FACT SHEET KWAJALEIN TANK FARM SITE CLEANUP

1.0 MELELE KO IMAAN Ilo September 2009 eo, ar walok juon lutok eo ejidrimkij kin jonan in 2,065 gallon in diesel jen iumin juon iaan aboveground storage tank ko rej bed ilo fuel farm eo ion Kwajalein. Ebar wor tarin taujin bar gallon ko rar lutok ekkar non record ko jen 2010 im 2011 eo jen bar ruo tank in JP-5 jet fuel. Bareinwot, ewor lomnak ko ke ear bar komon bar lutok ko ilo ikotaan yio kein 1950 eo non 2000 kein, ijoke ejjelok ilo record.

Tank Farm eo ion Kwajalein

Emen ne (4 feet) lal lok, ewor aiboj lal in ijin. Ijin ej mottan jikin jerbal ko ilo enne in; imon jokwe eo ebake tata ej bed 1 mile etolok. Aiboj eo ijin ejjab jerbal non idrak, ijoke jidrik in aiboj in emaron in lutoklok non ilojet. Lale jikin ko emoj jino komon jerbal in etale ko ilo pija ne ilal.

Jikin ko emoj aer jino komoni jerbal in etale ko noni

2.0 JOKJOKIN IM JONAN BAIJIN EO IJIN Jerbal in etale ko me rar komon jen 2010 non 2012 eo rar kwalok ke ijin ebaijin kin fuel. Wawein eo rar jela ke ijin ebaijin ar alikkar ilo aer kar aini im etale sample ko rar boki jen bwidrej im dren eo iumin lal jimor. Ewor jilu (3) jikin ko rebaijin einwot an alikkar ilo pija in ilal.

Mottan baijin eo elap rar loe jen sample in bwidrej im dren eo ej petroleum hydrocarbons (gasoline [GRO] im diesel [DRO] compounds), im ko redriklok ej volatile organic compounds im polycyclic aromatic hydrocarbons. Hydrocarbon kein ej bed wot ion aiboj lal eo ijin kin jonan mijel in 0.2 ne.

Enanin aolepen bwidrej ko rej bed ijoko rejjab mulal ilo nabojin ijo ar komon lutok eo ejidrimkij, edrik baijin eo ie jen bwidrej ko rej iturin wot groundwater eo. Elikin jet ien, kin makitkit in no ak ilo ien an ibwij tok im bat ilo groundwater eo, ekomon bwe en ajeded fuel eo im komon bwe fuel eo en drebdreb wot ilo bwidrej eo.

Jikin eo emoj lemnake non karreoiki, einwot an alikkar ilo pija in ilal, ej ijo elaptata an baijin ekkar non jerbal in etale ko rar boki jen bwidrej im dren eo jimor. Ijin ej main area eo ilo tank farm en.

Jonan baijin ko ilo bwidrej ilo jikin kein jilu

3.0 BUNTAN KO NON KARREOIKI IJIN Mokta jen an ijjino jerbal in karreoik ijin, ej aikuj jako fuel eo ej ebebe ilo groundwater eo (aiboj lal). Wawein komakit fuel in enaj komon ilo juon wawein jerbal eo naetan enhanced aerobic bioremediation. Jokjok in jerbal in enaj komon bwe en drik jorran ko remaron in walok non lojet.

Bar juon jokjok ak wawein jerbal naetan natural attenuation (ak kejebel lok hydrocarbon ko ilo fuel eo) ej aikuj bwe en wor wot bacteria, oon, oxygen im molawi. Ekkar non data ko rar aini ilo jerbal in etale ko, ar alikkar ke eban maron in komon jerbal in natural attenuation in ijin bwe ejjabwe oon im oxygen eo ijin non an bacteria maron in boki hydrocarbon ko.

Ijoke, elane enaj laplok oon im oxygen eo ilo groundwater eo ijin, enaj make emakit hydrocarbon ko jen bwidrej eo im dren eo. Toor in boka im ibwepw in no renaj bar jiban ilo aer komakit hydrocarbon kein jen fuel eo ilo bwidrej in ijin.

Pijan an naj komon jerbal eo kin fuel bioremediation system

Naj pump e tok groundwater eo jen injection well ko ilo jokjok eo me enaj bobrae komon jorran ko non malo im lojet. Elikin, naj ilik oon im oxygen ilo groundwater in, im bar korol e lok non injection well ko ilo tank farm in. Wawein in enaj komon bwe en driklok ad kubwiji bwidrej eo, kadriklok komon kobej, kadriklok kejerbal energy, im boki baijin ko jen ijin.

4.0 ETALE IM WAWEIN JERBAL EO NAJ KOMON IJIN

Naj lale im etale wot jonan oon im oxygen lelok ilo tore eo ej ijino (ak start-up eo an) system in. Jonok kein naj lelok ilo jonan ko rekkar im jejjot non an bacteria kein maron in rube ak kejebel hydrocarbon ko ilo fuel eo,

Jonok kein renaj etali wot ilo aolepen ien operation eo an system in non lali naat eo ekkar im jejjot non jino jerbal in karreo eo. Kotobar ko non karreoiki dren eo ijin enaj alikkar tok im ekejel wot ilo kakien ko ilo USAKA UES eo (U.S. Army Kwajalein Atoll Environmental Standards), im Pacific Basin Environmental Screening Levels ko.

Army ej lemnak in jino jerbal in karreo kein ilo 2013.

5.0 JIKIN BOK MELELE KO JET Pepa in, Draft Document of Environmental Protection, January 2013, edredrelok non an jabdrewot komon ak kwalok an lemnak kake. USAKA enaj eoron lemnak ko an jabdrewot, im bareinwot lelok ien non an Republic of the Marshall Islands Environmental Protection Agency (RMIEPA), U.S Environmental Protection Agency (US EPA), U.S. Fish & Wildlife Service, U.S. National Marine Fisheries Service, im U.S. Army Corps of Engineers kwalok aer lemnak. Pepa in ej bed ilo jikin kein:

U.S. Army Kwajalein Atoll Grace Sherwood Public Library (ion Kwajalein)

U.S. Army Kwajalein Atoll Roi-Namur Library (ion Roi-Namur)

Republic of the Marshall Islands Environmental Protection Authority Office (ion Majuro)

Republic of the Marshall Islands Environmental Protection Authority Office (ion Ebeye)

Ro ewor aer internet remaron in downloadi pepa im melele kein ikijeen jerbal in karreo kein jen website in www.usakacleanup.info.

Kir lok telephone eo an USAKA Public Affairs Office ilo (805) 355-1404 kin kajitok ko ikijeen jerbal kein.Barienwot, kwo maron in jeiki lok lemnak ak kajitok ko am ikijeen jerbal kein ilo Draft Document of Environmental Protection (DEP-12-001.0) non Kwajalein Tank Farm Site ilo juon wot iaan wawein kein jilu:

1) ilo website in, www.usakacleanup.info, iumin Additional Documents

2) ilo email non address in, comments@usakacleanup.info, ak

3) ilo mail non WHPacific, Inc.; Attn: Kwajalein Tank Farm Remediation Plan Comments; APO, AP 96555.

Aolep comment ko rej aikuj in tobrak tok ilo May 27, 2013.