BUSHE LESA ALITALA UKUPILIBULA AMATONNTONKANYO… 1

` Natukontamike imitwe yesu. Mwebatemwikwa Shikulu Yesu, ifwe natulongana nakabili mwi Shina Lyenu, ne subilo ilikalamba pakupongolola ukwa Maka yakwa Lesa ayapelo mweo ukutuleta ku kwiluka palwa cifulo cesu ne ncende, kabili ne milimo yesu, pakuba abantu abaitwa, abapatulwa kwi sonde, abashishiwa kuli Lesa. Peleni, Shikulu, muno bushiku, ukutila amapalo yakwa Lesa yali no kututungulula no kutusontelela mu fintu ifyo tucita atemwa ukusosa, pa kutila cingaleta umucinshi no bukata kwi Shina Lyenu. Ameni.2 Ndi uwa nsansa ukubwelela mu lukuta muno bushiku no kuba pamo na imwe mwe bantu abatemwikwa. Kabili ninjishiba na kukaba, lelo nacituma lamya ku mukashi wandi, ndetontonkanya cena cili amakumi pabula na fimbipo kulya, amakumi pabula na fisano atemwa amakumi pabula na mutanda atemwa icintu cimo, kabili kwena nakukabako panono ukucila ifyo kuno kuli. E ico ndeya ndebelesha ku mwela uwakaba nomba. E ico, lelo ndi uwansansa nganshi ukuba kuno ku tabernacle pali iyi nshita iyawama iye Pasaka.3 Kabili ine tekuti nsose ukutila ndi no kulomba ubwelelo pali ilye itali, Mbila itali ulucelo, lelo ine^Yena yaciba, ine nshacilafwaya_nshacilafwaya ukunasha ukushipikisha kwenu kabili elyo kwisa kuli yena nakabili mubushiku. Lelo ine_nacilafwaya_ukuleta ilye Mbila kuli imwe, ukutila imwe muli cilye ciputulwa ca kulya kubuka. Mwamona? Kabili mwisakamana palwa Cena, nakabili, mwamona. Sangalaleni fye pali Cena! Takuli nangu cimo, nangu kumo, icinga mupatula imwe ukufuma kuli Cena; nangu cimo; abacingililwa Umuyayaya mu Bufumu bwakwa Lesa. Ilyo Lesa afwatika Icikakatikilo Cakwe pali imwe, imwe muli kumpela ya kucifulo.4 Ilyo buteko bwabika icikakatikilo pa cipe, abanyanji babike cikakatikilo pa cibi, lilye tolokoshi tekuti lyangalilweko mpaka likafike ku cifulo caliko. Ilyo Lesa abika Icikakatikilo Cakwe pa muntu. Kabili Icikakatikilo caba Mupashi wa Mushilo. Ilyo Ena akakatiko muntu nga filya, ena aya ku cifulo cakwe ica Muyayaya.

2 ICEBO ICALANDWA

Takwaba nakabili ena ukutala, ukutala ukubwelelamo, ukuli konse. Pantu ibukisheni, AbenaEfese 4:30 itila, “Mwilenga Mupashi wa Mushilo wakwa Lesa ubulanda, uo mwakakatikilwako pa nshita shonse.” Mwamona, imwe muli abakakatikwa umuyayaya. Imwe muli abakakatikwa, Umuyayaya, mukati ka Bufumu bwakwa Lesa, ku Mupashi wa Mushilo. Nomba tontonkanyeni pali cilya!5 Elyo, imwe, kasebanya akoma imwe, kabili ena akasosa ifintu fyonse pali imwe, no kumupelesha umulandu, kabili_kabili ukwesha ukulenga imwe ukutontonkanya ukutila imwe tamwaba. Lelo mwikamumfwila wene.6 Nomba, namwishiba imwe mwalipita ukufuma mu mfwa ukwingila mu Mweo. Imwe mwalishiba ifintu ifyo mwatemenwe kale, imwe tamwafitemwa nakabili. Imwe mwalishiba ukutila mwalicetekela Icebo conse icakwa Lesa. Imwe mwalimona Lesa ukubomba pakati kesu, ukwabula^Ifishininkisho ifyapwililika ukutila Ena e mukalamba “NINE.” Imwe mwalimona ukutila fyonse ifyo ena asosa mwi Shina Lyakwe, tapatala icintu nangu cimo ukusesemwa mwi Shina Lyakwe kano ico cacitike filya fine fye umusango cacitile. Nangula ni kuli science, ipepala lyelyashi, icikope, ba camera, ba kalemba, ifintu fyonse, filingile ukwishiba cena. Mwamona, te mulandu nga balefwaya ukucita atemwa iyo, Lesa alabalenga bena ukucita cena, ifyo fine, mwamona, ukucilenga ukwishibikwa.7 Nomba, pa kuba ibumba ilinono. Ibukisheni, tacaba libumba ilikulu ilyo Ena akeshila. “Mwitina, akamukuni akanono; cena bufwayo busuma bwakwa Shinwe^” Mwamona?8 Ndefwaya ukumishila ishiwi imwe, ilyakutensha, lintu fye tatulakwata ukulashika ukwakwa kapyunga. Kabili ici ciletensha nganshi, lelo pa kutila fye mwingeshiba. Nomba, nshilesoso kutila ici ni filya fine kumpendwa, lelo kuti natemwa ukusha ici kuli imwe.9 Nshishibe nga cakutila abantu muno balitala ukumonapo ukusankanya kwa ngo’mbe. Icili, nshacetekela muli cena, lelo nalimona cena ukucitwa. Kabili nalibamona bena ukusenda amaswela ya cilume, ayalinga fye yakukumya kukacela akanono, kwati kakutonkwelako mumeno akanono, no kubika yena pakaputulwa aka marble. Kabili no kwisula yalya magalashi ayo aya kusha yena, nshaishiba mikuinga, mpaka yalya maswela^Uko imwe tekuti mumone nangu cimo ne linso lyenu lya cifyalilwa, ne cilola icili conse. Lelo ilyo yakushiwa, umwanda atemwa umwanda umo ne miku amakumi yasano, imwe kuti mwamona muli kalya kamo akali toni akanono, akaliswela, nalimo amakumi yasano ukufika umwanda umo utushishi utunono ukulaenda enda.

BUSHE LESA ALITALA UKUPILIBULA AMATONNTONKANYO… 3

Nacimbi, muikota mulafuma amani ayengi, mu_mu maswela. Nomba, ilyo fyena fya_fyena fyaletwa capamo, nomba, fibili ifyakubalilapo ifikumana no kusuntikana^10 Kwaba fye limo ukufuma muli yalya ma million ili no kuba no mweo. Bushe mwalitala ukutontonkanya cilya? Twena tushishi tumo twine, kabili lini limo line, fyonse fibili ifyapalana fye, lelo kuli limo ilili no kuba no mweo. Kabili tacishibikwa ni lisa ilili nokufika kulya intanshi. Pantu, inshita shimo ilini, kulya kunuma sana kunuma kabili akashishi limbi kuti kaba pakati ka maswela, kabili yali nokusuntinkana limo ne libiye. Cena cisenda ukucenjela ukwishiba nga cakutila cili no kuba umulumendo atemwa umukashana, umusweshi, umufishi, atemwa na fimbipo. Cena kusala kwakwa Lesa. Cena tekuti cibe cintu cimbi. Ukusala!11 Nangula mukufyalwa kwa cifyalilwa, caba kusala, nga cakutila cili no kuba umulumendo atemwa umukashana atemwa conse ifyo cingaba. Kabili ilyo kalya kashishi akanono kaingila muli ili lini ilinono, kabili aka mucila akanono kalasusukako, kalatendeka umongololo wakanya kucili conse icili no kubapo; inama, akanya, atemwa conse ifyo cili. Kabili utwashala tonse tulyo tushishi million^Amani million, utushishi million, kabili kamo fye ekaba no mweo. Fyonse cimo cine, lelo Lesa asala ukupitila mukusala ako akali no kuba no mweo, kabili utwashala muli twena tulafwa. Kamo kufuma muli million!12 Ilyo Israele afumine mu Egypti, bena bonse bacetekele mu mbila yakwa kasesema umo. Bena balimwene fishibilo fyakwa Lesa, kuli Mose. Cila umo uwa bena balimwene fyena. Kabili cila umo uwabena balifumine mu Egypti, no kwenda ukupita muli Bemba wa Kashika, kabili balibatishiwe kuli Mose. Cilya umo amwene amaka yakwa Lesa ukumwikasha, ilyo ena aimbile mu Mupashi; kabili ilyo Milliam alishishishe amasese, abutwike uku no ku kululamba. Cila umo uwa bena, cila nshita ya bushiku, balelya ipya, mana iyafuma ku mulu ukufuma mu myulu. Cila umo banwene ukufuma kuli cilya Cilibwe ca bumupashi ico capuminwe. Kabili kwaliko abantu ba million babili abafumine mu Egypti. Ni banga abaile ku mpanga ya bulayo? Babili. Umo kufuma muli million! Nikwisa uko bonse bali? Yesu atile balyonaike. “Bashinwe balile mana mu matololo, pa nshita ya myaka amakumi yatatu, kabili ndetila kuli imwe ukutila bonse balifwa.”13 Nomba kuliko nalimo Abenakristu ba million imyanda isano mwi sonde muno bushiku, ukupendelapo ba Katolika, ba Protestanti, na bonse. Nga Yesu kuti aisa muli kulyo Kusendwa, ukulingana kufyo nsosele fye, kuti kwabako imyanda isano ukuluba mwi sonde muno bushiku, mu Kusendwa. Kabili bena

4 ICEBO ICALANDWA

nalimo bali filya cila bushiku, ukupenda impanga shonse, isho shishapendwapo. E ico cena kuti caba inshita ili yonse, mwamona.14 Owe, mwe Benakristu, natufwale icabulwi icakwa Lesa. Lekeni tucite fyonse ifyo twaishiba ukucita, ukubombela Wene, ukutemwa Wene, no kulolela pali ilya nshita ikalamba.15 Nomba, takwakabeko abengi ba million ne bumba ukufuma mu nkulo no kwingilamo. Kulya_kulya tekuti kube. Nomba, ibukisheni, cila bushiku inkulo ilapwa, cila bushiku. “Nge fyo cali mu nshiku shakwa Noah, efyo cikaba na mukwisa kwa Mwana wa muntu, uko imyeo cinekonse konse yapusushiwe na menshi.” Lelo cila bushiku ilapwisha inshita imyaka amakumi yane pa muntu umo, kuli bamo. Mwamona? Kabili cila bushiku, abengi balakakatikwa mu Bufumu. Ubushiku bumo, ubushiku bwakulekelesha bukafika. Lekeni tube abashininkisha nomba, ilyo tucili mu mano yesu ayatuntulu. Kabili mulukuta, kabili pakati ka bantu, uko Mupashi wa Mushilo ailangisha nganshi Umwine pamo na ifwe, lekeni tube abashininkisha ukutila ifintu fyonse fili fye bwino, kabili tuleikala fye bwino, ku cinso Cakwe.16 Imwe mwileke. Mwilatusha, akasuba no bushiku, mpaka yalya Maka ayaleta ku mweo ya mufumya ukufuma ku fintu fya mwi sonde, ukwisa mu Bufumu bwakwa Lesa. Kabili imwe abo mucine abaletwa mu Bufumu bwakwa Lesa no kulengwa aba mweo ku Mupashi wakwa Lesa, ifyo muli abansansa! Ne filamba fyakusangalala ifwe tulingile ukuba pamakufi yesu, akasuba no bushiku, ukutasha Lesa pa fyo Ena acita.17 Muno bushiku natukwata ukupilibula ukunono mukulongana. Ifwe natukwata munyina umusuma umunono muno, Munyina Capps. Ena aisa kuli ifwe ukufuma ku lukuta lwa Nazarene. Kabili ndetontonkanya cilya cishinka, Munyina Capps? Ena alefwaya muno bushiku ukulashikwa kuli ifwe, pakubikwapo kwa ndupi.18 Ifwe tatwakwata amapepala ayakupela kuuli onse, lelo nomba ifwe twalishibikwa nga^Ifwe kuti twakwata amapepala, lelo twalicetekela ukutila uwacine, kapyunga uwasontwa, amapepala yakwe yaba ku Mulu. Mwamona? Kabili ena_ena alikwata insambu ukushimikila Baibele ilyo lyonse ilyo Lesa alelangisha ubumi bwakwe pamo na Baibele. Ifwe tulecetekela ukutila filya efya kwishibikilwako fyakwe.19 Kabili, nomba, Munyina Capps alisontwa mukusumininshiwa mu_mu lukuta lwa Nazarene, lelo muno bushiku ena alefwaya abakalamba, kabili na bambipo, ukubike ndupi pali wene kukulashikwa, ukusenda iyi Mbila. Ifyo caba icintu icawamisha!

BUSHE LESA ALITALA UKUPILIBULA AMATONNTONKANYO… 5

20 Nali_nalyumfwa ilyashi ukutula lilya nali mu Tucson, kabili ilyashi ilisuma nganshi, pali Munyina Capps kuno mu bwafwilisho bwakwe ku wesu uwacikuku Munyina Neville, uyo wikatilile Ulubuuto lwa nyali nokushipa fye nge fyo aba baume babili bengekatilila. Ifwe twalibika indupi pali Munyina Neville, lelo tepali Munyina Capps. Kabili ndefwaya abo abali bakapyunga, Munyina Jackson na bena, nga bena bali muno, na Munyina Ruddell na bakalamba balukuta muno, nga bali nokwisa kuno pa ma miniti fye ayanono nomba, nokubike ndupi pali Munyina Capps. Kabili ba^21 Nomba tulesanga, muli Baible, ukutila ulya e musango bena bacitilemo, bena balabike ndupi pali bena no kubabika kumbali lyena. Kabili ulya emusango bena bacitile Timote. Atile, “Kuli ici cabupe ico cali muli iwe, ukufuma kuli ba no kokulu ba Lois^” Bena balicimwene cena, ukutila kwaliko icabupe mu mwaume, caishile kuli wene naba prebysters, pakubikwapo kwa ndupi.22 Nomba, ba munyina ba Latter-day, nakabili ba munyina ba mfula ya latter-day, bakwata, nangula, cilya ukusankanishiwa. Bena batontonkenye bali mupele wene icabupe pa kucita cilya. Iyo, icabupe cali kale muli wene, kabili bena babikile fye ndupi shabo pali wene ngo kusuminisha ukutila bena balicetekele ukutila Lesa alibika kale icabupe muli wene. Kabili bena balisuminishe cena, pakubikapo indupi.23 Kabili aba abaume muno mu lukuta, abo ndecetekela ukutila balikwata mu myeo yabo aya Maka Yakwe ayapelo mweo; nga imwe ba munyina kuti mwaisa fye kuno nomba, Munyinda Ruddell, na bonse imwe abashala mu lukuta, kabili na bakalamba ne nkuta ishishingulwike isho twampana na sho, ukubika indupi pali Munyina Capps, pa kutila ena engalashikwa kukusuminisha kwesu, ku cinso ca ili bumba, nokutumwa kunse kukushimikila Mbila nsuma iyakwa Shikulu Yesu, ukuli konse uko Lesa engamwita. Ena aleisa mukuba^ Ena alikale umo uwa ifwe, ku Kufyalwa. Ena ni umo uwaifwe pantu Ena alicetekela Mbila. Ena ni umo uwa ifwe pantu ukutila_ukutila ena aiminina pa Cine ca Cebo. Kabili tulefwaya Munyina Capps ukulashikwa mukusuminshiwa, ku cinso cenu, pa kubikwa kwa ndupi, ukutila ena ni umo uwa ifwe. Cisuma, Munyina Ruddell, Munyina Capps, Munyina Neville. Munyina Junior Jackson, abali bonse bambi bakapyunga kuno, nshishibe fye nibanga abaliko. Nshishibe^Ndemona bena nabakwata ukulongana kwabo abene muno bushiku. E ico isa fye kuno kwine, Munyina Capps.

6 ICEBO ICALANDWA

Nomba alikwisa Munyina Hunter na bena ukufuma ku New York, ine^Munyina Anthony? Ndemona bena nababwelelamo. [Munyina Neville atila, “Ulya palya Munyina Anthony kunuma kulya.”_Ka.] Aba bonse bambi abali muno, abali pamo na ifwe, cinshi, ifwe kuti twaba abansansa imwe ukwisa kuno no kwiminina pamo na ifwe nomba, ngo kusuminisha ukutila ifwe twalicetekela Munyina Capps ukuba. Ni banga muli imwe muno abaishiba Munyina Capps, imyeni ukuboko kwenu. Cisuma, bikeni ukuboko kwenu panshi. Ni banga abacetekela ena ukuba umubomfi wakwa Lesa, imyeni amaboko yenu. [Ulukuta lwatila, “Ameni.”_Ka.] Ifwe twalimutemwa, nga munyinefwe.24 Nomba iyi taili nshila iyalungama filya fine pa fyo twingeta ukuba ukulashikwa, lelo ndefwaya ili bumba^Ine tekuti nyimbe ulu lwimbo, lelo ndefwaya imwe ukungafwilisha ukulwesha. Ukutila^25 Ubushiku bumo kasesema aile kulya ku cipailo, mulya mwi tempile. Kabili ilyo ena ali kulya kwi tempile^Ena ali muntu musuma, lelo ena aleshintilila fye pa maboko yakwa Ussiah imfumu, kabili ena ali i_ena ali muntu musuma. Lelo nomba, ubushiku bumo, kwi tempile, alimwene cintu cimo, ilyo ena awile mucimonwa, ico ena tatalile ukumonapo. Ena alimwene ba Malaika, na mapindo, balepupuka uku no ku, ukupita mucikulwa, balebilikisha, “Wa mushilo, wa mushilo, wa mushilo, Shikulu Lesa Impalume!” Isa kuno, munyina. Ee. Mwamona? “Wa mushilo, wa mushilo, wa mushilo, Shikulu Lesa Impalume!” Ben.26 Kabili ilyo acitile, ifilu fye tempile fyaliselele. Kabili atile, “Akalanda kuli ine! pantu ndi muntu wakowele milimo.” Mu Mulola wakwa Lesa ena alimwene, ukutila nangula ena ukuba kasesema, ena ali mucilubo. Atile, “Ndi muntu wakowele milomo, kabili njikala pakati ka bantu abakowele milomo.27 Kabili umo uwaba Malaika alipupwike, no kusenda ikala lya Mulilo no kukumya imilomo yakwe, kabili atile, “Sesema, we mwana wa muntu!” Bushe kuti watupelako apakutampila pali lulya, nkashi, nga kuti wacita. Ni banga aba ishiba ulu lwimbo? Lekeni ifwe, vesi imo. Cisuma.

Ilyo kala lya Mulilo lyakumishe kasesema,Ukumulenga kubuta tutu ngefyo engaba,Ilyo ishiwi lyakwa Lesa lyatile, “Nani

uwalatuilako?”

BUSHE LESA ALITALA UKUPILIBULA AMATONNTONKANYO… 7

Elyo alyaswike, “Ndi pano, ntumeni.”

[Tapali kantu pali tepu_Ka.]^soseni, Shikulu,

Soseni, kabili nalaangufyanya uku Mwasuka;Soseni, Shikulu, soseni, Shikulu,Soseni, kabili ndi no kwasuka, “Shikulu,

ntumeni.”

Imintapendwa mulubembu ne nsoni balefwa nomba;

Umfweni ukulila kwabo ukwa bulanda nokucula;

Endesha, munyina, endesha ukubapususha;Asuka bwangu, “Shikulu, ndi pano.”

Soseni, Shikulu, soseni, Shikulu,Soseni, kabili nalaangufyanya uku Mwasuka;Soseni, Shikulu, soseni, Shikulu,Soseni, kabili ndi nokwasuka, “Shikulu,

ntumeni.”

Lekeni abakalamba bende nomba no kubika indupi shabo pali Munyina Capps. Natukontamike imitwe yesu bonse.28 Lesa uwatemwikwa, ifilu fye tempile nafisela nakabili, kabili pa kumona Umupashi upelo Mweo ukubomba muli munyinefwe. Ndepepa, Lesa, nge fyo aleumfwa ici ukufuma ku Mulu, uyo usosa ukutila ena alingile ukuya. Ifwe tulebika indupi shesu pali wene, nga bakalamba Benu, Shikulu, no kupela kuli wene ukuboko kwa kulyo kwe senge; nokubika indupi shesu pali wene, no kupela amapalo yakwa Lesa pali wene, ukutila imwe muli no kusuba imilomo yakwe, amatontonkanyo yakwe, ubuntu bwakwe bonse. Kabili lekeni ena akasende iyi Mbila ya Mbila nsuma ku mulale onse ne cifutu ico Imwe muli no kumwitako. Peleni cena, Shikulu. Tulepela Imwe munyinefwe, ngo mubomfi Wenu, mwi Shina lyakwa Yesu Kristu. Ameni.29 “Shimikile Cebo,” munyinane umwaice. “Ube munshita, kabili na munshita ishiyene; konkomesha, ebaula, nokushipikisha konse ne Sambilisho.” Lesa akupale, munyina.30 [Munyina Ben Bryant atila, “Munyina Branham, bushe kuti wabika indupi shobe pali ine? Bushe bena kuti babike ndupi shabo pali ine? Kuti natemwa ukulashikwa.”_Ka.] Bushe waliba^Nshaishibe taulaba.

Munyina Ben, pano, naisa kuli ifwe. Ndetontonkanya ena alashimikila panshita imo. Nomba, ena talacitwa mukusuminishiwa (Natontonkenye alikwete; ulya e mulandu wine nacimwita kuno) ukulashikwa, atemwa indupi ukubikwa pali ena kuno.

8 ICEBO ICALANDWA

31 Nomba, umukashi wakwa Munyina Ben ali muno pa cifulo cimo, kabili ena muntu uwatemwikwa. Wene ali ni kashimikila umwanakashi. Kabili ilyo ena kabili na munyinefwe baupene, kabili baletele wene ku tabernacle, ilyo wene amwene no kumfwa Icebo, lelo nomba na mayo umunono umusuma ne mimonekele isuma, lelo ilyo amwene ukutila cali cilubo ku banakashi ukucita cilya, abikile kumbali; kabili camoneke ukuwila pa mulume wakwe. Cilya cintu calungama. Cilya cabutumwa. Ulya e musango cilingile ukubelamo.32 Munyina Ben alasenda amatepu, nge fyo naumfwa, pamo no mukashi wakwe. Bena balaya mulya mu-^incende sha kutali, mulya mukati ka mpili, mumitengo, bena balalisha aya matepu no kulandapo pali aya matepu. Inshita shingi balababutusha, ukubatamfya, ukubaposela kunse. Ifwe tuleenekela cilya. “Pantu bonse abekala aba mushilo muli Yesu Kristu bakapakaswa.33 Ni banga abali muno abaishiba Munyina Ben? Nibanga abacetekela wene ukuba umubomfi wakwa Lesa, [Ulukuta lwatila, “Ameni.”_Ka.] uwalinga ili palo ilyo twalaipusha Lesa pali ena? Mwamona, ena temweneni. Ena aba pamo na ifwe pamyaka ne myaka. Ine nalimwishiba ngo mwaume uwapetama. Ena aba nga ine; ena alapanga ifilubo ifingi. Ifwe bonse tulacita cilya. Ifyo natemwa palwakwa Munyina Ben, ena alafwaya ukwamfula pa makufi yakwe no kulungamika cena. Kabili ilyo aumfwile, ubushiku bumbi, pa Icupo No Kulekana, ena no mukashi wakwe bali mupepi ukupatukana, pa mulandu wakutila ena ali mutemenwe wene, kabili wene ali mutemwa ena, lelo bena balefwaya ukwikala pamo ne Cebo. Fyonse ifyo Icebo casosa, filya efyo balefwaya. Ndepepa ukutila Lesa ali no kupala Ben no mukashi wakwe, ku mulimo Wakwe. Natubike indupi shesu pali munyinefwe.34 Lesa uwatemwikwa, tulebika indupi shesu pali Munyinefwe Ben, kucishibilo ukutila ifwe twalimutemwa. Kabili ifwe twalicetekela, Shikulu, ukutila ena alefwaya ukumibombela Imwe, ukutumwa kunse naya matepu, ukuyalisha yena pakati ka bantu bamo aba mu mpili mu ncende isha kulyo kutali uko nalimo fwebengi ifwe tatwakatale ukufika, lelo nomba Imbila ilingile ukuya mwi sonde lyonse. Ifwe tulepepa ukutila Imwe mwalapala munyinefwe, nokupela kuli wene Umupashi Wenu, kabili lekeni Wene wise pali ena. Kabili mutungululeni ena, nokusontelela ena no mukashi wakwe kuli shilye ncende uko nalimo umweo umo uli kulya lubali, kabili iminshi tekuti isalwe mpaka ilye mpaanga imo yaletwamo. Imwe tamwaikushiwa na makumi pabula na pabula. I^ishina lyonse ilili pe Buku lilingile ukuletwamo. Bafwilisheni bena,

BUSHE LESA ALITALA UKUPILIBULA AMATONNTONKANYO… 9

Shikulu, ilyo tulebika indupi pali ena, ngo kwampanya wene pamo na ifwe nga munyinefwe. Kabili ubwafwilisho Bwenu ne pepo kuli wene, lili no kuya pamo nankwe. Kabili ifwe tulepepa ukutila muli no kumupala, Shikulu, konse uko aleya. Mwi Shina lyakwa Yesu. Ameni. Lesa akupale, Munyina Ben! Ukuboko kwakukulyo kwesenge twakupela iwe, nga ba munyina abapyunga. Lesa akupale, munyina.35 [Munyina Earl Martin atila, “Munyina Branham, bushe kuti wabika indupi pali ine, no kundashika kukubomba nga kacema?”_Ka.] John Martin^[“Earl.”] Earl. Nibanga abaishiba Munyina Earl Martin? Ni banga abacetekela wene ukuba umubomfi wakwa Kristu? Ena aisa kuli ifwe ukufuma ku^ndecetekela i, icakubalilapo, ukufuma kwi bumba lyaba Pentecostal, kabili nomba ndetontonkanya ena alacema no kubomba umulimo palwakwe.36 Nalimwishiba Earl ukuba umubomfi wacine wakwa Kristu. Nshakatale ukulabako umulimo umo, iingi yalicitwa, lelo umulimo na Earl. Ndeibukisha inshita imo iyabushiku balimwitile ilyo nali mu Dallas, Texas; atemwa ine ndecetekela, iyo, cena cali^[Nkashi atila, “Beaumont_Ka.] Beaumont, Texas, elyalungama, nkashi. Kabili bena_bena^Akanya kakwe kalilambalele, kalefwa, kabili bena batontonkenye kena nakafwa kale. Kena takalepema nakabili. Kabili Earl aishileenda ukwisa ku cipinda candi, nga wishi, ukuwisha amapeya, afukeme panshi kucinso candi, ilyo nali mu busanshi. Alifungulwile; abikile amaboko yakwe pali ine kabili atile, “Munyina, ndecetekela nimwe kasesema wakwa Lesa. Ine lyonse nalicetekela cilya. Kabili nga imwe mwalasosa fye cebo, nangula akanya kandi nakafwa, lelo nomba kalaba no mweo.” Kabili akanya kakwe kaishilebwelela ku bumi, kali no mweo.37 Bushe mulecetekela ali uwalinga ku kuboko kwa kulyo kwesenge kuli aba bacetekela? [Ulukuta lwatila, “Ameni.”_Ka.] Natupepe, ba munyina, ilyo tulebike ndupi pali wene.38 Shifwe uwa mu Mulu uwa nkumbu, ifwe tulebika ndupi, nakabili, pali Munyinefwe Martin. Ifwe tulemutuma, Shikulu, ku ncende sha kutali nganshi isho Imwe mwamusontela ukutila ena akayeko; conse ifyo cili, abengi atemwa abanono, mu mbali ya nshila, mu misebo ikalamba, mu malubansa, nga kuti caba. Konse uko cibelele, Shikulu, lekeni amapalo Yenu yabe nankwe. Ifwe twabika indupi pali wene ilyo ifwe tulepela wene inkumbu Shenu no kupela wene amapalo yesu, ukutila Umupashi uyo uuli pali ifwe, Shikulu, wingaya pamo nankwe, kabili uli nokutungulula wene nokusontela wene ku myeo iyaluba mulya mu malubansa na mu misebo. Tulemutuma wene mwi Shina lyakwa Yesu Kristu. Ameni.

10 ICEBO ICALANDWA

Lesa akupale, Munyina Martin. Kabiye nomba, kabili Shikulu abe nobe.39 Kwi pange limo line? [Munyina Richard Blair alanda kuli Munyina Branham_Ka.] Richard e shina lyobe? [“Cisuma. Richard Blair.”] Ni banga abaishiba Richard Blair? Nibanga abacetekela wene ukuba umubomfi wakwa Lesa? Ena afuma mwi_mwi bumba lya lukuta lwa United Pentecostal. Kabili munyina, Munyina Blair, ndeibukisha ubwite ubukalamba, ubwakwe. ndeibukisha ilyo uko Munyina Blair tekuti, talefwaya ukucetekela ine, pantu kwaliko umupashi walebombela pamo nankwe, ukumweba ukutila nali uwabufi. Kabili ilyo aikele mulya mukulongana, Mupashi wa Mushilo alipilibwike noku lumbula cena. [Munyina Blair atila, “Cilya cishinka.”_Ka.] Kabili ena ali fye mupepi no_no konaika, kabili cilya ecalengele wene ukuba muli ulya musango. Kabili ndeibukisha uwatemwikwa umukashi wakwe alinjitile ubushiku bumo. Atile, “Munyina Branham, ndecetekela Richard ali no kufwa.” Kabili atile, ndecetekela, skafu. Alile no kubika cena pali wene, ngefyo namwebele, no kupepa. Uyu ali apa. [Munyina Blair atila, “Ameni.”_Ka.”]40 Akanya akanono akali mubusanso, atemwa^[Munyina Blair atila, “Mulumendo wandi.”_Ka.] Umulumendo wakwe, mubusanso, icakutila bena tabapele subilo nganshi pali ena, nabongo bongo uwacenekwa. Kabili ne pepo, nangula pali lamya, akanya kaishileba akatuntulu. [“Ameni.”] Bushe mulecetekela Munyina Blair ni nte ya cine iyakwa Kristu? [Ulukuta lwatila, “Ameni.”_Ka.] Mupepe ukutila amapalo yenu yaye pamo nankwe. Ba munyina, bikeni ndupi shenu pali ena.41 Lesa uwatemwikwa, ukwishibisha uwesu uwa cikuku kabili munyina wacindama, umbomfi Wenu, uyo waisa ukufuma kwi bumba lyakwe umwine, ukwenda mu Lubuuto. Tata, ifwe tulepepa ukutila imwe mwalapala Munyinefwe Blair, ilyo tulemutuma wene na mapalo yesu no kusuminisha kwesu, ne ndupi shesu pali wene, ukuya ukuli konse uko Imwe mwinga mwita, Shikulu, ku mulimo uuli onse ifyo wingaba. Lekeni Mupashi Wenu uye pamo na Munyina Blair. Mutungululeni no kumusontelela kubaluba na balefwa aba ili sonde, pa kutila engafwilisha ilye mpanga iyaluba, pa kutila ena engaibwekesha mwicinka. Konse uko engaba, conse ico Imwe mumukwatile wene, Shikulu. Ifwe tulelomba ukutila Umupashi Wenu umutungulule no kumusontelela wene monse mubulendo bwa bumi bwakwe. Ifwe tuli ba munyina. Mukupela wene ukuboko kwakulyo ukwesenge, tulelomba Imwe ukuya pamo nankwe, mwi Shina lyakwa Yesu Kristu. Ameni.

BUSHE LESA ALITALA UKUPILIBULA AMATONNTONKANYO… 11

Ukuboko kwa kulyo ukwesenge? Lesa akupale, Munyina Blair. Ifwe tuli pamo nobe, pecent umwanda umo, twakulakupepelako kabili tuli nokucita icintu icili conse ico twingacita ku kukwafwilisha ukuya pantanshi. Lesa akupale.42 [Munyina Merlin Anthon atila, “Cena cimo cine kuli ine, Munyina Branham, ukulashikwa.”_Ka.] Ni finshi ifyo ulesosa, [“Ukulashikwa.”] Niwe ani? [“Merlin Anthon”] Merlin Anthon. [“Ndi mulukuta.”] Kwisa? [“Muno mu lukuta.”] Mu lukuta. Uuli onse uwaishiba Merlin Anthon? Ena mupya, kuli ine. [“Naba Salvation Army. Mulenjibukisha?”] Owe, ee. Njelelako, munyina. Ukufuma kuli Salvation Army, cilya cishinka, namwibukisha ena. Mucine, ni mwishiba wene nomba. Ine fye^Icinso cakwe tacacishibikwa kuli ine ili line, pali iyi nshita. Nibanga abamwishiba ukuba umuntu wakwa Lesa? [Ulukuta lwatila, “Ameni.”_Ka.] Ni banga abacetekela ukutila_ukutila Lesa alebomba pamo nankwe, imyeni ukuboko kwenu. [“Ameni.”] Bushe muli nokumupepelako? [“Ameni.”]43 Nomba, munyina, ifwe natwishiba ukutila iwe ulefuma kwi bumba ilikalamba ilya bantu, Salvation Army, bena bantu abakalamba. Lelo, kabili, lelo ba Salvation Army balabomba umulimo ukalamba mu musebo. Ifwe teti tusose icintu nangu cimo icakususha ba Nazarene, ulukuta lwa Pentecostal, atemwa Salvation Army, atemwa ululi lonse ulwa shena; bena ni ba munyinefwe. Lelo, mulemona, ifwe twalicetekela ukutila ifwe tuli ifyakusendelamo ifya Mbila ikalamba iya ino ine ora iyo tuleikalamo. Iwe ulefwaya ukucita cilya pamo na ifwe? [Munyina Anthon atila, “Ameni.”_Ka.] Natukontamike imitwe yesu ilyo tulebika indupi shesu pali munyinefwe.44 Shifwe uwatemwikwa uwa mu Mulu, ni Mwe Uyo upela ubwite. Ni Mwe Uyo uleta ku mweo Icebo, pa kutila bena bengacetekela. Kabili ifwe twabike ndupi shesu pali munyinefwe musuma, ngo kusuminisha ukutila ifwe twalicetekela ukutila Imwe muli pamo nankwe kabili muli no kumwafwilisha. Ifwe twatuma amapalo yesu pamo nankwe, ukutila ifwe fwebacetekela ukutila twalifuma mu mfwa ukwingila mu Mweo kabili nomba natwikatilila Amaka ayapelo mweo mumitima yesu, ku nkumbu shakwa Lesa. Tulebika ndupi pali munyinefwe no kumutuma na mapalo yesu, ukutila Imwe muli no kumutungulula no kumusontelela wene kumulale uuli onse uwe sonde, Shikulu, uko Imwe mwamusontelela wene ukuyako. Lekeni Umupashi Wenu uye pamo nankwe no kumupela ubumi busuma, ubukose, no kulunduluka muli bukapyumga bwakwe, pantu twatuma wene mwi Shina lyakwa Yesu Kristu. Ameni.

12 ICEBO ICALANDWA

45 Lesa akupale, munyina. Kulya e kuboko kwa kulyo kwe senge, namwishiba, ba munyina poshanyeni muminwe nankwe, ba munyina nga filya. E ico cilya iwe uli^Cisuma, Shikulu amupale imwe bonse.46 [Munyina Carrell atila, “Ine_ine nshacitwapo, mukusuminishiwa. Ndefwaya imwe mubike ndupi shenu pali ine, nga balya, mwi Shina lyakwa Yesu.”_Ka.] Iwe, fyonse ifyo ulefwaya. Kabili ayenu^ [“Inshita ukuba, inshita ukuba, kabili umusango umo wine nga bena.”] Nomba ishina lyobe niwe ani? [“Munyina Carrell, ukufuma mu Cincinnati.”] Munyina Carrell. [Munyina Carrell atile, “Nali kapyunga uwalashikwa, lelo nshasuminishenye na munyina uyo walelashika abanakashi nga bakapyunga, kabili naishilefumako kuli cena.”_Ka.] Uyu ni Munyina Carrell ukufuma ku Cincinnati. Uuli onse uwaishiba Munyina Carrell imyeni ukwenu^Pakuba uwafuma ku Cincinnati, ndetwishika cena, ukutila uuli onse alishiba. Ena alesosa ukutila ena ali pamo ne bumba, kabili ibumba lyalefwaya ukulashika abanakashi bakapyunga. Ena alifililwe ukwiminina cena, kabili aishilefumako ukufuma kuli bena. Filya ni filya fine fye ifyo nafumine ukufuma kuli ba Missionary Baptist. Dr. Roy E. Davis, ni banga abatala ukumfwapo wene? Mucine, imwe mwalicita, mwamona. Ena alefwaya ukulashika abanakashi bamo bakashimikila, kabili natile, “Iyo, mukwai. Ngo mukalamba,” Natile, “Ine tekuti ncite cilya, mubutuntulu. Cena caba ukususha Icebo cakwa Lesa.”47 Nshakwishiba iwe, Munyina Carrell. Lelo pa mulingo wa bunte bobe, kabili nacilye Cine ico waimininapo^Ifwe tatwakwata nangu cimo ukususha balya banakashi. Bena ni bankashi shesu. Ifwe twalibatemwa. Lelo ifwe twalicetekela bena balikwata icifulo cabo, kabili palya bena balingile ukwikala. Mwamona? Kabili ifwe twalicetekela ukutila bena batemwikwa ku mwaume, uwakwafwa. Kabili ukwabula nangu cimo^Ifwe tuletontonkanya bena cabupe icikalamba nganshi, kunse ke pusukilo, ico Lesa atalile ukupela umwaume. Lelo wene takwata icifulo mucintamba, kulingana ne Cebo cakwa Lesa. Pali ulyo mulingo, ne citetekelo cobe muli Lesa, twabike ndupi shesu pali iwe, nge senge, ukwisa no kwenda pamo na ifwe. Lekeni tubike ndupi shesu pali wene.48 Umutemwikwa Shifwe uwa mu Mulu! Uyu mulumendo, ine kuti naba fye uwakwishiba ifyo aleumfwa. Ena alitamfiwa pa mulandu wa Cine icituntulu. Ukutila, “Umuntu te ku cilyo ceka akabela no mweo, lelo ku Cebo conse.” E ico tulebika indupi pali ena, ukubika amapalo yesu pali ena. Lekeni Umupashi Wenu umutungulule, ukutungulula wene, no

BUSHE LESA ALITALA UKUPILIBULA AMATONNTONKANYO… 13

kusontelela wene monse mu bumi bwa bulendo konse uko Imwe mwinga mutuma, Shikulu. Lekeni wene eshibe ukutila ifwe tulemupepelako, kabili tuli no kuba abakwafwa kuli wene, no kumutungilila ilyo lyonse ilyo ena ali no kwiminina pa Cine. Peleni cena, Shikulu. Ifwe tulemutuma wene, mwi Shina lyakwa Yesu Kristu. Ameni. Lesa akupale, Munyina Carrell. Iwe wacikwata fye yalya maboko ukubikwapo, ayapusana pusana. Imwe bonse peleni amaboko ayakulyo ayensenge kuli cilya.49 Munyina Ruddlle, pano, tatala mukusuminishiwa ukulashikwa muno mu lukuta. Kuti^Nibanga abaishiba Munyina Ruddlle? [“Ameni.”_Ka.] Ifwe bonse twalimwishiba wene. Nibanga abaishiba wene muntu wakwa Lesa? [“Ameni.”] Umutemwikwa Shifwe uwa mu Mulu, ukuba nga bakalamba Benu twabike ndupi pali uyu munyina uyo waenda ukupita umwashika, amenshi ya matipa. Ena alimona ulukuta lwakwe ukuwa. Ena alimona ifintu fyonse ukucitika, lelo nalyo line ukucetekela. Nangula i^?^Ifwe tulebika indupi shesu pali wene, no kupela amapalo yesu pali wene^?^Musubeni wene, Shikulu, nganshi, ne Cebo, Shikulu, kabili tumeni wene ku mulale onse uwe sonde^?^fibe pali wene no kumwafwilisha wene. Kabili tumeni wene, mwi Shina lyakwa Yesu Kristu. Ameni.50 Munyina Ruddlle, iwe lyonse ulakwata ukuboko kwa kulyo kwesenge. Nalimwishiba Munyina Ruddlle. Cimoneka kwati_kwati mulumendo wandi wine. Ba wishi na ine, ba nyina, twalishibana umo no mubiye nshita itali nganshi. Kabili nalishiba Munyina Ruddlle ukuba umubomfi wakwa Lesa. Nalibomba pamo Nankwe. Kabili Lesa akupale, Munyina Ruddlle.51 Ishina lyakwe nani? Ni we ani, munyina? [Umo atila, “Mulamu kuli Munyina Martin.”_Ka.] Munyina Martin, walimwishiba uyu, Munyina Martin. Ishina lyobe ni we ani? [Munyina atila, “Rev. MacComas.”_Ka.] Munyina MacComas. Ndemona takuli nangu umo uwamwishiba, lelo ena ni^Ee^Ee, uyu mwaume apa alimwishiba wene, Munyina Tyler. Kabili ena aleisa ukuba^ukukwata indupi ukubikwa pali wene, pakutila ena engaba uwakutwala Imbila nsuma. Munyina MacComas, ni kwisa uko wafuma, Munyina MacComas? [“Rockford, Illinois.”] Rockford, Illinois. [“Walitumine lamya ku nga’nda, umulungu wafumako, atemwa pali Cimo mu bushiku bwafumako, no kupepela umukashi wandi.”] Owe, bushe co cishinka? Ukufuma ku Tucson. [“Tucson Arizona.”] Owe, ndeibukisha lamya nomba. [“Wene aishilebuka ulucelo lwakonkelepo.”] Shikulu alumbanishiwe!

14 ICEBO ICALANDWA

[Munyina Martin asosa icintu cimo kuli Munyina Branham_Ka.] Ni finshi ifyo ulesosa? [“Nkashi yandi umwaice sana.”] Nkashi yobe. [“Ena alimuno nomba ali no bulebe.”] E ico, ena ali muno nomba, ali pepelwe, inshita imbi iya bushiku, ku Tuckson, pali lamya. [“Uwabulebe.”] Ubule-^[“Ena ali no bulebe, kabili ena ali muno nomba.”] Ena ali no bulebe, inshiku shinono ishapitapo isha bushiku, kabili ena ali muno nomba. Munyina Martin alishiba cena, umunandi. E mulandu wine ena alefwaya ukusenda Imbila! Natubikepo indupi, ba munyina.52 Lesa umutemwikwa, ndebika indupi, pamo na ba bambi, pa mubomfi wenu, nokupela kuli wene ukuboko kwa kulyo kwesenge, ukupepa ukutila amapalo yakwa Lesa yali^?^[Munyina Branham ifyo alelanda tekuti fyumfwike bwino bwino_Ka.]^?^ifyo Imwe mwamusontelako ukubako. Amapalo Yenu yabe pali wene, kabili mutungululeni wene nokusontelela wene, mwi Shina lyakwa Yesu Kristu. Ameni. Ukuboko kwa kulyo ukwe senge, munyinane, kabili balya babe na iwe. Lesa abe na iwe.53 [Umo atila, “Munyina Branham?”_Ka.] Ee, munyina? [“Ninkwata na umbi umo uyo ulefwaya ici nao.”] Cisuma, mukwai. Ndecetekela ici cili^ [“Munyina Darris.”] Munyina Darris. Nshilecita^[“Nalishiba Munyina Earl na Munyina Brewer.”] Uyu umwaume ni Munyina Darris. Nikwisa uko wafuma munyina? [“Black Rock, Arkansas.”] Black Rock, Arkansas. Munyina^[“Nalimwishiba, munyina.”]^Nalimwishiba. Umo na umbi, ndecetekela, pano, atila^Munyina Brewer. Ndecetekela nacibakumanya, mulucelo. Kabili_kabili Nkashi Vayle, ndemona, Munyina Vayle, na bena abamwishiba wene, kabili balimwishiba wene ukuba umuntu wakwa Lesa, umubomfi wakwa Lesa. Cawama!54 Cisuma, nomba, munyina umutemwikwa, ukuba icakusendelamo ica Mbila, ifwe tulefwaya iwe ukwishiba ukutila ifwe tuli nokwiminina nobe, ukucita ifintu fyonse ifyo twingacita. Ifwe twakulakupepelako, kutila naiwe wine uli nokusenda Imbila ku ncende sha kutali nganshi uko konse uko Lesa akusontelelako ukuyako. Natubike ndupi shesu pali Munyinefwe Darris. Lesa uwatemwikwa, nomba twabika indupi shesu pali munyinefwe, ukumupela wene ukuboko kwa kulyo kwe senge, nokumutuma wene mwi Shina lyakwa Yesu Kristu, ukutila Imwe muli nokumusuba wene. Kabili^?^ukumupela wene ukuboko kwa kulyo ukwe senge!^?^Kabili Umupashi Wenu uye nankwe, no kumutungulula wene no kumusontelela wene, mwi Shina lyakwa Yesu Kristu. Ameni.

BUSHE LESA ALITALA UKUPILIBULA AMATONNTONKANYO… 15

Lesa akupale, munyina.55 Ine_ndecetekela, Munyina Anthony. Mwebengi imwe mwalimwishiba Munyina Anthony. Ena aba muno pamo na ifwe inshita itali. Nalimwishiba wene ukuba umubomfi wakwa Kristu, ne mwine. Ndecetekela ena mulumendo uwaipelesha. Ena tatala ukusuminishiwa ukukwata indupi ukubikwa pali ena. Ena taishibe ukuti ici calabapo mwe banandi. Mwamona? Lelo ili line e nshita fye isuma nge ili yonse. E ico ifwe twalabika indupi pali Munyina Anthony nokupela fye wene ukuboko kwe senge. Lesa e ulingile ukulashika. Ici cakuleka fye wene ukwishiba, kabili imwe ukwishiba, ukutila ifwe twalicetekela uyu munyina kabili ifwe twalimutemwa wene, kabili ena ni umo uwa muli ifwe, mu Mbila. Kabili ifwe tulefwaya ena ukukwata amapalo yakwa Lesa, kabili filya efyo tulelomba pali ena. Natupepe. Ilyo tulebika indupi shesu pali, munyina.56 Lesa umutemwikwa, uyu uwapetama umunono, umwina Italy umubomfi Wenu, Shikulu, aisa muno bushiku, ukutila uku_ukukwata indupi ukubikwa pali ena, kabili ukuboko kwa kulyo ukwe senge, mukusuminishiwa, ukupelwa kuli wene, ukufuma kulukuta. Shikulu, amaka Yenu ayakalamba yatume uyu mulumendo ku i^?^isonde kabili no mulale uo imwe mwamwitilako ukuya. Kabili lekeni ena aleya nokupokolola balya bantu ukufuma kulubembu na malwele, no kubombela Imwe, Shikulu, inshiku shakwe shonse isha bumi bwakwe. Lekeni imwe mumutungulule, tungululeni wene. Lekeni amapalo yesu yabe pamo nankwe, ilyo ifwe tulemutuma, mwi Shina lyakwa Yesu Kristu. Ameni. Lesa akupale.57 [Umo muntu alanda kuli Munyina Branham_Ka.] Huh? Owe, nshishibe. Ifwe tuli pa kusuntikwa kwa lamya; amakobili amakumi yasano pali miniti. Bushe kwacibako umuntu umbi umo uwacilafwaya^ Tampwileni kuno no kulumbula amashina yenu, nimwe bani, ba munyina, umu mwine fye muli microphone pa mulu pano. Yalumbuleni fye. [Cila munyina asosa ishina lyakwe umwine, “Pat Tyler,” “Claude Boggess,” “Dale Potter,” “^?^Henasey,” “James Humes,” “Earl Horner.”_Ka.] Yalya eyo? [Umo atila, “Ee.”] Bamunyina. Aba baume, bushe mulecetekela iyi Mbila ukuba Icine ukufuma mu Cebo cakwa Lesa? [Ba munyina batila, “Ameni.”_Ka.] Bushe mulecetekela cilya no mutima wenu onse? [“Ameni.”] Cisuma. Kabili imwe mulekabila nganshi, kabili muletontonkanya nga twabika indupi pali imwe^ Ifwe tulefwaya imwe ukwishiba ukutila ifwe tuli pamo na imwe, kabili ifwe tuli nokucita icintu icili conse ico twinga cita ku kumwafwilisha.

16 ICEBO ICALANDWA

Kabili nomba ndefwaya imwe ba munyina, pakutila ningabika indupi pali bena batampwile kuno kwine nomba. Kabili lekeni bonse tukontamike imitwe yesu, ilyo tulebika indupi pali bena. Lesa umutemwikwa, ili apa ibumba lya baume. Ndebika indupi shandi pali cila umo uwa bena, mwi Shina lyakwa Yesu Kristu, Umwana wakwa Lesa. Kabili lekeni Imwe, Uyo uwabeta ukuba bakapyunga, ukutila shi bena bengashimikila Yena, Shikulu, inshiku shonse isha bumi bwabo. Kabili^?^ukushimikila Mbila nsuma ku cibumbwa conse. Ifwe twapela kuli bena ukuboko kwa kulyo ukwesenge, no kulomba amapalo yenu ukuba na bena, Shikulu, ilyo ifwe tulebapala, tumeni amapalo yesu. Lekeni yena ikaye kumulale uuli onse uwe sonde uo mwabetilako bena ukuyako. Lekeni bena babombe no kubombela Imwe mu musango uo imwe mwabetilamo ukucita. Lekeni bena bakabe abashipa kabili ababomfi abacine abakwa Lesa. Peleni cena, Shikulu. Kabili twalombela cena mwi Shina lyakwa Yesu Kristu.58 Lesa amupale, cila umo, ba munyina. Lesa akupale. Lesa akupale, munyina. Lesa akupale. Lesa akupale, Munyina Humes. Shikulu abe na imwe, cila umo.

Ibe iyapalwa ntamboIkaka imitima yesu mukutemwa;Isenge lya bumunyinaLyaba nge lya Mulu.

59 Bushe Ena tawama? Tontonkanyeni fye nomba, nibanga bakapyunga abali muno muno bushiku ukukwate ndupi ukubikwa pali bena!60 Nshacishiba ukutila tuli pali uku kusuntikwa kwa lyamya. Nga bantu kunse kuti banjelelako pali cilya; nshacishiba cena. Mwamona? Nshacishiba bena baciba no kukutikako kuli iyi Mbila inono muno bushiku. Lelo ifwe tuli^61 Nomba twalabelenga Icebo no kupepa, no kuya fye muli iyi Mbila iyo ndeumfwa ukutila Mupashi wa Mushilo winganenga ukuleta kuli imwe muno bushiku.62 Kabili nomba ilyo ifwe tulepilibwila kunuma mu i^pa mutwe we lyashi, nalabilisha cena mukashita. Lekeni tupilibwile ku Mpendwa, icipandwa ca 22, vesi ya 31. Impendwa 22:31, pa mutwe we lyashi, Ilyo mulepilibula, nga mulefwaya ukubelenga, belengeni yena atemwa shilenipo.63 Ndefwaya imwe bonse ukunjibukisha nomba, mpaka nkese mumona imwe nakabili, ndesubila, nshita imo ulu lusuba, Shikulu ngasuminisha. Kabili nge cintu icili conse nga cacitika, nshileya ku fyalo fyakutali, ine nkesabwela. Lelo ifwe nomba tulecetekela ukutila, ifyo fyonse ifi fyabomba, ukutila Mupashi

BUSHE LESA ALITALA UKUPILIBULA AMATONNTONKANYO… 17

wa Mushio uli nokututuma nomba mu nshila iyo Ena asala ku Mwine ukututuminamo. Kabili ulya e musango tulefwaya ukucitilamo cena. Shikulu apale!64 Tata, ifwe tuli mupepi no kubelenga Icebo Cenu. Imwe mwingapala Cena nokusuba Cena kukwiluka kwesu, twalombela mwi Shina lyakwa Yesu Kristu. Ameni.65 Ibuku lya Mpendwa, icipandwa ca 22 kabili na vesi ya 31.

E lyo YEHOBA ashibwile amenso yakwa Balaamu, no kuleka amone malaika wakwa YEHOBA naiminina mu nshila, ali no lupanga ulwasomonwa muminwe: awe ali konteme, nokutotela panshi ubukupeme.

66 Nomba, mukubelenga kwa ici, ukukula ifyakusambilisha ukushinguluka yena, ndefwaya ukusenda isambililo: Bushe Lesa Alitala Ukupilibula Amatontonkanyo Yakwe Pa Cebo Cakwe?67 Uyu mutwe we sambililo uwine wine, kabili cena Cine icikalamba ico ifwe tulingile ukwiluka. Bushe Lesa kuti asosa icintu icili conse kabili elyo ukusosa, “Njeleleniko nalisosa cena”? Bushe Lesa kuti asenda Icebo Cakwe ukucibweseshamo, panuma Ena asosa Cena?68 Nomba, muli ili lyashi pano, umulandu nacisalila ili lyashi, cali nipa mulandu ni limo pamalyashi aya Baibele ayo kabelenga, ukwesha ukumona, atemwa ukwesha ukusosa ukutila Lesa alapilibula Amano Yakwe; ici kuti caba nganshi kwati ukutila Ena alipilibwile Amano Yakwe ukucila icifulo icili conse muli Baibele naishibapo, pantu Ena aebele Balaamu icintu cimo kabili amwebele ena cimbi. Kabili nomba, abantu abengi balyesha ukulenga Balaamu ukuba fye ka, owe, kabuka atemwa icintu cimo. Lelo Balaamu tali kabuka. Ena ali ni kasesema wakwa Shikulu.69 Nomba, ifwe twalaba nga bakusenda intendekelo ya Mbila, intanshi. Israele bali mubulendo bwabo ukufuma ku Pales-^ukuya ku Palestine, ukwisa ukufuma ku Egypti. Kabili Shikulu alipamo na bena, kabili bena bali^Umulwani onse uyo waimine ku ntanshi yakwa Israele alifumishiwemo mu nshila, pantu Lesa Atile, ali no kubatumina amalonda ku ntanshi yabo kabili bakatamfya abalwani, ilyo lyonse ilyo baendele mukunakila ku mafunde yakwe. Umulimo tawali ukalamba nganshi. Abena Amalaki, amapaka ya bulya bushiku, tabapilibwile nangu cimo kuli Israele. Nangula bena bali abanono mu mushinku, lelo bena baleenda muli EFYO ASOSA SHIKULU. E ico te mulandu ifyo kususha kwali, Lesa amwene lyonse ukutila Ifyebo Fyakwe ifya bulayo tafyatalile ukufilwa Israele.70 Kabili Israele uwa mucipingo ca kale aba icipasho cakwa Nabwinga uwa mu Cipingo Cipya. Ukwisa ukufuma mwi_mwi sonde ukwenda mu nshila yabo ku Kenani, atemwa Kenani iyo ifwe tuyako, Millennuim.

18 ICEBO ICALANDWA

71 Nomba, nomba, ifwe tulemona Moab pano aba icipasho ca lukuta. Kabili Moab^Bena baipeye fye imfumu shimo kabili balyonawile abalwani, baipeye icintu icili conse, basendele mpanga, no kuselela kuli Moab. Nomba, Moab tali nakalya inko yacisenshi. Moab ali ni nko iyo yabombele Lesa umo wine uo Israele abombele. Kabili impanga ya Moab yatendeke mu ntendekelo no mwana mwaume wakwa Loti, ku mwana mwanakashi wakwe wine. Kabili ena, pa kuba uwasangile iyi nko, kabili alibungenye ba shimucindikwa bakwe kabili nafimbipo, no kupanga inko ikalamba ukufuma kuli cena, kabili bena balifulile no kuya pantanshi.72 Kabili, nomba, Israele ali ni mbuto yakwa Abraham, te yakwa Loti. Israele afumine muli Isaki, Yakobo. Kabili Israele aishilefumina muli ilye mikowa ikumi na babili ukufuma kuli Yakobo, uyo waishileitwa panuma “Israele,” pantu ena alwishenye na Shikulu. Kabili Moab pano^73 Nomba, muli ci, kabili imwe mwe bantu kunse mu ma_pa malamya, ndefwaya intanshi ukusosa ukutila ine_ine nshilefwaya ukuba uwakususha, kabili ndesubila nshaba. Lelo, Imbila iyo yapelwa kuli ine, ine ningile ukuba uwacishinka kuli ilye Mbila, nga nifyo kuti naba bumbimunda. Mwamona? Ine_ine tekuti nsose ukucila ifyo natuminwa ukusosa.

Kabili ine_ine ndetontonkanya ukutila umulwani umukalamba uwe bumba lya Benakristu ilelo caba ni nkuta isha bunganishiwa. Nalicetekela no mutima wandi onse ukutila cena mukulekelesha cikesapanga ululembo lwa ciswango, ico ninga cita, ndetontonkanya kuti nashininkisha cilya kuli Baibele ku bwafwilisho bwakwa Lesa. Ine ni ncita kale cena. Ukutila, cena cikesapangika mululembo lwa ciswango, mukwampana kwa nkuta. Pantu, Lesa tatala, pa nshita ili yonse, ukutala ukwishiba ulukuta ulwa sontwa, ulukuta ulwabunganishiwa, tatala. Ena tatala ukucicita cena.

Kabili cila nshita ilyo muntu apanga akabungwe, Umupashi wakwa Lesa walesha kena kabili tawatalile ukubwekela nakabili. Mukepushe kalemba uuli onse uwelyashi, atemwa imwe limbi kuti mwaba kabelenga mwe bene. Tawatala! Ilyo babungenye, Lesa abikile kena palwino, kabili palya epo kaile; kalikele, ukufuma lilya ukuya pantanshi. Bena balifulile mu mamembala, lelo tabatalile ukushibuka kwa Mupashi; tabatala, nakabili.74 Moab, pano, abe cipasho ca filya, pantu bena bali i_inko yabunganishiwe; mumpanga yabo abene, kwati mu cilonganino cabo. Kabili kulya bakwete bukapepa bwabo abene, kabili bukapepa bwabo bwali bukapepa bumo bwine ubo Israele akwete. Bena bali abena Moab kabili bacetekele muli Lesa Yehoba, lelo bena bali bumba lya bantu ilya bunganishiwa.

BUSHE LESA ALITALA UKUPILIBULA AMATONNTONKANYO… 19

75 Kabili, nomba, nge fyo bena bemininako ulukuta lwacifyalilwa, Israele aiminineko ulukuta lwa bumupashi mubulendo bwabo. Nomba, Israele tabali nko ya bunganishiwa. Ilyo lyonse ilyo balekonka Lesa, bena bali abantungwa. Bena baishileisa, abalebeshi, tabakwete ncende yakuyako. Ukuli konse uko Ntumba ya Mulilo yaile, bena baile pamo na Yena. Bena tabali nko yabunganishiwa. Balikwete icakukonka pakati kabo, pantu ukusembululwa kwali bapele cilya ukupitila mu mafunde yakwa Lesa, lelo tabatala ukuba nko yabunganishiwa pali iyi nshita. Ilyo bena mukulekelesha baishileba inko yabunganishiwa kulya eko bena bawile nokukana Mesaya wabo.76 Kabili nomba tulesanga, lyonse, ukutila ilyo ifi fyacifyalilwa na bumupashi, imipashi ya nkuta no tubungwe, fyakumana, kulaba lyonse ukumana. Cena tacatala ukufilwa ukube fyo. Fyena lyonse filalwa. Pantu, tulesanga ukutila mukati mulya mwaba akalumwa. Kabili, muli aka kalumwa, cilaleta ukupashanya kwa buntunse, ifyakupashanya. Kabili tulesanga cena muli lelo, nge fyo cali lilya. Ilyo Lesa acita icintu cimo no muntu umo, cila muntu aleesha ukukopa nga filya Lesa acitile kuli ulya muntu. Mwamona, cena cilalenga ukucimfyanya, kabili cena cilapanga ubuntunse. Kabili elyo nga bena tekuti, ulubali lumbi, ukukwata ifyakucitika ifya bumupashi, lyena bena balacisenda ku maka ya mapolitiki, atemwa bena balapyanishapo icintu cimo, ukufulunganya amano ya bantu, ukukula abasambi kubene beka.77 Filya ni filya fine ifyo fyacitike pa ntendekelo; ilyo Kaini na Abele, bonse abalumendo pano pe sonde. Kabili ilyo Abele apele kuli Lesa ilambo lyawamisha ukucila lyakwa Kaini, kabili Lesa ashininkishe Abele, pakwika nokupokelela ilambo lyakwe; calengele Kaini ukukwata akalumwa, pantu ena alikwete akalumwa pali munyina, kabili alipeye munyina.78 Catendeke pa kutendeka, ukutila ilyo ica cifyalilwa ne ca bumupashi, nomba Kaini na Abele bapepele Lesa umo wine. Bena bakulile ifipailo ifya musango umo wine. Kabili bena bonse bapepele Lesa umo wine, pa lukuta lumo lwine, icipailo cimo cine. Lelo Kaini, ku melenganyo ya buntunse, aletelemo ifisabo fya mpanga no kufibika pa cipailo nge lambo, ukutontonkanya ukutila mucine ici kuti caba ubwasuko kuli Lesa kucakukonsolwelako. E ico ena alingile aliletelemo, nge fyo abantu batontonkanya ilelo, ‘imiapele iyo Adamu na Efa balile, ico calengele ulubembu.” Kabili, conse efyo cili, ndetontonkanya nomba bena balicileta cena kuli “pomegranate” atemwa icintu cimo nomba. Bamo muli bena batile, te kale sana, cena cali cintu cimbi.79 Kabili, Abele alikwete ilambo lyalungama. Ena alishibe ukutila cena cali mulopa uyo wacitile cena, e ico aletele

20 ICEBO ICALANDWA

umwana wa mpaanga. Kabili ilyo Lesa apokelele ilyakwe, nomba, Abele, kucitetekelo, ku busokololo, takwali nshila imbi. Takwali Baibele iyalembelwe. E ico, mulemona, intendekelo ya bulungami yaba Icine icasokololwa icakwa Lesa, kabili Ulukuta lonse lwakwa Lesa uwa mweo lwakulilwa pali cilya.80 Yesu, ubushiku bumo, ukwisa ukufuma kulupili, atile ku basambi Bakwe, “Bushe abantu batila Umwana wa muntu nani?” “Umo atile ni Mwe ‘Mose’ kabili umbi atila ni Mwe ‘Eliya’ kabili ni Mwe ‘Yeremiah, atemwa umo uwa bakasesema.” Atile, “Lelo imwe mutila Nine ani?”81 Lilya elyo mutumwa Petro, uwaputwamo na Lesa, uwapelwa umweo no Mupashi, apele ilye nsoselo yapulamo, “Ni Mwe Kristu, Umwana wakwa Lesa uwa mweo.”82 Moneni imilandile. “Walishuka, Simon, mwana Yona, umubili no mulopa tafisokolwele ici kuli iwe. Tata uwa mu Mulu nasokolola ici kuli iwe. Niwe Simon. Pali ici cilibwe^” Cilibwe cashani? Nomba, ba Katolika batila, “Pali Petro, icilibwe, ilibwe ilinono.” Kabili ba Protestant batila, “Pali Kristu, Icilibwe.” Nomba ukukana ba uwapusana; lelo cali pa busokololo ubo Petro akwete, ifyo Ena Ali. “Takuli umuntu uwingesa kuli Ine,” efyo Yesu asosele, ‘kano Tata amukula. Na bonse abo Tata Ampela bakesa kuli Ine.” “Nimwe Kristu, Umwana wakwa Lesa uwa mweo.83 “Walishuka, Simon, mwana Yona; umubili no mulopa tafisokolwele ici kuli iwe, lelo Tata uwa mu Mulu. Pali ici cilibwe Nkakula Ulukuta Lwandi, ne mpongolo sha kumbo tashakalwanshe.” Icebo cakwa Lesa ica bumupashi icasokololwa!84 Moneni, Abele, kucitetekelo muli Lesa, apele ilambo ilyawamisha. Kabili uwacetekela uwa buntunse atontonkenye ukutila cali milimo iya minwe yakwe umwine, ukutila, kabili ifisabo fyakwe ne cabupe cakwe icaemba ico ena aletele, ukutila Lesa kuti asumina, kabili caletele ukumana. Tulesanga ukutila Abraham na Loti balikwete ukumana.85 Tulesanga ukutila Mose na_na Dathan, Korah, bakwete ukumana kumo kwine. Mose, pa kuba kasesema uwasontwa ne Cebo cakwa Shikulu, ukushininkishiwa ukutila ena alisalilwe ukuba intungulushi yabo iya ora, kabili ukutila Abraham alilaile fyonse ifi fintu, kabili pano Mose acitile fyonse ifyo acitile cena ukuba, ukucitika. Kabili Korah, pa kuba uwabuntunse, alefwaya ukwimya akabungwe pakati kabo. Alefwaya ukupanga ibumba lya

BUSHE LESA ALITALA UKUPILIBULA AMATONNTONKANYO… 21

bantu. Kabili Lesa tabomba na bantu nga filya. Cena cilangisha palya pene, muli yalya Malembo, icipasho ca bulendo ilelo, ukutila akabungwe te fyo Lesa asonta. Pantu, lilya line ilyo Kora acitile cena, atile kuli Mose, “Iwe ulasenda ifingi nganshi pa lobe.” Mu mashiwi yambi, “Ulukuta lonse lwa mushilo! Cinshi, iwe usosa ukutila niwe weka we muntu wa mushilo. Iwe tawakwata insambu ukucita icili conse ica musango filya. Iwe ulesha we mwine ukuilenga muntu umo umukalamba. Ifwe bonse tuli ba mushilo. Ifwe bonse tuli bana bakwa Lesa.”86 Kabili Mose apilibwile fye umutwe wakwe nokutalukako. Atile, “Shikulu, ni cinshi ico ndi nokucita?”87 Lesa atile, “Ipatule we mwine ukufuma kuli wene. Nalikwete ifingi fya cena.” Kabili Ena ali muminine mumushili.88 Mwamona, kwaliko kumana. Ilyo buntunse ne ca bumupashi fyakumana, kulaba lyonse ukumana. Ilyo Yuda na Yesu bakumene, kwaliko kumana; Umo, Umwana wakwa Lesa; umbi, umwana wakwa Satana. Kwati fye Kaini na Abele, kwaliko kumana ilyo bakumene. Umo muli bena ali ni kasunga wa cipao calukuta, kabili Umbi ali ni kacema. Kabili nga nomba, ifwe twalisa muli buno bushiku, ku cintu cimo cine nakabili. Icilonganino ca buntunse kuli Nabwinga wa bumupashi wakwa Kristu. Nabwinga wa bumupashi wakwa Kristu aliba uwapusana nganshi ukufuma kutubungwe twa buntunse, mpaka takwabako ukupalana muli bena nakalya.89 Nomba moneni, fyacifyalilwa lyonse fyesha ukupashanya fya bumupashi. Lelo, nga muli Yakobo na Esau, cena tekuti cibombe. Cena tekuti. Nomba, ilyo caisa mukubomba imilimo isuma, ine_ndecetekela ukutila Esau mucine ali muntu uwawamisha ukucila Yakobo, mu cinso ca muntu. Ena aeseshe ukusunga bawishi; bena bali ni mpofu, kasesema. Kabili fyonse ifi fintu ifyo aesesha ukucita, lelo nomba Esau tatontonkenye palwa cilya ukuba fye umulimo wa buntunse. Ena atontonkenye ena kuti aingilamo kufyo acitile, ukucita icintu cimo icisuma pa muntu umo, ico cali fye bwino. Lelo Yakobo, umweo wakwe onse cali kusenda bulyo bubeli, kabili cilya eco Lesa amwene muli wene ica bumupashi.90 Moneni, kabili cena lyonse calenga uwacifyalilwa ukupata uwa bumupashi. Calengele Kaini ukupata Abele. Calengele Kora ukupata Mose. Calengele Yuda ukupata Yesu. Kabili ukutwalilila no kutwalilila cileya. Cilalenga uwacifyalilwa ukupata uwa bumupashi, nga filya Kaini pantendekelo apatile Abele. Ulya uo Lesa apokeleleko lambo, nokwesha ukubonaula bena. Icakutila bena besha nokonaula ukongola. Bena balesha ukonaula ifintu fyonse, pantu cena tacaba nangu cimo kano fye akalumwa. Cena catendeke muli Kaini no kushininkisha

22 ICEBO ICALANDWA

ukutila cena cali kalumwa, kabili cena cicili icintu cimo cine nelelo ilyo uwacifyalilwa (uwa buntunse) kabili no wa bumupashi bakumana capamo. Cena cishininkisha cena ni Satana, takwaba inshila imbi, pantu akalumwa kafuma kuli Satana. Kabili lyena cilalenga ukupashanya ukwa Cine, muntu umo ukwesha ukupashanya icintu cimo ico cishili, bena tabasontwa ukucita. Ni finga ifya filya ifyo twaesha ukumona muli ishi nshiku sha kulekelesha! Owe, mwe, ni finga ifya cena!91 E ico tulemona Lesa alacita pali-^tekupilibula amano Yakwe lyonse palwa Cebo Cakwe ca ntendekelo. Lelo, uo Ena eta, ulya Eo Ena asonta. Takuli nangu umbi uwingasenda cilya cifulo. Takwali nangu umo uwingasenda icifulo cakwa Mose. Te mulandu ni banga ba Kora abaimine, kabili ni banga ba Dathan; cali ni Mose, Lesa aitile. Temulandu.92 Lelo, kabili nga bantu tekuti bende mubufwayo bwakwe ubwapwililika, Ena alikwata ubufwayo ubushapwililika Ena akaleka imwe ukwendamo. Moneni, Ena alasuminisha cena, cili fye bwino, lelo Ena akalenga cena ukubomba ku bukata Bwakwe, mu bufwayo Bwakwe ubwapwililika. Nomba nga imwe mulefwaya^93 Kwati fye, mukutendeka, tacali ubufwayo bwakwa Lesa ubwapwililika abana ukufyalwa pe sonde ukupitila mu kukumana. Iyo, mukwai. Lesa alengele umuntu ukufuma mulukungu lwa mu mushili, aputile umupu wa mweo muli wene, kabili aishileba icibumbwa ca mweo. Abulile ukufuma kuli ulyo mwaume uwakumwafwa, no kupanga umukashi kuli wene. Cilya cali icakubalilapo kabili ubufwayo bwakwa Lesa ubwa ntendekelo. Lelo ilyo lubembu lwaishilemo no kucite fintu ifyo lwacitile, lyena Ena asuminishe umwaume ukupa umwanakashi, mwi funde, nokukwata abana kuli ena. “Sandaneni nokwisushe sonde, lyena, nga ulya e musango imwe muli no kucicitilamo cena.” Lelo, mulemona, cena tacatalile ukuba ubufwayo bwakwe ubwapwililika.94 E ico kanshi, fyonse ifi fintu fyakwata intendekelo filingile ukukwata impela. Lonse ulubembu lulingile ukwisa pwishishiwa. Lonse ulubembu lulingile ukufumishiwapo. E ico kanshi, mu Millennium mukalamba ilyo kubuka kukalamba kukesa, ifwe tatwakafyalwe nakabili kuli bashifwe na banyinefwe, lelo ngefyo Ena acitile mukutendeka aketa umuntu ukufuma mulukungu lwa mu mushili, na kafwa wakwe pamo nankwe. Cilya cishinka. Ulya emusango acitilemo cilya pa kutendeka.95 E ico kanshi, Lesa tatala ukupilibula amatontonkanyo Yakwe pa cintu icili conse, lelo Ena akasuminisha imwe ukutwalilila. Nomba, ici cili ukutali nganshi ukwisa kufyo ndefwaya ukusosa pano palwa ici. Lelo, kabili, lelo, cena cili,

BUSHE LESA ALITALA UKUPILIBULA AMATONNTONKANYO… 23

imwe muli^ndefwaya imwe ukwiluka cena. Mwamona? Lesa ali nokusuminisha imwe ukucita icintu cimo, nokumupala imwe mukucita cena, lelo nalyo line cena tacili ubufwayo Bwakwe ubwapwililika.96 Lesa asuminishe Israele ukusenda amalango, mu Kufuma icipandwa ca 19. Ilyo kusenamina kwabapele kale kasesema, Intumba ya Mulilo, umwana wa mpaanga we lambo, amaka yapokolola, lelo bena balilile Amalango. Cena tacali bufwayo bwakwa Lesa, lelo cena calibikilwemo pantu umuntu alefwaya cena. Kabili ena aishiletipwa ku malango yene ayo alefwaya.97 Cena caliwamisha ukukwata ubufwayo bwakwa Lesa. Filya e fyo Ena atusambilishe. “Ubufwayo bwenu bucitwe. Ubufumu Bwenu bwise. Ubufwayo Bwenu bucitwe.” Ifwe tulingile ukuipela fwebene ku bufwayo Bwakwe ne Cebo Cakwe. Mwilaipusha Cena. Cetekeleni Cena. Mwilaesha ukusanga inshila ukushinguluka Cena. Sendeni fye cena umusango Cena cili. Abengi nganshi bafwaya ukupita mumbali, ukuya inshila imbi. Kabili ilyo mwacita, mulaisanga mwebene ukulaya fye, muli nokusanga Lesa alemupala imwe, lelo imwe mulebomba mu bufwayo Bwakwe ubushapwililika kabili te Bwakwe ubwapwililika, ubufwayo bwa Bulesa.98 Ena alasuminisha cena, nge fyo nacisosa, lelo Ena takacite_Ena takaleke cena ukuba ubufwayo Bwakwe ubwapwililika; Lelo Ena akalenga Cena ukubomba ukucindika nokupala ubufwayo Bwakwe ubwapwililika. Kabili ukufyala abana, mukukumana, ni cimo ica filya.99 Nomba moneni, Moab, cakwambilapo, ali inko ya mucani. Yena yatendeke, mu cani, lelo nomba kuli wi_wishi uwacetekela no mwana mwanakashi uwacetekela. Filya fine fye, nga muli no kupashanya cilya no kubomfya amano ya bumupashi, imwe kuti mwamona icilonganino ukwiminina kulya palwalala fye nge cintu icili conse. Mucine. Mwamona, icintu conse caba capamo cilubo. Kabili, lolekesheni, ilyo cena caletwa, cetendeke nga filya, cena tacakatale^Cena cisunga, ngo mupila wa menshi makasa, wena ulatwalilila ukukunkuluka ukucilapo no kucilapo no kucilapo. Imwe mulakwata icilubo cimo kabili mulatendeka pali cilya cilubo cimo, kabili imwe mulatwalilila fye ukukunkulusha icintu cimo panuma ya cibiye, kabili icintu cimo nge cibiye, fyonse panuma ya cibiye.100 Kabili ulya e musango ulukuta lwatendeke. Ulya e musango catendeke pa Nicea, Rome, ilyo lukuta lwa Roman Catholic^Pa ntendekelo pene, uko lwena lwafumine, lwali Pentecosti. Lelo ilyo bena babungenye no kuletamo bashimucindikwa, mukati ka lukuta, bena batendeke ukupanga, ukukwata amapepo, no kufikina bulungu, kabili_

24 ICEBO ICALANDWA

kabili ukupepela abafwa, na fyonse ifi fintu fimbi. Kabili lyena cena catendeke ukukunkuluka, ukufuma kucilubo cimo ukuya kuli cimbi, icilubo cimo ukuya kuli cimbi, mpaka lolekesheni uko lwena lwafika. Takwabako icakwimininako cimo ica pentecosti muli lwena, nakalya. Mwamona? Cena cilubo cimo ukusenda cimbi, ukusenda cimbi. Kwaba fye cintu cimo icakucita, cilya cili, fumyenipo ifyo mwasunga no kubwelelamo ku ntendekelo.101 Ilyo, Martin Luther atendeke no kulungamikwa. Ici cilingile ukuba ukuilako pantanshi, ulukuta lwa Lutheran. Mwamona? Nga^Luther, ilyo ena abungenye, ena tekuti asende ukusangululwa kwa kwa Wesley, pantu ena alibungenye; kabili abaume tekuti beminine kuli cena, e ico Umupashi waliselele ukufuma muli cena.102 Nomba, ibumba lyakwa Loti kuno; atemwa, Moab ali umwana wamwana mwanakashi wakwa Loti, uwa mucani icakwambilapo. Nomba moneni, nge fyo lukuta lwa cifyalilwa lwali, Moab, emininako icilonganino ca cifyalilwa. Israele e mininako Ulukuta lwa bumupashi. Israele, kwaliko lukuta lwacine, lwali nabwinga wa bulya bushiku, ukwitwa ukufuma mu Egypti, no kushininkishiwa ukuba icine.103 Moneni ilyo bena, ilyo balya babili baishile capamo. Bonse muli bena bapele lambo limo line, bonse balikulile, bamwene ifipailo cinelubali, bonse bapele ilambo lyasanguluka, ingo’mbe ilume. Kabili bena bapele nacimbi basukusuku, ukupela bukambone ukutila kwaliko Mesaya uwaleisa. Mucishinka, bena bali bonse cimo cine fye. Israele, kuno lubali mu mupoka poka; Moab, pa mulu walupili. Kabili Moab ne fipailo cinelubali; Israele ne fipailo cinelubali. Moab ne ngo’mbe shilume cinelubali; Israele ne ngo’mbe shilume cinelubali. Moab na basukusuku cinelubali, ukulanda pa lwakwa Mesaya uleisa; Israele naba sukusuku cinelubali. Bwalibupusano nshi muli bena? Mucishinka, bonse abalungama. Lelo, mulemona, Moab takwete ukushininkisha kwa kwa Lesa pamo na bena; bena bali fye nko, ibumba lya ba shimucindikwa. Lelo Israele alikwete kasesema na bena. Bena balikwete Icilibwe icaumwa na bena. Bena balikwete Ntumba ya Mulilo. Bena balikwete insoka ya butale, kukundapwa. Bena balikwete amapalo yakwa Lesa ukwenda fye pamo na bena, kabili bena bali abaitwa abana bakwa Lesa.104 Nomba tulesanga cilya ukupashanya ukupwililika fye pano muli shilye nkuta shelelo. Nge fyo, Moab tali filya. Israele ali umulebeshi, ukufuma ku cifulo ukuya kucifulo; ukuli konse uko ilya Ntumba ya Mulilo yaselele, bena baselele pamo na Yena. Moab, tali fyo; bena balikele mulya mucilonganino cabo abene, mulya mucilonganino cabo abene. Bena tabaendele, bena baikele fye mulya mwine. Bena balikwete bashimucindikwa

BUSHE LESA ALITALA UKUPILIBULA AMATONNTONKANYO… 25

babo. Bena basontele fintu nge fyo bengacita, kabili balikwete ifita, bena balikwete abalwa, bena bakwete mfumu yabo iyo bakwete, uko bena balefumya amafunde yabo, kabili na fimbipo.105 Lelo Moab alimwene Israele ne cintu cimo ico bena tabakwete. Bena balimwene amaka ayapulishamo pakati ka Israele, kabili cena cali ni kasesema. Kabili ulya kasesema ali ni Mose. Kabili bena balishibe ukutila ilyo ubulwi tabwaendele bwino, bena baimishe fye amaboko yakwe nokuyekatilila pa mulu palya, kabili ubulwi bwalipilibwike. E ico bena tabakwete icamusango filya, e ico bena baeseshe ukupashanya cena na mapolitiki, no kutinta kwa mapolitiki. Bena balitumine kucalo cimbi no kuleta kasesema uwacilambu ukuya kulya, pakutila bengakwata kasesema, kabili kuti bakwata amaka pakati kabo nga filya fine Israele akwete amaka pakati kabo.106 Bushe mulemona ukupashanya kwa buntunse? Bushe mulemona ulukuta lwa buntunse ilelo? Cena cacita icintu cimo cine fye.107 Moneni, nomba, bena bonse babili bali no kukwata bakasesema. Bupusano fye bwali, Mose, kasesema wakwa Lesa, Imfumu yakwe ali ni Lesa. Kulya eko afumishe amafunde yakwe, Icebo cakwa Shikulu. Kabili Balaamu, ena nao, alikwete mfumu, kabili ilye mfumu ali ni Balaaki, imfumu ya bena Moab, kabili kulya eko ena apokele amafunde yakwe na mapalo yakwe. E ico Moab atile kuli Balaaki, “Isa kuno,” atemwa Balaamu, atile, “isa kuno no kuntipilako aba bantu, pantu bena basalangana pe sonde ponse. Bena baleisa fye no kumyanga ifintu fyonse nga filya ingo’mbe ilume imyanga icani.” Atile, “Isa kuno nomba. Kabili nalyumfwa ukutila iwe kuti watipa, iwe kuti wapala, conse ico iwe ulecita cilasuminishiwa.”108 Nomba, ifwe tulefwaya ukumona ukutila uyu muntu ali ni kasesema uwasontelwe na Lesa, lelo ashitishe ububeli bwakwe pa mulandu wa mapolitiki. Nga filya fine ulukuta lwacita ilelo, nga Luther, Wesley, Pentecosti, ne bumba lyonse ilya bena, bashitishe cena ukukwata ifingi mukabungwe kabo. Mose, kuli Lesa; Balaamu, kuli Balaki. Nomba, bonse babili bakasesema bali abantu abaitwa na Lesa, kabili bonse aba bumupashi. Moneni ubupusano. Cila umo alikwete umutwe; uwakwa Mose ali ni Lesa; uwakwa Balaamu ali ni Balaki.109 Moneni pano ifyo ca bumupashi cilebikwa, ukushininkisha ukutila icacifyalilwa cili mucilubo. Mose, uwatumwa kuli Lesa, mu mushilwa wa mulimo, ba mukumanya no kushininwa kuli kasesema umbi uwakwa Lesa. Bushe kuti mwaelenganya cilya! Mose, uwaitwa na Lesa, uwasontwa na Lesa, ukwiminina mu mulimo wakwa Lesa; aishileenda ukwisa muli ili lyatalala ibumba lya mimonekele, kabili alishininwe na kasesema umbi

26 ICEBO ICALANDWA

uwakwa Lesa, uo Lesa apalile no kusonta. Musango nshi mwinga mona ubupusano? Bonse babili balikwete bakasesema. Lesa alelanda kuli bonse bakasesema.110 Kabili bamo muli bena batila, “Lesa atile, ‘Cita ici.’ Lesa atile, ‘Cita cilya.’” Nomba, nshileipusha cilya, lelo nga cena cili kunse ka butantiko bwakwa Lesa. Kasesema, te mulandu nga ena ni kasesema, ali kunse ka buntantiko. Abantu abengi nganshi balabepwa filya fine. “Owe, uyu munyina kuti acita ici, kabili uyu munyina kuti acita cilya,” no kukana Icebo?111 “Nangula nandile mu ndimi sha bantu na bamalaika, nangula nalikwata ifyabupe, icakutila kuti nasesha impili, nangula ningapela ifipe fyandi fyonse kukulisha ababusu, nalyo line nshili kantu.” Abengi bakesa kuli Ine muli bulya bushiku, no kutila, ‘Shikulu, Shikulu bushe nshasesema mwi Shina Lyenu? Bushe nshacita, mwi Shina Lyenu, nalitamfya ifiwa no kubomba imilimo ikalamba?’ Kabili nkasosa kuli bena, ‘Fumeni kuli, imwe^Fumeni kuli Ine, mwe bakabomba ba mampulu. Nshamwishibe.’” Nomba, bena baishile no kulumbula ukutila balicitile cena, lelo Yesu atile, “Bena bali ni bakabomba ba mampulu.” Amampulu ni cinshi? Cena caba icintu cimo ico mwaishiba ukutila mulingile ukucicita, ico cili icalungama ukucicita, kabili nomba tamulecicita. Mwamona ico cili no kuba mu nshiku sha kulekelesha?112 Umfweni ubutantiko bonse! Lilya elyaciba ipange lyandi muno bushiku. Nacisosa ine nalafuma pa naini koloko, lelo ndi no kubako panono panuma, nalimo. Lolekesheni, lilya e lyaciba ipange lyandi lyonse, ukumulangisha imwe ubu butantiko, ku Cebo cakwa Lesa, mwamona, kutila_kutila Lesa alingile ukusunge Cebo Cakwe pa kutila abe ni Lesa.113 Nomba, ifwe tulemona ukutila bonse aba babili bali abaume ba bumupashi, bonse babili bali ni bakasesema, bonse babili balitilwe. Kabili Mose, mulya mwine mubutantiko bwa mu mulimo, ne Ntumba ya Mulilo ipya ku cinso cakwe cila bushiku, Umupashi wakwa Lesa pali wene, mubutantiko bwa mu mulimo. Pano alishile umubomfi umbi uwakwa Lesa, uwaitwa na Lesa, uwasontwa na Lesa, kasesema uo Icebo cakwa Lesa cisako. Uyu apa umushilwa wa busanso. Tapali nangu umo uyo wingatalika ulyo mwaume ukuba uwakwa Lesa_uwakwa Lesa, pantu Baibele itila Umupashi wakwa Lesa walandile kuli wene, kabili ena ali ni kasesema. Lelo, mulemona, ilyo ena apokele ubwasuko ubwa cine ukufuma kuli Lesa, ena tekuti abusunge Bwena. Ena tabumwene Bwena, lyena aile mukushinina Mose.114 Nomba, Balaamu afwaile ubufwayo bwakwa Lesa, no mutima wakwe onse. Nomba, ilyo aba bantu abakalamba baishile kulya no kusosa, “Balaamu! Balaki mfumu naituma,

BUSHE LESA ALITALA UKUPILIBULA AMATONNTONKANYO… 27

ukutila iwe wise kuli wene ili line fye nokutipa aba bantu Israele, pantu bena nabasalangana pe sonde ponse, kabili nomba bena nabapanga inkambi kufita ine. Kabili bena nabonaula ubufumu ubuli bonse mumbali, pesamba lyabo. Kabili nomba ifwe tulefwaya iwe ukwisa kuno nokutipa aba bantu. Pantu, ine ndeumfwa ukutila nga iwe watipa uuli onse, ena alatipwa.” Nomba, mulemona, ena ali muntu wakwa Lesa. “Ifyo wapala, filapalwa.” Ena ali mubomfi wakwa Lesa.115 Kabili Balaamu nomba atontonkenye, pa kuba kasesema, “Kuli fye icintu cimo kuli ine ukucita, kabili cilya cili kufwaya ico caba ubufwayo bwakwa Lesa.”116 Ulya e mulimo wakwa kasesema, nga ena aitwa ukuba kasesema. Intanshi, cinshi ico kasesema alingile ukucita? Caba ukufwaya ubufwayo, Icebo cakwa Lesa. Ena alingile ukucicita cena. Pantu, pakuba kasesema, Icebo cakwa Lesa cisa kuli wene. I^Bena batila, “Cisuma, iwe tauli kasambilila wa fya bulesa.” Baibele tayatala ukusosa ukutila Icebo cakwa Lesa caishile kuli kasambilila wafya bulesa. Bena ni balya abafulunganya Cena. Icebo cisa kuli kasesema wakwa Lesa.117 Kabili uyu apa muntu uwali ni kasesema wakwa Lesa. Kabili ilyo aingile ncito, ukwingila ncito, ukwisa kulya no kutipa abantu bambi abakwa Lesa, moneni, ena aile mukufwaya ubufwayo bwakwa Lesa. Kabili ena alefwaya ukwishiba ubufwayo Bwakwe ubwapwililika, kabili Lesa amupele wene ubufwayo Bwakwe ubwapwililika mu mulandu. Ubufwayo Bwakwe ubwapwililika bwapelwe kuli ena. Bwali ni cinshi ubufwayo Bwakwe? “Wiyako!” Cilya e Cebo ca ntanshi cakwa Lesa. “Wiya pamo na bena. Wiesha ukulwisha abantu Bandi, abaleenda mu nshila Shandi ishapwililika.”118 Ifyo cilya cili ilelo, balefwaya ukukansana, ukulondolola, ne fintu fyonse ifyashala, ilyo bamona Umupashi wakwa Lesa ukubomba pakati kenu. Kabili bena beleesha ukucita, bena balyesha cena pa myaka, ukufumyapo Cena. Ilyo bena bacilamo ukufwaya ukufumyapo Cena, cila cimo Cena ukulunduluka. Imwe tekuti mutipe ifyo Lesa apala. Imwe tekuti mucite. Imwe tekutimucicite fye cena.119 E ico, mulemona, balya bali abantu bakwa Lesa. Nomba, ulya kasesema, nangula ena ali pa mulu palya no kwingishiwa incito ku mfumu, abombele pakati ka bashimucindikwa, na bambipo. Kabili Icebo cakwa Lesa caishile kuli wene. Ena afwaile ubufwayo bwakwa Lesa, kabili ubufwayo bwakwa Lesa bwalilandilwe kuli wene, kabili atile, “Mwiesha ukutipa aba bantu. Nalibapala bena.”120 Nomba tapaba kasambilila wafya bulesa pesamba lya myulu uyo wingakana iyi Mbila iyo tuleshimikila, lelo ifyo Cena caba filya fine Icebo cakwa Lesa pa nshita iyalinga. Lesa nashininkisha cena, mu fintu ifili fyonse ifyo fyalandwa

28 ICEBO ICALANDWA

atemwa ukucitwa. Ena alishininkisha Cena ukuba icalungama. Nomba, takwaba kasambilila wa fya bulesa, takuli ubelenga Baibele, takuli kasesema, uyo wingalolekesha muli cilya Cebo, nga ena nikasesema, ena ali no kumona icintu cimo cine. Lelo nga ena tamona icintu cimo cine, cilya cilelangisha kuliko icintu cimo icalubana. Pantu^121 Mwatila, “Cisuma, owe, ine kuti nasenda cena ulubali lumbi.” Efyo na Balaki enga cita, Balaamu. Mwamona? Lelo Lesa alangishe Mose. Kabili elyo cali ni cinshi icishininkisho? Icebo cakwa Lesa. Kabili ena aumfwile palwalala, ukupanga kwakwa Lesa ukwapwililika, “Wiyako. Wiesha uku_ukutipa ifyo napala. Balya bantu Bandi.” Lelo namwishiba cinshi? Balamu talebafwaya balya bantu, icakwambilapo. Owe, ifyo i^Ni banga ba Balaamu abaliko mwi sonde ilelo! Ena tatemenwe lilye bumba, icakwambilapo.122 Nomba, panuma ena apokelele ukupanga kwa kwa Lesa ukwapwililika, “Wiyako.” Lelo, mulemona, mucifulo cakucita cena, cali cintu cimo cine nga Kaini, nga Kora, ali na kalumwa, kabili ena_ena alefwaya uku, umulandu wakuila, ifyo fine.123 Moneni, headquarter yakwe iya cilonganino, panuma atumine ukubwelelamo, atile, “Iyo, mwicetekela nalaya kulya. Mwicetekela nalakwatapo icintu icili conse ica kucita na balya, nshaye mukulondoloshanya na balya bantu, pantu Lesa na njeba ine balya bantu Bakwe, kabili nshilecetekela nalaya.” Nga ena alikele na cilya! Lelo, pe samba lya mutima wakwe, ena tabatemenwe bena. Mwamona? Bena tabali abebumba lyakwe. Kabili icintu icili conse ico cishali mwi bumba lyakwe, “tacali icalungama, icakwambilapo.” Mwamona? Kabili ena alolekeshe pali ena, atile, “Kuliko ifintu fimo ifyabipa ifyo balya bantu bacita. Mucine Lesa uwa mushilo ali nokutipa abantu nga balya. Bena bali, bena batutu. Bena tabasambilila nga ifwe. Ifwe tuli bantu abacenjela. Owe, bena balumbula ukubombela Lesa, lelo, lolekesheni kuli bena, bena ni finshi? Ibumba lya, cinshi, ibumba lyabasha, bakakanda ba matipa, abo abena Egypti batamfishe kulya lubali. Cinshi, Lesa tekuti akwatepo icakucita nangu cimo ne bumba lya fiko nga lilya!”124 Ena alifililwe ukumona lilye Libwe ilyaumwa ilye nsoka ya butale, ilya Ntumba ya Mulilo. Ena aeseshe ukubapingula ukufuma ku cishinka cabwikashi. Ena alifililwe ukumona ubwite bwapa mulu ubwakwa Lesa. Ku nkumbu, kukusala, bena bali muli ulyo mushilwa, kabili ne Cebo cakwa Lesa. Kabili ilyo ena alefwaya ukubatipa, Lesa atile, “Wiesha ukucicita cena. Bena Bandi. Baleke babe. Wiesha ukubakumya bena.”

BUSHE LESA ALITALA UKUPILIBULA AMATONNTONKANYO… 29

125 Nomba, e ico umwaume alipilibwike, alibwelelemo. Nomba moneni headquarter wakwe uwacilonganino, nangula, ilyo ena aishilebwela. Bena baishiletuma ibumba nalimbi ilyakongola. Ilye nshita bena limbi bali bamo, mucifulo fye ca baume abashaishibisha, bena limbi bali ba doctor bafya bulesa abaishile iyi nshita. Bena limbi bali ba bishop, atemwa nalimo ba state presbyste, pali bonse^Ena atumine i_i-ibumba ilyawamisha, kabili i_ibumba ilyakwata ukongola ukucilapo panono, umo muntu uyo wakwete amasambililo ayawamishapo kabili kuti atantika ipange kuli wene bwino, kuti alenga cena ukuba ica mano.”126 Mwamona, filya efyo Kaini acitile; ena alyengenye. Filya efyo Kora acitile; ena alyelengenye. Te uyo uwelenganya. “Ifwe tulafumyapo ifyakwelenganya.” Ifwe tulacetekela Lesa, te mulandu ifyo icintu icashala cilesosa. Ifwe twalicetekela Lesa. Ifwe tatwelenganya pafyo Lesa alesosa. Imwe teti mwelenganye Cena. Imwe mulingile ukusumina Cena kucitetekelo. Kabili icintu icili conse ico mwaishiba, imwe tamulingile ukwelenganya nakabili. Nshaishiba umusango Ena acicitilamo; ine ncetekela fye Ena alacicita. Ine nshaishiba umusango Ena ali no kusunga bulyo bulayo; lelo Ena atile Ena akacicita cena. Ndecetekela cena. Ndesumina cena pa mulingo uwakutila nalicetekela ukutila cena Cebo cakwa Lesa. Mwatila, “Cisuma, imwe tekuti mutwalilile na cilya.” Nshishibe ifyo ninga twalilila na cena, lelo Atile, “Sosa cena.” Ndeibukisha kacema wandi waku Baptist alinjebele, atile, “Cinshi, Billy, iwe ukashimikila ku filu mulukuta. Cinshi, iwe uletontonkanya uuli onse ali nokumfwa icintu nga cilya?” Natile, “Lesa efyo asosa.” “Musango nshi uli nokucitilamo, na masambililo aya mu grade seven, ukupepela ishamfumu, nokushimikila ukushinguluka isonde.”127 Natile, “Nshishibe umusango ndi no kucicitilamo cena, lelo, Ena efyo asosa, kabili cilya cili fye icisuma nganshi kuli ine.” Mwamona? “Ena efyo asosa. Nshishibe umusango cena cikacitilwamo.” Atile, “Bushe uletontonkanya abantu muli ili likalamba, isonde lyasambilila ilyo uleyako ukuyasusha, pali ili sambililo lya kundapa kwa Bulesa kabili na fimbipo, bushe uletontonkanya bena bakacetekela cilya?”128 Natile, “Tacili kuli ine kwishiba nga cakutila bena bali nokucetekela cena atemwa iyo.” Natile, “Umulimo wandi waba ukushimikila Cena. Filya efyo Ena anjebele. Atile Ena akaba na ine, kabili Ena alinjeba ifyo cena cikacita.” Kabili cena cacita filya fine fye ifyo Ena asosele cena ukucita. “Intanshi, ukwikata amaboko yabo; lyena cikesa

30 ICEBO ICALANDWA

fikilishiwa ukutila iwe ukeshiba nangula inkama yamu mutima wabo.” Kabili nalimwebele palwa cena, kabili cena calicitike ulya musango. Musango nshi cena cicita cena? Neli line nshaishiba ifyo cena cicita cena. Cena te mulimo wandi nangu umo ifyo cena cicitwa; cena cicitwa fye.129 Nani uwingalondolola ilyo Lesa aebele Eliya, “Kabiye pa mulu palya no kwikala pa lupili. Kabili ndi nokukulisha. Ninjeba ba mwankole ukukulisha”? Musango nshi mwankole engasenda icimokolwa ca mukate ne ciputulwa_iciptulwa ce sabi, ifyaipikwa, nokuleta fye na kuli kasesema? Cilya cacila icintu icili conse mwingalondolola. Nshiletontonkanya na imwe kuti mwacita, atemwa uuli onse ukucita. Lelo Ena alicicitile. Cilya fye ceka e cali icikankala. Ena alicicitile, kabili cilya cishinka ica cena. Ifyo Ena acicitile cena, nshaishiba; Cena te mulimo wandi. Lelo Ena alicicitile. Ifyo Ena alengele sonde, nshaishiba; lelo Ena alicicitile. Ifyo Ena atumine Umwana Wakwe, nshaishiba; lelo Ena alicicitile. Ifyo Ena abukile ku bafwa, nshaishiba; lelo Ena alicicitile. Musango nshi Ena ampuswishe? Nshaishiba; lelo Ena alicicitile. Cilya cishinka. Musangonshi Ena amupuswishe? Nshaishiba; lelo Ena alicicitile. Musangonshi Ena ang’undepe. Nshaishiba; lelo Ena alicicitile. Ena alilaile Ena ali nokucicita, kabili Ena alasunga Icebo Cakwe. Nomba, Balaamu ngalishibe cilya, kabili ena alishibe bwino.130 Moneni, ili lyawamisha, ibumba ilyongola, lyalishile, kabili ni cinshi icawamisha? Bena balikwete ifyabupe ifya wamisha. Kabili te ico fye ceka, bena kuti bapela indalama ishingi, kabili ukupela Wene icifulo icawamisha. “Nomba, kunse ka kuba fye kapyunga uwabapo fye mukabungwe, ifwe twalakulenga iwe ukuba district suprintendent. Mwamona? Ukutila, ifwe tuli_ifwe tuli no kukucitila cintu cimo nga iwe uli no kutamfya ibumba lya bantu ukufuma kulya, mwamona, no kukanya cilya.” Owe, bena bali mupele ena icifulo icikalamba. Atile, “Ilyo wapalwa nganshi^” atile, “Nawishiba, ndi no kukupele cifulo capa mulu.” Lolekesheni uko ena alefumya ifyebo fyakwe, intungulushi ya nko.131 Ni kwisa uko Mose alefumya Ifyebo fyakwe? Imfumu ya ku Mulu. Umo cali ubulayo bwa Cebo cakwa Lesa, “Ndi no kumitwala ku mpanga ya bulayo, kabili takuli umuntu ukeminina ku ntanshi yenu. Nkatuma amalonda ku ntanshi yenu no kubatamfya, ukufuma kukwakuso ukwisa kukwakulyo. Kabili imwe mukapoka impanga. Ine nalila-^Ine nalipela kale kuli imwe. Twalilileni, isendeni, kwateni yena; yena yenu.” Kabili nomba, mwamona, ulya Eo Mose aleumfwilako. Kabili uyu mwaume alekutika

BUSHE LESA ALITALA UKUPILIBULA AMATONNTONKANYO… 31

mpaka caishileisa ku cintu cimo mu mutima wakwe umwine aishilekwata akalumwa, kabili e ico lyena aile kuntungulushi yakwe iya bukapepa. Mwamona?132 Moneni, icifulo cawamisha. Atile, “Nawishiba ine kuti nakupele cifulo ca pa mulu? Ndi no kukupela icifulo icawamisha. Ndi no kucicitila iwe ifingi. Ndi nokulundako amalipilo yobe. Nkalakupela ishakufola ishingi.” Kabili ilyo ena amupele wene fyonse ifi, fyena fyali mupofwishe ena.133 Nibanga ba Balaamu aba bamo mwi sonde ilelo, ukuba, pa cifulo icawama, ulukuta ulusuma, ubulayo bwa cintu cimo! Ilyo muntu akwata amenso yakwe ukwisulwa ku Cebo kabili no kubomba kwa kwa Lesa^Kabili ulya muntu musuma, uyo wakwata ukongola, atendeka ukuba umubomfi wakwa Lesa, kabili ena akwata ulukuta ulusuma. Panuma yakashita, ulubatisho lwa Mupashi wa Mushilo lwapelwa kuli ena; ulubatisho mwi Shina lyakwa Yesu lwapelwa kuli ena, ico caba Malembo kabili umusango fye weka uwa Malembo uwa kubatishamo. Kabili ilyo capelwa kuli wene, kabili ifilonganino fili no ku mulufya wene ilyo atendeka cilya, bena balamupela icifulo icisuma kabili cimbi mu lukuta. Mwamona, ba Balaamu abakale, nakabili, nga filya fine cali pa kutendeka.134 Nomba, ulyo muntu ubelenga ilya Baibele, ena tekuti abelenge Yena kano fye ena amona ukutila cilya Cine. Takwaba nangu umo uwatalile ukubatishiwa ukubomfya ifyakulumbwilako ifyakwa “Tata, Mwana, Mupashi wa Mushilo.” Cena cishilano ca Katolika kabili te Sambilisho lya Baibele. Takwaba umuntu muli Baibele uwatalile ukubatishiwa, atemwa imyaka imyanda itatu panuma ya mfwa ya mutumwa wakulekelesha, kano uyo wabatishiwe mwi Shina lya kwa Yesu Kristu. Ulukuta lwa Katolika lwatendeke cilya, kabili abashala muli bena baishile kuli cena. Kabili kapyunga uuli onse ukwikala umwakusomena mwakwe kabili ena ukulolekesha pali cilya, alishiba cilya Cine. Lelo, pa mulandu wakulumbukwa, ukwikatilila icifulo cakwe, ukutontonkanishiwa bwino pakati ka bantu, ena alalanshanya. “Cisuma,” mwatila, “Lesa ali mupalile.”135 Mucine. Bamo muli bena balikwata ifyabupe fya kundapa, bamo muli bena balikwata imisonkano ikalamba. Kabili cilya cafikine fye mu cinso cabo, kabili bena balakwata ubwasuko bumo bwine ukufuma mu Cebo cakwa Lesa ubo imwe atemwa umuntu uli onse enga pelwa. Lesa tapilibuka. Mwamona ico ndepilibula.136 Balaamu, pa mulandu wa cifulo icawamisha, atontonkenye. Nomba lolekesheni. Ilyo lilye bumba lyaishileisa ilyawamisha, ilyalungama^Balaamu, pano, abulile ilyashi lya kusekesha. Mwamona? Atile^i_ibumba lyawamisha lyabwela, ena_ena ngalisosele, “Fumeni mu mulola wandi! Nimweba Icebo

32 ICEBO ICALANDWA

cakwa Lesa. Kabiyeni! Ici ni EFYO ASOSA SHIKULU.” Lelo, mulemona, ifya bupe, kabili ukuba umuntu uwalumbuka nganshi?137 Owe, ifyo bena batemwa ukucicita nganshi! “Ifwe tuli nokukutuma isonde lyonse. Ifwe tuli nokukupela indeke iyaibela. Ifwe tuli nokwafwilisha ukulongana kobe ukuli konse nga iwe uli nokuba fye^” Owe, iyo. Uh-huh. Mwamona?

Ifwe twalishiba ifyo Icebo cisosa. Ifwe twalishiba ifyo Lesa asosele. Ifwe tuli nokwikala na cilya, ku bwafwilisho bwakwa Lesa. Mwamona? Te mulandu umusango wa bulayo, kabili ifingi na fimbi ifyo mwingalipila, kabili impendwa ya ifi, filya, atemwa icibiye imwe mwinga_imwe mwingalangisha; ifwe tulefwaya EFYO ASOSA SHIKULU, kabili ifyo Ena asosele Kuno intanshi.

Cisuma, ulukuta lwatile, ‘Cilya cabubili.’”

Ifwe tulefwaya ifyo Lesa asosele pa ntendekelo. “Kabili icintu icili conse icalundwa kuli cena atemwa ukufumishiwako kuli Cena, nangula ishina lyenu likafumishiwamo mwi Buku lya Mweo; ukulundako icebo cimo kuli Cena, atemwa ukufumyako Icebo ukufuma kuli Cena.” Ifwe tulefwaya ifyo asosele; te filya ifyo lukuta lwasosa, ifyo doctor Jones asosele, ifyo muntu umo asosele. Ifwe tulefwaya filya EFYO ASOSA SHIKULU asosele, ifyo Icebo casosa.138 Lelo nomba tulesanga Balaamu, umubomfi wakwa Lesa. Kabili abengi balya bantu balatendeka, kabili balisontwa kuli Lesa, kabili balalanda Icebo cakwa Lesa mu fintu ifingi; lelo ilyo caisa ku Cine conse, bena tekuti bacicite.139 Moneni pano nga kasesema wakwa Lesa, ena tekuti asangwe mwi bumba lya musango nga lilya, icakwambilapo. Ena ngataile pamo na bena. Lelo, moneni, pa mulandu wa kulumbukwa, mwamona, pa mulandu wakwa kamping wakwe, atile, “Cisuma, ikaleni inshita yonse iya bushiku, kabili nalaesha nakabili.” Mwamona, “Nalaesha nakabili”? Ni cinshi ico ulefwaya ukweseshapo nakabili?140 Lesa alimwebele kale ifya kusosa. Lesa atile, “Bebe ukutila iwe tauleya.” Cilya e Cebo Cakwe ica ntendekelo. “Ine nshileya. ‘Kabili iwe wiya. Wiesha ukutipa ico napala.’” Nomba moneni, cilya cabwelele pali ena, panuma yakashita. Mwamona? Kabili cena cikacita, cila nshita. Ilyo Lesa asosa icintu icili conse, Ena apilibula cena. Ena tapilibula amano yakwe palwa cena. Ena ekala fye pamo ne Cebo Cakwe. Te mulandu ifyo muntu uuli onse alesosa, Ena ekala fye na cilya Cebo.141 Nomba, Balaamu ngalishibe bwino. Ena ngalifumineko umwine ukufuma kwi bumba lya musango filya, lelo fyonse filye fya bupe ifisuma kabili no_no_no bulayo ubo iyi mfumu

BUSHE LESA ALITALA UKUPILIBULA AMATONNTONKANYO… 33

yasosele, “Namwishiba ine kuti nacicita. Nine bishop. Ine kuti nacita fye conse ico ndefwaya ukucita, kabili ndi no kukusansabika nga iwe uli nokwisa uku mombelako cena.” Kabili Lesa alimwebele, “Wiesha ukucicita.”142 Leloo nomba Balaamu atile, “Imwe, mwikale inshita yonse iyabushiku, kabili ine ndi_ine ndi no kwesha nakabili.” Mwamona, ena alikwete Cebo. Imwe tamulingile ukukansana nakabili palwa cena. Lesa nasosa kale ifyo. Ne bumba ngalilya, bena lyonse kuti balanda kuli iwe ukukufumya mubufwayo bwakwa Lesa, nga iwe uli no kubasuminisha.143 Kwaliko ibumba limo ilyaishile kuli kasesema, inshita imo, uwitwa Yobo. Bena tekuti balande kuli wene ukumufumyamo. Ena alimwene icimonwa. Ena alimwene ico cali icalungama. Balaamu alimwene icimonwa, kabili nalyo line taikele pamo na Cena.144 Te mulandu ifingi ifyo ili bumba lya lukuta lyasosele, “Owe, Yobo, iwe ulingile ukucita ici, iwe ulingile ukucita cilya.” Nangula umukashi wakwe, atile, “Iwe ulelanda ngo muntu iciwelewele.” Mwamona? “Nalishiba ifyo Shikulu asosa. Nalishiba ifyo Ena afwaya, kabili cilya eco nacita.” Mwamona, ena aikele na filya ifyo Lesa amwebele.145 Moneni, Balaamu ukubomfya ili lyashi lya kupashanya pa mulandu wakwa kampingu wakwe. Mwamona? Atile, “Cisuma, ine_ine ndi nokusanga. Ine ndi no kwesha nakabili.” Nomba, kulya eko imwe mwisa, ica bubili. Ni banga ba Balaamu tukwete muno bushiku, abo abesha ukubomfya lilye lyashi lyakupashanya ilya Mateo 28:19 pa mulandu wakwa kampingu wabo? Ni banga abafwaya ukubomfya Malaki 4 pa mulandu wakwa kampingu wabo? Ni banga abafwaya ukubomfya Luka 17:30 pa mulandu wakwa kampingu wabo? Ni banga abafwaya ukubomfya ifi fintu, nomba, “Cisuma, ndekweba, ine_ine nalicetekela bena balisankanishiwa pali Cilya”?146 Kabili elyo pano pali Balaamu ukwesha ukusosa, “Nalimo Lesa nafulunganishiwa. Nalaesha nakabili, mwamona, mwamona ifyo Ena asosele.” Nomba, Ena alishiba umutima wenu. Moneni, Balaamu abomfyeshe ili lyashi lyakupashanya pamulandu wakwa kampingu wakwe umwine, pantu, mucine, ena alefwaya shilye ndalama. Ena alefwaya kulyo kucindikwa. Ena alefwaya cilya. Ena alefwaya ulya mulimo. Ena alefwaya cilya cifulo, ukumoneka ukuba, nga Doctor Kampanda na-kampanda. E ico ena-ena-atile, “Nalaesha nakabili.”147 Owe, pali ba Balaamu mwi sonde ilelo, abalaiwa ififulo, ukulumbukwa! Mwe, owe, mwe! Bena balishutikwa kampingu wabo kuli bena. Pa mulandu wa filonganino fyabo, bena batila, “Nga iwe wacita cilya, kunse uli nokuya. Nalishiba iwe uli muntu musuma, kabili ifwe twalikutemwa,” kabili ena muntu

34 ICEBO ICALANDWA

musuma, “ifwe twalikutemwa iwe. Lelo iwe tekuti ushimikile filya. Ilyesu_isambililo lyesu lisosa iwe tekuti ucite cilya. Doctor Kampanda-na-kampanda asosele iyi e nshila cabelamo. Nomba iwe ulingile ukucetekela cena uyu musango, nga iwe waikala pamo naifwe. Nomba, nga ulefwaya ukucita, nalishiba walikwete inshita iyakalabana, cisuma, ndi no kumona nga tekuti nkwate iwe ukusansabikwa, nalimo ukupilibula ama chalichi.” Owe, iwe Balaamu! Ilyo iwe waishiba ubufwayo bwakwa Lesa, iwe cicite! Lesa takapilibule amano Yakwe. Iyo.148 Icintu cimo ico Ena enga cilila, Icine, pa mulimo Wakwe. Atile, “Cisuma, ine ndi_ine ndi nokwesha nakabili.” Moneni ba Balaamu ababako.149 E ico nomba ibukisheni, ilyo ena aishile inshita ya bushiku bwa cibili, naba bashimucindikwa abakalamba, kale ena alikwete kampingu wakwe umushili mano kabili uwashutikwa, Lesa amulekele wene ukuya. Nomba, Lesa tatalile ukupilibula amano Yakwe, lelo Ena amupele ubufwayo Bwakwe ubushapwililika. “Twalilila lyena.” Lelo aishilesanga cena tekuti cibombe.150 Lesa alishibe ico cali mu mutima wakwa Balaamu. Nangula ena ali ni kasesema, Ena alishibe ena alibapatile balya bakakunkuluka wa mushilo, kabili ena_kabili ena fye^ena_ena alefwaya ukubatipa bena, nangu cibe fyo. Kabili Lesa alimwebele ukukana cicita cena, lelo nomba alishile, alefwaya ukucicita, nakabili, e ico Lesa ali mulekele ukuya pantanshi. Lesa atile, “Twalilila.” Nomba, ibukisheni, Ena tatalile ukupilibula amano Yakwe.151 Moneni, cena cali ukukabila kwakwe ukubatipa bena. Abantu abo amwene nga abafulungana, ena alefwaya ukubatipa bena. Ena alefwaya icifulo. Ena talefwaya ukutumpinkana na bena, e ico ena atontonkenye nga ena kuti abomba umulimo unono uwa mfumu, lyena ena kuti asansabikwa. Lesa tatalile ukupilibula amano Yakwe atemwa Icebo Cakwe.

Lelo Ena ali no kumupela ukukabila kwa mutima wakwe, ukwa mutima wenu. Ena alilaya cilya. Imwe mwalishiba cilya? Ena alilaya ukumupela ukukabila kwa mutima wenu. Kabili lekeni ukukabila kwenu kube Cebo cakwa Lesa. Lekeni ukukabila kwenu kube ubufwayo Bwakwe, te cakwesha ubufwayo bwenu mwebene. Ubufwayo Bwakwe! Nga Ena^Imwe nga mwalomba Wene pa cintu cimo, Ena talecipela kuli imwe, soseni, “Na Mutotela, Shikulu. Imwe namwishiba ico cili icisuma.”152 Lolekesheni nangula ni pa Mfumu Esekia, ilyo ena atumine ulya kasesema kulya lubali kuli wene, Lesa alicitile, kabili atile, “Wamya inga’nda yobe. Iwe uli nokufwa.”

BUSHE LESA ALITALA UKUPILIBULA AMATONNTONKANYO… 35

Esekia aalwile icinso cakwe ku cibumba no kulila nganshi, kabili atile, “Shikulu Lesa, ine_ndelomba kuli imwe ukunjibukisha ine. Nalyenda ku cinso Cenu no mutima watambalala. Ndefwaya Imwe ukundeka ine ukwikala imyaka ikumi limo na fisano ubutali.”153 “Cisuma.” Lesa alandile kuli kasesema, atile, “Bwelelamo no kumweba ni mumfwa.” Kabili ni cinshi ico acitile? Ena aletele umusebanya pa nko yonse. Ena aletele ubukali bwakwa Lesa mpaka Ena ngalimwipeye wene. Cilya cishinka. Namwishiba cilya. Abwelele numa pali Lesa. Cena nga caliwamishepo, kunse, inko, imfumu, na bonse, nga ena alitwalilile no kusenda icintu cakubalilapo icakwa Lesa kuli wene. Lelo camoneke icakosa kuli ulya kasesema, ilyo kasesema aishile bwelelamo no kulanda Icebo cakwa Lesa kuli wene, panuma amwebele wene. Lelo Lesa atile, “Twalilila.” Lelo, mulemona, caletele umusebanya.154 Ni cinshi ico Balaamu acitile? Panuma yakwishiba ubufwayo bwakwa Lesa, kabili ena nomba ali uwamukosha, ena ali nokucicita, ifyo fine. Kabili ni cinshi cena cacitile? Moneni. Ena tatalile ukupilibula amano Yakwe. Ena alishibe ico cali mu mutima wakwe.155 Namwishiba, Toma, inshita imo ena alifililwe fye ukucetekela cena. Ilyo, ena_ena atile, “Iyo, ine tekuti ncetekele cilya. Nga ine kuti nasenda umunwe wandi ukupusha kulubali Lwakwe, ukupusha mumikofu sha ndupi Shakwe, cisuma, lyena, lyena ine ndi_ine ndi no kucetekela cena lyena.” Atile, “Isa kuno, Toma. Mwamona? Nomba bika iminwe yobe umu.” Nomba, owe, Toma atile nomba, “Cena ni Shikulu wandi kabili Lesa wandi.”156 Atile, “Ee, iwe naumona, kabili nomba iwe wacetekela cena. Cikalamba icilambu cabo, abashatala ukumona lelo nomba balicetekela!” Abantu inshita shimo tekuti bapokelele Mupashi wa Mushilo kano fye balandila mu ndimi. Nalicetekela mukulandila mundimi, mucine. Ena ni Lesa musuma; Ena ali no kumupela imwe ukukabila kwa mutima wenu. Lelo te mulandu ubwingi imwe mulandila mu ndimi, nokukana ici Cebo, muli mucilubo nangu cibe fyo. Mwamona? Mwamona, imwe tamwingilamo pa kulandila mu ndimi. Imwe mulengilamo pa kusunga Icebo conse. Cilya e cishininkisho ca Mupashi wa Mushilo, ilyo imwe mwacetekela Icebo cakwa Lesa. Mwamona?157 Nalicetekela mukulandila mundimi. Nalicetekela imwe kuti mwaletwa ku mweo, nge fyo nacisosa mulucelo, mpaka

36 ICEBO ICALANDWA

imwe muli no kulanda ululimi ulupya. Nalicita, ine wine, kabili nalishiba cena Cine. Nalishiba cena cishinka. Lelo cilya te cishibilo, imwe, ukutila imwe muli mwana wakwa Lesa uwasalwa. Mwamona? Iyo, mucine. Ena tatalile ukusosa^

“Abengi bakesa kuli Ine nokusosa, ‘Shikulu, bushe nshaseseme nokucita fyonse ifi fintu ifikalamba mwi Shina Lyenu?’ Ena akasosa, ‘Fumeni kuli Ine, mwe bakabomba ba mampulu, nshamwishibe.’”158 Imwe mulalandila mu ndimi kabili elyo mulakana ukubatishiwa mwi Shina lyakwa Yesu Kristu? Icintu cimo icalubana pa cifulo cimo. Ee, mucine; ifili fyonse filya fintu, ifili fyonse filye fipope Lesa apela. Kuliko icintu cimo icalubana. Cencenteni fye kampingu wenu mwebene, kabili moneni ifyo_moneni ifyo Baibele yasosa. Nangisheni icifulo cimo apo muntu umo abatishiwe mwi shina lyakwa “Tata, Mwana, Mupashi wa Mushilo.” Mwamona? Tacabamo mulya. Lelo, mulemona, inshita shimo pa mulandu wakwa kampingu wenu, mutila, “Cisuma^”

Mutila, “Lesa alalanda ku banakashi umusango bena balingile ukucitilamo, te kufwala bakaputula ne fintu, lelo, namwishiba, kacema atile^” E ico bena balasenda inshila iyayanguka.159 Bena balishiba ifyo Lesa asosele palwa cena Umu. Mwamona? Mucine, Lesa efyo asosa.

E ico bena_bena_bena balafwaya ukucicita cena, nangu cibe fyo, mwamona. Bena baleesha ukusanga apakulesesha. “Cisuma, ndetontonkanya caliwamishapo. Cena tacili_cena tacaba^Umwela taupupa^” Ee.

Lelo Lesa atile umwaume alingile ukufwala ukupusuna ukufuma ku mwanakashi. “Ngo mwanakashi afwala icakufwala kucapalana ku mwaume, cali ica muselu mu cinso Cakwe.” E ico cena tcaba icalungama, ee, kabili imwe tamulingile ukucicita cena. Iyo. Mwamona? E ico, e ico kanshi, cena cilubo.160 Lelo, mulemona, bena baleesha ukusanga apakulesesha, ukutila, “Shikulu alinjeba ukucita ici.” Ine nshilesosa Ena tacitile, lelo, lolekesheni, cena tacaba bufwayo Bwakwe ubwapwililika. Cena cilingile ukuba ubufwayo Bwakwe ubushapwililika. Mulemona ifyo cena cili nokucita? Cena cili nokukowesha ibumba lyonse. Cena cili nokukowesha inkambi yonse.161 Moneni pano, Lesa tatalile ukupilibula amano Yakwe, Icebo Cakwe. Lelo Ena ni Lesa musuma, kabili Ena ali nokumupela ukukabila kwa mutima wenu, nangula cingaba ukususha ubufwayo Bwakwe. Mulecetekela cilya?

BUSHE LESA ALITALA UKUPILIBULA AMATONNTONKANYO… 37

Lolekesheni, Lesa aebele Mose, “Iwe uye kulya,” uyu kasesema uwasubwa. Atile, “Kabiye kulya nokulanda kuli cilye cilibwe.” Cena nacipumwa kale.162 Mose aile kulya mubukali bwakwe, asendele nkonto, kabili atile, “Imwe bacisanguka, bushe tumufwaile amenshi ukufuma muli ici cilibwe?” Kabili apumine cilibwe. Amenshi tayafumine. Ena apumine cena nakabili; yaishilefuma. Cena cali ukususha ubufwayo bwakwa Lesa. Cena caonwile ipange lyonse muli Baibele; Kristu ali no kupumwa umuku wacibili. Mwamona? Kristu alipuminwe umuku umo. Caonawile ipange lyonse. Lelo Ena amupele ubufwayo Bwakwe ubushapwililika. Elyo, panuma, atile, “Mwamona, na tumukwatila amenshi imwe. Ee, ninjaleta kuli imwe, mwe bumba lya bacisanguka!”163 Lesa atile, “Isa kuno, Mose. Isa kuno. Isa unine pano pa mulu^Iwe waba umubomfi wacishinka.” Ngo mwanakashi no tutende ututali, “Iwe naunina, mwamona. Lolekesha kulya lubali. Mona impanga ya bulayo?” “Mwe Shikulu!” “Lelo iwe tawayemo mulya. Iwe walisenda ubufwayo Bwandi ubushapwililika, apa pene pa Cilibwe. Iwe nauicindamika we mwine, mwamona, kabili te Ine. Iwe nauisangulula we mwine. Iwe tawansangulwile Ine. Iwe tawasungile Icebo candi ica ntendekelo, ifyo nakwebele ukucita.” Nomba, amenshi yalifumine. Imwe kuti mwabike ndupi pabalwele kabili bena ukuba abatuntulu. Imwe kuti mwasesema, atemwa ukulandila mundimi. Lelo, icintu nici, sungeni Icebo Cakwe ica ntendekelo! Lesa tapilibula amano Yakwe, we munandi. Iwe ulingile ukusunga umulimo Wakwe, ubufwayo Bwakwe. “Owe, cisuma, cilya cali ca ku basambi.”164 Ena tapilibuka. Nga Ena acili alikwata umusambi, ulya mulimo umo wine. “Kabiyeni mwi sonde lyonse no kushimikila Mbila nsuma. Ifi fishibilo fikakonka abo abacetekela.” Tacatala ukupilibuka. Ena tekuti apilibuke. Nomba, imwe mulesosa, “Cisuma, ndekweba, cena teca buno bushiku.” Owe, iwe umwina Balaamu! Mulemona? Mwamona, Lesa tapilibuka. Ena aba cimo cine ilelo, mailo, no muyayaya.”165 Lolekesheni fye ku bena Balaamu ilelo. “Owe, nalishiba, muli Baibele babatishe mwi Shina lyakwa Yesu, lelo, lolekesheni, abantu bonse^” Nshilesakamana ifyo abantu bacita. “Takwabako Ishina limbi pe samba lya Mulu ilya pelwa ku bantu uko imwe mwingapusushiwa.” “Takwaba ukulekelelwa kwa membu, kano fye ukupitila mwi Shina lyakwa Yesu Kristu.” Cinshi,

38 ICEBO ICALANDWA

ubusuma ifyo mwaba, ifyo mucita, cilya tacakwatapo icintu nangu cimo icakucita na cena. Cena Cebo cakwa Lesa ica ntendekelo; imwe mulingile ukwikala na Cilya. Whew! Cisuma.166 “Ukunakila ku Cebo Cakwe kwaliwamisha ukucila ilambo.” Muleibukisha ilya nshita ilyo Sauli aishilebwela.167 Balaamu alikwete icabupe ca citetekelo kabili ena nga licibomfyeshe cena kucapwililika, Icebo cakwa Lesa icantendekelo.

Abengi abaume mwi bala ilelo, ne fya bupe fya kundapa, kuti bacita icintu cimo cine. Abengi abaume kunse uku, abantu ukulandila mu ndimi, abantu ukusesema, ica bupe, kuti babomfya cena ku Bufumu bwakwa Lesa, lelo bena tabacicita cena. Bena balasenda^Kabili Lesa alabapala bena, nangu cibe fyo, ukusenda ubufwayo ubuli ubwapwililika. Lelo pa mulandu wakulumbukwa, na mangalo, ukunonkelamo palwabo, bashitishe ububeli bwabo, nge fyo Esau acitile, mwamona, ukuishitisha ku kabungwe. Ukuishitisha, nga filya Balaamu acitile. Mwamona?

Abengi nganshi balecite lelo icintu cimo cine. Twalishiba cilya cishinka. Bena balashitisha ububeli bwabo. Huh! Abanakashi ukulumbula kukwata Mupashi wa Mushilo, ukufwala bakaputula; abaume ukubasuminisha mufintamba, abanakashi ababeye mishishi mu fintamba; ukupente finso fyabo, ne mingila ya bukapepa nabafwala. Icipunwisho icikalamba nganshi ulukuta lwatala ukukwatapo.168 Nga mulefwaya ukwishiba, mu maka ya mapolitiki, ni nshita nshi nshita ya bufumu, moneni uko abaYuda bali. Lolesheni ifyo abaYuda bali, pantu bena ni nko. Nga mulefwaya ukwishiba apo nko shiminine, lolekesheni abaYuda.

Nga mulefwaya ukwishiba apo lukuta lwiminine, lolekesheni abanakashi. Lolekesheni imicitile pakati ka banakashi, pantu ena e cakwimininako icalukuta. Ilyo mwamona ukukowela pakati kabanakashi, muli no kusanga ukukowela mulukuta. Ifyo ena aisa mukuba, Yesabele uwapenta, filya fine fye ifyo lukuta lwaisaba. Mwamona? Nomba, cilya cishinka, kabili imwe mwalishiba cilya. Mwamona? Nga mulefwaya ukumona apo lukuta lubelele, lolekesheni imicitile pakati ka banakashi benu. Pantu, ena aba, ulukuta lwaba mwanakashi.

Nga mulefwaya ukumona imibele ya nko, lolekesheni abaYuda.169 Moneni, nge fyo Lesa alandile kuli Balaamu, panuma ilyo aumfwile ukusala kwa cine ukwapwililika, Cebo, “Wiyako.”

BUSHE LESA ALITALA UKUPILIBULA AMATONNTONKANYO… 39

Ee, elyo Ena alimwebele, panuma Ena amwene muwakwe_mu mutima wakwe, ico cali no kucitwa; Ena amupele ubufwayo Bwakwe ubushapwililika, e ico Atile, “Kabiye.”170 Kabili imwe kuti mwacita icintu cimo cine. Imwe nga tamulefwaya ukwenda mu Cine, imwe kuti mwaya no kukwata_ukukwata bukapyunga ubukalamba. Mucine, imwe kuti mwacita. Lelo imwe mulesenda ubufwayo Bwakwe ubushapwililika. Imwe muleenda ukuciluka pa Cebo Cakwe. Ena aka mulundulusha imwe, mucine. I^

Nga filya Ena acitile Balaamu. Ena alilundulwike, lelo ena tekuti atipe balya bantu. Ena tekuti acicite cena. Pantu, nshita ili yonse ilyo atendeke ukutipa, alipalile. Mwamona, ena tekuti acicite cena. Lelo ilyo ena aishileisa ukuba uwalunduluka mu mulimo wakwe, ena asambilishe balya bantu, ukupitila muli Balaki, ukucito bucende. Ena aletele mu nkambi ya Israele no kubofya bena, atile, “Cinshi, ifwe bonse tuli umo. Cinshi, imwe mupepa Lesa umo wine. Ifwe natukwata kasesema kuno lubali; kabili imwe na mukwata kasesema kulya lubali. Kabili ifwe twalikwata ilambo limo line, Yehoba umo wine nga bashifwe. Nomba, cinshi imwe bonse teti mwishile fye no kwampana pamo na ifwe.”

Baibele itila, “Mwiyampanya mwebene pakati ka bashacetekela. Mwiba mwikoli pamo nabena, nakalya. Nga bena tekuti bacetekele Cena, talukeniko kuli bena.” Mwamona? “Fumenipo, beni abapatuka,” efyo asosa Shikulu, “kabili Nkamupokelela.” Mwamona? Mwikumya ku fintu fyabo ifyakowela.” Cilya cishinka. Ifiko fyabo ukususha Icebo, ne fintu nga filya, talukeni ukufuma kuli cilya. Mwilakutika kuli cena.171 Kabili pano tulesanga ukutila Balaamu aile kulya lubali no kutendeka ukusambilisha abantu, kabili ena alikwete icilubo. Kabili ena_ena aile mu nshila yakwa Balaamu, ifyo kutila ena acitile, nokusambilisha Balaki, kabili na bana ba Israele ukucito bucende. Kabili icinkunka capumine uluko lwa Israele, abantu, kabili amakana ya bena bafwile mubushiku bumo.

Kabili ilyo bena bonse bali kulya, ku cinso ca cipailo cakwa Lesa, balepepa, apa palishile umwaume umu Israele no mwanakashi umwina Midian, umwanakashi wacilonganino, kabili balingile mwi tenti. Kabili umwana mwaume wakwa shimapepo aile kulya lubali, nokusenda umufwi no kubepaya bonse babili. Kabili cafumishepo ubukali bwakwa Lesa. Mwalishiba yalya Malembo. Bushe cilya cishinka? Mwamona?172 Lelo ni cinshi icacitike? Balaamu, aishile cicita mukunenusha Israele. Ni cinshi ico ena acitile? Ena anenwishe nkambi yabo. Lesa ali mulekele ukuya no kunenuna inkambi yabo, kabili cena cakoweshe inkambi yonse.

40 ICEBO ICALANDWA

Kabili ilyo isambilisho limo lyatendeka, ilishaba Icine ca Baibele, lilakowesha inkambi yonse. Umo muntu aima ne tontonkanyo ilyaibela, nga Kora, no kusosa, “Cisuma, ici, cilya, kabili icibiye, kabili ninkwata itontonkanyo ilyaibela,” cilakowesha nkambi yonse. Kabili cilya e cacitwa ku nkambi yonse iya lukuta ilelo. Cilya cishinka.173 Ukusambilisha nge fyo acitile, ukunenwisha inkambi yonse ku lwaku Kadesh-barnea, icilangisho ca Cebo. Ilyo bafikile ku Kadesh-barnea, lyena, ukunenushiwa kwa nkambi. Bena baishilebwela. Bena bakonkele fye^

Ibukisheni, bena balile icakulya caba malaika. Bena balikwete Icebo cakwa Lesa, cila nshita ya bushiku, ukulengwa ukumonekela. Kabili bena balile icakulya. Bena banwine ukufuma ku cilibwe. Bena balicitile fyonse, balimwene ifipeshamano. Balimwene Mose, no kumona icebo cakwe, ukumona ama busesemo yakwe, ifintu fyonse.

Kabili elyo mukulekelesha ilyo baumfwile kuli uyu kasambilisha wa bufi, alishile pakati kabo no kusambilisha icilubo, anenwine nkambi, no kulunduluka kuli cena.

Ena limbi ngalikulile ifikulwa fya ma dollar million. Ena limbi nga likwete ifilonganino ifikalamba. Ena limbi nga alilundileko amakana ukufusha amakana, no kucite milimo ikalamba, ne milimo ya pulamo, kabili ali ni kasesema. Cilya cili fye bwino, lelo, ilyo lyonse ilyo cena tacili pamo ne Cebo cakwa Lesa, imwe mulingile ukutalukako ukufuma kuli cena.

Lesa tapilibula amano Yakwe. Ikaleni fye ne Cebo Cakwe, pantu cilya ecikafumamo ku mpela, Icebo, Icebo pa Cebo. “Uyo onse ukafumyako Icebo cimo ukufuma kuli Cena, atemwa ukulundako icebo cimo kuli Cena!” Cena cilingile ukwikala, cilya Cebo.174 Nomba umfwikisheni nganshi nomba. Ilyo kwesha kwa Cebo kwaishile, ilyo bena baile kulya no kumona abakususha ukuba abengi nganshi, ukususha ukukalamba nganshi batalile ukumona, abena Amaleki bali_bali imiku ikumi impendwa yabo. Bena batile, “Ifwe tulemoneka nge fipaso. Amalinga yabo, atemwa imisumba yabo yali na malinga nganshi mpaka bena kuti bakwatilapo ubwangalo bwa lubilo ubwa maceleta pali yena, amaceleta yabili, na maka nganshi nge fyo yengaya, ukushinguluka amalinga, mwamona, iya misumba yabo. Cinshi, imifwi yabo yalepa filya, yabe itali. Kabili bena mapaka. Cinshi, ifwe tulemoneka nge fipaso. Ifwe tekuti tucicite.”

Kabili abaume babili baiminine pali cilya Cebo, Kalebu na Yoshua, batile, “Loleleni pali miniti! Imwe mwe bantu ba million babili ikaleni shilili pakashita. Ifwe tuli abapulamo ukucicita cena. Mwamona, ifwe tuli abapulamo pali bena.”

BUSHE LESA ALITALA UKUPILIBULA AMATONNTONKANYO… 41

Nipesa apo baleshintilila? Lesa atile, “Ni mupele mpanga. Yena yenu.” Kabili palya baliminine. Lelo abantu baishileupa, pakati ka fintu fimbi, kabili misango yonse iya fisumino ne ntambi mukati kabo, kabili bena abanang’ani fye, abanakuka nakuka, tabaishibe lubali nshi ulwa kwalukilako kabili ne fya kucita. Cilya cishinka. Kulya kwaishile ubwesho bwa Cebo.175 Nomba, Ena alamusuminisha imwe ukupanga, ukusuminisha ubufwayo bwenu, ubufwayo ubushapwililika, ukwishiba ukutila^Ico cili mu mutima wenu, Ena alicishiba.

Mwatila, “Cisuma, Munyina Branham, ndacita ifi-ne-fi. Cena tacinsakamika ine. Lesa alampala cila bushiku. Ndembila mu Mupashi. Nshanina mu Mupashi. Ine^” Ena ali no kusuminisha cena. Twalilila. Cilya cishinka. Lelo ni cinshi ico uli no kucita?176 “Ndafwala bakaputula, ndacita ici. Tacinsakamika ine. Nalishiba icitetekelo candi caba muli Kristu, te muli filya mfwala.”

Lelo, Baibele itila kuliko icintu cimo, nako. Mwamona? Ni cinshi ico muli no kucita? Imwe mukapanga icipunwisho, nga filya Balaamu acitile, ku cinso ca cila umo uwa banakashi bambi. Ni cinshi ico muli no kucita kubakashana benu abacaice? Imwe mukakwata ibumba lyaba Ricketta, cilya cishinka nganshi, ibumba lya ba pentwa abanono ba Yesabele. Mwamona?177 Lelo Lesa akamulundulusha imwe. “Cinshi, Ena alampala.” Ine nshitwishika cilya. Alipalile Balaamu, nao. Mwamona? Mucine Ena akacita. Imwe mukenda mubufwayo Bwakwe ubushapwililika, te bufwayo Bwakwe ubwapwililika. Lesa tapilibula amano Yakwe, pantu Ena alekupala iwe.

Ena alipalile Israele kulya kwine pa myaka amakumi yane. Ni cinshi ico bena bacitile? Baupile abakashi, bakwete ndupwa, bafyompele abana, balipile icekumi cabo, baikele kulya kwine. Kabili Lesa alibapalile bena mu matololo, alibalishishe mana, kutwalilila no kutwalilila. Kabili cila umo uwa bena balyonaike, pantu bena tabatalile ukusunga ubwakwe ubwa ntendekelo, ubushapwililika^Ubwakwe ubufwayo bwatendekelo, Icebo Cakwe. Bena basendele inshila Yakwe ishapwililika.178 Twalilila, lelo, uleibukisha, ilyo bena bafumine pa Kadesh, bena tabaendele ukuya pantanshi nakabili. Bena baile fye ukushinguluka nokushinguluka, mumatololo. Uko, bena nga bafikile kulya, mu nshiku shibili panuma ya cilya, bena ngabali mu mpanga ya bulayo. Bena balyendele imyaka amakumi yane, kabili cila umo uwa bena alifwile kano Yoshua na Kalebu, balya abaikele pa Cebo ca ntendekelo.

42 ICEBO ICALANDWA

179 Mwe Lesa, twafweni. Lesa tapilibula ubufwayo Bwakwe. Ena tapilibula amano Yakwe, lelo Ena ali no kumupala imwe. Mucine, Ena alipalile Balaamu. Kabili ni cinshi ena acitile kulya lubali? Ena akoweshe nkambi yonse. Mwamona, imwe mulingile ukwikala pa fyo Ena asosa. Ena tatalile ukupilibula amapange Yakwe aya ntendekelo.180 Nomba lolekesheni kuli ba Balaamu ilelo, mwi bala, bushe kuti mwacita. Lolekesheni fye mumbali. Ukulunduluka, ukulandila mu ndimi, mucine, ukubomfya icabupe cakwa Lesa ukunonkelamo, ifintu fyonse, mucine. Lelo cena cilakowesha ulukuta lonse ulwa kwa Lesa na masambilisho yabo aya bufi. Cilya cishinka. Umo atile kuli ine, “Cinshi ico ulecitila ici? Cinshi ico iwe ulecitila cilya?” Natile, “Bushe taulecetekela ukutila Cilya e Cine?”181 “Owe, ee. Lelo,” atile, “namwishiba cinshi? Ulya te mulimo wenu. Imwe mulingile ukupepela abalwele. Bena balicetekela imwe ukuba kasesema. Cinshi, imwe kuti mwabasambilisha abanakashi besu ifya kucita, na balya baume, ifya kucita ici, cilya, ne cibiye.” “Musango nshi mwingabasambilisha algebra ilyo bena tekuti basambilile na ba ABC wabo? Huh? Huh? Musangonshi mwingabasambilisha bena filya fintu ilyo bena tekuti basende ne cakwambilapo cabo?” Mwamona? Imwe mulingile ukubwelelamo no kutendeka apo mwatendekele, atemwa apo mwashile, nokusenda Icebo conse icakwa Lesa.182 Lolekesheni fye pali cena mwibala ilelo. Nge fyo Balaamu aupile mu lukuta lwakwa Lesa, cilende, aupile cilende mulukuta lwakwa Lesa, efyo na ba bakasambilisha ba bufi ilelo ukwesha ukumweba imwe. Bena bali no kuufya cila umo uwa ututubungwe na ba bantu muli cilende wakale uwa Kusokolola 17. Isambilisho lyabo ilyakwa Balaamu ukupita ne lelo, no kusosa, “Twaba fye cimo cine. Ifwe bonse tuli Benakristu.” Kabili bashimapepo na papa, na bonse bambi, bonse ukulanshanya no kucite fi.183 Kashimikila atile; nalishiba nakashimikila wa Pentecostal, bonse muli bena, balitendeka nomba ukupela ka kosher akabulungana. Ico cipilibula, Ashtoreth, “mulungu mweshi,” ka mukate ka kosher. Ukusosa, “Isaleni amenso yenu no kulya kena, nga kaleumfwisha ububi kampingu wenu.” Isaleni amenso yenu? Akamukate akabulungana, cipilibula cinshi? Ifwe tulelya umubili uwa fwantwa, Yesu Kristu, ukufwantwa; te mulungu umweshi uwabulungana Ashtoreth, uo Maria apyanishepo icifulo. Kabili kosher ya ci Roma icili yaba iyabulungana, pa mulungu mweshi, umulungu uwanakashi, te mulungu. Ifwe twalikwata Kosher uwafwantwa, mucine. Owe!

BUSHE LESA ALITALA UKUPILIBULA AMATONNTONKANYO… 43

184 E ico nomba cilende mukalamba uwa Kusokolola 17, aba bakasambilisha ba Balaamu ne sambilisho lya bufi, baleupa ulukuta nokusafya kwa ulya musango. Lolekesheni ilyo cena caisa kucilangisho pa nshita ya pa mpela, lolekesheni ukunakuka kwa cena nomba. Imyanda pabula na fimbipo utubungwe utwapusana, kamo ukutintila ulubali lumbi, kabili kamo ulubiye. Tapaba ukwampana pakati kabo. Kabili bena baleesha ukuleta ukwampana kwabo; te kwafwilishiwa ne Cebo cakwa Lesa, ipange lya ntendekelo lyakwa Lesa. Bena balesenda cena ku mapolitiki kabili nakabungwe. Lesa tapilibula amantonkanyo Yakwe. Ena ekala fye pamo ne Cebo Cakwe. Atile, “Imyulu ne sonde fikapita, lelo Cebo Candi tacakacite.” Cilya cishinka. Ena ekala ne Cebo Cakwe ica ntendekelo. Owe, mwe!185 Nangula bena bacili baleelenganya ukususha Cena, nga filya fine bacitile, kabili fye^Kwaba fye icintu cimo icakucita. Ena takapilibule Cena. Cetekeleni fye. Pantu, fyonse fibili imyulu ne sonde fikapita; Icebo Cakwe tacakatale ukufilwa. Mwamona?186 Mulemona uko imwe muleupwako? Mwamona amapolitiki ne fintu, ifyo bena balesha ukulundinkanya capamo ulukuta ku mapolitiki mu lukuta? Ifwe tatwalundwa kuli Kristu ku mapolitiki. Ifwe twalilundwa, Ulukuta, kuli Kristu, ku lubatisho lwa Mupashi wa Mushilo. Kabili umusango mwaishibilamo ulubatisho lwa Mupashi wa Mushilo, ni pa mulandu wa kutila Umupashi muli imwe ulalangisha Icebo conse icakwa Lesa ukuba Icine. Cilya cishinka. “Pantu uyo onse ukafumyako Icebo cimo ukufuma kuli Cena, atemwa ukulundako icebo Cimo kuli Cena, icakaniko cakwe cikafumishiwamo mwi Buku lya Mweo.”187 Nomba, “Ena alalunduluka,” mwatila. Imwe tekuti mucetekele Cilya mukulunduluka. Imwe tekuti mupingule Lesa ku kulunduluka. Isonde lilalunduluka. Balaamu alilundulwike kuli lyena. Lelo, munyina, ulapingula Lesa ku Cebo Cakwe. Ena alasunga Icebo Cakwe no kulangisha Cena ukuba Icine. E ico, ibukisha, we munandi, ilyo lyonse ilyo u li no mweo, wikatala ukulabako ici: Lesa tapilibula amano Yakwe. Nomba, Ena akapala. Ena akaleka imwe mukaye mubufwayo Bwakwe ubushapwililika, lelo Ena tapilibula amano Yakwe. Ena takapilibule ipange Lyakwe. Ena takapilibule Icebo Cakwe, pa mulandu wa imwe. Iyo, mukwai. Imwe mulingile ukupilibuka. Imwe tekuti mukwate Icebo cakwa Lesa ukulingana no kwishiba kwenu; mulingile ukukwata ukwishiba kwenu ukulingana ne Cebo cakwa Lesa. Mwamona? Ulya e musango mwakwatila^

44 ICEBO ICALANDWA

Mwatila, “Cisuma, ndi muntu musuma. Lesa alacita ici, cilya, atemwa icibiye. Lelo bushe mulasunga Icebo Cakwe? “Owe, cisuma, ndemweba, cilya tacili fye^Iyo.” Cisuma, kuliko icintu cimo icalubana pa cifulo cimo. Lesa aleya^Ee, Ena akamulundulusha. Mucine, ena aka mulenga imwe^188 Ifilonganino filelunduluka kuli abo abashingakwata cena! Bena balatantalisha amatenti yabo, ishikalamba, inkuta ishisuma, kabili ne fintu fyonse, ukupita mu mpanga. Bena balinonka, ne ndalama ukwisamo, kabili ba membala ukufuma kuli konse. Bushe Baibele tayasosa, “Balisangilwe muli wene nangula ifyuma fya mwisonde, nangula imyeo yabantu,” kabili ne fintu fyonse, ifyo fyasangilwe muli uyu cilende umukote, uyo waba nyina wa cintu conse, ama politiki na kabungwe?189 Lelo ibumba ilinono ilyakwa Lesa e Nabwinga Wakwe, lyashintilila pali cilya Cebo. Lekeni Shifwe uwa mu Mulu uwatemwikwa lyonse alemusunga abalimbwa palya pene. Mwikesha ukutala ukusela kuli cilya Cebo. Imwe kuti mwapala, imwe limbi^Lesa kuti amundapa imwe. Ena kuti aundapa akanya kenu akanono. Ena kuti aundapa umulume wenu, umukashi wenu. Ena kuti aundapa ba nyinenwe, umuntu umbi. Imwe kuti mwatoloka ku Mupashi Wakwe, nokushana uku no ku. Ibukisheni, imfula ilokela pa balungami na bashalungama, umusango umo wine. Lelo ilyo ilye mbuto ili palya, yena limbi yalisontwa atemwa yena tayasontwa. Kabili nga yena yalisontwa, yena kuti^Nga yena ni ngano, yena ilingile ukuleta ingano. Nga yena Cebo cakwa Lesa, yena ilingile ukuleta Icebo cakwa Lesa. Nga yena taili, cisuma, lyena yena taili. Mwamona? Muleumfwa cilya nomba?190 Shikulu amupale. Pano nimweba naciba nokuleka pa naini koloko, kabili ili apa, ama miniti amakumi yabili ukufika ten. Mwebengi imwe mwe bantu, ukutali nganshi uko muleya. Nalimutemwa. Kabili umulandu musungila uyu musango, te pa mulandu wakutila mfwaya ukuba umunkalwe kuli imwe, lelo nali mutemwa imwe. Kabili ifyo naishiba, nshisunga nangu cimo; ine ndamweba Icine.191 Kulya mukulongana uko nja, imwe tamwatala ukumfwa ine ukushimikila ishi Mbila. Iyo, nalimilaya, ukwisa kuli iyi tabernacle. Kuno kwine uko nshimikila Mbila shandi. Ninkwata shitatu atemwa shine na shimbi kuno, isho Shikulu ampela, ni nkwata Amalembo pali shena, icakutila tekuti nshimikile shena ukuli konse kano muno mwine. Kuno e ko Icebo cakwa Lesa catendeke ukulaya. Kabili, mpaka Lesa akapilibule cena, ndi no kwikala kuno kwine nokuleta cena ukufuma kuno kwine. Cilya cishinka. Kulya lubali mukulongana, ndapepela abalwele, ne fintu fyonse nga filya; kabili, kumbali, ukusosa mu musango

BUSHE LESA ALITALA UKUPILIBULA AMATONNTONKANYO… 45

wa nshila imbi, pa kutila impanga shingomfwa Cena. Bena balishiba ico cilelandwapo. Nga teifyo, cena caba fye inyambi kubulobo, mulemona. Ndalangisha ifishibilo ifya_ifyakwesha ukulangisha ukutila Lesa alishiba, mukulingulula, kabili alishiba imitima ya bantu, kabili alacita ifi fintu. Cilya cabupe ica bukabila wa mbila nsuma, ukusunkanya fye abantu. Icintu cakubalilapo namwishiba, tepu ilaya munga’nda yabo. Cilasenda yena, lyena. Nga ena ni mpanga, ena esa fye pamo na Yena. Nga ena nimbushi, ena alaposela panse tepu. Uh-huh. [Munyina Ben Bryant atila, “Kabili na iwe, wine.”_Ka] Mulemona, cilya cili^ “Kabili na iwe, wine,” cishinka, Ben. Cilya, cilya cishinka nganshi. Ben alikwata ukwishiba kumo. Cisuma. Cisuma, cilya cishinka.192 Bushe tamuli abansansa kutila imwe muli Abakwe? [Ulukuta lwatila, “Ameni.”_Ka.] Bushe tamuli abansansa? [“Ameni.”] Ifwe twaleimba ulwimbo lunono lwa pentecostal, akale sana, ulwa pala:

Ndi ne nsansa Shikulu alindubula;Ndi ne nsansa Shikulu alindubula;Nga tacali ni Yesu, nga ndikwi?Ndi ne nsansa Shikulu alindubula.Owe, naba uwansansa apo Shikulu andubula;Naba uwansansa apo Shikulu andubula;Nga tacali ni Yesu nga ndikwi?Ndi uwansansa apo Shikulu andubula.Nde bilikisha apo Shikulu andubula;Nde bilikisha apo Shikulu andubula;Nga tacali ni Yesu, owe, nga ndi kwi?Ndi uwansansa ukutila Shikulu alindubula;

Ubukata! Bushe tamuli nensansa? [Ulukuta lwatila, “Ameni.”_Ka.] “Bushe tamuli abansansa^” Lekeni tulwimbe lwena.

Bushe tamuli abansansa Shikulu ali mulubula?

Bushe tamuli abansansa Shikulu ali mulubula?

Nga tacali ni Yesu, owe, nga ndi kwi?Ndi uwansansa ukutila Shikulu alindubula.Cisuma, ndemba apo Shikulu alindubula;Ndemba apo Shikulu andubula;Nga tacali ni Yesu, owe, nga ndikwi?Ndi uwansansa ukutila Shikulu alindubula.

Bushe tamuli abansansa pali cena? [Ulukuta lwatila, “Ameni.”_Ka.] Kanshi, ifwe tuli nokwenda mu Lubuuto. Mwalilwishiba lulyo lwimbo?

46 ICEBO ICALANDWA

Twalaenda mu Lubuuto, Lwena Lubuuto lwawama,

Lwisa apali umume waluse lubalikisha;Ukubalika pali ifwe akasuba no bushiku,Owe Yesu Lubuuto lwe sonde.

Bushe tamwalutemwa lulya? Lekeni tulwimbe nakabili.Twalaenda mu Lubuuto, Lwena Lubuuto

lwawama,Lwisa apali umume waluse lubalikisha;Ukubalika pali ifwe akasuba no bushiku,Owe, Yesu, ulubuuto lwe sonde.

Kwena kutula kwa kasuba!Mwe bamushilo bilisheni,Yesu, Ulubuuto lwe sonde;Icine no luse mwi Shina Lyakwe,Yesu, Ulubuuto lwa^

Nomba lekeni twimye amaboko yesu ilyo tulelwimba lwena.

Owe, twalaenda mu Lubuuto, Lwena Lubuuto lwawama,

Lwena lwisa apo mume waluse ubalika;Ukubalika pali ifwe akasuba no bushiku,Yesu, Lubuuto lwe sonde.

Poshanyeni umo no mubiye mu maboko.Owe, Lwena lwisa apo mume waluse ubalika.

Bushe tamuli abansansa muli bana ba Lubuuuto? Umwana ali pa mulu.

^ukubalika pali ifwe akasuba no bushiku, “Mwe bana abanono, temwaneni umo no mubiye.”

^Ulubuuto lwe sonde.Owe, ifwe twenda mu Lubuuto, Lwena lwaba

ulwa ye-^(kumonekela kwa Cebo Cakwe)Lwisa apo mume wa luse ubalika,Ukubalika pali ifwe akasuba no bushiku,Lwena ni Yesu, Ulubuuto lwe sonde.

Imwe bonse mulecetekela cena?Tuleya ku Sion,Ku musumba wawama;Tuleya nomba kwi sano,Musumba wakwa Lesa.Owe, tuleya ku Sion,Ku musumba wawama;Tuleya nomba kwi sano,Musumba wakwa Lesa.

BUSHE LESA ALITALA UKUPILIBULA AMATONNTONKANYO… 47

Bakana ukwimbaTabeshiba Lesa; lelo abana ba MfumuLelo abana ba MfumuBasekele pefye,Basekele pefye.Tuleya ku ^(Ubukata!)Ku musumba wawama;Tuleya nomba kwi sano,Musumba wakwa Lesa.Tuleya ku Sion,Ku musumba wawama;Tuleya nomba kwi sano,Musumba wakwa Lesa.

193 Fumyeni akatambala kenu. Fumyeni ututambala twenu, pali miniti fye. Lekeni tupele Shikulu umusangulo wakushinshika. Cena tacili umwanshi, lelo bena basendele ukufuma ku mubili wakwa Paulo utusalu ne fintu, mwamona.

Owe, tuleya ku Sion,Owe, ku musumba wawama;Tuleya nomba kwi sano,Musumba wakwa Lesa.Owe,tuleya ku Sion,Owe, ku musumba wawama;Tuleya nomba kwi sano,Musumba wakwa Lesa.

194 Ameni! Owe, bushe tacilemilenga imwe ukumfwa bwino? Kuti naelenganya fye balya aba mushilo kunuma kulya, ilyo tabalati bengile umwamangalo ya ci Roma kulya, ukutendeka ukulaya palya pa kalupili, namwishiba, pa mulu wakalya akaculu, ukuya mukati ka ninga ya nkalamo, ukusosa:

Owe tuleya ku Sion,Ku musumba wawama;Tuleya nomba kwi sano,Musumba wakwa Lesa.Kuno bantu bakweBapelwe filambuTwapalama ku Cipuna ca Mulu,Twapalama ku Cipuna ca Mulu,Nangu ukwenda misebo ya golde,Nangu ukwenda misebo ya golde.Tuleya ku Sion,Ku musumba wawama;Tuleya nomba kwi sano,Musumba wakwa Lesa.

48 ICEBO ICALANDWA

195 Munkonkeleshe. Shikulu Lesa. [Ulukuta lwatila, “Shikulu Lesa.”_Ka.] Ndeipela ne mwine cipya cipya kuli Imwe. [“Ndeipela ne mwine cipya cipya kuli Imwe.”] Nsangululeni kukulungana konse. [“Nsangululeni kukulungana konse.”] Nsangululeni kukutwishika konse mu Cebo Cenu. [“Nsangululeni kukutwishika konse mu Cebo Cenu.”] Lekeni ine, ukufuma lino Ipasaka, [“Lekeni ine, ukufuma lino Ipasaka.”] mbe cibumbwa cipya [“mbe cibumbwa cipya”] muli Kristu Yesu. [“muli Kristu Yesu.”] Lekeni nsende, mumutima wandi, [“Lekeni nsende, mu mutima wandi,”] Icebo Cenu. [“Icebo Cenu.”] Lekeni Cena cibe Nyali kunkasa shandi [“Lekeni Cena cibe Nyali kunkansa shandi.”] Iyo ili no Kusanika inshila yandi. [“Ilyo ili no Kusanika inshila yandi.”] Ukufuma ino nshita, [“Ukufuma ino nshita”] ndi no kukonka Imwe. [“Ndi no kukonka Imwe.”] Mwi Shina lyakwa Yesu. [“Mwi Shina lyakwa Yesu.”] Ameni. [“Ameni.”]

Tuleya ku Sion,Ku umusumba uwawama;Tuleya nomba kwi sano,Musumba wakwa Lesa.

196 Bushe cilya tacilemulenga ukumfwa bwino? [Ulukuta lwatila, “Ameni.”_Ka.] Ifwe natuipela fwebene cipya cipya, ukwishiba ukutila mu mitima yesu ifwe natuletwa ku mweo ukufuma kumfwa, ukulengwa abamweo. Bushe cena tacilemilenga ukumfwa bwino? [“Ameni.”] Mwe, owe, mwe! Nali mutemwa, no kutemwa ukushingapwa. Umfweni. “Temwaneni umo no mubiye. Pantu imwe tekuti mupate munyinenwe, uo mumona, no kusosa ukutila imwe mwalitemwa Lesa, Uo tamwamona.” Mwamona? E ico tamwaneni fye umo no mubiye. Lyena, mulepyungilana umo no mubiye, mulepyungila Lesa. Bushe co cishinka? “Nge fyo mulecita kubacepesha ba muli aba abo abakwata Amaka ayapelo mweo muli bena, imwe mwacicita cena kuli Ine.” Ni lilali ifwe twamumwene Imwe mulekabila? Nililali twamutandalile Imwe mucifungo? Nililali ifwe twacitile ifi fintu?” “Ico mwacitile kuli bena, mwacitile kuli Ine.”197 Bushe cilya tacawama? [Ulukuta lwatila, “Ameni.”_Ka.] Nali mutemwa Wene, bushe ta mucita? [“Ameni.”]198 Owe, kuliko lumo nalumbi ulwimbo ifwe tulingile ukwimba, nga imwe na mukwata miniti fye na imbi ya nshita. Owe, cisuma, ifwe twalasenda fye bena. Cisuma. Cisuma. Mukwai. Owe! Sende Shina Lyakwa Yesu Pamo Na Iwe. Mwilalabako cilya, mwe banandi. Lekeni ifwe bonse

BUSHE LESA ALITALA UKUPILIBULA AMATONNTONKANYO… 49

tulwimbe nomba. Cila umo, capamo nomba, no mutima fye umo ukalamba, lutwaleni kuli Wene. Lekeni ifwe, na fyonse ifyo tukwete muli ifwe.

Bule Shina lyakwa Yesu,We mwana wa bulanda;Likakupelo buseko,Konse kuntu ukaya.Ishina, lisuma!Lya panshi no Mulu;Shina, lisuma!Lya panshi no Mulu.

199 Ibukisheni nomba, mumpepeleko ilyo imyela iyakaba iyakupakaswa ilepupa, ilyo fiwa kumbali shonse fileshinina, ine nkebukisha imwe mulempepelako ine ubushiku nakasuba, kabili ine nakula mupepelako imwe. Iminineni na kacema wenu musuma, Munyina Neville, no mwafwilisha, Munyina Capps. Mulebomfwila. Bena bali no kumusambilisha Icebo ca Mweo. Ndecetekela cilya. Nga ine nshacetekele cena, ine mucine teti mbe nabo muno. Ine mucine tekuti ncite. Ndecetekela ukutila bena balicetekela Mbila, kabili bena bekala fye nayo kubusuma bwa kwishiba kwabo, kabili ninkwata icitetekelo muli bonse babili abaume. Ikaleni pamo na bena. Aba bambi ba munyina, kulya uko bena bakwata ukulongana kwabo, abaciminina kuno muno bushiku, nga muli mupepi uko bekala, iminineni na bena. Namumfwa ifyo bena bacishila kuno, muno bushiku.

Bule Shina lyakwa Yesu,Nge cishangu konse; (umfweni kuli ici)Lyo mwaba no kweshiwa,Lilumbule upepe.Ishina, Ishina, lisuma!Lisuma!Lya mu^

Lesa umutemwikwa, undapeni aba bantu. Ndelomba kuli Imwe, Tata, mwi Shina lyakwa Yesu. Peleni cena, Shikulu. Ndepepa.

^lisuma!Lya panshi no Mulu.Tukakumane! tukakumane!Tukakumane pa nkasa shakwa Yesu;Tukakumane! tukakumane!Lesa abe na imwe mpaka tukakumane.

Natukontamike imitwe yesu nomba. [Munyina Branham atendeka ukungwi’ngwinta Lesa Abe Na Imwe_Ka.] Mwe Lesa, beni na ifwe. Twafwilisheni. Twafwilisheni, Shikulu.

50 ICEBO ICALANDWA

^tukakumane pa nkasa shakwa Yesu! (tukakumamane)

Tukakukamane! tukakumane!Lesa abe na imwe mpaka tukakumane.

200 Lilya mucine epepo lyandi. Mpaka tukakumane nakabili, Lesa amupale! Kabili nomba nalaipusha uwesu uwawamisha Munyina Neville nga ena ali nokusalanganya ili bumba ilisuma. Lesa ali mutemwa, cila umo. Ndetasha nganshi ukukwata abantu nga imwe bonse. Cinshi ico Mbila yandi ingaba nga nshakwete nangu umo uwacetekela Yena? Kabili kuliko abantu muno, imwe kuti mwafwila pali Yena, pali iyi Mbila. Lekeni Lesa amwafwilishe, cila umo. Amapepo yandi yali na imwe. Amapalo yandi yaye na cila umo uwa imwe. Mwikatala ukulabako ukutila imwe muli ciputulwa muli kulya kubuka. Amaka ayapelo mweo yali muli imwe nomba. Cena conse nacipwishiwa. Imwe muli mwana wakwa Lesa. Natukontamike imitwe yesu, mpaka Munyina Neville asalanganye. Kabili Lesa amupale. `

BUSHE LESA ALITALA UKUPILIBULA AMATONNTON KA NYO YA KWE PA CEBO CA KWE? BEM65-0418E

Iyi Mbila na Munyina William Marrion Branham yaletelwe intendekelo mu Cingeleshi pa Mulungu icungulo bushiku, April 18, 1965, pa Branham Tabernacle mu Jeffersonville, Indiana, U.S.A., yafumishiwa muli tape iyambulwa kabili nailembwa ukwabulo ukulundamo mu Cingeleshi. Uku ukwilula kwa mu Cibemba kwa lembelwe no kupelwa na ba Voice Of God Recordings.

Icishibisho ukufuma ku mwine kalemba

Insambu shonse tashisuminishiwe. Ili buku kuti lya lembwa pali pulinta yapa ng’anda ku kubomfya kwa muntu pa lwakwe nangu ukupela, ukwabula amalipilo, nge cipe caku sabankanya Imbila nsuma iya kwa Yesu Kristu. Ili buku tekuti lishitishiwe, ukulembululwamo ayengi, ukubikwa pa mwela, ukusungila muli ba mashini, ukwalula mu ndimi shimbi, nangu ukuli bomfya ku kulomba indalama ukwabula insambu shalembwa na ba Voice Of God Recordings®.

Nga mulefwaya ukwishibilapo nafimbi nangu ukufwaya na fimbi ifyabapo, twalomba tumeni kuli ba:

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org