlen tur a ni.

Dilna chu Presbytery-in rem a tih chuanTualchhûng Kohhran thar a din ang. TualchhûngKohhran chu Committee nei tur a ni a, Committeesiam a nih hma chuan an awm thinna TualchhûngKohhranin a enkawl zui zêl ang. Kohhran tinte hiBialah an tel tur a ni.

b. Kohhran Committee din dân leh Puipate ruat dâni) Kohhran chuan a indin atanga a hma thei ang berah

ama Puipate a ruat nghâl ang.ii) Dân anga Upa thlanna leh anmahni nemnghehna

neih zawhah Tualchhûng Kohhran tinin rorêltu atânCommittee a nei ang a, chutah chuan a theih chenchenah Minister te, Probationary Pastor te lehUpate an tel ang. Kohhranin tûl a tih chuan secretballot hmangin Dân zawhkim zînga mi Committee-a tel tur Bial kaihhruainain a thlan belh thei ang.Anni hi kum thum chhûng an tang ang a, thlan nawntheih an ni ang.

iii) Kohhran Committee chuan a indin fel hnuah a tûldân angin Puipate a ruat ang.

iv) Bialtu Pastor chuan a bial chhûng Kohhran khawiahpawh a awm lai a nih chuan hotu chan a changang.

c. Kohhran Committee tih turi) Kohhran enkawl leh rorêlna lam : Kohhran

enkawl leh a rorêlna chu Kohhran Committee


chanpual a ni; entir nân – Kohhran inkhâwm zawngzawng ruahman te, Kohhran Dânpui ang zêlathununna ken kawh te, Kohhran in leh a thil neihleh a sum enkawl te hi.

ii) Lalpa Zanriah : Kohhran tinin kum khat chhûnginLalpa zanriah vawi thum tal neih an tum hrâmtur a ni.

iii) Kohhran hming ziakna : Kohhran tinin member-te leh baptisma changte hming ziakna bu nghet uluktakin an vawng tur a ni.

iv) Kohhran hnêna hriattir tur : Kohhran Committeechuan a tûl châng apiangin, a thurêlte chu KohhranaDân zawhkimte inkhâwmah pawm turin a hriattirthin ang.

v) Kohhran chhûnga thubuai : Kohhran chhûngathubuai rêng rêng chu, a theih chuan KohhranCommittee-ah thlen tur a ni. Kohhran Committee-in a rêl fel theih loh chu Kohhran rorêlna sângzâwkah a thlen tur a ni.

vi) Puipa nghet awm lohnaa Kohhranin Dân akalpui dân tur : Bialtu Pastor-in a aiawh tura aruat Minister te, Pro. Pastor te, Upate emaw anawm loh chuan, Puipa nghet awm lohna Kohhranchuan Dân zawhkim lawm luh te, thunun te, hnawhchhuah te an ti tur a ni lo.


d. Dân zawhkim loteDân zawhkim lo tu mah Kohhran thilah Kohhraninchanvo pawimawh ti turin a hmang tur a ni lo va,Kohhran Committee member atân emaw, inkhâwmpuipalai atân emawah phei chuan a hmang hauh tura ni lo.

BUNG III

INTHUNUNNA

1. A AWMZIA LEH A TUM

Inthununna hi Kohhran inrêlbâwlna kawnga thil pawimawhtak a ni a. Thlarau lam nun atâna thil pawimawh tak tak –Kohhran member-te siam that leh vên himna te, Pathianropuina atân leh Kohhran thianghlimna lam hawia an thanlen theihna tur leh ringtu rinawm tak an nih theihna atântanpuitu tha tak a ni. Inthununna hi Kohhran rorêlnain akenkawh tur a ni.

Kohhran member zawng zawng te, nemngheh an niemaw ni lo emaw Dân bawhchhe tawh phawt chu thununtur an ni a. Thununna tling bawhchhiatnate chu – tualthah,inngaih, uire, aien, Kristian rinna kalh zâwnga sakhawbiakna leh dân bawhchhiatna dang Synod-in thununna tlingaa ngaihte hi a ni.

a. Thunun dan hrang hrangtei) Zilh : Hei hian Dân bawhchhetu chu a pawikhawih

hriattîr te, a chunga hlauhawm lo thleng mai thei


laka fimkhurtîr te, tûn hnua fimkhur tawh tura fuihte a kâwk a. Mi dangte hriat lohva tih tur a ni.

ii) Kohhran chanvo pawimawh atanga chawlhtîr:Hetianga thununte chu an sim ngei a ni tih KohhranCommittee-in a hriat chian hma loh chuan thununnahi a hlip tur a ni lo.

iii) Hnawh chhuah: Hnawh chhuah chu thil tisualtuKohhran member a nihna hlihsak hi a ni. Tih âwmloh leh sual zualkai bîk luhlul taka ti lui tlattechungah chauh he dân hi lek tur a ni. Hetianganihna inhlihsak hi urhsûn taka tih tur a ni a, a tûlchuan Kohhran mipui hnêna puanzâr tur a ni.

b. Puipate chawlhtir DânKohhran puipa nghet chawlhtîr thuah chuan,Presbytery-in a chung thu a rêl fel hma chu, a tûl a nihchuan Kohhranin a lo chawlhtîr rih thei ang.

c. Dân bawhchhia thununnatei) Inngaihna suala tlute : Kohhran member,

inngaihna suala tlute chu a rei lo berah thla rukchhûng tal Kohhran chanvo pawimawh atangachawlhtîr an ni ang a, chumi hnuah an innei thaemaw, an sual an sim ngei tih Kohhranin a hriatemaw chuan thununna chu hlih leh theih a ni ang.

ii) Dân bawhchhiatna dangte : Synod-in tha a tihangin Dân bawhchhiatna dangte thununna pawh arêl thei ang.


d. Member-a lâk luh lehte dinhmunKohhran atanga hnawh chhuah tawh chu a lo lût leh anih pawhin, kum hnih a ral hma chuan Kohhranahchanvo pawimawh chantîr tur a ni lo vang.

2. THIL CHIN THENKHAT CHUNGCHANGA INKAIHHRUAINA

a. Kohhran mite chu hêng lakah hian inthiar fihlimtura beisei an nii) Milem biakii) Zû te, ganja leh kani siam chhuah emaw, kawl

emaw, theh darh emaw, hman emaw te leh rilrutibuai thei damdawi hmansual te.

iii) Pawisa khelhna chi hrang hrang.b. Inneihna Thianghlim sâwngbâwl dân

i) A tûl bîkna hriatpuia, Kohhran Committee-in a huna tihtawisak a nih chauh loh chuan, inneih duhtechuan a rei lo berah chawlhkâr hnih tal an inneihduh thu Kohhran an hriattîr tur a ni. He dân hi anzawm tih inneihtîrtu pawhin a hre chiang tur a ni.

ii) Indian Christian Marriage Act hmanna hmunahchuan, hemi dân hmang hian inneihtîr tur a ni a;hmun dangah erawh chuan a ram mite hnam dânleh kalphung, Synod-in a pawm theih hmanga inneihtur a ni ang.

iii) Inneihna dân hman thuah harsatna a lo awm chuan,Presbytery emaw, Synod emawin a ngaihtuahtu turCommittee a siam ang.


c. Inthenna thuIndian Divorce Act hmanna hmunah chuan chu dânhmanga inthenna emaw, a ram mite hnam dân lehkalphung Synod-in a pawm theihte hmang emawainthenna ni lo chu inthenna tlinga pawm a ni lo vang.

BUNG IV

SUM LEH THIL NEIH DANGTE

1. a. Thilpêk thuSynod tinah thilpêk chi hrang hrang lâk khâwm dân thaber hmanga lâk khâwm thin tur a ni. Kohhran mi zawngzawng chu sâwma pakhat leh thilpêk pe vek tura beiseian ni.

Synod-a lût tur thilpêk rêng rêng chu Synod hotutehnênah him takin thawn ngei tur a ni.

b. Bungraw lam thilpekKohhran rawngbâwlna atâna thilpêk rêng rêngchu Bial/Presbytery/Synod-ah hriattîr ngei tur a ni. Bial/Presbytery/Synod hriatpui lohvin Kohhran mitu mah chûng thilpêk enkawltu nghetah chuan antang thei lo vang.

c. Bial leh Synod hminga enkawl danChutiang thilpêk rêng rêng ram emaw, in emaw,pawisa hlâwm emaw chu Bial/ Presbytery/Synod ruathotuten a tûl angin an enkawl ang a, Bial/Presbytery/Synod hminga vawn a ni ang.


d. Biak In sakKohhranten Biak In sak emaw, sak that emaw an duhchuan Presbytery phalna an la hmasa thin tur a ni.

BUNG V

KOHHRAN RORELNA DANGTE SIAM DAN LEHAN TIH TURTE

1. BIAL

a. Bial siam dânKohhran pahnih emaw, a aia tam emaw inzawmkhâwm chu Biala siam theih a ni ang. Dân ang takaBial siam leh a rem fel chu Presbytery/Synod thuneihnaa ni ang.

Kohhran eng emaw zât Bial khata insiam duhemaw, an awmna Bial chhuahsana Bial danga tel duhzâwk emaw an awm chuan, an awmna Presbytery/Synod phalna an la hmasa tur a ni.

b. Bial Inkhâwmpui member-teBial Inkhâwmpui member-te chu hêngte hi an ni ang:i) Minister te, Pro. Pastor te, Upa te, Bial Puipate leh

Bial Committee hrang hrang member-te.ii) Kohhran thlan palaiteiii) Presbytery-in a zât a tuk ang zêla Kohhran

Hmeichhia leh Thalai atanga palaite.Palai pakhatin dân zawhkim ai a awh theih zât

tur Presbytery-in a bithliah ang zêlin Kohhran tininpalai an thlang ang (Kohhran aiawh palai tirh zîngah


chuan, a theih phawt chuan tualchhûng KohhranCommittee member-te telh tur a ni).

c. A thawh tur chin leh tih turteBial chuan a huam chhûnga Kohhrante leh Kohhranthiltihte a vil tur a ni. Chûng Kohhranten thu an rawnthlente chu a lo ngaihtuah thin ang. Buhfaithâm lehBial huapa thilpêk rêng rêng chu a enkawl ang a,Kohhrante thawh zât report a dawng thin ang. Sumchungchânga thuneihna chu Bial emaw, a awmnaPresbytery emaw, a pum pui huapin Synod kutah emawa awm ang. Bial chuan a huam chhûng pulpitrawngbâwlna a vil thin ang a, pulpit-te chu a hman dântur dik taka hman a ni ngei em tih a hre thin tur a ni.

d. Puipate thlan dânBial Inkhâwmpui hmasaa hun leh hmun ruatah kum tinvawi khat tal Bial Inkhâwmpui neih thin tur a ni ang a.Chairman te, Secretary-te, Finance Officer/Treasurerte kum tin thlan thin tur a ni a, a theih phawt chuanchûngte chu Kohhran puipa nghette zînga mi thlan tura ni.

e . Bial Committee-teBial tinin a hnuaia Committee-te hi a ruat thin ang :

i) Bial Standing Committee : Bial tinin StandingCommittee an nei ang a, chutah chuan Bial Puipateleh member dang 15 an awm ang. Bialtu Pastor te,Pro. Pastor te chu member ni sa an ni. Bialinkhâwmpui inkâra thu hmanhmawh lo awm apianga ngaihtuah thin ang. Member-te chu kum khat an


tang ang. A theih phawt chuan Bial Puipate chuKohhran puipa nghet zînga mi thlan thin tur a ni.

ii) Nomination Committee : Nomination Committee-ah hian Bial Chairman leh Secretary te leh memberpanga Bialin a thlante an tel ang. Pastor chumember ni sa a ni ang. A kum leha Bial Puipa turtea ruatin, inkhâwmpui programme a siam thin ang.

iii) Committee dangte : Tûl a tih angin BialinCommittee dang pawh a siam thei ang.

f. Rorêl ziakna buBial tinin rorêl ziakna bu an nei ang a, chutah chuaninkhâwmpui thurêl zawng zawng ziakin, rorêl hunhnuhnung berah pawm tura chhiar chhuah thin a niang.

2. PRESBYTERY

a. Presbytery siam dânBial pathum emaw a aia tam emaw inzawm khâwmchu Presbytery-ah siam theih a ni ang. Presbyterysiam leh ruahman hi Synod thu a ni ang a. Bial engemaw zâtin Presbytery siam an duhin emaw an awmnaPresbytery chhuahsana a danga tel an duh emaw chuanan telna Synod remtihna an la hmasa tur a ni.

b. Presbytery member-tePresbytery Inkhâwmpui member-te chu hêngte hi anni ang :

i) Minister, Pro. Pastor leh Upate.ii) A theih chen chena Kohhran puipa nghette zîng


atanga thlan Presbytery Puipate leh PresbyteryCommittee hrang hranga member-te.

iii) Bial Chairman leh Secretary-te.iv) A theih chen chena Kohhran Committee member

zîng atanga thlan Bial aiawh palaite.v) Presbytery bituk anga Kohhran Hmeichhia leh

Thalaite atanga palaite.

c. Palai tirh dânA hnuaia mi ang hian Pastor Bial tinin Presbytery palaitur an ruat ang.i) Member nuai khat leh a aia tam nei Synod-te chuan

Dân zawhkim 150 zêlah palai pakhat an ruat theiang.

ii) Member sing nga leh nuai khat inkâr nei Synod-techuan Dân zawhkim 100 zêlah palai pakhat an ruatthei ang.

iii) Member sing nga aia tlêm nei Synod-te chuan Dânzawhkim 50 zêlah palai pakhat an ruat thei ang.

d. Inkhâwmpui neih zin dânPresbytery tinin kum khatah vawi khat tal Inkhâwmpuian nei ziah tur a ni.

e . Puipate thlan dânPresbytery chuan Moderator te, Secretary-te,Finance Officer/Treasurer te leh Statistician te a thlangthin ang. Presbytery Moderator chu Minister emaw,Probationary Pastor emaw, Upa emaw a ni tur a ni a.Secretary-te, Finance Officer/Treasurer leh Statisticianchu a theih phawt chuan Kohhran puipa nghet zînga


mi thlan tur a ni. Finance Officer/Treasurer te hi kumthum chhûng an tang ang.

f. Synod-a thu thlen dânPresbytery Secretary chuan Synod Secretary hnênahSynod inkhâwmpuia palai tur hming te, Committeehrang hrang member tur te leh Synod-a thlen tur anneih apiang Synod inkhâwmpui tan hma chawlhkâr hnihaia tlai lovah an theh lut thin tur a ni.

g. A thawh tur chin leh tih turteBial Inkhâwmpui atanga thu lûtte chu Presbytery chuana ngaihtuah ang a, a theih chen chenah thu tlûkna asiam ang. Kohhrante a dinin, a sawnin, a zawmkhâwmin, a la lût thei ang a, a bântîrin a thiat thei bawkang. Upate a thlangin, a nemnghetin, a sawnin, athununin, a bântîr thei bawk ang. Synod dân angin Upatethlan leh nemngheh a buatsaih ang a, nemnghehte hmingchu Synod a hriattîr ang. A huam chhûnga Kohhrantechu thurâwn pein a tanpui ang a, a tûl angin Synod-ahdilna leh ngennate a thlen thin ang. Kohhran rorêlnasâng zâwkten tih tur an pêkte a ngaihtuahin fel takindân a vawngin Synod-a palai turte a ruat ang. A huamchhûnga Kohhran thil neihte chu Synod hmingin Synodaiawhin a vawng ang (tûl bîk thilah chuan Synod-inama hmingin a enkawl thei ang). A enkawl Kohhranteinchhiarna chu kum tin a dawngin a thlîr thin ang.Thilpêk zawng zawng report-te dawngin, Committeehrang hrangte report pawh a dawng thin ang.


h. Telna insawn

Kohhran mal, Presbytery pahnih emaw a aia tam emawinrina laia awm, an awmna Presbytery atangaPresbytery danga insawn duh an awm chuan Kohhrankalhmang dik tak zuiin an awmna Presbytery-ah an dîlang. Presbytery-ten a ramri an tihfel theih loh chuanSynod rêl fel turin an thlen tur a ni.

i. Report

Presbytery-te chuan Bial Inkhâwmpui atangin reportan dawng thin ang.

j. Thlarau lam thupui

Presbytery Inkhâwmpui apiangin Pathian biak inkhâwmtum khat tal chu Presbytery hmasain Thlarau lam thupuia lo thlan tawh sawi nân hman tur a ni.

k. Committee hrang hrangte

Presbytery tinin hêng a hnuaia Committee hrang hrangteleh, tûl a tih chuan, a dangte pawh a siam thei ang.

i) Standing Committee : Standing Committee-ahchuan thlan member sawmhnih leh panga aia tamlo an awm ang. Minister-te, Pro. Pastor te leh,Presbytery Puipate chu member ni sa an ni.Presbytery inkhâwmpui inkâra thu pawimawh lehtûl zual apiang a ngaihtuah thin ang.

ii) Nomination Committee : Nomination Committee-ah chuan Moderator leh Secetary-te leh memberdang panga an awm ang. Kum tinin PresbyteryPuipa turte leh Committee member turte a rawt


ang a, Presbytery leha thusawitu turte leh thlaraulam thupuite a rawt ang.

iii) Sub-Pastoral Committee : Sub-Pastoral Commit-tee-ah chuan Moderator leh Secretary-te lehPresbytery-in a theih chen chena Kohhran puipatezînga mi a thlan member pakua an awm ang a,chûng zînga pathumte chuan Synod PastoralCommittee-ah Presbytery ai an awh ang.

Sub-Pastoral Committee chuan tûla a hriatangin thil a lo siam rem lailâwk thei ang a.Presbytery huam chhûnga Kohhran châwmna lamrêng rêng a ngaihtuah ang a, a rawtna chuPresbytery-ah a thlen thin ang.

iv) Finance Committee : Finance Committee-ahchuan Puipate leh Presbytery Inkhâwmpuiinmember pathum a thlante an awm ang a. BialFinance Officer/ Treasurer- te chu he Committee-ah hian member ni sa an ni ang.

Finance Committee chuan Presbytery emaw,Standing Committee emaw pawm turin sum lamthil rêng rêng a ngaihtuah thei ang.

l. Finance Officer(s)/TreasurerPresbytery Finance Officer(s)/Treasurer chuan sumlût leh chhuak ziahna bute fel takin an vawng tur a ni.

m. Thil neih enkawltutePresbytery chuan Kohhran in nghet te, sum hnâr nghetatâna thilpêk dah thatte chu a enkawltu turte a ruatang a, chutiang thilpêk a dawn apiang chu Synod a


hriattîr thin ang.

n. Sum endiktutePresbytery tinin Presbytery sum endiktu tur mi pahnihan ruat thin ang.

o. Synod-a palai tirh dânPresbytery tinin kum tin Synod Inkhâwmpuia palai turteKohhran Hmeichhia leh Thalaite telin an ruat thin ang.Chûng palaite chu a theih phawt chuan Kohhran puipanghet zînga mi an ni tur a ni. Synod tê deuhte chungaihhnathiamna chin neih theih a ni.

p. Rorêl ziakna buPresbytery tinin rorêl ziakna bu an nei ang a. Presbyteryrorêl zawng zawng chu chhiar chhuaha pawm thlaptur a ni.

3. SYNOD

a. Synod siam dànPresbytery pali emaw a aia tam emaw inzawm khâwmchu Synod a siam theih a ni ang. Synod siam lehruahmanna chu General Assembly thu a ni ang.Presbytery-te Synod siam emaw an Synod awmnachhuahsana a danga tel duh emaw chuan GeneralAssembly phalna an la tur a ni.

b. Synod Inkhâwmpuia tel tur teSynod Inkhâwmpuia tel turte chu hêngte hi an ni ang:-i) Minister leh Pro. Pastor,


ii) Synod Committee-a member-te,iii) Presbytery Moderator leh Secretary-te,iv) Presbytery thlan palai te,v) Synod bituk anga Kohhran Hmeichhia leh Thalai

atanga palaite.

c. Synod chhimtuteSynod chhimtu mi tu pawh, Synod-in rem a tih chuan,chumi tum atân chuan palaia pawm theih a ni.

d. Palai intirh dânA hnuaia mi ang hian Presbytery-ten anmahni SynodInkhâwmpuii theuhvah palai an tîr thei ang.

i) Member nuai hnih leh a chung lam nei Synod-ahchuan Dân zawhkim 400 zêlah palai pakhat an ruatthin ang.

ii) Member nuai khat leh nuai hnih inkâr nei Synod-ahchuan Dân zawhkim 300 zêlah palai pakhat an ruatthin ang.

iii) Member sîng nga leh nuai khat inkâr nei Synod-ahchuan Dân zawhkim 150 zêlah palai pakhat an ruatthin ang.

iv) Member sîng nga aia tlêm nei Synod-ahte chuan Dânzawhkim 50 zêlah palai pakhat an ruat thin ang.

e . Puipate thlan dânSynod tinin Moderator te, Moderator Elect te,Secretary-te, Finance Officer-te leh Statistician te annei ang.


Moderator chu kum tinin Minister-te zînga mi thlana ni ang. Secretary-te, Finance Officer-te lehStatistician chu, a theih phawt chuan, Kohhran puipanghet zînga mi thlan tur a ni. Secretary-te chu kumhnih chhûng an tang ang a, Finance Officer-te chu kumthum chhûng; Statistician erawh chu kum tin thlan tura ni.

f. Inkhâwmpui neih zin dânSynod tinte chu kum tin vawi khat tal an inkhâwmpuithin ang.

g. Synod tih turteSynod chuan Presbytery-te a dinin, a fin khâwmin, athen darhin, a thiat thei ang. An ramrite a khamsakinan dinhmun a thlirsak thei ang a, dân ang taka anthu theh luh leh ngennate rêlsakin a bial pum puichu fel takin a vawng ang. Synod chuan MissionBoard a din thei ang a, Pathian thu zirna lehKristian hnathawhna hmun (institution) dangtea enkawl thei ang. Synod chuan Minister-te anemnghetin, a sawnin, a pawmin, a chawlhtîrin, athununin, a bântîr thei ang. Pastor-te chu Bial-aha dahin a chhuahtîr thei ang a, ProbationaryPastor-te thuneihna a pein, a thununin, a bân theibawk ang.

Synod chuan ama sum chungah thuneihna tâwp anei ang. A huam chhûnga Kohhrante thil neih zawngzawng chungah pawh Synod chuan thu a nei a ni.


h. Hming lam leh thuchah hnuhnung

Synod Inkhâwmpui tantirhah palaite hming lam a niang a, chumi zawhah Moderator-in Synod chu dân angarorêl thei turin a hawng ang. Moderator chuan a hna atâwpsan dâwnin Synod hnênah thuchah hnuhnung asawi ang.

i. Thurêlte hriattîrna

Synod chuan, thurêl zawng zawng ziakna bu a nei anga. Chûng thurêlte chu chhiar chhuakin Synod-in a pawmang a. Synod Inkhâwmpui thurêlte chu a bua chhuahtur a ni. Synod tinin an hnathawh dân chu India ramPresbyterian Kohhran General Assembly-ah an thehlût thin ang.

j. Committee hrangte

Synod tinin a hnuaia sawi ang hian Committee nghet asiam ang:-

i) Executive Committee

ii) Nomination Committee

iii) Pastoral Committee

iv) Theological Education Committee

v) Finance Committee

vi) Mission and Evangelism Committee

vii) Trust Committee

viii)Committee dangte


Executive Committee leh Nomination Committeeleh Pastoral Committee te tih loh, Committee dangtechuan an Chairman leh Secretary tur an thlangang a, an Committee thurêlte chu pawm turinSynod-ah an theh lût thin ang.

i) Executive Committee : Executive Committee-ah chuanSynod Puipate, Synod Executive Secretary-te, Synodruat member 5-10 te, leh Synod huam chhûngaPresbytery tinin dân ang taka member pathum theuhan thlante an tel ang.Synod ruat leh Presbytery thlantechu kum thum chhûng an tang ang a, thlan nawn theihan ni. Member zâtve an awm chuan rorêl thei an niang.

Executive Committee thuneihna leh tih turte chuhêngte hi a ni :

(a) Hna kal pângngai, Synod aiawha bawhzui ngai lehSynod inkhâwmpui nghâk hman lo thil hmanhmawhbîk ngaihtuah te;

(b) Presbytery-te sum hman tur ruahmanna lo thlirnawn leh chin fel te, Synod budget tur lo buatsaihleh Synod a rawtna thlen te;

(c) A huam chhûnga Kristiante, Synod dang mi lehKohhran pâwl danga mi lo awm vete telin, thlaraulam mamawh ngaihtuahsak te, a bial chhûnga rinnadang vuantute hnêna Chanchin Tha hril dân kawngzawn leh Synod-a rawtna thlen te;

(d) Synod sum mamawh turte thlîra a tûl angaPresbytery-te sum dinhmun thlirpui leh thurâwn pêk


te, audit report ngun taka biha a tûl anga bawhzui te;(e) A khawihtu bîk Committee emaw, Association

emaw-ten thu an thlen anga ram leh inchungchângte leh dân khawih thil dangte thlirpuileh a tûl anga bawhzui te;

(f) Dânpui khawih thei thil emaw, ram chhûngaChristian Council leh Kohhran pâwl dangte nênainlaichinna thu emawte lo bih chiana, a rawtnaSynod-a thlen te.

Executive Committee hi a tûl anga zingin a thuthin ang.

ii) Nomination Committee : Nomination Committeemember-te hi kum tin thlan tur a ni a, Synod Moderatorleh Secretary-te telin member 13 an awm ang. Kumleha Synod Puipa turte a lo ruat lâwkin, Synodprogramme turte a buatsaih ang. Synod Committeehrang hrang member ruat lâwk tûl apiang a lo ruat ang.Member 8 an awm chuan rorêl thei an ni ang.

iii) Pastoral Committee : Synod Moderator leh Secretary-te leh Finance Officer-te leh Pastoral Ministry changtuExecutive Secretary-te chu member ni sa an ni a; heCommittee atân hian Presbytery tinin member pathumtheuh an thlang bawk ang. Member thlante chu Sub-Pastoral Committee member zînga mi ni thei se a tha.Member-te chu kum thum chhûng an tang ang. Memberhmun thuma thena hmun khat an awm chuan rorêl theian ni ang.

Sub-Pastoral Committee-te thu rawn thlen lehSynod huam chhûnga Pastor hna lam thil zawng zawng


a ngaihtuah thin ang a. Kum tinin vawi khat tal an thuthin ang.

iv) Theological Education Committee : Theological Edu-cation Committee-ah chuan member 10 atanga15 anawm thei ang, chûngte chu – Synod Moderator lehSecretary (Senior) Theological Education changtuExecutive Secretary te, (Theological College nei Synod-ah Principal, Vice-Principal, Registrar te) leh ruatmember mi 7-12 te. Ruat member-te chu kum thum antang ang a. Member zawng zawng zâtve an awm chuanrorêl thei an ni ang.

Pathian thu zir duhte dilna leh Synod huam chhûngaPathian Thu zirna lam thil rêng rêngte a ngaihtuah anga. A tûl anga zingin a thu thin ang.

v) Finance Committee : Finance Committee-ah hianSynod Moderator, Secretary-te leh Finance Officer-teleh Synod-in member dang 5 a ruatte an awm ang a.Presbytery Finance Officer-te/Treasurer te chumember ni sa an ni ang.

Finance Committee chuan Synod emaw, SynodExecutive Committee emaw pawm turin sum lam thuzawng zawng a rêl thei ang.

vi) Mission and Evangelism Committee : Mission andEvangelism Committee-ah chuan Synod Moderator lehSecretary (Senior) te, Ramthar changtu Executive Sec-retary te, (Synod-in Mission Board Secretary a neihchuan a tel tura ngaih a ni) leh Presbytery tin atangamember thlan pahnih theuhte member an ni ang.


Member-te hi kum thum chhûng an tang ang a. Memberzawng zawng zâtve an awm chuan ro an rêl thei ang.

Synod pawm turin Committee chuan Mission lehEvangelism lam thil rêng rêng chu a rêl thei ang. A tûlanga zingin a thu thin ang.

vii) Trust Committee : Synod-in Memorandum ofAssociation a neih angin Trust Committee a din ang a.He Committee-ah hian Chairman leh Synod ruatmember pariat an awm ang. Trust Committee changtuExecutive Secretary chu Committee Secretary a ni ang.A term rei zâwng chu kum thum a ni ang. Memberparuk an awm chuan ro an rêl thei ang.

He Committee hi Synod ram leh in lâk sawn theihchi leh lâk sawn theih loh chi zawng zawngte enkawltua ni ang a, a hnuaia târ lan ang hian hna a thawk ang:

(a) Ram emaw in emaw a leia lei te, a thlâwna miin anpêk te, a hawha hawh te, a inthleng ang chi emawte a vawngin a enkawl ang. Ram leh in lâk sawntheih leh theih lohte, Kohhran tâna a tûl lehmamawh dâna thuin a hawhin, a tiral thei ang a,dahkham ngai leh inthleng tûl thilah pawh tha a tihangin a rêl thei ang.

(b) Biak In te, Chapel te, Society te, School te, Collegete, Hostel te, Boarding te, Hospital te, Dispensaryte, Kohhran Hall te, Kohhran hmun te, thlânmualleh Minister leh thawktu dangte chênna in te, michanhai leh fahrah enkawlna in te a dinin, aenkawlin, a puibâwm thin ang a, Kohhran hmabâktihpuitlin dân a ngaihtuah ang.


(c) Kohhran thiltum tihpuitlinna atâna thil tangkai lehtûl chawp ang chi zawng zawngte a thawk ang.

(d) Synod leibat leh rulh ngai thilte (liability) a ngaihtuahang.

(e) Synod-in tih tura a pêk thawh kawngah Synod Ex-ecutive Committee remtihna a lain report a pe theiang.

k. Sum endiknaSynod chuan kum tina a sum endik theihna dân a siamang.

l. Hmeichhia leh Thalaite rawngbâwlnaKohhran tin leh Bial tinah te, Presbytery tin leh Synodtinahte Pathian be tur leh inpâwl hona atân leh, anrawngbâwlna tihhmasâwn nân hmun remchângapiangah Hmeichhe inkhâwm leh Thalai inkhâwm aawm ang. Hmeichhia leh Thalaite rawngbâwlnaa teltur aiawh insiam dân chu, Bial leh Presbytery leh Synod-ten anmahni huam chin theuhah an siam fel tur a ni.

Kohhran Hmeichhia leh Thalaite Programme lehan chêt vêlna zawng zawng hi Presbyterian Church ofIndia Thurin leh inrêlbâwl dân nên a inmil tur a ni.

m. Sunday School ExamSunday School Exam hi kum khat chhûnga zir tur tukchin zêlah neih thin a ni ang a, a remchân angin exam-te hi Tualchhûng emaw, Bial emaw, Presbytery emawSynod emaw huama neih tur a ni.


n. Thlarau lam thupuiSynod Inkhâwmpui apiangin Pathian biak inkhâwm tumkhat tal chu Synod Inkhâwmpui hmasain a lo thlan tawhThlarau lam thupui sawi nân hman ngei tur a ni.

4. REGIONAL ASSEMBLY

General Assembly remtihnain Synod pahnih emaw a aiatam emaw kal khâwmin Regional Assembly an din theiang a; Regional Assembly chu General Assembly-in ahawng ang. Regional Assembly hi Kohhran rorêlna a nihloh avângin a hnathawhna atân dân a insiam thei ang a,mahse chûng dânte chuan Dânpuia mi a kalh tur a ni lo.Synod hnuaia mi ni lo Project intâwm chi chungchâng chuGeneral Assembly Executive Committee-in a dawng thinang.

5. GENERAL ASSEMBLY

India Ram Presbyterian Kohhrana tel Kohhrante chungathuneitu, Kohhran rorêlna sâng ber pakhat a awm ang a,chu rorêlna chu General Assembly tih a ni ang.a. General Assembly Inkhâwmpui member

General Assembly Inkhâwmpuia member-te chu hêngtehi an ni ang :i) Minister leh Probationary Pastor zawng zawng,ii) General Assembly-a Committee hrang hrang mem-

ber-te,iii) Synod Moderator leh Secretary-te,iv) Synod thlan palai te,


v) Presbyterian Women Fellowship palai sâwmvi) Presbyterian Youth Fellowship palai sâwm.

b. Palai tirh dânGeneral Assembly-a palai turin Synod-in Presbyterytin atangin member panga zêl an thlang ang a, chûngtechu a theih chen chenah Upate zînga mi thlan tur a ni.

c. Inkhâwmpui neih zin dânGeneral Assembly Inkhâwmpui chu a kum hnihnazêlah, General Assembly hmasain hun leh hmun a ruatahneih thin a ni ang.

d. Puipate thlan dânGeneral Assembly chuan Moderator, Moderator Elect,Secretary pahnih, Treasurer leh Statistician a nei ang.

Moderator leh Moderator Elect-te chu kum hnihnazêlah Minister zînga mi thlan tur a ni a, Secretary, Treas-urer leh Statistician te chu Kohhran puipa nghette zîngami thlan tur a ni ang. Secretary chu General AssemblyInkhâwmpui tum hnih chhûng tang tur an ni a, GeneralAssembly Inkhâwmpui apiangin Secretary thar pakhatthlan thin tur a ni. Treasurer chu General AssemblyInkhâwmpui tum hnih chhûng a tang ang a. Statisticianchu kum hnihna zêlah thlan a ni ang.

e . General Assembly Committee-tei) Nomination Committee : Nomination Committee

a awm ang a, chutah chuan General AssemblyPuipa te, Administrative Secretary-te zînga pakhat


leh Synod tin atanga member pakhat theuh an awmang. Moderator, Moderator Elect, Secretary-te,Treasurer leh Statistician tur te leh NominationCommittee tih loh General Assembly Committeedang member turte a rawt thin ang. Member pariatan awm chuan rorêl thei an ni ang.

A chunga sawi Synod tin atanga member-teleh Administrative Secretary pakhat chu GeneralAssembly pawm turin Executive Committee-in arawt thin ang.

ii) Executive Committee(a) A siam dân

Executive Committee a awm ang a, hêngte himember an ni ang :

(1) Moderator, Moderator Elect, Secretary-te,Treasurer, Statistician, AdministrativeSecretary-te leh General Assembly TheologicalEducation Committee Secretary.

(2) General Assembly-in Synod tin aiawh pakhattheuh a ruat ang.

(3) Member nuai thum emaw a aia tam emaw neiSynod chuan member pariat an ruat ang.

(4) Member nuai hnih leh nuai thum inkâr nei Synodchuan member panga an ruat ang.

(5) Member nuai khat leh nuai hnih inkâr nei Synodchuan member pali an ruat ang.

(6) Member nuai khat nei tling lo chuan memberpathum an ruat ang.


(7) Presbyterian Youth Fellowship leh PresbyterianWomen Fellowship-ten member pahnih ve vean ruat ang.

A theih phawt chuan member-te chu Synodhrang hrang Executive Committee member-tezînga mi thlan an ni ang a, kum thum chhûngan tang ang.

Moderator leh Secretary pakhat telamember zâtve an awm chuan rorêl thei an niang a, a theih hrâm chuan Synod tina mi memberpakhat theuh tal an awm tur a ni.

(b) Executive Committee thuneihnaExecutive Committee thuneihna chu hêngte hia ni ang :

(1) General Assembly Inkhâwmpui hun nghâkhman lo thila General Assembly tih tur lo tih;

(2) Kum leh atâna General Assembly budget abuatsaih;

(3) Missionary-te tirh leh dawn thua mawh phurh;(4) Kristian eng emaw zât, Synod khat atanga

Synod danga insuan emaw, General AssemblyBial pâwn lama insawn emaw an awm a, anthlarau lam mamawh phuhrûk dân kawngzawn;

(5) Synod hrang hrangin Chanchin Tha hril hnaahma thar an lâk, Kohhran pum tâna hlâwk tlângber tur ngaihtuaha lo khairual;


(6) India ram Presbyterian Kohhran thil neih engpawh vawngtu, Property Trust siam;

(7) Wales ram Presbyterian Kohhran leh Kohhranpâwl dangte chungchâng zir leh thurâwn pêk;

(8) General Assembly pawm tura NominationCommittee member tur Synod tin atanga pakhattheuh rawt;

(9) Rorêl tum khat atân zêl thurâwn petu emawmember puitling ni ve turin emaw mi pangathleng a ruat belh thei ang.

iii) Theological Education Committee : TheologicalEducation Committee a awm ang a, member-te chuhêngte hi an ni ang :

General Assembly Moderator, Secretary-te,Treasurer leh General Assembly AdministrativeSecretary-te, Aizawl Theological College leh JohnRoberts Theological Seminary Principal-te, Synodtin atanga member pahnih theuh ruat te. Committeechuan ama Chairman leh Secretary tur a ruat ang.Member-te chu kum thum an tang ang a, thlan nawntheih an ni ang. Committee chu General Assemblyhuam chhûnga Pathian thu zirna tihhmasâwn lehvil thua mawhphurtu a ni ang. Theological College-te hnathawh khairualin College enkawltu Boardreport-te chu kum tin a dawng ang.

Pathian thu zirna lam atâna kum tin budget asiam chu Executive Committee-ah a thlen ang. Kum


tinin vawi khat tal a thu ang a, a hun chu GeneralAssembly Inkhâwmpui laiin emaw, ExecutiveCommittee thut laiin emaw ni thei se a tha.

iv) Mission & Evangelism Committee : Mission &Evangelism Committee member-te chu hêngte hian ni ang :

Moderator, Secretary-te, Treasurer, GeneralAssembly Administrative Secretary-te leh Synodtin aiawh mi pahnih theuh. Member turte chu atheih chen chenah General Assembly ExecutiveCommittee member leh an Synod-a RamtharCommittee member ni kawp zînga mi Synod-in aruat ang. Member-te chu kum thum an tang ang.Moderator chu Chairman a ni ang a, GeneralAssembly Administrative Secretary-te zîngaMission & Evangelism changtu chu Secretary a niang. Member zâtve an awm chuan ro an rêl theiang. Committee-in tûl a tih chuan meeting tum khatatân mi pathum thleng phungbawm a sâwm theiang a, an sênso pawh General Assembly-in a tumang. Committee chu kum tin vawi khat tal a thuang.

He Committee hian General Assembly leh Ex-ecutive Committee-ah hêng kawngahte hian mawha phur ang :-

(a) Assembly huam chhûng leh a pâwna Missionleh Chanchin Tha hril hna tha taka enkawl lehtihhmasâwn.


(b) Synod-ten Mission leh Chanchin Tha hril hnaan thawhte a tûl anga khairual.

(c) General Assembly hnuaia Kohhrante ChanchinTha hril leh Mission hnaa an mawhphurhna hretura chawh harh leh hmasâwntîr.

(d) Chanchin Tha hril darh hna zir hona leh inrâwnkhâwmna buatsaih thin.

(e) A hma lama sawi tâkte chungchânga Synodhrangte dâwr kual.

(f) Hemi puala General Assembly sum a tangkaithei ang berin a hmang ang a, chumi atân chuanCommittee chuan :

(1) Mission leh Chanchin Tha hril hna atânasum tuak dân kawng dapchhuah thuahmawh a phur ang;

(2) General Assembly emaw, ExecutiveCommittee emaw pawm atân budget aruahman ang.

v) Christian Communication CommitteeCommittee-a member-te chu : General AssemblyModerator, Secretary-te leh AdministrativeSecretary-te, Synod tin atanga ruat member pahnihtheuh leh General Assembly ruat member pahnih anni ang. General Assembly-in Committee Chairmanleh Secretary a ruat thin ang a, member-te tan hunchhûng chu kum thum a ni ang.


A mawhphurhna leh tih turte : Committeechuan General Assembly leh Executive Committee-ah hetiang hian mawh a phur ang :

(a) India Ram Presbyterian Kohhranin thuziaklama hma a lâkna leh thil a kalpui dân turahGeneral Assembly chu thurâwn a pe thin ang.

(b) Synod/Presbytery leh Biala Christian Commu-nication Committee awm apiangte thil kalpuidân leh hmalâk dân khairualsak te, Bookroomleh lehkhabu dâwr dang India RamPresbyterian Kohhran nêna inzawmna neitekhairual hna te a thawk ang. Committee chuana khairualsakte hnên atang chuan report adawng bawk ang.

(c) Sum leh tanpui dilna General AssemblyExecutive Committee hnênah a thlensak thinang.

(d) Thuziak te, Audio-Visual Aids, Video Cassette,CD siam leh theh darh dân zir ho nânWorkshop, Seminar, Consultation lehConference te ram pum huap emaw ram bialkhat huapin emaw a buatsaih thin ang.

(e) India Ram Presbyterian Kohhran leh Kohhranpâwl dangte inkâra thuziak lama thawhnaahKohhran aiawhtu a ni ang.

(f) General Assembly-in emaw, ExecutiveCommittee-in emaw Kohhran hming leh, aaiawha chhuah tura a rêl Presbyter emaw


chanchinbu leh lehkhabu dang emaw eng pawhendik te, chhut te, chhuah te leh thawn darh tea buaipui thin ang.

(g) Thuziak lam te, Audio-Visual lam te, Video siamchhuah lam te, lehkha ziak pawimawh vawnthat lam te leh lehkhabu hlui vawn that kawngahte tûnlaia hmasâwnna thar awmte a ngaihveninKohhrana chutiang lam buaipui turte chu a thilhriatte a hrilh thin ang.

vi) General Assembly tih turte : General Assemblythuneihna leh tih turte chu hêngte hi an ni ang:-(a) Synod tin atanga report, inchhiarna, dilna leh thu

thlen lo dawn;

(b) A thawhpui Kohhrante leh Council-te thu thlen lodawn;

(c) General Assembly Committee-te report leh thu lodawn;

(d) PWF leh PYF atanga report leh thu, a enkawltuAdministrative Secretary kal tlanga lo dawn;

(e) General Assembly bial pâwna Kohhranin Missionhna a thawhte sawi ho leh rêl fel leh a mawh lâk;

(f) A tûl huna Synod thar siam leh a awm sa sîksawi;

(g) General Assembly leh Kohhran pâwl dang inkârathu awm apiang ngaihtuah;

(h) General Assembly leh Wales Ram PresbyterianKohhran inkâra thu awm apiang ngaihtuah;


(i) General Assembly nêna inkaihhnawih thu eng pawha chunga târ lan loh rêl fel thin te.

vii) General Assembly Thurêl Minute : General Assemblythurêlte chu Sâptawnga ziakin chhuah thin tur a ni.

viii) Thlarau lam thupui leh Lalpa Zanriah : GeneralAssembly chuan Pathian biak inkhâwm tum khat talGeneral Assembly Inkhâwmpui hmasain thlarau lamthupui a lo thlan tawh sawi nân a hmang thin ang a.General Assembly Inkhâwmpui apiangin Lalpa Zanriahtheh tur a ni ang.

ix) Kohhran danga palainaA tûl hun apiangah General Assembly chuan WalesRam Presbyterian Kohhran General Assembly lehKohhran pâwl dangah palai a tîr thin ang.

BUNG VI

KOHHRAN PUIPATE THLAN DAN LEHNEMNGHEH DAN

Inthlan chu Kohhran rawngbâwl hna bîk chang tura urhsûntaka mi thlan chhuah hi a ni.

Nemnghehna chu Kohhrana rawngbâwl hna bîk changtura urhsûn taka mi serhhranna a ni.

1. UPATE

a. Inthlanna

Kohhranin Upa turte thlan a duh chuan Bial kal tlanginPresbytery-ah dilna a thlen ang a, Presbytery-in rem a


tih chuan, a thlanpui turin Minister te, ProbationaryPastor te, Upa te zînga mi pahnih emaw a aia tamemaw a tîr ang. Inthlan chu tu ma hriatpui lohva ziakatih ngei tur a ni a, duhthusâmah chuan inthlanna turlehkha chu Presbytery duh ang taka siam ni thei se atha a ni.

b. Thlang thei tur Dân zawhkim zât

Kohhrana Dân zawhkim awm zawng zawng zâtvetal an inkhâwm loh chuan inthlanna neih theih a ni lovang.

c. Tlin theihna vote tûl zât

Thlangtu zawng zawng hmun thuma thena hmun hnihtalin an thlan loh chuan tu mah tlinga puan loh tur a ni.

d. Upa atâna thlan theih lohte

Kum nga chhûng tal Dân chhûnga awm lo leh Dânzawhkim hnua uirêna suala tlute chu Upa atân tu mahthlan tur a ni lo.

e . Presbytery-a hming pêk luh

Upa atâna thlante hming chu thlanpuituten Presbytery-ah an pe lût ang a, Presbytery chuan anmahninemnghehna a buatsaih ang.

f. Upa atâna tling

Upa atâna thlan turte nungchang thuah Kohhrante chuan duhtui hle tur a ni. Thlan tlin tu pawh, Pathian thuhriatnaah emaw, Kristian nungchangah emaw, tling


tâwk lova an hriat chuan thlan a nihna chu Presbyterychuan a pawm lo thei a ni tih Kohhranten an hre chianghle tur a ni.

g. Nemngheh dân

Presbytery-a Upa nemnghehna inkhâwmah chuan atlângpuiin a hnuaia mite hi a tel tur a ni:-

i) Kohhranin amah an thlan tlin chungchângah amarilru vântlâng hmaa a puanna.

ii) Chanchin Tha bu li te, Sakramen te, Thununna lehKohhran Thurin puanchhuah sâwmte atangazawhnate lungawi thlâk taka a chhânna.

iii) India Ram Presbyterian Kohhran Dânpui hi rilrutaka a pawm thu puanna.

iv) Upa atâna thlan a nihna pawm nghehna.

v) Presbytery Moderator chuan serhhranna thuhetiangin a chham ang (Inkhâwmho ding sela):

“Lalpa Isua Krista, Kohhranho Lalber lehLu ber hmingin leh, he Presbytery thuneihnahian nang ......................... hi .........................Presbytery chhûnga ........................... KohhranUpa atân kan nemnghet a che. He hna hi lâwmtaka i hlen chhuah theih nân, mahni chanchinsawi leh tur i nih ang ngeiin taima takin thawkang che. Kan Lalpa Isua Krista khawngaihnachu i hnênah awm rawh se. Amen.”

vi) Fuihna thuchah leh hlanna tawngtai.


h. Upa pêm chungchâng

Upa chu khaw dang Kohhranah a pêmin, a va pêmnaKohhranah Upa atân thlan nawn ni lo mah se,Presbytery member a nihna chu a la chhawm zêl a ni.A va awmna Presbytery-ah leh Bial Inkhâwmpuiahmember ni sa a ni ang.

i. Nemngheh nawn tûl lo

Upa chu hmun dang Kohhrana a pêmin, Presbyteryaiawh pahnih emaw a aia tam emaw tela inthlannaahthlan nawn a nih loh chuan, a va pêmna Kohhranahchuan Upa a ni lo va. Thlan nawn a nih erawh chuanPresbytery-ah hriattîr a ni ang a, nemngheh nawn erawhchu a tûl lo vang.

j. Pêm lehkha

Presbytery pakhat atanga Presbytery danga Upa pêmchu pêm lehkha pêk tur a ni.

k. Kohhran Upa pêm lêt lehte dinhmun

Kohhran Upa pêm, a awmna Kohhrana pêm lêt lehchu Kohhran Upa pângngai a ni leh nghâl ang.

2. PROBATIONARY PASTOR-TE

a. Zir tura ruat zir zo

Probationary Pastor-a lâk tur chu General Assembly-in zir tura a tukte Pathian thu zirna hmuna zir zo tawha ni ngei tur a ni.


b. A hnathawh turte

Probationary Pastor chuan amah enkawl tura ruatPastor emaw, Minister emaw kaihhruaina hnuaiah,amah râwn chungin, Pastor hna a thawk ang(Sakramen rawngbâwlna tih loh chu) Pastor hna thawkâwm mi a nih leh nih loh te, Kohhran dân a zawm lehzawm loh te Synod-a report tur a ni.

c. Ruat dân

Synod Inkhâwmpui laiin emaw, Executive Committeethut laiin emaw Synod chuan Probationary Pastor turtea la ang.

Hêng thute hmang hian Moderator-in an hnênahthuneihna a hlân ang :

“Lalpa Isua Krista, Kohhranho Lalber leh Luber hmingin leh he Synod thuneihna hian nang............................. hi Probationary Pastor ni turinkan ruat a che. Tûn atang chuan Sakramenrawngbâwlna tih loh chu, Pastor hna i thawk tawhang a. “Hnathawktu, thutak thu fel taka hmangchu zak tur a ni lo angin, Pathian ngaiha thaainentîr turin thahnemngai rawh”. Kan Lalpa IsuaKrista khawngaihna chu i hnênah awm rawh se.Amen.”

d. Dahnghehna

A awmna tur Biala dah nghet turin Synod-in Ministerleh Upa a ruat ang.


e . Enchhin hun chhûng

Enchhin hun chhung chu, a chhan tha tak a awm lohchuan, kum thum aiin a tlem tur a ni lo. Enchhin dankawng hnih a awm :

i) A zira zir tur

(a) Synod Theological Education Committee chuanProbationary Pastor-te zir tur leh zir dân turkaihhruaina a siam ang a; Probationary Pastorchuan a theih ang leh a tûl dân ang zêlin amahenkawltu hnênah ziakin report a pe thin ang.

(b) Theological Education Committee chuan kumtinin intuai tharna atâna zirna leh exam abuatsaih thin ang.

(c) Zir turte chu hengte hi a ni ang – Bible, Theology,Religion, History of Christianity, ChristianMinistry, Christian Education leh subject dangte.

ii) A thawha thawh turPresbytery Sub-Pastoral Committee-in uluk takina hnathawh dân a kaihruai ang a, kum khat chhûngaa thawh dân chanchin chu Synod-ah a thlen thinang.

f. Pastor puitlinga siam dânEnchhin hun chhûng kum thum a lo ral a, Bialin Proba-tionary Pastor chu Pastor puitlinga siam tlâka a ngaihchuan, Sub-Pastoral Committee kal tlangin Presbytery-ah dilna a thlen tur a ni. Presbytery chuan uluk taka a


thlir hnua a lungawi tâwk chuan Synod-ah a dilpuiang.Nemnghehna chungchânga thu tâwp neitu chuSynod chauh a ni.

g. Insawntîr dânSub-Pastoral Committee chuan ama Presbytery bialchhûngah chuan Probationary Pastor chu a sawn theiang a, a sawn thu chu pawm turin Presbytery leh Synod-ah a thlen ang. Presbytery pakhat atanga Presbyterydanga Probationary Pastor sawn erawh chu Synodchauhvin a ti thei ang.

h. Chawlh lailâwktîr dânProbationary Pastor-in rawngbâwlna leh nun dânah thila tihsual chuan, Presbytery hriattîr tur a ni a, Synod-ina chungthu a rêl fel hma pawhin a lo chawlh lailâwktîrthei ang.

3. MINISTER LEH PASTOR-TE

a. An mawhphurhna leh tih turte

Minister chu hna bîk thawk tura ruat a nih loh chuan,Pastor hna thawk tur a ni a, a Bial chhûnga Pathianthu leh Sakramen rawngbâwlnaah mawhphurtu a ni.Bial dangah chuan chûng Pastor hnate chu thil tûl bîkahBialtu Pastor nên inbiak remnain a thawk thei chauhang.

Minister tih tur pawimawh zualte chu - Pathian Thuhril te, Sakramen rawngbâwl te, ringtute tihchak te,inthlahdah chawh harh te, hrehawm tuar thlamuan te,


Krista taksa tihpuitlin te, a enkawlna hnuaia awm zawngzawng kan leh ngaihsak te leh kawng tinrênga Kohhranrorêlna dik tak ngaihtuah te a ni.

b. Minister atâna nemnghehna

Nemngheh tura buatsaih chu Minister atân nemngheha nih hmain a nungchang te, a sakhaw nun te, Pastornih a châk chhan te ngun taka thlir zet tur a ni a. Hêngthilah leh a zirlai a zawh dânah te Synod a lungawitâwk chuan nemngheh tur a ni.

Dân zawhkim hnua inngaihna sual emaw, uirenasual emawa tlute erawh chu tu mah nemngheh tura ni lo.

c. Nemngheh dân tur

Synod-a Minister nemngheh inkhâwm chu hetiang hiantih ni se a tha:-

i) Nemngheh turte hming chhiar chhuah.

ii) Nemngheh turte chu dân ang taka thlan an nih lehnih loh Moderator-in Synod a zâwt ang.

iii) Nemngheh turte chu Thurin Sâwm atangin zawhnazawh a ni ang.

iv) Nemngheh tur apiang chuan India RamPresbyterian Kohhran Thurin Puanchhuahna lehDânpui te thinlung taka a pawm thu vântlâng hmaaha puang ang a, Kohhran Minister anga tih tur zawngzawng tih a inhuam thu a tiam tur a ni.


v) Zawhnate chu zawh a niha, pawm tlâka chhân anih hnuin, Moderator-in a nemnghet ang.

vi) Moderator-in nemngheh tur lu chunga a kut nghatin,Synod hmingin he nemnghehna thu hi a puang anga, chumi chhûng chuan mipui an ding ang:

“Lalpa Isua Krista, Kohhranho Lalber lehLu ber hmingin leh, he Synod thuneihna hian,India Ram Presbyterian Kohhran Minister niturin, Pathianin a remruat anga a kohna cheapianga Chanchin Tha hril tur te, LalpaSakramen rawngbâwl tur te, Kohhranin ichunga rawngbâwlna a pêk apiang che thawktur tein kan nemnghet a che. Hêng hna atânhian Ama Thlarau chuan tikhat che rawh se,Amen.”

vii) Nemnghehna tawngtai.

viii)Tawngtai zawhah Moderator chuan nemnghehtea mal malin an kut ding lam chelhin hetiang hian asawi ang:

“He rawngbâwl hna hi chang ve turininpâwlna kut ding lam kan hlân a che.”

Moderator hlui awm vete zawng zawng pawhininpâwlna kut ding lam an hlân ve theuh ang.

ix) Synod Moderator leh Secretary-in an hming anziakna Nemnghehna Certificate chu Minister atânanemngheh hnênah hlan a ni ang.


x) Minister pakhatin nemnghehte fuihna thu a sawiang.

d. Pastor thawhna hmun ruat dân

Pastoral Committee-in Pastor thawhna hmun ruat lehsawn kual chungchâng a ngaihtuah ang a, a rawtnachu Synod pawm turin a thlen ang. Synod-in PastoralCommittee rawtna chu a pawm hnuin, Pastor thar chua Biala dah nghet turin Minister pahnih emaw, Ministerpakhat leh Upa pakhat emaw a tîr ang.

e . Bântîr dân

Eng hunah pawh, Minister-in nemngheh a nih chhan atih duh loh chuan Minister a nihna ata bân a ni ang a,nemngheh a nihna pawh a bo nghâl hmiah ang.

4. DINHMUN NGAIA DAH LEH THEIH LOH

Kohhran puipa nghet tu mah, inngaihna sual vâng emaw,uirêna sual vâng emawa thununna tâwk tawh chu, a nihnangaiah dah leh theih a ni lo vang.

BUNG VII

1. KALPHUNG TLANGPUI

He Dânpuiah hian Kohhranin rorêlna a kalpui dân turchipchiar taka sawi lan a nih loh avângin Synod leh Kohhranrorêlna dangten a tûl dân ang zêlin Dânpui kalh si lovin, thuan rêl ang.


2. DÂNPUI TIHDANGLAM DÂN

Dânpui tihdanglam rêng rêng chu General Assembly tihtur a ni.

3. DÂNPUI HRILHFIAH CHUNGCHÂNG

Dânpui hrilhfiah thuah General Assembly chauhvin thu anei a, a hrilhfiahna chu thutâwp a ni.

DÂN TÊ(Bye-Laws)

Dân tê chu Dân bua thute tihhlawhtlin nâna dân tênausiamte hi a ni a, Dânpui chhûngah telh an ni ve lo. Hêngdânte hi a tûl angin Executive Committee-in a ennawnin atidanglam thei ang.

1. ADMINISTRATIVE SECRETARY-TE

General Assembly ni tin hna tha taka a kal theih nân Synodhrang hrang atanga ruat Administrative Secretary pathuman awm ang a, chûngte chu an hna avângin GeneralAssembly Puipa an ni ang.

a. An thawh hun chhûng

Administrative Secretary-te tan hun chhûng chu kumli a ni ang a, term khat dang atân ruat nawn theih an niang.

b. Ruat dân

i) Administrative Secretary atân hian General Assem-bly chhûnga Minister tu pawh, a hnuaia târ lanatanga teha tling chu ruat theih an ni:


(a) Probationary Pastor atâna ruat ni atangin kumsâwm leh panga tal rawngbâwlna thawk tawh.

(b) Serampore College (University) emaw, kanpawm theih dang University/College emawatanga B.D. degree nei chin.

(c) A awmna Synod-ah emaw, General Assembly-ah emaw Executive Committee member lo nitawh.

ii) Executive Committee-in Synod zawng zawnghnênah thawktu tur rawt turin a sâwm ang.

iii) Administrative Secretary-te chu Executive Commit-tee-in a ruat thin ang a, a ruatnaah an thawh tawhnate, Synod dilpuina te a thlir ang a, a theih phawt chuanlungrual thapna chauh ruat thin tur a ni.

iv) Administrative Secretary tura a ruatte chu pawmturin General Assembly-ah a thlen tur a ni.

v) Administrative Secretary-te chu a ruala ruat tur anni lo. A tharin a hlui nêna kum hnih tal an thawh hotheih nân leh kalphung vawn nun zêl nânAdministrative Secretary pakhat emaw pahnihemaw a thar lo luh rual hian an tâwp ve tur a ni.

c. Ruat nawn dân

i) Working Committee-in Administrative Secretaryterm a tâwp hma kum khat hma lamah a tâwptur chungchâng Executive Committee hnênah ahriattîr ang.


ii) Administrative Secretary ruat nawn chungchângchu Executive Committee thu a ni ang a. Ruatnawn a nih dâwn chuan kum li chhûnga a thawhthat leh that loh ngun taka thlir hnuah a lungawichuan a ruat nawn ang.

iii) Executive Committee chuan AdministrativeSecretary chu a ruat nawn dâwnah a awmna Synoda hriattîr ang a, term khat dang a thawh remtihsakturin a ngên nghâl bawk ang.

iv) Executive Committee-in Administrative Secretarya ruat nawn thu chu General Assembly a hriattîrang.


d. Administrative Secretary-te hna thawh dânkalhmang

Administrative Secretary-te chu General Assembly Of-fice-ah an theihna zawng zawnga thawk turabeisei an ni. General Assembly remtihna lo chuan hnadang an thawk tel tur a ni lo. General Assembly hnatha taka a kal theih nân Administrative Secretary-techu General Assembly House-ah chêng ngei tura beiseian ni.

e . Administrative Secretary-te hna thawh dân tur

Working Committee-in Administrative Secretary-temawhphurhna leh hna chanpual tur a rêlsak ang.

f. Sum lam changtu Administrative Secretary tih tur

Hêngahte hian sum lam changtu AdministrativeSecretary chuan mawh a phur ang:-

i) Ni tina General Assembly sum che vêl enkawl.

ii) Tangka vawngtu hnêna sum hman phalna pêk.

iii) Tangka vawngtu nêna budget siam.

iv) Kum tinin Chartered Accountant-te endik turasum dinhmun ziak fel.

v) Sum chi hrang hrangte Register hrana thliar fel.

vi) General Assembly leh Executive Committee hnênasum dinhmun hriattîr.


g. Treasurer hna

i) Thla thum dan zêlah vawi khat tal General Assemblysum uluk taka endik.

ii) Tangka lama mawhphurtu AdministrativeSecretary nêna sum enkawl dun.

h. Bank-a hming ziaktu turte

Bank Account-ah Administrative Secretary-te lehTreasurer-in hming an ziak dûn ang a, sum lâk chhuahdâwnin Treasurer hming ziak a tel ngei tur a ni.

2. GENERAL ASSEMBLY WORKING COMMITTEE

General Assembly inrêlbâwlna leh ni tin hnate tluang takaa kal zêl theih nân mawh phur turin Working Committee aawm ang. Working Committee member-te chu: Moderator,Secretary (Sr.), Treasurer, Administrative Secretary-te lehSynod tin aiawh pakhat (Synod aiawh atân duhthusâmahchuan Synod Executive Secretary ni thei se a tha). WorkingCommittee member tan hun chhûng chu kum hnih a ni anga, member pasarih an awmin ro an rêl thei ang. WorkingCommittee hi Executive Committee hnuaia Sub-Committeea ni. Moderator chu Chairman a ni ang a,Office enkawltuAdministrative Secretary chu Secretary a ni ang. A tûl dânang zêlin, chawpchilh deuh pawhin rorêl turin an thu thinang.

A thawh turtea. Executive Committee rorêlte tha taka bawhzui.

b. Executive Committee-in bawhzui tura a pêk apiangbawhzui.


c. Policy thil a nih chauh loh chuan, Executive Committeethut leh nghâk hman lo thu hmanhmawh apiang a chingfel ang.

d. Executive Committee hnêna theh luh hmainFinance Officer-ten sum dinhmun leh budget estimatereport an ruahman chu a en thin ang.

e . Administrative Secretary-te hna tur a rêlsak ang.

3. SYNOD EXECUTIVE SECRETARY-TE

Synod inrêlbâwlna leh ni tin hnate tluang taka a kal theihnân Synod tinin Executive Secretary a nei thei ang a, annihna avângin Synod Puipate zîngah an tel ang. ExecutiveSecretary-te chu kum thum zêl an tang ang a, ruat nawnzêl chungchâng chu Synod thu thu a ni ang.

.....

Documents

PCI Dan Bu