Phek - 1 Estd.

KAN VENG

Volume 28

Issue No. 07

Tau thla ( April ) Ni 08, 2012 1985

MISSION VENG YMA SOUTH BRANCH CHANCHINBU

FORTNIGHTLYThil tum : 1.Hunawl hman that 2.Zofate hmaswnna ngaihtuah 3.Kristian nundan tha ngaihsn Thuvawn :

YMA chu tanpui ngaite tanpuit a ni.Tau thla ( April ) Ni 08, 2012 Phek - 1

VOLUME - 28

ISSUE NO. 07

HRIATTIRNAMember zat dik zawk Kan Branch YMA member zat Issue hmasa lama rawn tarlan chu Section lam atanga lo hriatsual deuh awm chu siamthat anih hnuah mi 1433 kan ni zawk e.

LEADERS Meet cum KUMPUAN hawnnaApril ni 13, 2012 Zirtawp zan dar 7:30 hian DYO Hall-ah Leaders Meet leh kumin a YMA Kumpuan Ram Leh Hnam Humhalh hawnna neih a ni dawn a, hetah hian Branch YMA Branch Exe. Committee, Section leh Sub-Committee member chanvo chelh zawng zawng te chu kal ngei tura hriattir leh ngen kan ni. Hun reilote tangkai taka hman a nih theih nan tan hunah takah hruaitute kim turin kan inbeisei a, tan hunah inchhiarna neih nghal a ni ang. Kumpuan hi Pu J. Lalsailova, Finance Secretary, Central YMA in min rawn hawn sak dawn a ni. Tin, Branch hruaitu infuihtharna hun hi Tv. Vanlaldinga, Finance Secretary in a hmang anga, branch hmasawnna tura kan ngaihdan sawihona hun te pawh siam a ni dawn bawk a ni. Zaithiam ten min awi dawn bawk a ni. Hemi huna thingpui lum leh sem min buaipui sak turin veng chhung nu leh pa thenkhat sawm an ni a, seat arrangement chu Section III kutah dah ani a, zaiho leh sound system buaipui chu Music & Publicity S/c kutah dah a ni, heta tar tur banner chu Publication S/c kutah dah a ni bawk.

Ngaih pawimawh turApril ni 13, 2012 (Zirtawpni) zan dar 7:30-a DYO Hall-a Leaders Meet lo awm tur hi Branch YMA chuan hlawk taka Branch YMA-a hruaitu chanvo chelh zawng zawngten an hman ngei theih nan Branch Executive Committee member, Section leh Sub-Committee hrang hranga nihna nei zawng zawngte kim taka tel turin a duh a, he hun hi ngai pawimawha mahni hna tulte kalsana tel theuh turin min beisei a, hruaituten i ngai pawi-mawh theuh ang u.

Branch Hnatlang reportMarch ni 31 (Inrinni) khan Section - I panna step siamna tur hmun lei laih hnatlang neih a ni a, hnatlang thawhchhuah kan tlem hle a ni. Zing dar 10:30 atanga tanin tlai dar 3:30-ah banna siam a ni. Helai step awmna lai tlabal chu siam thatna turin a kopang lam laih hna thawh a ni a, helai zauhna tur ram Pu Laltlana J Pachuau leh Lt. Col. ZS Zuala ten an ram lak then an phal chu a lawmawm hle a ni. Ngaihtuah chiang ngai erawh chu YMA member mi 1433 lai awm vena meuh sia, hnatlang mi 40 vel lek kan thawk chhuak mai kha chu a zialo lam deuh a ni. He hna thawh chhunzawm nan hian Section I & II member ten ni April ni 7 (Inrinni) zingkar khan hnatlang an nei leh a ni.

Branch YMA BungruaBranch YMA bungraw thenkhat a awmna chin hriat loh a awm nual a, heng bungruate hi hriat loh vanga lo kawl palh awm theih a ni a, chhungtinte lo in check chiang turin kan inngen a. Lo kawl kan awm chuan Branch YMA hruaitute hnenah emaw kan awmna Section hruaitute hnenah hriattir theih ni sela a lawmawm ngawt ang.

Vai Permit Siam chingKan Branch huamchhunga hmeichhe thenkhat anmahni in an chhawr pawh ni lo, sum duham vang leh sum hmuh awlsamna duh vang ringawta Vai Permit siamsak ching leh buaipui thin an awm a, hei hi YMA Kumpuan Ram Leh Hnam Humhalh tih nen a inkalh tlat avangin he mite hi DC Office lamah chhui chian mek an ni a, Branchin hma a lak hma ngeiin ti tawh lo tur leh sim tura ngen an ni. Tin, kan Branch huam chhunga Vai sponsor ching leh sumdawn nana Mizo hming hawh tirte pawh khan titawp nghal turin kan in ngen a, thuawih lo a tilui ten buaina leh harsatna an tawk anih chuan Branch-in mawh a phur lovang tih kan in hriattir e. Heng sum tlem te it vang hian HNAM HRALHTU i ni lo ang u.Misual, Chatuan boralnaa kal mai tur; ama thisen hmanga min tlantu Lal Isua inpekna champhaah hian midang tan engemaw ti zawng talin malsawmna nih ve i tum ang u.

En theih dawn taKan Veng Chanchinbu chu Internet lamah a duh tana en theih turin Tv. K. Lalnunsiaman a buaipui dawn a, Mission veng Kan Veng Group-ah Photo Album angin Album hran siamin update thin a ni ang.

Hmangaihna tlachham mi chu nung chunga thi an ni.

Phek - 2Editor Joint Editors

KAN VENG: Ng. N. Thanga(Ph - 9862367532/9402112221)

Volume 28Section - I

Issue No. 07

Tau thla ( April ) Ni 08, 2012Section - IILalremsanga William Lalenga Lalrinchhana Lalrinsanga Lalzara Samson Lalchhuanawma Vanrinpuia Malsawmdawngzuala

EDITORIAL BOARD: Ramengmawia Lalrinzuala Pachuau Lalsiamliana

SEMTUTEMalsawmdawngzela Lalhmingliana Nathan Lalruatsanga Remruatpuia C.Lalbiakdika Lalrinsanga Lalhmangaiha Francis VL Tanpuia Lalhunthara

Section - IIIVanlalthabera Varte Vanlaltluanga Jacob Lalhmingsanga Alexis Lalrinkima Moses Lalawmpuia

Section - IVLalrinawma Vanlalfaka Lalruatfela Lalhmangaihkima LR Hmangaihzuala Jonatha Zothankima Lalhruaizela Lalthianghlima Remruatfela Lalrinchhana

Cir. Managers : Zorinsangi Chawngthanpari News Editors : Lal Rinmawia C. Lalnunmawia Lalthanpuia Lalrinchhana Lalbiakdika Laldingliana TBC Hmingthanzama Lalchhanchhuahi Cecillia Lalremsiami

Branch Executive CommitteeThurel leh Report tlangpui :

EditorialTsunami rapthlak takin Japan ram a nuai chiam kha kan la hre theuh awm e. Khata chhiat tawkte chhawmdawl tura khawvel ram hrang hrang atanga kalte sawi uar ber chu Japan mite rinawmna leh dikna kha a ni an ti. Mizo te hi khawvel hmun danga hnam dangte hian kan chanchin hi sawi ve dawn ta se, eng angin nge min sawi ang le? Mission Veng YMA South Branch huam chhunga mi chengte hi veng thenawmten kan chanchin sawi ta se, eng angin nge an sawi ang le? Kan thenawm theuhten kan chanchin hi sawi ta se, eng angin nge an sawi ang le? Kan rinawmna leh dikna hi sawi tur an hria ang em le? Hei hi tun dam chhung thil mai a ni a. Hemi piah hi thih hnu thlarau khawvel Chatuan kan la hmabak sia. Nun hi uluk a lo va tul em!! Kan nun hi han inenlet ta ila, he dam chhung rei lo tea, kan nun nawmna tur thlahlela kan thiltih thinte hian Chatuan hrehawmnaah min la hruai lut mai ang tih a hlauhawm viau lo maw? Sorkar sum eiru thin nia kan hriatte hi a nawlpui ang chuan kan haw hle thin. Eiru thei dinhmunah ding ta chiah ila, engnge kan an chiah ang le? Vantlang/YMA thil lo hawn ru duh pawh kan la awm nia sawi rik awmte hi a zahthlakin, Mission Veng mi leh sa tih atan a mawi lo tak zet a ni.

1. Mission Veng Local Council hnen atangin Gas semna point khata tihpun anih thu dawn a ni a, hei hi point pakhata la tur tam thin vanga siam belh ni se tih rawtna awm vang a ni. 2. Local Council-in kan Branch huam chhunga Sanitation Committee puipate ruat tura a tih ang in Branch Exe Com chuan heng mite hi a ruat a ni : Chairman : Pu Lalchhuanawma Hrahsel Secretary : Pu R Biakchungnunga Treasurer : Nl Lalhmingmawii 3. Music & Publicity S/c hnen atanga Musical Nite June ni 15,2012 zan dar 7 a neih dilna chu rem tih sak an ni. 4. Ei leh In S/c ten bungrua thawm that leh lei belh an dilna pawh rem tih sak an ni. 5. Cultural & Drama Club te tun hnaia an Cheraw kan review leh hnatlang paha an thingpui in nan Branch chuan Rs 2,000/- a pe a, April ni 5 khan an kawrchei, Cheraw mau siamthat hnatlang neih pahin inkawmhona an nei a ni. 6. Section-I panna step siam nana kan MLA-in a fund Rs 50,000/ min pek atangin 1st instalment Rs 25,000/- kan hmuh chuan hmalak tan a ni. 7. Kan Branch inkaihhruaina dan siamthat leh ennawn ngai tawha Branch Exe. Comt.-in a hriat avangin hemi lo buaipui tur hian heng mite hi ruat an ni: Pu Lalhmuchhuaka Pu Vanlalruata Pu Malsawmkima Pu Jeffrey L Fanai (Rawtna leh telh tur nei chuan an hnenah hian ziakin thehlut theih a ni) 8. HPCL atanga Pick-up motor dawn theih dan lo ngaihtuah tur leh dilna lo buaipui turin kan Secretary ruat a ni. 9. Section-I & IV atanga Street light dah belh ngai leh siamthat ngai an rawn thlen chu Local Council hnenah thlen ni se tih a ni. 10. Pu C. Thanfela, Sec-IV chu CYMA-in CADS Secretary atana a ruat thar avangin Branch YMA-ah Ex-Officio member-ah dah nghal a ni.

Mission Veng Local Council ThuchhuakBawlhlawh paih hriattirna: April ni 1, 2012 atanga hman tan tur in a hnuai ami ang hian Mission Veng Local Council huam chhung ah Bawlhhlawh ZINGKAR-ah paih thin tur a ni. LPK (Truck ) : Route No-I (Mon & Thur) - DYO Hall - FC Nghina point - Kawlthei huan Route No II ( Tues & Fri) - Pu C.T.Mawia Point - Dawrkai veng - Khamphei Route No III ( Wed & Sat) - Khawlintlang - New Street - Republic Road - Peter street Pick-up (Truck ) : Route No-I ( Tues & Fri) - Theipalingkawh Road - Moderator Qtr - Saptawni Point Route No-II ( Wed & Sat) - Pu Zokhuma point - Pu Vuana point - Col. Z.S Zuala Point Bawlhlawh te hi a point-ah dah tawh lo in, a motor lo tlan hunah chauh paih tawh tur a ni.

Pawn lam mawina, hmelthatna aiin nungchang tha a pawimawh zawk

Phek - 3

KAN VENG

Volume 28

Issue No. 07

Tau thla ( April ) Ni 08, 2012

LAWRKHAWMPem tharPu Isaac Zothankhuma te nupa chu Kulikawn Veng atangin kan venga Pu H.T Zauva building Sec-II Mv 60 ah an rawn awm thar. Pu Lalmuanpuia te nupa leh an fanu pawh Kulikawn atang bawkin Pi Lalremi, Sec IV in Mv150/2 ah an rawn awm thar. Pi Remthangi leh a fanu Mimi Lalthangpuii zirlai, Pu Rochhinga (L) building Sec III a rawn awm chu Falkawn khaw awm nghet, an mi leh sa anih thu Falkawn YMA hnen atangin hriattirna/Testimonial dawn a ni. Pu Chuauhnuna te nupa chu Khawlailung khua atangin Pu C Ramngaia building, Sec II Mv 70 (4) ah an rawn awm thar. Pu Lalnunsanga s/o Sapchhunga, Maubuang khua atanga rawn pem te hi in rawn awmna lai hriat ani lo va, in awmna Section hruaitute hnenah lo inhriattir tura ngen in ni e. (Kan venga rawn awm tharte kan lo lawmin veng tana mi tangkai in nih kan beisei che u a ni. Tin, YMA Pem lehkha leh Voter ID nei ngei chauh luahtir tur a ni a, pem lehkha YMA hnena an thehluh dawnin an awmna Section leh in neitu hming a phek hnungah ziak tura hrilh hi in neitute mawhphurhna a ni)

DAM LONp. Vanlalawmpuii d/o Lalzarliana, Sec-IV chu April ni 5 khan Aizawl Hospital-ah a tonsil zai a ni a, la enkawl mek a ni. Pu D. Rohnuna, Sec-III chu cancer natna avangin in lamah enkawl zui zel a ni a, tlema a thaw a hah deuh thin avangin oxygen pek a ni a, thisen chaw te khaia enkawl mek a ni. Np. Moses Lalchhanhima s/o Lalramliana, sec II meningistis natna avanga Kolkata panpui chu in lama in enkawl zui turin March ni 28 khan an lo haw a, tlemin hma a sawn ve hret hret zel a, in check-up turin May thla hian an kal leh ang. Pi Zaihmingthangi m/o Hausiama, Sec-IV chu a taksa vung leh nawm lohna dang avangin March ni 28 khan Civil Hospital-ah admit a ni a, la enkawl mek niin that lam a pan ve hret hret e. Pi G.Lalnunmawii @ Bibi, SecIV chu chemotherapy hmanga la inenkawl zelin vawi hnih khai tawhin April ni 11 hian khai leh a tum a ni. Pu Vanlalhmuaka (Mama), Sec-II chu April ni 2 khan Bike-in a chesual a, NewLife Hospital-ah kalpui niin first aids pek a ni a, in lamah enkawl zui tura tih a ni a, a tha ve zel e. Pi Lalengliani w/o Saithuama Sailo, Sec-II chu Amri Hospital, Kolkata-ah refer a ni a, zuk in check-up in April ni 5 khan tluang takin an lo haw leh ta e. Pu Lalnunthara f/o Timothya, Sec-II chu Synod Hospital, Durtlangah Santen avangin March ni 28 khan admit a ni a, la enkawl mek a ni. Pu Zokaithanga, Sec-III chu YMA chokidar qtr.-ah a chesual palh a, a malpui ruh tliakin in lamah enkawl mek a ni.

Clinic hawng tharDr. Lalsangzuali @ Ma-i w/o Zothankhuma, Sev-II chuan an mahni building (Mission Veng market building opposite)-ah in entirna clinic a hawng thar a, tun kar kalta chhung zawng khan a clinicah a tlawna inentirna hun a hawng. Dr. Ma-i hian mit (eye) lam a enkawl bera khawl tha tak tak hmangin a enkawl thin a ni.

InsawnPu David Laldingliana, Sec-II te chhung chu Pu Saithuama bldg hnuai atangin Pi Malsawmi bldg. Section-II huam chhung tho (Rev. RC Lawmthanga te luah thin) chu chei thain tunkar chho hian an luah lut ang. Rev. RC Lawmthanga te chhung hi an mahni in thar Pu C. Rochhinga (L) colony, SecII -ah thla hmasa khan an insawn chho tawh a ni.

Dam lo kanna hlanPu D Rohnuna, Sec III leh Tv. Lalhluna, Sec III Cancer natna tuar mekte chu Branch hmingin Charity Fund atangin Rs 2,000/- ve vein Branch Hruaituten an kan an ni.Tv. Lalhluna hi kan Branch YMA hruaitu hlui Vice President leh nihna dangte pawh lo chelh tawh thin a ni.

Naute tharPi Zonunmawii @ Mawitei w/o Ng. N. Thanga (Kan Veng Chanchinbu, Editor) chuan March ni 26 khan Synod Hospital, Durtlang-ah a pahnihna atan fanu 3.250kgs a rit a nei thar. A hmingah Malsawmzuali an sa.

Chhiat tawkPu Vanlalhluna Sec-II nu Pi Biakliani (K-77) Kanhmun ami chu Lungphu Chawl in April ni 5 (Ningani) khan a thi a, a vuinaah hian Pu Hluna te chhung chu chhuk thlain an la thang mek a ni.

Sak zawh a ni taBranch YMA bungrua leh bungbel Sec-I area-a dahkhawmna tur chu hnatlang tha leh hlawhfa tha engemaw zat sengin sak zawhfel a ni ta a, remchang hmasa berah Pi C. Vanlalzawni building atangin suan luh a ni ang.

MITTHIPu Lalmuankima (40) s/o Rev. C.Lalengliana (L) Mission YMA North Branch huam chhung ami chu March ni 26 khan Internal bleeding avangin a thi a, a ruang hi tlaivarpui niin a tuk chhun dar 12:00-ah vui liam a ni.

LawmthuSection-I Area-a YMA bungraw dahna tur sak phalna min petu Mission Veng Anganwadi Committee te chungah Branch chuan lawmthu a sawi a ni.

Mahnia awm aiin midang nena awmkhawm a him zawk

Phek - 4

KAN VENG

Volume 28

Issue No. 07

Tau thla ( April ) Ni 08, 2012

ChhuanawmPu Malsawmkima (Maski-a), Branch Treasurer chu National Veteran Badminton Champion-ship, Haridwar-a neih zawh takah Mizoram aiawhin a che tha hle. 40+Mens Singles-ah Semi Final-ah a chak zo ta lo a ni, a hneh tak loh hi nikum hmasa lama lo champion, International ah pawh lo champion tawh a ni. Pu Maski-a hi NE Games neih zawh takah khan Badminton-ah over-all incharge atan ruat a ni bawk a. Hetiang mi hruaitua kan nei hi kan chhuang tak zet zet a ni. Mizoram sorkar chuan Pi Liansangluri, Sec-III chu Mizoram Juvenile Justice Board member ni turin kum 2014 thleng atan a ruat a, an ni hi Children in conflict with Law buaipuitute an ni. Kan chhuang hle a ni. Naupang kum tling lo buaina neite tan biak theih reng a ni e. Pu Lal Rinmawia, (ECM & Kan Veng Editorial Board member) chu chu Mizoram Journalist Association Executive Committee member thlan thar zingah a tel ve a, kan lawmpuiin kan chhuang tak zet a ni. Pu Mama hi a nau dam lo hruaiin a buai thei hle a, a nau hi Mumbai-ah an zai dawn avangin tun Inrinni khan a liam thla leh a ni. Harish Sharma, North East Sports Academy Guawahati atan Basket Federation of India, New Delhi chuan Joint Secretary atan Tv. Malsawmzuala, sec-III chu a rawn ruat a, kan chhuang hle mai.

Inneih DarLaltleipuii (ECM) d/o Rev. Chalhnuna chuan April ni 4 khan a lungdumtu Zathangpuia, Lunglei Venglai a mi chu Lunglei Venglai Citadel Corps Biak inah a nei ta. Pi Tleipuii te nupa hi Mission Veng YMA North Branch lamah Pu L.Rosanga bldg. luahin an khawsa zui dawn a ni. Section-I Asst. Secretary, Tv. Laldintluanga leh SectionI Comt. member, Nl. Janet Lalrawngbawli te chu Samlukhai Kohhran Biak inah April ni 12 hian Kohhran dan thianghlimin an innei ang. Nl. Janet-i hi April ni 9 hian an mahni chenna inah thlahna hun hman a ni ang. A thlahna hun hmanpui tur hian Branch Executive Committee memberte pawh sawm an ni.

Enge an sawi Kawltheihuan lamah choclate tha ber chi han hum phei pawn... awmzia tak tak a awm thei lo. -Tv Timothy-a Tunlai chu Badminton partner ka nei tha ngei mai!! Fitness erawh a pui lem lo.. -Lalmama Kawltheihuan lamah tleh phei hul hul reng mai ang. -Mambawihtea Mi lengpui kawng hai ve te. -Adami Zanin chauh chu Chanchinbu chhutna lamah min lo hrethiam leh phawt mai teh u. A hnai tawh em ani.. -Tv Mawia Alto silver rawng hi a garage a rawn sawn em em bik lo ania aw.. -Muanzovi (M-i) Lunglei Justin Bieber-a ka rawn haw e. -Zira ( zirbaji-a) MUANI get out - MSVK Pulsar sente kha Karizma in ka thlak keuh a nia.. -Mami bazar thleng a mi? an tih pawn, Aih, Mission Veng bazar thleng a ti thlap zel. Tv. Dinga (Sec-II Secy.) pawh hmanni mai khan zin tur thlahin Lengpui Airport-ah a zuk kala, a let chho leh tur chu Police pakhat hian lo phar dingin Khawngaihin mikhual pakhat lo phur haw ve teha, pawisa a nei tawh lo va, a remchan leh tlem a zawng te chu a pe ve ang che a lo ti a. Dinga chuan nula anih beiseiin a Aw ve hmak a. Beiseina sang tak nena hun engemaw chen a nghah hnu chuan a mi phurh tur chu Police chuan a han kawhhmuh ta chiah mai le!! A rin loh lutuk mai; Pu Lal Rinmawia (Mama) zin haw lek chu lo niin!!! Lawm tak chuan an rawn in phur thleng ve ta thak tho a ni awm e. A man erawh a dawn zui kan hre lo.(Kawnpui an thleng tep hman ani awm e)

Awih la/Awih suh la

Pu Zothana, Director of Industries pawh hi an che fuh reng thei bik lo ani ang!! vawikhat chu Mopa thianah a tang ve a, ban dawn tawngtai laiin naupang fel tak anga a kut a han suih tur chuan Inneih Certificate man tur a kawrchung chhunglam iptea uluk taka envelope-a a vawn that chu a ri ta rap mai. A phu nasa lutuk, hming ziah zawha pek tur kha a lo theihnghilh niin. Twngtai lai chuan zawitein Pastor thutna lamah a kun phei them them a, a ruka dawhkana va dah tumin, Kumpuan Reports mahse le!! a dah ru zo ban vai kir Kumpuan Sub-Committee leh chuan inneih pangpar khawi chuan tunlai hian ngawrh takin mawi lutuk chu a vai thlu ta, a ri duty a kalpui mek zel a. Tun hnaiah ta rum rum mai. Inneih zawhah tih dan zu zuar mi pathum manin zu fun 15 pangngaiah chuan Biakin kawtah an man bawk a ni. Heng an mi mante hi intiamkamna thu ziahtirin monu leh mopa chibai an buk sup sup thin a nia, hemi tum kher kher chhuah an ni. Kumpuan Committee hmalakna hi chuan Pu Zothana bulah an bawr luiha Tawngtai lai khan a zarah veng chhunga zu zuar Maicham bulah enge i va tih reng Sumsung Plaza Basketball ngampa thinte pawh an tawmim leh reng a? an ti sup sup a ni awm e. championship, Babutlang ta deuhin kawngpui dunga hmuh Kan veng pa Pu Sangzuala Recreation Centre a neih mek nuam lo tak taka khawsa thinte (Upa) hi kan veng Bus stand-a a ah kan veng naupang te pawh pawh hmuh tur an tam lo leh ta chhuk dawn apiang hian, Mis- tel ve in U-21 chu vanduai deuhin a hriat a, a lawmawm tak zet sion Veng Bazar ka thleng ta tih thlak takin an chak lo tawh a, zet a ni. Veng zahawm nana taima hi a chhunga chuang ten a an Team dang erawh an la khel taka duty thinte hi veng chhung hriat phak tur hian a ti deuh lauh mek zel a, a hman hmanin i miten i tawiawm zel ang u. zel a, conductor-in Thakthing tawiawm ang u. Published by Publication Sub Committee, Mission Veng YMA South Branch, Copies-600

Phek - 5

KAN VENG

Volume 28

Issue No. 07

Tau thla ( April ) Ni 08, 2012

MISSION VENG YMA SOUTH BRANCH

YMA CHHANG MEMBERSHIP FORMMember hming Pian ni, thla leh kum Nu/Pa/Enkawltu hming Section Phone (Contact) No. Membership Fee : : : : : : _______________________________________________ _______________________________________________ _______________________________________________ _______________________________________________ _______________________________________________ _______________________________________________

A chunga kan fanu/fapa/enkawl hi MYMAS, YMA Chhang member-a in ziah luh kan rem ti a. YMA chhang inzirtirna leh inkaihhruaina pawh tha kan tiin kan pawmpui e. ( ____________________________) Nu/Pa/Enkawltu hming leh Signature

Hriat tur tul te:1. YMA Chhang member chu MYMAS chhungkua a mi a ni ngei tur a ni a, kum 9- 13 inkar mi an ni tur a ni. Membership hi member pakhat tan Re. 1.00 zel a ni ang. 2. Nu/Pa/Enkawltu remtihna leh phalna chauh lo chuan YMA Chhang member-ah hian inziah luh theih a ni lo. Chhungkaw khat atanga member pakhat aia tam (e.g unau) an awm chuan Form pakhatah ziah dun mai tur a ni. 3. YMA Chhang inkaihhruaina chu YMA Thuvawn, Thupui leh Motto te zulzui a, khawtlang tana mi tangkai leh hruaitu ni thei tura inzirtir leh kaihhruai a ni a, Mizo Rohlu, Hnam lam, Tlawmngaihna, Awmdan mawi leh Intihhlimna hrang hrangte zirtira kaihhruai an ni ang. 4. YMA chhang member-a inziak lut duh tan a chunga membership form hi dah khatin nu/ pa/enkawltu remtihna leh membership fee nen a hnuaia mite hnenah hian April ni 30, 2012 ral hma ngeiin thehluh theih a ni. 1. Pu Vanlalruata, Vice President 2. Tv. Vanlaldinga, Fin. Secretary 3. Pu Vanlalchhana, ECM 4. Pu Hausiama, ECM 5. Pu Vanlalhmangaiha, ECM 6. Nl. Lalnunpari, ECM 7. Nl. Lalhmingmawii, ECM 8. Nl. Zorinpuii, ECM Heng a chung ami te hi Section tin hruaitute nen Kum 2012 chhunga YMA Chhang kaihruaitu tur an ni ang.

Section-I panna Step-ah hnatlang lehMarch ni 31-a Branch hnatlang neihna Section-I panna step siamna tur hmun laih hnatlang chu April ni 7 (Inrinni) zing kar khan Section-I & II member-te chuan chhunzawmin an hnatlang a, member an thawk chhuak tha thawkhat hle. Hnatlang hian step siamna dala PHE tui pipe awm sawnna tur laih hna an thawk a ni. Helaia PHE pipe awm hian step siamna tur a dal avangin Dept. lam hotute Branch Fin. Secretary, Tv. Padingtean lo dawrin Dept. lam hotuten a hmunah an rawn en tawh a,Pipe sawn dan tur remchang leh bungraw mamawhte an thlirho tawh a, tun kar Thawhlehni hian an rawn sawn theih beisei a ni. Helai step hi siam that anih theih nan hian a bul hnaia awmte inpeknaah Branch chuan lawmthu a sawi tak meuh meuh a. April ni 7 zingkar hnatlang te in tur theitui Pu Lalhmingliana thiannu Pi Thangpuiin a tumsak a. Tin, thingpui tui tak Pu CL Thanmawia thiannu Pi Mangurin a lumsak bawk a, hnatlangte an lawm hle. Pu Tm-a te nupa hian MLA fund lakchhuah nana estimate-a tulte an buaipui bawk a, an chungah kan lawm hle a ni.

Phek - 6

KAN VENG

Volume 28

Issue No. 07

Tau thla ( April ) Ni 08, 2012

Veng chhung AwHnatlang chungchang leh a kaihhnawih Tunlai khawvel changkang zelah hian kan hawiher a lo danglam chho zel a. A huhova hnathawh leh chetchhuah te hi a buaithlakna chen a lo awm chho ta. Chutih rual chuan kan khawtlang hian tul leh mamawh a la nei zauh zauh dawn a. Local Council, Y.M.A huap hnatlang te pawh a la awm chho ve zel dawn anih hmel. Tunhma deuh chuan a pa chhuak a hnatlan te, hmeithai awl a hnatlan te a awm thin a. Tunlai hunah chuan, Chhungtin atanga pakhat aiawh tira hnatlan bak chu chhiat rupna leh engemaw bikah lo chuan a nawlpuia hnatlan a awm ngai meuh lo. Khing kan sawi te khi V.C / Local Council huap emaw a hnatlang koh thin dan a ni tlangpui a. Y.M.A chuan a nawlpui hnatlang a koh changin member thawhchhuah tura ngaih a ni a, hun thenkhatah chuan committee peng emaw, section bila hnatlante a ni bawk. Thil hriat pawlh awl tak chu V.C / Local Council hnatlangah chuan chhungkaw aiawh pakhat tal thawhchhuah a ni deuh ber a, thawk chhuak lote chu run theih an ni bawk a. Y.M.A in veng chhung hnatlang a koh erawh chuan member ni tawh phawt chu hnatlan tur a ni thung a, phatna phut a thiang lova, aikal atana mi emaw pawisa thawh erawh au dan a zir a ni a, indaih lohna avang chauhvin chhungkaw aiawh tura pakhat intirh hram a mawi. Tunlai hunah hian Y.M.A-in hnatlang a koh chang hian chhungkaw aiawh intirh mai kan ching ta nia ngaih theihin, member hmeichhe lam tel mang lova hnatlan chang kan nei ta deuh fo mai. Local Council hnatlang nena ngaih pawlh mai hi kan tam ta em ni aw, tiin a ngaihtuah theih. Hmeichhe thawh awm chi anih chiah lo pawn tawiawmtu tur tala an thawhchhuah ve hian; Pathianin mihringte a siam dan phungah a nih dan tur a kimin a hriat a, hah taka thawk thinten thawh nuam an tih phah thei niin a lang. -Hnatlang ve thina

Branch YMA chuan kum 2012 2014 chhunga DYO Hall Chokidar, Dawr leh Garage luahtu tur a hnuai ami ang hian a thlang thar :1. DYO Hall Chokidar Cum Worker = Pu Laljoela Ngurte 2. YMA Dawr No. 1 (DYO Hall bul) = Pi Lalparmawii 3. YMA Dawr No. 2 (YMAStep hnuai) = Pi Laltluangi ( Lapuii) = Pu Raltawnluia 4. YMA Dawr No. 3 (JLCharity Cabin) 5. YMA Dawr No. 4 (Rosanglura Cabin) = Pu Vankhuma 6. YMA Dawr No. 5 (VLMalsawma Cabin) = Pi Lalngaihawmi 7. YMA Dawr No. 6 (Zomuansanga Cabin) = Pi Lalawmpuii 8. YMA Dawr No. 7 (Rosanglura Cabin) = Pi Malsawmdawngliani 9. YMA Garage No. 1 = Pu R Nelsona 10. YMA Garage No. 2 = Pu C Lalengliana 11. YMA Garage No. 3 = Pu J. Lalthlantlinga 12. YMA Garage No. 4 = Pu Jeffrey L Fanai 13. YMA Garage No. 5 = Pu Lalrinmawia 14. YMA Garage No. 6 = Pu Lalthanpuia 15. YMA Garage No. 7 = Pu Robert Lalrintluanga TWO WHEELER GARAGE 1. Tv. V Lalsawmliana 2. Pu. Anthony Zothansanga 3. Pu. Vanlalhluna 4. Pu. Lalropuia Colney 5. Nl. Lalengmawii 6. Tv. Eugene Hmingthanpuia 7. Pu. Andrew Lalchhandama 8. Pu. C. Lalthangmawia 9. Pu. C. Lalthadingliani Heng mite hi YMA Selection Committee chuan ngun tak leh uluk taka thlan hnuah Branch Exe. Comt. -in a pawmpui a ni. Heng mite hian April ni 1, 2012 atangin an luah tan ang a, March ni 31, 2014 thleng an luah thei ang. Amaherawh chu, YMA duhloh zawnga khawsa leh mittlung lova an awm chuan an luah theih hun chhung tawp hma pawh hian an luah phalsak loh theih a ni.

Sports NewsMarch ni 27-31 inkar khan Mission Veng Adventure Club te chuan outing neiin Rengdil rama puk mi la luh chhuah loh 200ft. laia thuk an zuk lut chhuak a. Kan Branch atangin Nl. Zoramthangi (Nupuii), Tv. Zonunsanga (Aruna), Tv. Samuel Lalawmpuia (Mambawiha) leh Tv. Vanlallawmzuala (Lza) te an tel ve a ni. MBA buatsaihin April ni 10-13, 2012 inkar hian Official Badminton Championship a buatsaih dawn a, Mission Veng Badminton Club pawh category hrang hrangah an tel ve dawn a. Champion beiseiawm ber team te zinga mi an ni. Kan veng ti hmingtha thintu game hi thahnemngai takin i tawiawm ang u.

SAMSUNG MOBILE PHONEKhawvel mobile phone company rintlak leh hmasawn chak ber, smart phone bika world no. 1 ni mek Samsung mobile chu mobile dawr hrang hrangah lei tur a awm reng e. DISCOUNT DISCOUNT Mizorama Home appliance zuar hmasa ber leh hlun ber chuan TV, LCD, LED, Fridge leh Washing Machine company hrang hrangah discount a pe mek. After sale service rintlak tak kan pe thei bawk. MANA INTERNATIONAL Dawrpui - 2322486 Zarkawt - 2345776 Zarkawt (near Cell City) - 2306883

Advertisement Aizawl Public School : KulikawnCl-IX-X, XI-XII ( Arts) admission hawn a ni. Kum hmasa lamah te result tha tak kan nei tawh a, kum tharah zirtirtu inlak belhin theihtawp chhuah tum a ni. Mipa leh hmeichhia tan Hostel fianrial leh tui hnianghnar, Bus stand atanga kal phak mai a awm e. Class XII (Arts) tan Evening Class Dar 3:30 - 5:30 ah buatsaih a ni bawk e. Sum lamah harsatna i nei anih pawhin i zir peih a nih phawt chuan kan phak tawkin kan lo pui dawn che nia. call- 9612325840/9774158005