February 29th, 2012 - Iban Lent Mass

PANTUN KATERUBAH

TUCHI MEH KUDUSTUCHI MEH KUDUSKA ATI KU TUHAN NGAMBIKA TAU NGADAP MUA NUAN TUBUH NYAWA ROHKU KUSERAH NGAGAI NUAN AKU NGEMBAH NUAN

1/2

PANTUN KATERUBAH

TUCHI MEH KUDUSTINGGI MEH NAMA NUAN O TUHAN MULIA MEH NAMA NUAN O JESUS NADAI MEH BUKAI SEBAKA NUAN O TUHANKU BESAI KUASA NUAN NADAI MEH BUKAI SEBAKA NUAN O TUHANKU BESAI KUASA NUAN***************************2/2

PANTUN KATERUBAH

AKU NYEMBAH NUAN TUHAN

AKU NYEMBAH NUAN TUHAN ENGGAU PENGABIS ATI ENTI SEMA KU TESAT ARI JALAI NUAN BAI AKU PULAI BARU

1/3

PANTUN KATERUBAH

AKU NYEMBAH NUAN TUHANBERI MEH AKU PENGLANTANG ATI LEBUH NEMPUH PENGIDUP TU LABAN MULIA NUAN TUHAN BESAI PENGRINDU NUAN SANGGUP NYERAH NYAWA DIRI

2/3

PANTUN KATERUBAH

AKU NYEMBAH NUAN TUHANATAS REGANG NUAN TUHAN NUAN MATI KA AKU NUCHI SEMUA DOSA KU ENGGAU DARAH TUCHI NUAN NAKA PMESAI PENGASIH NUAN***************************

3/3

PANTUN KATERUBAH

KU NGANGKAT JARIKU NGANGKAT JARI PENUH ENGGAU PUJI, KA IYA TI TINGGI AKU BELAGU LA PENGIDUP TUHAN, BA ATI AKU

1/2

PANTUN KATERUBAH

AKU NYEMBAH NUAN TUHANKU NGGAI NYEMBAH TUHAN BUKAI SEMINA NUAN SIKU AJA NUAN MEH TI DIKERINDU AKU PENGASIH NUAN AMAT BESAI NGAGAI NUAN AKU MAI PENGELEMI ATI***************************

2/2

ATOR SAMBIANG MASSSAMOA : Allah Taala ti pemadu bekuasa, samoa ati mensia dipeda nuan, samoa ti ka deka mensia ditemu nuan, nadai kami tau belalai ke nuan asoh tuchi peragam ati kami olih Roh Kudus nuan, ngambi ka-kami tau rindu ka nuan enggau pengabis ati kami, lalu ngemesai ka nama nuan ti kudus; olih Jesus Kristus Tuhan Kami. Amin.

SAPULOH PESANPadri : Tuhan kitai Jesus Kristus bisi bejako, ko iya. Enti kita rindu ka aku, intu pesan aku: lantang sida ti ninga ka jako Allah Taala lalu ngintu iya. Dinga ka samoa pesan tu ti diberi Allah Taala ngagai nembiak Iya, lalu simpan sida dalam ati. Aku tu Tuhan Petara kita: kita anang betuai ka petara bukai, semina aku aja.

SAPULOH PESAN

Padri : Kita deka rindu ka Tuhan Petara kita enggau pengabis ati kita, lalu enggau pengabis pengering kita. Saut : Amin, Tuhan kasih ka kami.

Padri : Anang ngaga engkeramba ka diri empu. Allah Taala roh, lalu samoa ti nyembah Iya enda tau enda nyembah dalam roh enggau pemendar dalam ati.

SAPULOH PESAN

Saut : Amin, Tuhan kasih ka kami. Padri : Anang enda bebasa ka nama Tuhan Petara kita. Kita enda tau enda nyembah Iya enggau basa enggau nangi.

Saut : Amin, Tuhan kasih ka kami.

SAPULOH PESAN

Padri : Ingat ka hari Tuhan, iya nya Hari Minggu, lalu intu iya baka hari kudus. Kristus udah angkat ari mati: asoh ati kita ba utai ti datas: ukai ba utai dunya tu. Saut : Amin, Tuhan kasih ka kami.

SAPULOH PESAN

Padri : Bebasa ka apai enggau indai nuan. Diau dalam dunya baka nembiak Allah Taala: bebasa ka samoa orang; rindu ka samoa orang ti sakaban baka diri menyadi. Saut : Amin, Tuhan kasih ka kami.

SAPULOH PESAN

Padri : Anang munoh orang, Anang nyimpan pengeringat soh menyadi nuan: alah ka penyai ngena pemanah. Saut : Amin, Tuhan kasih ka kami. Padri : Anang butang. Ingat ka tuboh kita ti alai Roh Kudus diau. Saut : Amin, Tuhan kasih ka kami.

SAPULOH PESAN

Padri : Anang ngechuri. Bekereja enggau ati lurus lalu beri utai ngagai orang ti suntok. Saut : Amin, Tuhan kasih ka kami. Padri : Anang nyadi saksi bula. Awak ka tiap iko madah ka utai ti bendar. Saut : Amin, Tuhan kasih ka kami.

SAPULOH PESAN

Padri : Anang angkun ka utai orang. Ingat ka jako Tuhan Jesus: orang ti meri beberekat agi ari orang ti nyambut. Rindu ka orang bukai baka rindu ka diri empu laban pengerindu ngaga samoa utai ti diletak adat. Saut : Amin, Tuhan kasih ka kami.

SAMBIANG PENGESAL ATI

SAMBIANG PENGESAL ATIPadri : Laban Allah Taala rindu ka kitai mensia, iya meri Anak Tunggal iya Jesus Kristus ngidup ka kitai ari dosa, iya nyadi seruan kitai dalam serega, lalu mai kitai soh pengidup ti meruan belama. Aram kitai ngaku dosa kitai, dalam pengarap sereta ngesal ati, lalu enggau ati ti mutus tetap ngintu pesan Allah Taala lalu begulai diau dalam pengerindu enggau pemaik enggau samoa orang.


SAMOA : Allah Taala ti pemadu bekuasa, Apai kami ti di serega, kami udah bedosa ngelaban nuan, enggau diri sama diri, dalam peragam, dalam jako, dalam kereja, olih ati ti enda iboh, olih pengelemi, olih ati ti endang deka ngereja iya. Kami amat ngesal ati ka samoa dosa ti udah digaga kami. Tegal anak nuan Jesus Kristus ti mati ka kami, ampun samoa dosa kami ti udah, lalu saup kami betuai ka nuan enggau olah badas awak ka ngemesai ka nama nuan. Amen.


Padri : Allah Taala ti pemadu bekuasa, ti ngampun samoa orang ti amat ngesal ati ka dosa. Kasih ka kita, ngampun lalu ngelepas ka kita ari samoa dosa kita, netap lalu ngering ka kita dalam samoa kereja badas, lalu ngintu kita dalam pengidup ti meruan, olih Jesus Kristus Tuhan kitai. Amen.

JAKO ALLAH TAALA - 1

(MINISTRI) JAKO ALLAH TAALA

BACHA ARI PENYANGGUP LAMADUDOK Tuai : Bacha diambi ari Bup BagiAyat

Ba Pengabis bacha. Tuai : Tu jako Tuhan.

SAMOA: Terima kasih ka Allah Taala. Tu alai tau ngena MASMUR

JAKO ALLAH TAALA - 2

BACHA ARI PENYANGGUP BARU (EPISTOLA)Tuai : Bacha diambi ari .Bagi Ayat

Ba pengabis bacha: Tuai : Tu jako Tuhan.

SAMOA : Terima kasih ka Allah Taala. Pantun

JAKO ALLAH TAALA - INJIL

BACHA ARI BUP INJILBERDIRI

Tuai

: Bacha tu diambi ari INJIL ti ditulis . Bagi ..Ayat .

SAMOA : Mulia ka Kristus, Pengelepas kitai. Ba pengabis bacha: Tuai : Tu Injil Kristus Puji Kristus, Tuhan kitai. SAMOA :

JAKO AJAR

JAKO AJAR

SAMPI PINTA

SAMPI PINTABESUGANG

Di pengujung tiap sampi,Tuai : .Tuhan, ulih pengasih nuan. Saut : Dinga ka sambiang kami. Di pengujung sampi, Samoa : Apai ti kasih, sambut sambiang kami, tegal Anak nuan, Jesus Kristus ti Penebus kami. Amin.

BESUGANG

SAMOA : Tuhan ti pemadu kasih, pengerindu nuan ti matak kami tama kitu. Jari kami enda tuchi, ati kami enda besedia, kami enda patut makai teda dibaroh mija nuan. Tang nuan, Tuhan, Petara ti Penebus kami; lalu magi roti nuan enggau orang ti bedosa. Nya alai tuchi lalu tupi kami ngena tuboh enggau darah Anak nuan ti berega awak ka iya tau diau dalam kami, lalu kami dalam iya; awak ka kami sama enggau bala Eklisia Kristus, tau begulai dudok sama makai dalam perintah nuan. Amen.

SELAMAT

(MINISTRI) SAKRAMENSELAMATBEDIRI Padri : Kristus ti selamat kitai. Iya udah mai kitai saum baru enggau Allah Taala dalam tuboh siti olih regang iya. Kitai begempuru dalam nama iya; lalu sama bulih selamat ti di beri iya. TAUKAKitai tu Tuboh Kristus. Olih Roh siko, kitai udah dibaptisa ka dalam Tuboh siti. Aram kitai ngereja utai ti mai selamat lalu ngemansang ka jalai pengidup samoa.

SELAMAT

Padri

: Selamat Tuhan diau enggau kita selalu.

SAMOA : Lalu sama enggau nuan mega.

Padri

: Aram kitai meri tanda selamat ba pangan diri.

(Orang maioh tau betabi jari enggau pangan diri)

NYEDIA KA PEMBERI

NYENDIA KA PEMBERISampi meri roti Padri : Puji ka nuan, Tuhan Allah ti Petara samoa dunya, laban pemanah nuan kami bisi roti tu ti deka dienjok, ti olih ari tanah lalu udah digaga jari mensia. Iya deka nyadi roti pengidup ka kami.

SAMOA : Puji ka Allah Taala belama-lama.

NYEDIA KA PEMBERI

Sampi meri ai anggor Padri : Puji ka nuan, Tuhan Allah ti Petara samoa dunya. Laban pemanah nuan kami bisi ai anggor ti deka dienjok, ti datai ari buah pun anggor, lalu digaga jari mensia. Iya deka nyadi darah Kristus ka di irup kami.

SAMOA :Puji ka Allah Taala belama-lama. Pantun. Sadekah Digumpul

PANTUN KENA NGUMPUL PEMERI

NAKA MEH ATI KU TUHAN NAKA MEH ATI KU TUHAN BETERIMA KASIH JESUS NUAN NGEMPU AKU TUHAN NUAN RINDU KA AKU

TU AJA TUHAN DIBERI AKU KE NUAN SEMUA PENGIDUP KU NYAWA SEMENGAT AKU LABAN AKU NADAI RETA PENGAYA TI AMAT BEREGA DIBERI KU KA NUAN1/2

PANTUN KENA NGUMPUL PEMERI

NAKA MEH ATI KU TUHAN TU AJA TUHAN PEMINTA AKU TERIMA MEH TUHAN PEMERI AKU KENA MEH PENGIDUP KU NYADI PERENGKA NUAN SEUMUR PNGIDUPKU *******

2/2

SAMPI NYAMBUT SADEKAH

SAMPI NYAMBUT SADEKAH.NGETU NYANYI

SAMOA : Enggi nuan Tuhan, samoa pemesai, kuasa, mulia enggau pemanah, laban samoa utai ti di serega enggau di bumi enggi nuan magang. Samoa utai datai ari nuan, lalu ari pemisi kami ti datai ari nuan, kami ngenjok nuan.

SAMBIANG EUKARISTA- 1

SAMBIANG EUKARISTAMERUAN BERDIRI

Padri : Tuhan enggau kita SAMOA : Lalu sama enggau nuan mega. TAUKA Padri : Tuhan bisi ditu SAMOA : Roh iya bisi enggau kitai. Padri : Angkat ka ati kita SAMOA : Kami ngangkat ka ati ngagai Tuhan. Padri : Aram kitai muji Tuhan ti Petara kitai. SAMOA : Endang ngena kitai muji lalu ngemesai ka iya.


Padri

: Endang ngena, endang patut kitai enggau ati andal, di sebarang maia, di sebarang endor, meri terima kasih enggau puji soh nuan, Apai ti Kudus, Rajah menoa serga, Allah Taala ti pemadu bekuasa, ti endang meruan, olih Jesus Kristus Anak nuan Tuhan kami: Laban iya endang Jako nuan ti idup; olih iya nuan udah ngaga samoa utai kenyau ari mula iya kelia, lalu ngaga kami baka nuan empu.


Olih iya nuan udah ngelepas ka kami ari tanggam dosa, nuan udah ngasoh iya ada nyadi mensia lalu mati ba kayu regang; nuan udah ngangkat ka iya idup baru ari mati lalu ngemesai ka iya dudok puak kanan nuan di tempat ti tinggi.Olih iya nuan udah ngirum ka kami Roh ti tuchi ti meri pengidup, lalu ngaga kami nyadi anembiak pesaka nuan empu. Nya alai sereta enggau malikat enggau pengulu malikat enggau samoa bala serga, kami ngemesai ka nama nuan ti besai, ti bemulia, lalu berari muji nuan, ko kami:


SAMOA : Kudus, kudus, kudus, Tuhan. Allah Taala ti pengering ti bekuasa. Serega enggau bumi penoh olih mulia nuan, Hosanna dalam endor ti pemadu tinggi. (GENTERAN tu tau mega di kena) Beberekat iya ti datai dalam nama Tuhan, Hosanna dalam endor ti pemadu tinggi.


BESUGANG Padri : Sambut puji kami, Apai ti di serega, olih Anak nuan Jesus Kristus ti Penebus kami; lalu laban kami nitih ka teladan enggau letak iya, asoh, olih kuasa Roh Kudus nuan, awak ka roti enggau ai anggor ti diberi kami tu, tau nyadi ba kami tuboh enggau darah iya. Laban malam katungkah iya mati diregang, iya ngambi roti; udah iya meri puji iya mechah ka roti nya, lalu bedua ka murid iya, ko iya: Sambut, pakai; tu Tuboh aku ti diberi ka kita. Gaga tu kena ngingat ka aku.


Baka nya mega, udah tembu makai iya ngambi mangkok, lalu udah iya meri puji, iya nyua ka sida, ko iya: Irup tu kita samoa; laban tu Darah aku, darah penyanggup baru ti pansut ngidup ka kita enggau orang maioh, kena ngampun dosa: Gaga tu genap kali kita ngirup iya, kena ngingat ka aku. SAMOA : Kristus udah mati. Kristus udah angkat idup baru. Kristus deka datai baru.


Padri

: Nya alai Apai kami ti di serega: kami ngingat ka piring tuboh iya ti dienjok sekali di kayu regang, lalu mandang ka pasal pengangkat iya ari mati sereta pasal pemulai iya ka serega dalam mulia. Laban kami nganti penatai iya baru dalam mulia, kami mela, ngena roti enggau mangkok tu, piring iya ti siti ti chukup. Sambut olih iya ti nyadi imam besai kami, piring puji tu, lalu leboh kami makai sereta ngirup pemberi kudus tu ba moa nuan, ubah ati enggau ulah kami nyadi baru


olih Roh Kudus nuan, asoh kami idup dalam pengerindu nuan, lalu gempong kami dalam tuboh Anak nuan Jesus Kristus Tuhan kami. Olih iya, sama enggau iya sereta dalam iya, lalu olih kuasa Roh Kudus mega, kami , sama begulai enggau samoa bala serega enggau bumi bediri di moa nuan, Apai ti pemadu bekuasa, nyembah nuan belamalama ngena pantun puji, ko kami: SAMOA : Berekat, enggau basa enggau mulia enggau kuasa endang enggi nuan belamalama iya. Amin.


SAMBIANG EUKARISTAMERUAN BERDIRI Padri : Tuhan enggau kita. SAMOA : Lalu sama enggau nuan mega. TAUKA Padri : Tuhan bisi ditu SAMOA : Roh iya bisi enggau kitai. Padri : Angkat ka ati kita. SAMOA : Kami ngangkat ka ati ngagai Tuhan. Padri : Aram kitai muji Tuhan ti Petara kitai. SAMOA : Endang ngena kitai muji lalu ngemesai ka iya.


Padri

: Endang ngena, endang patut kitai enggau ati andal, di sebarang maia, di sebarang endor, meri terima kasih enggau puji soh nuan, Apai ti kudus, Rajah menoa serega, Allah Taala ti pemadu bekuasa, ti endang meruan, olih JesusKristus Anak nuan Tuhan kami:Laban iya endang Jako nuan ti idup; olih iya nuan udah ngaga samoa utai kenyau ari mula iya kalia, lalu ngaga kami baka nuan empu.


Olih iya, nuan udah ngelepas ka kami ari tanggam dosa, nuan udah ngasoh iya ada nyadi mensia lalu mati ba kayu regang; nuan udah ngangkat ka iya idup baru ari mati lalu ngemesai ka iya dudok puak kanan nuan di tempat ti tinggi. Olih iya, nuan udah ngirum ka kami Roh ti tuchi ti meri pengidup, lalu ngaga kami nyadi anembiak pesaka nuan empu. Nya alai sereta enggau malikat enggau pengulu malikat enggau samoa bala serega, kami ngemesai ka nama nuan ti besai, ti bemulia, lalu berari muji nuan, ko kami:


SAMOA : Kudus, kudus, kudus Tuhan, Allah Taala ti pengering ti bekuasa, Serega enggau bumi penoh olih mulia nuan, Hosanna dalam endor ti pemadu tinggi. (GENTERAN tu tau mega dikena) Beberekat iya ti datai dalam nama Tuhan, Hosanna dalam endor ti pemadu tinggi.


BESUGANG

Padri

: Dinga ka kami, Apai ti di serega, olih Anak nuan Jesus Kristus Tuhan kami lalu olih iya sambut piring puji kami tu; asoh, olih kuasa Roh Kudus nuan, awak ka roti enggau ai anggor ti diberi kami tu, tau nyadi ba kami tuboh enggau darah iya.Laban malam katungkah iya mati diregang, iya ngambi roti; udah iya meri puji iya mechah ka roti nya, lalu bedua ka murid iya, ko iya: Sambut pakai; tu Tuboh aku ti diberi ka kita. Gaga tu kena ngingat ka aku.


Baka nya mega, udah tembu makai iya ngambi mangkok, lalu udah iya meri puji, iya nyua ka sida, ko iya: Irup tu kita samoa; laban tu Darah aku, darah penyanggup baru ti pansut ngidup ka kita enggau orang maioh, kena ngampun dosa: Gaga tu genap kali kita ngirup iya,kena ngingat ka aku.SAMOA : Kristus udah mati. Kristus udah angkat idup baru. Kristus deka datai baru.


Padri

: Nya alai Tuhan, Apai kami ti di serega, ngingat ka Kristus ti mati sekali ba kayu regang, ka pengangkat iya ari mati, ka pemulai iya ka serega, sereta nganti penatai perintah iya, kami ngaga ngena roti enggau mangkok tu, pengingat Kristus Anak nuan Tuhan kami. Sambut olih iya piring pengawa tu ti patut dikereja kami, lalu leboh kami makai sereta ngirup pemberi kudus tu di moa nuan, beri kami pengasih enggau beberkat ari serega; tupi kami ngena tuboh enggau darah Anak


nuan, awak ka kami tau mansang sabaka enggau iya, lalu digaga nyadi siti olih Roh nuan, lalu nyadi kaaba ti idup, awak pulai ka mulia nuan. Olih Jesus Kristus Tuhan kami, olih iya, sama enggau iya, sereta dalam iya lalu sama saum dalam Roh Kudus, samoa basa enggau mulia endang diberi soh nuan, Apai ti pemadu bekuasa, ari samoa utai di bumi enggau di serega ti bediri di moa nuan, diatu lalu datai ka belama-lama iya. SAMOA : Amin.





Padri

: Apai, kami meri nuan terima kasih enggau puji olih Jesus Kristus Anak ti dikarindu nuan, laban iya endang Jako nuan ti idup, lalu olih iya nuan udah ngaga samoa utai; iya udah diasoh datai olih pemanah nuan, nyadi Penebus kami;Olih kuasa Roh Kudus iya nyadi mensia, lalu laban iya Anak nuan, diada ka Maria Dara Tuchi, iya pegari dalam dunya tu lalu diau begulai enggau mensia.


Iya entepa ka jari ka kami ba kayu regang; iya ngalah ka pemati olih iya ti mati ka kami, lalu mandang ka pengangkat ari mati olih iya ti pulai idup baru; nya alai iya ngamat ka peneka nuan lalu ngulih ka nuan raban orang ti kudus. (JAKO PENULU nitih ka hari tauka musin) Nya alai sereta enggau malikat enggau pengulu malikat enggau samoa bala serega, kami ngemesai ka nama nuan ti besai, ti bemulia, lalu berari muji nuan, ko kami:


SAMOA : Kudus, kudus, kudus Tuhan, Allah Taala ti pengering ti bekuasa. Serega enggau bumi penoh olih mulia nuan, Hosanna dalam endor ti pemadu tinggi.(GENTERAN tu tau mega di kena) Beberekat iya ti datai dalam nama Tuhan, Hosanna dalam endor ti pemadu ti tinggi.


BESUGANG Padri : Tuhan, nuan endang kudus, ti pun penatai pengudus, asoh, olih kuasa Roh Kudus nuan sereta nitih ka peneka nuan, awak ka roti enggau ai anggor tu tau nyadi ba kami, tuboh enggau darah Anak nuan Jesus Kristus Tuhan kami. Laban malam katungkah iya mati diregang, iya ngambi roti; udah iya meri puji iya mechah ka roti nya, lalu bedua ka murid iya, ko iya: Sambut, pakai; tu Tuboh aku ti diberi ka kita. Gaga tu kena ngingat ka aku.


Baka nya mega, udah tembu makai iya ngambi mangkok, lalu udah iya meri puji, iya nyua ka sida, ko iya: Irup tu kita samoa: laban tu Darah aku, darah penyanggup baru ti pansut ngidup ka kita enggau orang maioh, kena ngampun dosa: Gaga tu genap kali kita ngirup iya, kena ngingat ka aku.

SAMOA : Kristus udah mati; Kristus udah angkat idup baru; Kristus deka datai baru.


Padri : Nya alai Apai, ngingat ka pemati iya ba kayu regang, ka piring iya ti chukup ti sakali aja dikena muai dosa mensia, sereta andal ka pengangkat iya ari mati enggau pemulai iya ka serega ti bemulia, sereta mega nganti penatai iya baru dalam mulia, kami mela tu ka pengingat iya ti nebus kami; kami meri besai terima kasih ka nuan ti udah nerima kami bediri di moa nuan lalu betuai ka nuan; kami ngadap nuan ngena roti enggau mangkok tu; Kami besampi minta nuan nerima pengawa tu ti endang patut dikereja kami, iya nya piring puji enggau terima kasih;


Asoh datai Roh Kudus datas anembiak nuan lalu gempong samoa kami ti bebagi ka roti lalu ngirup ari mangkok siti tu, awak ka kami, enggau samoa orang tuchi, tau muji lalu ngemesai ka mulia nuan belamalama, olih iya ti pun samoa pemanah, Jesus Kristus Tuhan kami; Olih iya, sama enggau iya, sereta dalam iya, lalu sama saum enggau Roh Kudus mega samoa basa enggau mulia diberi soh nuan, Apai ti pemadu bekuasa, datai; ka belama-lama iya.

SAMOA : Amen.





Padri

: Endang ngena, endang patut kitai enggau ati andal di sebarang maia, di sebarang endor, meri terima kasih enggau puji soh nuan. Apai ti kudus, Rajah menoa serega, Allah Taala ti pemadu bekuasa, ti endang meruan, ti ngaga serega enggau bumi, olih Jesus Kristus Anak nuan Tuhan kami: (JAKO PENULU nitih ka hari tauka musin) Laban iya endang imam besai ti bendar, ti udah ngelepas ka kami ari dosa lalu udah ngaga kami nyadi bala imam nuan empu, ti Petara ti Apai kami.


Nya alai serta enggau malikat enggau pengulu malikat enggau samoa bala serega, kami ngemesai ka nama nuan ti besai, ti bemulia, lalu berari muji nuan, ko kami:

SAMOA : Kudus, kudus, kudus Tuhan, Allah Taala ti pengering ti bekuasa, Serega enggau bumi penoh olih mulia nuan, Hosanna dalam endor ti pemadu tinggi.(GENTERAN tu tau mega dikena) Beberekat iya ti datai dalam nama Tuhan, Hosanna dalam endor ti pemadu tinggi.


Padri : Samoa mulia ka nuan, Apai kami ti di serega: laban dalam pengasih nuan, nuan meri Anak Tunggal nuan Jesus Kristus mati merinsa ba kayu regang awak ka nebus kami; lalu dia mega iya nimbang dosa samoa mensia, sereta meri diri nyadi piring sekali aja; iya ngeletak, lalu dalam injil kudus iya ngasoh kami meruan nampong pengingat pasal pemati iya ti berega nyentok ka iya datai baru.


Apai ti kasih, dinga ka kami tu ti minta enggau ati baroh, lalu asoh, olih kuasa Roh Kudus nuan, samoa kami ti nyambut pemberi tu ti datai ari utai ti digaga nuan, roti enggau ai anggor tu, nitih ka letak Anak nuan Jesus Kristus ti Penebus kami, dikena ngingat ka pemarinsa pemati iya, tau sama ensepi tuboh enggau darah iya ti kudus. Laban malam katungkah iya mati diregang, iya ngambi roti; udah iya meri puji iya mechah roti nya, lalu bedua ka murid iya, ko iya: Sambut, pakai; tu Tuboh aku ti diberi ka kita. Gaga tu kena ngingat ka aku.


Baka nya mega, udah tembu makai iya ngambi mangkok, lalu udah iya meri puji, iya nyua ka sida, ko iya: Irup tu kita samoa laban tu Darah aku, darah penyanggup baru ti pansut ngidup ka kita enggau orang maioh, kena ngampun dosa: Gaga tu genap kali kita ngirup iya, kena ngingat ka aku. SAMOA : Kristus udah mati: Kristus udah angkat idup baru: Kristus deka datai baru.


Padri

: Nya alai, Tuhan, Apai kami ti di serega, ti kena ngingat ka pemarinsa enggau pemati Anak nuan Jesus Kristus ka iya ti udah angkat pulai idup baru ari mati lalu pulai ka serega enggau mulia, kami meri soh nuan, olih iya, piring puji enggau terima kasih. Olih pemanah kereja enggau pemati iya, olih kami ti arap ka darah iya, beri kami, sampal enggau samoa raban Eklisia nuan, tau nyambut pengampun dosa kami sereta enggau samoa penguntong bukai ti olih ari pemerinsa iya. Taja kami amat enda patut,


kategal pemaioh dosa kami, meri sebarang piring soh nuan, tang kami besampi minta nuan nyambut piring kami tu, iya nya pengawa ti endang patut dikereja kami soh nuan; anang ngira pemanah kereja kami, tang ampun samoa dosa kami, lalu beri ka samoa kami ti bisi bagi dalam sakramen kudus tu, berekat nuan ari serega. Olih Jesus Kristus Tuhan kami, olih iya, sama enggau iya, sereta dalam iya, lalu sama saum dalam Roh Kudus, samoa basa enggau mulia diberi soh nuan, Apai ti pemadu bekuasa, diatu lalu datai ka belama-lama iya.

Samoa : Amin.

NYAMBUT SAKRAMEN

NYAMBUT SAKRAMENMECHAH KA ROTI, MERI ROTI ENGGAU AI ANGGOR

Padri

: Laban Penebus kitai, udah ngajar kitai, nya alai kitai nyebut.

Samoa : Apai kami di serega; Kudus meh nama nuan, Datai meh perintah nuan, Jadi meh Peneka nuan, Baka dalam serega baka nya dalam bumi. Beri ka kami pengidup tiap hari, Ampun penyalah kami baka kami ngampun orang ti salah ngelaban kami. Intu kami ari penguji. Lepas ka kami ari penyai. Kera, nuan ti bempu perintah enggau kuasa, enggau mulia, datai ka belama-lama iya. Amin.

NYAMBUT SAKRAMEN

Padri mechah ka Roti lalu nyebut: Kitai mechah ka Roti tu, awak ka bisi bagi dalam tuboh Kristus. SAMOA : Taja kitai maioh, kitai endang setuboh, laban kitai sama bebagi ka roti siti.SAMOA : Anak Domba Allah Taala, nuan ti muai dosa mensia; kasih ka kami. Anak Domba Allah Taala, nuan ti muai dosa mensia; kasih ka kami. Anak Domba Allah Taala, nuan ti muai dosa mensia; beri ka kami selamat nuan. TAUKA

NYAMBUT SAKRAMEN

SAMOA: Jesus, Anak Domba Allah Taala, kasih ka kami. Jesus, ti nanggong dosa kami, kasih ka kami. Jesus, ti Penebus dunya; beri ka kami selamat nuan.Padri : Datai kitu enggau pengarap. Sambut Tuboh Jesus Kristus Tuhan kitai ti di beri iya ka kita, enggau Darah iya ti di pansut iya ka kita. Pakai enggau irup ka pengingat iya ti mati kategal kita, lalu sambut iya dalam ati kita enggau pengarap serta lalu meri puji.

NYAMBUT SAKRAMEN

Sakramen di sadong ka samoa orang ti mela Mass sama enggau orang maioh. Tuboh enggau Darah Kristus ngintu nuan dalam pengidup meruan TAUKA Tuboh enggau Darah Kristus.

Tiap iko orang ti nyambut Sakramen nyebut: Amin. Pantun leboh nyambut tau dinyanyi.

SAMPI UDAH NYAMBUTApai kami ti di serga, ti udah milih Maria Dara Tuchi nyadi ka indai Pengelepas ti disemaya Nuan: Beri ka kami ti anembiak Nuan berkat Nuan, awak ka kami tau nitih peneka Nuan ti kudus dalam semua pengawa kami, lalu sama enggau iya, gaga ati ka selamat Nuan; olih Jesus Kristus Tuhan kami. Amin

UDAH NYAMBUT SAKRAMEN

UDAH NYAMBUT SAKRAMENPANTUN TAUKA JAKO (SAMPI) BUKAI

Padri

: Apai samoa kami, kami muji lalu meri terima kasih soh nuan, laban leboh kami agi jauh, nuan ngambat kami dalam Anak nuan lalu mai kami pulai ngayan ka pengerindu nuan, meri kami berekat; sereta nukang ka pintu mulia nuan. Asoh kami ti udah ngasai ka Tuboh Kristus idup nitih ka pengidup iya ti udah angkat idup baru ari mati; asoh kami ti udah ngirup ari mangkok iya meri pengidup soh orang bukai, asoh kami ti udah diterang ka olih Roh Kudus meri penerang ka orang bukai.

UDAH NYAMBUT SAKRAMEN

Padri : Asoh kami ti udah diterang ka olih Roh Kudus meri penerang ka orang bukai. Asoh kami meruan tetap dalam pengarap ti udah ditaga nuan ka kami, awak ka kami enggau samoa anak nuan tau bulih pengelepas, lalu samoa mensia deka idup muji nama nuan, olih Kristus Tuhan kami.

SAMOA: Amin.

SAMPI PUJI

SAMPI PUJISAMOA : Tuhan Allah ti pemadu bekuasa, kami udah meri puji ka nuan ngenang pemanah nuan ti udah nupi kami enggau tuboh enggau darah Anak nuan Jesus Kristus. Olih iya, kami ngenjok ka nuan samengat enggau tuboh kami nyadi piring ti idup. Asoh kami ngena kuasa Roh nuan ngambi ka kami tau idup lalu bekereja pulai ka puji enggau mulia nuan. Amin.

JAKO DIKENA NGASOH ORANG PULAIBerekat ti tau dikena nitih ka musin.

Padri

: Selamat Allah Taala ti ngelui peragam mensia, ngintu ati enggau runding kita dalam penemu enggau pengerindu Allah Taala enggau Anak iya Jesus Kristus Tuhan kitai; lalu berekat Allah Taala ti pemadu bekuasa, Apai, Anak enggau Roh Kudus, diau enggau kita, meruan enggau kita berari-ari.

SAMOA : Amin.

Padri

: Pulai kita dalam selamat, rindu lalu betuai ka Allah Taala.

SAMOA : Dalam nama Kristus. Amin TAUKA Padri : Pulai kita dalam selamat Kristus.

SAMOA : Puji ka Allah Taala. Berengkah ari Hari Easter nyentok ka Hari Pentikos alleluya alleluya tau disebut ba ujong jako dua iti datas tu.

PANTUN KATERUBAH

NUAN MEH TUHAN KU

NUAN MEH TUHAN KU NUAN MEH RAJA KU NUAN MEH TI DIMULIA DI DUNYA ENGAU DI SERGA

1/2

PANTUN KATERUBAH

TUCHI MEH KUDUSKU NYEMBAH NUAN TUHAN KU NYEMBAH NUAN TUHAN KU MUJI NGEMESAIKA NAMA NUAN

KU NYEMBAH NUAN TUHAN KU NYEMBAH NUAN TUHAN KU MUJI NGEMESAIKA NAMA NUAN***************************

2/2

Documents

February 29th, 2012 - Iban Lent Mass