· Web viewWash his parents’ cars every week, cook tea every night, sweep the house everyday, wash the windows every Saturday, and weed the garden. M 28. What did Wīremu say he

ŌKU WAWATA Pānuihia ngā kōwae. Whakautua ngā pātai reo Māori ki te reo Māori. Whakautua ngā pātai reo Pākehā ki te reo Pākehā.

Tēnā koutou. Ko Tokomaru te waka, ko Taranaki te maunga, ko Waikanae te awa, ko Te Āti Awa te iwi, ko Ōtaraoa te hapū, ko Whakarongotai te marae. Ko Pānia taku whaea, ko Tāwera taku matua. Ko Wīremu Paora tōku ingoa. Tekau mā ono ōku tau. Nō Waikanae au, engari kei Paekākāriki au e noho ana. Kei te Kāreti o Kāpiti au e kura ana.

1. What information does the author give about himself?

He tino pai ki ahau te kura. E pēnei ana aku whakaaro mai i te wā ka tīmata au i te kura tuatahi. Kei te reanga tekau mā rua ahau i tēnei wā. I tērā tau i ekea e au te Kōeke Tuatahi o te Taumata Mātauranga ā-Motu kua Taea, arā te NCEA. Kotahi rau, e rima tekau ngā whiwhinga i riro i ahau. E toru tekau mā whā ngā waitohu Kairangi, e ono tekau mā ono ngā waitohu Kaiaka, ā, e rima tekau ngā waitohu Paetae. I te tino harikoa ōku mātua i te wā ka tae mai te reta i Te Mana Tohu Mātauranga. I te ahiahi i te rā o te taenga mai o te reta, ka haere mātou ki te wāhi kai o Te Tēpu o Te Kaihao Ika, nā te mea i pīrangi ōku mātua ki te whakanui i aku tutukitanga. I a mātou i reira, ka kī tōku whaea ki taku teina, “E Piki, me whai koe i te tauira o tō tuakana. Kia kaha hoki koe ki te mahi. E kīia ana, “Tama tū tama ora, tama noho tama mate”. Kāore taku teina e pai ki taua momo kōrero. Hei tāna, ko au anō ahau, ko ia anō ia. Kāore ia e pīrangi kia rite a ia ki ahau. He hiahia nōna ki te whai i tōna ake ara. He tino riri tōna āhua i te wā ka kōrero pēnā a Māmā. Ka kata au.

pēnei – like this | reanga – form, school year level | eke – reach | kōeke – level | arā – in other words | whiwhinga – credits | riro – get, got (not fetch) | Kairangi – Excellence | Kaiaka – Merit | Paetae – Achieved | Mana Tohu Mātauranga – NZQA | kaihao – fisherman | reta – letter | whakanui – celebrate | tutukitanga – success | whai – follow | tauira – example | momo – type | ara – path

2. In total, how long has Wīremu been in the schooling system?

3. E hia ngā whiwhinga i riro i a Wīremu i tērā tau?

4. How many credits did Wīremu get in each of the following grades?AchievedMeritExcellence

He mea waihanga mō tētahi kaupapa a Te Tāhuhu o te Mātauranga.© New Zealand Ministry of Education 2010 – copying restricted to use by New Zealand education sector.

5. I aha te whānau o Wīremu hei whakanui i ana tutukitanga?

6. What proverb did Wīremu’s mum use when she was talking to Piki? Why did she say it?

7. He aha a Piki i riri ai?

I muri i tā mātou hapa, ka hoki mātou ki te kāinga. I tō mātou taenga ki reira ka noho tahi mātou ki te tēpu o te kīhini inu maero ai. Ka pātai mai tōku pāpā. “ E Wī, kua whakaaro ake koe mō ō wawata me ō tūmanako mō ngā tau kei te heke mai?” “Āe,” ko tāku. “He aha ō wawata e tama?” ko tā taku pāpā.“I ahau e tamariki tonu ana i kite au i tētahi pirihimana e hopu ana i tētahi tāhae i te papa hokohoko o Coastlands. Ka whakaaro ake au i taua wā, he mahi pai rawa tērā. Engari ka tupu ana au, ka waimeha taua whakaaro, ā, ka tupu taku hiahia kia tū au hei tākuta, nā te mea he pai ki ahau ngā hōtaka pēnei i a Grey’s Anatomy, i a Private Practice me Te Tiriti o Hōterini. He pai ki ahau te koiora, me te āwhina hoki i te tangata. Ko te raru i tēnei wā, kāore au e pai ki te āhua o te toto. Ka kite au i te toto, ka ānini te māhunga, ā, ka tata hauaitu au. Heoi anō, e kīia ana, “Whāia te iti kahurangi, ki te tuohu koe me he maunga teitei.” Ehara taku mataku ki te toto i te maunga teitei, he puke hakahaka kē.

hapa – dinner | maero – milo | pirihimana – policeman | hopu – catch | tāhae – thief | papa hokohoko – mall | waimeha – fade | hōtaka – program | tupu – grow | koiora – biology | raru – problem | toto – blood | ānini – dizzy | māhunga – head | tata – nearly | hauaitu – faint | mataku – fear | tākuta, rata – doctor | hakahaka – short, low

8. What was Wīremu’s dream when he was a boy?

9. What event led him to want to pursue this dream?

10. What replaced Wīremu’s childhood dream?

11. He aha ngā hōtaka i whakaawe i a Wīremu kia whai i tōna ara hou?

12. What is the obstacle that Wīremu must overcome to achieve his dreams?

13. What does Wīremu mean when he says “Ehara taku mataku ki te toto i te maunga teitei, he puke hakahaka kē.”


Kei te mōhio ahau, mehemea e pīrangi ana au kia tū au hei tākuta, me pukumahi tonu, me whai au i ngā tohutohu a ōku kaiako me ōku mātua, ā, me oti tika i a au aku mahi katoa. E pai ana te haere o aku mahi i te kura i tēnei wā, engari, me tino eke au ki te taumata kairangi i taku tau whakamutunga i te kura. Koia rā te taumata e hiahiatia ana kia uru ki te whare wānanga. Nā tōku hiahia kia eke ki tēnei taumata, kua whakatau au kia whakamutu i ētahi o ngā mahi pārekareka pēnei i te haere ki te pāti, i te mātakitaki pouaka whakaata me te tākaro pouaka X. He mea whakaware noa iho ērā. Ko te mahi nui māku i tēnei wā, ko te ako me te rangahau. E ai ki aku hoa he pōrangi rawa atu au, engari, he whakahirahira rawa atu tēnei whāinga ki ahau. Kia oti i a au tēnei whāinga te whakatutuki, ka whai wā ahau ki te mahi i ngā mahi pārekareka.

pukumahi – hard working | tohutohu – instructions | oti – complete | whakamutunga – last | koia rā– that’s | hiahiatia – required | uru – get in | whakatau – decide | whakamutu – to stop, to finish | pārekareka – fun | whakaware – distracting | rangahau – research | whakahirahira – important | whāinga – goal | whakatutuki – achieve | whai wā – have time | whakataunga – decision

14. What does Wīremu need to do to achieve his goal?

15. What is Wīremu sacrificing to achieve his goals?

16. He aha ngā whakaaro o ngā hoa o Wīremu mō te whakatau a Wīremu?

He maha ngā whare wānanga pai pērā i a Ōtākou, i Waikato me Tāmakimākaurau. Engari, hei tā taku pāpā, ko te mea pai rawa mō te mahi tākuta, ko te Whare Wānanga o Ōtākou, nā te mea, he pai ngā kaiako, he rawe ā rātou rauemi, he kaha hoki rātou ki te tautoko i ngā ākonga. E rua ngā mea e whakararu ana i ahau mō te haere ki Ōtepoti, arā he makariri rawa atu ngā takurua, ā, kāore au i te tino hiahia kia noho tawhiti atu au i tōku whānau. Heoi anō, mā te wā ka waia haere au ki ēnei āhuatanga, ā, ka pai taku noho ki reira. Heoi anō, nōku tonu te maringanui kei reira tētahi o aku whaea kēkē e noho ana, arā, te tuakana o taku māmā. Tēnā pea ka noho au ki tōna whare. Ki te kore, ka noho au ki tētahi o ngā whare o Te Whare Wānanga.

rauemi – resources | ākonga, tauira – students | whakararu – trouble, troubling | takurua, hōtoke – winter | tawhiti – far away | waia – to get used to | āhuatanga – aspects | nōku te maringanui – I am fortunate | ki te kore – if not

17. Ko hea ngā wāhi pai hei ako i te mahi tākuta?


18. Why does Wīremu’s dad suggest Otago?

19. What are the things that Wīremu wasn’t keen on about Otago?

20. What are Wīremu’s accommodation options there?

Kia riro i a au taku tohu tākuta, ka rapu mahi au i tētahi o ngā hōhipera nui. Ko te tūmanako, ka riro i a au tētahi tūranga ki te hōhipera o Te Whanganui-a-Tara. Kāore au i te tino hiahia whakawhiti atu ki tāwāhi mahi ai. Kāore hoki au i te tino hiahia kia haere au ki Tāmakimakaurau, ki Ōtautahi me ērā momo wāhi. Kei te rohe whānui o Te Whanganui-a-Tara taku whānau, ōku hoa me taku ngākau hoki. Ki ahau nei, kāore he wāhi i tua atu i Te Whanganui-a-Tara i te wā o te raumati.

riro – get, gain, obtain | rapu, kimi – look for | hōhipera, hohipere – hospital | whakawhiti – cross over

21. Kia oti i a Wīremu tana tākutatanga, ka aha ia?

22 . What doesn’t Wīremu want to do?

23. Why does Wīremu want to stay in Wellington?

Kātahi ka kī mai taku pāpā, “Ka mau te wehi Wīremu. Kua tino whakaaro koe mō ō wawata. Kei te mōhio hoki koe me pēhea te whakatutuki i aua wawata. I te wā tekau mā ono ōku tau, kīhai au i paku mōhio i te umanga pai māku. Engari koe!


E tama, kua whiriwhiri kē koe i te umanga e pīrangi atu ana koe. Heoi, he pātai tāku, e hia te utu mō te tau kotahi?” “E rima mano tāra,” ko tāku. “E hia te utu mō āu pukapuka?”ko tā pāpā. “Kotahi mano tāra,” ko tāku. “Nā, e tama, mā wai aua mea e utu?” “Pāpā, e mōhio ana koe he nui taku aroha mō kōrua ko Māmā nē?” ko tāku. “Ooo nē rā e tama” ko tā Pāpā. “Ki tōku nei whakaaro, kāore he mātua i kō atu i a kōrua i te ao,” ko tāku. “Whakautua te pātai e tama,” ko tā pāpā. “Mā kōrua........ pea......... Pāpā?????”. “Nē rā??!! He whakaaro tōku e tama. Mehemea e pīrangi ana koe kia āwhina māua i a koe, me horoi koe i ō māua motokā ia wiki, me tunu koe i ā tātou kai ia pō, me tahitahi koe i te whare ia rā, me horoi koe i ngā matapihi ia Rāhoroi, me ngaki hoki koe i te māra,” ko tā pāpā. “Ooo, Pāpā! Mehemea ka mahi au i ērā mahi katoa, āhea au whai wā ai ki te whakaoti i aku mahi kura?” ko tāku. “Ha ha ha, he kōrero whakatara noa iho e tama. Āe, ka utu māua ko Māmā i ō akoranga me ō pukapuka mō te whare wānanga,” ko tā taku pāpā. “He pāpā pai koe. Kaua e māharahara, kia kaumātua haere kōrua, māku kōrua e tiaki, nā runga i tō kōrua kaha ki te tautoko i a au. Ha ha!” ko tāku. Kāore i roa i muri mai, kua ngēngē katoa mātou, ā, ka hoki mātou ki te moe. He kino te pai o ā mātou kōrero e pā ana ki aku wawata. E kīia ana, “Moemoeāhia te moemoeā, engari me whakatinana anō”. Tēnā koutou katoa.

kīhai – didn’t | umanga – career | whiriwhiri – choose | kē – already | whakautu – to answer | ngaki – to weed | māra – garden | whakatara – joke | akoranga – tuition | māharahara – worry

24. What did Wīremu’s dad want to do when he was Wīremu’s age?

25. How much in total will it cost for Wīremu’s fees and books for one year?

26. What was Wīremu’s response when his dad asked him who would pay for his fees and books?

27. What were the things Wīremu’s dad said Wīremu had to do to get him to pay the university fees.

28. What did Wīremu say he would do in the future?

Marking Schedule


1. What information does the author give about himself?

His waka is Tokomaru, his mountain is Taranaki, his river in Waikanae, his iwi is Te Āti Awa, his subtribe is Ōtaraoa, his marae is Whakarongotai, his mum is Pānia, his dad is Tawera, his name is Wiremu Paora. He is 16, he is from Waikanae but he lives in Paekākāriki, and goes to Kāpiti College.

A

2. In total, how long has Wīremu been in the schooling system?

12 A

3. E hia ngā whiwhinga i riro i a Wīremu i tērā tau?

150 A

4. How many credits did Wīremu get in each of the following grades

Ex – 34 M – 66 A- 50 A

5. I aha te whānau o Wīremu hei whakanui i ana tutukitanga?

I haere rātou ki te kai ki te Tēpu o Te Kaihao Ika. M

6. What proverb did Wīremu’s mum use when she was talking to Piki? Why did she say it?

“Tama tū tama ora, tama noho, tama mate.” To encourage him him to work hard.

E

7. He aha a Piki i riri ai? Kāore ia i pīrangi kia whakaritea ia ki a Wīremu. E8. What was Wīremu’s dream when he was a boy?

To become a policeman. A

9. What event led him to want to pursue this dream?

He saw a policeman catch a thief in Coastlands mall. M

10. What replaced Wīremu’s childhood dream? To become a doctor. A11. He aha ngā hōtaka i whakaawe i a Wīremu kia whai i tōna ara hou?

Grey’s Anatomy, Private Practice and Shortland Street. M

12. What is the obstacle that Wīremu must overcome to achieve his dreams?

His fear of blood – when he sees blood he gets dizzy and nearly faints.

E

13. What does Wīremu mean when he says “Ehara taku mataku ki te toto i te maunga teitei, he puke hakahaka kē.”

My fear of blood isn’t a major obstacle. E

14. What does Wīremu need to do to achieve his goal?

He has to work hard, he needs to follow his teachers’ and parents’ instructions, he needs to finish all of his work.

M

15. What is Wīremu sacrificing to achieve his goals?

Watching TV, playing x box, going to parties. M

16. He aha ngā whakaaro o ngā hoa o Wīremu mō te whakatau a Wīremu?

Hei tā rātou, he pōrangi ia. A

17. Ko hea ngā wāhi pai hei ako i te mahi tākuta?

Ōtakou A

18. Why does Wīremu’s dad suggest Otago? The lecturers are good, they have good resources, they have good student support

E

19. What are the things that Wīremu wasn’t keen on about Otago?

It’s cold and its far away from the family. A

20. What are Wīremu’s accommodation options there?

At his aunty’s or at a uni hostel. A

21. Kia oti i a Wīremu ana akoranga mahi tākuta, ka aha ia?

Ka whiwhi mahi ia i tētahi o ngā hōhipera nui. M

22 . What doesn’t Wīremu want to do? Go overseas, or to other big cities like Auckland or Christchurch. M23. Why does Wīremu want to stay in Wellington?

It’s awesome in summer, and his family, friends and heart are there.

M

24. What did Wīremu’s dad want to do when he was Wīremu’s age?

He didn’t know. M

25. How much in total will it cost for Wīremu’s fees and books for one year?

$6000 A

26. What was Wīremu’s response when his dad asked him who would pay for his fees and books?

He told his dad how much he loved him and his mum. He tried to butter them up.

M

27. What were the things Wīremu’s dad said Wīremu had to do to get him to pay the university fees?

Wash his parents’ cars every week, cook tea every night, sweep the house everyday, wash the windows every Saturday, and weed the garden.

M

28. What did Wīremu say he would do in the future?

Look after his parents when they’re old. A

Paetae 12 – 15 from any grade Kaiaka 16 - 23 Kairangi 24-28


Tēnā koutou. Ko Tokomaru te waka, ko Taranaki te maunga, ko Waikanae te awa, ko Te Āti Awa te iwi, ko Ōtaraoa te hapū, ko Whakarongotai te marae. Ko Pānia taku whaea, ko Tāwera taku matua. Ko Wīremu Paora tōku ingoa. Tekau mā ono ōku tau. Nō Waikanae au, engari kei Paekākāriki au e noho ana. Kei te Kāreti o Kāpiti au e kura ana.

He tino pai ki ahau te kura. E pēnei ana aku whakaaro mai i te wā ka tīmata au i te kura tuatahi. Kei te reanga tekau mā rua ahau i tēnei wā. I tērā tau i ekea e au te Kōeke Tuatahi o te Taumata Mātauranga ā-Motu kua Taea, arā te NCEA. Kotahi rau, e rima tekau ngā whiwhinga i riro i ahau. E toru tekau mā whā ngā waitohu Kairangi, e ono tekau mā ono ngā waitohu Kaiaka, ā, e rima tekau ngā waitohu Paetae. I te tino harikoa ōku mātua i te wā ka tae mai te reta i Te Mana Tohu Mātauranga. I te ahiahi i te rā o te taenga mai o te reta, ka haere mātou ki te wāhi kai o Te Tēpu o Te Kaihao Ika, nā te mea i pīrangi ōku mātua ki te whakanui i aku tutukitanga. I a mātou i reira, ka kī tōku whaea ki taku teina, “E Piki, me whai koe i te tauira o tō tuakana. Kia kaha hoki koe ki te mahi. E kīia ana, “Tama tū tama ora, tama noho tama mate”. Kāore taku teina e pai ki taua momo kōrero. Hei tāna, ko au anō ahau, ko ia anō ia. Kāore ia e pīrangi kia rite a ia ki ahau. He hiahia nōna ki te whai i tōna ake ara. He tino riri tōna āhua i te wā ka kōrero pēnā a Māmā. Ka kata au.

I muri i tā mātou hapa, ka hoki mātou ki te kāinga. I tō mātou taenga ki reira ka noho tahi mātou ki te tēpu o te kīhini inu maero ai. Ka pātai mai tōku pāpā. “ E Wī, kua whakaaro ake koe mō ō wawata me ō tūmanako mō ngā tau kei te heke mai?” “Āe,” ko tāku. “He aha ō wawata e tama?” ko tā taku pāpā.“I ahau e tamariki tonu ana i kite au i tētahi pirihimana e hopu ana i tētahi tāhae i te papa hokohoko o Coastlands. Ka whakaaro ake au i taua wā, he mahi pai rawa tērā. Engari ka tupu ana au, ka waimeha taua whakaaro, ā, ka tupu taku hiahia kia tū au hei tākuta, nā te mea he pai ki ahau ngā hōtaka pēnei i a Grey’s Anatomy, i a Private Practice me Te Tiriti o Hōterini. He pai ki ahau te koiora, me te āwhina hoki i te tangata. Ko te raru i tēnei wā, kāore au e pai ki te āhua o te toto. Ka kite au i te toto, ka ānini te māhunga, ā, ka tata hauaitu au. Heoi anō, e kīia ana, “Whāia te iti kahurangi, ki te tuohu koe me he maunga teitei.” Ehara taku mataku ki te toto i te maunga teitei, he puke hakahaka kē.

Kei te mōhio ahau, mehemea e pīrangi ana au kia tū au hei tākuta, me pukumahi tonu, me whai au i ngā tohutohu a ōku kaiako me ōku mātua, ā, me oti tika i a au aku mahi katoa. E pai ana te haere o aku mahi i te kura i tēnei wā, engari, me tino eke au ki te taumata kairangi i taku tau whakamutunga i te kura. Koia rā te taumata e hiahiatia ana kia uru ki te whare wānanga. Nā tōku hiahia kia eke ki tēnei taumata, kua whakatau au kia whakamutu i ētahi o ngā mahi pārekareka pēnei i te haere ki te pāti, i te mātakitaki pouaka whakaata me te tākaro pouaka X. He mea whakaware noa iho ērā. Ko te mahi nui māku i tēnei wā, ko te ako me te rangahau. E ai ki aku hoa he pōrangi rawa atu au, engari, he whakahirahira rawa atu tēnei whāinga ki ahau. Kia oti i a au tēnei whāinga te whakatutuki, ka whai wā ahau ki te mahi i ngā mahi pārekareka.

He maha ngā whare wānanga pai pērā i a Ōtākou, i Waikato me Tāmakimākaurau. Engari, hei tā taku pāpā, ko te mea pai rawa mō te mahi tākuta, ko te Whare Wānanga o Ōtākou, nā te mea, he pai ngā kaiako, he rawe ā rātou rauemi, he kaha hoki rātou ki te tautoko i ngā ākonga. E rua ngā mea e whakararu ana i ahau mō te haere ki Ōtepoti, arā he makariri rawa atu ngā takurua, ā, kāore au i te tino hiahia kia noho tawhiti atu au i tōku whānau. Heoi anō, mā te wā ka waia haere au ki ēnei āhuatanga, ā, ka pai taku noho ki reira. Heoi anō, nōku tonu te maringanui kei reira tētahi o aku whaea kēkē e noho ana, arā, te tuakana o taku māmā. Tēnā pea ka noho au ki tōna whare. Ki te kore, ka noho au ki tētahi o ngā whare o Te Whare Wānanga.

Kia riro i a au taku tohu tākuta, ka rapu mahi au i tētahi o ngā hōhipera nui. Ko te tūmanako, ka riro i a au tētahi tūranga ki te hōhipera o Te Whanganui-a-Tara. Kāore au i te tino hiahia whakawhiti atu ki tāwāhi mahi ai. Kāore hoki au i te tino hiahia kia haere au ki Tāmakimakaurau, ki Ōtautahi me ērā momo wāhi. Kei te rohe whānui o Te Whanganui-a-Tara taku whānau, ōku hoa me taku ngākau hoki. Ki ahau nei, kāore he wāhi i tua atu i Te Whanganui-a-Tara i te wā o te raumati.

Kātahi ka kī mai taku pāpā, “Ka mau te wehi Wīremu. Kua tino whakaaro koe mō ō wawata. Kei te mōhio hoki koe me pēhea te whakatutuki i aua wawata. I te wā tekau mā ono ōku tau, kīhai au i paku mōhio i te umanga pai māku. Engari koe! E tama, kua whiriwhiri kē koe i te umanga e pīrangi atu ana koe. Heoi, he pātai tāku, e hia te utu mō te tau kotahi?” “E rima mano tāra,” ko tāku. “E hia te utu mō āu pukapuka?”ko tā pāpā. “Kotahi mano tāra,” ko tāku. “Nā, e tama, mā wai aua mea e utu?” “Pāpā, e mōhio ana koe he nui taku aroha mō kōrua ko Māmā nē?” ko tāku. “Ooo nē rā e tama” ko tā Pāpā. “Ki tōku nei whakaaro, kāore he mātua i kō atu i a kōrua i te ao,” ko tāku. “Whakautua te pātai e tama,” ko tā pāpā. “Mā kōrua........ pea......... Pāpā?????”. “Nē rā??!! He whakaaro tōku e tama. Mehemea e pīrangi ana koe kia āwhina māua i a koe, me horoi koe i ō māua motokā ia wiki, me tunu koe i ā tātou kai ia pō, me tahitahi koe i te whare ia rā, me horoi koe i ngā matapihi ia Rāhoroi, me ngaki hoki koe i te māra,” ko tā pāpā. “Ooo, Pāpā! Mehemea ka mahi au i ērā mahi katoa, āhea au whai wā ai ki te whakaoti i aku mahi kura?” ko tāku. “Ha ha ha, he kōrero whakatara noa iho e tama. Āe, ka utu māua ko Māmā i ō akoranga me ō pukapuka mō te whare wānanga,” ko tā taku pāpā. “He pāpā pai koe. Kaua e māharahara, kia kaumātua haere kōrua, māku kōrua e tiaki, nā runga i tō kōrua kaha ki te tautoko i a au. Ha ha!” ko tāku. Kāore i roa i muri mai, kua ngēngē katoa mātou, ā, ka hoki mātou ki te moe. He kino te pai o ā mātou kōrero e pā ana ki aku wawata. E kīia ana, “Moemoeāhia te moemoeā, engari me whakatinana anō”. Tēnā koutou katoa.


Use the kupu in the table below to help you to write a korero about your hope, dreams and ambitions for the future. You may want to use some of the structures that you saw in the Story about Wīremu.

wawata dream mārena / moe marry mōkete mortgagetūmanako hope(s) noho live / stay utu pay formoemoeā dream mā te wā in time (one day) kia taea (ai) e au te… so i cantutuki achieve / complete eke reach eg eke ki te

taumata teitei o te mahi roia – reach a high level in law

tīkiti ticket

angitu success umanga career rītaia retirekaingākau enjoy kia tū hei to become a.. ā andtaumata level tangata whai rawa rich person waitohu creditkōeke level heoi anō however Paetae Achievedwhiwhi get, acquire noa iho just, mere – eg he

wawata noa iho tēnei – this is just a dream

Kaiaka Merit

riro be got, be acquired hei tā / e ai ki according to Kairangi Excellencewhakaoti complete ki ahau nei in my opinion me with /or/ and (joining

two things)pea maybe ki tōku nei whakaaro in my opinion / i

reckoni te taha o…. with, by eg i te taha

o aku hoa – with my friends

tāwāhi / rāwāhi overseas whakaae agree wāhi placekia when future

statement (not a question) kia mutu au = when i finish

tūtaki meet whai to have, possess eg ka whai moni au – I will have money

mutunga completion (noun) nā te mea because whai pursue = ka whai au i taku tohu paetahi – I will pursue my degree

Taumata Mātauranga ā-Motu kua Taea

NCEA engari but kāore he mea i tua atu i …..

there’s nothing better than

whare wānanga university kāore au e pīrangi i don’t want i ngā tau kei te heke mai

in the years to come

kura matatini / kuratini polytechnic e kore…e…. …won’t (eg e kore au e haere ki tāwāhi = i won’t go overseas

whiriwhiri choose

tohu paetahi undergraduate university degree

haere(nga) trip kāore anō….kia…. not yet (eg kāore anō au kia whiriwhiri – I haven’t yet chosen)

mahi ringarehe trade (work trade) mō for nō reira so / thereforehoko buy / sell huri noa around whakahirahira importanttētahi a / one ao world pūtea taurewa loanētahi some pārekareka fun mahi whakangahau leisure activitiesina when tino favourite / main(eg

ko tēnei taku tino hiahia – this is my main desire

tono borrow

mehemea / mēnā / pēnā

if maha / nui many hei utu to pay

ki te…. if ā muri atu i after….. eg ā muri atu i taku mahi i te whare wānanga

mīharo amazing

ki te kore if....don’t (eg ki te kore au e whiwhi i taku – if i don’t get my

pukumahi work hard pērā i / pēnei i such as (eg pērā i Uropi me Ingarangi – such as Europe and England

ka future will – ka haere au – i will

māngere lazy e kīia ana it is said (usually followed by a whakatauki)

hei te / ā te eg hei te mutunga / ā te mutunga = at the end

takaroa, takamuri procrastinate he moumou taima noa iho

it’s just a waste of time

hiahia want / need wini / toa win kāore au e pai ki te. I don’t likepīrangi want moni money he pai ki ahau te… I like

LANGUAGE STANDARD DESCRIPTORSAchievement Achievement with Merit Achievement with Excellence

Has met the basic requirements of the instruction.

Has fully met the requirements of the instructions.

Has fully met the requirements of the instructions with creativity.


Most vocabulary and language structures are generally used correctly.

Most vocabulary and language structures are used correctly.

A broad range of vocabulary and language structures are used correctly.

Most of the writing is relevant to the topic. Writing is relevant to the topic. Writing is highly relevant to the topic.

Ideas are logically ordered. Demonstrates breadth of ideas and uses language features.

Demonstrates breadth and depth of ideas, and uses advanced language features with flair and originality.



Some basic building blocks for remedial mahi

Kei te pīrangi au kia whiwhi au i tētahi______ = I want to get a_________________I want to get a car I want to get a playstationI want to get a catI want to get a TVI want to get a guitar

Kei te pīrangi au kia tū au hei______I want to be a __________I want to become a lawyerI want to become a singerI want to become an actorI want to become a teacherI want to become a dentist

Ina pakeke au, e pīrangi ana au ki te hararei ki _____ - When I grow up I want to holiday in________When I grow up I want to holiday in RarotongaWhen I grow up I want to holiday in ScotlandWhen I grow up I want to holiday in FranceWhen I grow up I want to holiday in AmericaWhen I grow up I want to holiday in Africa

Ā tōna wā, kei te pīrangi au ki te tūtaki i a – One day I want to meet_____One day I would like to meet Usher


One day I would like to meet SantaOne day I would like to meet your parentsOne day I would like to meet Tariana TuriaOne day I would like to meet Savage

Ā muri atu i taku tau whakamutunga i te kura, kei te pīrangi au ki te __________ After my last year at school I want to___________After my last year at school I want to go to uniAfter my last year at school I want to work in a shopAfter my last year at school I want to move to WellingtonAfter my last year at school I want to buy my own (tāku ake) businessAfter my last year at school I want to go to polytech

Ki te kore au e ________, ka______au – If I don’t _____ I will___________If I don’t go to uni I will work for a yearIf I don’t go to Rarotonga I will go to RussiaIf I don’t become a lawyer, I will become a doctorIf I don’t get a car I will get a boatIf I don’t get an interesting job I will go back to school


He āwhina anō

Whāinga – GoalsI ngā tau kei te heke mai – In the years to comeHe nui aku wawata – I have many dreamsPērā i te – Such asPolytech – Kura MatatiniWhare wānanga – UniversityHei oranga mō – …will have benefits for…….He nui ngā hua pai ka puta i te……..-There’s heaps of good outcomes that come from……….E kīia ana – It is saidKi ahau nei, he pārekareka tēnei momo mahi – In my opinion this type of work is fun. Kāore au e pai ki ngā mahi hōhā – I don’t like boring workNā te mea – BecauseNō reira – soKia taea (ai) e au te____ - So I can__________

Whakataukī you could use:Ko te pae tawhiti, whāia kia tata, ko te pae tata, whakamaua kia tīna - Continue seeking to bring distant horizons closer; consolidate what you have already achieved.

Whāia te iti kahurangi, ki te tuohu koe, me he maunga teitei. Pursue that which is important to you. If you bow down, let it be to a lofty mountain.

Kia moemoeā tātou, ka taea e tātou – If we can dream it, we can achieve it.

Tama tū tama ora, tama noho tama mate – The boy who stands (= is industrious, works hard) thrives, the boywho sits down (= is idle, lazy)does not.


Documents

· Web viewWash his parents’ cars every week, cook tea every night, sweep the house everyday, wash the windows every Saturday, and weed the garden. M 28. What did Wīremu say he