CONSERVATOIRE

DE LA VILLE DE Luxembourg

33, rue Charles Martel

L - 2134 Luxembourg

T +352 47 69-5203

WWW.CONSERVATOIRE.LU www.conservatoire.lu

30 OCT

VEN 17H

CONCERT Auditorium

MERCI CHAREL

Concert Adieu Charel Consbruck Ensembles du „Département des instruments à vent“

La Banda, direction Pavel NAKHIMOVICH Promenade de Charles La fête à Charel Charly's blues

Orchestre d’Harmonie, direction Jean THILL The voice of the Vikings, Michael GEISLER Claude François Medley, Claude FRANÇOIS, arr. Elphège PROISY

Brass Band, direction Philippe SCHWARTZ Music for a Festival, Philip SPARKE Stål Himmel, Alan FERNIE Jurassic Park, John WILLIAMS arr. CATHERALL

Entrée gratuite / Réservation obligatoire: limuller@vdl.lu

BIOGRAPHIE

De Charel Consbruck, ee Stéck Conservatoire a säit 38 Joer als Trompetteproff am Dengscht vun der Musek, hëllt seng wuelverdéngte Pensioun. Hien huet seng éischt Schrëtt an der Musekswelt als Member vun der Lëntgener Fanfare beim François Grethen an dem Jos Braun gemaach. Wéi de Charel mat der Musek ugefaangen huet, gouf et déi Zäit am Land keen Trompetteprof, a sou huet seng Formatioun bei engem Corprofesser ugefaangen. Och Tuba a Saxophon huet hie geléiert iert hien am Stater Conservatoire, beim Charles Denotte an dem Jean de Ridder endlech huet dierfen Trompette léieren. Weider goung säi musikalesche Parcours an de Conservatoire Royal de Liège an an de Conservatoire vu Basel, a vun do aus duerch Frankräich, Däitschland an Amerika, wou de Charel eng etlech Stagen absolvéiert huet. Säi Wësse bréngt hie mat op Lëtzebuerg, wou hie pedagogesch Projete an d’Liewe rifft an eng unzuel vu Masterclassen ofhält. Selwer huet een an enger Rëtsch Ensembele gespillt an sech och oft als Solist bewisen. De Charel, deen 1982 als Trompetteprof am Stater Conservatoire ugefaangen huet mat schaffen, huet säi fantasteschen Job ni als Aarbecht ugesinn. Matt senger waarmhäerzeger Mënschlechkeet an sengem aussergewéinlechen Engagement fir d’Trompett, war hie fir seng Schüler a Kolleegen ëmmer ee Virbild. Säin Ziel war et kreativ Saachen aus Konscht mat enger gudder Jugend ze schafen. Fir de Charel gouf et nëmmen eng Aufgab a sengem Liewen an zwar dat maachen firwat hien op d’Welt koum, nämlech de Leit hëllefen, an d’Jugend z’ënnerstëtzen grouss ze ginn an en Instrument ze spillen. Hëllefen, dat war an ass him wichteg. D’Direktioun, d’Personal, d’Schüler, d’Elteren a virun allem „säi” Blechbléiserdepartement wënschen dem Charel op dësem Wee vu ganzem Häerz eng wonnerbar Pensioun, weiderhin vill Energie an eng gutt Gesondheet. Charel, bleif wéi’s de bass.

Reservatioun an Informatioun: www.conservatoire.lu