1December 2016

A chhunga thu awmte 1. Editorial ....................................................................................................... 2 2. Remna Lal a piang ................................................................................... 3 3. Mipa leh prostrate natna ....................................................................... 7 4. Damlo enkawl kawnga hriat tur \ul zualte ...................................11 5. Damdawi inchawh chawp ..................................................................16 6. Pumpui damdawi ei dan .....................................................................18 7. I mei zuk kha ............................................................................................20 8. Thingtlanga awm hreh suh ................................................................23 9. Dengue natna chungchanga thu chhuah ....................................27 10. Hmangchang ...........................................................................................29 11. Zawhna & chhanna ...............................................................................31 12. I ei leh in i uluk tawk em? ....................................................................33 13. Hritlang (Common Cold) .....................................................................37 14. Theitui leh damdawi ei pawlh chungchang.................................39 15. Cholesterol level tihhniam dan .........................................................44 16. Hmar special ............................................................................................46 17. Keimahni ...................................................................................................47

Editorial Board : Editor-in-chief : Dr. K. Ropari, Principal Director, H&FWEditors : 1) Dr. Rohmingthanga Ralte, Director, HS 2) Director, HMENews Editor : Pu C. Lalmuankima, SMEMO : 2322498 (O)

Members : Dr. F. Lallianhlira, Jt. Director (P), DHS Dr. T. Lalhmangaihi, Jt. Director (E), DHME Dr. Zonunsiama, Consultant, DHME Dr. Robert Khawlhring, SNO (Mental Health) Asst. Editors : Pu C. Lalthanchhunga, BEE : 9 8 6 2 7 9 1 8 1 4 (M) Pu M.S. Dawngkima Ralte, AE : 9436199510 (M)Cir. Manager : Pu Rodingliana, BEE : 9 8 6 2 3 7 3 9 1 1 (M)Asst. Cir. Manager : Pu Lalengzuala, Projectionist : 8 0 1 4 0 0 9 2 7 2 (M)

2 Hriselna

Editorial Kan hma lawkah hian hunpui kan lo thleng leh dawn ta a, hetiang hunah hian a bikin \halai te kan inti thawvengin kan nun kan uluk lo \hin a, ‘Hun pui thlen manah’ tiin kan nun kan thlahdah fo \hin a, ruihtheih thil leh mipat hmeichhiatna kan hmang nasa in Kristmas hnu thla thum velah a result a lo lang fo \hin a ni. Hei aia pawi zawk chu tih dam theih loh natna kan paw chhuah ang tih mawlh mai hi a ni.

Kan hriat \heuh angin India ramah Mizoram hi AIDS vei tam lamah a pahnihna kan ni der tawh a. Kum 2015-2016 chhung ringawt hian HIV hrik pai mi 1025 ngawt zuk awm a! Kan inkaina tlanglawn ber lah chu sex a ni tlat bawk si.....

Hun pui kan han thleng chiah anga, tleirawl rual he hunpui lawma nun thlahdah tak tak kan tam leh dawn tih a hriat reng mai si a. Hetiang renga HIV hrik pai kan pun chak chuan kan ram hi he hrik \ihbaiawm tak avang hian kan la pul puk puk lovang tih sawi theih a ni ta lo. A hrechiang ten an sawi danin tunlai hmeichhe tleirawl (School naupang) hian zu rim na lo chi VODKA an in nasa an tih tlat pek chu. Hei hian sex lamah pawisak neih lohna a thlenin hmun ualau tak taka sex hman a ti hluar hle niin an sawi.

Hemi kawngah hian nu leh pa kan \hanharh a hun ta tak tak niin a lang. In chhung khura naupang chhe tala an tal lai hian kan fate pawnlam nun hi a dahlau viau thei tlat. “A nu, A pa” ti a, min kuah min kuah lai hian an \hiante leh ngaihzawng te bulah chuan an lo naupang chhia tawh lo fo \hin. Chuvangin, pawn lama an khawsak duh dan te, an \hian kawm te leh an hun hman dan hi kan theih ang tawka kan chik ruk an ngai tak zet tawh a ni.

Kan hma lawka hunpui lo awm tur hi kan fate leh keini ngei pawh hian thianghlim taka kan hmana, kan hmachhawn theih nan inbuatsaih thar leh ila, nakin hnua inchhirna min thlentu thil pawi tihna hun atana hmang lovin a tha lam kawnga hriatreng tlang hunpuiah i chantir \heuh ang u.

3December 2016

REMNA LAL A PIANG- Upa K. Saibela

Kan tan naupang a lo piang a, Fapa min pe ta a. A kokiah sorkarna a innghat a, a hmingah chuan : Maka, Remruattua, Chatuan Pa, Remna lal an ti ang. A sorkarna a nghet tulh tulh ang a, a ram chhungah remna in tawpintai a nei lovang. - Isaia 9 : 6,7 (lehlin

thar).

Krismas a lo hnai ta hle mai. A mas neitu Krista (Isua), Pathian, mihringa lo chan chhan hi i lo zir thar leh teh ang u.

Isua Krista hi December thla tawp lama huau huau buatsaihtu (organiser) ni turin em ni a lo pian? Ruai leh hlimhlawp siama thawmhnaw thar leh halpuah buaipui tur te, ruih theih thil ti hluar tur te in em ni van a\anga a lo chhuk? A nih loh leh sumdawng ten sum ringawt an lungkhamna hunpui, kum tina her chhuak \hin tur tein em ni a nu Mari hian a hrin? Ni teh suh e! Isua hi Remna Chanchin |ha thlen turin a ni a lo kal ni. Krismas hman tum zawng zawngin chu remna Chanchin |ha chu hetiang zawng hian hmelhriat i tum teh ang u.

1. Pathian leh mihring

inremna: Mihringin Pathian dan a bawhchhia a, Pathian nen an inrem ta lo. Mihringin Pathian anchhia, thihna anchhia ngei chu a lo dawng ta. Hei hi thawnthu hlui tham ral ta mai mai a ni hauh lo va. Thawnthu hlui thar reng a ni. Tunah pawh Pathian dan i bawhchhiat chuan Pathian hmelma, sual bawiha t^ng, anchhe dawng i la ni tho. Pathian nen in inrem lo a ni. Chuvangin, Pathian leh mihring an inrem leh theihna turin amah Pathian ngei chuan a fapa mal neih chhun khawvelah a rawn tir a. Chu a fapa mal neih chhun Isua chu a ring apiangte tan Pathian nena kan inremna a ni. Pathian nen in inrem tawh em? Isua Kristaah Pathian nen kan la inrem ve lo a nih chuan Krismas

4 Hriselna

tak kan la hmang ve thei lo tihna a ni.

2. Mihring leh mihring inremna: Remna lal lo piang hi Pathian leh mihring inremna mai ni lovin, mihring leh mihring inremna atana lo piang a ni bawk tih hi hriatna nunga kan hriat a pawimawh. A lo pian zanah van mipui te chuan, “Lei chunga a lawm em em mihringte zingah rem leng se,” an rawn ti a nih kha. Nupa inrem lo te kan awm em? Engemaw avanga thenawmte nena in tei thei mang lo kan kan awm em? Politics avanga huat nei kan awm em? Rawngbawl-tute pawh, mahni rawngbawl-puite zinga mi, itsik leh inhuphurhna avanga ngaih theih loh ruk neite kan awm em le? A hawtu leh rem thei lotu nih hi a ruka hahna a ni a, a lan chhuah chinah phei chuan buaina a ni. A nih loh leh Krismas hman tum zingah mahni leh mahni inrem thei lo kan awm em? “Mahni leh mahni te chu a inrem loh theih ngai em ni?” i ti rilru mai thei. Theih teh reng mai. Tirhkoh Paula meuh pawhin, “Ka thiltih \hin hi ka thil tih duhzawng a

ni si lo, ka thil huatzawng tak chu ka ti zawk thin,” a ti a. Nu pakhat thinchhe deuh pawh hian, an tia lawm, “Awi! Ka thinchhe lutuk hi ka ning,” a ti ngawih ngawih mai a ni. Nupa kar emaw mi dangte nena kan inkar emaw, mahni leh mahni emaw a rem lohna khawvelah hian rem lentir turin Remna Lal a lo piang ta a ni. Kan inrem lohna zawng zawng paihin, hlim takin Krismas i hmang ang u. “Krista chu kan inremna a ni.” (Ephesi 2 :14)

3. Mihring leh thil siam dang te nena inremna: Zawlnei Isaia’n Remna Lal lo pian huna thil awm dan tur a lo sawi dan chuan, “Hnute hne laite chu chawngkawr kaw bulah an tualchai ang a, hnute hnek bang hlim ten rul ngan tawmkukah kut an dah ang. Ka tlang thianghlimah reng reng chuan tumah an in tina tawh lovang,” a ti a. (Is 11 : 8,9). Rom 8 : 9, 20 - ah thilsiam ten pathian fate lo lan hun an nghahhlelh thu leh Pathian fate zalenna an tawmpui tur chu kan hmu. Ephesi 1 : 9, 10 -ah Pathian chatuan thil tum

5December 2016

ril leh thuk a sawinaah chuan, “Engkim vana thil awm te, lei chunga thil awmte Kristaa fawk khawm hi a ni,” a ti bawk. Hengte hian Remna Lal rorelna hnuaia mihring leh thil siam dangte inrem tur thu a sawi niin a lang. A va ropui em! Ran te leh ramsa te chunga Kristiante ngilneih turzia leh, chungte chuan mihring an nel turzia sawina a nih loh chuan eng tihna nge ni ta ang le? Ran leh ramsate chauh pawh ni lo, nungcha zawng zawng leh thil siam dang, thing leh mau, thil to dangte leh an \ona leilung thlenga mihringte nen an inkungkaih dan tur a sawina a ni. Nu hovin an ar zinga mi ar an en dan tur te, pa hovin zawhte sarep an um dan tur chenin Remna lal lo piang hian a huap pha vek a ni. Hengte hre chung hian ‘mas’ hi kan hmang tur a ni dawn lawm ni?

4. Thilsiam leh thialsiam te inremna: Zawlnei Isaia vek hian Remna Lal lo pian huna thil awm dan tur a sawi tel chu, bung 11:6, 7-ah, “Chinghniate chu beram zingah an cheng ang a, keite leh kel an bawk dun ang.

Bawng no leh sakeibaknei no chu ran no chum nen an awm ho ang a, naupang tein a hruai duah duah ang. Bawng-pui leh savawm an tla dun ang a, an note pawh an bawk za dial dial ang,” tih a ni. A mak dawn teh e. Vanram thlen hun tur sawinaah puh dawn ila, vanramah ran leh ramsa an awm thu sawina Bible-ah kan hmu si lo va. Hei hian he kan chenna khawvelah ngei ran leh ramsa te, ran leh ran te, ramsa leh ramsa te an inrem hun tur, sanghar, arla te leh arpui no hruaite an in - good morning - na hun tur, ui leh kel an in - how are you - na hun tur sawina a nih loh chuan puh tur dang a vang ngawt ang. A mak lo ve, Remna Lal a piang ta!

Aw le, Remna Lal lo piangin Remna Chanchin |ha a rawn thlen dan kawng li, Pathian leh mihring inremna te, mihring leh mihring inremna te, mihring leh thilsiam dangte inremna te leh, thilsiam leh thilsiamte inremna te a ni tih kan han sawi ta a. Krismas hmang tura inbuatsaihnaah leh Krismas kan hmannaah, a behbawm thil dang zawng aiin,

6 Hriselna

kan han sawi tak remnate hi a laimu leh a bupui thuk phumah i hmang ang u kan tihna a ni a. Kan zavaia kan hriat sa, kan theihnghilh hauh loh tur chu, Pathian thil tum tihlawhtling tur hian mihring lam chan, beihna leh tumna tel lo chuan a tak ram a thlen theih loh tih hi a ni. Mi \henkhatin an \hahnemngaih luatah, mi a pian thar chuan Thlarau Thianghlimin Pathian thil tum chu mihring tumna leh beihna tel lovin, amaha rawn thawk chhuak mai angin an sawi \hin. A pawi khawp mai. Thlarau Thianghlim chuan a pui a ni tih hi kan Bible zirtir dan zik tluak tak a chu a ni. Remna Lal a lo pian avangin Thlarau zarah inrem theih a ni. Mi rem te, mi itsik loh te, mi pawi sawi loh te, inrem lote

an inrem theihna tur te hian a tuma tum te, a beiha beih te a ngai a. Chutah pawh chuan beih satliah leh tum satliah mai chu a hlawhtlinna a la ni lo. Tihtak zeta \awng\aina nena \an lak a ngai. Chutianga kan tih hnuah Thlarau Thianghllim thiltihtheihna a lo che ang a, kan hlawhtling ang. Bethle-hemah Remna Lal hi piang teh meuh mah se, mihringin remna hawi zawnga ke a pen loh chuan eng tihna mah a ni lovang. Remna Lal a piang ta, Lal Krista chu. Amen.

(Meichher 2003, December issue atanga lak a ni.)

@ CHAWIMAWI hlawh tak Sir Isaac Neuton-a (1642-1727) kha British Parliament-ah term hnih ngawt a awm a, House Commons-a kum hnih a awm chhung khan vawi khat chiah a \awng ve a, chuta a \awng chhuah chhun pawh chu gallery-a \hu mi pakhat hnena tukverh hawng tura a ngenna te mai zuk nia.

@ Mihring puitlingah hian thling (Bone marrow) 2.5 kg vel a awm a, hengte hi ruh chhungah awmin taksaa thisen siamtu ber a ni.

7December 2016

MIPA LEH PROSTRATE NATNADr. ARV Pillai (AYUSH ) MPS ( RTD )

Khatla , AizawlMob. - 9436372750

Hmanni lawkah ka thawhpuipa pakhat in min rawn phone a. Khawsik sang tak a neih thu leh zun a harsat thu min rawn

hrilh a. Na chhawkna leh antibiotic \henkhat te a ei hnu pawhin a na a reh thei chuang lo va.

Doctor hnena inentir vat turin thu r^wn ka lo pe a. A va in entir chuan, a daktor chuan test \henkhat te lo la in DRE (Digital Rectal Exa-mination) te a lo lak sak a. Hei hi a prostrate gland a vun leh vun lo enna awlsam tak a ni a. test-te an zawh hnu chuan damdawi \henkhat te pein a daktor chuan ni eng emaw zat chawl turin a ti a. Two-wheeler/Bike khalh hrih lo turin a ti bawk a. A inentirna chanchin min hrilh chhawn chuan acute prostrate enlarge-ment a nei tih ka lo hrilh a, a hmaa a la tawn ngai loh avangin a lo la hre ngai lo va.

A hmasa bera ka sawi duh chu, mi kum 40 a lo tlin hian prostrate hi a \hang \an ta \hin a. Kum 50 pelh hnuah phei chuan, mipa zinga 50% te hian

prostrate na an nei \hin. Kum 60 an tlin phei chuan, 60% vel hian prostrate na nei angin an chhut chhuak a. Khawvel puma mipa zingah prostrate cancer vei mi 2,30,000 lai hmuhchhuah thar ziah anga chhut a ni. Chung zingah chuan mi 30,000 velin an thihpui \hin.

Eng nge prostrate chu: Prostrate chu mipa chauhin an nei a. Sex organ an tih te zinga tel a ni. “Man gland”-te pawh an ti a. Grep bawr leih a ang ber a. Small gland an tih mai ‘acin’ 20 a\anga 60 awm khawm a ni. Inches chanve a\anga inches khat vela sei a ni a, gram 10-15 vela rit a ni. Khawkherh pianzia ang deuh nei a ni a. Pyramid ang deuh, phing leh urine pipe bula awm a ni a. Urine pipe a tuam a ni. Mipa chi chhuahna pipe hi

8 Hriselna

prostrate gland-ah a kaltlang a, urine pipe (zun lo chhuahna) a zawm a ni. Prostrate gland a lo lena a lo vun chuan, zun rawn chhuahna tur kawng kha a dang ping a, chuvang chuan zunram thiar dawnin a na \hin a, zun mai pawh a harsa \hin.

Sexologist (sex lam zir mi) te chuan prostrate hi mipa G-spot an ti a. Prostrate tih thumal hi Greek tawng atanga lak a ni a, ‘a hmaa ding emaw hmalam thlirtu’ tihna a ni.

Hmeichhiate hian pros-trate gland an nei lo niin an ngai thin a. Amaherawhchu tun hnai mai khan scientist (mi thiamte) chuan hmeichhia pawh hian prostrate, “SCAINS” an tih mai chu nei ve niin an sawi a. A nihna dik tak hre tur chuan zir chian leh deuh a la ngai dawn a ni.

Prostrate natna kan tih mai hi chi thum (3) a awm a:

BPH (Beniel prostrate): Hei hi prostrate natna a lo lan chhuah tirha a hming a ni.

1)Prostatitis: Acute leh chronic a awm a. Acute prostatitis hi mipa, la upa vak lo natna ni

deuha ngaih a ni. A lo lan chhuah dan chu, zun laia nate, hnai mipa serh a\anga lo chhuak te, hnungzang hnuai lampang leh tai nate a ni. Bacterial infection a tel chuan khawsik pawh a siam \hin bawk. STD (Sexually trans-mitted disease) nena hriat pawlh loh tur a ni. He natna enkawl nan hian allopathy leh damdawi dangte a awm a ni.

2)Prostrate cancer: Hei hi mipa upa lam deuhin an vei thin. Biopsy hmanga hmuh-chhuah theih a ni. A lo nat chhuah dan chu Prostatitis nen khian a inang hle a ni.

Prostrate cancer hi chi hnih(2) a awm a. Chungte chu (i) Clinical leh (ii) non-clinical te an ni. Heng natna lo lanchhuah dan te lo sawi dawn ila.

Zun laia na, zun harsat, tlem te tea vawi tam tak zing taka zun te, tai na, zun ip thei lo, zung zo thei lo te, zan lama zung chhen te, zun chhuah tawh lutuk laia zung chhuak mai thei lo te, zun laklawh laia tawp thut te, zun zawh vek tawh hnua zun tlem tlem lo la far reng te, zuna thisen tel te an ni a. Kalah lungte awm

9December 2016

nen ngaih pawlh a ni \hin. A tam zawkah chuan, he natan nei te chuan an zun chhen loh nan tui an in tlem phah fo \hin.

He natna lo awm chhan ber chu mipa kum 50 an tlin hian, hormone \henkhat taksaa awm te awm zat a inthlak vak thin vang a ni a - testosterone a tla hniam vak a, hormone dang leh, prolastum a rawn sang vak bawk a, hei hian prostrate na a siam thin a ni.

Enkawl dan \henkhat te: Hriselna ngaih pawimawh leh hmeichhiat-mipatna hman fimkhur hi naturopathy lam zir te chuan an ngai pawimawh hle a. Hmeichhiat-mipatna hman nasat lutuk te tih loh tur a ni a. tui a tam thei ang ber in tur a ni. Kekorte fai chuah hak tur. Tomamto ei tam a \ha a. Thlai thar lam ei a \ha in, ni tin exer lak a \ha bawk.

Ayurveda: Ayurveda damdawi \ha tak tak a awm a. In lama awlsam taka kan hmuh theih tur tlem azawng kan sawi ang e.

1)Mai mu: Prostrate natna (acute leh chronic) tan a \ha em

em a. Zir chianna pawh neih tawh a ni. Mai mu ei avanga prostrate na, dam thei tawh lo tura ngaih, dam leh ta sawi tur an awm nual mai. Kei ngei pawh hian sawi tur ka hria a. Mai mu chu rawt dip a, 5grams vel zing tawh hlimah tui nena ei \hin tur a ni.

2 ) S a j a n a ( d r u m s t i c k ) kuang(stem): Tui nena chhum a, ni eng emaw zat, ni khatah vawi eng emaw zat in tur a ni.

3)Aloe vera: Aloe vera tui leh khawizu inpawlh ni tin in tur a ni.

4)Flaxseed (Omega 3 & 6), melon seed powder leh mai mu: Heng te hi a inzat rawt dip a, tui nena chawhpawlh hnua pum ruah laia in tur a ni.

5)Coconut tui leh elaichi powder: Hengte hi chawh-pawlh a, a tam thei ang ber in tur a ni. Hei hian prostrate natna hi a tidam thei a ni.

Homeopathy lam zir te chuan a natna lan chhuah dan azirin an enkawl \hin a. Homeopathy damdawi te hi he natna lo lan chhuah \an tirh lamah an ei \hin. Homeopathy damdawi \ha tak

10 Hriselna

tak te pawh a awm a ni.

Ei tur te: Keini sa ei mi kan ni a, sa tel lovin chaw ei chu tui kan ti lo va. He natna nei kan nih chuan red meat (bawng sa, vawk sa, kel sa, lawi sa te) hi a thau tel lova ei a \ha a. Tin, sangha leh thei lam te ei a \ha bawk.

Zinc hi 30mg ni tin ei tel theih a tha a. Zinc hi soya milk (bekang tui) leh tofuah te a awm a. Prostrate \hang tur a veng thei a ni. Omega 3 fatty acid te hian prostrate na tur an veng thei a. Essential fatty acid (EFA),vitamin 400 iv nena tih pawlh a tha bawk.

Ei loh tur: Chini/ thil thlum lam, fatty oils, zu lam chi reng reng (beer telin)

Prostrate leh hmeichhiat-mipatna - Prostrate a lo vun chuan hmeichhiat-mipatna hman a harsa \hin. Mipaten an mipatna chhuah a harsa an ti thin. Hmeichhiat-mipatna hmang peih tawh lo tawp te he natna veite zingah hian an awm thin. Chuvangin hmeichhia, an pasal he natna nei te chu hrethiam turin ka fuih \hin. Zai dam theih a ni a, zai hnuah chuan a pangaiin hmeichhiat-mipatna an hmang thei tawh thin a ni.

Kan rihna enkawl nan: Kan lo upat hret hret zel ang hian, kan thahrui hman ral a lo tlem hret hret a, chu chuan min tithau thin a ni. Kea ni tin minute 30 vel kan kal ziah chuan thau inchhek khawl tur a lo kang ral a, chu chuan thau lutuk tur a veng a, lung \ha lo, zunthlum, thisensang leh cancer te a veng a ni.

Tha leh ruh chak nan: Kan ruh leh tha leh tihrawlte hi upat ang zelin a lo chak lo \hin. A bikin hmeichhia phei chu thi a lo hul hian ruh a lo chak lo zual a- ruh/ruhchuktuah na a tam thin a ni. Tin, awlsam tein ruh a tliak mai thin, phak tawk te te a exercise ni tin i lak khan a tichak che a, harsatna awm thei i lo pumpelh phah thei a ni.

11December 2016

DAMLO ENKAWL KAWNGA HRIAT TUR TUL ZUAL TE

Damdawi inah chuan medical lam mi thiamte vilna hnuaiah damlote’n enkawlna an dawng a, kalphung mumal tak an zawm a, mawhphurhna hrang \heuh neiin damlo mamawh dan azirin enkawlna an pe \hin a. Home based care erawh in lama enkawlna inpek a nih vangin hun nei remchang ber emaw, remchang kher lo pawh a \ulna avanga enkawltu ‘caregiver’ a an awm a \ul avangin kalphung mumal tak neih a theih ve loh a ni. Chuti chung chuan tih dan phung felfai tak a zawm ve theih tho a, medical lam mi ni kher lo pawhin damlo hi \ha takin enkawlna an pe thei a ni.

Damlo enkawltu bera \ang te hi an rim duh hle. Inchhawk

thiam a pawimawh a, chutih rualin kalphung leh tihdan inang an zawm theih a pawimawh. In lama inenkawl kawnga hriattur tul zual te chu:

1. Boruak a\anga inkai theih TB leh Pneumonia \henkhat vei emaw khuh bur bur ang chi te an nih chuan hmaikawr (surgical mask), hnar tuam \ha thei ngei hman thin nise. Tin, in chhunga boruak virvel (air circulation) hi a pawimawh avangin an mutna hmun chu boruak dawng \ha ni thei bawk se, room up lutuk, tukverh awm lo ang chi te hi a hrisel lo a ni.

2. Hritlang emaw awmna natna nei lai hi chuan damlo

enkawl lo thei se a \ha. A chhan chu damlo khan a lo kai hma a, harsatna belh chhahtu a ni fo. Mizote hi damlo kan kan taima a, a lawmawm rual rualin hemi kawngah hian fimkhur tluk a awm lo. ICU a enkawl lai ngatah phei chuan hritlang nei te hi chuan damlo kan lo thei ila a duhawm lehzual a ni.

3. Damlo buaipui ngai zual, khumbet a na te hi an damloh lai chuan a enkawltute’n glove hman reng theih nise a \ha hle. An taksa hruk fai, chaw pek/barh, damdawi pek, leh thawmhnaw thlaksak ngai apiangah te hman zel ni thei se.

12 Hriselna

4. Damlo buaipui laia tarmit vuah hian tuihn^ng leh thisen per lakah te mit a veng a, tih theih chuan a \ha hle.

5. Mutbu enkawl uluk a \ha a, ni hnih emaw danah suk fai a, nisa hnuaiah phoro \hat chauh hman ni thei se. Mutbu leh thawmhnaw hn^wng hian fungal infection (ringworm ang chi te) a thlen duh hle.

6. Damdawi ei hunbi hi a pawimawh viau mai. Damdawi inah chuan nurse te’n a hunbi thlap thlapah damdawi an pe a, chutiang ang deuh chuan a tih ve theih a, an damdawi ei lai hi lehkhaah fiah lian tha taka ziakin an mutna bul bangah tar nise, hriat a awlsam bik. Mobile phone a an ei hunbi tura alarm set te pawh a \angkai hle.

7. Kan taksa hian chaw \ha (nutrition) a mamawh hle a, damloh phei chuan mamawh a nasa lehzual. Chuvangin chaw an ei thei thlawt lo te a nih hran loh chuan hunbi mumal tak siama ei tur pek \hin a pawimawh hle. Tlem tal an ei phawt chuan ril a ti che a, ek mumal lo (ek khal) lakah a veng thei bawk a ni.

8. Khumbet emaw tho hlei thei lo, zun ek thiar thei lo khawpa an damlo a nih chuan diaper hrentir mai hian enkawl a tizangkhai thei. Chutiang a \ul em lo a nih pawhin bedpan (zunbel) hman mai a, an khum bula dah hi a awlsam bawk. Tin, mawng/hnungzang vela pan insiam (bedsore) hi ven a tul hle a, ni tin an hnung leh mawngbawr puan huh (Tuilum a tih huh) a hruk te hi a \ha a, zu (rum kher) a hnung hruk te hian a veng \ha viau bawk. Tin, mutna pawh chang lutuk emaw dup lutuk lo ni thei se, tunlaiin mawng zawna tube dah tur ang chi te an zuar tawh a, hman theih chuan a \ha hle bawk.

9. I/V Fluid (Drip khai) inpek chungchang: Kan chin \han deuh mai chu damlo an chau zual deuh nia hriat vanga drip khai sak mai hi a ni. Drip khai hi ei leh in lam an ti hlei thei thlawt lo va, an BP a hniam phah te a nih hran loh chuan khai hrih loh hram nise a duhawm hle. Damlo che thei lovah phei chuan taksaa tui tam lutuk (fluid overload) a awm palh thei a, chu chuan harsatna nasa zawk,

13December 2016

kal function lo (kidney failure) te, lung function tha lo (cardiac failure) te leh chuap a tui tling (pleural effusion) a siam fo thin a ni.

Drip kan khai a nih pawhin input output chart (taksa a tui pek luh zat leh chhuak zat) hi vawng thei ila duhthusam a ni. Kal leh lung \ha lovah phei chuan a \ul lehzual. Ni tin an zun zat teh tur a ni a, drip plastic bur ruakah hian a ML zat a bangah a inziak a, hemi hmang hian a teh mai theih. Hei bakah hian an taksa a\anga tui chhuak zat (an thawk a\ang leh thlan a\ang tein) belh tur a ni bawk a (ni tin 500ml ang vela chhut \hin a ni). Chumi belh khawm aia tam drip pek an nih chuan an taksa in a zo lo vat \hin a ni.

Damlo na rei tawh, drip khai fo ngai an nih chuan thisen zam ‘vein’ chungchang hi hriat a pawimawh viau mai bawk. Duhthusamah chuan ruh chuktuah hnaih lo thei lai berah hriau vih luh nise, chet sek a tulin drip line a chhe har deuh. Tin, drip inpek nan chuan venflon (plastic hriau tiin sawi

mai ila) te a awm tawh a, hman zel theih nise a tha hle. Drip khai rei vang hian vein vung an tih mai “thrombophlebitis” a awm fo va, chutiangah chuan “Thrombophobe Ointment” te hi hnawih ila a tiziaawm fo bawk.

Eng Drip nge pek tur?- kaw\halo nasa avanga damlo chau ang chiah te hian electrolyte loss (sodium/potassium) te a awm fo a, kan hriat lar IV Dextrose aiin Ringer Lactate (RL) te hi hetiangah chuan hman a tha zawk a, 10% Dextrose khai vanga taksa tui tlachham (dehydration) a awm theih a ni.

10. Input output chart vawn chungchangah hian damlo che thei lo an nih chuan an zun teh a har \hin a, tin, tarlan tak angin zuncheh vanga bedsore te pawh a awm hma bawk a, zunsiakna “catheter” dah mai hi a samkhai viau; medical lam mi ni lo tan erawh mahni a lo dah ve ngawt chi chu a ni lo thung. Catheter kan vuah anih chuan kar thum danah thlak nise.

11. Khawsik leh sik loh en dan

14 Hriselna

(thermometer hman dan) hi thil har lo tak a ni a, 1000F vel ang te hi chu a la pawm zam th eih a, 1020F chin chunglam erawh enkawl thuai a ngai thung. Tin, BP check te pawh hi thil zir har lo tak mai a ni a, a khawl te pawh neih a, chhungkaw zingah a en thiam tu emaw tal awm thei se a tangkai hle.

12. A enkawl nana hman hnu lapua te, swab ball leh puan them ang te hi uluk taka fun hran a paih tur a ni a. Hmanrua la hman theih ang chi te a awm a nih chuan bleaching powder tui a pawlh a chiah hian a sterilize mai theih bawk. Thil hriam chi erawh fimkhur a ngai a, tuiso ah uluk taka chhuan so ni thei se a tha. Dispo syringe ang chi erawh hman nawn loh hram ni thei se a tha. Hmanrua reng reng chu an expiry date check hi chin thanah neih a tha bawk.

13. “Home Care/First Aid Kits” tia an sawi mai hi neih theih nise a \angkai hle. Chumi atan chuan nachhawkna/khawsik damdawi (eg. Paracetamol, Magadol, Hifenac adt) te, pum lam damdawi (ulgel, digene, zinetac emaw omeprazole/

pantoprazole adt), ORS packet, antifungungal cream (cloben-g, ciprolar-fc tih ang te), allergy leh vun thak/vual atana ei tur avil/cetirizine te leh dressing hmanrua - lapua, bandage, plaster, dettol, betadine ang te hi bawm khatah khung khawm in felfai taka vawn that nise.

14. Tih theih loh chin a awm fo avangin mahni awmna venga medical lam mi, doctor, nurse leh health worker te hriat a, an contact number neih te hi a \angkai hle. Tin, hospital leh private nursing home phone number hriat te hi a pawimawh viau a, chhinchhiah a tha hle.

15. A enkawltute hi damlo chhungte emaw \hiante emaw an ni fova, damlo ni tin mamawh hriatpui te, zun/ek inthiar kawngah puih te, ei tur siam sak te, damdawi lei sak te thlengin an kutah a awm fo thin. An ni tin mamawh leh tih tur pawimawh leh tul zual hriat sak a \angkai. Eng emaw harsatna a awm thut pawha chhungte contact tur hriat sak te hi a tangkai lehzual a, emergency emaw tul huna biak mai remchang turin phone number banga tar nise a tangkai

15December 2016

duh hle.

16. Mihring kan in ang lova, damlo \henkhat chuan bul hnaia chhungte leh laina te awm deuh reng turin an duh a, kantu an neih tam te hian an rilru a hlim phah thei. Chutih laiin \henkhat erawh chu thawm ngaithei lo deuh, kantu awm luai luai ngai thei lo leh chauh phah te pawh an awm ve leh thung. Damlo duh dan leh a nawmna hi a pawimawh ber a, chuvangin a chhungte zinga amah hnaih bertu in a duhdan te zawt thei se a \ha hle. In \awng\aisak te

hi a lawmawm a, mahse damlo an ni tih hre chunga thawm dim thei ang bera \awng\ai te hi kan zir a hun ta hle.

u Mihring nausen hian ruh 270 an nei a, puitlingin 206. Ruh tliak hi a tlangpuiin kar 2 hnuah ruh noin a zawm a, thla 1 leh a chanveah chuan X-Ray-ah pawh chang viau a langin, thla 3-naah chuan a pangngai ang deuh tho a ni tawh a ni. Dam viah tur erawh chuan kum 1 vel lai a mamawh.

u Mihring taksa hian tui emaw chaw emaw a mamawh reng a, heng mamawh tel lova kan dam rei theih dan erawh a inchen lo thei viau a, a tlangpuia lakin miin tui leh chaw a nghei \hak chuan kar hnih vel chhung chauh a dam theia ngaih a ni a, tui ring chunga chaw chauh a nghei erawh chuan thla hnih thla thum pawh a dam thei. Hetianga chaw nghei hi mahni intihhlum tum vang emaw mi dang tihhlum tum vang emaw, ei tur neih loh hrim hrim vanga thleng thei a ni. Dan ngaihah mahni intihhlum leh mi dang tihhlum phal a ni lo. Tan ina tang ten chhan eng vang pawh ni se, chaw an nghei hian thuneituten tihluihnain chaw an pe lui (force feed) thiang a ni.

16 Hriselna

DAMDAWI INCHAWH CHAWP

Mizoten kan thil chin \ha lo tak pakhat chu, kan nat ang deuh a kan \henawmpa te emaw an lo nat ve chang te hian,

“E, chumi khami chu ei ve rawh, ka ngeih khawp asin,” an han ti a. Doctor hnena diagnosis engmah ti miah lovin kan han ei ve leh mai \hin a. Mihring te hi allergy nei deuh vek kan ni a, idiosyncrasy pawh mimal tinah thleng thei a ni. Hetiang thil avang hian damdawi ngeih loh hi tam tak a awm thei a ni.

Damdawi dose reng reng hi kum a zir te, kan rih zawng te, kan nat dan azirte leh taksa chak dan azir te a chawh \hin a ni. Damdawi \henkhatah phei chuan hmeichhe dose leh mipa dose danglamna te pawh a awm a ni. I \henawmpa nen khan i natna pawh chu lo in ang palh ta hlauh pawh lo ni ta se, in dose chu a inang lo theiin a danglam hle thei a ni. A damdawi a pawh i ngeih lo viau thei bawk a ni. Thin \ha lo, lung leh kal \ha tan phei chuan mahni a damdawi inchawh hi thil tih loh tawp tur a ni. Prescription (doctor-te in a damdawi min chawh) reng reng hi fimkhur tak leh taksa vengthawng tak chung a chawh vek an ni a, i natna i sawi dan azirin a natna chu an zir a, an hria a, damdawi chu an chawh

chauh a ni, mi dang tan a chawh tel ve lo. I \henawmpa, doctor in a rawn chawh kha i tan a chawh tel ve lo a ni.

Self medication hian damdawi ei dan mumal lo (irrational use of drugs) hi a keng tel tlat a, a chhan chu doctor te thur^wn awm loh vang te leh mahni inchawh a nih \hin vang te hian a ni. Damdawi dose a mumal loh chuan taksa in a lo dawnsawn dan a danglam vek thei a, taksa in nasa takin a tuar phah thei a ni. Luhai, luakchhuak, khaw hmuh fiah lo, kaw\halo, thin natna, kal chhiatna, overdose leh thihna thlengin a thlen thei a nih avangin a hlauhawm hle a ni. Narcotic drugs (damdawi ruih theih) ang chi te pawh, a natna azir a chawh tel \hin an ni a. Hetiang damdawi ei lai phei

17December 2016

chuan, dose chungchangah te leh hunbiah te fimkhur a \ul zual hle a, a chhan chu addiction (a ngawlveina) a thlen theih vang a ni. Addiction hi damdawi hmang vek a tihdam theih a nih loh avangin, recovery (ngaiawh leh) tur chuan clinical psychotherapy treatment a ngai tawh \hin a ni. Damdawi tihdam theihna in a \anpui theih thil a nih tawh loh avangin a buaithlakin a hlauhawm thei hle a ni. Heng narcotic drugs ho overdose hi chu thihna thlen thei khawpin a hlauhawm (fatal) hle a ni.

Mizo damdawi kan tih ang chi, thlai eng eng emaw chhum tui tih ang te hi Mizote hian hman kan uar hle a. Heng thlai te hi medicinal value (tihdam theihna) pai tam tak an awm rual in, a \hen te erawh hi chu a hlauhawm hle a ni. Hei hi a chhan chu thlai a\anga damdawi siam reng reng hi a damdawi a tak hi laboratory ah mi thiam zawk te in an extract (la chhuak) vek phawt a, damdawiah an siam chauh \hin a ni. Thlai \henkhat te hi chuan damdawi \ha tak tak an pai rualin, taksa

tana hlauh-awm thei (toxic) an pai tel ve \hin a ni. Heng thlai te hi pharmacist te emaw doctor te in a him an tih loh chuan chin tam loh kha a him ber a ni.

Zu in mi tan phei chuan doctor-te hian an damdawi prescribe-ah an fimkhur hle \hin a, zu in mi tan phei chuan mahni damdawi inchawh chu a hlauhawm zual bik hle a ni. Zu hian thin (liver) hi a khawih chhe nasa hle a, damdawi tak receptor awmna liver a \hat tawh si loh chuan, damdawi nazawng ei mai mai hi thinna thlen thei thil a ni. Damdawi tam tak hian zu intoxicating effect (\hat lohna) kha a belh chhah thei a, a \hen erawh chu zu in a vang khan damdawi in hna a thawk miah lo thei bawk a ni. Entir nan : Damdawi ‘Amphetamines’ ang chi te hi zu nen a tih pawlh chuan, thisen nasa takin a sang belh vak thei a, chauh ngawih ngawihna leh in control theih loh khawp a mut chhuahna a awm thei bawk. Chuvang chuan a nihna tur ang dose doctor te in a eitur zat an tih ang chauh kha ei ei \hin tur a ni.

18 Hriselna

Self medication-ah chuan mahni a dose insiam chawp kan nih avangin taksa a ngaihtuahawm hle a ni. A bik takin antibiotics damdawi ho hi hunbi nei a ei \hin tur a ni a, ei theihnghilh emaw ei \hulh palh chuan a bul a\angin a dose kha tan \hat

PUMPUI DAMDAWI EI DAN- Dr. Thangchungnunga, M.S. Ortho

Tunhnai kum 2/3 vel a\ang khan pumpui ulcer damdawi mahni thu leh duh duh dan a ei an tam zual hle. |ul lova damdawi ei hi a \ha lo hrim hrim. Mizote hi hming phuah awlsam tak kan ni a, pumpui chakna kan ti mai a, heng Pantop, Omez, Zenetac, Ilac, Famotidine te, a tui lam Diovol, Ulgel, Sucral O, a tam mai, kan duh dan dan in kan ei mai mai a. Pumpui chakna tia lo ei ngar ngar te lah bo lo. Pumpui chak lohna zawk a ni a, a chakna ber acid ti hlum leh ti tawp tu tur an ni zawk.

leh a ngai \hin a ni, a aia chak zawk te pawh ei a ngaih phah thei bawk.

A nat dan lam lo hawi tawh ila. Pum, thin hnun vel a thip a, luak chhuak deuh te, ti nghual te, pum awm nghulh, irh thur te, na vawng vawng te pawhin a lang chhuak a. A nasa deuh phei chu dar ruh phek lai zawn vel a na chhuak te pawh an awm. Endoscope a en chuan a lo pilh, khuar leh p^n te in

pumpui chhung chu a lo awm \hin a, a \hen phei chu hrik nei helicon-bacter an tih awm vang te a ni bawk a. A damdawi ei dan lam lo thl<k tawh ila. A rawn na in thin a thip vung vung a ei mai tur chu, heng a tui chi ulgel leh a dang te hi a ni a. A chhin khat lek a ei pawh a ni lo, vanvadak a, ka a khat pawrh a leih a lem tur, acid zuk ti dal

19December 2016

tur leh a bang plaster tur a ni a. Bur te khat chuan vawi tam ei a daih lo. Acid vawi leh khat a tireh duak thei chu soda fiante 1 tui no 1-ah pawlh la, in la, i irh pup pup ang a, i vawih vak ang a, a reh nghal mai ang, mahse a insiam zel a dang thei lo a ni.

Heng Omez D, Pantop D te, Zenetac hian acid insiamna kawng an lo block ve thung a. A ei hun chu, chaw ei kham darkar 1 hnu vel a ei te, chaw ei hma darkar 1 te, a nat dan azirin chhun dar 2 vel a ei leh pawh a pawi lo, a tlangpui thu in, nikhatah vawikhat aia tam ei hi a \ul ber lem lo. Heng pantop, omez, zenetac, razo tih te hi D tel chu a thawk rang deuh a. Engpawh ni se, damdawi tam ber hi chu darkar 4 vel bak a thawk tak tak thei lo tih hi hriat tur. Ka sawi duh ber chu, pum ruah lai a ei tur ti a, pantop DSR zing a ei hi a ni. SR tel reng reng slow release, darkar 2 hnu velah muangchang a thawk tur a ni a, pum ruah lai ber chu zan kan muthilh lai hi a ni a, acid a insiam reng si a, zing in tho a, i pum a no nghual a, a thip a, irh te a thur a, thin dip a na

a, chutih lai a darkar 2 hma a thawk thei lo pantop DSR kan doctor tam takin an chawh hi a dik lo a ni. Na tur a na zo vek tawh a, thawk nghal thei lo damdawi ei leh bawk chu, at so na leh sum senna \ha tak a ni. A ei dan tur chu, zan mut dawnah Pantop DSR, Omez DSR , Razoacid DSR tih, SR tel hi mut dawnah ei tur a ni a, mut laia acid insiam tam tur kha a lo dang ta a, zingah dam vah in i tho mai dawn a ni. Zingah i lo ei \hin a nih chuan, mut dawnah ei zawk teh, i zing tho chuan a danglamna chu i hre mai ang.

Pumpui chakna emaw ti a, ulcer, na pawh nei lova ei reng ho hian acid an ti bo nasa lutuk a, pumpui in a digest ang tur a tih theih loh phah a, pum, ril lam dik lo a siam zawk a ni. A tawp nan pum damdawi ei tur, eng hunah pawh nise i neih thlawt loh a, a nat tlat si chuan tui in \euh mai rawh, a ti dam tho ang che.

20 Hriselna

Kan ramah hian a hmei a pain mei zu kan punlun ta em em mai a, tute pawh mai hian mipui vantlang zingah mei kan pet khu vut vut ta mai hi chu- thil mawi lo elkhen a nih bakah mi dang tan harsatna thlentu leh natna hial thlen theitu kan ni tih kan ngaihtuah ngai awm lo ve. Sikret tlawn 2-a nicotine poison hi lakhawmin injection nan hmang ta ila, mi pakhat thihna tawk chiah a ni bawk a. Mei han hip vang vang hian kut leh ke hmawra thisen zam kal vel kha a dawt a hmet chip a, temperature degree khatin a tlahniam a, chutiang thisen dawta hmehchip fo chuan a lo chip hlen a, kut ke hmawrah thisen a pe thei lo va, a lo p^n \awih a, tan ngaiin a awm mai thei a ni.

Tin, sikret tlawn khat hian minute 4-in mihring nunna a

titawi theiin an hria a, mei heh ni tin tlawn 30 a\anga 40 vel zu ho chuan dam chen tur kum 5 a\anga kum 10-in an pha lo. Chumi awmzia chu kum 60 dam turin kum 50-ah emaw 55-ah emaw an thi dawn tihna a nih chu.

POISON A NI

Tin, nicotine poison ang bawka hlauhawm Tar poison a awm a, cancer siamtute zinga ngaih a ni. Mei chuap dawta an han hip luh khan kha Tar kha chuap hnunah a inchheng a, tlem tlemin a bei a, a bei tam hret hret a, a tawpah chuan cancer-ah a lo chang mai \hin a. Nicotine poison leh Tar poison bakah pawh poison chi tam tak a la pai a, hemi pahnihte hi a lar zual chu an ni.

Chuap cancer-a thi 100 zela 90 chu mei heh ho an ni

I MEI ZUK KHA Tunlai mi thiamte chuan, “Naupang khuh hi nu leh pa mei zuk nen a inkaihhnawih tlat a ni,” an ti. Ezekielan, “Pate chuan grep thur an ei a, an fate ha a \im a,” a lo ti ve reng a. Nu leh pa mei zuk pawh faten an tuar daih thei a nih chu. Mipa mei zu aiin nu mei zukin an fateah chuan pawi a khawih nasa zawk.

21December 2016

tih an fiah a. Mei zuk tam hian chaw ei a titui lo thei hle a, pumpui nate pawh a siam thei a ni. Meikhu eng emaw zat an lo lem tel \hin a, pumpui bang a\anga chaw um \awihtu Gastric juice-ho kha a tichhuak \ha thei lo va, chaw \awih lovin rei tak puma a awm chuan pumin a hah phah a, gastric juice chhuak lovin Hydrochloric Acid a chhuak ta vak \hin a, chu chuan pumpui a chiah l^wng a, naupang tein Peptic Ulcer an nei mai \hin. Peptic Ulcer, pumpui l^wng hi a awm laklawh tawh chuan tihdam a harsa em em a ni.

Mei zuk khu hian mit hi a ur chamchi bawk a, meikhuin mit a ur fo chuan mit men a tivai thuai mai a, meng fim kak tur kha an meng eng pup mai a, mit hian a tuar em em mai bawk. Meizu lo vun aiin mei zu vun hia a mawi thei lo; an chuap deuh emaw, tinung sarh ang hi a awm duh lo hle. Sport mite tan, zu leh mei hi hmelma lian ber a ni. Zu leh mei hmeh kawp ho ngatte phei chu an vanglai hi a tawi hle a, fuat an nei miah lo. Reiloteah an thaw puar pawp

pawp mai thin.

SAHDAH PAWH

Meizuk bakah sahdah, vaihlo leh pankhawr ei ching ho zingah hian Oral cancer, kam chhung leh hrawk velah cancer a awm duh bika hriat a ni. Nu naupai laiin zu emaw, mei zuk emaw, tuibur/sahdah hmuam emaw a heh viau chuan nauchhiat phah nan emaw nau mi anglo emaw, nau sawngnawi emaw hrin phah nan an hmang thei a ni. Zuk leh hmuam a\anga t<r khan nausen thluak insiam tur kha a tikhawlo thei a ni.

Naupang \hang laiten zuk leh hmuam an chin chuan khing kan sawi tawhte bakah an thluak a tichak lova, zirna lamah an bahlah phah \hin a ni.

Kan ramah hian meizu kan tam em em a, puipun nikhua, chhiat ni/\hat niah te, Bus-ahte chenin inthlahrunna nei miah lovin kan pak khu luai luai mai hi chu mi dang tan harsatna thlentu kan ni tih nachang hriat a hun ta ngawt mai. Bula mite mei zuk khu kha duh lo chungin a zu ve ngai lo pawhin an hip lut ve \euh \euh

22 Hriselna

lo thei lo va. A rim ngaihtheih loh ngawt chu thudang, hrisel lohna nasa tak a thlen thei a ni. Hawihhawmna avangin ngai pawimawhin an lang lo thei; mahse mi tan thil \ha lo thlentu kan ni tih hre renga mi zinga zu lui tlat kan nih chuan thil sual tak hre renga tilui kan ni a, hei hi Kristian-te tihah a mawi lo a ni.

I T A K S A H M A N G A I H RAWH

Thil pawi ni mah se, mahni taksa pawh hmangaih zo lo khawpa mei zuk lo hmangaihtu chuan ama taksa a tirethei a ni mai a, mi dang sawisel phak a ni hauh lo va. Amaherawhchu, mi dang leh zel va tihbawrhban kha chu mihring nunphung kalh a ni tawh a, taksa lam dan hian rem a ti thei lova, i chunga mi’n an tih i duh tur ang bawkin mi chungah pawh ti ve rawh, tih a nih kha. Nangmah chu eng ang

pawhin innghaisa mah la, mi dang va nghaisa ve kher suh.

Jeremia chuan chung niahte chuan paten grep thur an ei a, an fate ha a \im e, an ti ngai tawh lo vang. Mi tinin mahni khaw lohna an thihpui zawk ang a, grep thur ei tawh pawh ha ngei chu a \im ang a ti a. Hetiang tal hi chu nise, a ziaawm deuh tur. Ezekiela sawi hi heng meizial zuk thuah a la dik tluan chhuak chu a ni si a, nu leh pain thei thur kan ei avanga a ei lotu fate ha a lo \im ngawt hi a dik lo ang bawkin meizuk avanga fate hrisel loh phahna leh mi dang pawh natna thlentu nih hi a dik lo hul hual a ni. A bik takin hmeichhia fa la nei turte phei chuan sim vang vang tur a ni ringawt mai.

is

Hriselna chhiartu zawng zawngteKrismas chibai kan

buk a che u.Editorial Board

23December 2016

THINGTLANGA AWM HREH SUH

Sawrkar hnathawk te hi khawpuiah kan awm reng vek thei lo va, chuvangin thingtlanga min sawn chang a awm \hin a; hetiang hunah hian lunghnur mai lovin ‘PEM UPA’ hlawhchhuah theihna hun \haah ngaih hmiah mai tur a ni. Khawpuiah chuan Kohhran UPA tlin a har tawh em hi.

A hmasa in, i awmna tur khua i thlen hunah mi naran ina thleng lovin mi awm thei deuh leh an khawtlanga langsar deuh inah thlen ngei tur a ni. I thlen hlimah i thawhna department-a i thawhpui turte tlawh chhuak hmasa la, a khat tawkin in Director nena in inhmelhriat \hatzia sawi leh zauh \hin ang che. Chumi hnuah an khaw-tlang hruaitute VCP/YMA te tlawh kual leh in an khaw nawmzia leh a mi chengte an felzia sawi chamchi bawk ang che. Tin, i hriatreng tur chu, i nu, i pa leh i pu rual te an nih chuan, mawl biak mai lovin an hming telh zelin ko \hin ang che. Hetiang hian, Ka nu Mawi, Ka pa Thang, Ka pu Lian tiin ko kher zel ang che. ‘Ka’ telh hian inlaichinna a ti hnaiin ngaihawmna eng emaw riau hi a keng tel ve tlat a ni.

Tin, khawtlang hruaitute i kawm changin an bialtu MLA nena in inhmelhriat \hatzia sawi ri zauh \hin bawk ang che.

Awle, he khua a i awm chhunga ‘PEM UPA’ hlawh chhuah i tum a nih chuan heng te hi i zawm ngei a ngai ang. A hmasa in Pathianni hi awm thar te tan chuan mark hmuh san theihna hun pawimawh tak a nih avangin thawmhnaw dak thlarha nawh leh pheikhawk tle tak nen coat ha in biak in lam i hawi ang.

Mahse inkhawm tur nawlpui kal rual ni lovin, tlema hnufual deuh hreta kal tur a ni, inkhawm dar nawn a\anga minute hnih velah biak in chhungah i pen lut ve chauh tur a ni. Bible, hlabu bakah hrilhfiahna bu nen mipui hmuh lai ngeiin muang lutuk si lo,

24 Hriselna

chak lutuk bawk si lovin biak in chhungah i lut ang a, tlar hnung lama \hutna a lo awl pawhin \hu mai lovin tlar hma lam i pan ding ang a, mipui hma a langsar ber laiah puithu takin i va \hu chat ang, i lan danah \huro nunnem chu sawi loh, beram no nunnem tak, a hmul mettu hmaa ngawi renga a awm ang deuh kha i nih a ngai ang. Chutah puithu takin \awng\ai la, i kut zungpui leh zungchala i chal rek laia dawm chungin i lu kaikun deuh ngaih ang che. Chham tur em em i hriat loh pawhin tlang ngaih aia rei i chal dawmin han kun vang vang la, i men hnuah muang-changin i heh liah huh pahin hma lam chu dak vahin i hawi phei dawn nia. Thawhlawm an rawn khawn huna i thawh tur cheng za note thar deuh i kawrchung ipte chhung lama i lo dah lawk chu i kut dinglamin i la chhuak ang a, i bula mite hmuh theih ngei tur si, langsar lutuk si lovin i kut veilamin a dung zawngin a laiah i han zut thlep ang a, i kut dinglama a hmawra kut zungpui leh kut zungchala hmetin thawhlawm khawntu

ipah chuan a hmanhmawh lutuk lovin i rawlh lut zal zal ang.

Tin, zing \awng\ainaa kal \hin hi mark hmuh sanna atana kori tu tak mai pakhat, taksa hriselna atana thil \ha ni bawk si a ni. Kohhran secretary kawmngeih hle la, Chawlhni chhun inkhawm hi lansarh theih hun lai a nih avangin pelh miah loh tur a ni bawk. Hmeichhe inkhawm zan pawh hi ngaih pawimawh hram a \ha bawk, a chhan chu hmeichhiate hi an \awng duhin, pasal te hnehtu ber an ni ve tlats. Nu ho zinga i awm chuan, thlaraubo i vei \hinzia tui takin sawi la, kohhran puipa deuh i kawm chang chuan sawma pakhat pek a pawimawhzia leh kan bat a nihzia uar takin sawi \hin ang che. Eng kohhranah pawh hian Pathian thawhlawm pek hnem hian min vawrh sang thei hle a ni. E..taka..i transfer TA i lak veleh biak in sana tur cheng 300/400 man vel lei theihnghilh hauh suh ang che, an biak inah kohhran mipui hmuh theih turin an tar dawn tlat.

25December 2016

Kohhran thil tihna bakah khawtlanga chhiatni/\hatni leh YMA lenkhawmnaah pawh kal ve fo la, mahse mipui nawl pui kim \hep \hawp tawh hnuah chauh kal \hin la, a laili leh mipui hmuh kim theihna lai ngeiah \hut hmun i rem \hin ang.

Tlangval i nih chuan, mi ina i len reng rengin naupang lawm zawng sweet etc. ken theihnghilh suh. Nula an lo nei a nih pawhin ngaihsak huam angin lang lo la, an nu leh pa te kawmngeih hi hna hmasaah neih ngei ngei ang che. Tin, naupang chhawnchhaih i peih ang bawkin pitar putar biak lumlam peih hram hram tur a ni. Naupang leh upa lamin an ngainat viau tawh che chuan mi dang chu...... a huphurhawm tawh lo.

Khawpuia i haw changin chhungkhat laina leh \hian \hate thawmhnaw hak hlui khawn khawm \hin la, chung chu i awmna khuaa mirethei leh a mamawhte hnenah YMA hruaitute kal tlangin i semtir \hin dawn nia. Tin, kumthar

tir lamah chuan khawpui lian dawrkai ten calendar an siam \hin hi a theih anga tam khawn khawm la, chu chu i awmna khuaah sem thin bawk ang che.

Tin, englai pawhin i dawhkanah bible inkeu sa leh Makedonia/Kristian Tlangau etc. a awm reng bawk tur a ni. Miin i kawngka an rawn kik reng rengin bible keu sa keng chungin i va hawn \hin ang. Thingtlangah chuan thil hote anga lang hi an sawi duhin khawchhung a khat hma teh a nia.

K|P hruaitute kawm-ngeih hi a \ul hle bawk. Sum tuakna tur thil an zawrh reng rengin an zawrhna aia to in lo lei sak \hin ang che. Tin, hnatlan nikhuaah reng reng, hun i neia i thei a nih phawt chuan han thawk chhuak ve mawp phawt zel mai la, i lo thawh fo tawh leh i thiam nal viau thil pawh ni se, zei hawi lo awm takin han ti ve mawp mawp la, han tal bal ve hle phawt mai bawk la, ngaihsan i hlawh ang. Tin, i tel remchang hman lo a nih pawhin an thingpui inna tur

26 Hriselna

han theh-chhuak thlazen mai bawk la, hei hian i dinhmun a siam hle dawn tih hre reng ang che.

Thawm riva ngaichang ranin hun i hmang tur a ni. Upa thlan a lo hnai ta tih i hriat hunah ngat phei chuan i thluak kha awm-awl tir lo vang che. Mite ngaiha Pharisai lutuk si lovin fianrial \awng\ai uar a hun. A hun leh a hmun erawh thliar thiam ang che. I \awng\aina kha fianrial lutuk lo, hmun ualau si lovah a ni tur a ni. Tlai lama i fianrial a nih chuan khawdai, kawtchhuah hnaivai fehkawng a\anga hriat phakah losul haw vanglai ngeiin, \ap hnap-phit tlawh, ha hmai leichek taitat-in i \awng\ai ang. Zan lam a nih chuan Biak in emaw, Primary School emaw a\anga hnaivai deuhah a ni tur

a ni a. I \awng\ai thuchham mawlh mai hi fimkhur ang che. I awmna kohhran leh khawtlang tan i baw hawk hawk dawn a ni. Pathian hnenah tihtakzetin Upa thlan hunlai a nih dan te, mipuiten a kohhran te enkawl tura mi dik leh \ha an thlan chhuah theih ngeina turin i dil anga, ring leh fiahfai takin Pathian hnenah Upa nih i khelh ve lohzia te i dil tel ngei tur a ni. He lai thu i chham lai hian i aw ki i san leh zual dawn nia. Heng a chunga tarlan te hi i zawm a nih ngat chuan he khua i chhuahsan meuh chuan in vengah pawh tuma sawisel theih hauh lohvin UPA \hutnaah i \hu vang thei dawn a ni, chuvangin rilru nei ranin i awm dawn nia. Thingtlanga awm hreh reng reng suh.

C. Lalthanchhunga

u Mihring lu hian ngialngan (direct) taka hliam tuar lo chung hian taksa hmun danga kut tawrh vangin lu ruh hi a keh pawp thei. Hei hi hmun sang a\anga hmun hniam zawka an tlak hian a thleng thei \hin a, hetia an tlaka ngil taka ding chunga keartui sawh dawta an tlak emaw, taksa nghawr chu zangruhah chho zelin lu ruh hnuai lam a han nghawr ta \hin a, chu chuan lu ruh chhuat a do pawp ta \hin a ni. Rin loh zawng tak leh hote anga lang bawk siin a thih mai theih a nih chu.

27December 2016

GOVERNMENT OF MIZORAMHEALTH & FAMILY WELFARE DEPARTMENT

DENGUE NATNA CHUNGCHANGAH HEALTH DEPARTMENT THU CHHUAH

Tunlai hian Aizawl-ah Dengue (Dengee) natna vei eng emaw zat an awm a. Hemi chungchangah hian Health Deptt. chuan mipuite chu chi-ai lo tur in a chah a. Dengue hi Health Department chuan Mizoramah case a hmuhchhuah kum 2012 atang khan uluk takin hma a lak reng a ni.

Kum 2012 a\anga 2016 October thla thleng khan Mizoramah Dengue natna vei mi 152 lai hmuhchhuah tawh a ni a. Heng Dengue veite zingah hian nunna ch^n an la awm lo a ni. Dengue natna hi hriatchhuah rana enkawl vat a nih chuan tihdam harsa a ni lo va. Amaherawhchu, ngaihthaha enkawl vat a nih loh chuan thihna hial a thlen thei thung.

Dengue natna hi thosi chikhat Aedes Aegypti thosi, a dum leh vara \ial rik rek ten an thlen a ni a. Heng thosi te hian chhun khaw en lai chauhvin mihring te an seh ber a. Mihring an seh duh hunlai hi zing ni chhuah hnu darkar 2 leh tlai ni tlak hma darkar 2 te a ni tlangpui a, zanah mihring a seh ngai lo thung. He natna fur ruah tui tlak tam laiin a hluar deuh ber a, a chhan chu khua a hn^wn avang leh an inthlah punna tur tuitling awm hunlai a nih vang a ni. July a\anga December thla thleng hian an tam zual \hin a. Chuvangin hemi hun chhung hian kan inven fimkhur a ngai hle.

Dengue natna lan chhuah dan tlangpuite chu hetiang hi a ni:

1. Khawsik sang tak 2. Ruh leh tihrawlna 3. Mit mu na leh khaw enga men harsa 4. Taksa peng \henkhat a\anga thi chhuak 5. Thak, bawl sen tek tek leh vual. 6. Lu na leh luak.

28 Hriselna

A chunga kan sawi tak anga harsatna kan nei a nih chuan ngaihthah mai lova a rang thei ang bera damdawi in hnai ber pan vat tur a ni. Dengue natna hi Civil Hospital Sentinel Site-ah Elisa reader hmangin engtik lai pawhin test theih reng a ni a. Tin, Genesis Laboratory, Aizawl Civil Hospital bul maiah pawh test theih reng a ni bawk. Dengue test chungchangah hian Rapid Diagnostic Test kan tih mai hi a rintlak loh fo \hin avangin Elisa Reader ngeia test hi a him ber a ni.

Dengue thlentu thosite hi mihring chenna bul vela cheng ve leh khawsa ve \hin an nih avangin kan fimkhur a ngai takzet a. Kan in leh a vel te kan tihfai a, thosi inthlahpunna tur tui tlin theihna heng, motor ke chhia, bur chhia etc. te tih bova, kan tuizem te pawh uluk taka chhin phui a ngai bawk. Tin, heng bakah hian DDT-a in chhung kahtir te, mutnaa thosilen zar te leh thosi hlauh, a hal chi, a chhit chi leh inchulh chi te pawh hi dengue laka invenna pawimawh tak a ni bawk.

Tunlaia dengue natna leng chungchangah hian sawrkar chuan theihtawpin hma a la mek zel a. Dengue vei nia rinhlelh te pawh a hmunah kalin mi thiam ten an endik nghal mai bakah, veng hrang hrangah awareness campaign leh source reduction (a tih rem hna) neih nghal zel a ni bawk. Tin, tunah hian thosi inthlahpung tur leh puitling tih hlum nan Foggin/Space spray te Dengue natna lenna hmun ah neih tur a ruahmanna siam mek a ni. Hemi atan hian department chuan veng tinah khawtlang hruaitute thawhpuina a ngen mek bawk. Hei hian rah \ha tak a chhuah ngei tura beisei a ni.

Health Department chuan Dengue natna chungchangah hian \ul lova chiai mai lo turin mipuite a chah a, kan lo vei palh a nih pawhin thlabar ngawt na chhan tur a awm lo va. Enkawl ran chuan tih dam theih a ni tih hi kan hriat a \ul a ni. Dengue natna lakah hian kan him thei a, Tin, a vei lo tur hian a chunga kan sawi tak te hi mipui ten zawm a, sawrkar hmalakna te theihtawpa \awiawm turin kan inngen a ni.

29December 2016

HMANGCHANG

TOOTHPASTE HMANG TANGKAI RAWH LE

1) Toothpaste: Kut tihthianghlim nan.... i kuta natna hrik awm kha tihbo i duh em? Toothpaste chu tlem han hmet chhuak la, tui nen pawlh la, i kutah khan han nuai rawh le... Natna hrik lak a\angin a tifai mai a ni lo va, i kuta purun sen leh sawhthing rim nam pawh a that bawk ang.

2) Piono tih fai nan a \ha.... I piono, i hmeh bal khak tlur tawh chu i ha i brush ang chiah khan han brush la, chumi hnuah puan themin hrufai leh la, a var sur mai ang.

3) I banga perek phawina kua khan i bang a ti lang mawi lo va, tihdan i hre mai si lo. Tihian ti rawh, a kuaah khan toothpaste chu hmet lut la, a ro hunah rawng han hnawih la, a lang mawi sawt mai ang.

4) Kawr bal tifaitu tha tak a ni. Pentui (ink), lipstick, leh ketchup ho hi a bal nghet zek a. A kainaah khan toothpaste chu han hnawih la, uluk takin han nuai la, han tleuh leh la, a lo fai mai ang. Chutiang chiah chuan carpet a kai pawh ti thin ang che.

5) Arngeng tana damdawi \ha tak a ni. I arngeng kha a dam nghal vat i duh em? Awl lutuk, i arngengah khan zanah toothpaste tat la, chiah la, zingah phihfai leh ang che. Zing a nih meuh chuan a lo bo daih mai ang. Toothpaste hian arngeng a oil awm kha a hip a, a tithep bawk a ni. I rilru a i vawn reng tur chu hetiang thil hi karkhatah vawikhat aia tam tih miah loh tur, a chhan chu i vun kha a ti ro viau thei a ni. Tin, i vunah khan test hmasa \hin bawk ang che, a chhan chu i lo ngeih vak lo thei a ni.

6) I Compact Disc (CD) kha a rang ve deuh a nih chuan toothpaste han hnawih la, puan thianghlimin hrufai leh ang che....a zia sawt mai ang.

7) I gold emaw diamond kha dawrah a tifai tura ken a ngai

30 Hriselna

kher lo, toothpaste kha han hnawi la, brush in han nawt la, chumi zawhah tuiin han tleuh la, a thar tle sur mai ang, chutiang chiah chuan silver ho pawh a tihfai theih a ni. Siai ang deuhin toothpaste hi a hman theih bawk. I savun pheikhawk a rang deuh tawh chu a ranna laiah tlem han hnawih la, pawn chhe themin han chul mam la, chumi hnuah pawnchhe hn^wngin i hrufai dawn nia. I pheikhawk chu a thar ang mai a lo ni ang. Sneeker leh rubber pheikhawka a rubber lai tifaitu atan pawh a \ha.

9) I banga naupangin colour an thai ran chu a tih ngaihna i hre lo a ni mai thei... A ranna lai kha toothpaste han tat la, puanchhe huhin han nawt teh le..

10) Naute hnute hnekna bur tihthianghlima tih rimtui nan toothpaste hi a \ha hle bawk. Regular taka hman a nih chuan hnute bur hi a rimtui lo hle \hin a. Uluk takin han brush la, tui thianghlim i thuahfai leh dawn nia. A rim a fresh chak mai ang.

11) Ei rawngbawltute hian an kut vel bawr hi an ti kang fo va, i kut i ti kang palh leh a nih chuan a kanna laiah khan toothpaste hnawih ang che. Toothpaste a bawlhlo awm zingah eucalyptus awm hian kang kha a tidai dawn a ni. Rannungina seh che a nih chuan a sehna laiah hnawih la, a zia duh khawp mai. Heng thosi, uihli leh fanghmirah te hian a \ha zual bik.

12) Kuttin tihfai nan a \ha khawp mai. Ha leh kut tin hi a insiam dan kalhmang a inang chiah a, i ha i tihfai ang chiah khan han nawt ve la, mi dang i pana sum i sen tur kha i save a ni mai.

13) Glass paw riaiah teah te hian tlem han tat la, puan hnawngin han hru la a fai kuar mai ang.

14) I roomah Poster tar i duh a, a charna tur i nei si lo va, chutah chuan toothpaste kha han hmang chhin teh. |ha ve tak a ni.

15) Thingpui leh tui avanga i furniture \ial rek ruk kha toothpaste tlem han tat la, puan chhe hn^wng thianghlimin han hru fai teh. Rei lo teah a reh mai ang.

31December 2016

Khaw vawh changa intihlum nan zu hi a tha em?

ZU HIAN FAK LAR(?) a hlawhna ber pakhat chu khaw vawh laia taksa tilum theia ngaihna hi a ni awm e. Zu in chawplehchilha taksaa hna a thawh pakhat chu taksa pawnlanga awm thisenzamte a tifan zau (dilate) hi a ni a, thisenzam a lo zau chuan thisen kal a tam a, chu chuan taksa a tilum a, \ha ta hlea ngaih a ni ta \hin a ni. Mahse, a nihna takah chuan taksa lumna chu taksa pawnah a chhuak tam tihna a ni a, rei lo teah taksa lumna chu pawnah chhuakin khaw vawtin taksa a hmer zui a, taksa vawh lutuk avangin nikhaw hre lovin a tluk tawp theih a ni!

Zu hi pumpui tan a tha em?

Chaw ei hmaa zu tlem in te hian chaw ei a titui tih hi thu dik niin a lang. Mahse miin zu a in tam chuan pumpuiin chaw a \hial sawmna (digestion) a tibuai a, pumpui a tichawlawl avangin chaw kal vel a tibuai \hin, tin, zu hian pumpui l^wng leh p^n a thlen thei bawk.

Zu hi eng vanga zu chhe in te damdawi atan a hman nge a nih?

Zu chhe in kan tih hi Methyl alcohol in kan tihna a ni a, tihpalh thil thua in emaw, zu a telh a nih vanga in emaw a ni thei. Zu chhia hi amah ngau ngau chuan taksa tan a hlauhawm pawh a ni hran lo. Amaherawhchu, taksaa hip luh a nih chiah hian taksa tana thil hlauhawm tak formaldehyde leh a hnu zelah formic acid-ah chantir a ni a, chu chuan timur (cell) te chu thaw thei lova siamin a tihlum \hin a, chu chu a hlauhawm em em nachhan chu a ni. Hetia taksaa zu chhe lut reng reng formaldehyde leh formic acid-a chantir tur hian taksaa awm sa enzyme pakhat alcohol dehydrogenase hi a pawimawh em em a ni.

Miin zu chhia a in chuan thihna a thlen lohna tura thil tih tur pawimawh hmasa ber chu taksaa zu chhia formaldehyde leh a

ZAWHNA & CHHANNA

32 Hriselna

hnu zela formic acid-a chang tur ven hi a ni. He venna hna thawk tur hian zu pangngai hi damlo chu pek an ni \hin a ni. Hei hi mak deuh maia alcohol dehydrogenase-in zu chhia aia zu pangngai chu kawppui atan a duh zawk fe vang a ni.

Zu chhe in te hnena zu pangngai pek hian taksaah chuan zu pangngai leh zu chhia chu an pahnihin an awm ta a, mahse alcohol dehygrogenase chuan kawppui atan zu pangngai a thlan zawk tlat avangin taksa chuan zu pangngai ringawt chu a buaipui ta zawk a, zu chhia chu buaipui hlawh lo leh taksa tana hlauhawm tura tihdanglamna awm lovin damlo chuan a zung chhuak ta hiau hiau mai a ni.

Hetih rual hian hriat tela \ha chu zu chhe in te tan zu pangngai pek ringawt hi enkawlna tluantling a ni lo tih leh zu pangngai hian a hranpain taksa tana chhiatna leh thihna hial pawh a thlen thei ve tho a ni tih hi.

u Mihring chhun/vit thei eng hmanrua pawhin taksa (dul/awm/lu ect.) a chhun hian taksa a\anga thisen chhuak nasa hi kan thihpui chhan tlanglawn ber a ni a, chuvang chuan hetiang dinhmun a thlen hian thisen chhuak tam lo tura hma lak vat a pawimawh hle. Chuta kan tih tur pawimawh tak chu kan taksa chhuntu hmanrua chu tawngpawng phawi ngawt loh hi a ni tlat. Heng hmanruate hian taksa khawi lai pawh a tihchhiat paha thisen zam an tihchah hian a hmanraw nekna hian thisen chhuak tur chu a dal vetlat thin. Hmanrua chu phawi a nih hlauh chuan nek chiptu awm ta lo chu thisenzam a\ang chuan thisen tam tak a chhuak ta \hin a, thihna hial a thleng zui nghal mai thei thin. Chuvang chuan hliam tuar chu,a theih leh remchan dan chin chinah a taksaa hmanraw invuah chunga damdawi in thlenpui a pawimawh hle a ni.

33December 2016

I EI LEH IN I ULUK TAWK EM?(Food Safety & Standards (Packaging and Labeling)

Regulations, 2011)

Johna & HmingaFood Safety Section

India sawrkar chuan a ram mipuite hrisel nan leh changkan nante leh him zawk nante dan chi hrang hrang tam tak a siam a. Heng a dan siam zinga pakhat mihring hriselna lam kaihhnawih, a bik in ei leh in hrisel leh thianghlim (Safe Food) chungchanga ‘dan’ ‘The Food Safety & Standards Act 2006’ hnuaia peng pakhat, ‘Food Safety & Standards’ (Packaging & Labelling) Regulations 2011 hi tun tum chu i han zir ho dawn teh ang. He dan (rules) hi kan han thlan chhan pakhat chu dan awlsam te leh mitin in a kan hriatthiam theih mai, awlsam taka kan zawm a kan hman theih mai, chutih laia a \angkaina, ei leh in hriselna lam (food safety matter) zawnga a \angkaina nep chuang hauh lo a ni.

India rama ei leh in thianghlimna kawnga sawrkar laipui a dan hman mek ‘Food Safety & Standards Act,2006’ hi 5th August, 2011 khan India ram pumah hman \an a lo ni ta a. He danah hian ei leh in siam chhuah kawnga kaihhruaina dan zawng zawng a awm vek a. Eitur siam nana thil chi hrang hrang hman \hin te, mihring tana pawi thlen thei lo chin leh pawlh phal leh phal loh chi zawng zawng tar lan a ni a. Mihring ei atana

him lo te khapna thu leh dan bawh-chhiate hremna thlengin chipchiar taka ziah a ni bawk.

Kan thupui Food Safety & Standards (Packaging and Labelling) Regulations,2011 in a tum ber chu ei leh in siam chhuah hnu a a tuamna leh funna atana hmanrua chung-changa kaihhruaina kan ti thei awm e. Tunlai ram changkang zelah, ei tur/in tur chi hrang hrang tuam leh fun (pack) a lar ta viau mai a. Heng a tuamna/funna a thu

34 Hriselna

inziak \hin te hi label (Labelling) kan tih chu a ni. Ei leh in tur thianghlimna leh hriselna a hriattirna te hi a tuamna leh funnaah hian thui tak a inziak a. Hei vang hian he dan ‘Food Safety & Standards (Packing & Labelling) Regulation 2011’ hi duan a lo ni reng a ni.

Ei tur/in tur tuamna/funna hi duh ang leh remchang ang ang hman ngawt hi hriselna atan a \hat loh mai bakah dan kalh a ni a. Ei tur tuam nan leh fun nan chuan chutiang tura tana siam bik (food grade article), plastic emaw thir lam a nih chuan tuiek mai thei lo, ei tur funna a packna rawng kal thei lo chi te chauh hman phal a ni.

Ei tur tuamna/funna (a kawm ) a thil in ziak ‘label’ kan tihte hi an pawimawh em em a. Eitur nihphung/zia (nature) chungchang a kan hriattir pawimawh zawng zawng a inziak tur a ni a. Heng thu inziak/hriattirna awm ngei ngei tur te i han tarlang dawn teh ang.

1. Name and Brand name: Eitur hming ( eg. Noodles, Fruit juice, Biscuit etc) leh a siamtu

te hming phuah ‘brandname’ (Taaza, Rum Pum, Maaza, Good day etc.) te hi a inziak ngei ngei tur a ni.

2. A siamna hmanruate (Ingredients):Eitur siam nana hman te, bawlhlo hman leh telh zawng zawng tarlan tur a ni. Hetah hian rawng te, eitur hmel tih mawi nana thil pawlh te, eitur tih rimtui nana hman zawng zawngte ziah lan tel tur a ni. Mipui in eitura rawng hman phal chi chauh hman a ni em tih awlsam taka kan hriat theih nan a pawimawh hle.

3. Chaw \ha a pai zat (Nutritional Information): Hei hi eitur in a chaw \ha a pai te leh a pai zat tar lanna a ni a, calorie, mg,mcg etc. zat te a tarlang \hin tur a ni.

4. Ei tlak/Ei tura a him hun chhung (Date of Mfg. & Expiry/Best before): Hei hi eitur siam chhuah a nih hun, ei tlak a nih hun chhung leh mihring tan ei a him hun chhung tarlanna a ni a. A pawimawh in kan chik angai hle.

5. A vawn that dan tur

35December 2016

(Storage Condition): A vawn \hat dan tur hi ei tur chi hrang hrangah a danglam thei a. Eitur \henkhat chu hmun vawt a dah loh chuan a \hatna/chakna leh a tuina te a tla hniam thei a. Chuvang chuan a vawn \hat dan hi chiang taka tarlan tur a ni. Eitur \henkhat te chu a bawm hawn hnu a bur phui taka chhun chhuah a dah \hat tur a hriattirna te a chuang \hin.

6. Address: A siamtu hming leh address kimchang tak chuang ngei tur a ni.

7. Eitur Siam/Sawngbawl dan tur ( Instruction for Use): Ei theih tura siam emaw tih ngai dang a awm a nih chuan, a siam dan/ sawngbawl dan tur a chuang ngei tur a ni.

8. Sa a\anga siam leh Sa tel lo chhinchhiahna (Symbol): Mihring taksa hriselna a inan loh avangin sa leh sa lampang a\anga thil siam ei thei lo tam tak an awm a. Hei vang hian eitur reng rengah sa lampang a\anga siam a nih leh nih loh chiang taka tarlang turin dan hian a phut tlat a. Sa lampang telna

( non-veg food) reng rengah chuan bawm ki li nei (Square) rawng uk (brown) chhungah chhunhan uk (brown dots) l a chuang ngei tur a ni. Tin, thlai hring atanga siam, sa (meat) lam chi reng reng tel lohna (veg food) a nih chuan, bawm hring (green) kil li nei (square box) chhungah chhunhan hring (green dots) l a awm tur a ni. He chhin-chhiahna hmang hian sa lam ei ngailo leh ei thei lo ten an ei thei zawngh awlsam takin an thliar hrang thei dawn a ni.

Tin, heng label (thu inziak) zawng zawng hi \awng dang tualchhung \awng leh a danga a inziak a nih pawhin, English emaw Hindi in emaw ziah tel ngei ngei tur a ni a. Thu dik leh rintlak chauh ziah tur a ni bawk. Heng thuziak tur te hi dan ang thlap a ziah a nih loh chuan eitur chu zawrh/hralh khap tlat an ni a. Adulterated Food (Ei tur him lo) a puan an nih avangin a zuar/hralhtu chu dan anga hrem theih an ni.

Tikhan Packaged Food (eitur tuam chi leh fun chi) leh labeling chungchanga dan leh dun ziah lan (zawm tur)

36 Hriselna

tur hrang hrang chu kan hre tawh a. Heng thil inziak a\ang hian ei tur thianghlim leh hrisel kan taksa in a huat loh tur thil te chauh awlsam takin kan thlang thei dawn a ni. Chuvangin, kan ziak leh chhiar thiamna te hmang \angkai a eitur thianghlim chauh kan lo ei/in theih nan Packaging leh Labelling hi i ngai pawimawh theuh ang u.

Chhuak lehah chuan ei leh in hriselna kawnga sawrkar hmalakna leh mipuite kawng hrang hrang a kan hriselna atana kan mawhphurhnate leh ei leh in hrisel lo in kan taksa a nghawng theih dan te tarlan leh kan kan tum dawn nia.

Mawitea huang

n A senior thawkhat tawh bawk a ni ang, a mo thar tuk in a thingpui in na no kha a thlauh keh palh a, chu chu pa ber in a lo hmu reng chu niin, kut zungchala kawk pahin, ‘I sawi vaih chuan ka beng nek ang che’ zuk ti ngam a!

n “Ka pa kumhlui thlah zan te a ni bawk si a, kan ar pakhat hi pawm chhuah min phalsak ve la” a ti a, a pa chuan, “E,... va pawm chhuak rawh, va pawm chhuak rawh, mahse i rawn pawm haw leh dawn nia” zuk ti a!

n A han inla pa mai mai khawp a, “I nupui boral chu i lung a lengin i tuar viau lo maw?” an ti a, “E...engvangin nge ka tawrh ang, thi ta lo pawh nise, \hen ka tum sa hrim hrim alawm” zuk ti a!

n Stage-a a zai kha mipuiin an lo zawm dual dual mai a, sound system a \ha bawk si lo va, a track ri hre thei hek lo, a mangang lutuk chuan, “Keimah in aw, a ti tuar tuar a! mipui lah chuan “kan vaiin aw” a ti emaw tiin an lo uar zual sauh bawk si, a mangang teh asin!

37December 2016

HRITLANG (Common Cold)- Vanlalduhsaki

HriTlang hi khawvel natna hrang hrang zinga tam ber, mi tin in a kan hmelhriat tawh a ni. He natna hi inkaichhawn awl tak, khirh em em ni si lo, awm ti nuam lo deuh si a ni. Hritlang hi engtik lai pawhin a awm a, thlasik lai hian a hluar bik deuh a, mahse khawlum lai pawhin a kai theih reng a ni.

Hritlang chu eng nge?

Hritlang chu thawkawng (Resp. tract) - hnar a\anga hrawk thlenga buaina/natna a ni a, he thumal in a tum/kawh ber chu hnarping, hnaptui leh hahchhiau inkawp hi a ni. Hritlang thlentu ber natna hrik (virus) chu ‘Rhinovirus’ a ni a, hei bakah virus dang pawhin a thlen thei tho a ni. He natna hrik inkaichhawn dan ber chu, hritlang vei ten mi dang an hahchhiau khum emaw khuh per khum te, kut fai lova mit nuai te, hnar emaw ka chhung kut bala khawih te hi a ni a, heng a\ang hian natna hrik chuan hnarah awm hmun a khuar a, chutah chuan a pun belh zel ta a, tichuan ni 2-5 velah hritlang chu a thlen ta a ni. A tirah chuan hnar leh hrawkah buaina/nawm lohna a lo awm phawt a, chutah

chuan hnap a rawn tui a, hnar a ping a, hahchhiau leh khuh te in a rawn zui leh a, khawsik hial a thlen ta \hin a ni. Heng bakah hian luna, chaw chak lohna, taksa zawi/chau ngawih ngawih leh hrawk hnawk te a thlen bawk a ni. Naupangin hritlang a vei chuan khawsik a nei tel deuh ngei ngei \hin, puitlingah erawh chuan khawsik a tel kher lem lo.

A tlangpuiin hritlang rei zawng hi kar khat (ni sarih) chhung a ni a, taksa chak leh chak loh azirin a rei zawng hi mihringah a in ang lo bawk. |henkhatin ni rei lote hnua an dampui laiin, \henkhatah chuan kar thum lai te pawh a awh \hin a ni. Kum khatah mi pakhat hian hritlang vawi 2-4 a kai thei a; naupang lam chuan vawi 6-12 lai an kai thei thung. Hritlang hi

38 Hriselna

kar khat hnuah chuan ziaawm lam panin amahin a reh ve mai \hin a, mahse a reh hnuah pawh khuh hi chu a la chambang \hin chawk a ni.

Enkawl dan

Hritlang chu amaha reh ve mai thei a nih avangin, damdawi ei kher pawh a ngai lo thei a, mah se luna leh khawsik a thlen chuan nachhawkna ei a pawi lo va, hnarping leh hnap tui pawh damdawi eiin a chhawk thei bawk. Heng bakah hian a hnuaia tarlan te hi zawm a tha:

Mut tam leh taksa chawlh hahdamtir.

i) Tui tamtawk tak in.ii) Ei leh in tihthatiii) Taksa invawn faiiv) Taksa tihvawh lohv) Mi dang bula awm tam

loh.

Hritlang chhawk tura damdawi ei a pawi loh rualin,

antibiotics ei loh hi a him zawk bawk. Hritlang chungchang tlangpui chu kan hre ta bawk a, mahni inenkawl dan pawh kan thiam tawh \heuhin a rinawm, mahse ngaihthah changte a awm \hin a, “hritlang satliah” mai mai te kan ti \hin a, hei hi a \ha lo hle. Inenkawl \hat loh chuan chuap lamah \hatlohna a thlen thei a, chu bakah sinusitis (sinus na) leh bengah pawh chhiatna (ottis media) a thlen thei a ni. Tin, hritlangin thawk a tihbuai a, ziaawm lam aia zual lam a pan chuan mi thiamte r^wn vat hi a \ha a ni. Hritlang kai chuan mahni induat a, inenkawl \hat hi a pawimawh hle a, mi dang hnena kai darh tu ni lo tura inenkawl dam vat hi a thei chuan tum hram tur a ni.

Source : Chhemdamthli

t “Ka pu i vanglai khan sa hi i kap hnem ve viau lo maw? Eng sa te nge i kah tawh” an ti a, ani chuan nui ruh ruh pahin, “E.... mite aiin ka kap hnem em em bik lo, sai pa dawp hi chu ka la kap ve chiah lo va, sakei leh savawm na na hi chu... ka kap \euh tawh ti ila, dawt ka sawi a ni anga, mahse heng sakhi, saza, ramar, vahrit tih vel mai mai hi chu silai neiin ramvak ve thin chu ni ila chuan, ka kah ve nual chu ka ring,” zuk ti a!

39December 2016

THEITUI LEH DAMDAWI EI PAWLH CHUNGCHANG

- C. Malsawmtluangi, Asst. Professor Deptt. of Pharmacy, RIPANS

Damlo kan tlawhin theitui han lei sak mai hi a remchang a, han vah chhuah nikhuaa theitui han inte hian min tiharh sawng

sawng zel bakah taksa tan pawh a \ha hle a ni. Amaherawhchu, damdawi nena theitui ei pawlh emaw damdawi ei nana theitui hman emaw a nih chuan, kha theitui tui tak si kha taksain a chhiat phah thei thung a, a chang phei chuan thihna hial a thlen thei a ni.

Theitui (fruit juice)-ah hian chemical compounds chi tam tak,

hnathawh hrang hrang nei an awm a, damdawi \henkhat nena ei pawlh a nih hian, damdawi hnathawh te an tihdanglam theih bakah nghawng \halo tak tak - lu na, luak chhuak, zawi, BP sang, BP hniam, stroke, thawkna lama harsatna te leh thihna hial a thlen thei a ni. Apple, cranberry, grapefruit, grape, pomegranate, serthlum leh citrus fruits ho te hian heng harsatnate hi an thlen nasa bik thei tih hriat a ni. Amaherawh-chu, theitui zawng zawng hian heng harsatnate hi an thlen vek kher lo tih erawh hriat a \ha. Hetianga theitui leh damdawi \henkhat hnathawh an lo intihbuai dante hi hmuh chhuah mek zel

a ni a, amaherawhchu, a theitui azirin chemical compound awm te pawh a hrang a, a awm zat pawh a inang lo thei bawk a; chuvangin an hnathawh dante pawh a inang vek kher lo a ni.

Damdawi kan ei hian kan pum leh rilah a keh sawm a, kan thisenzam (portal vein) hmangin kan thin (liver)-ah a chho \hin. Kan taksa peng hrang hranga damdawi a insem darhna tur leh kan taksa a\anga paih chhuah a awlsam zawk nan, enzymes chi hrang hrang, kan thin leh rila awmte chuan damdawi te hi an lo tidanglam \hin a ni. Heng enzymes zingah hian cytochrome p450(CYP) te hian damdawi awm dan hi

40 Hriselna

an tidanglam tlangpui \hin. Tichuan, theitui leh damdawi \henkhat kan ei pawlh hian, theitui chuan cytochrome p450 enzymes hnathawh hi an lo tidanglam \hin a, chu chuan, damdawi hnathawh a titawp (block) emaw, a tichak zawk emaw thei a ni. Enzymes ho hnathawh chu theituiin a tihtawp chuan, damdawi chu danglam lovin kan thisenah an awm khawm \hin a. Chutia kan taksa a\anga chhuak mai lova a awm reng chuan nghawng \ha lo tak tak kan taksaah a lo thleng \hin a ni. Hetih rual hian, theituiin enzymes hnathawh an tihchak chuan, damdawi kan ei kha rang takin an sawngbawl ta a, tichuan kan taksa a\angin kan zun leh ekah paih chhuah vat vat an ni ta \hin a ni. Chuvangin damdawi ten an hnathawh tur ang an thawk hman lova, an chakna kha a lo tlahniam \hin a ni.

The i tu ia chemica l com-pounds awm zingah chuan heng Flavonoids (Naringin, Hesperidin) leh Furanocou-marins (bergamottin leh 6', 7' - dihydroxybergamottin)

- te huan damdawi hnathawh an tibuai nasa deuh ber a. Amaherawhchu, heng chemical compound chauh lo pawh hi damdawi hnathawh tibuai theitu an awm tho bawk. Theituia Naringin awmna kan in chuan, kan thin (liver)-in Naringenin-ah a lo siam danglam leh \hin. He Naringenin hian cytochrome p450 enzymes zinga CYP 3A4 hnathawh hi a titawp (block) thei a ni. Chutiang bawkin, bergamottin leh 6', 7' - dihydroxybergamottin te hian CYP 3A4 enzyme te hi an titawp thei. Tichuan, kan sawi ang tak hian damdawi kan taksaa lut te chu tidanglam loh in an awm a, t<r (poison)-ah an lo chang thei hial a ni.

Theituiah chuan grape-fruits juice ho hian damdawi hnathawh hi an tibuaiin an tidanglam nasa thei em em a. Grapefruits kan tih hian, Mizovin grape kan tih nen hian a in ang chiah lo va, citrus fruits kan tih ho zinga ser\awk, sermam ang chi te hi an ni zawk mah a ni. Heng hoah pawh hian a chunga chemical compound kan sawi tak ang te khi an awm tam ber

41December 2016

a, chuvang chuan kan CYP 3A4 enzyme-ah nghawng (effect) a ngah ber bawk a ni. Grapefruit ho hian kan thin ai mahin kan rila CYP3A4 enzyme awm teah thil \ha lo an thlen nasa a, damdawi tam tak phei chu awmze nei loah an chhuah daih \hin. IV injections (medica-tions) ho hnathawh erawh chu an tibuai em em lo thung. Amaherawhchu, grapefruit ho pawh hi thei hrang hrang an nih avangin, an juice hrang hrang in a damdawi hnathawh a tihbuai theih dan hi a inang vek lo a ni.

Kum kal ta lawkah pawh grape wine/ juice leh hritlang damdawi dextromethorphan awmna inpawlh avangin mi \henkhat in nunna an chan phah hial ang deuha report a awm a, a chhan ni awma lang thei chu, grape a flavonoids compounds 90 - 95% hi a grape mu (seeds)-ah leh a kawrah hian an awm a. Tin, grape mu-ah hian chemical compound pakhat, reservatrol tih hi a awm bawk a. Grape rah a\anga grape juice/wine - a an siam dawnin, an sawng-bawlna lamah grape mu te kha an lo

keh sawm thei a, he chemical compound hi a grape tui (juice/wine)-ah te khan eng emaw zat a tawn chhuak tel thei a ni. Kan sawi tak ang khan, he chemical compound - resveratrol hian kan thina CYP 3A4 enzymes hnathawh chu a zu titawp ta \hin a ni. Chuvang chuan, hritlang damdawi dextromethorphan nena grape juice/wine kan inpawlh chuan, dextrome-thorphan kha kan thinin a sawngbawl thei ta lo va, kan taksa thisenah awmkhawm in nghawng \halo tak tak, thihna hial a lo thleng thei a ni.

Serthlum tui (orang juice)-ah pawh hian flavonoid compound - hesperidin a awm a. He chemical compound hi damdawi hnathawh tibuai theitu lar tak a ni nghe nghe. Damdawi \henkhat (entir nan, dextromethorphan) te nena ei pawlh loh tur a ni. Creanberry juice-te pawh hi oral anticoagulant drug (thisen khang vengtu damdawi) entir nan, warfarin hnathawh tibuaiin, thisen chhuak nasa tak a awm thei bawk. Theitui dangah te pawh chemical compound hrang hrang a awm avangin,

42 Hriselna

damdawi dang nena ei pawlh loh hi a him ber a ni. Chutih rualin damdawi zawng zawng nena inpawlh a hlauhawm loh vek tihna erawh a ni kher lo. Heng theitui hi kan in duh a nih pawhin damdawi nena in pawlh/in rual kher lovin, darkar thum/li tal a kar tlak tir \hin tur a ni.

A chunga theitui kan sawi hote khi cancer damdawi, BP sang damdawi, antibiotics \henkhat te leh pum damdawi te nen ei pawlh hauh loh tur a ni. BP te a tihniam vak thei a, thawkte a tibuai bawk. Luhai, chau, stroke leh thihna hial te a thleng thei a ni. Amah-erawhchu, mihringte hi kan chi (genetic make up) azirin a thawh dan mi hrang hrangah a danglam ve thei bawk. Damdawi kan ei dawn reng rengin kan damdawi ei kha damdawi dang nen emaw, theitui/thlai leh thildang nen, a inhal em tih damdawi lam thiam (Pharmacist)-te zawh hmasak zel hi a finthlak a ni.

Zirchianna a\anga a lan danin, a chunga theitui kan sawi tak leh a hnuaia damdawi (generic

drug) tlem azawng tarlan te hi ei pawlh loh a him a ni.

Zu n t h l u m d a m d a w i - Repaglinide, Sitaliptin; Cancer damdawi - Crizotinib, Cyclo-phosphamide, Dasat inib , Erlot inib, Imatinib; Pum damdawi - Cisapride, Dom-peridone; Malaria damdawi - Primaquine, Quinine, Arte-mether; Rulhut damdawi - Albendazole; Antibiotic - Erythromycin; BP sang dam-dawi - Lasoratan, Verapamil, F e l o d i p i n e , N i f e d i p i n e , Amlodipine leh Lung (heart) damdawi dangte - Amio-darone, Clopidogrel, Ergo-tamine, Quinidine; Thluaka damdawi hnathawk chi, hritlang damdawi leh na chhawkna te - Dextro-methorphan, Diazepam, Fentanyl - Oral, Fluvoxamine, Ketamine - Oral, Methadone, Midazolam, Oxycodone, Triazolam; Zun kawng damdawi - Darifencin, Fesoterodine , S i lodosin , Tamsulosin leh heng damdawi hote hi - Budesonide - Oral, Colchinine, methyl prednisolone - Oral, Atorvastatin, Lovastatin,

43December 2016

Simvastatin, Estradiol, Ethinyl estradiol.

HRISELNA LATUTE TANA HRIAT TUR PAWIMAWH

HRISELNA la thar tur leh renew turte a hmuna lokal theilo te tan MRB Dinthar Branch-ah Hriselna Account No. 25055010453 -ah pawisa deposit-in lak thar leh renew a tih theih ta. Pawisa deposit hnuah Email Hriselnaccbu@gmail.com - ah leh Editorial Board member Mobile phone No. tarlanah te hian sms hmangin renew turin Subscriber no. (Hming bula no. awm kha) leh la thar turin hming leh address dik tak chiang taka hriattir tur a ni. Kum thar 2017 atang chuan lak thar man hi Calendar year zul zuiin kum khat atan ` 60/- zel pek tur a ni. Tin, kum 2014 atanga chanchinbu lak man pe tawh lote chu paih an nih avangin Subscriber no. hi siamrem a ni a, tun thlenga chanchinbu la dawng te chuan number thar in nei vek tawh tih hriain renew tur reng rengin no. thar hman vek tawh tur a ni. Phone hmanga rawn la thar tur leh renew tur te reng rengin office hours chhung ngeiin tih thin tur a ni.

Mawitea huang

u Counsellor khan camper hnenah khan, “Zu leh hmeichhia hian an tibuai ve \hin che em?” a ti a, ani chuan, “Teuh nang, min tihlim thin zawk mawle,” zuk ti a!

44 Hriselna

CHOLESTEROL LEVEL TIHHNIAM DAN

Cholesterol hi lung (Heart) natna hrang hrang thlentu bulpui ber pakhat niin an sawi a, Cholesterol level sang tur inven lawk a pawimawh hle a ni. Cholesterol vanga kan buai lohna tura kan tihtur pawimawh \henkhat han tarlang ila.

1. Sa ei tlem rawh: A bikin sati sen (red meat) ei tlem rawh. Sa hian cholesterol level a tisang \hin. Sa i ei a nih pawhin bawngsa, vawksa tih vel ei tam lo la, sangha ei tam zawk rawh. Arsa i ei pawhin a thau leh vun tel lovin ei \hin ang che.

2. Ni tin kan ei leh inah fibre 5 - 10 grams vel tal awm thei se a \ha, chu chuan cholesterol level sang tur risk pawh 5% in a tihniam thei.

3. Cholesterol test fo rawh, chu chuan i taksaa cholesterol awmdan a hriattir che anga, a pawi hmain i lo fimkhur thei ang.

4. Mawm ei tlem rawh: Thil mawm ei tlem hian kan taksaa cholesterol sang tur nasa takin kan veng nghal. Chawah thlai hnah, a rah leh

thei lam te ei nasa la, nuts lam chi ei tam ang che.

5. Mawm kan ei a nih pawhin thlai hriak lam ei zawk tur a ni a, canola oil, olive oil leh soyabean oil lam te hman uar zawk tur a ni.

6. Ni tin minute 30 tal exercise la \hin ang che. Exercise lak \hat hi lung lam natna pumpelh nan a pawi-mawh hle.

7. Sangha hian omega-3 fatty acid an pai deuh vek a, chu chuan cholesterol a tihniam thei a ni. Chuvangin kar khatah sangha vawi 2-3 tal ei tum ang che.

8. Nuts ei hnem rawh: Chawei hmain i ril a \am deuh a nih chuan thildang ei lovin nuts te han hmawm zeuh zeuh la. Nuts hi a hrisel mai bakah mi a tipuar ve thei riau a, lung tan a \ha bawk a ni.

9. Inti cher rawh, chu chu

45December 2016

cholesterol level tihhniam nan a pawimawh hle. Kan san zawng leh taksa rih zawng a inmil tawk tur a ni a, mi thau lutuk te hian lung natna neih theihna risk an nei sang hle.

10. |um khatah thil ei \awk chin loh tur: Chawhmeh duh zawng hmeh tih vanga ei \awk mai te hian cholesterol level a tisang duh hle.

11. Ke in ka l t am rawh: Chhuahvah dawn hleka lirtheia chuan zel hian mi a tithau a, kan cholesterol a lo san phah \hin. Kea kal hi physical activity \ha ber a ni.

12. A r t u i e i t l e m r a w h : Cholesterol lama harsatna nei tan artui hi kan hmelma ang deuhah kan ngai \hin. Mahse, artui tlem tlema ei chu a pawi hran lo, a kan nan tel tlemte chauh hmang la. Artui chu ei tam i duh chuan a chhungmu tel lovin, a pawn var chauh ei la, a pawi lo.

13. Green tea-ah hian catechins a tam a, chu chuan cholesterol a tihniam thei. Green tea ni khatah no 3-4 te in thei la a

\ha hle ang.

14. Zana mut \hat hian kan blood sugar level a siam \ha a, rilru lam thlengin a ti hrisel a, cholesterol risk a tihniam bawk.

15. Mei zu mi i nih chuan sim hlauh rawh. Mei zuk hian cholesterol level a tisang thei tlat. Mei zuk hian HDL (cholesterol \ha chi) level a tihniam a, chu chuan lung natna a thlen duh hle a ni.

16. Purun var ei tam rawh. Purun varah hian organo-sulphur a awm a, chu chuan kan thisena thau \ha lo awmte a paihchhuak \hin a, thisen zam a \ha hle a, cholesterol level a tihniam thei. Nikhatah purun var mal 2 -3 vel ei ziah theih a \ha.

17. Zu in tlem rawh. I lung hriselna i ngaipawimawh a nih chuan zu i in duh a nih pawhin nikhatah no 2 aia tam in suh. Zu hian cholesterol level a ti sang thei.

46 Hriselna

HMAR SPECIAL (Beipenek)

Mamawhte:- 1. Vawksa - Kg khat2. Buhfai - No chanve aia tlem(Minute 20 vel chiah tur)3. Purun var - bul khat.4. Purun sen - pum khat5. Sawhthing - kut zungpui tiat vel.6. Ai eng - Thiarfiante chanve.7. Hmarcha rep ro - thirfiante khat rawt sawm(uh hmui loh)8. Bahkhawt - tel khat.9. Chi al tawk.

SIAM DAN: Buhfai chu chiah puam hnuah denchih (phut) tur, tichuan dah hrang rawh. Vawksa chu i duh angin chante la, tichuan thirbelah dah la, a dang zawng zawng (buh denchih/herdip tih loh chu) telh vek la, meina lovin tel tel lovin thirbelah chuan chawk reng rawh. A tui a lo chhuak ang a, tichuan ama tui chu chhuang kang la, vawksa er hma siin tuilum no 2 vel leih la, mei na lovin a hmin thleng chhuang la, tichuan a tui tlem leih belh la, i buh rawt sawm kha tuiah chawk kawi la, tichuan zawi zawiin chawk pah zelin thirbelah chuan leih lut la, mei na lovin ur la, a hmin chuan suan mai tur. A vaia i pawlh hnuah tem ang che, a al lo chu a tui miah lo a nia. Source: Ei siam dan leh hmangchang.

Mawitea Huangu AR lammual a inkhelh ennaah khan hnung lam a\ang hian ring deuh mai hian ‘Mawia’ tiin an rawn ko a, ani chuan hnung lam chu ava thlek a, a ko tu chu a hmu mai lo va, a khat tawkin ‘Mawia’ an rawn ti leh thin a, lehhawia a’n thlek ngial pawhin a kotu chu a hmu thei si lo, a thinrim chuan, ‘Min rawn ko chhen tawh suh, Mawia pawh ka ni reng reng lo,’ ‘Sanga asin ka nih’ zuk ti leh lawi si a!

47December 2016

KEIMAHNIu Ni 31 Oct. khan District Aids Prevention & Control Committee(DAPCC) chu an Chairman, Kannan Gopina-than, Aizawl district bawrhsap hovin HIV/AIDS chungchanga Mizoram dinhmun thlir hona an neiin hmalak dan tur an sawiho.

Tun dinhmunah hian India ram hi khawvela HIV hrik pai tam na ber pathumna niin mihring maktaduai 2 cheng (mihring za zela 0.30%)HIV heik pai an awm a, India ramah Mizoram chu HIV hrik pai tamna ber pahnihna niin HIV hrik pai mi za zelah 0.68 an awm.

Kum 2012-2016 Sept thla thleng Aizawl district a thisen endik zawng zawng mi 1,39,751 zingah HIV hrik pai 4,286 hmuh a ni. Kum 2015-2016 inkarah tam berin hemi kum hian mi 1025 HIV hrik pai hmuh chhuah a ni.

u Damdawi in faia inelna Kayakalp Award chu ni 16 Nov. khan Lal Thanhawla

Auditorium-ah sem a ni a. Health minister Lal Thanzaran a hmanpui. Health Minister leh Health principal director Dr. K. Ropari ten lawman an sem. He Kayakalp lawmman dawngtute chu:-

District Hospital:

1-na C h a m p h a i D i s t r i c t Hospital.

2-na S e r c h h i p D i s t r i c t Hospital.

3-na Kolasib District Hospital.

SDH/CHC:

1-na Vairengte CHC.2-na Biate CHC.3-na Hnahthial CHC

Primary Health centre:-

Aizawl West District- Aibawk PHC

Aizawl East District: Thingsulthliah PHC

Kolasib District: Bilkhawthlir PHC

Mamit District: West Phaileng PHC

Champhai District: Hnahlan PHC

Serchhip District:

48 Hriselna

N.Vanlaiphai PHC

Lunglei District: Buarpui PHC

Lawngtlai District: S. Lungpher PHC

Siaha District: Chhuarlung PHC.

Kuminah hian District hospital zinga fainaa inelnaa pakhatna a\anga pathumna te

hian ` 3,00,000, thuchei leh memento an dawng \heuh a; SDH/CHC inelnaa pakhatnain ̀ 10,00,000 dawngin, pahnihnain ` 4,00,000 leh pathumnain ` 3,00,000 an dawng. PHC-ah erawh district tina damdawi in fai ber \heuh thlan a ni thung. Damdawi in fai tehna 70% hmu pha district damdawi in pahnih, CHC pali leh PHC 37 hnenah commen-dation Award sem a

ni bawk.

u Nov. Ni 11- 2016 khan Mizoram Pharmacists Association chuan Torist Lodge Chaltlangah General conference cum National Pharmacy Week an hmang a, Health Minister Pu Lalthanzara chuan khual lian niin a hman pui. He hunah hian kum 2017-2018 chhunga an pawl hruaitu tur thlanna an nei a,chungte chu:-

President : Timothy ThanchungnungaVice President : R. RodinglianaGen. Secretary : Dr. C. ZothanmawiaJoint. Secy. : Lalruatdika Varte.Fin. Secy. : VanlalhlutiTreasurer : Esther Lalduhawmi Hnamte.

Hriattirna

Health Dept. chuan thuchhuah siamin Food Safety & Standards regulation 2011-in a tarlan angin mi tu pawh ei leh in leh a kaihhnawih zuartu leh zawrh tumte chuan License emaw, registration emaw an nei ngei ngei tur a ni.

Hei hian canteen, mess, sawrkar office, University, College, School leh hospital-a ei siam zawng zawng pawh a huam vek a

49December 2016

PUBLIC NOTICE(Phai Sangha chungchang)

H & FW Department tihchhuah HRISELNA Monthly Magazine, November 2016 chhuaka Phai sangha chungchang lo langin mipuite a tithlabar hle tih hriat a ni a, a pawi hle a ni.

Formalin (Formaldehyde) hi sangha khawina lam (Pisciculture)-ah natna hrik laka sangha venhim nan hman \hin a ni a, amaherawhchu sangha thawnchhuah/hralhchhuah vawn \hatna (preservative) atan chuan hman phal a ni lo. Hetihlai hian India ram hmun hrang hrangah sangha hralh chhuah lama sumdawng ten a vawn\hat nan Formalin hi an hmang fo tih sawi a awm reng a, sawiselna pawh hriat tur a awm reng nghe nghe a ni.

Mizorama lo lut phai sanghate hi Formalin hmanga sawngbawl vek an ni em tih a hriat loh va, a nunga khawi an nih laia kai pawh an ni thei bawk ang. Food Safety Cell, H & FW chuan kan ei leh in reng renga thil \ha lo leh hlauhawm awm palh theite bawhzuiin a vil reng a. Vawiin thlenga hriat theih chinah sangha a ni emaw, thlai lam thil a ni emaw mihring tana hlauhawm khawp Formalin pai hmuh a la ni lo. Thil hlauhawm leh fimkhurna tur chi chu mipuite him nan puanzar a ni \hin a, chuvangin Hriselna Magazine November - 2016 a thuziak lo lang avang hian tumah chi ai lo turin kan inhriattir a ni e.