Himanta Biswa Sarma-i ArnabGoswami apuba aitsür

TAPAK 3

VOL. XVIII NO. 28 (ADOK 28) DIMAPUR YANGTEPNÜ (THURSDAY) YIMPOKSÜI (NOVEMBER) 05, 2020

Vote ano mazüng, Trump-itakok nguogo ta sangdong

TAPAK 8Regd. No. RNI. NAGAAO/ 2004 / 13113. Postal-NE/RN-717. e-mail : tiryimyim@gmail.com

www.tiryimyim.in

` 5.00

60 Pungro Kiphire A/C by-election tiptema agiogo COVID-19 Nagaland: Taneptsü angur 86.17% kümogo

CORONAVIRUS WARA ASENOK LONGJEMER AKOKTSÜ ASOSHI -Anepdang sakli tzü tera tatsük nung metsü tera enoker terok

koloklok ta shidokang aser tzü tatsük apushia apushia jemang.- In collaboration with the Media Cell, RD Department, Nagaland

Kohima, November 4 (TYO):Nagaland nung tesüiba ghonda 24tsüngda COVID-19 agi shirangernisung 148 tashi taneptsü angubaajanga taneptsü angur 86.17%tongogo aser nisung 3 asübazüngsema tasür ajak agi 47kümogo.

"Dimapur nungi 134, Kohimanungi 12 aser Mokokchung o Monnungi nisung kaka (1) züngsemaparnok 148 tashi taneptsü nguogo"ta Health & Family WelfareMinister, S Pangnyu Phom-imetetdaktsü.

"Bodbarnü nisung 56 dakCOVID-19 aliba putetogo. ParnokjiDimapur nung 27, Kohima nung 24,Mon aser Tuensang nung anana (2)

aser Phek nung 1 lir" ta paisa ashi.Nagaland nung nisung 9,207

dak COVID-19 putetba nungi 7,934taneptsü nguogo aser 1,143anepaludar, ta Health Departmentnung Additional Director, Dr DenisHangsing-ia ashi.

Tanü COVID-19 agi shirangernisung 3 asüba ajanga tasür ajakagi 47 kümogo. Bodbarnü Kohimanung nisung ana aser Dimapurnung nisung ka asü, ta paisa ashi.

Tasürtem rongnung parnok 38coronavirus ajanga asü, 6 bo tangatimtem ajanga aser 3 asüba kulibushitepdar, ta Dr Hangsing-isashisem.

Nagaland nung COVID-19 alibaputeter nisung 83 tashi tanga state

temi ogo. Nisung 9,207 rongnungarmed personnel 3,977, TracedContacts 3,120, tanga state temnungi arur 1,664 aser FrontlineWorkers 446 lir, ta paisametetdaktsü.

Nagaland kübok district balalanung COVID-19 putetba: Dimapur(5,143), Kohima (2,744), Mon (500),Peren (307), Tuensang (154),Zunheboto (138), Mokokchung(114), Phek (37), Wokha (29),Kiphire (23) aser Longleng (18).

Distr ict balala nunganepalurtem: Dimapur (746),Kohima (295), Mon (51),Mokokchung (15), Tuensang (131),Zunheboto (8), Peren (7), Kiphire(5), Wokha (2) aser Phek (1).

"Shirangertem rongnungparnok 42 dak shirangba yimyaterara lir, 6 kanga shiranga oxygenagidar aser 4 ICU nung lir. Parnok1,091 dakbo shirangba yimya kechamali" ta Dr Hangsing-isa ashi.

Taneptsü angurtem: Dimapur(4,313), Kohima (2,430), Mon (437),Peren (300), Tuensang (141),Zunheboto (127), Mokokchung(97), Phek (36), Wokha (26), Kiphire(18) aser Longleng (9).

"Nagaland nung COVID-19alitsü akok ta temulung melemibilemba sample 1,00,002tendangogo. RT-PCR ajanga sample61,850, TruNat ajanga sample 33,945aser Rapid Antigen Test ajangasample 4,207 tendangogo," ta DrHangsing-isa metetdaktsü.

Dimapur, November 4 (TYO):November 4, 2020 nü DCConference Hall Kiphire nung 60Pungro Kiphire A/C nung by-election indang pollingkulikakettem aser osettemjungjunga reprangdangmetokmeperi kecha majitet.

Tanü ketdangsertemi tai

aputsüsa kecha majitet aserSingrep village polling station 11nung dang repoll asütsü. Ajisüaka,election ketdangsertem nungirepoll asütsüba anogo osangkecha mali.

Tanü RO, Observers, candidate5 aser election agents lia kulitemreprangtep.

Guwahati, November 4(Agencies): Assam nung politicalparty tasen Assam Jatiya Parishad(AJP)-i tanü party wako asertemzüng sayaogo.

Guwahati nung aliba Hotel PragContinental nung AJP-i ibasentong ayonga agi. AJP yakaketshir tongti telok ana- AllAssam Students' Union (AASU)aser Asom Jatiyatabadi YubaChhatra Parishad (AJYCP)longjemer tentetba lir.

Assam nung CitizenshipAmendment Act (CAA) anemalungkak aitba sülen nisung aikati

state nung yimtenren tsütsü telokbalaka alitsü nüngdaker ta ashibanung ajemdaker AASU aserAJYCP-i iba telok tentet.

AJP indang yimyimji "Assamprothom, sodai and sirodin"(Assam mezüng, anogoshia, aserteti) lir.

AJP indang High Command jizüngsem 10 agi akümba luden kaasütsü aser iba nung Tir denzüngsem 9 adentsü.

AJP indang mezüngbubapolitical conference ji December itaamongtsü aser Assam kübokdistrict 17 nung ludentem tentettsü

ta tanü osang metetdaktsü.2016 state assembly elections

nung telok shingaia sorkarakümtsüsa menden periamengutet. Assam nung MLA timbaaliba telokji BJP (60) lir aser parnokiAsom Gana Parishad (AGP) aserBodoland Peoples Front (BPF) denyaritepa sorkar aküm. Sorkar nungAGP MLA 14 aser BPF MLA 12 lir.Maneni, Independent MLA katisorkar nungiter.

Külen, opposition CongressMLA 23 lir aser All India UnitedDemocratic Front (AIUDF) MLA14 lir.

Kolkata, November 4 (Agencies):2021 Bengal assembly electionmagidangsa CitizenshipAmendment Act (CAA) mapaküma tenzüktsü ta BJP nationalgeneral secretary KailashVijayvargiya-i Bodbarnümetetdaktsüogo.

"BJP aser Centre-i West Bengalnung refugee tem khuretsamatsünür. West Bengal nung

President's Rule melira election timimagitettsü" ta Kailash-isa ashi.

Tang atemabo BJP-i NationalRegister of Citizens (NRC)yanglutsü atema mejembir sakakidanger linüktem nungireshikangshiba ajanga arubarefugee tem nem senso agütsütsüatema bilemer, ta Vijayvargiya-isaashi.

"Centre sorkari reshikangshi tia

ajanga linüki arurtem nem sensoagütsütsü atema CitizenshipAmendment Act (CAA) agizük,saka okadak CAA anema ken o karbenoka lir" ta paisa shisem.

"COVID-19 wara tembangbasülen onoki telemtetba ka agitsüimlar. Bengal nung electionmagidang CAA mapa kümatenzüktsü merangtsü" taVijayvargiya-isa ashi.

Imphal, November 4 (Agencies):North-East Democratic Alliance(NEDA) convenor aser AssamHealth Minister, Himanta BiswaSarma-i Mongulbarnü NationalPeople's Party (NPP) kanga tilaküma jembi.

Manipur nung Wangoi Bazaarnung nüboyimba sentong ka nungpai iba onük jembi.

"NPP ya party tila ka dang liraser national politics nung tebangaitsü temeten mali" ta Sarma-i ashi.

Congress ya sen teshisa ka ama

lir aser parnoki Naga, Kuki etectsüngda tsükchitepadokdaktsütsü, ta paisa ashi.

Centre aser state BJP lennirtemimapa tajung inyaker aser 2017 kümnungi Biren-i aniba sorkar akümbasülen rongsenkettsüngmokdangba ka dang ayonga magi,ta Sarma-isa metetdaktsü.

Citizenship Amendment Act(CAA) atema arentaka bilemakaCentre-i Manipur nung Inner LinePermit (ILP) benoktsü temelabaagütsü, ta paisa shisem.

Imphal, November 4(Agencies): All Tribal Students'Union, Manipur (ATSUM)-iNovember 5, 2020 nungi ghonda48 mokdangtsü ayongbaagienogo.

"Bodbarnü Chief Minister'sSecretariat nung Chief MinisterN. Biren Singh, cabinet ministertem aser Department of TribalAffairs and Hills ketdangsertemden senden ka amendang mapangshitak nung ADC (AutonomousDistrict Council) election agitsüjembiogo" ta ATSUM-i sangdongka nung metetdaktsü.

Manipur nung ADCs(Autonomous District Councils)indang election mapang shitak

nung agitsü atema ATSUMzüngsemtem den jembitepogo, taChief Minister Biren Singh-iFacebook nung metetdaktsü.

"ATSUM-i akhangba amaManipur Chief Minister-i mapangshitak nung ADC elections agitsünangzükba aser tang aliba ADCnem mapang talila magütsütsülemtetba ajanga ATSUM-iNovember 5, 2020 nung lungkakaittsü ayongba thinena atatsülemtetogo" ta ATSUM-imetetdaktsü.

Chief Minister-isa by-elections tembangba sülencabinet senden ayongatelemtetba ka agitsü ta ATSUMdang ashi.

New Delhi, November 4(Agencies): India nung Manipurdena state pezü nung nisung aikadak Covid19 putetba atema Unionhealth ministry-i tebilemtsüabenba metetdaktsüogo.

"Tesüiba anogo ishikaManipur, Delhi, Kerala aser WestBengal nung Covid19 kangaputeter aser iba ya kanga süokiia bilemtsüba khuret ka lir" taUnion health secretary RajeshKumar Bhusan-i ashi.

Benjung mongpu aserasükwa aruba ajanga nisungtemtsüngda Covid19 menateper taUnion health secretary-isa ashi.

Ajisüaka, tesüiba ghonda 24tsüngda Manipur nung dang

nisung 54 dak COVID-19 alibaputetba dak alaka, tanüngba stateasem nungbo nisung tasen dakmeputet.

"October ita den medemdangra,Manipur, Kerala, Delhi aser WestBengal nung nisung timba dakCOVID-19 puteter" ta Bhushan-isametetdaktsü.

Benjung mapang aruba ajangaIndia nung nisung aika dakCovid19 putettsü ta taobamapang health ministry-imetetdakja liasü.

India kübok tesem balalanung lapoka aliba laboratory2,000 tema nung sample crore11 den timba dak Covid19tendangogo.

Assam nung party tasen AJP-i wako aser temzüng saya

Bengal assembly election matongdang CAA benoktsü

NEDA convenor Sarma-i NPP lutsü

Manipur nung kaketshirtemi mokdangba agiener

State 4 nung Covid19 kanga putetbaatema Centre-i tebilemtsü abener

District Asymptomatic Symptomatic Active Cases

Cases Cases (Cumulative)

Dimapur 714 32 746

Kiphire 5 0 5

Kohima 278 17 295

Longleng 0 0 0

Mokokchung 14 0 14

Mon 51 1 52

Peren 7 0 7

Phek 1 0 1

Tuensang 13 0 13

Wokha 1 1 2

Zunheboto 7 1 8

Total 1091 52 1143

TIR YIMYIM, DIMAPUR YANGTEPNÜ (THURSDAY) YIMPOKSÜI (NOVEMBER) 05, 2020 STATE & NE TAPAK22Noklak nung DBs Union sadangba sentong agi KPC ajanga asükhu lemsateper

Noklak, Deputy Commissioner, Reny Wilfred IAS-i senden nung o jembiba noksa nung angur.(IA Noklak)

Assam Health Minister, Himanta Biswa Sarma-i Bodhbarnü Guwahati nung Kalapahar CovidCare Hospital semzükja liasü. Iba Covid Care Hospital nung yipten 160 lir. Iba osang paiTwitter nung Bodhbarnü lemsatepba mapang, "Assam Health Department ajanga alimaajunga sünga aliba tashidak den raraba nung tanüa alizüng tasen ka tongtetogo!" ta ashi.

Mokokchung, Nov 4(TYO): Nov 7, 2020 nüMokokchung Municipal kübokaliba ward ajak nung anepdang8:00 ako nungi tenzüka peiward yimdeni achayanga‘Mass Social Work 2020’inyaktsü asoshi MokokchungMunicipal Council (MMC)Administrator & ADC,Shashank Pratap Singh IAS-iNov 4 nü sangdong ka ajangametetdaktsüogo.

Iba anogo nungji pei wardyimdeni achayanga pei wardnung aliba public tesem,lenmang temeket, kilentzünungertem merüktsü/inyaktsütetuyuba agütsü.

Iba ‘mass social work’ yashitakbabo Oct 8, 2020 nüayongtsü lemteter liasü, sakaiba mapang tzünglu tanen makaaruba den tanga kuli kar ajangamagitettsüsa aküm, ta MMCAdministrator-isa metetdaktsü.

Iba dak sentakba nung, ibamass social work anogojimatongdang pei alidak ki,offices aser institutions asertemeket ajak merüktsütetuyuba agütsür. Telok kaajanga merükmejuba tesemaser maparenji repranga jajatsüaser asadanger 2020 kümatema “Best MaintainedWard” ta sür tajungtiba wardasem (3) shimtsü, ta MMCAdministrator-isa metetdaktsü.

Nov 7 nü Mkg municipal kübok yimkong nübu tsüka mapa inyaktsü

Dimapur, Yimpoksüi/Nov. 04(TYO): Tuensang District DBsUnion sadangba sentong kaDeputy Commissioner, Noklakindang Conference Hall nungNovember 04, 2020 nü agiogo.

Iba sentong nung jembibamapang Deputy Commissioner,Noklak, Reny Wilfred IASajanga ashiba agi, Dobashi temya customary law nung kiburama lir aser sobaliba yimyatemamshir. Dobashi tem yaadministration indang tenük asertenarong lir aser iba den külemidistrict aser state nung tensaazüokba nunga tashi ka lir, ta shi.

Pai Tuensang aser Noklaknung aliba Dobashi tem dangtaoba mapang ama külemi

inyaktsü ayongzük asertesendaktep alitsü maongkayanglutsü atema forum katentettsü mepishi.

Ken o aser khuret tem yaadministration indang shilem kalir aser Dobashi tem (Magistratedena lir) ajanga customary lawnung ajemdaker mangatetepken o bendangba nung tongtishilem agir, ta pai ashi.

Customary law nungajemdaker tangatetbamasetshitsü Dobashi tem dangDeputy Commissioner-iayongzük aser temesepbachiyongtsü chia-ajemba yimyamesübatsü aser customary lawnung kibur ama alitsü ajungshialiasü.

Iba sentong nung PA to DCTuensang S. Yanchu; DistrictHd.DB, Tuensang,Chamhomong; Head DBLongkhim, L.Tsalongse aserGr-I DB Shamator, Reluthingnungertemia jembi aserDistrict Head DB, NoklakS.Hangji-i pela agizükba ojembia liasü.

Iba sentong nung Head DBSadar Tuensang HqM.Chingmak menden liasüaser Gr-I DB NoklakH.Longhen ya tezüluba liasü.Sentong nung Tuensang Hqindang Dobashi temi tetsü-tebou ken ka aden aserLongdon BYE ajanga temejaken ka aden.

Dimapur, Yimpoksüi/Nov. 04(TYO): Wokha DistrictPlanning & Development Boardindang Vice-Chairman aserDeputy Commissioner, Wokha,Orenthung Lotha-i sangdong kanung, ita shia amenba WokhaDistrict Planning &

Development Board (DPDB)senden November 2020 atemaNovember 09, 2020 anüngdang11:00 ako nungi DeputyCommissioner indangconference hall nung amentsü,ta metetdaktsü.

Iba senden nung Mt.Tiyi

Govt. College ajanga collegeinyakyim indang power pointagütsütsü, ta DeputyCommissioner ajanga ashi.Anungji züngsem ajak ibasenden nung medema aruaadentsü metetdaktsür, tasangdong nungsa shia lir.

Wokha DPDB senden November 9 nü amentsü

Dimapur, Yimpoksüi/Nov.04 (TYO) : DeputyCommissioner aser ZunhebotoDistrict Planning &Development Board nung ViceChairman ajanga sangdong kanung November ita a temaZunheboto DPDB senden ya

November 10, 2020 anüngdang11:00 ako nungi tenzüka TownHall, Zunheboto nung amentsü,ta metetdaktsü.

Anungji iba senden nungazüngsem ajak arua adentsümetetdaktsü, ta sangdong kaajanga ashi.

Dimapur, Yimpoksüi/Nov. 04(TYO): Nagaland nung ozüngalema inyaksangshibanokdangtsü atema SecurityForces temi mera balala agibanung shilem ka ama November01, 2020 nü general area ZubzaNala nungi Security Forces temiIndian Made Foreign Liquor(IMFL) apu, ta osang ka ajangaashi.

General area Zubza Nalanung ozüng alemainyaksangshiba osang tejangjaitdangiter nungi angazükba nungajemdaker Security Forces temi

Security Forces-i IMFL apu

Police nungi teshimtet nübu denkülemi operation ka tenzükanisung asem apu.

Iba mapang parnoki sen lakh35.48 jenjang McDowell Rumcases 500, Officer ChoiceWhisky cases 62, KingfisherStrong Beer cases 200 aserMagic Moment Vodka cases 19apu.

Pua aliba nisungtem denparnok ket nungi ngutetbaosettem ya manenibushisüngdangtsü atema Sechu(Z) Police Station, Kohima nemagütsüogo, ta osang ajanga ashi.

November 10 nü Zunheboto DPDB senden amentsü

Kohima, Yimpoksüi/Nov. 04(TYO): Külemi inyakerAnguno Nagi tebu, arishi küm64 tain Megolhusie Nagi,November 04, 2020 nü asübaatema Kohima Press Clubzüngsemtemi asükhulemsateper, ta KPC sangdongka ajanga ashi.

Mangyimer molung

süngzüktsütsü atema o agimeperitsütet saka TulusangTsüngremi mangyimer kibongnem tesunep aser tashi agüjangta sarasademtsür. Asür kibongden asükhu lemsatepba denkülemi asür tanüla teti tatemmaka tesunep nunganisüngzüjang ta sarasademtsür,ta kasa sangdong ajanga ashi.

Dimapur, Yimpoksüi/Nov. 04(TYO): HQ IGAR (North)kübok Assam Rifles, JalukieBattalion ajanga November 01,2020 nü PHC Athibung denlungjemer Vonkithem nungmedical aser immunitisationcamp ka katsü.

Medical team katiVonkithem, Phaijol aser NewChamcha yimtsüngtem nungalirtem nem medical check-upaser immunitisation agütsü.Yimtaklir dang COVID-19tashidak agi sünga aliba mapangtemang anema alitsü asermürekmejua alitsü indang rasaaashi. Iba camp nung nisung 152temang tendanga mozü agialiasü.

HQ IGAR (N) kübok AssamRifles, Dimapur Battalion ajanga

Dimapur district kübok HerbertSpencer School, North AngamiColony nung Waiting Shed kayanglutsü.

Iba tesem ya Assam RiflesCivic Action ProgrammeProject kübok sen lakh 1.5 shiagi yanglutsü aser November 02,2020 nü Village GB aserChairman tem lia school nembenzüka agüja liasü.

Maneni HQ IGAR (N) kübokAssam Rifles, Mon Battalionajanga Assam Rifles Civic ActionProgramme kübok Shalom KidsSchool Foundation nungRecreation Hall ya yanglutsü aserschool ketdangser nem benzükaagütsü. Assam Rifles temi ibaama nüburtem asoshi mapatajung inyaktsüba atemanüburtemi pelaba lemsatepa liasü.

Assam Rifles temi nüburtematema mapa balala inyaktsü

TIR YIMYIM, DIMAPUR YANGTEPNÜ (THURSDAY) YIMPOKSÜI (NOVEMBER) 05, 2020 REGIONAL 33

Arunachal Pradesh kübok West Siang deputy commissioner Moki Loyi-i Trans-ArunachalHighway nung Potin-Pangin (Package-6) mapa inyakdak semdangdang agiba noksa angur.Iba mapa ya ABCI-TTC (JV) Ltd. ajanga inyaker aser DC Moki Loyi-i parnok dang mapajungjunga inyaktsü ayongzük. “Gari lenmang yangluba ya terenlok mapatem rongnungtongtipangba lir” ta DC Moki-i ashi. (Itanagar, November 4)

Aizawl, November 4(Agencies): Mizoram sorkariCovid-19 agi shirangbatanurtem anepalutsü asoshiCovid-19 Care Centre temlapoktsü.

Mizoram health department-isa tetsü dak COVID-19 alibaputeta aliba tanurtem asoshiStandard Operating Procedure(SOP) balaka latettsü.

"Tetsü dak COVID-19 alibaputetba sülen tanurtem Covid-19 Care Centre-i anir aodangtanurtemia menaogo. Iba yaparnok balaka anepaludakmaliba ajanga atalokba liasü" tahealth ketdangser kati ashi.

"Tanurtem asoshi Covid-19Care Centre balaka lapoktsüatema mapa inyakdar" ta paisaashi.

Covid-19 Care Centre balalanung tang tanur 7 tashi pei peitetsü den külemi mongdar.

Mizoram health minister,Lalthangliana-i senden kaayonga amendang tanurtemasoshi achiajemtsü peria alibacare centre lapoktsü onük

benok.Item care centre nung tetsü

mozü kidang anepaludang,tanurtem aniokamongdaktsütsü. Ajisüaka,mama ayongba tanurtembotetsütem den külemi mozükidang mongdaktsür.

Mizoram state sorkariOctober 26 nungi "NoTolerance Fortnight" lockdownta ser state ajungalen novelcoronavirus menatepbaazüoktsü atema mapa inyaker.

Bodbarnü Mizoram nungnisung timtiba dak Covid-19aliba puteta liasü. Tanü nisung101 dak COVID-19 putet aserparnok rongnung ita ana tainkinü tanur ka dena lir.

Tanü tashi nung Mizoramnung nisung 2,893 dak COVID-19 aliba putetogo aser parnokrongnungi nisung 2,376 taneptsünguogo aser 516 anepaludar tastate health departmentketdangsertemisa ashi.

Mizoram nung COVID-19agi shiranger ka süogo asertaneptsü angurji 82.13% lir.

Silchar/Aizawl, November 4(Agencies): Bodbarnü AssamChief Secretary Jishnu Baruaaser Director General of Police,Bhaskar Jyoti Mahanta natiBarak Valley nung law & ordertensa reprangshimogo.

Tanü ghonda ka ser tesadangka shi senden amendang ibatesem nung tensa mesüngjemtashi central forces mapalemzüktsütsü telemtetba agiogo.

Assam kübok Cachar aserKarimganj district temi Mizoramden arrtsüa aliba tesemtemnung anogo ka ana tsüngdaCentral forces mapalemzüktsütsü, ta Barua-i ashi.

"Chief Minister-i tuyuba amani aser DGP (Mahanta) na tanüyangi aruogo aser law & ordertensa meyipa reprangshimogo.Künati Mizoram nung nisungkar ket nung asüba kibong denajurutepogo. Par kibong nemsen lakh 5 teyari agütsüogo" tapaisa metetdaktsü.

Lailapur nung alir ka asübaatema Barua-isa ashiba agi "niiba tatalokba atema kanga süokiia bilemer. Tai maket taküm kasamaogo aser iba ya nisungtamajung kar ajanga lir. Anungjiiba tatalokba atema jungjungabushisüngdangnür."

State sorkari Chief Ministerlevel, Home Secretary level,Chief Secretary level aserdistrict administration level nung

Assam-Mizoram arrtsülen Central forces mapa lemzüktsütsüMizoram nung Muslim teloktemi tensa süngjemtsü ayongzüker

iba ken o angatetteptsü atemainyaker, ta Barua-isa shisem.

MUSLIM TELOKTEMIAYONGZÜKER:

Assam nungi arishi küm 48tain ka arrtsü anasa asüba sülenMizoram nung Muslim nungertongti telok anati arrtsülenalirtem dang süngjema alitsüayongzükogo.

Mizoram-Assam arrtsümangatettep den iba nisung asübaya mesentakteptsü mepishir taMuslim teloktemi ashi.

Hombarnü Vairengte nungaliba mozü ki ka nung Intyaz Ali(Intazul Ali Laskar) asübaajanga tang arrtsü mangatettepaliba den sendakteptsü akok.Ajisüaka, Lailapur nunger asübaya arrtsü mangatettep aser NH-306 mokdangba den kechasendaktepa mali, kechiyong pajimozü shibelenba atema apubaliasü, ta Mizoram MuslimWelfare Society (MMWD)aser Aizawl Mosque Committee(AMC)-i sangdong ka nungmetetdaktsü.

Tasür kibong den asükhulemsateper aser arrtsülenalirtemi tensa süngjemtsü atemamapa inyaktsü ayongzüker, tatelok anatisa ashi.

Covid19 ajanga nisung ajaktimtemba mapang ka nung arrtsümangatettep ajangarongsenkettsüng tsütsümokdangba yagi telemtetba

kecha bentsür marutsü, taparnokisa ashi.

"Cachar districtketdangsertem, Assam sorkaraser Lailapur nung alirtemilenmang mokdangba agientsülaaser Mizoram-i aruba garitemsenzüdaktsütsüla" ta MMWSaser AMC-isa metetdaktsüogo.

Assam kübok Cachar,Hailakandi aser Karimganjdistrict tem nungi nisungmeyirjang aika Mizoram nungalir aser pei kibong mesütsüatema mapa inyaker. Iba amakhuret ajurudang anatsülentakoksa angur ta nisungtemiangatettsüla, ta parnokisa ashi.

MWS aser AMCteloktemisa Centre denMizoram aser Assamsorkartemi iba ken o tekaratibanung angatetteptsü atemaayongzükogo.

Deobarnü Ali ket nungheroin bena lia Young MizoAssociation (YMA)züngsemtemi apu aser paMizoram Excise & Narcoticsket nung agütsü.

Deobar nikongdang paVairengte Community Centre(CHC) nung anepalutsü aniokaser Hombarnep 10:20 akometa pa asü.

Mongulbar anepdang paindang mang par kinungertemket nung timi agütsüogo, tapolice-i ashi.

Imphal, November 4(Agencies): Mumbai Police-iyimtenren nung ajemdakerRepublic TV Editor ArnabGoswami apuba aitsür ta Assamhealth minister Himanta BiswaSarma-i ashi.

Sarma ya Arnab Goswamiden medemer tajung ka lir aserBodbarnep Sarma-i "RepublicTV editor apuba yaMaharashtra sorkari pressnüjiso azüokba lir" tametetdaktsü. Sarma ya tangManipur nung by-electionatema BJP candidate tematema nüboyimtsür.

"Yimtenren tsütsüajemdaker Mumbai Police-iiba mapa inyakba inyakbaaitsür. Iba ya Maharastranung Emergency anogotemmesüka lir" ta Sarma-isa ashi.

Union Minister PrakashJavadekar-ia Arnab Goswamiapuba aitsüogo.

2018 küm arishi küm 53tain inter ior designer kasosetba nung yaritep ta tai

tonglokja Mumbai Police-iArnab apu.

"Maharashtra nung pressfreedom anema mapa inyakbaaitsür. Iba amai Pressmamshitsüla. Iba tatalokbaajanga emergency anogotembilemtetdaktsür, kechiyong ibamapang tu press yamai amshi"ta Javadekar-i ashi.

Arnab Goswami ya Assamnungi journalist ka lir aserBodbarnep Mumbai nung parkidang lia pa apu.

2018 küm interior designerAnvay Naik aser tetsü KumudNaik asüba dak sendakba nungArnab Goswami apu.

May 2018 nung Anvay Naikaser tetsü Kumud Naik naMumbai kübo Alibaug nungsoseta asü.

Anvay-i shidi ka zülur yujaaliba nung 'Arnab Goswamiaser nisung ana- Feroz Shaikho Niteish Sarda, nungertemi panem Rs 5.40 crore magütsübaajanga pa senotsü tsütsütimtem ajuru' ta shia liasü.

Himanta Biswa Sarma-i Arnab Goswami apuba aitsür

Mizoram sorkari tanurtem atemaCovid-19 Care Centre lapoktsü

Ambassador of Israel to India, Dr. Ron Malka-i BodbarnüGuwahati nung Tech City semdangdang agiba noksa angur.Tech City ya Lokopriya Gopinath Bordoloi InternationalAirport anasa alia acre 100 nung yangluba IT & Electronicsfacility ka lir. Tanü Minister of Information Technology &Water Resources, Govt. of Assam Keshab Mahanta, MLA,West Guwahati Ramendra Narayan Kalita aser Departmentof Information Technology, Department of Water resourceso AMTRON ketdangsertemi ainertem pelaa agizük.(Guwahati, November 4)

Bodbarnü Meghalaya cabinet-i St Xavier's University Bill, 2020 agizükogo. Educationdepartment-i iba draft bill benokba state cabinet-i agizük aser iba university ya CatholicChurch indang telok Jesuit (Society of Jesus) ajanga ketdangsütsü. November 5, 2020 nungiState Assembly indang autumn session agidang iba bill benoktsü ta Deputy chief minister,Prestone Tynsong-i metetdaktsü. (Shillong, November 4)

DIMAPUR YANGTEPÜ, YIMPOKSÜI (NOVEMBER) 05, 2020

YIMOBILEM (EDITORIAL)TIR YIMYIM

Iba Olemsabang nung lemsaba ken-o aser shisatsü ya iba ocet züluribilemba ken-o ama tazüngeri angateta agitsü mepishir

TIR YIMYIM, DIMAPUR YANGTEPNÜ (THURSDAY) YIMPOKSÜI (NOVEMBER) 05, 202044

Asenok tangatetba tendangba

M apang shia asenok rongnung yimsüsürtemshimtsü atema election aruba ya yimsüsürshimtsü atema dang masü saka asenok

tangatetba tendangtsü asoshi tatidang agitsü mapang kaaruba amai lir. Aji oda, Nagaland nung general election agirküm ana sülen, ano yakanü Southern Angami-1 aser Pungro-Kiphire constituency ana nung bye-election agiba ajangaasenok tangatetba jenjang ka tendangogo. Election-boconstituency ana nung dang agi saka constituency kaNagaland anüdoklen aser ka anülulen ta alinungji,constituency ana nung election agiba ya Nagaland ajak nungagir ama bilemtsüsa agiogo. Item constituency ana ya,Nagaland nung tanga constituency-tem den medemdangra,tamalen agiba election-tem nung timi agiba constituency-tem lir. Tetezü, tanga constituency-tem dang nungibo itemconstituency nung alirtem ya tangatetba aser teindangbaliasü ta angatetter. Odanga, Naga nungertem rongnungKohima district nung alirtem ya teindangba asertongmelangba ta shitettsüsa parnok inyakyim aika nungreprangtetter aser ano oagi Kiphire district nung alirtemaikati ochimashi mapa inyaktsübaji memetet,mangashidang aser mengudang alitsü. Ajisüaka, item tenüngaser jenjang tajungtemji yutsür tang constituency ana nungbye election agiba mapang atalokba mapatemjireprangdangra, meindang shisatsü agi teindang shisatsüakokba aser mangatettertem nem tangatettertemkokdaktsüba angur. Aji oda, iba election nung yi, sen asertashiyim amshiba otsüji shitak süra, ano tang election nungaasenoki alima nung akaba tamajungbo ajak amshiogo taangatetdi. Atangji, Nagaland nung ya election mapang senagi tendangba tatidang nem kokdaktsüaka, nübortem aikamulungjang nungbo ochishia linüba aser yimten nungindangindanga shilem aginüba shisatsü aser tangatetbaalitsü. Ajisüaka, alima nung takok angutsü tokteperasünungji, tetoktepertemi kechisüdirsüaka takok angutsümerangdang, nübortem taküm aser jakla raksatsütsümapayur. Idangji, tamakok angurtemjibo yutsür takokangurtema takokbo angur saka takok dang nungi takoksatuluba ajurur. Tanü asen lima nung bye election agiba otsüjiaangadangra, lenirtemi anir ozüng raksaba aser nübortemrongnung tashiyim agi takok angutsü merangba agi election-a magitettsüsa akümba osang lir. Atangji, iba bye electionnunga nisung karibo tangatetba agi ochishia shilem agirasütsü saka aikati tatidang mekoktet sen yong pei vote yokerasütsüa akok. Iba jagi pei vote agütsütsübaji dang masü sakatashiyim amshia tangar vote-a agütsütsü meranger aser senyong yoka adok nungji taaktsü maket akümer. Asenokmulungjang shia nung shitak inyaktsübo tangatetba lir aseryimten aser lokti mapa nung indangindanga shilem agitsübojangrar saka makoker ta asübaji, ashiko, asenok makamaitbaagi mesüra meinyaki rongsen aginüba agi asütsüa akok.Ajisüaka, alima nung ya Tsüngremer ozüng (natural law) kalir, ibaji inyaker külenang chiyongtsüla, akatsüla aseragütsütsüla. Meinyaki akatsü merangba aser pei temetenyoka chiyongtsü merangbaji peisasa suseta asütsü sentongyangluba den kasa lir. Iba jagi tanübo tebok asüngtsü asertaginüba kabo angutsüa akok saka tarutsü atemaochimashiba rongsen aser temeten ayokba mapatemji miimakümtsü. Kibong aika iba miim jagi kenyongi alima nungakena melidang amato samaogo. Asenok aika yimjungmapangbo tasü tait nokinketer amai alir saka kodangtongpang nung nokdaktsüsa mapang ka ajurudir, idangjibolapi akümer. Iba amaji asenok aika election marudangboochishia shilem agitsü indang jembir saka kodang electionarudir, asenoki tama ochimashi mapa inyaktsü tenzüker.Asenok aika sentep ki telong nung dang tamang nungnokinketer saka sentep senshirbo tatidang tilaka ajurumajung laoadoker. Tanü putu nung asenok asoshi yimtentongpang aser taküm nung tatidang tulutibaji election ya lir,anungji election tatidang ya koktetra asen taküm aser asenlima agi asenok nümadangteta alitsüsa yimchiyimjunganogotem arutsübaji kecha agia menokdangtettsü.

OLEMSABANG

~ L. Shilu Jamir, Dimapur

COVID-19 POSITIVE NUNGI YISUI ANEPTSUBA TAKUMKULI ASER NI AJANGSHIBA KAR

(Yashi adok nungi...)Tsungrem sentsuwangshi asoshi ni Covid hospital nung amongba mapang

ajangshiba kar shisemner. Ni anogo ishika kidang yimra agi tonger shirangaalidangbo chiyongtsu kecha mechinu timtema liasu. Saka kodang ni Covidpositive ta angashi, Tsungremi ku nem tashi balaka agutsu, ni Covidhospital atongba aonung nungjagi chiyungtsu agutsuba ajak chima-achi.oda ni ashitsu agi ni Covid tsububasa tashiba liasu, ni covid positivemadokdangbo Tsungrem dang iba nungi jembua alitsu kanga dang mepishiaser ni tsubua liasu, kodang Covid-19 positive liasu, iba mapang nungboni koda-ser yakta tajungba kumer kidangi meyipa aotsu, iba asoshi nikanga meranga ku temang anepalu aser Tsungrem dak amangasarasadem. Ibai ni ajungba aser ku tamang kisung agi masu, ni CovidHospital nung lir ta angashia, Yimtsur Yimer, Anuk-apang, Arogo balala,Pastor Reverend-tem kinuk balala nungi ni asoshi sarasademtsu, talisaPhone ajanga sarasademtsuba aser Messages ajanga onoki na asoshisarasademtsur ta ashiba, angashidang aser zungshidang ni temolungkanga ulua, ayah ni asoshi aria bilemtsur ya tashi lir no! ta pela liasuaser iba nung Tsungrem teyari tulu dena taneptsu anguba kuli asur.

Hospital nung hopta ana amongba mapang Tsungrem den sarasademmapang tajung agia liasu, kunep phone call ka aru aji Dr. Banou-i callasuba liasu, lai na koma lir ta asungdang, iba den lai onok office nungiCCTV ajanga na repranga kazur aser hospital nung sarsademba nisungka arua lir ta onok office nung nu indang jembia kazur, aser laisa kudang nai onok ajak asoshi sarasademtsuba asoshi kanga pelar manenionok frontline nung inyaker ajak asoshi sarasademjang ta ashidang nikanga pela liasu. Yamaji ni ya Tsungremer nukjidong ka nung iba hospitalnung ya lir ta tejangjaba nung angateta Doctors, Nurses aser frontlineworkertem ajak asoshi sarasadem nung Tsungrem dangi Khuret abenbaajanga ni asoshi temoatsuba mapang ka liasu. Tanu tashi nung Dr. Banoukuna personally metettepba mali saka phone call ajanga aiben jembitepbaliasu, la moral support aser temeim mapa ni kodanga amadoktsu makok.

Dr. Temsu Lemtur ya kuna kanga junga metettepa lir, pa mali asubo nihospital nung admit asutsuba nungi shir, discharged asutang tashi nungni kanga timtemla, saka pa ni asoshi teyarir tajungtiba ka liasu. Tsungremmetetba, ajemalu, tesungjem aser timtemer asoshi aria bilemtsuba Doctorrongnung ka. Pa aliba ajanga ni maparen aisu nung kecha tetsukdaktsumakai discharged asuba anogo tashi nung nungdak ajak nung metetpela,tajungtiba nung ni yariba asoshi kanga pelar. Dr. Rongsenla ni la yapersonally meteta mali, phone ajanga tang kuna jembitepba liasu, lai ozuki tonga arua mozu agutsuba den ku nungdakba ajak nung yaritepba asoshila dang kanga pelar. Item dak alaka ku indang concern Doctor, nursesaser workertem ajak dang kangasa pelar nenok temeim, aser bendangaaguja tenzukba ajanga ni tang masu saka shirangertem taneptsu angubanung shilem tajung agiba asoshi kanga pelar maneni iba tongpang akoktsuasoshi Tsungremi nenok takum, kibong aser tenzukba wadang moajangmata sarasademtsur.

Asenoki meteta alitsu tongtipang kar; Antibody test ajanga Covid-19virus putettsuba masu saka ibai tendang nung tang na Corona mali-a tametettsu aser Doctor den ajurutsu akok. RT-PCR full form nung RealTime/Reverse Transcription Polymerase Chain Reaction ta ajar, RT-PCRya TrueNat Machine nung tendangba ajanga, Covid-19 tashidak ali malitendangteter. (RT-PCR test is prescribed to detect SARS-CoV-2 or CoronaVirus in respiratory tract through a nasopharyngeal (nasal) swab fromthe patient, it detect the virus even if the Viral load is less, also RT-PCRtest is a laboratory technique combining reverse transcription RNA(RiboNuclive Acid) into DNA (Theose Nuelic Acid) that detects the virus.The machine was mainly use for detecting the Tuberculosis (TB), on 10April 2020 ICMR (Indian Council of Medical Research) validated the usageof TrueNat a diagnostic machine for conducting the Corona virus test).European countries, advance countries temi anir iba tashidak tongpangwara den raratsu alima nuburtem shinga renema mali asu nung, Indianung 10 April tashi nungang ICMR-i iba TrueNat Machine ya Covid-19putettsu asoshi amshitsu junger ta approve asu.

(Maneni asüng adok nung...)

TIR YIMYIM, DIMAPUR YANGTEPNÜ (THURSDAY) YIMPOKSÜI (NOVEMBER) 05, 2020 KHRISTAN TAPAK 55ANOGO ABEN TSÜNGREM DENUS nung Khristantemi Tir election atema sarasademer

November 04, 2020:America nunger Tir electionya US atema dang masü sakaalima atema-a kangatongtibang, ibayongji US Tirelection atema Americanungeri dang masü sakaJerusalem, Judea aserSamaria densema alima tesembalala nungi Khristantemisarasademtsüogo.

"Israel meimsang US TirTrump atema yimti (Yirusalem)nung temeja sarasademsentong ka agiogo," ta GushEtzion Regional Council nungtongti, Shlomo Ne'eman-imetetdaktsü.

Ne'eman-i, Israel yimtibaiUS Embassy belenba aser ibaregion yangertsü atemainyakbaji Trump yimsüsübakübok takok ka lir, ta ashi.

Tir, Trump'er jabasokinüngtsü, Lara Trump-ia Rev.Paula White-Cain jaokasarasadem sentong ka agialiasü. Online ajanga agibasarasadem sentong nungjiRobert Morris, John Bevere,Tony Perkins, Eric Metaxasaser Gary Bauer nungerdensea Evangelicals a ikaliasü.

Prestonwood BaptistArogo nung pastor, JackGraham-i, "Onoki 2016 meyibareprangdanger; Nai ozü Tir

aser tatong Tir shimba atemaonoki Nü dang kanga pelaaliasü, aser tanga onoki Nü daktamang akar, Tsüngrem, anotanaben shimmang," tasarasadem.

Washington, D.C nungamenoka aliba Prayer &Action Justice Initiative-iaPrison Fellowship, NationalHispanic Christian LeadershipConference, National Day ofPrayer aser American BibleSociety nunger den longjemersarasadem sentong ka agiogo.

Tamalen iba telokiKhristantem dang Tir election,candidate tem aser lenirtematema hopta piyongsarasademang, ta mepishialiasü.

Center for Public Justicenung CEO, StephanieSummers-i sangdong kaajanga, "Sarasadem ajangaTsüngremi asenok nem ochinenshia metetdaktsür: Politicsajanga asenok lemsadaktsürsaka Yisu Khrista a jangaasenok tali longjemdaktsür.Election anogo nung aser ibasülen-a asenoki Tsüngremtashi angatsüla asersarasadem den külemi mapaajanga asen kiyongertemmeimtsüla ," ta ayongzükaliasü.

Tir election atemasa Zoom

session ajanga Christ ianMethodist Episcopal Arogo,African Methodist EpiscopalArogo, Afr ican MethodistEpiscopal Zion Arogo aserUnited Methodist Arogotemnungi züngsemtemisarasadem sentong agi.

Election hopta nungTsüngremi moajang ta Arogoaikati sarasadema aruogo.

Sacramento, Californianunga Khristan indang 88.3Life FMn station leniba nungWalmart ka nung adenshialinük atema sarasadema liasü.

Blountville, Tennesseenunga Sullivan CountyCommissioner Mark Vance-iayongzüka pastor a ikalongjemer sarasadem sentongagiogo.

Central Maine nungaSisters of St. Joseph nungi nun14 densema Roman Catholicnungi chapter 174 adenshiaelection anogo nung anogopiyong sarasadem.

"Onoki election tesünepnung agitettsü aser electionajanga tajung dang adoktsüatema onoki sarasadem.Onoki Tir atema dang masüsaka linük tenzüktsü atematenüng agüja alirtem ajakasoshi sarasademtsü," taSister Janet Gagnon-imetetdaktsü.

Khrista osangtajung kentener,Rance Allen alima nungi pilaogo

Tanela temeshi ajanga ain tashiSaka kodang Tanela temeshi nenok dangi arudir

nenoki ain agizüktsü, aser Yirusalem nung, Yihudanung aser Samaria ajunga nung aser alima tatem

tonga, nenok kü kulitem asütsü. T.Mapa 1:8.

Asenok taküm nung tashi tapu balala aikalir, saka Khristan taküm ka takok ngua jajatsüasoshi Tanela Temeshi tashi ain akatsüla. Natashi aika alitsü akok, saka khen shisadangang,ne dak Tanela Temeshi tashi ain lir ma? Nedak tashi tapu balala aika akaba kisüng jagi naiKhristan taküm ka takok ngua inyaktettsü.

Kodang asenok tanaben aso, Tanela aso,Tanela Temeshi ajanga Tsüngrem chir amasodaktsü, anungji asenok dak ain tashi kar.Anungji asenok nüngdakba ajak agi Tsüngremerain tashiji tali jangja-a asen taküm ajangajungkai adokdaktsütsüla.

Ain tashi ajanga temelenshi adokdaktsür.Koba tetezü asen taküm nung temelenshi aserasen temeimba adianutem daka temelenshiadoktaktsür. Paul-i Timoti dang ashi, 'ajiasünung ne teka nemetba ajanga Tsüngremsempet koba ne dak lir, aji jangrudaktsütsü nine nem bilemtetdaktsür.' 2 Timoti 1:16.

SarasademKibuba, Ne ain tashi jangrudaktsütsü ni

mulunger. Amen

Africa nunger Evangelical Khristantemi US Tir election nung takok ngudakjang ta DonaldTrump nem sarasademtsüba noksa nung angur.

November 04, 2020: Khristaosangtajung kentener nüngtuguaser Gospel Music Hall ofFame nung shima alisang,Bishop Rance Allen alima nungipilaogo; pa arrshi küm 71 liasü.

Pai atenba ken aika kanganüngtugu aküm aser itemkentem rongnung "SomethingAbout the Name Jesus"densema lir.

Honibarnü (October 31)Church of God in Christ nungadjutant general, Bishop RobertG. Rudolph Jr.-i sangdong kaajanga Rance Allen asübaosang metetdakja liasü.

"Tashi tulu alisang aser ajakmeteta alisang, Tsüngremi Parkilir, Bishop Rance Lee Allentatem makaanisüngzükdaktsütsü atemajaogo,"ta Robert-i metetdaktsü.

Ponguben tashi GrammyAward nominee, Allen-i 1969küm par adianu ana- Thomasaser Steve na den külemi RanceAllen Group tenteta liasü.Parnoki 1971 küm mezüngKhrista osangtajung kensep kasayaa liasü.

Iba telok nung tongti

kentener, Allen terok kangajunger liasü aser par teloki rock,R&B aser tanak nisungtemindang music densema kenyanglua aten.

Parnoki osangtajungkentener nüngtugu aika den-alongjemer ken aten aser parnokrongnung Andrae Crouch,Marvin Winans, Bebe & CeceWinans aser Kirk Franklinnunger densema lir.

Par telokisa 2015 kümKhristan osangtajung ken daksendakba benjung ka nung taobamapang US Tir, Barack Obamaatema-a ken tenja liasü.

Rance Allen-i alima tesembalala nung kentena senzü sakapai Toledo, Ohio nung alibaNew Bethel Church of God inChrist nung pastor inyakaaruogo.

Osang angazükba agi, tangcoronavirus wara aliba agiAllen'er kibongi dang temejaasüpila sentong ka agiogo, sakak e t d a n g s e r t e m itenokdangbatem agienba sülenpa nüngtem nung JurisdictionalMemorial Service ka agitsü aserpa nem tetushi agütsütsü.

Yimpoksüi/November 04,2020: Indonesia nunger sepaikati arrshi küm 67 pastor kareshikangshiba sülen khaset, tabushisüngdang ka ajangajangjaogo; September ita nungIndonesia kübok Papuaprovince nung raraba hadirsamaba bushidang aserseperatists mita aoba mapangnung Protestant pastor jikhaseta liasü, ta Indonesia(International Christ ianConcern) osang ajangametetdaktsü.

Pastor Yeremia Zanambaniya September 19, 2020 nüHitadipa, Papua nung akkidang khaseter lia tasümangangu; iba sülen Arogotentettemi ketdangser temdang iba ta talokba

bushisüngdangtsüla tatakhangba agütsü.

Hombarnü (November 2,2020) Indonesia 's humanrights commission (KomnasHAM) nung Commander,Mohammad Choirul Anam-isangdong ka ajanga, "Asüri(pastor) pa masüdang kulisürana dang ashiba nungajemdaker item osangbushitet. Pai (pastor) ibatesem nungji sepai asem-pezüshi angu ta shia liasü," tametetdakja liasü.

Anam-isa, sepai, AlpiusHasim Madi-i raraba hadirsamaba dak sendakba osangbushiba mapang nung pastorkhaset, ta ashi.

October ita nunga sepaitemi,Separatist züngsem asütsüa

akok, ta bilema Catholic tesayuranata khaseta liasü.

Papua province nungsecurity sepaitem aserSeparatists teloktem tsüngdarara adoka tensa kangamejungi lir.

Intan Jaya nung pastor,Yeremia Zanambani ak nemchiyungtsü agütsüba mapangnung kari pa khaseta liasü.Pastor Yeremia yagi Papuanung Moni oshi nung Laishibaajak meyipzüka liasü. Painjang agi yiruba sülenSeptember 19 nü asü.

Tamalenbo sepaitemi,ozüng alema tentetba telokkati pastor Yeremia khaset tatanga telok nem tai tonglokjaliasü saka sepai kati pakhasetba tang jangjar.

Indonesia nunger sepai kati Papua nung Pastor Yeremia khaset

NAI-A YA METETTER MA?

TIR YIMYIM, DIMAPUR YANGTEPNÜ (THURSDAY) YIMPOKSÜI (NOVEMBER) 05, 2020

99

OLONG PAITEP # 5629 TELANGZÜBA

TANGARI TAMANG KATETTSÜSA ASEN YIMYA ASERLIBALIRO AJANGA SAYUTSÜ MERANGANG

OJANG LUTEP TELANGZÜBA # 5217

::: : : : : : : :

NGDNUAKLIMABAUNNGENSAKHHIAABGDANGASÜNYAMYYIATSLENMESHIÜNSHNEIANGDASÜAESHMEPIR

OJANG LUTEP # 5218

TAN HOPTA ATEMA - KOMA SÜLA ?

Olong 20 shi nung November 06, 2020 tashi nung iba telangzüba ya onok dangi (e-mail - tiryimyim@gmail.com) :(SMS - 9856121232 / 9436072422) : (WhatsApp - 7005723372 / 8729995804) : (tiryimyim.in) ajanga yokang. Telangzübatemji taruba Honibarnü adoktsütsü.

Q. Naga nunger wako (flag) aser temzüng balaka amshitsü memelaba agi, India den Nagayimten ken o melatetteti taküm 2020 küm yaa süi nunga koma süla ?

SUDOKU # 5671 TELANGZÜBA # 5670

OLONG PAITEP # 5630

=========================== (Taruba adok nung onoki langzütsü)YASHI ADOK TELANGZÜBA : Both A and B

Q. Kevadia nung Water Aerodrome ya ________ ajanga lapoktsü.A. Prime Ministser B. Vice PresidentC. President D. None

LANGTSÜNGLEN :1. Tenükjang, 2. Luden, 3. Kioktsü,5. Lenti, 7. Tajangzük, 11. teronem,12. Sempa, 13. Jahaz.

TIPLEN :1. Telok, 4. Aluru, 6. Ozüng, 8. Emk,9. Kin, 10. Teti, 12. Süir, 13. Jen,14. Ola, 16. Talak, 17. Mazük.

TIPLEN1. Inyaker ajangtetba - (3)3. Bangsemo adokdak - (5)6. Shitak mesüi inyak - (7)7. Ya mimong nung angur - (3)9. Reprangzük - (4)10. Tasola - (5)11. S _ _ _ _ - (4)13. Yagi ajak ashioktsür - (3)15. Ki aokba oset - (7)17. Ak shi nung inokba tasen - (5)18. Ishika - (3)

LANGTSÜNGLEN1. Meshidak - (3)2. Tanaben soshir - (7)3. Iba anogo - (4)4. Meshi - (3)5. Yagi mi tsükloker - (9)6. Shi tapu ka - (9)8. Yagi ayimer saka ozü masü - (3)9. Ajokba shiruru ka - (7)12. Inyaktet - (4)14. _ _ _ hi - (3)16. Akümli nungi pilar - (3)

1 2 3 4 5

6 7

8 9

10

11

12

13 14 15 16

17 18

WARAKLA O ALOKBA NA SENSAKSEMER :

Warakla : Ayaa, Tambu, ni langka shidi ni?

Alokba : Waaa, shiangma.

Warakla : Ni na...., teti nü molungjang nung lineratu, lidakjang ni?

Alokba : Kecha masü atu, kü molungjangnungji tangar-a kar lirji jokoadjustment süa alitsüba danga no?

Warakla : OH ALOKBA!

Lilir : WhatsApp

IPL 2020 ASAYAMUNG NUNG SIX TIMBA AZÜKER :

1. Ishan Kishan (Mumbai Indian) - Asaya 12 nung SIX 26 azük2. Sanju Samson (Rajasthan Royals ) - Aasaya 14 nung SIX 26 azük.3. Nicholas Pooran (KXIP) - Asaya 14 nung SIX 25 azük4. Eoin Morgan (KKR) - Asaya 14 nung SIX 24 azük5. Chris Gayle (KXIP) - Asaya 7 nung XIX 23 azük

IPL 2020 ASAYAMUNG NUNG FOUR TIMBA AZÜKER :

1. KL Rahul (KXIP) : Asaya 14 nung FOUR 58 azük2. Shikhar Dhawan (DC) : Asaya 12 nung FOUR 58 azük3. SuryaKumar Yadav (MI) : Asaya 13 nung FOUR 54 azük4. Devdutt Padikkal (RCB) : Asaya 13 nung FOUR 46 azük5. Shubman Gill (KKR) : Asaya 14 nung FOUR 44 azük

TIR YIMYIM, DIMAPUR YANGTEPNÜ (THURSDAY) YIMPOKSÜI (NOVEMBER) 05, 2020 INDIA OSANG 77

Patna, November 04(Agencies): Bihar Assemblyelection tanabuba shilem nungnikongdang 5:00 ako tashi nungconstituency 94 nung voteagütsütsü temsüa alir crore 2.85nungi shilem 53 dak temai voteagütsüogo, ta ElectionCommission-i metetdaktsü.

Nikongdang 6:00 ako tashinung voters shilem 53.51 shiivote agütsü, ta parnokimetetdaktsü.

Anepdang Bihar ChiefMinister Nitish Kumar, deputychief minister Sushil KumarModi, RJD lenir Tejashwi Yadavaser LJP Tir, Chirag Paswan

nunger densema tongtibanglenirtemi peipei polling stationsnung vote agüja liasü.

Anepdang 7:00 ako nungpolling tenzük aser coronavirustashidak agi shirangertem nemvote agütsüdaktsütsü atemaghonda ka atsülanga nikongdang6:00 tashi vote agütsü.

Ajisüaka Maoiststelungpurtemi timtem agütsübaconstituency tem nungbo pollingtekeraba tembanga liasü.

Mongolbarnü Ato kilonser,Narendra Modi-i Bihar kübokAraria district nung electionnüboyim sentong ka nung jembialiasü.

New Delhi, November 04(Agencies): India nungCoronavirus case lakh 83 daktema jungogo aser ibatashidak agi shiranger lakh76.56 anepogo; shirangeranepba shilemji 92 dak temalir, ta Bodhbarnü Union HealthMinistry data ajangametetdaktsü.

Tesüiba ghonda 24 tsüngdalinük nung ano nisung 46,253dak coronavirus tashidakputetba sülen tang tashi nungcoronavirus case ajak agibo83,13,876 jungogo, aser tesüibaghonda 24 tsüngda ibatashidak agi nisung 514 asübasülen ajak senteperbo asür

1,23,611 jungogo, taBodhbarnep 8:00 ako nungHealth Ministry-i metetdaktsü.

Tang tashi nung ibatashidak agi shiranger76,56,478 anepogo aser ibatashidak agi shiranger asübashilembo 1.49 dang lir.

Tang linük nungcoronavirus tashidak agiteshirangdakpur 5,33,787 liraser ibaji caseload nungishilem 6.42 dang lir.

ICMR-i ashiba agi, tangtashi nung samples ajak agi11,29,98,959 tendangogo aseriba nungji Mongolbarnüsamples 12,09,609 tendangbadensema lir.

India nung Covid agi shiranger shilem 92 anepogo

Bihar Election tanabuba shilem nung voters 53-i vote agütsü

Ahmedabad, November 04, 2020: Bodhbarnü Ahmedabad yimti tezülen süoshi godown kaarongba noksa nung angur. Iba tatalokba nung nisung 9 süogo.

Police-i Arnab Goswami apubasülen Court matsüngdangi anir ao

Tang linük nung coronaviruswara liaka Bihar nung voteagütsürtemi tejangraba tulunung shilem agiba ajanga Indianung democracy tashi itta alibatemaitsü sayur, ta pai ashi.

BJP-JD(U) sorkar nem voteagüjang, ta mepishia Modi,tangbo state nung tzü-züngozüng tensa kanga jungakümogo, rakzükraktemba maliaser terenlok lir, ta ashi.

Bihar election tasembubashilem atema Madhubani nungnüboyim sentong ka agibamapang nung nisung kari BiharChief Minister, Nitish Kumardak piaz onlokja liasü.

New Delhi, November 0-4(Agencies): Nisung sosetasüdaktsütsüsa inyakba ken onung Republic TV Editor inChief, Arnab Goswami apubasülen Bodhbarnü courtmatsüngdangi anir ao; courtnung pai, pa teka aser teberemyiruogo ta ashi, ta osang kaajanga metetdaktsü.

Court-i iba tatalokbabushisüngdangtsü tuyuogo aserpolice dang civil hospital nungimedical certificate ka benerarung, iba sülen ken oangadangtsü, ta metetdaktsü.

2018 küm arrshi küm 53,interior designer Anvay Naikaser tetsü, Kumud Naik nasoseta asüba ken o nungBodhbarnü MaharashtraPolice-i Arnab Goswami pualiasü.

Police-i anguba sosetaasüba shidi nungji Naik-i, tetsütena senotsü tsütsü kangatimtema liasü, ibayongji tenatisoseta asütsü atema telemtetbaagi, ta shia lir.

Soseta asüba shidi nungjisayamai shia lir, Arnab Goswami/Republic TV densema clientasemi par (Naik) companyConcorde Designs Pvt Ltd nemtagtsütsü aliba sen aikamagütsüba ajanga tena senotsüagi kanga timtema liasü.

Iba dak sendakba nung IPC

kübok Arrla ana nungajemdaker Goswami dentangar ana Niteish Sarda(Smartworks sentsüh lakh 55)aser Feroz Shaikh (IcastX/Skimedia sentsüh crore 4)nunger anema ken o benokaliasü.

Küm ana tejaklen Alibaugpolice-i iba dak sendakba keno ka benoka liasü saka 2019küm Raigad Police-i iba ken ojishibanga liasü.

Taküm May ita nungMaharashtra Home Minister,Anil Deshmukh-i maneniAvnay Naik ken o CID-ibushisüngdangtsü sangdongaliasü.

Naik'er kinüngertemi statesorkar dang, Arnab Goswamiindang Republic TV-i sentsühmagütsüi alibaji Alibaug Police-i bushisüngdang masü anungjiiba ken o bushisüngdangtsüla,ta mepishiba sülen maneniasentenshir iba ken obushisüngdangtsü lemtet.

Osang angazükba agi,Goswami-i police-i pa dak tekasangshi ta a itsü. Mumbaipolice-i pa kinüngtsü aserjabaso dak-a teka sangshi taArnab-i tai tongloktsü.

Iba dak sendakba nung tangtashi nungbo MaharashtraPolice-i sangdong kechamagütsü.

Hyderabad, November 04, 2020: Bodhbarnü Gandhi Bhavan, Hyderabad nung TelanganaPradesh Congress Committee (TPCC) Tir aser MP, Capt N Uttam Kumar Reddy leniba nungCongress lenirtem core committee senden amenba noksa nung angur.

Patna, November 04(Agencies): BodhbarnüCongress lenir, Rahul Gandhi-i, coronavirus anema linükshibangba mapang nung Atokilonser, Narendra Modi aserBihar Chief Minister, NitishKumar nati nüburtem meyari,ajisüaka tangbo tenatinüburtem dang vote meshir, taaitsü.

Bihariganj nung electionnüboyim sentong ka nungjembidang Rahul-isa mapamanguba tebilemtsü onük nungModi aser Nitish Kumar naaitsü.

Bihariganj menden nungSharad Yadav'er jala,Subhashini Yadav-i CongressParty ticket nungi tokteptsü

aser la atema nüboyim sentongnung jembidang Rahul-i, Nitish-ipai lanurtem nem mapaagütsütsü, aser Bihar nungtemelenshi bener arutsütsü tanangzüka liasü, saka painangzükba ama meinyak, ta ashi.

Coronavirus anema linükshibangba mapang nung Modiaser Nitish nati aayangertemaser sensakertem meyari sakasüng agi azük, ajisüaka tangbotenati nüburtem dang votesmeshir, ta Rahul Gandhi-isametetdaktsü.

"India Ato kilonser i pamelungjang nung aluyimertemaser aayangertem atemabilema ali asünungbo pai linükshibangba mapang inyakadokerlila, saka pai meinyak. Bihar

Nübur meyariaka tangbo Modi aser Nitish nati vote meshir: Rahulnunger ajaki ibaji meteta lir," tapaisa ashi.

Tawa Par liament nungagizükba aluyimba ozüngtemajanga aonsotsü aser tangachiyungtsütem nung jenjangkanga tudar; item ozüng ajangayangi züsentetba jang godowntului aotsü aser jenjang tali turayoktsü, ta Rahul-i ashi.

LJD tongti, Sharad Yadavtenüng sanga Rahul-i, Yadav-ipa dang aika sayuogo aserlenmang aika nung pa yatesayur ka amai lir, ta ashi.

Bihar election mezüngbubashilem aser tanabuba shilemagiogo aser November 7 nütasembuba shilem agiba sülenNovember 10 nü votes züngaelection osang sangdongtsü.

TIR YIMYIM, DIMAPUR YANGTEPNÜ (THURSDAY) YIMPOKSÜI (NOVEMBER) 05, 2020 BENDANGLI OSANG88

Vote ano mazüng, Trump-i takok nguogo ta sangdong

Washington, Yimpoksüi/Nov. 04 (Agencies): WhiteHouse atema toktepba votemillion aika ano mazüng liaka TirDonald Trump-i Democratictelok nungi pa den toktepsang,Joe Biden madak takok nguogota tiazü Bodhbarnü sangdong.

Bodhbarnep tashinung stateishika nung dang vote agitsüanünga liasü aser arishi küm 74tain, Trump aser arishi küm 77tain, Biden naprongi WhiteHouse akoktsü atema nüngdaka

aliba Electoral College vote 270ya ngutettsü amai sayur.

Vote azüngba sülen ibatetoktepba nung takok angutsütemolung lema lir, ta Biden-i shirmapang tatsüka lir Trump-itakok anguba sangdongtsüWhite House-i aru aser paindang okatsürtemi pa indangken o US Supreme Court nungbenoka jembitsü ta ashi, sakakechi ken o jembitsüar mashi.

"Asenoki iba election takokangutsü renema liasü. Pokpaa

jembiti, asenoki iba electionkokogo," ta Trump-i ashi.

"Ibai asen linük nung tailamapa tulu lir. Asenoki tapetyimya nung ozüng amshiner.Anungji asenok US SupremeCourt-i aotsü. Asenoki voteagütsüba ajungaanendaktsüner." Saka pai tailamapa indang jembiba busemtsükuli kecha magütsü.

Linük ajungalen pollsshibangogo aser vote agütsübaanenogo, saka US kübok statetem nung aliba election temzüngnung vote ajak azüngtsü shia lir,aser state aika nung ballotzüngmatsü anogo aika agir.Tesüiba mapang dang nungitaküm vote timba azüngtsü lir,kechiaser coronavirus mechijelia mail ajanga aser tsüngtongoa vote agütsür timba liasü.

Trump 2016 küm WhiteHouse-i yokba state, Michigan,Wisconsin aser Pennsylvanianung Biden-i takok angutsüimlar, ajisüaka item state nungghonda aika mesüra anogojunga nungang vote züngmatsü.Wisconsin nung Biden tera agi

Istanbul, Yimpoksüi/Nov.04 (Agencies): Taoba hoptaAegean Sea menoknok nungasür nisung 116 jungogo aserTurkish nunger Izmir yimtinung iba menoknok ajanga ki-o-jen raksatsür alidak nisungbushiba tembangogo.

Bodhbarnü tashinung ibalendong nung asür ya nisungana dang Izmir nung lir, kobaTurkey nung yimti tulutibajenjang asembuba nung lir.

Lanur ana Greek nungerSamos asetkong nung asü,koba Hokulbar menoknokanokba tiyongtsü nungi southtsütsü lir. Iba menoknok yamagnitude 7.0 anoka liasü, taUS Geological Survey ajangaashi.

Turkey indang Disaster andEmergency ManagementPresidency tekolakba, MehmetGulluoglu-i ashiba agi, Izmirnung ki 17 chirepba nungbushisüngdangba maparentembangogo.

Hokulbarnü nungi tenzükarescue operation ya tajungtibayimya nung agia jana nunginisung 107 takum kumzükaliasü, aser item rongnung tilatanurtem dena lir.

Iba menoknok nung nisung1,035 yiruba nungi Bodhbarnüanisung 137 mozü kidang mungaliasü aser khen atema süki4,600 aser yipten 17,000 daktema amshir, ta Turkish agencyajanga ashi.

Küm ter jungnüa nungmenoknok agi Turkey nungkongshiba rongnung ibaitesashitiba lir.

Mongulbar nikongdangcabinet senden ka amenbasülen Turkey Tir Recep TayyipErdogan-i nisung tatembangba

mongutet tashi bushibamanentsü, ta nangzük.

Menoknok anoker ghonda91 lir Mongulbarnü arishi kümasem tetsür ka lar ki chirepdaknungi takum agitetba sülenketdangsertem tali ajungmesoaliasü.

Iba menoknok anokba yaIstanbul densema Turkeyanüolen aser Greek yimtiba,Athens nunga metet. Iba sülen'aftershock' ya 1,700 shi liasüaser item rongnung 45 benmagnitude 4.0 dang temabaanok.

Izmir nung menoknok agi kiajunga jana kumdaktsü. Ki troklapoba mechi asüngdangyatsüatema ketdangser temicontractor tem densema nisungteku pua lir.

Turkey nung ki tasen asertejem meyokyepa lir, karbolanglanga yanglur aser ozüngalema yangluba ajangamenoknok nungi jenbutsümakoker.

Ozüng takangba kumayanglushir lir mesüra ki tejentem raksatsü, aser Turkey yimtiaika nung jila tasen kumayanglushiba mapang lir. Sakakanga kerabo metembangtsüsüdi, ta mongintemi ashir.

Iba linük ya fault linetongtipang ana nung amenokalir aser yangi menoknokmapang shia anoker. 2011 kümlinük anüdoklen Van yimti nungmenoknok anokba mapangnisung 500 dak tema asü, asertaküm January ita anüdoklenElazig province nunga anokanisung 41 asü.

1999 küm Turkeynorthwestern tsütsü menoknoktesashi anaben anoka nisung18,000 asü.

Turkey menoknok nung asür nisung 116 jungogo

temaba jenjang nung lir, aserMichigan p Pennsylvania nungTrump temaba lir, ajisüaka mail-in ballot timba agütsüba nungDemocrats jenjang tajungbaasütsü amai lir.

Item state asem nung dangtakok ngutetra Biden-i US tirmenden nung amentsü teperiasütsü. 2016 küm Trump nemvote agütsüba state, Arizonanung Biden-i takok angutsüakok, ta Fox News-ibotakzüteta lir.

Pennsylvania nung takokmongutetaka Biden-i Arizona,Michigan aser Wisconsin denNebraska nung congressionaldistrict ka nung takok ngutetrapa White House nung amentsümaongka sadema lir, kechiaserNevada nung pa temaba lir.

Tang tashi Arizona nungtakok angutsü ta amanger, taTrump-i ashir aser state asemnungi ana nung pai takok anguama züngshir.

Nikongdang tashinungTrump-i Florida, Ohio aserTexas nung takok nguteter liasü.

"Asenok tang kechi nung ali,

iba atema jangratema bilemer.Iba election akoktsü lenmangnung asenok lir ta amanger," taBiden-i ashi.

Electoral College voteazüngba nung Biden-i vote 224aser Trump-i vote 213 ngutetalir, ta Edison Research-i ashi.

2016 küm Trump-i takokngutetba state, Georgia aserNorth Carolina nung pa temabalir, saka state anaprong nungtang tashi vote azünger.

Mail ajanga vote agütsübatali akumba ajanga taila mapatali akumtsü, ta Trump-i nenshiashia arur saka kuli magütsür,ajisüaka mail ajanga voteagütsüba nung taila mapainyakba kangabo mali,kechiaser American electionnung iba yimya ya mapangtalangka nungi amshia arur, taelection tsütsü mongintemi ashir.

Pennsylvania nung mailajanga mesüra jelia vote agütsürmillion 2.4 dak tema liasü, kongDemocrats temi vote million 1.6jungnüa aser Republican temi555,000 shi agütsü, ya EdisonResearch ajanga ashir.

Addis Ababa, Yimpoksüi/Nov. 04 (Agencies):Opposition-i aniba local sorkarifederal sepai dak amaker asermitkar osettem ayuatsümeraner, ta Ethiopia AtoKilonser Abiy Ahmed-i taitongloktsüba sülen sorkarinorthern Tigray region nungstate of emergency sangdongalir.

Abiy indang office ajangaBodhbarnü osang kasangdongba nung, "NationalRegional State of Tigray nungozüng alema mapa tamajunginyakba ajanga constitution aserconstitutional order lendongiyoker, ta ajiteta Federal Councilof Ministers-i sangdong," ta shialir.

"Linük kumzüktsü atemaasen defence forces dangparnok mission inyaktsütotuyuba agütsüogo. Tatembangarrtsü alemogo. Nübur aserlinük kumzüktsü atemasepaitem ya mera tatembangba

ama amshir," ta Abiy-i socialmedia post ka nung ashi.

Iba region nung militaryoperation tenzükogo, ta Abiyindang odongtar BilleneSeyoum-i osangbener dangBodhbarnü ashi saka iba dakalaka tejangja shia mali.

Federal sorkari ashi mangaTigray nung September itaregional election agia liasü.Mitkartem tsüngta rongrongadoktsü atema tasa yanglur tatelok anaprong kati ka dak taitongloktsütepa mangatetep talitamajungba akum.

Iba region nung amenokaaliba federal military indangNorthern Command ya partsütsüi jena aruogo, ta Tigrayindang local government ajangaashi. Saka ibai osang tai lir, taBillene-i ashi.

Tensa kangasa mejungi alibaregion nung internetshibangtsüogo, ta internetamshiba asadanger NetBlocksajanga ashi, koba

Ethiopia-i Tigray nung state of emergency sangdonga lirketdangsertemi communicationservices tem shibangja lir, taosangtem prokshia liasü.

1991 küm telungpur teloktemiMarxist dictator ka agienbasülen Tigrayans temi Ethiopiayimtenren nung yimsü süa aru,saka Abiy kübok parnok sentsüajema akimer. Taoba küm TPLFyagi pa den lokteper sorkartenteta aliba nungi anena liasü.

2018 küm Abiy-i sorkartentetba sülen Tigrayanketdangser aika puogo, mapanungi anentsüogo mesürasenzüka yutsü, koba ochimashianema nokdakba lir, ta federalsorkari ashir.

Saka Tigrayans temibosorkar anemer ajemreptsünükjidong nung item mera yaagir, ta ashir.

Ethiopia nung nütsüngyongsük million 109 aliba nungiTigray nütsüng ya shilem pongushi lir, saka danga region nungalirtem dang nungi kanga agitakataitba lir.

Phnom Penh, Yimpoksüi/Nov. 04 : Cambodia aser Hungary na tsüngda Phnom Penh,Cambodia nung November 03, 2020 nü tezüngzüktep agiba sentong ka Cambodia Ato KilonserSamdech Techo Hun Sen-i (tiyong) anir agiba noksa nung angur. Linük ana tsüngtatesendaktep nung tali tashi itshitsü, civil aviation, aluyimba aser tzü ketdangsüba nungtesendaktep alitsü atema Cambodia aser Hungary tsüngta Mongulbarnü tezüngzüktep agi,ta Cambodia ketdangser kati Bodhbarnü ashi.

TIR YIMYIM, DIMAPUR YANGTEPNÜ (THURSDAY) YIMPOKSÜI (NOVEMBER) 05, 2020 99Manipur nung nüboyimba sentong asendenshir agidarImphal, Yimpoksüi/November 4 (Agencies):Manipur nung state assemblymenden pezü atema bye-elections asoshi nüboyimbasentong tali tashi itshir agitenzükogo aser yimdenyimsüsürtem lokti senden balalanung kanga mazüngi shilemagitepdar.

Election Commission ofIndia (ECI)-i Manipur nungassembly menden pongu atemabye-elections agitsüsangdongogo.

Ajisüaka Singhat assemblyconstituency nungi BJPcandidate-i election magi-i dang

takok nguogo, kechiyong pa dentokteptsü aliba candidate-i paindang nomination agina liasü.

Bye poll ya tanungbaassembly constituency pezünung November 7 nü agitsü aservote tem November 10 nüazüngtsü.

Election atema nüboyimbamapang Chief Minister N.Biren Singh aser tanga BJPlenirtemi par party candidatetem pusema kanga mazüngi loktisenden aser election rally temnung shilem agidar.

Election nung BJP candidateasem tokteptsü renema lir aserLilong assembly constituency

nungi BJP party-i pusembaindependent candidate katokteptsü.

Independent candidatedensema candidate pezü yagiCongress ticket nungi taobageneral election kokogo.

Ajisüak parnoki Congresstoktsür tawa BJP nung denogo.

Kasa mapang nung statenung opposition party tongtibaCongress-i assemblyconstituency pezüpronglaatema candidates shima lir.

Congress lenir aser taobaManipur Chief Minister O.Ibobi-i party candidate tematema nübo yimtsüdar.

Tarun Gogoi-i nüburtem temoatsü meshi

Guwahati, Yimpoksüi/November 4 (Agencies):Taoba Assam chief ministerTarun Gogoi, shiba tangGuwahati Medical CollegeHospital (GMCH) ICU nungtemang anepaludar, pai statenung aliba nüburtem dangtemoatsü meshiogo.

Intensive care unit (ICU)nungi audio clip ka ajangaosangbenertem densensaksemba apang painüburtem temoatsü meshialiasü.

"Ni lokti ajungkettsü atemamaneni inyakner. Ni nüburtemdang temoatsü meshiogo.Nüburtemi ni teti meimtsü. Niajak dang kanga pelar," ta taoba

Assam CM-i ashiba audio clipnung angazükogo.

"Nüburtem aser Tsüngremtemoatsü medeni ni minyaktetilila," ta Gogoi-i ashi.

Gogoi, shiba Jorhat districtkübok Titabar Assemblyconstituency nungi lir pai, "niAssam nungertem temimnüngdaker. Titabar aser Jorhatnung aliba nüburtemi kü dangmaneni temeim sayudar.Maneni kaketshir tem,lanurtem, aluyimertem, süngolunung inyakertem aser tilaterishishilembartemi temeimsayuba ni agizükdar," ta taobaCM-i ashiba den pai manenistate nung aliba nüburtematema inyakner ta ashi.

Gogoi ya tanaben Honibaraonung 10:30 ako nungGMCH-i anir ao. Pa indangoxygen level ajungbena ajemaakümba sülen pa mozükidangianir ao.

Pa nem non-invasiveventilation agütsüogo.

Ajisüaka Hombarnü socialmedia balala nung Gogoimozükidang süogo ta teyazüosang ka prokshia liasü.

Gogoi October 25 nüCovid19 tashidak aneperkidangi yok. Pa dak August 26nü COVID tashidak potetbasülen GMCH nung temanganepalua liasü. Taoba mapangapa indang oxygen level ajemaakümba sülen pa ICU-i anir ao.

Assam Health Minister-i Kalapahar Covid Care Hospital semzüktsüGuwahati, Yimpoksüi/November 4 (Agencies):Assam health minister HimantaBiswa Sarma-i BodhbarnüGuwahati nung Kalapahar CovidCare Hospital semzüktsüogo.

Iba Covid Care Hospitalnung yipden 160 lir.

Bodhbarnü Twitter ajangaiba osang lemsatepba mapangstate health minister-i, "Waraden raraba mapang tanü#Assam Health Dept-i anoalizüng tasen kaajangzüktetogo," ta ashi.

Sarma-i, iba ya Covid19 agishirangertem anepalutsü atemastate-of-art facility ka lir, ta ashi.

"Tanü Kalapahar #CovidCare Hospital semzüktsübaatema kanga pelar. Iba ya Covidagi shirangertem anepalutsü

atema state-of-art facility ka lir,"ta health minister-i ashi.

Mozüki aser facility temindang jembiba mapang healthminister Sarma-i, "Kalapahar#Covid Care Hospital nungyipden 160 lir aser ICU den

oxygen support, ventilatorfacility, dialysis unit, laboratory& x-ray services amala modernequipment & facility ajak inokjalir. Iba mozüki nung mongintemihopta tepeyong ghonda 24service agütsütsü," ta ashi.

ASO : 15 FEB 1932ASÜ : 27 OCT 2020

Tsüngrem dak ranglokeraliba temeim Obala AsürRendisoba Lkr(Changtongya Yimsen)mapang tatsüka shirangerajungbena iba akümli wadangtembanger onok mangyimjashi nung alidang temba-tinuaser temeimertem, loktitentet balala, shirnokisatamang sarasadem den nübu,rongsen aser shisatsü agionok nungita yariogo, nenokajak dang "Kanga Pelar".Asen teyanglur Tsüngreminenok mapa tajung asoshimaneni moajang ma. Nenokiozü dang meima inyakbamapa tajungtem onokmolungjang nung teti alitsü.Talisa onoki item kija aserlokti dang tenüng teta pelar:1. Changtongya Yimsen

Baptist Arogo2. Changtongya Yimsen Village Council3. Changtongya Town Baptist Arogo4. Dimapur Changtongya Senso Telongjem5. Dimapur Changtongya Fellowship6. Dimapur Area Chuchuyimlang Senso Telongjem7. Dimapur Ao Baptist Arogo8. Police Union Baptist Church, New Reserve Kohima9. Police Union Baptist Church Women Deptt, New Reserve

Kohima10. Police Union Baptist Church Youth Deptt, New Reserve

Kohima11. Rongpangmen Baptist Arogo, Mon Bosti12. Touch of Five13. Mr. & Mrs. K. Nüken Jamir, (C/Yimlang) Dimapur14. Mr. & Mrs. Imnatiba Advisor Industries & Commerce,

Labour & Employment, Skill Dev. & Entrepreneurship15. Mr. & Mrs. Renchamo P.Kikon, ADGP Nagaland

Temeim Kinungtsü, Jala-Jabaso, Anükapang ,Semchirtem aser Kinungertem.

Pelaba Lemsateper1 Tesalonika 5:18 - Tia ajak nung tenüngsang agüjang.

Kechiyong nenok asoshi Khrista Yisu nung ya Tsüngremimulungba lir.

Pelaba Lemsateper

October 30 nü Shingshe ayong anasa Sumo gari tsükokbalendong nung asür Mrs. Chemhoi taküm ajungbena samaa mangyima aliba mapang wara pokteter tensa mejungaka sarasadem,nübu aser rongsen agi onok den yariteper ajak dang onok asürkinungertemi kanga pelaba lemsateper. Nenoki aira bilematemeim sayuba aser mulungsoa yariba ajanga onok khurettepungbaba kümdaktsüogo. Iba sangdong ajanga onoki mejetaitem Department, lokti tentet aser kija dang kanga pelabalemsateper

1. District Administration Noklak2. Medical Staffs (District Hospital, Noklak)3. Police Department, Noklak4. Indian Red Cross Society, Noklak Branch5. Khiamniungan Tribal Council (KTC)6. 45 Assam Rifles "A" Coy, Noklak7. High School Sector "A", Noklak8. Longdon Baptist Church, Noklak Town9. Drivers Union, Noklak10. Khiamniaugam Menyiu Hoikam (KHM)11. Ao Fellowship, Noklak12. Ao Senso Telungjem (Ao unoin), Noklak14. Dr.Imrongsüngba Jamir, PGT Govt. Higher Secondary

School Noklak15. Sunep Jamir, Vice Principal Govt. Higher Secondary School

Noklak16. New Pangsha Village Coucil.17. Noklak Village Council18. Onok nem teyari agütsüba kija aser kibong ajak.

Temeim Kinungbu, Chirnur aser Kinungertem.

In the Court ofPrincipal and District & Sessions Judge

Mokokchung: NagalandNOTICE

NOTICE INVITING CLAIMS OF OTHER CLAIM(S) UNDER THEPROVISIONS OF SECTION 370 OF THE INDIAN SUCCESSIONACT 1942 FOR ISSUE OF SUCCESSION CERTIFICATE

W hereas application under Succession Act 1925 for grant ofSuccession Certificate for the estate/pension benefits of Late shisarenlahas been applied by Smti. Imsuyangla Longkumer R/o Sangtemla Ward H.No39 Mokokchung, Nagaland D/o Late Shisarenla for possession of.

Notice is hereby given that any person having interest in theadministration of the estate/pension benefits of the said deceased may, ifshe/he so desire appear in the court on or before 28.03.2020.

Given under the hand and seal of the court on this day the 28.02.2020

Principal District & Session JudgeMokokchung, Nagaland

Owner, Printer, Publisher and Editor- K. Temjen Jamir, Published from H.No. E/449 Nepali kashiram, Dimapur- 797112, Nagaland. Printed at Tzuwar Publications, H.No. E/449 Nepali Kashiram,Dimapur- 797112, Nagaland. Phone: (03862) 248129 / 9436002285, e-mail : tiryimyim@gmail.com, tiryimyimdmp@rediffmail.com . Mokokchung Office : MTBA Complex,

Phone: (0369) 2226650. Kohima Office: Glass Mart, Opp. War Cemetry, Kohima Contact No. 9436001045. Delhi office- Paschim vihar, ph- 9818655933

"Tsüngrem kabuma nung nü sentongtemtoktsüra pai na anitsü."

B I L E M D A N G A N G

TIR YIMYIM, DIMAPUR YANGTEPNÜ (THURSDAY) YIMPOKSÜI (NOVEMBER) 05, 2020 SAISAPONG OSANG1010Paris Masters: Tsitsipas tsükogo; Wawrinka 2buba round-i iogo

Yimpoksüi/November 4, 2020(Agencies): Paris Masters teburkija asaya tanabuba round nungMongolbarnü France nungerasayar Ugo Humbert-i seedtanabuba nung aliba asayarStefanos Tsitsipas tsükdaktsüogo.

Taoba ita Antwerp titleakokba sülen Humbert-i asayatenet tashi khen danga tamakokmongui koktetogo aser Tsitsipasden asaya pai 7-6 (7/4), 6-7 (6/8), 7-6 (7/3) agi akok.

Ghonda asem tashi asayabasülen tatembangbuba ser tie-break nung pa kangshibanguogo, saka Tsitsipas-i ashibaagi paa temang jungrarabomasü asü.

"Ni asayaba yimya dakkanga tezü atanger," ta worldnumber six asayar Tsitsipas-iashi, shiba taoba ita FrenchOpen semi-final nung worldnumber one Novak Djokovic-itsükdakja liasü.

"Tanabuba set nung niRoland Garros nung yirubameyipa aru aser French Openama mejungrabo masü asü,

ajisüaka iba ajanga ni sademamasayatet.

"Ajisüaka iba ya ni jenbotsüasoshi jembir masü. Timtemliaka ni takok tashi merangaasayaogo," ta pai ashi.

Arishi küm 22 tain Humbert,taruba asaya US Openchampion Marin Cilic denasayatsü.

Kasa mapang nungTsitsipas-a London nung ATPTour Finals nung pa indang titledefend asütsü, koba November15 nü nungi tenzüktsü.

Kasa asayamung nung StanWawrinka-i British nungerasyar Dan Evans kokatanabuba round tongtetogo.

Arishi küm 35 tain asayari paikoker aliba Grand Slam asemrongnung tatemsa 2016 USOpen kokogo saka iba sülenyiruba ajanga junga masayatetipa tang jenjang 20buba nung lir.

Ajisüaka Swiss nungerasayar yagi pa career tatemiano junga asayatettsü ta bilemer.

"Kü career tatembang kadangi arudar," ta pai Evans 6-3,

7-6 (7/3) agi akokba sülen ashi."Ajisüaka ano tatemsa khen

akokba tashi merangdangaasayatettsü ta bilemer. Temabajenjang nung junga asayatettsüatema khen bendangaagütsüshitsü merangdar.

"Ni off-season mapangnunga meranga asayadangtsüaser taruba kümi kechi benerarutsüdir aji ataa lidi," taWawrinka-i ashi.

Wawrinka, shibai 2014 kümdang Monte Carlo nungMasters title ka bena lir, pai kümasem tsüngda ATP asayamungka danga koka mali.

"Ni junga danga asayaa liasüta bilemer, ajisüaka lenla aikanung ano tinyaktsü lir," ta paiashi.

Wawrinka taruba asayaUnited States nunger asayarTommy Paul den asayatsü.

Maneni Paris Masters teburkija asaya nung Belgium nungerasayar David Goffin-i 6-4, 7-6(8/6) agi Slovakia nunger asayarNorbert Gombos makok.

Ano America nunger asayarMarcos Giron-i 7-6 (7/3), 6-7 (0/7), 7-5 agi Italy nunger asayarMatteo Berrettini kokogo aserPablo Carreno Busta-i Germanynunger asayar Jan-LennardStruff 7-6 (7/3), 6-2 agi kokogo.

Taoba Wimbledon runner-upMilos Raonic-ia, 6-3, 6-2 agiAljaz Bedene koka tanabubaround tongogo aser RichardGasquet-i set asem nung TaylorFritz kokogo.

Marlon Samuels professional cricket asaya nungi anener

ICC ODI Rankings: Babar-i Kohliaser Rohit temeneper dang lir

Yimpoksüi/November 4,2020 (Agencies): RealMadrid asoshi goal 100idaktsüba sülen captain SergioRamos maneni takok tajungngua asayayonga aotsüyongyaa atadar. MongolbarnüChampions League nung InterMilan 3-2 agi akokba asayanung pai goal idakja iba alizüngtongtetogo.

Ramos-i, shibai Real nungiCL pezü densema takok marok22 kokteter lir pai, Toni Kroos-icorner metsüba goal nungkanga junga tonglokja parnok 2-0 agi tejakdang aküm, ajisüakaInter-i asaya tanabuba shilemnung goal anaprongla küptokaliasü.

Goal kasasa kümer asayaaaliba mapang substituteRodrygo-i asaya tatemi goal kaidakja Real-i asaya akok.Shakhtar Donetsk goal 3-2 agimakokba aser BorussiaMoenchengladbach den goal 2-2 agütsür asaya temabangbasülen Real puri Group B nungtang mezüngbuba asaya kokogo.

Alfredo Di Stefano stadiumnung iba alizüng tongtetba sülenarishi küm 35 tain Ramos-i, "ibaya mejungrabo masü," ta ashi.

"Jirila takoktemjitongtibangtiba masü, saka iba

ajanga team nem teyariagütsüra jurila takoktemjia nguadang liner, aser ano karboajangzüktettsü imlar.

"Asaya kanga toktepaasayaogo, saka tatem nungonoki result tajung ngutetatongtibang point asemngutetogo.

"Iba asaya ya onok asoshido-or-die asaya ka liasü aserasaya koka aliba ka kasasakümadokra tali temerangbaasayatsüsa akümer. Onokiparnok nem maongka agidaktsüaser Champions League nungboibala maongka yamagütsütsüla," ta Ramos-i ashi.

Champions League nungjunga asayaa metenzükba sülenMilan den November 25 nümasaya tsüngda iba takokngutetba atema coach ZinedineZidane anisüngzükogo.

"Onok timtema asayaogo,saka asayartem tenüngasangtsü nüngdaker, kechiyongasaya akoktsü asoshi langaliasü," ta pai ashi.

"Onoki kanga junga asayatenzük. Onok goal 2-0 agitejakdang liasü saka meyiperonok kanga kara goal ana achiaser iba ajanga onoki asayanübaama masayatet," ta asayatembangba sülen Zidane-i ashi.

Yimpoksüi/November 4,2020 (Agencies): Pakistancaptain?Babar Azam-iZimbabwe den ODI asemasayaba mapang kanga jungaasayaogo. Azam-i asaya asemnung run 221 yanglur asertanabuba ODI nung pai run125 yanglua liasü. Pai battingkanga junga amenba sülenpoint 8 nguteta point 837jungogo. Virat Kohli (871) aserRohit Sharma (855) na sülenBabar maneni jenjangasembuba nung lir, saka Indianunger asayar ana dang nungitebendang tulukabo meleikümogo.

All rounder Imad Wasim,shibai iba asayamung nungkanga junga asayaogo, pajenjang asem tejakdangi tua

top 50-i iogo. Wasim tangjenjang 46buba nung lir.

Zimbabwe nunger batsmenBrendan Taylor aser SeanWilliams natia iba asayamungnung century kaka yanglu asertenata top 50-i iogo. Taylorjenjang teku tejakdangi tuajenjang 42buba nung lir aserWilliams jenjang 12 tejakdangitua jenjang 46buba nung lir.

Bowler tem rongnungPakistan pacer Shaheen Afridijenjang 16buba tongtetogo,koba tang tashi nung pa asoshijenjang tajungtiba lir.

Afridi-i Zimbabwe denmezüngbuba asaya nung run49 agütsür wicket pongu agi.Pa jenjang ti tejakdangi tua paindang career nung tangmezüngbuba top 20-i iogo.

ST. Lucia, Yimpoksüi/November 4 (Agencies):Taoba West Indies batsmanMarlon Samuels professionalcricket asaya nungi anenogo.Cricket West Indies' CEOJohnny Grave- i,ESPNcricinfo dang Samuels-i pa asaya nung anenba Juneita metetdaktsüogo, ta ashi.Samuels tatemsa 2018 kümDecember ita asayaa liasü.

Arishi küm 39 tain asayariWest Indies tenüng nungi Test

71, ODI 207 aser T20I 67asayaogo. Pai internationalrun 11,000 dak tema yangluogoaser iba den wicket-a 150 daktema agiogo.

West Indies ' a tematongtibang asayatem nungSamuels-i tongti shilem agiogoaser WI-i T20 World Cupsanaben akoba nung pai shilemtulu agiogo. 2012 küm paifinal nung Sri Lanka denasayaba mapang ball 56 nungrun 78 yanglu aser küm pezü

lir Kolka ta nung EdenGardens nung England denasayaba mapang pai outmesüi run 85 yanglua wicketpezü agi England akokba nungpar team nem teyari tulu agüjaliasü.

Kasa mapang nungSamuels-i linük balala nungT20 franchise aika nungasyaogo. Pa Pune Warriors,Delhi Daredevils, MelbourneRenegades aser PeshawarZalmi nungi asayaogo.

New Zealand batting coach asütsü Luke Ronchi shim

Yimpoksüi/November 4,2020 (Agencies): Dualinternational wicketkeeper LukeRonchi, New Zealand cricketteam batting coach asütsüshimogo. West Indies denkidang asayatsü alibaasayamung nungi tenzüka pai

iba mapa abentsü.Ronchi ya New Zealand

nung aso saka pa mezüngbubaAustralia atema internationalcricket asaya. Pai Australiatenüng nungi 2008 küm ODIpezü aser T20I asem asayaogo.

Pa New Zealand-i meyipa

aru aser 2013 küm nungi 2017küm tsüngda pai Test pezü, ODI81 aser T20 30 asayaba sülenasaya nungi anen.

Taoba küm ICC World Cupmapang New Zealand coachingstaff nung Ronchi densemaliasü aser Bodhbarnü NewZealand batting coach mapaPeter Fulton nungi belenzükbajangjatsüogo.

"Ni kanga pelar. Ni team dentawa jangaradema inyakogoaser tang iba maongka agütsübaatema pelar," ta pai ashi.

"Linük nungi batsmen temden maneni inyaktsü asoshimaongka anguba ya tetushi tuluaser ni koda teyari agütsütettsüaji reprangdangtsü atemayongyaa atar," ta paisa ashi.

Sergio Ramos-i Real atema Goal 100 idaktsü